Ana səhifə »  Xəbər lenti »  Xocalı soyqırımı insanlığa qarşı ən amansız qətliamlardan biridir
A+   Yenilə  A-
Xocalı soyqırımı insanlığa qarşı ən amansız qətliamlardan biridir

Yeni Azərbaycan Partiyası Xocalı rayon təşkilatının sədri Vahid Əliyev www.yap.org.az saytına müsahibə verib:
- Vahid müəllim, ermənilərin azərbaycanlılara qarşı törətdiyi Xocalı soyqırımından 29 il ötür. Bu soyqırımın miqyası və dəhşətləri ilə bağlı düşüncələrinizi bilmək istərdik...
- Erməni millətçilərinin Xocalıda azərbaycanlılara qarşı törətdiyi soyqırımı aktı yalnız azərbaycanlılara qarşı deyil, ümumilikdə bəşəriyyət əleyhinə, insanlıq əleyhinə cinayətdir. Mənim düşüncəmə görə, ermənilərin Xocalıda törətdiyi soyqırımı aktına bir gecənin, bir günün hadisəsi kimi baxılması yanlış olardı. Hadisəyə obyektiv qiymət vermək üçün uzun illər öncədən başlanmış və tarixin müxtəlif dövrlərində dünyada və regionda baş verən hadisələrdən özlərinin məkrli niyyətlərini reallaşdırmaq məqsədilə azərbaycanlıların deportasiya edilməsi hesabına ərazilərin boşaldılmasına nail olmaq və həmin ərazilərdə “böyük Ermənistan” xülyalarını gerçəkləşdirmək planının tərkib hissəsi kimi baxılması daha doğru olardı. Bildiyimiz kimi Qarabağda son hadisələr 1987-ci ilin ikinci yarısından başladı, müxtəlif mərhələlərdən keçərək 1988-ci ilin fevral ayının 13-də Dağlıq Qarabağın Ermənistana birləşdirilməsi adı altında açıq müstəviyə çıxarıldı və Xankəndidə etiraz mitinqləri təşkil edildi.
Məsələnin açıq müstəviyə çıxarılmasına qədər Ermənistandan və keçmiş SSRİ məkanının müxtəlif bölgələrindən xüsusi hazırlanmış emissarlar göndərilərək millətlərarası ədavətin qızışdırılması istiqamətində məqsədyönlü işlər aparılmış, əvvəlcədən hazırlanmış pozucu təbliğat vasitələri erməni əhalisi arasında yayılaraq Qarabağda yaşayan erməni millətindən olan əhalini etiraz aksiyalarına cəlb etməyə yönəlik “fəal” işlər həyata keçirilmişdi ki, bunu şərti olaraq Qarabağ hadisələrində birinci mərhələ adlandırsaq yanılmarıq. İkinci mərhələ yuxarıda qeyd olunduğu kimi, Qarabağda erməni əhalisinin etiraz mitinqlərinin təşkili, bu etiraz aksiyalarında geniş əhali kütləsinin iştirakının mütəmadi və davamlı xarakter almasının təmin edilməsi idi.
Üçüncü mərhələ kimi Yuxarı Qarabağ bölgəsində və Ermənistan ərazisində milli münaqişənin yerli azərbaycanlı əhaliyə qarşı təhqir, təqib və zor tətbiq etmək, daha sonra qətlə yetirməklə daimi yaşayış yerlərindən didərgin salmaqla Dağlıq Qarabağda qarışıq yaşayış məntəqələrinin, Ermənistandan isə bütün azərbaycanlı əhalinin dədə-baba torpaqlarından didərgin salınmasını qeyd etmək olar.
Arkadi Volskinin rəhbərliyi ilə yaradılmış Dağlıq Qarabağ üzrə Xüsusi Komitənin fəaliyyəti dövründə Dağlıq Qarabağda mövcud olan bütün idarə, müəssisə və təşkilatların birbaşa Ermənistanın tabeçiliyinə keçirilməsi və Azərbaycanın mərkəzi icra hakimiyyəti orqanlarının səlahiyyətlərinin heçə endirilməsini dördüncü mərhələ kimi qiymətləndirsək heç də yanılmarıq.
1990-cı ilin yanvarında Azərbaycan Kommunist Partiyası Mərkəzi Komitəsinin tabeliyində və Azərbaycan KP MK-nın ikinci katibi Viktor Polyaniçkonun sədrliyi ilə Dağlıq Qarabağ Muxtar Vilayəti üzrə Respublika Təşkilat Komitəsi yaradıldı ki, həmin qurumun fəaliyyəti abadlıq, quruculuq və təsərrüfat işlərinin icrasından o yana keçmədi və keçmiş SSRİ-nin süqutu ilə qurumun da fəaliyyətinə xitam verildi.
Nəhayət, beşinci mərhələ, Qarabağ probleminin açıq müharibə müstəvisinə keçməsi və torpaqlarımızın bir-birinin ardınca işğal edilməsidir. Xocalı soyqırımına qədər ermənilər Dağlıq Qarabağ ərazisində yerləşən bir çox yaşayış məntəqələrinin, o cümlədən Ağdərə rayonunun İmarət Qərvənd, Xocavənd rayonunun Axullu, Sabakətin, Tuğ, Qaradağlı, Xocalı rayonunun Cəmilli, Meşəli, Xankəndi şəhərinin Kərkicahan qəsəbəsini və Şuşa rayonunun Malıbəyli və Quşçular kəndlərini işğal etmişdilər. Ermənilər yalnız Xocalıda azərbaycanlılara qarşı soyqırımı aktı törətməmişdirlər. Yuxarıda qeyd olunan yaşayış məntəqələrinin işğalı zamanı da buna bənzər dinc əhaliyə qarşı cinayətlər, qətliamlar törədilmişdi. Şəraitdən asılı olaraq, bəzi yaşayış məntəqələrində soyqırımının miqyası böyük, bəzilərində isə nisbətən kiçik olmuşdur. Xocalı rayonunun Meşəli və Xocavənd rayonunun Qaradağlı kəndlərində ermənilər tərəfindən, sözün həqiqi mənasında, insanlıq əleyhinə faciə törədilmişdi. Cəmi 409 sakini olan Meşəli kəndinin işğalı zamanı 28 nəfər amansızcasına qətlə yetirilmişdir. Əgər kənardan köməyə gələrək mühasirəni yarmaq mümkün olmasaydı, Meşəli kəndindən bir nəfər belə xilas ola bilməzdi. Meşəli kəndində erməni vəhşiliyini təsəvvür etmək üçün diqqətinizə bir neçə faktı çatdırım. Ermənilər gecəvaxtı kəndi dörd tərəfdən mühasirəyə alır, kəndin kənarında yerləşən evlərə və tövlələrə insanlar yatdığı yerdə od vurub yandırmağa başlayır, hadisədən xəbər tutub bayıra çıxan əhali güllə-boran edilir. Təsəvvür edin, insan nə qədər vəhşi, qaniçən olmalıdır ki, evdə adam olduğu halda, tövlədə heyvanlar olduğu vəziyyətdə benzin töküb evə, tövləyə od vursun. Meşəli kənd sakini Novruz Novruzovun özü, həyat yoldaşı və iki qız övladı bu şəkildə qətlə yetirilib, 16 yaşlı oğlu Novruzov Barat yaralı vəziyyətdə girov götürülərək qolları bağlanaraq başı kəsilmək üçün maşının yük yerinə atılır, o özünü maşının üstündən sıldırım qayadan ataraq xilas ola bilir.
Xocavənd rayonunun Qaradağlı kəndinin işğalı zamanı kənddə qalmış 139 nəfərdən 91 nəfəri xüsusi amansızlıqla qətlə yetirilmişdir. Bunları qeyd etməklə bir daha vurğulamaq istəyirəm ki, ermənilər yalnız Xocalıda soyqırımı törətməyib. Yaşayış məntəqələrimizin işğalı zamanı harada fürsət tapıblarsa, öz xislətlərini göstəriblər.
Əlbəttə, Xocalıda törədilən soyqırımı hadisəsi miqyasına görə ən dəhşətlisi və ən amansızıdır. Dörd ay tam mühasirə şəraitində qalan, adi çörəyə belə möhtac olan dinc əhali şaxtalı bir qış gecəsi hər tərəfdən mühasirəyə alınır, ilk öncə artilleriya və ağır texnikaların mərmi yağışına tutulur, daha sonra isə canlı qüvvə dinc, əliyalın əhali üzərinə hücuma keçir, evlərə od vurulur, qarşılarına çıxan hər kəs - qocasına, qadınına, körpəsinə, uşağına baxmadan güllələnir, süngüyə keçirilir, başları kəsilir, ağaca bağlanıb diri-diri od vurulur. Şaxtalı, dumanlı qış gecəsi canını Xocalı şəhərindən çıxara bilən dinc əhali yolda pusquya salınır, öldürülən öldürülür, qalanları isə əsir götürülərək işgəncələrə məruz qoyulur, əzab verməkdən xüsusi zövq alaraq alçaldılır, başları kəsilir, bədən üzvləri kəsilir və s.
- O dövrdə respublikamızdakı ictimai-siyasi durum proseslərə necə təsir edirdi?
- Ermənilərin xarici havadarlarının köməyi ilə silahlı birləşmələr yaratdığı, bütün qüvvələri səfərbər etdiyi bir dönəmdə respublikamızda torpaqlarımızın mənfur düşməndən müdafiəsini təşkil etmək əvəzinə, yaşayış məntəqələrimizin işğal edilməsi kartından istifadə etməklə hakimiyyətə gəlmək uğrunda mübarizə aparılırdı. Mənə belə gəlir ki, o dövrdə Azərbaycan Respublikasının Prezidenti olan Ayaz Mütəllibovun ən böyük səhvi Milli Ordunun yaradılması işinin Rəhim Qazıyev kimi xəyanətkarların təmsil olunduğu Müdafiə Şurasına həvalə etməsi oldu. Həmin qurumda təmsil olunanlar vahid komandanlığa tabe olan Milli Ordu formalaşdırmaq əvəzinə, özlərinin siyasi məqsədlərini reallaşdırmaq üçün silahlı dəstələr yaratdılar.
Yeni yaranmaqda olan Silahlı Qüvvələr ayrı-ayrı adamların məkrli niyyətlərinin təmin edilməsi işinə cəlb edildi. Sözün əsl mənasında, Qarabağ bölgəsində yaşayan əhali taleyin ümidinə buraxıldı. Qarabağda baş verən hadisələrdən yetərincə məlumatlı bir şəxs kimi deyə bilərəm ki, həmin dövrdə Şuşanın hərbi komendantı və Xocalı soyqırımının törədildiyi gün Şuşada olan Rəhim Qazıyev və Azərbaycan Respublikası Müdafiə Nazirliyinin səlahiyyətli nümayəndəsi və Ağdamda hərbi məsələlərə rəhbərlik edən Fəhmin Hacıyev Xocalı soyqırımının qarşısının alınması istiqamətində nəinki hər hansı bir tədbir görmədilər, əksinə qeyd olunan ərazilərdə mövcud olan silahlı qüvvələrin keçirmək istədikləri əməliyyatların qarşısını aldılar. O dövrdə əsl reallıq qeyd etdiklərimdən ibarət idi.
- Xocalı soyqırımının dünyada tanıdılması istiqamətində dövlət tərəfindən sistemli tədbirlər həyata keçirilir. Bu tədbirləri necə dəyərləndirirsiniz?
- Xocalı soyqırımı törədildiyi dövrdə hakimiyyətdə olan qüvvələr nəinki bu dəhşətli hadisə haqqında beynəlxalq aləmə məlumat vermirdi, hətta respublika ictimaiyyətindən belə əsl həqiqətləri gizlətməyə çalışırdı.
Əvvəlki hakimiyyət mənsublarından fərqli olaraq xalqımızın Ümummilli Lideri Heydər Əliyev yenidən Azərbaycanda hakimiyyətə gəldikdən dərhal sonra Xocalı faciəsinə Milli Məclis səviyyəsində hüquqi-siyasi qiymət verilməsinə nail oldu və ermənilər tərəfindən törədilmiş insanlıq əleyhinə cinayət aktı “Xocalı soyqırımı” kimi rəsmiləşdirildi. Ulu Öndərimiz, daha sonra isə cənab Prezidentimiz İlham Əliyev keçirdiyi bütün rəsmi görüşlər və iştirak etdikləri hər bir beynəlxalq səviyyəli tədbirlərdə Xocalı soyqırımı haqqında görüş və tədbir iştirakçılarına ətraflı məlumat verməklə dünya miqyasında bu müdhiş hadisənin tanıdılmasına xüsusi diqqət yetirdi. Respublikamızın diplomatik korpusu, diaspora təşkilatları Xocalı soyqırımının beynəlxalq səviyyədə tanıdılması işinə cəlb edildi. Xocalı soyqırımının beynalxalq səviyyədə tanıdılması işində Heydər Əliyev Fondunun və Fondun vitse-prezidenti Leyla xanım Əliyevanın başlatdığı “Xocalıya ədalət!” kampaniyası çərçivəsində aparılan ardıcıl və silsilə tədbirlərin müstəsna rolu olduğunu xüsusi qeyd etmək lazımdır. Aparılmış məqsədyönlü siyasət sayəsində dünyanın doqquz dövlətinin və ABŞ-ın 20-dən çox ştatının parlamentləri Xocalı soyqırımına həsr olunmuş xüsusi qətnamələr qəbul etmiş, İslam Əməkdaşlıq Təşkilatı Xocalı soyqırımını rəsmən tanımışdır. Bu gün də Xocalı soyqırımının beynəlxalq səviyyədə tanıdılması istiqamətində ardıcıl iş aparılmaqdadır.
- Sizcə, beynəlxalq birliyin erməni vəhşiliyinə qarşı münasibətini qənaətbəxş hesab etmək olarmı?
- Təəssüf hissi ilə qeyd etmək lazımdır ki, ikili standartlar bir çox sahələrdə olduğu kimi Xocalı soyqırımı haqqında həqiqətlərin qəbul edilməsində də açıq şəkildə sezilməkdədir. Bu da ədalətsiz dünyanın bugünkü reallığıdır. Ancaq bu heç də əsas vermir ki, ermənilərin Xocalıda törətdikləri vəhşilik haqqında öz təbliğatımızı aparmayaq. Məhz bu səbəbdən cənab Prezidentimizin rəhbərliyi ilə Xocalı soyqırımının tanıdılması məqsədilə ilbəil daha genişmiqyaslı silsilə tədbirlər davamlı olaraq aparılır.
Diplomatlardan tutmuş, sənət adamlarına, yaradıcı insanlara kimi bütün səviyyələrdə hər kəs Xocalı soyqırımının tanıdılması prosesində iştirak edir. Xocalı soyqırımı həqiqətlərinin beynəlxalq səviyyədə təbliği prosesində azdan-çoxdan iştirak etmiş bir şəxs olaraq deyə bilərəm ki, ermənilərin yalançı təbliğat maşını xarici havadarlarının dəstəyi ilə bu sahədə də fəaliyyətdədir. Onlar beynəlxalq rəyi özlərinin xeyrinə dəyişməyə, əsl həqiqətlərin üzərinə kölgə salmağa çalışırlar.
Azərbaycan həqiqətlərini qəbul edən hər kəs gec-tez Xocalı soyqırımını tanıyacaq. Tanımaq istəməyənlərin isə siyasi maraq və vicdan məsələsidir ki, bu onların öz işidir.
- Vahid müəllim, Azərbaycan 44 günlük Vətən müharibəsində böyük zəfər qazandı. Xocalı ictimaiyyətinin əhval-ruhiyyəsi necədir?
- Dilimizdə “Zülm qiyamətə qalmaz” kimi gözəl bir deyim var .Cənab Prezidentimiz, Silahlı Qüvvələrin Ali Baş Komandanı İlham Əliyevin rəhbərliyi ilə 44 günlük Vətən müharibəsi ilk öncə tarixi ədalətin bərpa edilməsi baxımından xalqımızın hər bir üzvü kimi Xocalı rayon ictimaiyyəti tərəfindən də yüksək qiymətləndirilir. Xarici havadarlarının hərtərəfli dəstəyi ilə ardıcıl olaraq Azərbaycanın tarixi torpaqlarını ələ keçirərək, xalqımıza Xocalı soyqırımı kimi faciələr yaşatmış bədnam siyasətə axır ki, dur deyildi. “Dəmir yumruğun” zərbəsindən “məğlubedilməz”, “döyüşən xalq” mifləri darmadağın edildi.
Ermənilərin 30 il müddətində qurduqları müdafiə istehkamları, əldə etdikləri hərbi texnika, silah-sursat sıradan çıxarıldı, minlərlə canlı qüvvəsi zərərsizləşdirildi və son nəticədə onlar kapitulyasiya aktına imza atmağa məcbur edildilər. Cənab Prezident İlham Əliyevin qurduğu müasir dövrün tələblərinə cavab verən Milli Ordumuzun, Ali Baş Komandan kimi cənab Prezidentimizin qətiyyəti, seçdiyi hərbi taktika və strategiya, xalqımızın monolit güc olaraq cənab Prezidentimizin ətrafında bir yumruq kimi birliyi hesabına möhtəşəm qələbəmiz əldə olundu, illərdən bəri düşmən əsarəti altında olan müqəddəs yurd yerlərimiz işğaldan azad edildi.
Böyük qayıdışın təmin edilməsi istiqamətində dövlətimizin başçısının həyata keçirdiyi ardıcıl və məqsədyönlü siyasət Xocalı rayon ictimaiyyəti tərəfindən birmənalı olaraq yüksək qiymətləndirilir. Əminik ki, digər işğaldan azad olunmuş rayonlarla yanaşı, biz Xocalı sakinləri də doğma torpaqlarımıza qayıdacağıq və Xocalı soyqırımının ildönümlərini Xocalıda qeyd edəcəyik. Xocalıda soyqırımı muzeyi yaradaraq gələcək nəsillərin burada törədilmiş erməni vəhşiliyini unutmaması təmin ediləcək. Fürsətdən istifadə edərək Vətənimizin bütövlüyü uğrunda canını qurban vermiş bütün şəhidlərə, o cümlədən Xocalı soyqırımının qurbanlarına Allahdan rəhmət diləyir, bütün qazilərimizin tezliklə sağalmasını arzulayıram. Uca Yaradan bir daha millətimizə bu kimi qanlı, qadalı hadisələri nəsib etməsin.

 
  • Oxunub:  2130  |  
  • Tarix:  26-02-2021  |  
  •    Çap et   |  
Prezident İlham Əliyev: Əhali baxımından o qədər də böyük olmayan Hacıqabul rayonunda həm sənaye, həm kənd təsərrüfatı müasir üsullarla inkişaf edir

21 Aprel 21:07
Dunya Miyatoviş: Müharibə dayanıb, indi gələcəyə baxmalı və barışıq haqqında düşünməliyik
21 Aprel 20:56
İndoneziya şirkətləri Azərbaycanın azad edilmiş ərazilərində aparılan işlərdə iştirak etmək arzusundadırlar
21 Aprel 18:53
Yevlaxda “Hər bir canlının yuvaya ehtiyacı var” adlı ekoloji aksiya keçirilir
21 Aprel 18:38
Naxçıvan Qarnizonu Qoşunlarında komandir hazırlığı məşğələsi icra olunub
21 Aprel 18:33
Şuşa şəhərinin memarlıq irsinin bərpa-eskiz layihələrinin onlayn təqdimatı olub
21 Aprel 18:25
MDB PA-nın Sosial siyasət və insan hüquqları daimi komissiyasının iclası keçirilib
21 Aprel 18:06
Anar Məmmədov: Yeni reallıqlar Azərbaycanın geosiyasi və geostrateji mövqeyini daha da möhkəmləndirir
21 Aprel 17:55
Milli Məclisin deputatı Hikmət Babaoğlu seçicilərinin növbəti qəbulunu keçirib
21 Aprel 17:50
Sahibkar xanımlar Ağdamda səfərdə olublar
21 Aprel 17:38
YAP Cəbrayıl rayon təşkilatının üzvləri şəhid Zamin Rəhimovun məzarını ziyarət ediblər
21 Aprel 17:28
Milli Məclisin sədri İndoneziyanın ölkəmizdəki səfiri ilə görüşüb
21 Aprel 17:24
Bakı və İzmir təhsil idarələri arasında onlayn görüş
21 Aprel 17:12
Türkiyənin Azərbaycandakı yeni səfiri vəzifəsinin icrasına başlayıb
21 Aprel 17:09
Avronest PA-nın 9-cu sessiyası başa çatıb
21 Aprel 16:59
Gün ərzində Azərbaycanda yeni koronavirus infeksiyasına qarşı 14 min 680 doza vaksin vurulub
21 Aprel 16:57
Pərvin Kərimzadə: İşğaldan azad edilmiş ərazilər erməni vandalizminin canlı şahididir
21 Aprel 16:54
Azərbaycan ilə Meksika arasında turizm sektorunda ikitərəfli əlaqələrin genişləndirilməsi müzakirə edilib
21 Aprel 16:52
SOCAR-ın mədən ərazilərində 135 mindən çox ağac və bəzək kollarına aqrotexniki xidmətlər göstərilir
21 Aprel 16:44
YAP Suraxanı rayon təşkilatı şəhid anaları ilə görüş keçirib
21 Aprel 16:42
Azərbaycanda koronavirusa 2075 yeni yoluxma faktı qeydə alınıb
21 Aprel 16:35
Əliabbas Salahzadə: Regionlarda ənənəvi kənd təsərrüfatı sahələrinin inkişafına xüsusi diqqət yetirilir
21 Aprel 16:28
Deputat: Ölkəmizdə regionların sosial-inkişafı istiqamətində formalaşdırılan strategiya özünü tam doğrultmaqdadır
21 Aprel 16:27
Brest və Minsk şəhərlərinin faşist işğalından azad edilməsində azərbaycanlılar yaxından iştirak edib
21 Aprel 16:19
AŞPA-nın komitə iclasında ətraf mühitin qorunması ilə bağlı Azərbaycanın təcrübəsindən bəhs olunub
21 Aprel 16:16
Yeniyetmələrin XV Avropa Gənclər Qış Olimpiya Festivalı yenidən təxirə salınıb
21 Aprel 16:14
Yuxarı ətrafları amputasiya olunmuş qazilərin yüksək texnologiyalı protezlərlə təminatına başlanır
21 Aprel 15:58
Beynəlxalq Türk Mədəniyyəti və İrsi Fondunda “Türk dünyasının uşaqlarının görüşü” adlı tədbir təşkil olunacaq
21 Aprel 15:57
Avropa Olimpiya Komitəsinin saytında azərbaycanlı gimnastın qələbə əzmindən bəhs edən məqalə yer alıb
21 Aprel 15:39
“Qadınlar və texnoloji inkişaf” mövzusunda onlayn vebinar keçiriləcək
21 Aprel 15:23
Fəaliyyəti aktiv olan hüquqi şəxslərin 86,4 faizi kommersiya qurumlarıdır
21 Aprel 15:17
Rəcəb Tayyib Ərdoğan: AKP-nin hakimiyyəti dövründə Türkiyənin valyuta ehtiyatları dəfələrlə artıb
21 Aprel 15:11
YAP Sədrinin müavini Əli Əhmədov İCAPP-ın tədbirində iştirak edib
21 Aprel 15:07
Ramanıda 40 şəhid ailəsi və Qarabağ müharibəsi əlilinə mənzillər təqdim olunub
21 Aprel 15:00
Deputat: Hacıqabulda sənaye məhəlləsinin yaradılması sənayeləşməyə dövlət dəstəyinin təzahürü kimi xarakterizə olunmalıdır
21 Aprel 14:58
Qubadakı Qırmızı Qəsəbədə yeni turizm məlumat nişanları quraşdırılıb
21 Aprel 14:49
Deputat: Azərbaycan döyüş meydanında olduğu kimi, bütün siyasi arenalarda da Ermənistan üzərində qələbə əldə edib
21 Aprel 14:38
Kamal Cəfərov: Ermənilər Hərbi Qənimətlər Pakını həzm edə bilmirlər
21 Aprel 14:31
Vladimir Putin: Dünya səhiyyəsi inqilab ərəfəsindədir
21 Aprel 14:03
Sevinc Fətəliyeva: Ermənistanda və xaricdə bu ölkəni üçtərəfli Bəyanatı yerinə yetirməkdən yayındırmaq üçün süni maneələr yaratmaqda maraqlı dairələr var
21 Aprel 13:56
Türkiyə Silahlı Qüvvələri tərəfindən bu il 836 terrorçu zərərsizləşdirilib
21 Aprel 13:53
Aqroparkların yaradılması kəndlərdə əhalinin sosial vəziyyətinin yaxşılaşmasına və məşğulluğunun artmasına xidmət edir
21 Aprel 13:47
Bakının və Abşeron yarımadasının bəzi yerlərində qısamüddətli yağış yağacağı gözlənilir
21 Aprel 13:45
Deputat: Hacıqabuldakı Sənaye Məhəlləsi, aqroparklar Azərbaycanın postpandemiya dövrü üçün yeni inkişaf mərhələsinin mənzərəsidir
21 Aprel 13:43
Rafael Hüseynov: Əsassız arqumentlərlə Ermənistanı müdafiə etməyə çalışanlar yaxşı olardı ki, dostlarını düz yola dəvət etsinlər
21 Aprel 13:24
YAP Səbail rayon təşkilatının təşkilatçılığı ilə Türkiyəli qonaqlar Şəhid ailələrini ziyarət ediblər
21 Aprel 13:15
Hacıqabulda yeni məktəb binasının tikintisinə ilkin olaraq 1,5 milyon manat ayrıldı -SƏRƏNCAM
21 Aprel 13:09
Prezident İlham Əliyev Hacıqabulda yol tikintisinə ilkin olaraq 5 milyon manat ayırıb
21 Aprel 13:08
DİN: Gün ərzində törədilmiş 45 cinayətin üstü “isti izlər”lə açılıb
21 Aprel 12:57
Milli Məclisin deputatı: AŞPA Xocalı soyqırımı zamanı azərbaycanlılara qarşı törədilmiş faciələrə göz yumdu
21 Aprel 12:53
Dmitri Savelyev: Prezident İlham Əliyevin göstərdiyi nümunələr Azərbaycanın sülhsevərliyinə dəlalət edir
21 Aprel 12:40
Ucar, Zərdab, Ağcabədi, Yevlax və Şəki rayonlarında 10 kənd yolu yenidən qurulur
21 Aprel 12:33
Nikol Paşinyan etiraz aksiyası səbəbindən Mehri şəhərini tərk edib
21 Aprel 12:30
Sevinc Hüseynova: Bakıdakı Hərbi Qənimətlər Parkı möhtəşəm Qələbəmizi tərənnüm edir
21 Aprel 12:22
Çin-Azərbaycan istiqamətində ikinci konteyner blok qatarı Bakıya çatıb
21 Aprel 12:12
Deputat: Sənaye məhəllələrinin yaradılması ölkə iqtisadiyyatının ixrac qabiliyyətinin artırılmasına xidmət edir
21 Aprel 11:54
Hacıqabulda yaradılan aqroparklar ölkəmizdə kənd təsərrüfatı sahəsində aparılan islahatların tərkib hissəsidir
21 Aprel 11:37
Leyla Abdullayeva: Ermənistan XİN-i eşitdiklərini istədiyi şəkildə yozaraq təqdim etmək istəyirsə, bu artıq onların mənfur niyyətinin göstəricisidir
21 Aprel 11:24
Daha 12 qazimiz “YAŞAT” Fondu tərəfindən Türkiyəyə göndərilib
21 Aprel 11:12
Müdafiə Nazirliyi Qubadlı rayonunun Ulaşlı kəndinin videogörüntülərini paylaşıb - VİDEO
21 Aprel 10:56
Aprelin 5-dən 11-dək Azərbaycanda COVID-19-a 15 min 258 yoluxma faktı qeydə alınıb
21 Aprel 10:52
Sabah 9 minə yaxın şagird buraxılış imtahanı verəcək
21 Aprel 09:09
Müasir müstəqil Azərbaycan dövləti Heydər Əliyev ideyaları əsasında inkişaf edir
21 Aprel 09:06
Akademik Zərifə xanım Əliyeva oftalmologiya elminin inkişafına böyük töhfələr verib
21 Aprel 09:03
YAP Suraxanı rayon təşkilatının nümayəndələri şəhid ailəsini ziyarət ediblər
21 Aprel 09:02
Məzahir Bayramov: Azərbaycan regionda yeni əməkdaşlıq imkanları yaradıb
21 Aprel 09:01
YAP Şəmkir rayon təşkilatının nümayəndələri şəhid ailələrini və qaziləri ziyarət ediblər
21 Aprel 08:58
Tahir Kərimli: Azərbaycan öz ərazi bütövlüyünü təmin etməklə BMT-nin müvafiq qətnamələrinin icrasına nail oldu
21 Aprel 08:57
Abutalıb Səmədov: Münaqişə həll olunduqdan sonra Minsk qrupunun fəallaşmaq cəhdi bir çox suallar doğurur
21 Aprel 08:56
Elşad Musayev: Hərbi Qənimətlər Parkı gələcək nəsillər üçün Azərbaycanın hərb tarixi muzeyi rolunu oynayacaq
21 Aprel 08:55
Əlisahib Hüseynov: Azərbaycan yeni əməkdaşlığa tam hazırdır

Video

 
»»»
 

»»»
ARXİV
B Be Ça Ç Ca C Ş
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30
HAVA HAQQINDA
Bakı
gündüz+18 +23
gecə+12 +14