YAP Laçın rayon təşkilatı Heydər Əliyevin anadan olmasının 100 illiyi münasibətilə tədbir keçirib

Əlaqə

AZ RU EN

Ana səhifə / Arxiv / YAP Laçın rayon təşkilatı Heydər Əliyevin anadan olmasının 100 illiyi münasibətilə tədbir keçirib

YAP Laçın rayon təşkilatı Heydər Əliyevin anadan olmasının 100 illiyi münasibətilə tədbir keçirib

10.05.2023 [17:18]

YAP Laçın rayon təşkilatı Ulu öndər Heydər Əliyevin anadan olmasının 100 illiyi münasibətilə tədbir keçirib. Tədbirdə YAP Laçın rayon təşkilatının sədri İlqar İlyasov, Şərqi Zəngəzur Regional Təhsil İdarəsinin Laçın rayon təhsil sektorunun müdiri Nicat Həsənov, Laçın rayon Gənclər və İdman idarəsinin rəisi Natiq Mustafayev, ictimaiyyət nümayəndələri, YAP fəalları və yarış iştirakçıları iştirak etmişdir. İlk olaraq müasir, müstəqil Azərbaycan dövlətinin qurucusu, Ulu Öndər Heydər Əliyevin və torpaqlarımızın azadlığı uğrunda şəhidlik zirvəsinə ucalan Vətən oğullarının əziz xatirəsi bir dəqiqəlik sükutla yad edilib. Tədbiri giriş sözü ilə açan YAP Laçın rayon təşkilatının sədri İlqar İlyasov bildirib ki, Ümummilli Lider Heydər Əliyevin dövlətimiz və xalqımız qarşısında xidmətləri əvəzsizdir. Azərbaycan xalqı yeni əsrə və yeni minilliyə məhz Ümummilli Lider Heydər Əliyev zəkasının işığında qədəm qoymuşdur. Davamlı yüksəliş yolunda inamla irəliləyən müasir Azərbaycan dahi şəxsiyyətin həyat amalının təntənəsidir. Azərbaycanın hər bir uğuru Ulu Öndərin adı ilə bağlıdır. Möhkəm təməl davamlı uğurların əsasıdır. Ümummilli Liderin düşünülmüş və məqsədyönlü siyasəti nəticəsində Azərbaycanın bu günü və gələcəyi üçün möhkəm təməl yaradılıb. Dahi şəxsiyyət hakimiyyətinin hər iki dövründə azərbaycançılıq ideologiyasının inkişaf etdirilməsini, təbliğini fəaliyyətinin önündə saxlayıb. İlqar İlyasov qeyd edib ki, Ulu Öndər Heydər Əliyev hələ hakimiyyətinin birinci dövründə Azərbaycanın müstəqil gələcəyini düşünərək biri-birindən əhəmiyyətli addımlar atmışdır. Ümummilli Liderin xalqın yaradıcılıq enerjisini bir məqsədə yönəltməklə tarixi yaddaşın bərpası istiqamətindә atdığı qətiyyətli addımlar o dövrdə milli ruhun canlanmasına xidmət göstərmiş, özünüdərki və soy-kökə qayıdışı təmin etmiş, müstəqil dövlət quruculuğuna aparan yolun təməl daşına çevrilmişdir. Ümummilli Lider Heydər Əliyev hər zaman öz doğma xalqına güvənirdi. Vətənə, torpağa bağlılığını atdığı addımları ilə təsdiqləyən Ulu Öndərin “Mən fəxr edirəm ki, mən azərbaycanlıyam” çağırışı harada yaşamasından asılı olmayaraq bütün dünya azərbaycanlılarının həyat amalına çevrilib. Tədbirdə Azərbaycan Respublikası Prezidenti İlham Əliyevin 2022-ci il 8 noyabr tarixli 3623 nömrəli Sərəncamı ilə təsdiq edilmiş “Azərbaycan Respublikasında 2023-cü ilin “Heydər Əliyev İli” elan edilməsi ilə əlaqədar olaraq Yeni Azərbaycan Partiyası Laçın rayon təşkilatının təşkilatçılığı ilə Şərqi Zəngəzur Regional Təhsil İdarəsinin Laçın rayon təhsil sektoru, Laçın rayon Gənclər və İdman idarəsi və Laçın rayonu üzrə mədəniyyət müəssisələrinin birgə iştirakı ilə Ulu Öndər Heydər Əliyevin anadan olmasının 100 illiyinə həsr olunmuş "Heydər Əliyev və Azərbaycançılıq ideologiyası" mövzusunda keçirilən ümumrayon müsabiqəsinin inşa yazı, mini futbol və voleybol nominasiyalarının qalibləri mükafatlandırıldı. Sonra partiyaya qəbul olunmuş yeni üzvlərin vəsiqələri təqdim edildi.

Paylaş:

Baxılıb: 258 dəfə