Heydər Əliyev
yeni azerbaycan logo

Ana səhifə / Xəbər lenti / BDU-da “Azərbaycan Xalq Cümhuriyyəti tarixi tədqiqatlarda” mövzusunda respublika elmi konfransı keçirilib

BDU-da “Azərbaycan Xalq Cümhuriyyəti tarixi tədqiqatlarda” mövzusunda respublika elmi konfransı keçirilib

26.05.2021 [22:04]

Bakı Dövlət Universitetində (BDU) 28 may - Respublika Günü və Azərbaycan Xalq Cümhuriyyətinin yaranmasının 103-cü ildönümünə həsr olunmuş “Azərbaycan Xalq Cümhuriyyəti tarixi tədqiqatlarda” mövzusunda respublika elmi konfransı keçirilib.

Universitetdən AZƏRTAC-a bildirilib ki, konfransın plenar iclasında BDU-nun rektoru Elçin Babayev çıxış edərək Azərbaycan Xalq Cümhuriyyətinin xalqımızın müstəqillik tarixinin ən şanlı səhifələrindən biri olduğunu vurğulayıb. Qeyd edib ki, cəmi 23 ay yaşamasına baxmayaraq, respublika milli dövlətçilik sahəsində bir sıra zəruri tədbirlər həyata keçirməklə, Azərbaycanı beynəlxalq səviyyədə tanıtdırmağa nail olub, həyata keçirilən tədbirlərlə müstəqil dövlətçiliyimizin gələcək inkişaf yolunun müəyyənləşdirilməsi baxımından mühüm addımlar atıb.

Rektor AXC dövründə elm və təhsilin inkişafı sahəsində atılmış addımlar haqqında geniş məlumat verib, BDU-nun təsis olunmasından və onun milli kadrların hazırlanmasında əvəzsiz töhfələrindən bəhs edib. Bildirib ki, çox mürəkkəb və ziddiyyətli tarixi şəraitdə fəaliyyət göstərməsinə baxmayaraq, Xalq Cümhuriyyətinin əsas fəaliyyət istiqamətlərindən biri elm və təhsil siyasəti ilə bağlı olub. AXC hökumətinin bu sahədə həyata keçirdiyi siyasətin araşdırılması ölkəmizdə elm və təhsilin inkişafı tarixinin öyrənilməsi baxımından müstəsna əhəmiyyətə malikdir.

E.Babayev bildirib ki, xalqımızın Ümummilli Lideri, müasir Azərbaycan dövlətinin qurucusu və memarı Heydər Əliyev Azərbaycan Xalq Cümhuriyyətinin fəaliyyətinə yüksək qiymət verib, bu tarixi hadisənin xalqımızın taleyində müstəsna rol oynadığını qeyd edib. Ulu öndər Heydər Əliyev hələ ölkəmiz müstəqilliyini əldə etməmişdən öncə böyük cəsarət nümayiş etdirərək AXC-nin dövlət rəmzlərini - üçrəngli bayrağımızı və gerbimizi Naxçıvan Muxtar Respublikanın dövlət rəmzləri kimi təsdiq etdirib. Bu, olduqca qətiyyətli və uzaqgörən bir addım idi.

Sonra BDU-nun Ümumi dilçilik kafedrasının müdiri, Milli Məclisinin deputatı Nizami Cəfərov “Azərbaycan Xalq Cümhuriyyətinin dil siyasəti”, Milli Məclisinin deputatı Cavid Osmanov “Azərbaycan Xalq Cümhuriyyətinin idarəetmə sistemi”, BDU-nun Azərbaycan tarixi (humanitar fakültələr üzrə) kafedrasının müdiri Azad Rzayev “Azərbaycan Xalq Cümhuriyyətinin Azərbaycan tarixində yeri və rolu”, Dövlət və hüquq nəzəriyyəsi və tarixi kafedrasının professoru Xəyyam İsmayılov “Azərbaycan Xalq Cümhuriyyətinin hüquq sisteminin inkişafı məsələləri”, Beynəlxalq münasibətlər kafedrasının müəllimi Eldar Cəfərov “Azərbaycan Xalq Cümhuriyyətinin beynəlxalq münasibətlərdə uğurları” mövzusunda məruzə ilə çıxış ediblər.

Plenar iclasa 500-dən artıq iştirakçı qatılıb. Konfrans öz işini bölmə iclaslarında davam etdirib.

Mayın 27-də bölmə iclasları davam etdiriləcək.

Paylaş:
Baxılıb: 198 dəfə

Xəbər lenti

Hamısına bax

Xəbər lenti

Sosial

Bayram sonrası....

28 Mart 11:23

Analitik

Siyasət

Siyasət

Siyasət

Xəbər lenti

Siyasət

Növbəti təxribat

28 Mart 10:05

Xəbər lenti

Xəbər lenti

Xəbər lenti

İqtisadiyyat

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31