Ana səhifə »  YAP xəbərləri »  Yeni Azərbaycan Partiyası Azərbaycanın ən güclü və əzəmətli siyasi təşkilatı kimi özünü təsdiq edib
A+   Yenilə  A-
Yeni Azərbaycan Partiyası Azərbaycanın ən güclü və əzəmətli siyasi təşkilatı kimi özünü təsdiq edib

Yeni Azərbaycan Partiyasının yaradılmasının 26-cı ildönümü münasibətilə toplantı keçirilib
Noyabrın 21-də Yeni Azərbaycan Partiyasının (YAP) mərkəzi qərargahında partiyanın yaradılmasının 26-cı ildönümü münasibətilə tədbir keçirilib. Əvvəlcə tədbir iştirakçıları Fəxri xiyabana gələrək YAP-ın qurucusu, xalqımızın Ümummilli lideri, müasir müstəqil dövlətimizin memarı və qurucusu Heydər Əliyevin əziz xatirəsini ehtiramla yad edib, məzarı önünə əklil qoyublar.
Görkəmli oftalmoloq alim, akademik Zərifə xanım Əliyevanın da xatirəsi ehtiramla anılıb, məzarı üzərinə tər çiçəklər düzülüb.
Tədbirdə çıxış edən Azərbaycan Respublikası Baş nazirinin müavini, YAP Sədrinin müavini - İcra katibi Əli Əhmədov YAP-ın yaranma tarixi, keçdiyi şərəfli yol və qazandığı möhtəşəm nailiyyətlər haqqında danışıb. Əli Əhmədov bildirib ki, Yeni Azərbaycan Partiyasının yaranması, keçdiyi şərəfli tarixi yol Azərbaycan tarixinin ən önəmli hadisələri sırasındadır. Əli Əhmədov qeyd edib ki, YAP nəinki təkcə Azərbaycan tarixində, yəqin ki, müasir dünyada ən uğurlu siyasi təşkilatlardan biri hesab oluna bilər. Onun sözlərinə görə, bu, ilk növbədə YAP-ın yarandığı vaxtdan bu günədək xalqa xidmət etməsi ilə əlaqədardır: “Eyni zamanda, Azərbaycan xalqının öz taleyini YAP və onun liderləri ilə bağlamasının 26 illik təcrübəsi əsasında deyə bilərik ki, xalqımız YAP-ın siyasətindən tamamilə məmnundur. 26 il ərzində YAP-ın və onun liderlərinin ölkəmizə rəhbərlik etməsi Azərbaycan tarixinin ən parlaq səhifələrini təşkil edir. Bu illər ərzində Azərbaycan qarşısında duran bütün əzəmətli vəzifələri yerinə yetirib. Ölkəmiz simasını kökündən dəyişib, Azərbaycan dünyada, o cümlədən regionda mövqeyini əhəmiyyətli dərəcədə möhkəmləndirib, beynəlxalq miqyasda nüfuzu artıb. Bu gün dünyada Azərbaycan hörmətlə adı çəkilən ölkələr sırasındadır. Bu nailiyyətlərin əldə edilməsi bilavasitə YAP-ın liderlərinin müəyyənləşdirdiyi siyasətin nəticəsidir”.
Yeni Azərbaycan Partiyasının yaranma səbəblərini və həmin dövrün ictimai-siyasi xarakterini təhlil edən Əli Əhmədov vurğulayıb ki, Azərbaycan 1990-cı illərin əvvəllərində uçurum qarşısında idi. Belə bir vəziyyətdə Azərbaycanın xilası yolunu Ümummilli lider Heydər Əliyevin yenidən hakimiyyətə qayıdışında görən ziyalılar Ulu öndərin rəhbərliyi ilə Yeni Azərbaycan Partiyasının yaranması təşəbbüsünü irəli sürdülər. Heydər Əliyevin yenidən hakimiyyətə qayıdışı Azərbaycanı məhv olmaq təhlükəsindən xilas etdi.
Bildirilib ki, Heydər Əliyev siyasətinin Azərbaycan Prezidenti İlham Əliyev tərəfindən layiqincə davam etdirilməsi YAP-ın sonrakı inkişafını şərtləndirən əsas amil olub. YAP-ın əldə etdiyi qələbələr Prezident İlham Əliyevin həyata keçirdiyi siyasətlə və bu siyasətə vətəndaşlarımızın münasibətinin yüksək olması ilə bilavasitə əlaqədardır.
“Yeni Azərbaycan Partiyası Azərbaycanın ən güclü və əzəmətli siyasi təşkilatı kimi özünü təsdiq edib. Bu gün YAP-ın sıralarında 725 min Azərbaycan vətəndaşı birləşib. Bu, möhtəşəm bir siyasi ordu deməkdir”, - deyən Əli Əhmədov bildirib ki, səsvermə hüququ olan vətəndaşların təxminən 10 nəfərdən biri partiyamızın üzvüdür. Onun fikrincə, bu, böyük siyasi qüvvədir: “YAP sıralarında bu qədər insanın birləşməsi və onun siyasətində yaxından iştirak etməsi vətəndaşlarımızın mütləq əksəriyyətinin Heydər Əliyev ideyalarına dərin inamı, eyni zamanda, Prezident İlham Əliyevin siyasətinə inamın ifadəsidir. Əgər vətəndaşların qəlbindən gələn bu istək olmasaydı, YAP sıralarında 725 min nəfərin cəmləşməsi mümkün olmazdı”.
YAP-ın Azərbaycandakı siyasi ab-havanı müəyyənləşdirdiyini deyən Əli Əhmədov qeyd edib ki, ölkəmizdə hər hansı siyasi hadisə YAP-ın iradəsindən kənarda mövcud ola bilməz. “Bu mənada, YAP-ın mövcudluğu Azərbaycandakı sabitliyin və əmin-amanlığın təməl prinsiplərindən birini təşkil edir. İnanırıq ki, YAP-ın şərəfli tarixi uzun illər davam edəcək və bu tarixə yeni-yeni şanlı səhifələr yazılacaq. Uzun illər Azərbaycan vətəndaşları YAP iqtidarının faydasını görəcək və onun siyasətinə xidmət edəcək. Azərbaycan vətəndaşları ötən 26 ilin təcrübəsi əsasında qəti əmin olublar ki, YAP-ın mövcudluğu, onun liderinin Azərbaycana rəhbərlik etməsi əmin-amanlıq, sabitlik, inkişaf, tərəqqi, insanların rifahının yüksəlməsi, milli maraqların qorunması, ölkəmizin beynəlxalq müstəvidə nüfuzunun artması, müasirləşməsi, yeniləşməsi deməkdir. YAP-ın tarixi keçmişi nə qədər əzəmətli və möhtəşəmdirsə, gələcəyinin daha da parlaq olacağına əminliklə inanırıq. YAP-ın sıralarında birləşən əzəmətli siyasi güc bu inamı reallığa çevirəcək”, - deyə YAP Sədrinin müavini vurğulayıb.
Sonra çıxış edən Baş nazirin müavini, YAP İdarə Heyətinin üzvü Hacıbala Abutalıbov partiyamızın yaranması dövrünə nəzər salaraq o zamanlar xalqımızın çox çətin sınaqlarla üz-üzə qaldığını xatırladıb. Onun sözlərinə görə, məhz belə bir vaxtda Azərbaycanın gələcəyini düşünən ziyalılar Ümummilli lider Heydər Əliyevə müraciət etdilər. YAP-ın yaranmasından qısa müddət sonra Ulu öndər Heydər Əliyevin xalqın tələbi ilə hakimiyyətə qayıtdığını deyən natiq Ümummilli liderimizin Azərbaycanı bütün təhlükələrdən xilas etdiyini söyləyib.
H.Abutalıbov qeyd edib ki, Ulu öndər ölkədə ictimai-siyasi sabitliyi təmin etdikdən sonra Azərbaycanın inkişaf strategiyasını müəyyənləşdirdi. Onun sözlərinə görə, Ulu öndər Heydər Əliyevin müəyyənləşdirdiyi siyasət bu gün partiyamızın Sədri, ölkə Prezidenti İlham Əliyev tərəfindən uğurla davam etdirilir. Bu siyasət nəticəsində Azərbaycan dünyanın nüfuzlu ölkələri sırasındadır: “Ulu öndər Heydər Əliyevin dövlətçilik siyasətinə xas olan xüsusiyyətləri Prezident İlham Əliyev Öz əməli fəaliyyətində yüksək peşəkarlıqla həyata keçirir”.
O deyib ki, müstəqil dövlətimizin başçısı İlham Əliyev ölkə iqtisadiyyatının tərəqqisinə xidmət edən sosial-iqtisadi proqramların gerçəkləşməsi ilə yanaşı, milli mənəviyyatımızın təməl sütunlarından sayılan mədəniyyət siyasətinin hərtərəfli inkişafına da mühüm əhəmiyyət verir.
H.Abutalıbov əlavə edib ki, böyük xilaskar Heydər Əliyevin Azərbaycan üçün gördüyü işlərdən biri ölkəmizi əbədiyaşar məkana çevirmək məqsədi ilə Şərq dövlətçilik ənənələrinə xas olan şəkildə Öz siyasi məktəbini yaratması olub: “O, bu siyasi məktəbin ən parlaq, layiqli nümayəndəsi İlham Əliyevi müasir Azərbaycanın bugünkü və gələcək inkişafı naminə hazırlayaraq siyasi arenaya çıxara bilib”.
Güclü azərbaycançılıq ideologiyasının əsasının Ulu öndər Heydər Əliyev tərəfindən qoyulduğunu deyən Baş nazirin müavini bildirib ki, ölkəmiz Azərbaycanın yeni lideri, respublikamızın Prezidenti İlham Əliyevə həvalə olunduqdan sonra O, qısa zaman kəsiyində, yüksələn xətt üzrə ictimai həyatımızın bütün sahələrini əhatə edən uğurlu və məqsədyönlü islahatlar həyata keçirib: “Prezident İlham Əliyev müasir Azərbaycanda baş verən modernləşmə proseslərini düzgün məcraya yönəldərək yeni innovasiya və informasiya texnologiyalarının tətbiqi prosesinin daxili və qlobal mühitin tələblərinə uyğun səviyyədə gerçəkləşməsinə münbit şərait yaradıb”.
H.Abutalıbov həmçinin Azərbaycanın inkişafı prosesində respublikamızın Birinci vitse-prezidenti Mehriban xanım Əliyevanın fəaliyyətini xüsusi vurğulayıb.
Milli Məclisin sədr müavini, YAP İdarə Heyətinin üzvü Bahar Muradova da çıxışında Yeni Azərbaycan Partiyasının ötən 26 il ərzində keçdiyi şərəfli yol, cəmiyyətdəki mövqeyi və qazandığı uğurlar barədə fikirlərini bildirib. YAP-ın yaranmasının çətin dövrə təsadüf etdiyini deyən B.Muradova o dövrdə partiyanın yaradılması uğrunda mübarizə aparan insanların fədakarlığını xüsusilə qeyd edib: “O dövrdə fəaliyyət göstərən siyasi qüvvələr, o cümlədən hakimiyyət üzərinə düşən vəzifələri yerinə yetirə bilmədilər. Onlar ölkəni və xalqı çox təhlükəli vəziyyətlə üz-üzə qoydular. Yeganə siyasi qüvvə Yeni Azərbaycan Partiyası oldu ki, xalqın arzu və istəklərini həyata keçirdi. Xalqın gələcəyini düşünən insanlar, 91 ziyalı cəmiyyətin mövqeyini ifadə edərək Yeni Azərbaycan Partiyasını yaratmaq üçün Ümummilli liderimiz Heydər Əliyevə müraciət etdilər. Onlar bu amilin ölkənin xilası üçün çox mühüm olduğuna Ulu öndərimizi inandıra bildilər və nəticə etibarilə 1992-ci ilin noyabr ayında YAP təsis olundu. Ona görə də xalqımız Ulu öndər Heydər Əliyevin həmin qərarını hər zaman minnətdarlıqla xatırlayır. Eyni zamanda, biz partiya veteranlarının cəsarətli, fədakar fəaliyyətini yüksək qiymətləndiririk. Çünki onlar insanları məhz bugünkü güclü Azərbaycan naminə səfərbər etməyi bacardılar”.
YAP İdarə Heyətinin üzvü qeyd edib ki, 26 il əvvəl təsis olunmuş partiyamız bu gün dünyanın, regionun tanınmış siyasi güc mərkəzi və Cənubi Qafqaz regionunda yerləşən ölkələr içərisində yaranan siyasi partiyalar arasında ən uzunömürlü və ən çox iqtidarda olan siyasi partiyadır. Onun sözlərinə görə, 1993-cü ildə hakimiyyətə qayıdan Ulu öndər Heydər Əliyev qısa müddət ərzində ictimai-siyasi sabitliyi bərpa edərək ölkəmizi inkişaf yoluna çıxardı. Onun sözlərinə görə, hazırda Heydər Əliyev siyasətini uğurla davam etdirən partiyamızın Sədri, ölkə Prezidenti İlham Əliyev Azərbaycanı daha parlaq gələcəyə aparır. Respublikamızın Birinci vitse-prezidenti Mehriban Əliyevanın səmərəli fəaliyyətindən də danışan vitse-spiker həmçinin qeyd edib ki, Mehriban xanım Əliyevanın çoxşaxəli fəaliyyəti, onun Azərbaycanın beynəlxalq müstəvidə nüfuzunun daha da yüksəlməsi istiqamətindəki səyləri bu prosesdə Azərbaycan qadınlarının təmsilçiliyi kimi də qəbul olunmalıdır.
B.Muradova, eyni zamanda, müxtəlif zamanlarda ölkəmizdə sabitliyi pozmaq cəhdlərinin olduğunu və bu təxribatların qarşısının alınmasında YAP üzvlərinin öndə dayandığını bildirib: “Ötən illər ərzində Azərbaycan əhəmiyyətli dərəcədə güclənib, dünyada nüfuzu artıb. Azərbaycanın güclənməsinə baxmayaraq, onun güclü olmasını istəməyən qüvvələr də boş dayanmırlar, yeni planlar qururlar. Təəssüf ki, həmin qüvvələrin arasında xaricdə yaşayan həmvətənlərimiz də var. Onların məqsədi ölkəmizdə sabitliyi pozmaqdır. Biz bu məsələyə ciddi diqqət yetirməliyik və həmişəki kimi onların qarşısında durmalıyıq”.
“Ölkəmizin qazandığı uğurlarda Yeni Azərbaycan Partiyasının üzvlərinin özünəməxsus rolu var. Partiyamızın üzvləri seçkili orqanlarda, hakimiyyətin müxtəlif qollarında, o cümlədən parlamentdə dövlət siyasətinə dəstək olurlar. Onlar bu gün görülən bütün qlobal işlərə öz töhfələrini verirlər”, - deyən B.Muradova onu da qeyd edib ki, bu gün YAP-ın təşkilati strukturları, insani resursları mütəşəkkil qaydada fəaliyyət göstərir. Onun sözlərinə görə, partiyanın Qadınlar Şurası və Gənclər Birliyi də uğurla çalışırlar: “Partiyamızın qadınlar və gənclər qolu ölkəmizdə müxtəlif layihələr həyata keçirməklə ayrı-ayrı ölkələrin siyasi təşkilatları ilə də əməkdaşlıq edirlər. Bütövlükdə, partiyamızın özünün beynəlxalq fəaliyyəti xüsusilə təqdirəlayiqdir. YAP regionun yeganə siyasi təşkilatıdır ki, Avropa, Asiya, Amerika qitələrində fəaliyyət göstərən siyasi təşkilatlarla qarşılıqlı tərəfdaşlıq əlaqələri qurub. Eləcə də böyük ölkələrin nüfuzlu partiyaları ilə münasibətlər mövcuddur. Bu münasibətlər partiyalar səviyyəsində dövlətlərarası əməkdaşlığa töhfələr verir. Hesab edirəm ki, bu fəaliyyət region ölkələrinin siyasi təşkilatları üçün nümunədir. Əgər 26 yaşı olan bir partiya 25 il iqtidardadırsa və xalqın mütləq əksəriyyəti onun siyasətini dəstəkləyirsə, bu, həmin ölkəyə yalnız uğur, rifah və çiçəklənmə gətirir. Bu illər ərzində əldə etdiyimiz ən böyük nailiyyətlər sırasında üç amili qeyd etmək istəyirəm. Birincisi müstəqilliyimizdir ki, müstəqillik hər bir xalqın əvəzsiz sərvətidir. İkincisi Heydər Əliyev irsidir. Heydər Əliyev irsi bizim üçün bitməz-tükənməz enerji mənbəyidir və uğurlarımızın əsasını təşkil edir. Üçüncü amil isə Yeni Azərbaycan Partiyasıdır. Partiyamızda yüz minlərlə insan vahid amal uğrunda birləşib. Bu üç amil bizim üçün həm güc mərkəzi, həm davamlı, dayanıqlı istinadgah, həm də uğrunda mübarizə apardığımız hədəflərdir”.
Sonra çıxış edən YAP-ın gənc üzvü Mehman Musayev Heydər Əliyev irsinin Azərbaycan gəncliyi üçün böyük məktəb olduğunu vurğulayıb. Ölkəmizdə uğurlu gənclər siyasətinin həyata keçirildiyini deyən M.Musayev bu siyasətdən bütün gənclərin bəhrələndiyini diqqətə çatdırıb. Onun sözlərinə görə, bu gün Prezident İlham Əliyev gəncliyin inkişafına xüsusi diqqət yetirir: “Eyni zamanda, Yeni Azərbaycan Partiyası gənclərin öz bilik və bacarıqlarını artırmaq və ifadə etmək üçün geniş imkanlar yaradıb. Məhz buna görədir ki, ölkəmizin sağlam ruhlu gəncləri özlərinin gələcək siyasi talelərini YAP-la bağlayırlar”.
Tədbirə yekun vuran Baş nazirin müavini, YAP Sədrinin müavini Əli Əhmədov Yeni Azərbaycan Partiyasının gələcəkdə daha böyük uğurlar qazanacağına əminliyini ifadə edib.

 
  • Oxunub:  5730  |  
  • Tarix:  22-11-2018  |  
  •    Çap et   |  
Get Adobe Flash player
Azərbaycan özünün sənaye potensialını daha da gücləndirir

20 Fevral 20:53
Birləşmiş Krallığın Kosmik Agentliyi ilə “Azərkosmos”un əməkdaşlığının perspektivləri müzakirə olunub
20 Fevral 20:51
Azərbaycan nümayəndə heyəti Ümumdünya Radiorabitə Konfransına hazırlıq iclasında iştirak edir
20 Fevral 20:48
Xəzər dənizi məsələləri üzrə Yüksək Səviyyəli İşçi Qrupunun birinci iclasının kommünikesi qəbul edilib
20 Fevral 20:46
Heydər Əliyev adına Azərbaycan Ali Hərbi Məktəbində görüş keçirilib
20 Fevral 20:44
31-ci Beynəlxalq İnformatika Olimpiadasının yerli və beynəlxalq təşkilat komitələrinin birgə iclası keçirilib
20 Fevral 20:41
Avrokomissar: Azərbaycan qazının yaxın gələcəkdə Avropa İttifaqına çatmasını səbirsizliklə gözləyirik
20 Fevral 20:40
Xocalı soyqırımı qurbanlarının xatirəsi dünyanın bir çox ölkəsində yad ediləcək
20 Fevral 20:37
“Xocalı: Şahidlər danışır” kitabının təqdimatı olub
20 Fevral 20:35
Günter Ottinger: Cənub Qaz Dəhlizi kimi iddialı infrastruktur layihələri çox deyil
20 Fevral 20:32
Beynəlxalq Multikulturalizm Qış Məktəbinin iştirakçılarına Azərbaycandakı tolerant mühit barədə məlumat verilib
20 Fevral 20:29
Azərbaycan daxili işlər nazirinin başçılıq etdiyi nümayəndə heyəti Türkiyədə səfərdədir
20 Fevral 20:28
Brüsseldə ümumavropa Qarabağ mitinqi keçiriləcək
20 Fevral 20:17
Azərbaycan ilə Aİ arasında siyasi və təhlükəsizlik məsələləri üzrə danışıqların növbəti raundu keçirilib
20 Fevral 20:12
Cənub Qaz Dəhlizi Məşvərət Şurası çərçivəsində nazirlərin beşinci toplantısının yekununa dair “Birgə Bəyannamə” imzalanıb
20 Fevral 20:10
Milli Məclisin deputatı Moldovada keçiriləcək parlament seçkilərini müşahidə edəcək
20 Fevral 18:02
Beynəlxalq Multikulturalizm Qış Məktəbinin iştirakçıları Ermənistanın təcavüzkar siyasəti barədə məlumatlandırılıb
20 Fevral 17:51
Nəsimi rayonunda əhalinin icbari tibbi müayinəsi aparılır
20 Fevral 17:47
Ankarada Azərbaycan və Türkiyənin Təhsil nazirlikləri arasında əməkdaşlığın mövcud vəziyyəti yüksək dəyərləndirilib
20 Fevral 17:37
Milli Məclisdə “Könüllülər Parlamenti – Azərbaycan, 2019”un iştirakçıları ilə daha bir görüş keçirilib
20 Fevral 17:35
YAP Yasamal rayon təşkilatının yaradılmasının 26-cı ildönümünə həsr edilmiş tədbir keçirilib
20 Fevral 17:28
Hadi Rəcəbli: Prezident İlham Əliyev vətəndaşların rifahının daha da yüksəlməsi üçün davamlı olaraq mühüm qərarlar qəbul edir
20 Fevral 17:24
Avstraliya Azərbaycan ilə əməkdaşlığın genişləndirilməsində maraqlıdır
20 Fevral 17:20
Hərbi attaşelər Müdafiə Sənayesi Nazirliyinin müəssisələrini ziyarət ediblər
20 Fevral 17:13
Prezident: Enerji resursları və gəlirlərindən düzgün istifadə sayəsində əhalinin yaşayış səviyyəsini qaldırmağa nail olmuşuq
20 Fevral 17:10
Pərviz Şahbazov: Cənub Qaz Dəhlizinə digər ölkələrin də marağı artır
20 Fevral 16:30
Prezident İlham Əliyev: Azərbaycanın regiondakı rolu artmaqdadır
20 Fevral 16:19
Azərbaycan Prezidenti: Maraqların balansı Cənub Qaz Dəhlizi layihəsinin uğurunu şərtləndirir
20 Fevral 16:11
Günter Ottinger: Cənub Qaz Dəhlizi ilə Avropaya təbii qaz nəqlinin həcmi növbəti illərdə artırıla bilər
20 Fevral 16:09
Ziyad Səmədzadə: Əmanətlərin tam sığortalanmasının daha bir il müddətinə uzadılması banklara inamı artıracaq
20 Fevral 16:03
Prezident: Azərbaycanın uğurlu enerji inkişafı bizə özümüzü dünyaya etibarlı ölkə, etibarlı tərəfdaş kimi təqdim etməyə imkan verib
20 Fevral 16:00
Elçin Mirzəbəyli: Dövlətimizin başçısının bu Fərmanından sonra mənzil sahibləri bir daha sənəd problemi ilə üzləşməyəcəklər
20 Fevral 15:55
Prezident İlham Əliyev: Bu gün Azərbaycan Avrasiyanın nəqliyyat mərkəzinə çevrilir
20 Fevral 15:49
Azərbaycan Prezidenti: Enerji təhlükəsizliyi hər bir dövlətin milli təhlükəsizliyinin ayrılmaz hissəsidir
20 Fevral 15:46
Vüqar Rəhimzadə: Prezidentin yeni Fərmanı insan, vətəndaş amilinə verilən böyük dəyərdir
20 Fevral 15:08
Prezident: Bizim enerji sahəsinin xronologiyasına nəzər salsaq görərik ki, tədricən məqsədimizə çatmışıq
20 Fevral 14:46
Sahibə Qafarova: Təhsil sahəsində həyata keçirilən məqsədyönlü siyasət nəticəsində bu sahədə çox böyük nailiyyətlər müşahidə olunmaqdadır
20 Fevral 14:37
Prezident İlham Əliyev: Cənub Qaz Dəhlizi ümumi marağımızı əks etdirən və qarşılıqlı surətdə əhəmiyyətli layihədir
20 Fevral 14:32
Siyavuş Novruzov: “Azərbaycan hökumətinin atdığı addımlar müxalifəti əndişələndirir”
20 Fevral 14:23
Prezident İlham Əliyevin Dünya Bankının Cənubi Qafqaz üzrə regional direktoru ilə görüşü olub
20 Fevral 14:22
Yeni subartezian quyuları vasitəsilə Ağcabədidə 480 hektar əkin sahəsi suvarılacaq
20 Fevral 14:16
Nazirlər Kabinetində keçirilən görüşdə Azərbaycan-Türkiyə münasibətlərinin inkişafından danışılıb
20 Fevral 14:12
Prezident İlham Əliyev Avropa İnvestisiya Bankının vitse-prezidenti ilə görüşüb
20 Fevral 14:10
Şərqşünaslıq İnstitutunda Xocalı soyqırımı ilə bağlı ərəb və fars dillərində yeni nəşrlər çapdan çıxıb
20 Fevral 14:01
Hərbi Hava Qüvvələrinin döyüş atışlı taktiki-xüsusi təlimləri başlayıb
20 Fevral 12:53
Prezident İlham Əliyevin İtaliyanın iqtisadi inkişaf nazirinin müavini ilə görüşü olub
20 Fevral 12:49
SOCAR prezidenti: Azərbaycan son 2 ildə hasilatı artırıb
20 Fevral 12:42
Prezident İlham Əliyev ABŞ Dövlət katibinin enerji diplomatiyası üzrə müavininin müşaviri ilə görüşüb
20 Fevral 12:34
Prezident İlham Əliyevin Türkiyənin energetika və təbii sərvətlər naziri ilə görüşü olub
20 Fevral 12:32
Horadizdə “Ana Vətən” adlı konsert proqramı keçirilib
20 Fevral 12:24
Bakıda Cənub Qaz Dəhlizi Məşvərət Şurası çərçivəsində nazirlərin beşinci toplantısı işə başlayıb
20 Fevral 12:21
Bu günədək Azərbaycanın dəniz yataqlarından 1,067 milyard ton neft çıxarılıb
20 Fevral 12:11
Sədaqət Vəliyeva: Minimum əmək pensiyasının artırılması dövlətimizin uğurlu sosial siyasətinin əyani təzahürüdür
20 Fevral 11:52
Prezident İlham Əliyev Avropa Komissiyasının büdcə və insan resursları üzrə komissarı ilə görüşüb
20 Fevral 11:36
Bahar Muradova: ATƏT PA-nın qış sessiyasında Dağlıq Qarabağ münaqişəsi ilə bağlı fikirlər səsləndiriləcək
20 Fevral 11:28
Rayonlar üzrə IX sinif şagirdləri üçün buraxılış imtahanın birinci mərhələsi mart ayında keçiriləcək
20 Fevral 11:09
Tusi-Bohm Planetariumda “Elm günü”nə həsr olunmuş “Açıq qapı” təşkil edildi
20 Fevral 10:48
Daşkənddə ölkəmizin turizm imkanlarından danışılıb
20 Fevral 10:23
Kənd Təsərrüfatı Nazirliyində taxılçılığın inkişafına həsr olunmuş növbəti müşavirə keçirilib
20 Fevral 10:11
Azərbaycan özünün sənaye potensialını daha da gücləndirir
20 Fevral 10:10
Prezident İlham Əliyev növbəti dəfə on minlərlə ailəni sevindirdi
20 Fevral 10:09
Milli Məclisin növbəti iclası keçirilib
20 Fevral 10:07
Moskvada azərbaycanlılar və çeçenlər arasında məişət zəminində baş vermiş insident iki xalqın dostluq münasibətlərinə zərər vura bilməz
20 Fevral 10:04
Xocalı soyqırımı bəşəriyyətə qarşı törədilən cinayətdir...
20 Fevral 10:03
Ötən il Yevlaxda tikinti-quruculuq işləri davam etdirilib
20 Fevral 10:02
Şəhərdə kənd ab-havası
20 Fevral 09:59
“Milli şura” iqtidarın həyata keçirdiyi uğurlu siyasətə özünü “həmmüəllif” kimi göstərməklə siyasi plagiatizmlə məşğul olur
20 Fevral 09:58
Nikol Paşinyanın siyasi riyakarlığı
20 Fevral 09:56
Azərbaycan dövləti milli azlıqların hüquqlarının təminatı sahəsində mühüm nailiyyətlər əldə edib
20 Fevral 09:56
“Nar” sosial şəbəkələrdən abunəçilərinə operativ müştəri xidmətləri göstərir
20 Fevral 09:55
Azercell IV Buktreyler Festivalının əsas tərəfdaşıdır

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28
HAVA HAQQINDA
Bakı
gündüz+5 +7
gecə+1 +2