Ana səhifə »  Sosial »  İcbari tibbi sığortanın tətbiqi əhalinin səhiyyə ilə bağlı maliyyə yükünü azaldacaq
A+   Yenilə  A-
İcbari tibbi sığortanın tətbiqi əhalinin səhiyyə ilə bağlı maliyyə yükünü azaldacaq

Zaur Əliyev: Vətəndaşın sığortalı olub-olmamasından asılı olmayaraq, heç bir vətəndaş tibbi xidmətə ehtiyacı olduğu halda tibbi xidmətdən kənarda qalmayacaq. Bu da icbari tibbi sığorta sisteminin uğurlu tətbiqinə şərait yaradacaq

 

Müsahibimiz İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyevdir
- Zaur müəllim, bu gün Azərbaycan Prezidenti İlham Əliyevin rəhbərliyi ilə ölkəmizdə müxtəlif sahələr üzrə islahatlar həyata keçirilir. Bu islahatların vacib tərkib hissəsindən biri də icbari tibbi sığorta sisteminə keçidlə bağlıdır. Sizcə, bu sistemin tətbiqi Azərbaycan səhiyyəsinə, bütövlükdə ölkəmizə nə verəcək?
- Azərbaycan Respublikası Prezidentinin sosial siyasətinin bir istiqaməti olan səhiyyə sistemində son illər uğurlu islahatlar aparılmış, tibb müəssisələrinin maddi-texniki bazası və kadr potensialı gücləndirilmiş, bütövlükdə səhiyyə sahəsində böyük nailiyyətlər əldə edilmişdir. Genişmiqyaslı sosial layihə olan icbari tibbi sığortanın başlıca məqsədləri səhiyyə sisteminin maliyyələşdirilməsini dayanıqlı iqtisadi əsaslarla qurmaq, tibbi xidmətlərin əlçatanlığını təmin etməklə əhalini sağlamlıqla bağlı maliyyə risklərindən qorumaqdır.
Səhiyyə xidmətlərinin müasir tələblərə uyğunlaşdırılmasında, bu sahənin mövcud maliyyələşmə mexanizmlərinin yeni iqtisadi əsaslarla təkmilləşdirilməsində və əhaliyə göstərilən tibbi xidmətlərin keyfiyyətinin daha da yüksəldilməsində icbari tibbi sığorta sisteminin tətbiqi xüsusi əhəmiyyət kəsb edir. Ölkədə icbari tibbi sığortanın tətbiqi səhiyyə sistemi üçün əlavə gəlir mənbəyinin yaranmasına, səhiyyə resurslarını özündə cəmləşdirməklə xərclərin daha səmərəli istifadəsinə zəmin yaradacaq.
İcbari tibbi sığortanın tətbiqi nəticəsində tibb müəssisələrinin idarə edilməsi təkmilləşəcək, səhiyyə müəssisələri, eləcə də tibb işçiləri arasında sağlam rəqabət mühiti yaranacaq. Sözügedən sistemin tətbiqinin səhiyyə sahəsinə göstərəcəyi müsbət təsirlərdən əlavə, əsas məsələ olan insanların sağlamlığına da böyük töhfəsi olacaq. Bildiyiniz kimi, icbari tibbi sığorta dünya səhiyyəsində geniş yayılmış maliyyələşmə modelidir və həmrəyliyə əsaslanan sosial layihədir. Yəni insanlar hər ay gəlirlərindən icbari tibbi sığorta fonduna müəyyən vəsait köçürürlər. Xəstəliyi olan şəxslər isə toplanmış vəsaitlərdən istifadə etməklə sağlamlıqlarına qovuşmaq imkanı əldə edirlər. Bu qaydada insanlar bir-birlərinə qarşılıqlı yardım etmiş olurlar.
İcbari tibbi sığortanın tətbiqi əhalinin səhiyyə ilə bağlı maliyyə yükünü də azaldacaq. Sığortaolunan vətəndaşlar maliyyə sıxıntısı çəkmədən vaxtında müalicə oluna biləcəklər. Vətəndaşların həkimə vaxtında müraciət etmələri xəstəliklərin ağırlaşmasının qarşısını alacaq, erkən aşkarlanmış xəstəliklərin müalicəyə cəlb edilməsi mümkün olacaq.
- Məlum olduğu kimi, Milli Məclisdə “Tibbi sığorta haqqında” qanuna dəyişikliklər haqqında qanun layihəsi müzakirə olunur. Bilmək istərdik ki, qanuna dəyişikliklər nələrdən ibarətdir?
- Bildiyiniz kimi, sözügedən qanunun bir sıra maddələrinə dəyişikliklər edilməsi təklif olunur. Təkliflərə əsasən, 2020-ci ilin yanvar ayının 1-dən dövlət tərəfindən bütün əhali üzrə təqvim ili üçün adambaşına 90 manat icbari tibbi sığorta haqqının ayrılması nəzərdə tutulur. Həmçinin dövlət və neft sektorunda çalışan işəgötürən və işçilərdən aylıq hesablanmış əməyin ödənişi fondunun 8000 manata qədər olan hissəsindən 2%, 8000 manatdan yuxarı olan hissəsindən 0,5% miqdarında icbari tibbi sığorta haqqının tutulması müəyyən olunub. Qeyri-dövlət və qeyri-neft sektorunda çalışan işəgötürən və işçilərdən isə aylıq hesablanmış əməyin ödənişi fondunun 8000 manata qədər olan hissəsindən 1%, 8000 manatdan yuxarı olan hissəsindən 0,5% miqdarında icbari tibbi sığorta haqqının ödənilməsi müəyyənləşdirilib. Nəzərinizə çatdırım ki, 2021-ci ildən isə qeyri-dövlət və qeyri-neft sektoru üzrə işəgötürən və işçilərdən aylıq hesablanmış əməyin ödənişi fondunun 8000 manata qədər olan hissəsindən 2% miqdarında icbari tibbi sığorta haqqının tutulması müəyyən olunub.
Qeyd etdiyim kimi, dövlət tərəfindən 1 yanvar tarixindən bütün əhali üzrə təqvim ili üçün adambaşına 90 manat icbari tibbi sığorta haqqının ayrılması nəzərdə tutulur. Bu, dövlət başçısının bütün əhaliyə göstərdiyi yüksək qayğının bariz nümunəsidir.
Vətəndaşın sığortalı olub-olmamasından asılı olmayaraq, heç bir vətəndaş tibbi xidmətə ehtiyacı olduğu halda tibbi xidmətdən kənarda qalmayacaq. Bu da icbari tibbi sığorta sisteminin uğurlu tətbiqinə şərait yaradacaq.
- 2020-ci ildə icbari tibbi sığorta sisteminin bütün respublikada mərhələli şəkildə tətbiqi nəzərdə tutulur. Bu barədə nə deyə bilərsiniz? Mərhələli keçidin səbəbləri nədir?
- İcbari tibbi sığortaya keçiddə daha az risklərlə qarşılaşmaq, tibb müəssisələrini və əhalini sözügedən prosesə hazırlamaq üçün, habelə islahatın əhatə dairəsinin genişliyini, tibb müəssisələrində yeni maliyyələşmə mexanizminin tətbiqini nəzərə alaraq, Agentlik 2020-ci il ərzində respublikada icbari tibbi sığortanın tətbiqinin 4 mərhələdə həyata keçirilməsi təklifini hökumətə təqdim edib.
Təklifə əsasən, birinci mərhələdə icbari tibbi sığorta 20 regionda tətbiq olunacaq və bu proses yanvar-mart aylarını əhatə edəcək. Qeyd olunan regionlara Şəki şəhəri, Quba, Qusar, Xaçmaz, Şabran, Siyəzən, Xızı, Şamaxı, İsmayıllı, Ağsu, Qobustan, Balakən, Zaqatala, Qax, Oğuz, Qəbələ, Göyçay, Ucar, Zərdab və Kürdəmir rayonları daxildir. Qeyd edək ki, hazırda pilot layihənin həyata keçirildiyi inzibati ərazilərdə (Mingəçevir şəhəri, Yevlax və Ağdaş rayonları) də icbari tibbi sığorta sisteminin tətbiqi 1 yanvar 2020-ci ildən başlanacaq. İlkin mərhələdə icbari tibbi sığortanın xidmətlər zərfi çərçivəsində ölkə əhalisinin 23,82 faizinə tibbi xidmət göstəriləcək.
İkinci mərhələdə - aprel-iyun aylarında 17 region - Gəncə və Naftalan şəhərləri, Göygöl, Goranboy, Daşkəsən, Samux, Şəmkir, Qazax, Ağstafa, Gədəbəy, Tovuz, Bərdə, Tərtər, Ağdam, Ağcabədi, Füzuli və Beyləqan sözügedən sistemə qoşulacaq. Belə ki, bu regionlarda yaşayan ölkə əhalisinin 24,60 faizi icbari tibbi sığortanın xidmətlər zərfindən yararlanacaq.
İyul-sentyabr aylarında, yəni üçüncü mərhələdə 14 regionda - Lənkəran və Şirvan şəhərləri, Masallı, Lerik, Yardımlı, Astara, Cəlilabad, Salyan, Neftçala, Biləsuvar, İmişli, Saatlı, Hacıqabul və Sabirabadda icbari tibbi sığorta tətbiq olunacaq. Sözügedən regionlarda ölkə əhalisinin 19,53 faizinə icbari tibbi sığortanın xidmətlər zərfi çərçivəsində tibbi xidmət göstəriləcək.
Dördüncü mərhələdə, oktyabr-dekabr aylarında Bakı və Sumqayıt şəhərlərinin, habelə Abşeron rayonunun əhalisi icbari tibbi sığortanın xidmətlər zərfindən istifadə edəcək. Bu isə ölkə əhalisinin 32,05 faizini təşkil edir.
İcbari tibbi sığorta tətbiq edilməyən ərazilərdə tibbi xidmətlərdən yararlanmaq məsələsinə gəldikdə, qeyd edim ki, əhali qanunvericilikdə nəzərdə tutulmuş qaydada tibbi xidmətlərdən istifadə etməyə davam edəcək.
- İcbari tibbi sığortaya keçidlə bağlı kadr potensialı hansı səviyyədədir? Məlumdur ki, Agentlik indiyə qədər bir çox tədbirlər, treninqlər keçirib və hazırda bu proses davam etməkdədir. Bu barədə nə deyə bilərsiniz?
- Azərbaycanda həkimlərin ümumi sayı son 10 ildə ciddi şəkildə dəyişməyərək 32-33 min intervalında olmuşdur. 2017-ci ilin əvvəlinə olan məlumata görə, Azərbaycanda 32,2 min həkim var və əhalinin hər 10 000 nəfərinə 32,2 həkim düşür. Bu göstərici Avropa ölkələrinin orta göstəricisinə çox yaxındır. Belə ki, 2013-cü ildə Avropa İttifaqında hər 10 000 nəfər əhaliyə 35,0 həkim düşmüşdür. Buna baxmayaraq, həkimlərin Azərbaycanın regionları üzrə paylanması qeyri-bərabərdir. Belə ki, dövlət tibb müəssisələrində işləyən həkimlərin 59%-i (17 231 nəfər) Bakıda fəaliyyət göstərir. Əhalinin hər 10 000 nəfərinə düşən həkimlərin sayı 77,4 təşkil edir ki, bu da ölkə üzrə göstəricidən 2,5 dəfə çoxdur.
Səhiyyə sektorunun vəziyyətini qiymətləndirərkən nəzərə alınmalı olan digər göstərici hər 10 000 nəfərə düşən orta tibb işçilərinin sayıdır. Rəsmi statistik məlumatlara görə, 2017-ci ildə orta tibb işçilərinin ümumi sayı 54,5 min nəfər olmuşdur. Bu isə əhalinin hər 10 min nəfərinə 56,2 orta tibb işçisi düşdüyünü göstərir. Bu göstərici üzrə Azərbaycan digər Şərqi Avropa ölkələrinə yaxındır. Dövlət tibb müəssisələrində işləyən orta tibb işçilərinin 35%-i (19 141 nəfər) Bakıda cəmləşmişdir. Bakıda əhalinin hər 10 000 nəfərinə düşən orta tibb işçilərinin sayı 86,0 təşkil edir ki, bu da ölkə üzrə göstəricidən 1,5 dəfə çoxdur.
Agentlik tərəfindən cari ildə həyata keçirilən tədbir və təlimlərə gəldikdə isə qeyd edə bilərəm ki, qurum fevral və aprel aylarında icbari tibbi sığorta çərçivəsində fəaliyyət göstərəcək tibb müəssisələrinin rəhbər heyəti və Səhiyyə İşçiləri Həmkarlar İttifaqı təşkilatlarının əməkdaşları ilə görüşlər keçirib. Görüşlərdə iştirakçılar icbari tibbi sığorta sistemi, sistem çərçivəsində tibb müəssisələrində yeni maliyyələşmə mexanizminin tətbiq edilməsi, tibbi xidmətlərin keyfiyyətinin artırılması istiqamətində görüləcək tədbirlərlə bağlı məlumatlandırılıblar.
Nəzərinizə çatdırım ki, ölkə üzrə icbari tibbi sığortanın tətbiqi məqsədilə Agentlik tibb müəssisələrinin icbari tibbi sığorta sisteminə keçidi məqsədilə həm tibb işçiləri, həm də qeyri-tibb işçiləri üçün bir sıra təlimlər keçirir. Təlimlər kadr məsələlərinin tənzimlənməsi, xəstə xidmətləri və baş tibb bacılarının işinin təşkili, qeydiyyat işinin qurulması, informasiya texnologiyaları və proqram təminatı üzrə mövzuları əhatə edir.
İyul ayından etibarən Agentliyin əməkdaşları tərəfindən xəstəxanaların tam idarəedilməsini təmin edəcək proqram təminatından istifadə qaydaları üzrə təlimlərin keçirilməsinə başlanıldı. İlkin mərhələdə ölkə üzrə 200-dən çox tibb müəssisəsinin qəbul və qeydiyyat şöbələrinin işçiləri üçün təlimlər həyata keçirildi. İkinci mərhələdə isə bu günədək 32 əsas tibb müəssisəsində təlimlər baş tutdu. Hazırlanmış işçi plana uyğun olaraq, tibb müəssisələrində informasiya-kommunikasiya texnologiyaları infrastrukturunun qurulması üzrə işlərin icrası və təlimlərin keçirilməsi cari ilin sonuna kimi davam etdiriləcək.
Həmçinin noyabr ayından başlayaraq Agentliyin nümayəndələri tərəfindən bir sıra regionlarda (Quba, Qusar, Xaçmaz, Şabran, Siyəzən, Qobustan, Ağsu, Xızı, Şamaxı, İsmayıllı, Kürdəmir, Göyçay, Ucar, Zərdab, Qəbələ, Oğuz, Şəki, Qax, Zaqatala və Balakən) tibb müəssisələrində kadr məsələləri üzrə məsul əməkdaşlar üçün təlimlər keçirilib. Bu istiqamətdə təlimlərin digər regionlarda da keçirilməsi nəzərdə tutulub.
- Zaur müəllim, Milli Məclisdə müzakirələr zamanı bəzi millət vəkilləri icbari tibbi sığorta sisteminə keçidlə bağlı cəmiyyətdə geniş maarifləndirmə işlərinin aparılmasının zəruri olduğunu bildiriblər. Bu istiqamətdə hansı işlər görülür?
- Ölkə əhalisini icbari tibbi sığorta barədə məlumatlandırmaq məqsədilə Agentlik tərəfindən respublikanın bir sıra regionlarında maarifləndirici tədbirlər təşkil olunub. Həmçinin Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə yerli qeyri-hökumət təşkilatları tərəfindən cari ilin avqust ayından başlayaraq respublikanın müxtəlif regionlarında, eləcə də Bakıda icbari tibbi sığorta barədə əhalinin maarifləndirilməsi istiqamətində bir sıra tədbirlər keçirilib. Nəzərinizə çatdırım ki, cari ayda Şura Agentlik ilə birgə “Regionlarda əhalinin icbari tibbi sığorta haqqında maarifləndirilməsi” mövzusunda qrant müsabiqəsi elan etdi. Gələn ildən müsabiqədə qalib gələn qeyri-hökumət təşkilatları əhali arasında bir sıra maarifləndirmə tədbirləri həyata keçirəcəklər.
“Tibbi sığorta haqqında” qanuna dəyişikliklər təsdiq olunduqdan sonra bu tədbirlərin miqyasının genişləndirilməsi, əhalinin dəyişikliklərlə əlaqədar məlumatlandırılması məqsədi ilə Agentlik tərəfindən fəaliyyət planı hazırlanıb. Cari ildən başlayaraq, 2020-ci il də daxil olmaqla regionlarda və paytaxt Bakıda, ali təhsil müəssisələrində, eləcə də sahibkarlar arasında geniş maarifləndirmə tədbirlərinin keçirilməsi nəzərdə tutulub.
Eyni zamanda, icbari tibbi sığorta və sistemdən istifadə mexanizmləri haqqında çap materiallarının, məlumatlandırıcı videoçarxların hazırlanması və infoqrafik postların Agentliyin sosial şəbəkələrdəki səhifələrində yerləşdirilməsi istiqamətində də işlər həyata keçirilir. Agentliyin rəsmi internet saytı, 4 sosial media səhifəsi və 1 “YouTube” kanalı vasitəsilə icbari tibbi sığorta haqqında bütün məlumatlar mütəmadi olaraq paylaşılır.
Yerli telekanallarda və mətbuatda icbari tibbi sığorta haqqında maarifləndirici veriliş və müzakirələrin təşkili də əvvəlki qaydada davam edəcək.
Nardar BAYRAMLI

 
  • Oxunub:  1830  |  
  • Tarix:  30-11-2019  |  
  •    Çap et   |  
Get Adobe Flash player
Birinci vitse-prezident Mehriban Əliyeva: Ümummilli Lider Heydər Əliyevin unudulmaz xatirəsini ehtiramla yad edirəm

14 Dekabr 23:26
Heydər Əliyev Sarayında növbəti “Zima-2019” Beynəlxalq Uşaq Festivalı keçirilib
14 Dekabr 23:06
Dağlıq Qarabağ bölgəsinin azərbaycanlı icması Avropa Parlamentinin deputatlarına məktub göndərib
14 Dekabr 23:02
Elçin Əhmədov: Bəzi dairələr qondarma “erməni soyqırımı”nı Türkiyəyə qarşı siyasi təzyiq vasitəsinə çeviriblər
14 Dekabr 22:53
Xristian Yohannes Henrix: Azərbaycanda həyata keçirilən islahatlar ölkənin daha da inkişafını təmin edəcək
14 Dekabr 22:31
Bakıda Azərbaycanın Rus İcmasının V qurultayı keçirilib
14 Dekabr 22:12
Dilarə Seyidzadə: Ulu Öndər Azərbaycanın müstəqilliyini öncədən görürdü və bütün addımları buna hesablanmışdı
14 Dekabr 13:08
Heydər Əliyev Fondunun vitse-prezidenti Leyla Əliyeva “Study UK Alumni Awards 2019”un qaliblərinin elan olunması mərasimində iştirak edib
14 Dekabr 13:02
Yeni Azərbaycan Partiyasının Siyasət Akademiyası “Azərbaycan Respublikasının enerji və nəqliyyat təhlükəsizliyi siyasəti” mövzusunda növbəti kurs təşkil edib
14 Dekabr 11:43
YAP Bərdə rayon təşkilatının bələdiyyə seçkiləri ilə əlaqədar seçicilərlə görüşləri davam edir
14 Dekabr 11:39
Bələdiyyə seçkiləri ilə əlaqədar Pirallahı rayon Ağsaqqallar Şurasının seçicilər ilə görüşü keçirilib
14 Dekabr 11:16
Şahin İsmayılov: Sağlam gənclik həm də sağlam gələcək deməkdir
14 Dekabr 11:00
Hadi Rəcəbli: Azərbaycan dövlətinin sosial mahiyyəti davamlı olaraq güclənir
14 Dekabr 10:57
YAP Xəzər rayon təşkilatında bələdiyyə seçkilərinin təbliğat kampaniyası çərçivəsində görüş keçirilib
14 Dekabr 10:40
Sevinc Hüseynova: Qadınlar ölkəmizin ictimai həyatında fəal iştirak edirlər
14 Dekabr 08:04
Serj Sarkisyana qarşı cinayət işi Paşinyanın rəqiblərini siyasi fəaliyyətdən çəkindirmək cəhdlərindən biridir
14 Dekabr 08:03
“Nar” abunəçilərinin nəzərinə!
14 Dekabr 08:01
Azərbaycanın regionlarında elektron kənd təsərrüfatı informasiya sistemi uğurla tətbiq olunur
13 Dekabr 23:34
“Rossiyskaya qazeta” Moskvada “Heydər Əliyev: Şəxsiyyət və zaman” üçcildliyinin təqdimatı barədə məqalə dərc edib
13 Dekabr 23:09
Leyla Abdullayeva: Xarici İşlər naziri Elmar Məmmədyarovun müsahibəsinə Yerevanın reaksiyası olduqca qəribədir
13 Dekabr 22:54
“Yehovanın Xristian Şahidləri” Avropa Assosiasiyasının nümayəndələri Dövlət Komitəsində olublar
13 Dekabr 22:48
Azərbaycan Texniki Universiteti Almaniyanın ali məktəbləri ilə əməkdaşlığı genişləndirir
13 Dekabr 22:38
Azərbaycan ilə Latviya parlamentləri arasında əməkdaşlığın perspektivləri müzakirə olunub
13 Dekabr 21:47
XİN: ABŞ Senatının qondarma “erməni soyqırımı”nı tanıyan qətnaməsi qərəzli və hüquqi əsası olmayan sənəddir
13 Dekabr 21:40
Əmək və Əhalinin Sosial Müdafiəsi Nazirliyi ilə BP Eksploreyşn Limited arasında Anlaşma Memorandumu imzalanıb
13 Dekabr 21:32
Kolumbiyalı nazir: Azərbaycanla əməkdaşlığın dərinləşdirilməsi üçün birgə səylərin göstərilməsində maraqlıyıq
13 Dekabr 21:06
ADA Universiteti “Maliyyə” ixtisası üzrə ikili diplom proqramına başlayır
13 Dekabr 20:56
Azərbaycanın ərazi bütövlüyünün bərpası dövlətimizin qarşısında duran mühüm vəzifədir
13 Dekabr 20:48
Bələdiyyə seçkilərinin təbliğat-təşviqat kampaniyası çərçivəsində Nəsimi rayonunun səhiyyə işçiləri ilə görüş keçirilib
13 Dekabr 20:37
Azərbaycan və Meksika akademik-diplomatik əməkdaşlığı möhkəmləndirir
13 Dekabr 20:34
Azərbaycan-Mərakeş münasibətlərinin inkişafında ulu öndər Heydər Əliyevin mühüm rolu olub
13 Dekabr 17:43
Xalqın etimadını doğrultmaq başlıca vəzifədir
13 Dekabr 17:42
Ağacan Abiyev: Əldə olnunan nəticələr idmanın Azərbaycanda ən yüksək inkişaf zirvəsinə çatdığını göstərir
13 Dekabr 17:37
Qaradağda YAP-ın namizədləri dəstəklənəcək
13 Dekabr 17:34
Fərhad Hacıyev: Ölkəmizdə gənclər ictimai həyatın bütün sahələrində fəallıqları ilə seçilir
13 Dekabr 17:33
Saatlı rayonunda qadın seçicilərlə görüş keçirildi
13 Dekabr 17:29
Müharibə və Çernobıl əlillərinə, hərbi xidmət vəzifələrini yerinə yetirməklə əlaqədar əlilliyi olan şəxslərə 50 avtomobil təqdim edilib
13 Dekabr 17:26
YAP Səbail rayon təşkilatında ilk dəfə səs verəcək gənclərlə görüş keçirildi
13 Dekabr 17:24
Elman Məmmədov: Ermənistan təcavüzkar siyasətinə son qoymadıqca cəbhə xəttində gərginlik həmişə baş verə bilər
13 Dekabr 17:22
Gəncənin ilk dəfə səs verəcək gəncləri bələdiyyə seçkilərinə inamla gedirlər
13 Dekabr 17:17
Dövlət Sərhəd Xidmətinin cari ildə xidməti-döyüş fəaliyyətinin yekunlarına həsr olunmuş müşavirə keçirilib
13 Dekabr 17:15
Xaçmazda 12 yaşayış məntəqəsini birləşdirən avtomobil yolunun tikintisinə 15,4 milyon manat ayrılıb – SƏRƏNCAM
13 Dekabr 17:12
Vergilər nazirinin müavini Astarada vətəndaşları qəbul edib
13 Dekabr 16:58
Prezident İlham Əliyev 20 Yanvar faciəsinin otuzuncu ildönümü haqqında Sərəncam imzalayıb
13 Dekabr 16:44
Bu il dövlət sərhədini pozduqlarına görə 739 nəfər saxlanılıb
13 Dekabr 16:25
Əmək və Əhalinin Sosial Müdafiəsi Nazirliyinin rəhbərliyi Abşeron, Xızı rayonlarında və Sumqayıt şəhərində vətəndaşlarla görüşüb
13 Dekabr 16:01
Mixail Qusman: Heydər Əliyevin qəbul etdiyi qərarlar Azərbaycanı dərin siyasi, iqtisadi böhrandan çıxarmağa imkan verdi
13 Dekabr 15:58
Baş prokuror Sumqayıt şəhərində vətəndaşları qəbul edib
13 Dekabr 15:54
Afinada QDİƏT-in Xarici İşlər Nazirləri Şurasının 41-ci iclası keçirilib
13 Dekabr 15:52
Baş Prokurorluq: Dövlət qurumlarının adından dələduzluq edən şəxslərin qanunsuz əməlləri ifşa olunub
13 Dekabr 15:50
Moskvada Elmira Axundovanın “Heydər Əliyev. Şəxsiyyət və Zaman” roman-tədqiqatının təqdimatı olub
13 Dekabr 15:45
Baş Prokurorluğun nümayəndə heyəti beynəlxalq tədbirdə iştirak edib
13 Dekabr 15:25
AVCİYA bələdiyyə seçkiləri ilə bağlı aralıq hesabatını təqdim edib
13 Dekabr 15:24
Avtomobil Yolları Dövlət Agentliyinin rəhbərliyi Mingəçevirdə vətəndaş qəbulu keçirib
13 Dekabr 15:06
AŞPA-nın 30 nəfərdən ibarət missiyası Azərbaycanda parlament seçkilərini müşahidə edəcək
13 Dekabr 15:01
Şərqşünaslıq İnstitutunda Cəlil Məmmədquluzadənin 150 illik yubileyi qeyd olunub
13 Dekabr 14:56
Kürdəmirin Qarabucaq qəsəbəsinə təbii qaz verilib
13 Dekabr 14:42
Kamilə Əliyeva: Ölkəmizdə təhsilin, elmin inkişafı üçün geniş maddi-intellektual resurslar mövcuddur
13 Dekabr 14:26
“Xarəzm ləzgi rəqsi” UNESKO-nun Bəşəriyyətin Qeyri-Maddi Mədəni İrs üzrə Reprezentativ Siyahısına daxil edilib
13 Dekabr 14:19
Prezident İlham Əliyev Rusiyanın Həştərxan vilayətinin qubernatorunun başçılıq etdiyi nümayəndə heyətini qəbul edib
13 Dekabr 14:17
Prezident İlham Əliyev Bakı gəmiqayırma zavodunda inşa olunmuş ilk tankerin istismara verilməsi mərasimində iştirak edib
13 Dekabr 14:14
AFFA-nın İcraiyyə Komitəsinin növbəti iclası keçirilib
13 Dekabr 14:01
Azərbaycanda məişət zorakılığından zərər çəkmiş şəxslərə hüquqi yardım göstərilməsinə dair Anlaşma Memorandumu imzalanıb
13 Dekabr 14:00
Mədəniyyət Nazirliyi “Gələcək nəsillərə yatırım” mövzusunda 4-cü Ümumdünya Turizm və Mədəniyyət Konfransında təmsil olunur
13 Dekabr 13:33
Brüsseldə keçirilən tədbirdə Ulu Öndərin müəyyənləşdirdiyi xarici siyasət kursunun uğurlarından bəhs olunub
13 Dekabr 13:30
Qəbələdə ilk dəfə səs verəcək gənclər seçki prosesi barədə maarifləndiriliblər
13 Dekabr 13:18
Ombudsman Türkiyənin Azərbaycandakı səfirini qəbul edib
13 Dekabr 13:14
Boris Conson: Böyük Britaniya Avropa İttifaqından 2020-ci il yanvarın 31-də çıxacaq
13 Dekabr 12:52
Azərbaycanın investisiya imkanları Səudiyyə Ərəbistanında təqdim olunub
13 Dekabr 12:39
Azərbaycan tərəfindən Albaniyaya göstərilmiş humanitar yardım rəsmi olaraq təqdim olunub
13 Dekabr 12:32
Həştərxanda keçirilən tədbirdə Ulu Öndərin Azərbaycan-Rusiya münasibətlərinin inkişafındakı əvəzsiz rolundan danışılıb

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
HAVA HAQQINDA