Ana səhifə »  Xəbər lenti »  Vətən müharibəsində şanlı Qələbə qazanan Azərbaycan regionda geniş əməkdaşlıq imkanları açan yeni reallıqlar yaradıb
A+   Yenilə  A-
Vətən müharibəsində şanlı Qələbə qazanan Azərbaycan regionda geniş əməkdaşlıq imkanları açan yeni reallıqlar yaradıb

Prezident İlham Əliyev: Ümid edirik ki, vaxt gələcək və biz, sözün əsl mənasında, Cənubi Qafqazda fəal əməkdaşlıqdan və inteqrasiyadan danışacağıq
Son illərdə Azərbaycan beynəlxalq gündəliyin aktual məsələlərinin müzakirə edildiyi tədbirlərin keçirildiyi məkana çevrilib. Bu baxımdan, mayın 20-də Azərbaycan Respublikasının Prezidenti İlham Əliyevin iştirakı ilə Nizami Gəncəvi Beynəlxalq Mərkəzinin “Cənubi Qafqaz: Regional inkişaf və əməkdaşlıq perspektivləri” adlı videoformatda müzakirələrinin keçirilməsi də diqqət çəkir. Qeyd edək ki, dövlətimizin başçısının səkkiz il öncə dahi Azərbaycan şairi Nizami Gəncəvinin irsinin tanıdılması üçün verdiyi tapşırığa əsasən yaradılan Beynəlxalq Mərkəz qısa zaman kəsiyində bütün dünyada böyük nüfuz qazanıb. Qurum aparıcı beynəlxalq təşkilatlarla və dövlətlərlə əlaqələr qurmaq strategiyasını uğurla reallaşdırır. İndiyədək Beynəlxalq Mərkəz bir sıra önəmli tədbirlər təşkil edib ki, onların sırasında Bakı Qlobal Forumu xüsusi yer tutur. Beynəlxalq Mərkəzin Azərbaycan Prezidentinin iştirakı ilə keçirdiyi son müzakirələrin mövzusu da qlobal gündəlikdə duran mühüm məsələlərdəndir. Çünki ötən il sentyabrın 27-dən noyabrın 10-dək davam edən 44 günlük müharibədə Azərbaycanın qazandığı şanlı qələbə sayəsində Cənubi Qafqaz regionunda mühüm dəyişikliklər baş verib və yaranmış yeni vəziyyət yeni yanaşmaları tələb edir. Prezident İlham Əliyev müzakirələrdəki çıxışında və Ona ünvanlanan çoxsaylı suallara verdiyi cavablarda postmüharibə dövrünün reallıqlarından bəhs edib və ölkəmizin strateji hədəfləri ilə bağlı mesajlarını diqqətə çatdırıb. Əslində, sözügedən müzakirələri Azərbaycanın regionumuzda yaratdığı yeni reallığın qlobal müstəvidə təqdimatı kimi də dəyərləndirə bilərik. Bütövlükdə, dövlətimizin başçısının tədbirdə verdiyi mesajların üç mühüm istiqamətinə xüsusi nəzər salmaq məqsədəmüvafiq olar.
Üç onillik ərzində davam edən münaqişə artıq arxada qalıb
Ermənistanın üç onillik ərzində davam etdirdiyi işğalçılıq siyasəti regionda sülh, təhlükəsizlik üçün ciddi təhdidlər yaradıb. Bu işğalçılıq siyasəti humanitar faciələrə yol açdı. Zəbt olunan ərazilərin bir milyondan artıq azərbaycanlı sakini öz doğma yurd yerlərini, ev-eşiklərini tərk etmək məcburiyyətində qaldı.
Təbii ki, Azərbaycan işğal faktı ilə heç vaxt barışmadı. Arxada qalan üç onillik ərzində ərazi bütövlüyünün təmin olunması məsələsi ölkəmizin gündəliyinin mərkəzində dayandı. Azərbaycan dövləti ötən əsrin doxsanıncı illərinin əvvəllərində düşmən tərəfindən işğal olunan torpaqları geri qaytarmaq, tarixi ədalətin bərpa olunmasını təmin etmək üçün məqsədyönlü siyasət apardı. Azərbaycanda Prezident İlham Əliyevin rəhbərliyi ilə aparılan məqsədyönlü siyasət məntiqi sonluqla yekunlaşdı. Belə ki, ötən il sentyabrın 27-dən noyabrın 10-dək davam edən Vətən müharibəsində Silahlı Qüvvələrimiz işğalçı Ermənistanın hərbi birləşmələrini darmadağın edərək düşməni diz çökdürdü. Ordumuz təxminən 300-ə yaxın yaşayış məntəqəsini bilavasitə döyüş meydanında işğaldan azad etməyə nail oldu. Noyabrın 8-də Şuşanın, ertəsi gün isə daha 70-dən artıq yaşayış məntəqəsinin, bir sıra strateji yüksəkliklərin azad olunmasından sonra düşmən müharibəni davam etdirmək iqtidarında olmadığını başa düşdü və noyabrın 10-da onun üçün kapitulyasiya aktı sayılan üçtərəfli Bəyanatı imzalamaq məcburiyyətində qaldı. Sözügedən sənədlə üzərinə bir sıra öhdəliklər götürən işğalçı Ermənistan sonradan Ağdam, Kəlbəcər və Laçın rayonlarını döyüşsüz respublikamıza qaytardı. Beləliklə, üç onillik davam edən Dağlıq Qarabağ münaqişəsi artıq arxada qalıb, münaqişə hərbi-siyasi yolla həllini tapıb. Prezident İlham Əliyev bildirib ki, müharibə vaxtı baş verənlər ədalətin qələbəsi, beynəlxalq hüququn qələbəsi və BMT Təhlükəsizlik Şurasının qətnamələrinin yerinə yetirilməsi idi.
Yeni reallığa uyğun olaraq münasibətlərdə yeni yanaşma formalaşdırılmalıdır
Əslində, Ermənistanın işğalçılıq siyasətinin iflasa uğraması labüd idi. Forpost dövlətin üç onillik ərzində davam etdirdiyi siyasət təcavüzkarlığa əsaslanırdı, ədalətdən uzaq idi və yalan üzərində qurulmuşdu. Müzakirələrdə də bildirildiyi kimi, uzun illər ərzində Ermənistan siyasi isteblişmenti Azərbaycanı iblisləşdirirdi, onlar ictimai rəyi çaşdırırdı, respublikamızla və bizim nə istədiyimizlə bağlı tamamilə qeyri-real mənzərə yaradırdı. Ermənistan cəmiyyətində ölkəmizə qarşı olan nifrətin səviyyəsi, Azərbaycanafobiya o qədər yüksək idi ki, erməni cəmiyyətinin bir hissəsi haqlı olduqlarına inanmağa başlamışdı. Buna görə də indi baş verənlər bu ölkədə çox ciddi psixoloji dram yaradıb. Artıq insanlar başa düşürlər ki, 30 il ərzində ölkəni idarə edən şəxslər xalqa yalan danışıblar. Yeri gəlmişkən, işğalçı ölkənin rəhbərliyi hətta 44 günlük İkinci Qarabağ müharibəsi zamanı da yalan danışmaqdan qalmırdı, hansısa döyüşü udduqları, yeni əraziləri nəzarətə götürdükləri barədə feyk məlumatlarla baş qatırdı. Halbuki döyüş meydanında bunun tamam əksi baş verirdi. Azərbaycanın ərazi bütövlüyünü təmin etmək, qaçqınları öz doğma torpaqlarına qaytarmaq istəyi və tələbi isə tam legitim idi, ədalətə, beynəlxalq hüquqa əsaslanırdı. Ölkəmiz Vətən müharibəsində istəyinə çatdı və erməni faşizmini məhv etdi. Prezident İlham Əliyevin qeyd etdiyi kimi: “Regionda yeni reallıq yaranıb, daha dəqiq desəm, Azərbaycan tərəfindən yaradılıb və Ermənistan, onun cəmiyyəti bu reallığa uyğunlaşmalıdır”.
Azərbaycanın 44 günlük müharibədə qazandığı şanlı qələbə sayəsində regionda yaranan yeni reallıqlar bütün bölgə dövlətləri arasında geniş əməkdaşlıq perspektivləri açır. Yuxarıda bəhs olunan üçtərəfli Bəyanatda əksini tapan müddəalardan biri Naxçıvanla Azərbaycanın əsas hissəsi arasında nəqliyyat dəhlizinin yaradılması ilə bağlıdır. Bu dəhlizin yaradılmasını müharibənin qalibi olan Azərbaycan şərt kimi irəli sürüb və sənəd formalaşdırılarkən ölkəmizin tələbi nəzərə alınıb. Beləliklə, Naxçıvanın blokadasına son qoyulur, respublikamızla qardaş Türkiyə arasında birbaşa bağlantı yaranır. Digər mühüm bir məqam ölkəmizin tranzit imkanlarının genişlənməsi ilə bağlıdır. Məlum olduğu kimi, Azərbaycan Şimal-Cənub və Şərq-Qərb nəqliyyat dəhlizlərinin kəsişməsində yerləşir. Ölkəmiz özünün coğrafi mövqeyindən bəhrələnməklə tranzit imkanlarını genişləndirməyi hədəfləyib. Son illərdə böyük həcmlərdə investisiya qoyuluşu hesabına yaradılan müasir infrastruktur ölkəmizin Avrasiya coğrafiyasının ən əlverişli nəqliyyat-logistika hablarından birinə çevrilməsini təmin edib. Zəngəzur dəhlizinin yaradılması respublikamızın nəqliyyat-daşıma imkanlarını daha da genişləndirəcək. Kommunikasiyaların açılması həm də bütün region dövlətlərinin maraqlarına cavab verir. Eyni zamanda, 30 il ərzində işğalçılıq siyasətinin girovuna çevrilən, bütün regional layihələrdən kənarda qalan Ermənistan da kommunikasiyaların açılmasından faydalana bilər. Prezident İlham Əliyevin bildirdiyi kimi, Zəngəzur dəhlizi açıldıqdan sonra bütün region ölkələri üçün yeni imkanlar yaranacaq.
Azərbaycan gələcək naminə müharibə səhifəsini bağlamağa hazır olan ölkədir
Üç onillik ərzində Ermənistanın apardığı işğalçılıq siyasətinin ölkəmizin həyatına gətirdiyi çətinliklərin, vurduğu iqtisadi və mənəvi ziyanın miqyası çox böyükdür. Biz yuxarıda Ermənistanın işğalçılıq siyasətinə görə bir milyondan çox azərbaycanlının öz doğma yurd yerlərini tərk etmək məcburiyyətində qaldıqlarından bəhs etdik. Ermənilər, eyni zamanda, işğal etdikləri ərazilərimizdə misli görünməmiş vandalizm əməlləri törədiblər. İşğala məruz qalan şəhər və kəndlərimizin 90 faizi dağıdılıb. Meşələrimiz, digər təbii sərvətlərimiz talan edilib. Ermənilər işğal dövründə ərazilərimizdə qanunsuz məskunlaşma aparıblar, tarixi dini-mədəni abidələrimizi özününküləşdirməyə çalışıblar, bu mümkün olmadıqda isə onları dağıdıblar. İşğal altında qalan ərazilərimizdə 60-dan artıq məscid, onlarca muzey məhv edilib. Erməni işğalçılarının belə genişmiqyaslı dağıntıları törətməkdə məqsədi o idi ki, azərbaycanlılar bir daha öz dədə-baba torpaqlarına qayıtmaq barədə düşünməsinlər.
Əlbəttə, erməni işğalçılarının vandalizm əməlləri hər cür qınağa layiqdir. Ancaq Azərbaycan bütün olub-keçənlərə baxmayaraq, müharibə səhifəsini birdəfəlik bağlamaq istəyir. Ölkəmizin xoş niyyətini diqqətə çatdıran Prezident İlham Əliyev bildirib ki, Azərbaycan əməkdaşlığa və ümumi gələcəyimizin planlaşdırılmasına açıqdır, çünki biz istəsək də, istəməsək də qonşuyuq və yanaşı yaşamalıyıq və bir daha bu birgə yaşamanı öyrənməliyik. “Biz indi gələcəyə baxmalıyıq. 30 illik işğala, azad olunmuş ərazilərdə genişmiqyaslı dağıntılara və onların məhv etdiklərinə baxmayaraq, Azərbaycan gələcəyə nəzər salmağa, vahid inteqrasiya edilmiş Cənubi Qafqaz regionunun bir hissəsi olaraq öz gələcəyini planlaşdırmağa hazırdır. Ümid edirik ki, vaxt gələcək və biz, sözün əsl mənasında, Cənubi Qafqazda fəal əməkdaşlıqdan və inteqrasiyadan danışacağıq. Biz artıq çox mühüm təkliflərlə və təşəbbüslərlə çıxış etmişik və yeri gəlmişkən, onlar 10 noyabr 2020-ci il tarixli birgə Bəyanatda da əks olunub”, - deyə dövlətimizin başçısı vurğulayıb.
Deyilənlərin təsdiqi olaraq vurğulamaq yerinə düşər ki, Azərbaycan postmüharibə mərhələsində humanitar problemlərlə bağlı məsələlərə böyük həssaslıqla yanaşır. İndiyədək ölkəmiz bütün hərbi əsirləri, o cümlədən müharibə dövründə hələk olmuş 1600-ə yaxın erməni hərbi qulluqçusunun cəsədini qarşı tərəfə qaytarıb.
Mübariz ABDULLAYEV

 
  • Oxunub:  3150  |  
  • Tarix:  25-05-2021  |  
  •    Çap et   |  
Azərbaycanda fəaliyyət göstərən siyasi partiyalar Şuşa Bəyannaməsinin imzalanması ilə əlaqədar bəyanat yayıblar

17 İyun 20:53
Azərbaycanla Türkiyənin insan resursları sahəsində əməkdaşlığı müzakirə olunub
17 İyun 20:41
Rusiya XİN Azərbaycan və Ermənistan sərhədində delimitasiya işlərinə başlamağın vacibliyini bildirib
17 İyun 20:24
Ermənistanın mina xəritələrini verməsi üçün beynəlxalq ictimaiyyətə çağırış edilib
17 İyun 19:43
Azərbaycan Respublikasının Baş prokuroru yanında Elmi-Məsləhət Şurasının iclası keçirilib
17 İyun 19:05
“Vətənpərvərlik mövzusunda ədəbiyyat müsabiqəsi”nin qalibləri mükafatlandırılıb
17 İyun 19:05
Antalyada Cənub-Şərqi Avropa Ölkələri Əməkdaşlıq Prosesi Sammiti keçirilib
17 İyun 18:58
Azərbaycanın müdafiə naziri Latviyanın NATO-nun Parlament Assambleyasındakı nümayəndə heyətinin üzvü ilə görüşüb
17 İyun 18:08
Səbinə Xasayeva: Şuşa Bəyannaməsinin imzalanması tarixi hadisədir
17 İyun 17:55
Bugünkü müstəqil və qüdrətli Azərbaycan Ümumilli Lider Heydər Əliyevin əsəridir
17 İyun 17:25
Hazırkı dövrədək ölkəmizdə ikinci mərhələ üzrə peyvənd olunanların sayı 992 min 847 nəfərdir
17 İyun 17:16
Azərbaycanda koronavirusdan ölüm halı qeydə alınmayıb
17 İyun 17:00
Məzahir Bayramov: Şuşada dalğalanan Azərbaycan və Türkiyə bayraqları ölkələrimizin birliyini nümayiş etdirir
17 İyun 16:57
Türkiyə həmişə dost və qardaş Azərbaycanın yanındadır
17 İyun 16:50
Prezidentlərin dostluğu və qardaşlığı Türkiyə-Azərbaycan qardaşlığının simvoluna çevrilib
17 İyun 16:46
Fəsli Nəbiyev: “Avro-2020” futbol yarışlarının Azərbaycanda keçirilməsi, uzun illər ölkəmizdə aparılan idman siyasətinin növbəti uğurlu təzahürüdür
17 İyun 16:41
YAP Göygöl rayon təşkilatı "Türkiyə ilə Azərbaycan arasında əməkdaşlığın yeni bir dönəmi başlayır" mövzusunda tədbir keçirib
17 İyun 16:38
Azərbaycanın və Pakistanın Hərbi Hava Qüvvələri arasında əməkdaşlıq məsələləri müzakirə edilib
17 İyun 16:28
Təhsil Tələbə Krediti Fondunun nizamnamə kapitalının məbləği açıqlanıb
17 İyun 16:25
Müharibə əlilləri və veteranlarının, şəhid və şəhid ailəsi statusu almış şəxslərin vahid elektron reyestrləri yaradılır
17 İyun 16:22
Azərbaycanla Böyük Britaniya arasında gömrük əməkdaşlığı sahəsində müzakirələr aparılıb
17 İyun 16:18
Heydər Əliyev adına Hərbi Lisey kursantlarının buraxılış mərasimi keçirilib
17 İyun 16:13
Təhsil Tələbə Krediti Fondunun vəzifələri müəyyənləşib
17 İyun 16:05
Təhsil Tələbə Krediti Fondu müqavilə əsasında ekspertləri və mütəxəssisləri öz fəaliyyətinə cəlb edəcək
17 İyun 15:59
Azərbaycanın bugünkü uğurları Ulu Öndər Heydər Əliyevin müdrik siyasətinin davam etdirilməsinin nəticəsidir
17 İyun 15:57
Dövlət Statistika Komitəsinin sədri Tahir Budaqov BMT-nin Azərbaycan Respublikasındakı Rezident Əlaqələndiricisi Qulam İsakzai ilə görüşüb
17 İyun 15:28
May ayı ərzində 59 şəhər və rayonun əhalisinə 1 milyon 200 mindən çox tibbi xidmət göstərilib
17 İyun 15:26
Azərbaycan atletləri Olimpiadaya 30, Paralimpiadaya isə 18 lisenziya qazanıblar
17 İyun 15:10
Antalya Diplomatiya Forumuna hazırlıqlar başa çatıb
17 İyun 14:53
ADA Universiteti və ABŞ-ın Corc Vaşinqton Universitetinin birgə magistr proqramına sənəd qəbulu davam edir
17 İyun 14:51
Təhsil Nazirliyinin tabeliyində Təhsil Tələbə Krediti Fondu yaradıldı - FƏRMAN
17 İyun 14:34
Azərbaycanın xarici işlər naziri Türkiyəyə səfərə yola düşüb
17 İyun 14:03
AZAL-da qadın pilotlar fəaliyyətə başlayıblar
17 İyun 13:49
İspaniya ilə investisiya və ixrac sahəsində əməkdaşlığın inkişafı müzakirə edilib
17 İyun 13:40
Pərvin Kərimzadə: Şuşa Bəyannaməsi bölgədə sülh, sabitlik və firavanlıq üçün güclü bir çağırışdır
17 İyun 13:38
Azərbaycan və BMT arasında İstiqamətləndirici Komitənin ilk iclası keçirilib
17 İyun 13:14
Azərbaycan Prezidenti müddətli həqiqi hərbi xidmətə çağırışla bağlı Sərəncam imzalayıb
17 İyun 12:58
Müttəfiqlik haqqında Bəyannamə iş birliyimizin təminatçısıdır
17 İyun 12:39
Göygöl rayonunda şəhid Həsən Bayramov yad edilib
17 İyun 12:36
“Avro-2020”: Bu gün B və C qruplarından səkkizdəbir finala yüksələcək komanda müəyyənləşə bilər
17 İyun 12:36
Tengiz Txilava: Türkiyə Prezidentinin Şuşaya səfəri çox mühüm əhəmiyyət kəsb edir
17 İyun 12:24
Şuşa Bəyannaməsi Milli Qurtuluş Gününü daha da əzəmətləndirdi
17 İyun 12:22
Füzuli və Cəbrayıl rayonlarına mediatur təşkil edilib
17 İyun 12:15
Baş Prokurorluq beynəlxalq və regional təşkilatlarla səmərəli əməkdaşlığı genişləndirir
17 İyun 12:10
Azərbaycan ilə Xorvatiya arasında mədəni əlaqələr müzakirə edilib
17 İyun 12:06
“ASAN müraciət” mobil tətbiqi istifadəyə verilib
17 İyun 12:02
Bu il Azərbaycanda 12,5 milyard kubmetrdən çox əmtəəlik təbii qaz çıxarılıb
17 İyun 11:48
Ukrayna mətbuatı Azərbaycan və Türkiyə prezidentlərinin Şuşa səfərinə geniş yer ayırıb
17 İyun 11:41
Vüqar Seyidov: Şuşa bəyannaməsi ilə hər iki dövlət münasibətlərinin qızıl dövrünə qədəm qoydu
17 İyun 11:39
Türkiyə və Azərbaycan arasındakı münasibətlər hazırda özünün ən yüksək zirvəsindədir
17 İyun 11:37
Nəqliyyat, Rabitə və Yüksək Texnologiyalar Nazirliyi yanında İctimai Şuraya seçkilərin II turu keçirilib
17 İyun 11:24
Fiziki məhdudiyyətli şagirdlərin rahat şəkildə imtahan verməsi üçün xüsusi zallar ayrılıb
17 İyun 11:21
DİN Ağdam rayon sakininin minaya düşərək həlak olması ilə bağlı məlumat yayıb
17 İyun 11:16
“Azeri Light” neftinin qiyməti 76,5 dolları ötüb
17 İyun 10:58
Şuşa Bəyannaməsinin imzalanması 44 günlük Vətən müharibəsində qazanılan qələbənin yaratdığı yeni reallıqların təcəssümüdür
17 İyun 10:42
Sosial təminat sahəsində Almaniya təcrübəsi öyrənilir
17 İyun 09:59
Daşkənddə İqtisadi Əməkdaşlıq Təşkilatının dördüncü iclasında Azərbaycanda korrupsiyaya qarşı görülən tədbirlərdən danışılıb
17 İyun 09:57
Azərbaycan və İspaniya arasında münasibətlərin möhkəmləndirilməsi perspektivləri müzakirə olunub
17 İyun 09:47
Moskvada Azərbaycan Milli Məclisinin və Rusiya Federal Şurasının parlamentlərarası komissiyasının iclası keçirilib
17 İyun 09:44
Bağdad Amreyev: Şuşa Bəyannaməsi bütün türk dünyasına xidmət edən bir çox məsələləri özündə əks etdirir
17 İyun 09:19
Hikmət Babaoğlu: Şuşa Bəyannaməsi “Bir millət, iki dövlət” fəlsəfəsinin hüquqi müstəviyə köçürülməsi hadisəsi idi
17 İyun 09:17
Ermənilər tərəfindən xarabalığa çevrilən Füzuli yenidən dirçəlir
17 İyun 09:14
Qurtuluş məfkurəsi və azərbaycançılıq ideologiyası
16 İyun 21:10
Azərbaycan və Türkiyə gənclərinin Zəfər Forumu keçirilib
16 İyun 20:50
Prezident Ərdoğan: Ermənistan Azərbaycanla problemlərini həll etdikcə Türkiyə olaraq biz də lazımi addımları atacağıq
16 İyun 20:47
Şuşa Bəyannaməsinin imzalandığı zaman və məkan tarixi əhəmiyyət kəsb edir
16 İyun 20:24
Rəcəb Tayyib Ərdoğan: Naxçıvan ilə Bakını bir-biri ilə birləşdirəcək Zəngəzur dəhlizi bölgəmizə rahatlıq və zənginlik gətirəcək
16 İyun 20:18
Deputat: Müttəfiqlik Bəyannaməsinin məhz Şuşada imzalanması Türkiyənin Qarabağ məsələsində mövqeyini bir daha göstərdi
16 İyun 20:08
Türkiyə Prezidenti Rəcəb Tayyib Ərdoğan Milli Məclisdə çıxış edib
16 İyun 19:11
Şəhidlərin xatirəsinə ehtiram
16 İyun 19:00
Türkiyə Prezidenti Rəcəb Tayyib Ərdoğan ulu öndər Heydər Əliyevin məzarını ziyarət edib

Video

 
»»»
 

»»»
ARXİV
B Be Ça Ç Ca C Ş
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30
HAVA HAQQINDA