Heydər Əliyev
yeni azerbaycan logo

Ana səhifə / Arxiv / 9-cu səfər...

9-cu səfər...

01.06.2022 [10:04]

Xarici diplomatlar Kəlbəcərdə

Nicat PAŞA

İşğaldan azad edilmiş ərazilərdə aparılan yüksək səviyyəli abadlıq-quruculuq işləri bir çox qabaqcıl dünya ölkələrinin, beynəlxalq nümayəndəliklərin diqqət mərkəzindədir. Vətən müharibəsində əldə etdiyimiz parlaq qələbədən dərhal sonra start götürən bərpa-quruculuq prosesini yaxından izləmək, bununla bərabər 30 ildir erməni işğalçıları tərəfindən talan edilən torpaqlarımızda mənfur qonşularımızın törətdiyi vandalizm aktlarını bütün dünya görür. Proseslə yaxından tanış olmaq üçün həmin ərazilərə mütəmadi olaraq səfərlər təşkil olunur. Belə səfərlərdən biri də ötən gün baş tutub. Belə ki, mayın 31-i Azərbaycanda akkreditə olunmuş diplomatik korpus nümayəndələri Kəlbəcər rayonuna səfər ediblər.

Səfərin məqsədi diplomatları Ermənistanın Azərbaycan ərazilərini işğal altında saxladığı dövrdə törədilmiş vandalizm aktları barədə məlumatlandırmaqdır.

Səfərdə 50-dən çox ölkə və 10 beynəlxalq təşkilatı təmsil edən 80-dən çox diplomat və hərbi attaşe iştirak edir.

Xatırladaq ki, Kəlbəcərə səfər Azərbaycanda akkreditə olunmuş diplomatik korpus nümayəndələrinin işğaldan azad edilmiş ərazilərə sayca 9-cu səfəridir.

Səfər zamanı diplomatik korpus nümayəndələri öz təəssüratlarını bölüşüblər. “Kəlbəcər gözəl, dağ turizminin inkişafı baxımından perspektivli məkandır”. Bu fikirləri mətbuata açıqlamasında Ukraynanın Azərbaycandakı səfiri Vladislav Kanevski Kəlbəcər rayonuna səfəri zamanı bildirib.

“Ötən il Ağdamda işlərin necə sürətlə görüldüyünün şahidi olmuşduq. Burada da işlərin necə aparıldığını gördükdən sonra aydın olur ki, tezliklə Kəlbəcər bərpa ediləcək”, - səfir deyib.

İşğaldan azad edilmiş ərazilərimizə xarici diplomatların səfərlərinin önəmindən danışan Milli Məclisin deputatı Azər Badamov deyir ki, işğaldan azad edilmiş ərazilərimiz beynəlxalq ictimaiyyətin diqqətindədir: “Bu ərazilərə səfər edib vəziyyətin yerindəcə şahidi olmaq istəyənlər çoxdur. İşğaldan azad olunmuş ərazilər bu gün sanki bir tikinti meydançasıdır. Bütün yolboyu hər yerdə tikinti işləri davam etdirilir. Bir tərəfdən ərazilərin minalardan təmizlənməsi işləri paralel olaraq sürətlə, digər tərəfdən isə yaşayış məntəqələri yenidən qurulur və bərpa olunur. Səfər edən nümayəndələr həm ermənilərin məhv etdikləri şəhərlərimizi, həm də azərbaycanlıların qısa zaman kəsiyində icra etdikləri işləri görürlər. Bu mənzərəni görən hər bir şəxsdə həmin ərazilərin kimə məxsus olması ilə bağlı tam fikir formalaşıb. Yəni işğalçı dağıdır və talan edir, əsl sahibləri isə yaradır və yenidən ruh qaytarır”.

“Elə buna görə də belə səfərlərin təşkil edilməsi olduqca əhəmiyyətlidir. Əminəm ki, bundan sonra da xarici nümayəndələrin işğaldan azad edilmiş ərazilərimizə səfərlərinin sayı artacaq və bu, ənənəyə çevriləcək”, - deyə A. Badamov fikirlərinə əlavə edib.

Paylaş:
Baxılıb: 158 dəfə
Multi-media

Xəbər lenti

Hamısına bax

Xəbər lenti

Xəbər lenti

Xəbər lenti

Xəbər lenti

Dünya

Ədəbiyyat

Ədəbiyyat

Sosial

Siyasət

Xəbər lenti

Karantin qayıdacaq?

11 Avqust 10:19

İqtisadiyyat

Prezident bu gün

Prezident bu gün

11 Avqust 10:09

İqtisadiyyat

Xəbər lenti

Xəbər lenti

Xarici siyasət

Prezident bu gün

Prezident bu gün

10 Avqust 10:25

Siyasət

Azərbaycan vaxt qoydu

10 Avqust 10:17

Arxiv
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31