Ana səhifə »  Sosial »  Hər daşında bir tarix yatan Dənizli
A+   Yenilə  A-
Hər daşında bir tarix yatan Dənizli

Türkiyənin Dənizli şəhəri böyük bir ərazini əhatə edən Azərbaycan Qarabağ Parkı və Xocalı Soyqırımı abidəsi ilə xalqımıza sevgisini açıq şəkildə nümayiş etdirir

 

Bu vaxta kimi jurnalist fəaliyyəti ilə əlaqədar qardaş Türkiyənin müxtəlif bölgələrində səfərlərdə olmuşam. Budəfəki səfərim isə həm mahiyyətinə, həm də zamana görə fərqlənirdi. Belə ki, 15 gün çəkən bu səfərimin əsas səbəbi qızım Şəmsiyənin Türkiyə bursları proqramı ilə Dənizli şəhərindəki Pamukkale Universitetində oxumaq hüququ əldə etməsi idi. Amma qızımın universitetə yerləşməsi məqsədilə getdiyimiz Dənizlidə - hər daşında bir tarix yatan, ən əsası isə, Azərbaycana xüsusi önəm verən bu türk yurdunda müşahidə etdiklərimi qələmə almağa qərar verdim. Düşünürəm ki, səfər təəssüratları dəyərli oxucularımız üçün də maraqlı olacaq.

 

“Bizim üzərimizə düşən əsas vəzifə əcdadlarımızın əmanəti olan bu vətənə, bayrağa hər zaman sahib çıxmaqdır”

 

Beləliklə, öz coğrafi mövqeyinə, tarixiliyinə və turizm imkanlarına görə xüsusilə fərqlənən, 31.12.2018-ci il tarixə olan məlumata görə, 1 milyon 27 min 782 nəfərin yaşadığı Dənizliyə bizi gətirən təyyarə sentyabrın 10-da Çardak hava limanına enəndə günəşli, təmiz bir diyara qədəm qoyduğumuzun fərqinə vardıq. Hava limanının adından söz düşmüşkən, bu, bizim də bildiyimiz çardaq sözünü özündə ehtiva edir. Belə ki, hava limanının yerləşdiyi ərazidə Çardak adlı kənd var və elə həmin kəndin adını da hava limanına veriblər. Ümumiyyətlə, hər daşında bir tarix yatan Dənizlidə qədim türk sözləri ilə adlanan, yaxud türklüyün simvollarını öz adında əks etdirən çox yer, o cümlədən Bozkurt adlı qəsəbə, Oğuzlar, Sofular, Akınçılar, Bayat, Akhan və s. adlı kəndlər var. Akhanla bağlı sonda daha ətraflı məlumat verəcəm. Hələlik isə qeyd edim ki, ümumilikdə Dənizli hər daşında türk ruhunu, dahi Atatürkün ruhunu yaşadır.
Bu məqamda vurğulamaq yerinə düşər ki, Dənizlinin ayrı-ayrı yaşayış məskənlərindəki, kəndlərindəki istər qurd başlı, istərsə də bəzilərinin üzərində qədim türklərə xas təsvirlərin, tamğaların, bəzilərinin isə kayıların təsdiq simvolu sayılan İYİ işarəsinin olduğu qədim məzar daşları və qayaüstü rəsmlər də hələ dördüncü və beşinci əsrlərdən bu ərazilərin türk yurdu olduğunu təsdiqləyir. Belə ki, aparılan tarixi-arxeoloji araşdırmalar nəticəsində zaman-zaman Dənizlidə Qara dənizin şimalından köç edən bir çox qədim türk boylarının - Qıpçaq, Kuman, Peçenek, Doqquzoğuz, Hun-Türk boylarının, o cümlədən Xəzər türklərinin yaşadığını isbat edən faktlar ortaya çıxıb.
Qeyd etmək yerinə düşər ki, Dənizli istər türklərin möhtəşəm qələbə qazanaraq Anadoluda daimi yerləşməsində, istərsə də Mustafa Kamal Atatürkün rəhbərliyi ilə aparılan İstiqlal savaşında mühüm məkan, açar rolunu oynayıb. Elə Dənizlidə olduğumuz günlərdə də türklərin tarixindəki önəmli müharibələrdən biri olan Miryokefolon savaşının 843-cü ildönümü qeyd olunurdu. Bununla bağlı keçirilən elmi konfransdakı giriş nitqində Dənizli Böyükşəhər Bələdiyyəsinin başqanı Osman Zolan türklərin bu müharibədəki qələbəsinin mühüm əhəmiyyət kəsb etdiyini dedi: “Əcdadlarımız çox dəyərli bir yeri bizlərə Vətən olaraq qoyub gediblər. Bizim üzərimizə düşən əsas vəzifə isə əcdadlarımızın əmanəti olan bu vətənə, bayrağa hər zaman sahib çıxmaqdır”.
Açılış nitqindən sonra elmi məruzələrlə çıxış edən Pamukkale Universitetinin müəllimləri - Prof.Dr. Yusuf Kılıç, Prof.Dr. Turqut Tok, Prof.Dr. Mithat Aydın, Prof.Dr. Hasan Kara və başqaları sözügedən müharibənin gedişi ilə bağlı tarixi faktlara nəzər saldılar. Bildirildi ki, 17 sentyabr 1176-cı ildə Səlcuqlu sultanı ikinci Qılıcarslan bu ərazilərdən türkləri yox etmək niyyəti ilə yürüşə çıxan Bizans imperatoru Manueli məğlub edib. Konfransın aparıcısı, Prof.Dr. Mithat Aydının bildirdiyi kimi, məhz bu qalibiyyət türklərin Anadoluda əbədi qalmasını təmin etdi: “1071-ci ildə Malazgird müharibəsi ilə Anadolunun qapısını açan türklər 1176-cı ildə Miryokefolon qələbəsi ilə Anadolunun “tapu”sunu (çıxarış) almış oldular”.

Bu diyarın İstiqlal savaşı dönəmində oynadığı mühüm rola gəlincə, Dənizli Böyükşəhər Bələdiyyəsi Kültür Turizm və Tanıtım Dairəsi (Mədəniyyət və Turizm İdarəsinin rəisi-N.A) başqanı Hudaverdi Otaklının məlumatına görə, İzmirin 1919-cu ilin mayında yunan əsgərləri tərəfindən işğalından sonra Dənizli müftisi Əhməd Hulusi Əfəndi dənizlililəri Bayramyeri meydanına toplayaraq işğalçılara qarşı mübarizə aparmaq barədə fətva verib: “Beləliklə, “silahı olmayanlar belə əllərinə üç daş götürərək düşmənə qarşı mübarizəyə qalxsın” deyən Əhməd Hulusi Əfəndi milli azadlıq mübarizəsinin atəşini yandıran ilk şəxs olub. Həmin vaxt qaldırılan bayraq da hazırda Dənizli Bələdiyyəsinin binasında saxlanılır”.

 

Coğrafi mövqeyi, şanlı tarixi və turizm potensialı ilə fərqlənən Dənizli

 

Hudaverdi Otaklı bildirdi ki, Dənizli bu gün öz inkişafına görə İzmirdən sonra Ege bölgəsinin ikinci böyük şəhəridir. Hazırda öz coğrafi mövqeyi, tarixi və turizm potensialı ilə bir dünya şəhəri kimi dəyərləndirilən, Türkiyənin ən böyük şüşə heykəlinin yerləşdiyi Dənizli həm də “Ağ cənnət” - Pamukkale, “müqəddəs qədim şəhər” - Hierapolis, dünyada məşhur nekropollar, krallar şəhəri kimi tarixə düşən Laodikeia, antik dövrün tibb və inanc mərkəzi Tripolis, Ege bölgəsinin ən gözəl parkı - İncilipınar Parkı, tekstil sənayesi, Kəloğlan və Kəklik mağaraları, Cənub şəlaləsi, Yayla Turizm Mərkəzi, flaminqolar diyarı Acıgöl, təbiət möcüzəsi İşıqlı göl, rəqs və musiqiləri, ləziz mətbəxi və s. ilə məşhurdur. Bundan başqa, Ege bölgəsinin ən böyük dağı Honaz dağı da məhz burada yerləşir.
Bir sözlə, hazırda Dənizli hər keçən gün daha da modernləşərək və inkişaf edərək dahi Atatürkün görməyi arzuladığı şəhər olub. Bütün bunlara görə də Dənizli Böyükşəhər Bələdiyyəsinin rəhbərliyinə xüsusi təşəkkür düşür. İnkişafla yanaşı, şəhərin təmizliyinə də xüsusi diqqətlə yanaşan bələdiyyə, eyni zamanda, insanların hətta oturub dincələndə belə oxuyub-öyrənmələri üçün addımlar atır. Məsələn, parklardan birində dincəlmək üçün əyləşdiyimiz oturacaqlar üzərindəki yazı və şəkillərlə diqqətimizi çəkdi. Həmin oturacaqların hər birində məşhur bir türk ziyalısı haqqında məlumat yerləşdirilmişdi. Yəni parkda istirahət edənlər istər-istəməz Türk dünyasının dahi şəxsiyyətlərinin, ziyalılarının həyat və yaradıcılığı haqqında məlumat da əldə edə bilərlər. Oxumaqdan söz düşmüşkən, gündən-günə nüfuzu artan, hər keçən gün daha bir uğur qazanan Pamukkale Universitetinin timsalında həm də bir tələbə şəhəri halına gələn Dənizlidə kitabxanalara, həmçinin teatr və mədəniyyətin digər sahələrinə də xüsusi önəm verildiyinin şahidi olduq.

 

Dənizlidəki Azərbaycan Qarabağ Parkı böyüklüyünə və əsrarəngiz gözəlliyinə görə fərqlənir

 

Dənizliyə səfər edənlərin, xüsusilə azərbaycanlıların diqqətini cəlb edən ilk yerlərdən biri şəhərin mərkəzində yerləşən,böyüklüyü və əsrarəngiz gözəlliyi ilə fərqlənən Azərbaycan Qarabağ Parkıdır. Hudaverdi bəyin “Yeni Azərbaycan” qəzetinə açıqlamasında bildirdiyi kimi, Dənizlinin mərkəzi bölgəsində yerləşən park böyük bir ərazini (12,3 hektar) əhatə edir: “Park şəhərimizin ana arteriyalarından biri olan 50 m genişliyindəki Ali Marım bulvarının hər iki tərəfini əhatə edir. Dənizli Böyükşəhər Bələdiyyəsinin 19.04.2016-cı il tarixli 555 saylı qərarı ilə əraziyə “Azərbaycan Qarabağ Parkı” adı verilib”.
Ərazisinin 70 faizini yaşıllıq təşkil edən, insanların dincəlməsi üçün hər cür şəraitin yaradıldığı parkın xüsusi bir özəlliyi də var ki, bu da orada yerləşən Xocalı Soyqırımı abidəsidir: “4 noyabr 2016-cı il tarixində parkın açılışı ilə eyni gündə bu abidənin də açılışı oldu. Qranitlə hazırlanmış bünövrədən və ay-ulduz içərisində olan ana harayı heykəlindən ibarət abidənin açılışında Türkiyənin bir sıra ictimai-siyasi xadimləri, həmçinin Azərbaycandan hörmətli millət vəkili Qənirə Paşayeva da iştirak etdi. Hər il fevralın 26-da bu abidənin önünə toplaşaraq Xocalı soyqırımının qubanlarının xatirəsini yad edirik”.

 

Dənizli məktəblilərindən Xocalı soyqırımı ilə bağlı önəmli addım

Yeri gəlmişkən, bu abidənin qoyulması təklifi Dənizlidə yerləşən Türk Egitim Vəqfi Anadolu Liseyinin müəllim və şagird heyətindən gəlib. Belə ki, Türk dünyasına, o cümlədən Azərbaycana xüsusi önəm verən Fevzi Yetikin müdiri olduğu liseyin tarix müəllimi Sədat Sərdaroğlunun təşəbbüsü ilə bu təhsil ocağının şagirdlərindən ibarət “Xocalı çalışma qrupu” adlı dərnək yaradılıb. S.Sərdaroğlu deyir ki, əvvəllər dərnək üzvləri Xocalı soyqırımı ilə bağlı lisey səviyyəsində tədbirlər keçirsələr də, sonradan bu işlər daha geniş miqyasda davam etdirilib: “Mən harada işləmişəmsə, Türk dünyasının başına gətirilən facilər, o cümlədən Xocalı soyqırımı haqqında gələcək nəsillərin daha çox bilik əldə etməsinə çalışmışam. Biz türklər düşmənlərimizi yaxşı tanımalıyıq ki, gələcəkdə təkrar faciələrə tuş gəlməyək. Bu dərnəyi də məhz həmin məqsədlə yaratmışıq. Əvvəl lisey daxilində fəaliyyətlə kifayətlənirdik. Amma Xocalı soyqırımının 25-ci ildönümü ərəfəsində şəhərimizdə abidə ucaldılması ilə bağlı Dənizli Böyükşəhər Bələdiyyəsinin başqanına məktub yazdıq və təklifimiz müsbət qarşılandı”.
Elə abidənin eskizi də Sədat Sərdar oğlu, liseyin rəsm müəllimi Feriştah Selcen və şagirdlər tərəfindən hazırlanıb. Eyni zamanda, faciəyə həsr olunmuş fotosərgi, konfrans keçirilib və şagirdlər “25-ci ilində Xocalı soyqırımı” adlı xüsusi qəzet buraxıblar. Faciənin 25-ci ildönümünə bir həftə qalmış isə dərnək üzvləri Türkiyədə fəaliyyət göstərən bütün xarici ölkələrin səfirliklərinə soyqırımı haqqında məlumatın əks olunduğu elektron müraciət ünvanlayıblar. Heydər Əliyev Fondunun vitse-prezidenti Leyla Əliyevanın təşəbbüsü ilə başladılmış “Xocalıya ədalət!” kampaniyasına dəstək xarakteri daşıyan bu aksiya sonrakı illərdə də davam etdirilib: “Hazırda da “Facebook” və Tvitterdə “Xocalı çalışma qrupu” adlı səhifələrimiz var. Fəaliyyətimiz davam edir”.

Həmin vaxt F.Selcenin çəkdiyi, Xocalı soyqırımına həsr olunmuş rəsm əsəri isə hazırda liseyin birinci mərtəbəsinin foyesində yerləşdirilib. Digər mərtəbələri isə Çanaqqala savaşına, Mustafa Kamal Atatürkün rəhbərliyi ilə İstiqlal savaşına həsr olunmuş rəsmlər, həmçinin tarix boyu mövcud olmuş türk dövlətlərinin bayraqları bəzəyir.

 

Türkcənin inkişafına xidmət edən diyar

 

Dənizli həm də türkcənin dünyada yayılmasına göstərdiyi xidmətə görə fərqlənir. Belə ki, türkcənin dünyada daha geniş istifadəsini təmin etmək məqsədi ilə Dənizli Böyükşəhər Bələdiyyəsi, Dənizli Valiliyi və TRT-nin işbirliyi nəticəsində keçirilən Türkcəvizyon Festivalı hər il müxtəlif ölkələrdən olan yüzlərlə sənətçini məhz bu şəhərdə bir araya gətirir.
Türkcəyə verilən xüsusi önəm Pamukkale Universitetinin fəaliyyətində də əhəmiyyətli yer tutur. Belə ki, türkcənin geniş şəkildə öyrənilməsi üçün Universitetin Fən-Ədəbiyyat fakültəsinin nəzdində yaradılan Çağdaş Türk Ləhcələri və Ədəbiyyatları Bölümü tərəfindən mühüm addımlar atılır. Prof. Dr. Nərgis Birayın rəhbərlik etdiyi bu bölüm bir növ bütün türk xalqlarının təmsilçilərinin bir araya gəldiyi ocağı xatırladır. Nərgis xanım deyir ki, burada müxtəlif araşdırmalar aparılır: “2013-2014-cü illərdə qurulan bölümümüzün əsas fəaliyyəti Türk dünyasında əlaqələrin, dil bağlarının güclənməsinə yardım etməkdir. Bu günə qədər bölümümüzün “Çağdaş Türk Ləhcələri və Ədəbiyyatları” magistr proqramı çərçivəsində 18 məzunumuz olub. Hazırda isə bölümümüzdə türk dünyasının fərqli ölkələrindən gələn 20-dən çox tələbəmiz bakalavr və magistr təhsili alır. Bu ildən etibarən isə “Tarixi və Çağdaş Türk Ləhcələri və Ədəbiyyatları” doktorluq proqramımız çərçivəsində qəbul həyata keçiririk. Eyni zamanda, bölümümüzün Türk dünyasının müxtəlif ölkə və topluluqlarındakı 14 universitet ilə anlaşması var. Hazırda da bu istiqamətdə fəaliyyətlərimiz davam edir və bu məsələdə Azərbaycanla əməkdaşlığa xüsusi önəm veririk. Onu da deyim ki, ötən müddət ərzində bölümümüzdə Azərbaycanla bağlı bir neçə konfrans və seminar keçirilib”.

 

Türkün törəsindən xəbər verən Yörük Toyu Festivalı

 

Dənizlidə olarkən maraqlı bir mərasimin - Dənizli Böyükşəhər Bələdiyyəsi və Dənizli Yörükləri Dərnəyinin təşkil etdiyi Yörük Toyu Festivalının da iştirakçısına çevrildik. Yörük Toyu Festivalı türkün qədimlərdən bu günə gələn bütün adət və ənənələrini nümayiş etdirir. Beləliklə, Ədalət Parkında keçirilən həmin festivalın açılışında Mərkəzəfəndi kaymakamı Dr. Adəm Uslu, Dənizli Böyükşəhər Bələdiyyəsi baş katibinin müavini Mustafa Gökoğlan, Dənizli Böyükşəhər Bələdiyyəsi Kültür Turizm və Tanıtım Dairəsi başqanı Hudaverdi Otaklı, Pamukkale Universiteti Fən-Ədəbiyyat Fakültəsi Türk Dili və Ədəbiyyatı bölümünün müəllimi, Prof.Dr. Turqut Tok, Dənizli Yörükləri Dərnəyinin başqanı Yaşar Cəlal Ceylan, Doc.Dr. Devrim Akkaya çıxış etdilər.
Turqut Tok dedi ki, Türk müstəqillik hərəkatının başladığı şəhərdə belə coşqulu yörük şənlikləri çox keçirilməlidir.
Mərkəzəfəndi kaymakamı Dr. Adəm Uslu isə min ildir ki, bu torpaqlarda türklərin yaşadıqlarını, qiyamətə qədər də bu vətənin Türk yurdu olaraq qalacağını dedi: “Al bayrağın altında daim bərabər, əl-ələ, könül-könülə olmaq nə gözəl. Heç zaman Vətənə xəyanət etməyən yörüklərlə birlikdə olmaq nə gözəl. Ədalət Parkından Türk dünyasına salam olsun!”

Türkiyənin müxtəlif yerlərindən gələn yörüklərin də qatıldığı bu möhtəşəm tədbirdə iştirak edən sənətçilər milli musiqilərlə, yörük havaları ilə tədbirə əlavə rəng qatdılar.

 

Ağ cənnət – Pamukkale

 

Dənizliyə səfər edənlər mütləq Pamukkaleni, dünyada “Ağ cənnət” kimi tanınan bu tarixi və möcüzəli yeri mütləq görməlidirlər. Sahib olduğu pambıq kimi ağ travertenləri (sudakı kirəcin əmələ gətirdiyi qabarmalar), şəfalı suları, Hierapolis antik şəhəri və tarixi əsərləri ilə dünyanın 8-ci möcüzəsi olan Pamukkale UNESCO tərəfindən Dünya Mədəni İrs siyahısına daxil edilib. Günün hər saatında fərqli bir gözəlliyə bürünən Pamukkale xüsusilə gün batan zaman gözqamaşdırıcı, gözəl bir görünüşə qovuşur. Rənglərin adətən rəqs etdiyi bu zaman kəsimində ortaya çıxan mənzərə tək kəlmə ilə möhtəşəmdir.
Şəfalı suları ilə məşhur Pamukkale sağlıq mərkəzi olan Antik hovuz üz və eklem xəstəliklərinin müalicəsində son dərəcə təsirlidir. Antik hovuz “Kleopatranın gözəllik iksiri” kimi də əfsanələrdə yer alıb.
Antik dönəmin inanc və səhiyyə mərkəzi, sağlamlıq mərkəzi olan Hierapolis antik şəhəri sahib olduğu möhtəşəm tikililəri və günümüzə qədər gəlib çatan qiymətsiz tarixi əsərləri ilə mütləq görülməsi lazım olan yerlərdən biridir.

 

Dənizlidə Azərbaycan ocağı, Şəki və Qobustan izi

 

Dənizliyə gələn hər bir azərbaycanlı mütləq və mütləq İslam Günəşlə tanış olmalı, onun yaratdığı mərkəzə baş çəkməlidir. 1956-cı ildə İğdırda anadan olan İslam Günəş əslən azərbaycanlıdır. Deyir ki, İğdıra Naxçıvandan köçən və vətən həsrəti çəkən babası 106 yaşında vəfat edib. İstanbulda universitet bitirən, orada olarkən Azərbaycan dərnəkləri ilə çalışan və sonra Türkiyənin harasına getsə, orada Azərbaycanı təmsil edən İslam Günəş, eyni zamanda, Dənizlidə məskunlaşandan sonra ümumilikdə 2000-ə yaxın gəncə milli rəqslərimizi öyrədib.
Zaman-zaman Azərbaycandan Dənizliyə gələn bütün məşhurlar məhz onun qonağı olub, qayğısı və diqqətindən pay alıblar. Azərbaycana bağlı topladığı tarixi, ədəbi və digər materialları Dənizli Böyükşəhər Bələdiyyəsinə bağışlayan İslam Günəş bununla bir muzey mərkəzin yaranmasına təkan verib. Hazırda həmin muzey mərkəzdə - “Kültür Evi”ndə fəaliyyət göstərən soydaşımız deyir ki, müxtəlif vaxtlarda Zeynəb Xanlarova, Sabir Rüstəmxanlı, Aqil Abbas və s. kimi tanınmış insanların baş çəkdiyi bu mərkəz həm Azərbaycanın, həm də bütün Türk dünyasının kiçik ocağı sayılır.
İslam Günəş sonda onu da dedi ki, bu gün Dənizli ilə Bakı arasında əlaqələr daha da güclənməlidir: “Hər il burada müxtəlif ölkələrin rəqs qruplarının qatıldıqları xalq rəqsləri festivalı keçirilir. Könül istərdi ki, Azərbaycandan da o festivala gəlsinlər. Eyni zamanda, orta məktəb şagirdləri arasında gediş-gəliş olsun, qardaşlaşmış məktəblərimiz olsun”.
Bu məqamda onu da əlavə etmək yerinə düşər ki, ümumiyyətlə, olduğumuz 15 gün ərzində Dənizlidə Azərbaycan sevgisini, ölkəmizə və xalqımıza qarşı xüsusi məhəbbəti hiss etdik. Getdiyimiz əksər yerlərdə üçrəngli bayrağımızı görmək isə xüsusilə qürurverici idi. Pamukkale Universitetinin Xarici Tələbələr Koordinatorluğunun Yönətim və Bilişim Sistemləri uzmanı Murat Doğan deyir ki, bu, belə də olmalıdır: “Çünki biz bir millət, iki dövlətik. Azərbaycanı, oradakı bacı və qardaşlarımızı çox sevirik. Burada təhsil alan azərbaycanlılar da özlərini öz vətənlərindəki kimi hiss edirlər”.

 

Bəlkə də, buradakı Azərbaycan sevgisinin bir səbəbi də Akhan kəndi ilə və Qobustanla bağlıdır. Deyilənlərə görə, bu kəndi vaxtı ilə Azərbaycandan, konkret olaraq Şəkidən köçüb gələnlər salıblar. Kəndin adındakı han sözü də məhz Şəki xanlarına işarə edir. Dənizlinin tanınmış yazarlarından biri, ölkəmizə səfəri çərçivəsində Şəkidə də olan Hasan Kallimçi deyir ki, Şəkidən Dənizliyə köç Şeyx Şamil məğlub olduqdan sonra baş tutub. Həmin vaxt Göynük kəndindən 10 ailə, Şabalıd kəndindən 2 ailə, Cumuk kəndindən 1 ailə olmaqla ümumilikdə 13 ailə Dənizliyə köçərək Akhan kəndini salıblar. Bu kənd ərazisində yerləşən Karvansara da, sanki, Şəkidəki karvansaranın əkiz tayıdır.

Qobustan izinə gəlincə, Dənizlidə bir neçə yerdə olan qayaüstü rəsmlər eynən Qobustanın qayaüstü rəsmlərini xatırladır. Belə demək mümkünsə, həmin qayaüstü rəsmlər Qobustanın əkiz tayıdır. Elə Türkiyənin tarixçiləri və arxeoloqları da diqqəti bu məqama yönəldərək bu ərazidə uzun müddət Xəzər türklərinin hakim olduqları qənaətinə gəliblər. Dənizlidən olan yazar Ümit Şıraçının 21 noyabr 2017-ci il tarixində denizlirost.com saytında yer alan araşdırmasında da məhz bu məqama toxunulub, hər iki ərazidən çəkilmiş şəkillər oxuculara təqdim olunub.

 

Nadir AZƏRİ

 
  • Oxunub:  1110  |  
  • Tarix:  08-10-2019  |  
  •    Çap et   |  
Get Adobe Flash player
Prezident İlham Əliyev: Xalqa xidmət etmək mənim ən böyük vəzifəmdir

15 Oktyabr 23:15
Azərbaycan Prezidenti İlham Əliyevin yanında iqtisadi müşavirə keçirilib
15 Oktyabr 23:05
Xarici İşlər Nazirliyində İtaliya Senatının nümayəndə heyəti ilə görüş keçirilib
15 Oktyabr 22:54
Dövlət Turizm Agentliyinin sədri türkiyəli jurnalist və bloqqerlər üçün təşkil olunmuş mediaturda iştirak edib
15 Oktyabr 22:46
Siyasi ambisiyalar üçün öz analarının ruhuna belə həqarət edənlər
15 Oktyabr 22:26
Koreya Respublikası Milli Assambleyasının Sədri Azərbaycana rəsmi səfərə gəlib
15 Oktyabr 22:02
Xarici jurnalistlər Ermənistan-Azərbaycan Dağlıq Qarabağ münaqişəsi barədə məlumatlandırılıb
15 Oktyabr 20:56
Nizami Kino Mərkəzində görkəmli şair Andrey Dementiyevin xatirəsinə həsr edilmiş filmin təqdimatı olub
15 Oktyabr 20:51
Azərbaycan nümayəndə heyəti Avropa Ədliyyə nazirlərinin konfransında iştirak edib
15 Oktyabr 20:46
Almaniyanın “Der Freitag” qəzeti Ermənistanın Azərbaycan torpaqlarını işğal etməsindən yazır
15 Oktyabr 20:34
Azərbaycan Konstantin Zatulinlə bağlı Rusiya XİN-ə nota göndərib
15 Oktyabr 20:31
Azərbaycanın və Özbəkistanın Təhlükəsizlik şuraları katiblərinin görüşü olub
15 Oktyabr 20:24
Dövlət Komitəsində vətəndaşların növbəti qəbulu keçirilib
15 Oktyabr 20:21
Baş Prokurorluqda Türkiyənin Hakimlər və Prokurorlar Şurasının nümayəndə heyəti ilə görüş keçirilib
15 Oktyabr 20:18
Milli Məclisdə türk iş adamları ilə görüş olub
15 Oktyabr 20:08
Qazaxıstanlı nazirlər Azərbaycan Dövlət Mədəniyyət və İncəsənət Universitetində olublar
15 Oktyabr 19:53
Türkdilli Dövlətlərin Əməkdaşlıq Şurasının VII Zirvə Görüşü Qazaxıstan mediasının diqqət mərkəzində
15 Oktyabr 19:48
İtaliya Senatının nümayəndə heyəti Milli Məclisdə olub
15 Oktyabr 19:40
Azərbaycan ilə Qırğızıstan arasında idman və gənclər sahələrində əməkdaşlıq məsələləri müzakirə olunub
15 Oktyabr 19:36
Azərbaycan və Macarıstan alimlərinin humanitar elm sahələrində tədqiqat imkanları genişləndirilir
15 Oktyabr 19:31
Macarıstan XİN-in başçısı türkdilli ölkələrlə əmtəə dövriyyəsinin genişlənməsindən məmnun qaldığını bildirib
15 Oktyabr 19:29
“Azərxalça”nın Lənkəran filialının fəaliyyətə başlamasının birinci ildönümü qeyd olunub
15 Oktyabr 19:26
Dini Qurumlarla İş üzrə Dövlət Komitəsinin nümayəndələri əsgərlərlə görüşüblər
15 Oktyabr 19:24
Bakıda prokurorluq işçilərinin hüquqi bilikləri artırılması ilə bağlı tədbir keçirilib
15 Oktyabr 19:22
Qırğızıstan Prezidenti Sooronbay Jeenbekovun Azərbaycana səfəri başa çatıb
15 Oktyabr 19:19
Əli Əhmədov: Məcburi köçkünlərin həyat səviyyəsinin yaxşılaşdırılması ölkəmizdə həyata keçirilən siyasətin əsas cəhətlərindən biridir
15 Oktyabr 19:16
Azərbaycan-İtaliya münasibətləri strateji xarakter daşıyır
15 Oktyabr 19:13
YAP Suraxanı rayon təşkilatında “Qarabağ Azərbaycandır!” mövzusunda dəyirmi masa keçirilib
15 Oktyabr 19:10
Baş nazirinin müavini Əli Əhmədovun sədrliyi ilə Horadiz şəhərində YAP Füzuli rayon təşkilatı ərazi ilk partiya təşkilatlarının sədrlərinin iştirakı ilə müşavirə keçirilib
15 Oktyabr 19:02
Bakıda “Uşaq və yeniyetmələrin mənəvi inkişafı və dini dəyərlərimiz” mövzusunda konfrans keçirilib
15 Oktyabr 19:00
Təhsil naziri dünya çempionu olan məktəbli ilə görüşüb
15 Oktyabr 18:51
Prezident Rəcəb Tayyib Ərdoğanın Azərbaycana səfəri başa çatıb
15 Oktyabr 18:49
Birinci vitse-prezident Mehriban Əliyeva görkəmli alim Vasim Məmmədəliyevin hüzr mərasimində iştirak edib
15 Oktyabr 17:16
Müdafiə naziri HHQ-nin yeni radiolokasiya stansiyasının idarəetmə məntəqəsinin açılışında iştirak edib
15 Oktyabr 17:13
Dövlət sərhədinin pozulmasının qarşısının alınmasında fərqlənmiş sərhədçilər təltif olunublar
15 Oktyabr 17:11
Dayanıqlı İnkişaf Məqsədləri üzrə gənc səfirlərlə görüş keçirilib
15 Oktyabr 17:03
Özbəkistan mətbuatı: Özbəkistanın Türk Şurasına üzv olması əlaqələrin daha da dərinləşməsinə təkan verəcək
15 Oktyabr 16:56
Çinin Dünya Tarixi İnstitutunun alimləri AMEA-da olublar
15 Oktyabr 16:48
Daha 38 mütəxəssis Kənd Təsərrüfatı Nazirliyi sistemində işə götürülüb
15 Oktyabr 16:38
Azərbaycan Dövlət İqtisad Universitetində “Avro 2020” Könüllülük Proqramı ilə bağlı görüş olub
15 Oktyabr 16:13
İtaliya Senatının nümayəndə heyəti Şəhidlər xiyabanını ziyarət edib
15 Oktyabr 16:07
Naqif Həmzəyev: VII Zirvə görüşü türkdilli dövlətlərin tarixində yeni səhifə açacaq
15 Oktyabr 16:04
Eldəniz Səlimov: Ermənistanın dövlət siyasətində faşizmin əlamətləri mövcuddur
15 Oktyabr 15:59
Tahir Rzayev: “Qarabağ Azərbaycandır!” hərəkatı torpaqlarımızın işğaldan azad edilməsi uğrunda ümumxalq həmrəyliyinin güclənməsinə xidmət edir
15 Oktyabr 15:54
Cavanşir Paşazadə: Son 16 il tariximizə möhtəşəm yüksəliş dövrü kimi daxil olub
15 Oktyabr 15:52
Bağdad Amreyev: Son dövrlərdə türkdilli ölkələr böyük nailiyyətlərə imza atıblar
15 Oktyabr 15:49
Macarıstan nəşri: Orban macarlara olan səmimi münasibətə görə Azərbaycan xalqına minnətdardır
15 Oktyabr 15:46
Vergiödəyicisi ilə vergi orqanının məlumat mübadiləsi fərdi elektron kabinet vasitəsilə aparılır
15 Oktyabr 15:43
Milli Məclisdə “Qarabağ Azərbaycandır və nida işarəsi” mövzusunda dinləmələr keçirilib
15 Oktyabr 15:36
Vergiödəyicisi ilə vergi orqanının məlumat mübadiləsi fərdi elektron kabinet vasitəsilə aparılır
15 Oktyabr 15:22
Bakıda Türkdilli Dövlətlərin Əməkdaşlıq Şurasının VII Zirvə Görüşü keçirilib
15 Oktyabr 15:19
“Müstəqillik illərində Azərbaycanda din təhsili” mövzusunda konfrans təşkil olunub
15 Oktyabr 15:05
Elçin Quliyev: Ötən 16 ildə ölkəmiz dünya üzrə ən dinamik sosial-iqtisadi inkişafa nail olub
15 Oktyabr 14:53
“Qarabağ Azərbaycandır!” hərəkatı xalqımızı torpaqlarımızın işğaldan azad edilməsinə doğru məqsədini daha da yaxınlaşdırır
15 Oktyabr 14:35
Yeni Azərbaycan Partiyasının rəhbərliyi Horadiz şəhərində gənclərlə görüş keçirib
15 Oktyabr 14:30
Milli Məclisin nümayəndə heyəti Parlamentlərarası İttifaqın 141-ci Assambleyasında iştirak edir
15 Oktyabr 14:29
Beynəlxalq Nəqliyyat Forumunun Avtomobil Nəqliyyatı Qrupunun Bakı iclası başa çatıb
15 Oktyabr 14:26
İyirmi ümumi təhsil müəssisəsində peşə təmayüllü siniflər yaradılıb
15 Oktyabr 14:19
Ölkə ərazisində sabit hava şəraiti davam edəcək
15 Oktyabr 14:16
Ceyhun Bayramov: 7 pilot peşə təhsili müəssisəsinin tikintisi və yenidən qurulması ilə bağlı işlərə start verilib
15 Oktyabr 14:10
Akademik Akif Əlizadənin rəhbərlik etdiyi nümayəndə heyəti Bolqarıstanda səfərdə olub
15 Oktyabr 13:13
Azərbaycanla Özbəkistanın İKT sahəsində əməkdaşlığının perspektivləri müzakirə edilib
15 Oktyabr 12:49
15 oktyabr - milli intibahın yeni mərhələsinin başlanğıc tarixi
15 Oktyabr 12:44
Baş nazirin müavini Əli Əhmədov Horadiz şəhərində Ümummilli Lider Heydər Əliyevin abidəsini ziyarət edib
15 Oktyabr 12:32
Velosipedçimiz Malayziyada “Tour of Peninsular 2019” yarışının birinci mərhələsinin qalibi olub
15 Oktyabr 12:06
Leyla Əliyevanın şeir yaradıcılığı türk poeziyasına yeni bədii ruh gətirəcək
15 Oktyabr 11:57
Özbəkistanın milli informasiya agentliyi “Azərbaycanın fəxri və millətin Ulu Öndəri” sərlövhəli məqalə yayıb
15 Oktyabr 11:50
“Jewish Journal”: Avropa Şurası Azərbaycanın təşəbbüsü ilə yəhudi irsi abidələrinin qorunmasına dair qətnamə qəbul edib
15 Oktyabr 11:40
Daxili işlər orqanlarının əməkdaşları ötən gün axtarışda olan 21 nəfəri saxlayıblar
15 Oktyabr 11:35
Kuhner Fondunun üzvlərinin adı Azərbaycan XİN-in arzuolunmaz şəxslər siyahısından çıxarılıb
15 Oktyabr 11:31
Özbəkistanın informasiya agentliyində ölkəmizlə bağlı məqalə yer alıb

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
HAVA HAQQINDA