Ana səhifə »  Sosial »  Prezident İlham Əliyevin rəhbərliyi ilə Azərbaycanın inkişafı bundan sonra da davam edəcək
A+   Yenilə  A-
Prezident İlham Əliyevin rəhbərliyi ilə Azərbaycanın inkişafı bundan sonra da davam edəcək

Ufuk Aydın: Ən böyük arzum işğaldan azad olunmuş Dağlıq Qarabağda bir layihədə çalışmaqdır
“Yeni Azərbaycan” qəzeti bu gündən etibarən oxucularına yeni rubrika təqdim edir. “İş adamı” adlanan yeni rubrikamızda ölkəmizdə fəaliyyət göstərən yerli və xarici iş adamları ilə müsahibələr təqdim olunacaq. Rubrikamızın ilk qonağı isə Türkiyənin “SinerjiPro” şirkətinin Azərbaycandakı filialının təsisçisi və baş direktoru Ufuk Aydındır.
Ufuk Aydın 25 dekabr 1968-ci ildə Türkiyənin Zonquldağ şəhərində dünyaya gəlib. Ulu babaları 1890-cı il Osmanlı-Rus müharibəsi zamanı bu bölgədən, yəni Qafqazdan Türkiyəyə köç edən Ufuk bəy “zatən Azərbaycanı vətənimiz kimi hiss edirik. Eyni zamanda, ulu babalarımız da buradan Türkiyəyə köç etdikləri üçün bu torpaqlara daha dərin bağlılığımız var” deyib. 4 qız və 1 oğul atası olan Ufuk Aydını ölkəmizə bağlayan başqa bir səbəb isə azərbaycanlı xanımla ailə qurmasıdr. İxtisasca elektronika və telekommunikasiya mühəndisi olan U.Aydın Türkiyədə özəl televiziyaların inkişaf etdiyi 1990-2004-cü illərdə TV mediası ilə bağlı bir çox sahədə fəaliyyət göstərib. Elə ölkəmizə gəlişi də o dönəmdə Azərbaycanda bir televiziya kanalının modernləşdirilməsi işinə kömək etmək məqsədilə olub. Beləliklə, bu məqsədlə 2006-cı ildə Azərbaycana gələn U.Aydın ilk üç ili Naxçıvanda çalışdıqdan sonra Bakıda “SinerjiPro” şirkətinin Azərbaycan filialının fəaliyyətinin əsasını qoyub. Elə bizimlə söhbətinə də məhz bu şirkət barədə ətraflı məlumat verməklə başladı.
“SinerjiPro” Azərbaycana xüsusi önəm verir”
Onun sözlərinə görə, 1997-ci ildə Türkiyədə təsis edilən və mərkəzi İstanbulda olan “SinerjiPro” müasitr istilik, havalandırma və soyutma sistemləri -HVAC&PLUMBING - və elektrik, inkişaf etmiş bina elektronikası, TV yayımçılığı, peşəkar səs və işıq sistemləri istiqamətində geniş məhsul çeşidləri, güclü mühəndis kadrları olan bir texnoloji şirkətdir: “Fəaliyyət sahəmiz elektromexanika sistemləridir. Əsas müştərilərimizi inşaat sektoru təşkil edir. Həmin müştərilər də peşəkarlardır. Yəni böyük muzeylər, böyük obyektlər, böyük qüllələr, böyük universitet inşaatları, xəstəxanalar, alış-veriş mərkəzləri, hotellərin binaları ilə bağlı elektrik, elektronika, avtomatlaşdırma və peşəkar istilik-soyutma sistemlərinin qurulmasını həm layihələndiririk, həm də onların quraşdırılmasını həyata keçiririk. “SinerjiPro” Türkiyədə, türk cümhuriyyətlərində, Rusiya ərazisində və digər bir sıra ölkələrdə tanınmış bir çox inşaat firması ilə müştərək çalışaraq elektromexanika sahəsində fəaliyyət göstərib. Amma təmsilçiliyimiz Azərbaycanda və Gürcüstandadır. Onu da deyim ki, Azərbaycanda rəsmi filial olaraq qurulan gündən bu vaxta kimi eyni binada, eyni ünvanda fəaliyyətimizi davam etdiririk”.
Məlum olduğu kimi, Azərbaycanda fəaliyyət göstərən və adında “sinerji” sözü olan bir sıra digər şirkətlər də var. Bu isə ortaya “SinerjiPro”nun həmin şirkətlərlə bağlılığının olub-olmamasına dair suallar çıxarır. Müsahibəsində həmin məqama da toxunan U.Aydın “Bu barədə çox suallarla rastlaşdıq və mən bu barədə kiçik bir araşdırma apardım. Məlum oldu ki, Azərbaycanda adında “sinerji” sözü olan 9 şirkət var. Bunun 2-si bizim adımıza qeydlidir (biri filial, biri isə hazırda fəaliyyəti olmayan bir şirkətdir). Yerdə qalan 7-si isə müstəqil şirkətlərdir. Yəni birmənalı şəkildə bəyan edirəm ki, uzun illərdir Azərbaycanda fəaliyyət göstəririk və digər “sinerji”lərlə heç bir bağlantımız yoxdur. Onu da deyim, mənim “SinerjiPro” adımın patenti var. Hətta Azərbaycan ərazisi üzrə də patent alacağıq”, - deyə qeyd edib.
“Qubada çalışdığımız hər gün şəhidlərə dua, türkün düşmənlərinə lənətlə keçdi”
Azərbaycanda fəaliyyət göstərdikləri müddətdə yerli qurumlarla əməkdaşlığın hansı formada qurulmasına gəlincə, müsahibimiz mal-material məsələsində yerli iş adamları və şirkətlərlə əməkdaşlığa üstünlük verdiklərini bildirib: “Yəni yerli şirkətlərdən mal-material almağa üstünlük veririk. Məqsədimiz budur ki, daxili bazara, daxili sektora da faydamız olsun. Dövlət qurumlarına gəlincə, bütün idarələrlə bu və digər formada əməkdaşlığımız var”.
U.Aydın həmçinin Azərbaycanda Prezident İlham Əliyevin rəhbərliyi ilə həyata keçirilən regionların sosial-iqtisadi inkişafına dair Dövlət proqramları çərçivəsində reallaşdırılan işlərdən onlara da pay düşdüyünü deyib: “Qəbələdə bir hotel çalışması oldu. Eyni zamanda, Sənqaçalda bir fabrikin qurulmasında, Gəncə və Şəmkirdə bir qrup işlərdə öz sahəmizə uyğun olaraq fəaliyyət göstərdik. Hazırda isə Lənkəranda böyük bir obyektin qurulması prosesində iştirak edirik. Onu da deyim ki, fəaliyyət sahəmizə uyğun olaraq Qubadakı soyqırımı kompleksinin qurulmasında da iştirak etmişik. Orada çalışdığımız hər gün şəhidlərə dua, türkün düşmənlərinə lənətlə keçdi”.
“Azərbaycan son 14 ildə uğurlu inkişaf yolu keçib”
Müsahibəsində ölkəmizdə əldə olunan uğurlardan xüsusi olaraq bəhs edən U.Aydın deyib ki, Azərbaycan son 14 ildə uğurlu inkişaf yolu keçib. Onun sözlərinə görə, güclü iqtisadiyyat olmadan ölkənin hərtərəfli inkişafından, qarşıda duran vəzifələrin uğurlu həllindən söhbət açmaq mümkün deyil: “Bu mənada son 14 ildə Prezident İlham Əliyevin Azərbaycanın güclü potensialından, o cümlədən də neft gəlirlərindən səmərəli istifadə etməklə ölkənin iqtisadi müstəqilliyinin təmin edilməsini hədəfləyən siyasətinin önəmini xüsusi qeyd etmək lazımdır. Bəhs olunan dövrdə Azərbaycanda neftdənkənar, innovativ əsaslı, elm tutumlu iqtisadiyyat quruculuğu diqqət mərkəzində saxlanılıb. Belə məqsədyönlü yanaşmanın nəticəsidir ki, qardaş Azərbaycan qısa müddətdə Cənubi Qafqaz regionunda ən güclü iqtisadiyyata malik ölkəyə çevrilib. 2004-cü ildən bəri bütün dünya üzrə ÜDM istehsalının artımında ən yaxşı göstəricilərdən biri məhz Azərbaycanda qeydə alınıb. Ümumiyyətlə, qardaş ölkə cənab Prezident İlham Əliyevin siyasi qətiyyəti sayəsində elə bir uğurlu iqtisadi inkişaf modeli seçib ki, burada neft amili heç də həlledici rol oynamır, əksinə, ağırlıq mərkəzi tədricən qeyri-neft sektoruna keçir”.
Müsahibimiz onu da bildirib ki, yeni şəraitdə Azərbaycanda aparılan islahatların böyük qismi özəl sektorda aktivliyin artmasına, ölkədə biznes mühitinin optimallaşdırılmasına hesablanıb: “Azərbaycanda kiçik və orta sahibkarlıq subyektlərinin istehsal imkanlarının artırılması məqsədilə həyata keçirilən genişməzmunlu islahatlar sahibkarların yeni ideyalarını həyata keçirmələrinə və onların maddi imkanlarının daha da genişlənməsinə əlverişli iqtisadi mühit formalaşdırır. Prezident İlham Əliyevin 2016-cı il 13 iyul tarixdə imzaladığı müvafiq Sərəncamı əsasında ölkədə özəl bölmənin dəstəklənməsi məqsədilə kompleks tədbirlər intensiv şəkildə davam etdirilib. Onu da vurğulayım ki, həyata keçirilən tədbirlər, özəl sektora göstərilən xüsusi diqqət Azərbaycanda nəinki yerli, həm də bizim kimi xarici iş adamlarının fəaliyyəti üçün də münbit şəraitin yaradılmasına səbəb olub. Beləliklə, bütün bu sadalananların fonunda əminliklə qeyd etməyi özümə borc bilirəm ki, həyata keçirilən işlər ümumilikdə qardaş ölkənin hərtərəfli inkişafına təkan verib və Prezident İlham Əliyevin rəhbərliyi ilə Azərbaycanın inkişafı bundan sonra da davam edəcək. Eyni zamanda, onu da xüsusi olaraq vurğulayım ki, cənab İlham Əliyevin rəhbərliyi ilə Azərbaycanda reallaşdırılan siyasi və iqtisadi islahatlar, həmçinin Konstitusiya islahatları ilə bağlı keçirilən referendumdan sonra vitse-prezidentlik institutunun formalaşdırılması və hörmətli Mehriban xanım Əliyevanın Birinci vitse-prezident təyin edilməsi idarəetmədə səmərəliliyi və çevikliyi daha da artırıb”.
“İş adamları olaraq, Türkiyə-Azərbaycan qardaşlığına daha çox töhfə verməyə hazırıq”
Ufuk bəy onu da əlavə edib ki, güclü sərmayə təminatı olmadan bu və ya digər istiqamətlər üzrə yeni layihələrin həyata keçirilməsindən də söhbət gedə bilməz: “Bunun nəticəsidir ki, xarici bazarlara çıxarılan Azərbaycan mənşəli məhsulların həcmi əhəmiyyətli dərəcədə artıb. Son statistik məlumatlara görə, Azərbaycanın xarici ticarət dövriyyəsində ixracın payı 61 faizə çatıb, ixrac idxalı 4,7 milyard dollar üstələyir. Eyni zamanda, “Made in Azerbaijan” brendi ilə xarici bazarlara çıxarılan məhsulların ixrac coğrafiyası genişlənir. Statistik məlumatlara görə, 2017-ci ilin 11 ayı ərzində Azərbaycanın ən çox qeyri-neft məhsulları Rusiya Federasiyasından sonra 264 milyon ABŞ dolları həcmində olmaqla Türkiyəyə ixrac edilib. Türkiyənin bu məsələdə ön yerlərdən birini tutması isə heç də təsadüfi deyil. Çünki bir millət-iki dövlət fəlsəfəsinə əsaslanan Türkiyə-Azərbaycan qardaşlığı prezidentlər cənab Rəcəb Tayyib Ərdoğan və cənab İlham Əliyevin siyasi iradələrindən güc alaraq son illər daha da inkişaf edib. Qan, dil, mədəniyyət və din birliyimizin sonucunda da güclü işbirliyi meydana gəlib. Bu əməkdaşlığın nəticələri ortadadır. Azərbaycan Türkiyəyə sərmayə qoyan xarici ölkələr arasında üçüncü sıradadır. Özü də bunlar strateji sərmayələrdir. Yəni hamısı neft-kimya, nəqliyyat və s. bu kimi gələcəyə miras qalan sahələrdir. Məhz bu qardaşlığın nəticəsində TANAP, BTC, BTQ kimi layihələr yaranıb. BTQ dəmir yolu layihəsi xüsusi vurğulanmalıdır. Bunun anlamının, qiymətinin nə olduğunu bundan 50 il sonrakı nəsillər daha yaxşı anlayacaqlar. Onlar bunun faydasını çox yüksək şəkildə görəcəklər. Hazırda da iki qardaş ölkə arasında bütün sahələrdə çox gözəl əməkdaşlıq var. Bu əməkdaşlığın ortaya çıxardığı münbit şəraitin faydasını da bizim kimi şirkətlər, iş adamları görür və iş adamları olaraq, Türkiyə-Azərbaycan qardaşlığına daha çox töhfə verməyə hazırıq”.
“FETÖ xərçəng xəstəliyi kimi Türkiyənin bütün dövlət orqanlarına yayılmışdı”
Söhbət əsnasında Türkiyə-Azərbaycan qardaşlığının zaman-zaman ağır sınaqlardan üzüağ çıxdığını da deyən Ufuk Aydın belə sınaqlardan birinin də 2016-cı il iyulun 15-də yaşandığını bildirib: “Bilirsiniz ki, həmin tarixdə FETÖ terror təşkilatının üzvləri Türkiyədə dövlət çevrilişinə cəhd etdilər. O gün bizə ziyan vuran olaylar oldu. Bizə deyərkən, öncə Vətənimizə və dövlətimizə. Çünki mənim şəxsi qənaətim budur ki, Vətən, dövlət yoxsa, ailə, oğul-uşaq da yoxdur. Bu FETÖ deyə ifadə edilən, amma hardasa 3-4 ildir ortaya çıxmış olan terror təşkilatının Türkiyədəki və dünyadakı hazırlığı 40 illik çox incə-incə, narın-narın toxunmuş bir corab kimidir. Daha dəqiq desək, FETÖ xərçəng xəstəliyi kimi Türkiyənin bütün dövlət orqanlarına yayılmışdı, amma kimsə bunu fərq etməmişdi. Bir gün ortaya çıxdığında isə təcili əməliyyatlar edilməyə başlanıldı. Bu terror təşkilatı ortaya çıxana qədər isə tez-tez siqaret çəkən adam kimi olub Türkiyənin halı. Yəni çoxlu siqaret çəkən insan ancaq xərçəng olduqdan sonra siqareti atar. Amma bu “xəstəlik” ortaya çıxana qədər terror təşkilatının üzvləri, nə yazıq ki, bəzi məsələlərdən sui-istifadə etməklə, guya dini bir müəssisə kimi görünməklə çoxlu dəstəklər alıblar. O da bəllidir ki, bu ünsürlərin zamanında xarici təşkilatlanma ilə bağlı ilk hədəflədikləri ölkə məhz Azərbaycan olub. Bunların içərisində zamanında qurulan dərnəklər, birliklər də olub. Xüsusilə iş sektorunu daha çox ələ keçirmək istəyirdilər. Bu istiqamətdə başımıza çox işlər gəldi. Və son olaraq da olayların zirvədə olduğu dönəmdə FETÖ-yə yaxınlığı ilə tanınan bir dərnəyin içində son 6 ay ərzində mücadilə apardıq. Çox ciddi təmizlik etdik. 15 iyul çevrilişinə cəhddən öncə biz FETÖ-yə bağlı olan şəxsləri bu dərnəkdən kənarlaşdırdıq. Yəni biz də öz vətənsevərliyimizlə bəlli bir mübarizəni imkan daxilində apardıq. Hazırda da Türkiyədə bu təhlükəli qurum və insanlardan, bu “xərçəng”dən qurtulmaq prosesi davam edir. Eyni zamanda, Türkiyə dövlətinin bu “xərçəng”dən xilas olmaq müddətində apardığı mübarizəyə Azərbaycan da lazım olan dəstəyi verdi və verməkdə davam edir. Ümid edirəm ki, çox yaxın gələcəkdə bu “xərçəng” tamamilə təmizlənəcək. Amma çox diqqətli olmaq lazımdır. Çünki FETÖ üzvləri ilan kimi zəhərli, yerin altında gizlənib məqam gözləyən terrorçulardır”.
“SinerjiPro” Azərbaycanda peşəkar mühəndislərin hazırlanmasına yaxından dəstək verir”
Sonda Azərbaycandakı gələcək fəaliyyətləri barədə də danışan Ufuk Aydın ən böyük arzusunun işğaldan azad olunmuş Dağlıq Qarabağda bir layihədə çalışmaq olduğunu deyib: “Mən onu görmədən rahatlıq tapan deyiləm. Yəni Qarabağda bir layihəni reallaşdırmaq xəyalındayam. Bir gün onu görəcəyimizə inanıram. Bununla bərabər, Azərbaycanda bizim fəaliyyət sahəmizlə bağlı peşəkar mühəndislərin hazırlanması işinə yaxından dəstək veririk. Gələcək planlarımız azərbaycanlı mühəndislərin öz şirkətləri, öz qrupları ilə artıq burada fəaliyyət göstərmələrinə nail olmaqdır. Biz bu istiqamətdə ilk addımı atdıq. Belə ki, burada fəaliyyətə başlayanda mühəndis heyəti tamamilə, işçi heyətinin isə tam yarısı Anadolu türklərindən ibarət idi. İndiki vəziyyətdə isə usta-işçi heyətində 95 faiz, mühəndislik heyətində də 30 faiz azərbaycanlı çalışır. Bu da mənim ən çox arzusunda olduğum məsələlərdən biridir”.
Nadir AZƏRİ

 
  • Oxunub:  36900  |  
  • Tarix:  11-01-2018  |  
  •    Çap et   |  
Get Adobe Flash player
Son 15 ildə Prezident İlham Əliyevin apardığı məqsədyönlü siyasət Azərbaycana bütün sahələrdə böyük uğurlar qazandırıb

20:49
17 Oktyabr
Bakıda Türkmənistanın milli bayramı qeyd edilib
20:45
17 Oktyabr
Dan-Viqqo Berqtun: Azərbaycanda dövləti veteranlara yüksək diqqət və qayğı göstərir
20:41
17 Oktyabr
ADA Universitetində Azərbaycanın Baltikyanı dövlətlərlə əməkdaşlığına həsr edilən tədbir keçirilib
20:35
17 Oktyabr
QDİƏT PA-nın iclasında Azərbaycanın həmkarlar ittifaqlarının fəaliyyətindən danışılıb
20:31
17 Oktyabr
Mingəçevir Dövlət Dram Teatrının 50 illik yubileyi qeyd olunub
20:29
17 Oktyabr
Cəlil Xəlilov: beynəlxalq konfransda Dağlıq Qarabağ münaqişəsi haqqında həqiqətləri dünya ictimaiyyətinin diqqətinə çatdırırıq
20:20
17 Oktyabr
Milli Məclisin əmək və sosial siyasət komitəsində ölkəmizdə DOST sisteminin qurulması ilə bağlı dinləmə keçirilib
20:17
17 Oktyabr
Prezident İlham Əliyev Şəkidə yol tikintisinə 20,08 milyon manat ayırıb
20:03
17 Oktyabr
Böyük zəfərlərlə zəngin 15 il: Prezidentin fəaliyyətində siyasi varislik və yaradıcı diplomatiyanın vəhdəti
20:01
17 Oktyabr
Çində keçirilən İpək Yolu Biznes Sammitində Bakı Limanı barədə məlumat verilib
17:54
17 Oktyabr
Bakıda “Milli müstəqilliyimiz-mənəvi gücümüz” mövzusunda konfrans keçirilib
17:51
17 Oktyabr
Azərbaycan beynəlxalq antikorrupsiya mübarizəsində fəal iştirak edir
17:43
17 Oktyabr
XİN: Dövlət Dumasının üzvünün Dağlıq Qarabağa qanunsuz səfərdə iştirakının müqabilində Rusiya XİN-nin açıqlaması təsirli xarakter daşımır
17:38
17 Oktyabr
Hadi Rəcəbli: Prezident İlham Əliyevin siyasətinin əsasında xalqın maraqları, dövlətin mənafeyi, əhalinin sosial müdafiəsi dayanır
17:36
17 Oktyabr
İstanbul Əsgəri Muzeyində qorunan Şirvanşahlar dövlətinə aid hərbi geyim və silahlar Azərbaycana gətirilib
17:29
17 Oktyabr
Fərhad Bədəlbəyli Müslüm Maqomayev adına müsabiqənin münsiflər heyətinə daxil edilib
17:26
17 Oktyabr
Tahir Mirkişili: Bir çox göstəricilər üzrə Azərbaycan dünya ölkələri arasında qabaqcıl yerlərə sahibdir
17:21
17 Oktyabr
Hikmət Babaoğlu: “2018-2019 Qlobal Rəqabətlilik Hesabatı” Azərbaycanda inklüziv cəmiyyətin mövcudluğundan xəbər verir
17:20
17 Oktyabr
Xarici KİV-lər “On beş illik prezidentlik dövrünün möhtəşəm zəfər salnaməsi” məqaləsini yaymaqda davam edir
17:05
17 Oktyabr
Şəmkirdə ötən doqquz ayın yekunları müzakirə olunub
17:00
17 Oktyabr
Muxtar respublikada aztəminatlı ailələrin özünüməşğulluğunun təmin olunması diqqət mərkəzindədir
16:51
17 Oktyabr
UNEC “Təhsil almaq üçün hansı universiteti seçərdiniz?” nominasiyasının qalibi olub
16:44
17 Oktyabr
Tahir Rzayev: Qlobal Rəqabətlilik Hesabatında Azərbaycanın bir sıra istiqamətlər üzrə aparıcı mövqeyini qoruyub saxlaması mühüm əhəmiyyətə malikdir
16:42
17 Oktyabr
Seyfəddin Talıbov: Aqrar sahənin inkişafı daim dövlətimizin diqqət mərkəzindədir
16:39
17 Oktyabr
Yeni Azərbaycan Partiyası Pirallahı rayon təşkilatı Pirallahı rayon MKTB ərazi ilk partiya təşkilatında iclas keçirilib
16:36
17 Oktyabr
Aparılan islahatlar Qlobal Rəqabətlilik Hesabatında Azərbaycanın liderlik mövqeyini qoruyub saxlamasına səbəb olub
16:30
17 Oktyabr
Nikolay Qolovatıy: Son 15 ildə Azərbaycan beynəlxalq birlikdə nüfuzlu, sayılıb-seçilən ölkəyə çevrilib
16:23
17 Oktyabr
Altınay Omurbekova: Azərbaycanın inkişafı ilə qürur duyuruq
16:11
17 Oktyabr
Naxçıvan Muxtar Respublikası Ali Məclisində görüş
15:45
17 Oktyabr
Hava Hücumundan Müdafiə bölmələri “OSA” zenit-raket komplekslərindən döyüş atışlarını yerinə yetiriblər
15:36
17 Oktyabr
Aqiyə Naxçıvanlı: Uşaqların zərərli informasiyalardan qorunması vacib məsələdir
15:28
17 Oktyabr
“Əl-Cəridə” qəzeti: Azərbaycan ilə Küveyt arasında sıx münasibətlər qurulub
15:25
17 Oktyabr
Bəhruz Quliyev: Dünya İqtisadi Forumunun hesabatı Azərbaycanda həyata keçirilən inkişaf siyasətinin alternativi olmadığını nümayiş etdirir
15:24
17 Oktyabr
Latviya Yerli İcra Orqanları İttifaqının sədri: Azərbaycan məhsulları ölkəmizdə yaxşı tanınır
15:23
17 Oktyabr
Mili Kitabxanada “18 oktyabr Dövlət Müstəqilliyi Günüdür” adlı sərgi açılıb
15:11
17 Oktyabr
Tələbələrə sağlam qidalanma ilə bağlı maarifləndirici buklet paylanılıb
15:08
17 Oktyabr
Azərbaycan bərpaolunan enerji sahəsində “Masdar” şirkəti ilə əməkdaşlıq edəcək
15:03
17 Oktyabr
Elmar Məmmədyarov: Mehriban qonşuluq münasibətləri qurulmadan Ermənistanda dayanıqlı inkişafa nail olmaq mümkün deyil
15:01
17 Oktyabr
Sədaqət Vəliyeva: Azərbaycan dünya ölkələri üçün dinamizm və dayanıqlılıq nümunəsinə çevrilib
14:57
17 Oktyabr
Fərasət Qurbanov: Ötən 10 ildə 500-dən çox QHT-nin milli maraqlara xidmət edən layihəsinə dəstək göstərilib
14:53
17 Oktyabr
Azərbaycanın dövlət müstəqilliyinin əbədiliyi Heydər Əliyevin rəhbərliyə qayıdışından sonra təmin edilib
14:51
17 Oktyabr
İordaniyalı senator: Beynəlxalq birlik Dağlıq Qarabağ münaqişəsinin nizamlanması üçün daha qətiyyətli addımlar atmalıdır
14:49
17 Oktyabr
“Uşaq Avroviziya 2018" mahnı müsabiqəsində təmsilçimizin səsləndirəcəyi mahnı və promoçarxı təqdim olunub
14:43
17 Oktyabr
BƏƏ-nin “Aviamost” qəzetində “Azərbaycanın Müstəqillik Günü” sərlövhəli məqalə dərc olunub
14:42
17 Oktyabr
Fransa portalı Nəsimi festivalından yazıb
14:39
17 Oktyabr
Ekspert: Azərbaycan sosial və səhiyyə istiqamətləri üzrə də aparıcı ölkələrlə yanaşı sıralardadır
14:34
17 Oktyabr
Dünya Ərzaq Günü 2018
14:32
17 Oktyabr
Azərbaycan ilə Malayziya arasında turizm sahəsində əməkdaşlıq haqqında memorandum imzalanıb
14:30
17 Oktyabr
Bakıda “Müasir dünyada təhlükəsizlik: qlobal və regional çağırışlar” mövzusunda beynəlxalq konfrans keçirilir
14:27
17 Oktyabr
Avropa Yenidənqurma və İnkişaf Bankının Şərqi Avropa və Qafqaz üzrə yeni direktoru təyin olunub
14:22
17 Oktyabr
Səfərbərlik və Hərbi Xidmətə Çağırış üzrə Dövlət Xidmətinin rəisi Xırdalanda vətəndaşları qəbul edib
14:18
17 Oktyabr
Aydın Hüseynov: Azərbaycanın Qlobal Rəqabətlilik Hesabatında yüksək nəticələr əldə etməsi ölkəmizdə həyata keçirilən məqsədyönlü sosial-iqtisadi islahatların real nəticəsidir
14:16
17 Oktyabr
Müstəqillik milli sərvətimizdir
12:58
17 Oktyabr
Mədəniyyət naziri Mingəçevirdə vətəndaşları qəbul edib
12:56
17 Oktyabr
Mingəçevirdə 18 Oktyabr - Dövlət Müstəqilliyi Günü münasibətilə konfrans keçirilib
12:50
17 Oktyabr
Məcburi köçkün şagirdlər üçün ödənişsiz fizika kursları təşkil olunub
12:41
17 Oktyabr
Sabah Bakıda ilk Milli Turizm Sammiti keçiriləcək
12:37
17 Oktyabr
Azərbaycan 2017-ci ildə Qırğızıstan iqtisadiyyatına 18,8 milyon dollar sərmayə qoyub
12:25
17 Oktyabr
Bu il Azərbaycana 193 ölkədən 2,2 milyon əcnəbi və vətəndaşlığı olmayan şəxs gəlib
12:04
17 Oktyabr
Rauf Əliyev: Dünya İqtisadi Forumunun Qlobal Rəqabətlilik Hesabatında Azərbaycanla bağlı məqamlar ölkəmizdə həyata keçirilən səmərəli sosial-iqtisadi siyasətin müsbət nəticələrini əks etdirir
11:55
17 Oktyabr
Neft Fondu: İnvestisiya portfelində Koreya vonunun payının dəyişməsinə səbəb yatırımdakı səhm payının azaldılması olub
11:54
17 Oktyabr
MDBMİ-də Ümumdünya Ərzaq Gününə həsr edilmiş tədbir keçirilib
11:52
17 Oktyabr
ADU-da “Cümhuriyyət dövründə ədəbiyyat və mətbuat” mövzusunda müzakirələr aparılıb
11:50
17 Oktyabr
Azərbaycanın energetika naziri Çində səfərdədir
11:47
17 Oktyabr
ABŞ-da keçirilən simpoziumda Qafqaz dağ-meşə xoruzlarının Azərbaycandakı vəziyyətindən danışılıb
11:44
17 Oktyabr
Azərbaycan tingçiliyində yeni dövr: bir tumurcuqdan 105-107 ting alınacaq
11:41
17 Oktyabr
Azərbaycan nümayəndə heyəti Pekin şəhərinə yola düşüb
11:28
17 Oktyabr
BANM-də Prezident təqaüdçüləri ilə görüş
11:27
17 Oktyabr
AQTA əməkdaşları Azərbaycan Dillər Universitetində tələbələrlə görüşüb
11:06
17 Oktyabr
Kaliforniyanın San-Xose şəhərində 18 oktyabr “Azərbaycanın Müstəqillik Günü” elan edilib

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
HAVA HAQQINDA