Ana səhifə »  Xəbər lenti »  Milli Məclisin növbəti plenar iclası keçirilib
A+   Yenilə  A-
Milli Məclisin növbəti plenar iclası keçirilib

Mayın 27-də Milli Məclisin Sədri Sahibə Qafarovanın sədrliyi ilə parlamentin növbəti plenar iclası keçirilib. Əvvəlcə, iclasın 15 bənddən ibarət gündəliyi təsdiqlənib. Sonra gündəlikdəki məsələlərə baxılıb.

AZƏRTAC xəbər verir ki, iclasda “Azərbaycanın mədəniyyət paytaxtı – Şuşa şəhəri haqqında” Qanun layihəsini ikinci oxunuşda Mədəniyyət komitəsinin sədri Qənirə Paşayeva təqdim edib. Bildirilib ki, qanun layihəsinin birinci oxunuşu zamanı deputatlar müsbət fikirlər söyləyib, konseptual baxımdan sənədi dəstəkləyiblər. Bununla yanaşı, layihəyə bir sıra təkliflər də irəli sürülüb. Verilən təkliflər qanunvericilik təşəbbüsü subyekti ilə müzakirə edilib və onların bəziləri qanunun qəbulundan sonra onun tətbiqi ilə bağlı qəbul ediləcək direktiv sənədlərdə öz əksini tapacaq. Qeyd edilib ki, ötən gün qanun layihəsi 4 komitənin birgə iclasında ikinci oxunuşda geniş müzakirə olunub və yekdilliklə dəstəklənib. Qanunun qəbulu Prezident tərəfindən Azərbaycanın mədəniyyət paytaxtı elan edilmiş qədim Şuşa şəhərinin qorunmasına, bərpasına, inkişafına və təbliğinə töhfə verəcək.

Qanun layihəsi Şuşa şəhərində dövlət siyasətinin əsas istiqamətlərini; Şuşa ərazisində və onun mühafizə zonasında hüquqi tənzimləməni; abidələrin bərpası, qorunması, öyrənilməsi, istifadəsi və təbliğini; ətraf mühitin mühafizəsini; Şuşa ərazisində tikinti, memarlıq və şəhərsalma fəaliyyətini; nəqliyyatın təşkilini; sahibkarlıq, reklam, turizm kimi fəaliyyətləri; həmçinin Şuşada beynəlxalq səviyyəli tədbirlərin keçirilməsini və digər bir sıra mühüm məsələləri tənzimləyəcək.

Müzakirələr zamanı komitə sədri Tahir Rzayev, deputatlardan Vahid Əhmədov, Aydın Mirzəzadə, Jalə Əliyeva, Erkin Qədirli, Fəzail Ağamalı, Qüdrət Həsənquliyev, Sahib Alıyev Şuşanın tarixindən, onun ölkənin siyasi və mədəni həyatında oynadığı roldan bəhs edib, bir sıra təkliflər səsləndiriblər. Deputatlar qanun layihəsini yüksək dəyərləndiriblər.

Milli Məclis Sədrinin birinci müavini, Hüquq siyasəti və dövlət quruculuğu komitəsinin sədri Əli Hüseynli deputatların çıxışlarında səslənən bir sıra məsələlərə aydınlıq gətirib. Komitə sədrləri Qənirə Paşayeva və Siyavuş Novruzov deputatların toxunduğu bəzi məqamlara münasibət bildiriblər.

Müzakirələrin sonunda “Azərbaycanın mədəniyyət paytaxtı – Şuşa şəhəri haqqında” Qanun layihəsi ikinci oxunuşda qəbul edilib.

Milli Məclisin Sədri Sahibə Qafarova diqqətə çatdırıb ki, gündəliyin ikinci məsələsi “Azərbaycan Respublikasının 2020-ci il dövlət büdcəsinin icrası haqqında” Qanun layihəsidir. Layihə birinci oxunuşda müzakirə ediləcək. Spiker qeyd edib ki, “Büdcə sistemi haqqında” Qanunda müəyyənləşdirilmiş qaydaya uyğun olaraq qanun layihəsi mayın 15-dək Milli Məclisə təqdim edilib. Eləcə də, Hesablama Palatasının rəyi vaxtında hazırlanıb Milli Məclisə təqdim olunub.

“Azərbaycan Respublikasının 2020-ci il dövlət büdcəsinin icrası haqqında” Qanun layihəsi barədə İqtisadi siyasət, sənaye və sahibkarlıq komitəsinin sədri Tahir Mirkişili birinci oxunuşda məlumat verib. Bildirilib ki, 2020-ci ilin dövlət büdcəsi Azərbaycan Respublikasının Prezidenti İlham Əliyevin müəyyən etdiyi strateji inkişaf prioritetləri və sosial-iqtisadi siyasət istiqamətləri ilə uzlaşdırılaraq qlobal iqtisadiyyatda gedən proseslərin, COVID-19 pandemiyasının və Vətən müharibəsinin icmal və dövlət büdcələrinin əsas parametrlərinə ehtimal olunan təsirləri nəzərə alınmaqla çevik formada icra edilib.

Komitə sədri deyib ki, 2020-ci il, hər şeydən əvvəl, Azərbaycan Respublikasının dövlətçilik və müstəqillik tarixinə işğal altında olan ərazilərin Prezident İlham Əliyevin rəhbərliyi ilə azad edilməsi, işğalçı Ermənistan üzərində qazanılan möhtəşəm hərbi-siyasi-iqtisadi Qələbə ili kimi həkk olunub. 2020-ci ilin əvvəlindən başlayaraq dünyada COVID-19 pandemiyasının sürətlə yayılması iqtisadi fəallığın zəifləməsinə səbəb olub. Dünya neft bazarında qiymətlərin kəskin ucuzlaşması iqtisadi böhranın əhatəliyini və kəskinliyini daha da artırıb. Pandemiyanın Azərbaycan iqtisadiyyatına mümkün mənfi təsirlərinin azaldılması, əhalinin sosial rifahının qorunması və iqtisadi inkişafın davamlılığının təmin edilməsi üçün dövlət tərəfindən həyata keçirilən tədbirlər nəticəsində ölkə iqtisadiyyatının daha kəskin enişinin qarşısı alınıb.

Məlumat verilib ki, 2020-ci ildə ölkəmizdə Ümumi Daxili Məhsul (ÜDM) real ifadədə 4,3 faiz, o cümlədən qeyri-neft sektoru üzrə əlavə dəyər istehsalı 2,6 faiz, neft sektorunda isə 7,0 faiz azalıb. Lakin qeyri-neft ÜDM-in tərkibində aparıcı rola malik kənd təsərrüfatı üzrə 1,9 faiz, nəqliyyat və anbar təsərrüfatı üzrə 4,6 faiz, informasiya-rabitə sektoru üzrə 0,6 faiz, sənayenin qeyri-neft-qaz sektorunda məhsul istehsalı üzrə isə 12,5 faiz artım müşahidə olunub. Həmçinin 2020-ci ildə ölkəmizdə inflyasiyanın səviyyəsi 2,8 faiz, neftin bir barelinin orta illik qiyməti isə 43,7 dollar təşkil edib. COVID-19 pandemiyası ilə mübarizə və onun fəsadlarının aradan qaldırılması büdcənin icrasına da təsir göstərərək, sosial məzmunlu xərclərin yüksəldilməsini labüd edib. Bununla yanaşı, müharibə şəraiti, döyüşün maliyyələşməsi, şəhid ailələrinə, əsgər və zabitlərə qayğının artırılması, işğaldan azad olan ərazilərin bərpası dövlət büdcəsinin icrasında mühüm hədəflərdən olub.

Diqqətə çatdırılıb ki, 2020-ci ildə dövlət büdcəsinin gəlirləri 24124,0 milyon manat proqnoza qarşı 24681,7 milyon manat təşkil edib. Proqnozla müqayisədə 557,7 milyon manat və ya 2,3 faiz çox icra olunub. 2020-ci il dövlət büdcəsinin xərcləri 27492,2 milyon manat proqnoza qarşı 26416,3 milyon manat və ya 96,1 faiz az icra edilib. Bildirilib ki, sosialyönümlü xərclərin 2020-ci il dövlət büdcəsində icrası xərclərin 36,5 faizi və ya 9654,2 milyon manat həcmində olub. Ümumiyyətlə, son 5 ildə sosialyönümlü xərclərin dövlət büdcəsinin xərclərində xüsusi çəkisi natural ifadədə 3,5 milyard manat və ya 1,6 dəfə artıb. Hesabat ilində dövlət büdcəsindən 1,7 milyard manatlıq səhiyyə xərclərinin icrası təmin olunub. İcbari Tibbi Sığortanın fəaliyyətini təmin etmək məqsədilə dövlət büdcəsindən 950 milyon manat vəsaitin icrası təmin edilib. Ölkədə koronavirus (COVID-19) pandemiyası ilə mübarizə tədbirləri üçün 2 milyard manata yaxın vəsaitin icrası təmin olunub. Bu vəsaitdən sahibkarların dəstəkləməsi üçün 460 milyon, əhaliyə birdəfəlik ödəniş üçün isə 450 milyon manat icra edilib. Qeyd olunub ki, 2020-ci ilin dövlət büdcəsində 1 734,6 milyon manat məbləğində kəsir (defisit) yaranıb və bu proqnoza nisbətən 1 633,6 milyon manat və ya 2 dəfəyə yaxın azdır.

Çıxışının sonunda Tahir Mirkişili qeyd edib ki, 2020-ci il üçün dövlət büdcəsinin icrası əsas dövlət və sosial vəzifələrin həyata keçirilməsi, Vətən müharibəsində qələbənin təmin olunması, əhalinin sosial müdafiəsinin daha da yaxşılaşdırılması, ölkədə makroiqtisadi sabitliyin qorunması, COVID-19 pandemiyası ilə mübarizə və iqtisadi subyektlərin dəstəklənməsində müsbət rol oynayıb.

Sonra maliyyə naziri Samir Şərifov çıxış edərək deyib ki, Azərbaycan Prezidenti, Ali Baş Komandan İlham Əliyevin rəhbərliyi ilə XXI əsrin ən müasir döyüş strategiyasının tətbiqi və rəşadətli Azərbaycan Ordusunun şücaəti sayəsində 44 günlük Vətən müharibəsi nəticəsində işğalçı Ermənistan üzərində parlaq Qələbə qazanılıb, 30 ilə yaxın davam edən işğala son qoyulub, torpaqlarımızın azad olunması təmin edilib, ölkəmizin və Qarabağın həyatında yeni şərəfli səhifə açılıb. Bununla yanaşı, ötən ilin əvvəlindən başlayaraq ölkə iqtisadiyyatı ağır sınağa çəkilərək, iki xarici şokla üzləşib. Bu, ilk növbədə, koronavirus pandemiyası ilə bağlı problemlər və iqtisadiyyatın yeni reallıqlara uyğunlaşması, digər tərəfdən isə dünya bazarında xam neftə tələbatın azalması və bunun nəticəsində neft və neft məhsullarının qiymətlərinin kəskin şəkildə aşağı düşməsidir. Bu proseslər ölkə iqtisadiyyatına mənfi təsir göstərməklə, illik Ümumi Daxili Məhsulun azalmasını şərtləndirib, dövlət və icmal büdcələrinin gəlirlərinin formalaşmasında, eyni zamanda, dövlət büdcəsinin xərclərində əhəmiyyətli dəyişikliyin aparılmasını zəruri edib.

Qeyd edilib ki, pandemiyanın yaratdığı keyfiyyətcə yeni mühit əhalinin həssas sosial qruplarına, sahibkarlıq subyektlərinə, kiçik və orta biznesə, səhiyyə sahəsinə, dövlət şirkətlərinə dövlətin maliyyə dəstəyinin göstərilməsini zəruri edib. Ölkə Prezidentinin tapşırığına əsasən, hökumət tərəfindən kompleks sosial-iqtisadi tədbirlər proqramı hazırlanıb və icrasına başlanıb. Bunları nəzərə alaraq, dövlət və icmal büdcələrinin prioritetliyi və ünvanlılığı artırılmaqla həyata keçirilib. Hesabat ilində bütün sosial öhdəliklərin vaxtında və tam həcmdə yerinə yetirilməsi ilə yanaşı, yeni yaranmış reallıqlara müvafiq olaraq pandemiya şəraitində işləyən tibb işçilərinə xüsusi əlavələr ödənilib, pandemiyadan zərər çəkən sahələrin dəstəklənməsi nəticəsində, pandemiyanın ölkə iqtisadiyyatına, əhalinin sağlamlığına və sosial-iqtisadi vəziyyətinə təsirinin endirilməsinə nail olunub. Pandemiyanın yaratdığı problemlərə baxmayaraq, ordu quruculuğu və hərbi potensialın gücləndirilməsi sahəsində də məqsədyönlü iş aparılıb.

Nazir öz çıxışında vurğulayıb ki, Prezident İlham Əliyevin iqtisadiyyatın idarə olunması istiqamətində atdığı çevik addımlar, həyata keçirilən qabaqlayıcı və tənzimləyici tədbirlər, habelə əvvəlki illərdə ölkəmizdə yaradılmış maliyyə ehtiyatlarından istifadə edilməsi dünya iqtisadiyyatında baş verən proseslərin ölkə iqtisadiyyatında yarada biləcək mənfi təsirlərin əhəmiyyətli dərəcədə neytrallaşdırılmasına imkan verib. Eyni zamanda, manitar və fiskal siyasətin əlaqələndirilmiş şəkildə həyata keçirilməsi nəticəsində manatın sabitliyi qorunub.

Qeyd edilib ki, Azərbaycan dövlətinin pandemiya ilə mübarizə istiqamətində ötən il ərzində gördüyü tədbirlər beynəlxalq maliyyə qurumları tərəfindən də izlənilib. Belə ki, Beynəlxalq Valyuta Fondu Azərbaycan hökumətinin COVID-19 pandemiyasına qarşı həyata keçirdiyi mübarizə tədbirlərinin, o cümlədən xəstəliyin yayılma surətinin azaldılması və insanların sağlamlığının qorunması ilə bağlı səhiyyə və iqtisadiyyat sahələrinə verdiyi dəstəyin, ölkənin həssas qrupuna aid vətəndaşlara verilən yardımın mühüm rolunu vurğulayıb.

Bildirilib ki, ötən il ərzində dövlət büdcəsinin xərclərinin kəskin optimallaşması həyata keçirilib və nəticədə bir sıra sahələrdə xərclərin kifayət qədər azaldılmasına nail olunub. Ümumiyyətlə, dövlət büdcəsinin xərclərinin icrası 96,1 faiz təşkil edib, 1 milyard 75 milyon vəsait istifadə olunmayıb. Strukturuna görə, xərclərin 16 milyard 657 milyon manatı və yaxud 61,1 faizi cari xərclərə, 8 milyard 33 milyon manat və yaxud 30,4 faiz əsaslı xərclərə, 1 milyard 726 milyon manat və yaxud 6,5 faizi dövlət borcuna və öhdəliklərinə xidmətlə bağlı xərclərə yönəldilib. 2020-ci ilin dövlət büdcəsinin sosialyönümlü xərcləri 33,3 faiz və yaxud 8 milyard 805 milyon manat təşkil edib. COVID-19 pandemiyası ilə mübarizə tədbirlərinə dair proqramın icrasına 1 milyard 970 milyon manat vəsait istifadə olunub. Burada səhiyyə tədbirləri üzrə xərclər 613 milyon manat təşkil edib. İqtisadi sferada fəaliyyət göstərən sahibkarlıq subyektlərinə dəstək məqsədilə xərclərə 813 milyon manat vəsait yönəldilib. Əhalinin sosial baxımdan həssas qruplarına ödənişlər və digər sosial tədbirlər çərçivəsində 505 milyon manat vəsait ayrılıb. Bu tədbirlərlə yanaşı, Azərbaycan dövləti koronovirusla mübarizə sahəsində beynəlxalq səviyyəli tədbirlərdə də fəal iştirak edib. Ölkə Prezidentinin tapşırığı ilə dövlətimiz tərəfindən beynəlxalq təşkilatlara və xarici ölkələrə yardım məqsədilə 39 milyon manat məbləğində vəsait ödənilib. Büdcənin icrası ilə bağlı bir sıra digər statistik rəqəmlər də səsləndirilib.

Çıxışının yekununda maliyyə naziri Samir Şərifov bildirib ki, pandemiyanın mənfi təsirləri ilə əlaqədar sosial-iqtisadi baxımdan ağır keçən 2020-ci ildə ölkəmizin üzləşdiyi çağırışlara müvafiq olaraq Azərbaycan Prezidentinin rəhbərliyi ilə çevik sosial-iqtisadi tədbirlər həyata keçirilməklə ölkədə makro-iqtisadi sabitlik qorunub, maliyyə dayanıqlığı təmin edilib, qarşıya qoyulan vəzifələrin sabit maliyyələşməsinə nail olunub.

Sonra “Azərbaycan Respublikasının 2020-ci il dövlət büdcəsinin icrası haqqında” Azərbaycan Respublikasının Qanun layihəsinə və Azərbaycan Respublikasının 2020-ci il dövlət büdcəsinin icrasına dair illik hesabata Azərbaycan Respublikası Hesablama Palatasının rəyi təqdim edilib.

Hesablama Palatasının sədri Vüqar Gülməmmədov qanun layihəsinin və hesabatın mövcud qanunvericiliyin tələblərinə uyğunluğunun qiymətləndirilməsi, büdcə parametrlərinin doğruluğunun və tamlığının qiymətləndirilməsi, icra olunmuş büdcə parametrlərinin təsdiq olunmuş göstəricilərə uyğunluğu, büdcə vəsaitlərinin xəzinə hesabına vaxtında daxil olması barədə fikirlərini açıqlayıb. Dövlət büdcəsinin icrası ilə bağlı Palatanın apardığı təhlillər barədə geniş məlumat verilib.

Müzakirələr zamanı çıxış edən komitə sədrləri Qənirə Paşayeva, Musa Quliyev, deputatlardan Tahir Kərimli, Mahir Abbaszadə məsələ ilə bağlı fikirlərini söylədikdən sonra fasilə elan edilib.

Fasilədən sonra “Azərbaycan Respublikasının 2020-ci il dövlət büdcəsinin icrası haqqında” Qanun layihəsinin müzakirələri davam etdirilib. Komitə sədri Zahid Oruc, Siyavuş Novruzov, deputatlar Elnur Allahverdiyev, Elman Nəsirov, Soltan Məmmədov, Azər Badamov, Fəzail Ağamalı dövlət büdcəsinin gəlir və xərcləri barədə öz fikirlərini açıqlayıblar, onun icrasını yüksək qiymətləndiriblər.

“Azərbaycan Respublikasının 2020-ci il dövlət büdcəsinin icrası haqqında” Qanun layihəsi birinci oxunuşda qəbul edilib.

Maliyyə naziri Samir Şərifov aparılan səmərəli müzakirələrə görə təşəkkürünü ifadə edib, millət vəkillərinin səsləndirdiyi sualları ətraflı cavablandırıb.

İclasda Milli Məclisin Sədri Sahibə Qafarova bildirib ki, gündəliyin növbəti 9 məsələsi üçüncü oxunuşda olan qanun layihələridir.

Milli Məclis Sədrinin birinci müavini, Hüquq siyasəti və dövlət quruculuğu komitəsinin sədri Əli Hüseynli Azərbaycan Respublikasının Mülki Məcəlləsində və “Sığorta fəaliyyəti haqqında” qanunda dəyişiklik edilməsi barədə qanun layihəsini üçüncü oxunuşda təqdim edib. Layihə ölkə Prezidentinin 2016-cı il 6 dekabr tarixli 1138 nömrəli Fərmanı ilə təsdiq edilmiş "Azərbaycan Respublikasında maliyyə xidmətlərinin inkişafına dair Strateji Yol Xəritəsi"nin icrası, sığorta fəaliyyətinin tənzimlənməsi və ona nəzarət mexanizminin təkmilləşdirilməsi məqsədilə hazırlanıb.

Qanun layihəsi üçüncü oxunuşda qəbul olunub.

İqtisadi siyasət, sənaye və sahibkarlıq komitəsinin sədri Tahir Mirkişili “Dövlət satınalmaları haqqında” Qanunda dəyişiklik edilməsi barədə qanun layihəsi (üçüncü oxunuş) ilə bağlı çıxış edib. Sənəddə satınalma prosesində operativlik, çeviklik və əlçatanlıq səviyyəsinin yüksəldilməsi, elektron satınalmanın əhatə dairəsinin genişləndirilməsi, kotirovka sorğusu prosedurunun elektronlaşması, dövlət satınalmaları üzrə prosedurların təkmilləşdirilməsi, bu sahədə şəffaflığın və səmərəliliyin artması, elektron üsulla keçirilən satınalmaların sayının artması, nəzarət imkanlarının genişləndirilməsi nəzərdə tutulub.

Qanun layihəsi üçüncü oxunuşda qəbul edilib.

Sonra Milli Məclis Sədrinin birinci müavini, Hüquq siyasəti və dövlət quruculuğu komitəsinin sədri Əli Hüseynli Azərbaycan Respublikasının İnzibati Xətalar Məcəlləsində dəyişiklik edilməsi haqqında qanun layihəsi barədə üçüncü oxunuşda məlumat verib. Bildirilib ki, Məcəllədə ediləcək dəyişiklik “Dövlət satınalmaları haqqında” Qanuna uyğunlaşdırma xarakteri daşıyır.

Qanun layihəsi üçüncü oxunuşda qəbul edilib.

Səhiyyə komitəsinin sədr müavini Rəşad Mahmudov “Tibbi sığorta haqqında” Qanunda dəyişiklik edilməsi barədə layihəni üçüncü oxunuşda təqdim edərək bildirib ki, sənəd tibbi xidmətlər üçün müraciət edən şəxslərin dəstəklənməsinə, onların tibb müəssisəsinə müraciət imkanlarının artırılmasına xidmət edəcək.

Qanun layihəsi üçüncü oxunuşda qəbul olunub.

Növbəti məsələ - “Azərbaycan Respublikasının dövlət sərhədi haqqında” Qanunda dəyişiklik edilməsi barədə qanun layihəsi (üçüncü oxunuş) ilə bağlı deputat Arzu Nağıyev çıxış edib. Sənəddə qanunun təsir dairəsində olan ictimai münasibətlərin dəqiq tənzimlənməsi və təkmilləşdirilməsi məqsədilə bir sıra düzəlişlər təklif olunur.

Qanun layihəsi üçüncü oxunuşda qəbul olunub.

Sonra Arzu Nağıyev gündəliyin mahiyyətcə bir-birinə yaxın olan digər iki məsələsi - Azərbaycan Respublikasının Əmək Məcəlləsində və Vergi Məcəlləsində dəyişiklik edilməsi haqqında qanun layihəsini və Azərbaycan Respublikasının 1994-cü il 23 sentyabr tarixli 886 saylı Qanunu ilə təsdiq edilmiş “Azərbaycan Respublikası Silahlı Qüvvələrinin qarnizon və qarovul xidmətləri nizamnaməsi”ndə, 1994-cü il 23 sentyabr tarixli 887 saylı Qanunu ilə təsdiq edilmiş “Azərbaycan Respublikası Silahlı Qüvvələrinin Daxili xidmət nizamnaməsi”ndə, 1997-ci il 3 oktyabr tarixli 377-IQ nömrəli Qanunu ilə təsdiq edilmiş “Hərbi xidmətkeçmə haqqında Əsasnamə”də, “Vətən uğrunda həlak olanların xatirəsinin əbədiləşdirilməsi haqqında”, “Tarix və mədəniyyət abidələrinin qorunması haqqında”, “Gənclər siyasəti haqqında” və “Azərbaycan Respublikasının Dövlət Himnindən istifadə qaydaları haqqında” qanunlarda dəyişiklik edilməsi barədə sənədi üçüncü oxunuşda təqdim edib. Bildirilib ki, dəyişikliklər Vətən Müharibəsi Qəhrəmanı adı verilmiş şəxslər üçün nəzərdə tutulmuş imtiyazlarla bağlıdır.

Hər iki qanun layihəsi ayrı-ayrılıqda səsə qoyularaq üçüncü oxunuşda qəbul edilib.

Əmək və sosial siyasət komitəsinin sədri Musa Quliyev “Məşğulluq haqqında” qanunda dəyişiklik edilməsi barədə qanun layihəsini üçüncü oxunuşda diqqətə çatdırıb. İşsiz şəxslərin özünüməşğulluğunun təşkili qaydasını təsbit edən mövcud qanunvericiliyin təkmilləşdirilməsi məqsədilə hazırlanmış layihədə bu sahədə nəzarətin və şəffaflığın artırılması nəzərdə tutulur.

Qanun layihəsi üçüncü oxunuşda qəbul edilib.

İclasda Aqrar siyasət komitəsinin sədri Tahir Rzayev Torpaq Məcəlləsində, İnzibati Xətalar Məcəlləsində, “Antiinhisar fəaliyyəti haqqında”, “Enerji resurslarından istifadə haqqında”, “Yerin təki haqqında”, “Qaz təchizatı haqqında”, “Energetika haqqında”, “Lisenziyalar və icazələr haqqında” və “Tikinti və infrastruktur obyektləri ilə əlaqədar investisiya layihələrinin xüsusi maliyyələşmə əsasında həyata keçirilməsi haqqında” qanunlarda dəyişiklik edilməsi barədə qanun layihəsi (üçüncü oxunuş) ilə bağlı məlumat verib. Qeyd olunub ki, adı çəkilən qanunlara təklif edilən dəyişikliyə birinci və ikinci oxunuşda müsbət münasibət bildirilib.

Qanun layihəsi üçüncü oxunuşda qəbul edilib.

Sonra Təbii ehtiyatlar, energetika və ekologiya komitəsinin sədri Sadiq Qurbanov “Elektrik enerjisi istehsalında bərpa olunan enerji mənbələrindən istifadə haqqında” Qanun layihəsini ikinci oxunuşda təqdim edib. Bildirilib ki, sənədin birinci oxunuşu zamanı deputatlar bir sıra təkliflər irəli sürüblər. Həmin təkliflər gələcəkdə qanunun tətbiqi zamanı hökumət tərəfindən hazırlanacaq normativ-hüquqi aktlarda nəzərə alınacaq.

Beş fəsil, 20 maddədən ibarət olan qanun elektrik enerjisi istehsalında bərpaolunan enerji mənbələrindən istifadənin hüquqi, iqtisadi və təşkilati əsaslarını, habelə bərpaolunan enerji mənbələrindən elektrik enerjisi istehsalının təşviq edilməsi üçün dəstək mexanizmlərini müəyyən edir və bu sahədə yaranan münasibətləri tənzimləyir.

Deputatlar Qüdrət Həsənquliyev, Fəzail Ağamalı, Naqif Həmzəyev öz fikirlərini bildirdikdən sonra qanun layihəsi səsə qoyularaq ikinci oxunuşda qəbul edilib.

Gündəliyin digər məsələsi - “Dövlət qulluğu haqqında” Qanunda dəyişiklik edilməsi barədə qanun layihəsi ilə əlaqədar Hüquq siyasəti və dövlət quruculuğu komitəsinin üzvü Kamal Cəfərov ikinci oxunuşda məlumat verib. Deputat birinci oxunuşda verilən təkliflərin araşdırıldığını deyib və bununla bağlı ətraflı izahat verib.

Layihədə təklif edilən dəyişikliklər dövlət qulluğu sistemində idarəetmənin təkmilləşdirilməsi, dövlət orqanlarının kadr potensialının inkişaf etdirilməsi və onların fəaliyyətində səmərəliliyin artırılması, dövlət orqanı rəhbərinin Dövlət İmtahan Mərkəzindən kənar dövlət qulluğuna qəbul edə biləcəyi dövlət qulluğu vəzifələrinin dairəsinin müəyyən edilməsi və digər mühüm məsələlərin tənzimlənməsi məqsədilə hazırlanıb.

Deputatlar Qüdrət Həsənquliyev, Afət Həsənova, Etibar Əliyev sənəd barədə öz fikirlərini açıqlayıblar. Kamal Cəfərov səsləndirilən fikirlərə münasibət bildirdikdən sonra qanun layihəsi ikinci oxunuşda qəbul edilib.

Daha sonra “Kredit ittifaqları haqqında” Qanunda dəyişiklik edilməsi barədə qanun layihəsini İqtisadi siyasət, sənaye və sahibkarlıq komitəsinin üzvü Anar Məmmədov birinci oxunuşda təqdim edib. Bildirilib ki, sənəd kredit ittifaqının hər bir borcalanı haqqında məlumatın kredit bürosuna və Mərkəzi Bankda yaradılan mərkəzləşdirilmiş kredit reyestrinə təqdim etməsini nəzərdə tutur. Qanuna təklif olunan yeni 15-1-ci maddə mərkəzləşdirilmiş kredit reyestri və kredit büroları ilə kredit ittifaqları arasında məlumat mübadiləsini tənzimləyir. Əlavəyə əsasən, kredit ittifaqı hər bir borcalan haqqında məlumatı ən azı bir kredit bürosuna və Azərbaycan Respublikasının Mərkəzi Bankının müəyyən etdiyi qaydada Mərkəzi Bankda yaradılan mərkəzləşdirilmiş kredit reyestrinə təqdim etməlidir. Qeyd olunur ki, kredit ittifaqı tərəfindən borcalan barədə məlumatın kredit bürosuna təqdim edilməsi və kredit bürosundan alınması qaydası "Kredit büroları haqqında" Qanunla tənzimlənir.

Komitə sədri Siyavuş Novruzov, deputatlar Aydın Hüseynov, Məlahət İbrahimqızı, Vüqar Bayramov, Fəzail Ağamalı, Tahir Kərimli sənəd barədə öz fikirlərini söyləyiblər.

İqtisadi siyasət, sənaye və sahibkarlıq komitəsinin sədri Tahir Mirkişili çıxışlarda səslənən bəzi məqamlar barədə aydınlıq gətirib.

Qanun layihəsi birinci oxunuşda qəbul edilib.

Sonra Milli Məclis Sədrinin birinci müavini, Hüquq siyasəti və dövlət quruculuğu komitəsinin sədri Əli Hüseynli İnzibati Xətalar Məcəlləsində dəyişiklik edilməsi haqqında qanun layihəsi (birinci oxunuş) ilə bağlı bildirilib ki, bu sənəd “Kredit ittifaqları haqqında” Qanunda dəyişiklik edilməsi barədə layihə ilə birbaşa bağlıdır. Təklif olunan dəyişikliklər bank və ya bank olmayan kredit təşkilatı tərəfindən mərkəzləşdirilmiş kredit reyestrinə və kredit bürosuna, eləcə də Kredit ittifaqı tərəfindən mərkəzləşdirilmiş kredit reyestrinə və kredit bürosuna müvafiq qanunvericilikdə nəzərdə tutulmuş məlumatların müəyyən olunmuş qaydada və müddətdə təqdim edilməməsinə, yaxud tam, düzgün və ya vaxtında təqdim edilməməsinə görə inzibati məsuliyyəti nəzərdə tutur.

Qanun layihəsi birinci oxunuşda qəbul olunub.

Milli Məclisin Sədri Sahibə Qafarova iclasın sonunda çıxış edib.

Spiker bildirib ki, sabah - may ayının 28-də xalqımız Respublika Gününü qeyd edəcək. 103 il bundan əvvəl Azərbaycan Xalq Cümhuriyyətinin yaranması xalqımızın çoxəsrlik dövlətçilik potensialının yeni tarixi şəraitdə təzahür etməsi və müstəqillik arzusunun gerçəkləşməsi idi. Demokratik və dünyəvi dövlət quruculuğu yolunda atılan inamlı addımlar, bu günün parlamentarizm modelinə uyğun gələn qanunvericilik orqanının təsis edilməsi Azərbaycan xalqının demokratik düşüncəyə və həyat tərzinə, ümumbəşəri dəyərlərə bağlı olduğunu göstərmiş, təkcə ölkəmizin deyil, bütün müsəlman Şərqinin siyasi təkamülündə mühüm rol oynamışdır.

Sədr qeyd edib ki, bugünkü Azərbaycan Respublikası XX əsrin əvvəllərində mövcud olmuş Xalq Cümhuriyyətinin varisidir. İnamla söyləmək olar ki, Azərbaycan Xalq Cümhuriyyətinin yaratdığı ənənələr Azərbaycan dövlətinin fəaliyyətində layiqincə davam və inkişaf etdirilir. Azərbaycan Respublikasının Prezidenti İlham Əliyevin rəhbərliyi ilə dövlətimizin ən böyük problemi həll edilib, ərazi bütövlüyümüz bərpa olunub, Azərbaycana qarşı ərazi iddiasına düşənlərə layiq olduqları yer göstərilib.

Sahibə Qafarova vurğulayıb ki, bu gün Azərbaycan Respublikası gələcəyə inamla baxan, geniş bir bölgədə söz sahibi olan qüdrətli dövlətdir. Əminliklə demək olar ki, Prezident İlham Əliyevin uzaqgörən siyasəti sayəsində qələbədən qələbəyə addımlayan Azərbaycan dövləti qarşıdakı illərdə daha böyük uğurlara imza atacaq, dünyanın sayılıb-seçilən dövlətləri sırasında yerini qoruyub saxlayacaq və daha da inkişaf edəcəkdir.

Milli Məclisin Sədri deyib: “Hörmətli həmkarlar, Respublika günü münasibəti ilə mən sizin hər birinizi səmimi qəlbdən təbrik edirəm! Eyni zamanda, təklif edirəm ki, möhtərəm Prezidentimiz İlham Əliyevə və Birinci vitse-prezident Mehriban xanım Əliyevaya Milli Məclis adından təbrik məktubları ünvanlayaq. Azərbaycan dövlətinin daha da möhkəmlənməsi və inkişaf etməsi, xalqımızın rifahının yüksəlməsi naminə dəyərli fəaliyyətlərində onlara yeni uğurlar arzulayaq”.

Spikerin bu fikirləri deputatlar tərəfindən razılıqla və alqışlarla qarşılanıb.

Sonra Sahibə Qafarova parlamentin fəaliyyətini işıqlandıran media nümayəndələrini bayram münasibətilə təbrik edib.

Bununla da Milli Məclisin iclası başa çatıb.

 
  • Oxunub:  2580  |  
  • Tarix:  27-05-2021  |  
  •    Çap et   |  
Azərbaycan ilə Türkiyə arasında müttəfiqlik münasibətlərinə dair Şuşa Bəyannaməsinin imzalanması müstəsna siyasi və tarixi əhəmiyyətə malikdir

19 İyun 18:58
Milli Qəhrəman Mübariz İbrahimovun anım günündə Vətən müharibəsinin biləsuvarlı şəhid zabit və gizirlərinin ailə üzvləri ilə görüş keçirilib
19 İyun 18:37
Azərbaycan Prezidenti İlham Əliyev İranın yeni seçilmiş Prezidenti Seyid İbrahim Rəisini təbrik edib
19 İyun 17:51
Bakı və Abşeronda “Kənddən şəhərə” həftəsonu yarmarkaları fəaliyyətə başlayıb
19 İyun 17:34
Azərbaycanda koronavirus infeksiyasından daha 123 nəfər müalicə olunaraq sağalıb
19 İyun 17:06
Pakistan Silahlı Qüvvələrinin Quru Qoşunlarının komandanı Azərbaycana səfər edəcək
19 İyun 17:05
Sədərək gömrük sərhəd-buraxılış məntəqəsi üçün tikilən kompleksdə işlər tamamlanıb
19 İyun 17:03
Müdafiə Nazirliyinin nümayəndə heyəti Milli Qəhrəman Mübariz İbrahimovun məzarını ziyarət edib
19 İyun 16:18
Könül Nurullayeva: Biz vaksinasiya olunmaqla epidemioloji sabitliyin yaranmasına nail ola bilərik
19 İyun 15:01
Xarici işlər naziri Ceyhun Bayramov Antalyada qabonlu həmkarı ilə görüşüb
19 İyun 14:58
“Anadolu Qartalı - 2021” təliminə hazırlıq məşqləri keçirilib
19 İyun 14:56
Əmək Bazarı və Sosial Müdafiə Məsələləri üzrə Milli Observatoriyada İctimai şura üzvləri ilə görüş olub
19 İyun 13:48
Antalyada Azərbaycanla Rumıniya arasında əməkdaşlıq əlaqələrinin perspektivləri müzakirə olunub
19 İyun 13:08
Pakistanın NESPAK şirkətinin nümayəndələri ilə müzakirələr aparılıb
19 İyun 12:40
Azərbaycanın daxili işlər naziri BMT-nin ölkəmizdəki rezident əlaqələndiricisi ilə görüşüb
19 İyun 12:32
Cəmşid Naxçıvanski adına Hərbi Liseyin məzunlarının növbəti buraxılışı keçirilib VİDEO
19 İyun 12:28
Antonio Quterreş: Pandemiya bəşəriyyətin ümumi zəif cəhətlərini, qarşılıqlı asılılığını və kollektiv şəkildə hərəkət etməyin mütləq zərurət olduğunu göstərdi
19 İyun 12:04
Azərbaycan xarici işlər naziri Antalya Diplomatiya Forumu çərçivəsində keçirilən paneldə çıxış edib
19 İyun 11:59
DSMF sosial təminat sahəsində mötəbər beynəlxalq təşkilatlarla, aidiyyəti xarici qurumlarla əməkdaşlığı genişləndirir
19 İyun 11:57
Azərbaycanın iqtisadi perspektivləri Avropa Yenidənqurma və İnkişaf Bankı ilə əməkdaşlığın genişlənməsinə əlverişli şərait yaradır
19 İyun 11:51
Vüsal Qasımlı: Beynəlxalq Valyuta Fondu Azərbaycan hökumətinin böhrana çevik reaksiyasını qiymətləndirib
19 İyun 11:49
2020-2021-ci tədris ili üzrə Azərbaycanda 6500-ə yaxın əcnəbi tələbə təhsil alıb
19 İyun 10:46
Rezidenturaya qəbul olmaq üçün sabah 1738 namizəd imtahan verəcək
19 İyun 10:35
Azərbaycan nefti 74,54 dollara satılır
19 İyun 10:34
Türkiyənin “Zorlu Holding”i Azərbaycanın tekstil sənayesində layihələr icra edəcək
19 İyun 10:05
ADA Universitetində əfqanıstanlı diplomatlar üçün keçirilmiş “Xarici Siyasət Proqramı” uğurla başa çatıb
18 İyun 21:36
Azərbaycan Prezidentinin köməkçisi Antalya Diplomatiya Forumu çərçivəsində keçirilən paneldə çıxış edib
18 İyun 20:35
Dövlət Komissiyası Ermənistanın təcavüzü nəticəsində mülki obyektlərə dəymiş ziyanın aradan qaldırılması ilə bağlı məsələləri müzakirə edib
18 İyun 20:25
Böyük Britaniyanın “The Independent” qəzeti Şuşa Bəyannaməsi barədə məqalə yayıb
18 İyun 19:25
Azərbaycan xarici işlər naziri Antalyada iraqlı həmkarı ilə görüşüb
18 İyun 18:55
Antalyada Azərbaycan xarici işlər naziri ilə Türk Şurasının Baş katibi arasında görüş olub
18 İyun 18:49
Milli Məclisin komitə iclasında Niderlandla ikitərəfli münasibətlərə dair müzakirələr aparılıb
18 İyun 18:17
Xarici işlər naziri Ceyhun Bayramov Antalyada somalili həmkarı ilə görüşüb
18 İyun 18:15
Milli Məclisin növbədənkənar sessiyasının ikinci iclasının gündəliyi açıqlanıb
18 İyun 17:52
Azərbaycan ilə Qvineya-Bissau arasındakı əlaqələr müzakirə olunub
18 İyun 17:47
Türkiyə və Azərcaycan qardaşlığı bütün dünyanı heyrətə gətirəcək gücə sahibdir
18 İyun 17:42
Arif Fərzəliyev: Şuşada Türkiyə-Azərbaycan qardaşlığının gələcək uğurlarının təməli qoyuldu
18 İyun 17:41
Əli Həsənov: Şuşa Bəyannaməsi Azərbaycan-Türkiyə əlaqələrini əbədiləşdirdi
18 İyun 17:39
Şahin İsmayılov: Siyasi partiyaların Şuşa Bəyannaməsinə birgə dəstək ifadə etmələri milli həmrəyliyin nümunəsidir
18 İyun 17:33
Abbas Müsəvi: Azərbaycan rayonlarının işğaldan azad edilməsi Tehran ilə Bakı arasında yeni əməkdaşlıq imkanları yaradıb
18 İyun 17:32
Qüdrətli Azərbaycan Ulu Öndər Heydər Əliyevin şah əsəridir
18 İyun 17:28
Adil Əliyev: Qarabağ münaqişəsinin həlli regiona yeni inkişaf vəd edir
18 İyun 17:16
Moskvada Xalq Təsərrüfatı Nailiyyətləri Sərgisinin “Kosmos” pavilyonunda MDB İqtisadi Şurasının iclası keçirilib
18 İyun 17:11
YAP Şəmkir rayon təşkilatının nümayəndələri şəhid ailələrini ziyarət ediblər
18 İyun 17:02
Prezident İlham Əliyev Bakıda “Intercontinental” otelinin açılışında iştirak edib
18 İyun 17:01
YAP Göygöl rayon təşkilatı "Azərbacan-Türkiyə münasibətləri ən yüksək səviyyədədir" mövzusunda tədbir keçirib
18 İyun 16:55
Cavanşir Paşazadə: Azərbaycan-Türkiyə birliyi xalqlarımıza yeni-yeni zəfərlər qazandıracaq
18 İyun 16:50
Hazırkı dövrədək ölkəmizdə ikinci mərhələ üzrə peyvənd olunanların sayı 1 milyonu ötüb
18 İyun 16:49
Naxçıvanda Külək-Günəş Hibrid Elektrik Stansiyası istifadəyə verilib
18 İyun 16:44
AŞPA-nın komitə iclasında Azərbaycanın Zəngilanda həyata keçirdiyi “ağıllı kənd” konsepsiyasından danışılıb
18 İyun 16:41
Azərbaycanda koronavirus infeksiyasından daha 148 nəfər müalicə olunaraq sağalıb
18 İyun 16:37
Şuşa Bəyannaməsinin tarixi əhəmiyyəti çox böyükdür
18 İyun 16:29
Antalya Diplomatiya Forumu işə başlayıb
18 İyun 16:17
YAP Mingəçevir şəhər təşkilatının nümayəndələri qazi Əli Rzayevin ailəsini ziyarət ediblər
18 İyun 15:59
Milli Məclisin deputatları Fransaya səfər edəcəklər
18 İyun 15:59
“Anadolu Qartalı - 2021” beynəlxalq təliminə hazırlıq brifinqi təqdim olunub
18 İyun 15:58
MEDİA ilə ADA Universitetinin təşkil etdiyi silsilə seminarlara üçüncü qrup media nümayəndələri qoşulublar
18 İyun 15:52
İCESCO və AZƏRTAC media sahəsində Əməkdaşlıq Memorandumu imzalayıb
18 İyun 15:50
Təhsil naziri Təhsil Tələbə Krediti Fondu ilə bağlı sualları cavablandırıb
18 İyun 15:49
İqtisadiyyat Nazirliyi Türkiyə şirkəti ilə anlaşma memorandumu imzalayıb
18 İyun 15:46
İlham İsmayılov: Azərbaycan və Türkiyə Türk dünyasının birliyi üçün lokomativ rolunu öz üzərinə götürür
18 İyun 15:43
Rauf Əliyev: Azərbaycanın qazandığı tarixi Zəfərdən sonra bölgənin yeni inkişaf dövrü başlayıb
18 İyun 14:57
Xarici işlər naziri Ceyhun Bayramov Antalyada xorvatiyalı həmkarı ilə görüşüb
18 İyun 14:39
“Israel HaYom” nəşri: İsraillilər Odlar Yurduna səyahətin maraqlı olacağına əmin ola bilərlər
18 İyun 14:17
Fövqəladə hallar naziri Türkiyənin ölkəmizdə yeni təyin olunmuş səfiri ilə görüşüb
18 İyun 14:10
Anar Məmmədov: Şuşa Bəyannaməsi Azərbaycanla Türkiyənin birliyinin və həmrəyliyinin rəmzidir
18 İyun 14:03
Nüvədi kəndinin sakinləri doğma torpaqlara qayıtmaq hüququnun təmin olunması üçün dünya birliyinə müraciət ediblər
18 İyun 13:59
Antalyada Azərbaycanın xarici işlər naziri ilə Moldovanın Qaqauziya Muxtar Ərazisinin rəhbəri arasında görüş keçirilib
18 İyun 13:51
Ali təhsil müəssisələrində karyera mərkəzlərinin fəaliyyətinin təkmilləşdirilməsi məsələsi müzakirə olunub
18 İyun 12:54
Azərbaycanın xarici işlər naziri Antalyada BMT-nin Baş katibinin köməkçisi ilə görüşüb
18 İyun 12:40
Təhsil tələbə krediti əcnəbi tələbələrə şamil edilməyəcək

Video

 
»»»
 

»»»
ARXİV
B Be Ça Ç Ca C Ş
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30
HAVA HAQQINDA