Ana səhifə »  Xəbər lenti »  Xilaskarlıqdan qalibiyyətə yüksələn zəfər missiyası
A+   Yenilə  A-
Xilaskarlıqdan qalibiyyətə yüksələn zəfər missiyası

Fakt budur ki, Heydər Əliyev Azərbaycanı öz xilaskarlıq missiyası ilə daxili və xarici düşmənlərdən qorudu, xilas etdi. Onun siyasi varisi İlham Əliyev bu tarixi qələbə, zəfər müjdəsi ilə davam etdirdi

Sovet hakimiyyəti dağıldıqdan sonra müstəqilliyini bərpa edən Azərbaycanın üzləşdiyi çətinliklər, xaos ölkəmizin daxilində qardaş qırğını və vətəndaş müharibəsinə zəmin yaratmışdı. Digər tərəfdən, ayrı-ayrı bölgələrdə separatçılıq və parçalanma meyllərinin baş qaldırması müstəqilliyini yenicə bərpa etmiş Azərbaycanı bir dövlət kimi varlığına son qoyulması riski ilə üz-üzə qoymuşdu. Artıq bu reallıq özünü daha çox göstərməyə başlaması ilə yanaşı, ölkədaxili siyasi hərc-mərcliklərin kəskinləşməsi dövlətçiliyimizin əsaslarını laxlatmağa başlamışdı. Belə ki, gözləri respublikamızda olan xarici dairələr öz maraqlarının təminatı yönündə məkrli planlarını işə salmaqla vəziyyətin daha da mürəkkəbləşməsinə səbəb olmaqda idilər.

AZƏRTAC xəbər verir ki, bu fikirlər Azərbaycan Respublikası Prezidentinin köməkçisi - Prezident Administrasiyasının Hərbi məsələlər şöbəsinin müdiri Məhərrəm Əliyevin “Xilaskarlıqdan qalibiyyətə yüksələn zəfər missiyası” sərlövhəli məqaləsində yer alıb. Məqaləni təqdim edirik.

Belə bir vəziyyətdə Qarabağ cəbhəsində baş verən hadisələr də arxa plana keçmiş, hətta ayrı-ayrı silahlı birləşmələr dövlətin təhlükəsizliyini, düşmənin işğalçılıq siyasətinin qarşısını almaları yerinə ya siyasi oyunların girovlarına çevrilir, ya da şəxsi maraqlarını düşünərək maddi gəlirlərini müharibə yolu ilə artırmaqla məşğul idilər.

 

Xalqa lider, sərkərdə lazım idi və məhz onun xilaskarlıq missiyasını icra etməsi nəticəsində Azərbaycan dövləti düşdüyü ağır hərbi, siyasi böhranlardan qurtula bilərdi. Bu şəxsiyyət isə əlbəttə ki, Heydər Əlirza oğlu Əliyev idi.

Xalq da yaxşı bilir və dərk edirdi ki, polad iradə, sarsılmaz qətiyyət, sonsuz əzm və müdriklik ölkəni dəhşətli nəticələrdən qoruya bilər

O da əbəs deyildi ki, məhz belə bir gərgin və böhranlı vəziyyətdə xalq öz doğru seçimini və qərarını verdi. Daha dəqiq desək, o zamanın zəruri çağırışı sosial sifariş idi və bu sifarişin təməlində dahi Heydər Əliyevin xilaskarlıq missiyası dayanırdı. Çünki xalq da yaxşı bilir və dərk edirdi ki, yalnız polad iradə, sarsılmaz qətiyyət, sonsuz əzm və müdriklik ölkəni dəhşətli nəticələrdən qoruya bilər. Parçalanmış xalqı birləşdirən, dünya azərbaycanlılarını bir araya gətirərək müstəqilliyimizi qoruyan, bunun davamı olaraq isə yalnız inkişaf və tərəqqi yolunu tutan dahi şəxsiyyət Heydər Əliyev artıq o zamandan uzaqgörən siyasətini müəyyənləşdirərək, ölkəmizi daxili və xarici düşmənlərdən xilas etdi.

Nəticədə siyasi-diplomatik, iqtisadi cəbhədə qazanılan hər bir uğurun təməlində gələcək Azərbaycanın qüdrət, inkişaf və zəfər simvolları müəyyənləşdirildi və bu faktor köklü şəkildə ölkəmizi dünya arenasına çıxara bildi. Çünki qarşıda daha böyük, nəhəng qalibiyyətlər və zəfərlərin dayanması heç kimdə şübhə doğurmurdu.

Əgər bu gün biz müstəqil, güclü və qüdrətli, qalib Azərbaycan haqqında bəhs ediriksə, fikirlərimizi bölüşürüksə, bu reallıqların hər birində Heydər Əliyev imzasını görmüş oluruq.

Məhz bu şərəfli missiya keçmişimizi özümüzə qaytardı, bu günümüzn uğur reallığını sübuta yetirdi və sabahımızın növbəti qələbələrinin müjdəsini xalqımıza nəsib etdi

O da əbəs deyil ki, Azərbaycan xalqının Müzəffər Sərkərdəsi, Ali Baş Komandanı, Prezident İlham Əliyev bilavasitə ulu öndər Heydər Əliyev siyasi kursunun layiqli davamçı, varisi olaraq hər bir vətənsevər azərbaycanlının qəlbində özünəməxsus yerə sahibdir. Bu, bir faktdır ki, Heydər Əlirza oğlu Əliyev Azərbaycanı öz xilaskarlıq missiyası ilə daxili və xarici düşmənlərdən qorudu, xilas etdi. Onun siyasi varisi İlham Əliyev isə bu tarixi qələbə, zəfər müjdəsi ilə davam etdirdi. Məhz “Qarabağ Azərbaycandır!” tarixi kəlamı ilə!

Otuz il işğalçı Ermənistanın tapdağı altında qalan Qarabağ torpaqlarımız 44 günlük zəfər yürüşü nəticəsində işğaldan azad edildi. Bəli, “Xilaskarlıqdan qalibiyyətə!” Məhz bu şərəfli missiya keçmişimizi özümüzə qaytardı, bizi bir xalq, millət olaraq birləşdirdi, bu günümüzün uğur reallığını sübuta yetirdi və sabahımızın növbəti qələbələrinin müjdəsini xalqımıza nəsib etdi. Artıq onu da əminliklə vurğulaya bilərik ki, gələcək nəsillərimizin daha parlaq və qüdrətli bir dövlətdə yaşayacağına heç kim şübhə etməsin. Çünki bunu Müzəffər Ali Baş Komandanımız Şuşamızın azad olunduğu gün və sonrakı müraciətlərində dəfələrlə, qətiyyətlə vurğuladı.

Ona olan inam və ümid özünü bütün cəhətlərdən doğrultdu – xalq öz Liderinin, Müzəffər Sərkərdəsinin ətrafındadır

Rəşadətli Ordumuzun Müzəffər Ali Baş Komandanı İlham Əliyevin ulu öndər Heydər Əliyevin məzarını ziyarət edərək, onun ruhu qarşısında baş əyməsi və həmin an qəlbində keçirdiyi xoşbəxtlik və qürur hislərini xalqımızla bölüşməsi, ata vəsiyyətini ləyaqət və şərəflə yerinə yetirməsini söyləməsi əsl xilaskar və qalib sərkərdəyə layiq anlar idi. Biz bu tarixin və qürurlu anların canlı şahidləri olaraq özümüzü ən xoşbəxt və ən qürurlu nəsil hesab edə bilərik.

Hələ 17 il əvvəl - xilaskarlıq missiyasından qələbə salnaməsinə keçilən dövrün yeni tarixi yazılmışdı. 2003-cü ildən böyük ümid və inamla xalqımızın arzusu və seçimi ilə Azərbaycan Respublikasının Prezidenti seçilən cənab İlham Əliyevin siması və siyasətində davam etdi. Olduqca məsuliyyətli və strateji hədəflərlə, məqsədyönlü konsepsiya və dövlətçilik quruluşu ilə başlanan uğurlu siyasət, Heydər Əliyev siyasi kursuna sadiqliklə bütün daxili və xarici siyasətin tam mərkəzində Azərbaycanın əbədi və əzəli torpaqlarının düşmən tapdağından azad olunması idi. “Xilaskarlıq salnaməmizin” müəllifləri Heydər Əliyev və İlham Əliyev - gələcək irsimiz və nəsillərimizə danışacağımız ən dəyərli uğur hekayəmizdir.

Dünyanın bir sıra aparıcı dövlətləri Azərbaycanın Qarabağda apardığı hərbi strategiyanı, müharibə metodlarını öyrənir, qazanılan qələbənin mühüm meyarlarını hərbi ədəbiyyatlarına daxil edirlər

Nəhayət, 2020-ci il noyabrın 8-də “Qarabağ Azərbaycandır!” nidası qoyulmuş oldu. Riyakar və daim cinayətkar siyasəti ilə dünyada işğalçı imici formalaşdıran Ermənistan əbədi və əzəli torpaqlarımızı işğal edərək beynəlxalq hüququn prinsiplərini pozması ilə kifayətlənməyərək, daha da azğınlaşması, qeyri qanuni məskunlaşma, yeni ərazi iddiaları irəli sürərək mülki əhalimizə qarşı terror cinayətlər törətdilər. İllərlə yaratdıqları “güclü erməni ordusu” mifinə nəinki dünyanı hətta özlərini belə inandırmağı bacarmışdılar. 1990-cı illərdə SSRİ ordusundan qalan silah-sursat, ermənipərəst qüvvələrin dəstəyi ilə öz işğalçı siyasətini həyata keçirərək ağır cinayət və soyqırımı aktları törətdilər. Münaqişənin təmas xəttindən uzaq məsafələrə doğru genişlənməsi Ermənistanın yeni ərazi iddialarının və işğal altında saxladıqları torpaqlarda əbədi məskunlaşmaq niyyətinin bariz nümunəsi idi. Ermənilərin ötən ilin iyulunda Azərbaycan-Ermənistan dövlət sərhədinin Tovuz rayonu sahəsində atəşkəs rejimini kobud şəkildə pozaraq artilleriya qurğularından istifadə etməsi, mülki əhaliyə qarşı cinayətkar təxribatların törədilməsi riyakar niyyət və məqsədi bütün dünyaya nümayiş etdirdi. Buna baxmayaraq, Azərbaycan dövləti səbr və dözüm nümayiş etdirdi və beynəlxalq hüquq və prinsiplərlə, danışıqlarda haqlı mübarizəmizi apardı, ancaq güclü nizami ordumuzun qurulması ilə ən müasir silah və döyüş texnikaları ilə təmin olunmuş silahlı qüvvələrimiz bütün riyakarlıq və cinayətlərin cavabını verərək qələbə qazandı. Əbəs deyil ki, artıq dünyanın bir sıra aparıcı dövlətləri Azərbaycanın Qarabağda apardığı hərbi strategiyanı, müharibə metodlarını öyrənir, qazanılan qələbənin mühüm meyarlarını hərbi ədəbiyyatlarına daxil edirlər.

Digər tərəfdən, Prezident İlham Əliyev “Azərbaycanın ərazi bütövlüyü heç zaman danışıqlar mövzusu olmayıb və olmayacaq” deyərək bütün beynəlxalq təzyiqlərin qarşısında məğrur, qətiyyət və dözümlə dayanaraq, səbr və iradə nümayiş etdirərək, xalqının ona olan inam və dəstəyinə arxalanaraq tarixi adını, Qalib Sərkərdə adını xalqımızın qəlbinə və tarixinə əbədi həkk etdirdi.

2021-ci il növbəti uğurlu və strateji nailiyyətlərlə yadda qalan illərdən olacağına hər birimiz əminik

Artıq 2020-ci il Azərbaycan tarixinə Qələbə ili kimi daxil oldu. Müzəffər Ali Baş Komandanın müdrik və qətiyyətli siyasəti, məğrur və iradəli Azərbaycan Ordusunun əzmi, qanını canını qurban verərək əbədiyyətə qovuşan şəhidlərimiz ruhu və qazilərimizin sağlamlığı bahasına tariximizə bəxş edilən şanlı qələbə bütün dünya azərbaycanlılarını dəmir yumruq ətrafında sıx birləşdirdi və həmrəyliyimiz daha da gücləndi. “Qarabağ Azərbaycandır!” vurğulayan Prezident İlham Əliyev onu xəyallarımızdan tariximizin gerçəkliyinə çevirdi.

Prezident İlham Əliyevin işğaldan azad edilmiş ərazilərə səfəri zamanı erməni vəhşilik və vandalizmini şəxsən özünün təqdimatı ilə dünyaya çatdırması, qələbənin haqlı mübarizəmizin nəticəsində əldə olunduğunu bir daha sübut etdi. Tarixi, əbədi və əzəli torpaqlarımızda ermənilərin illərlə etdiyi vəhşiliklər, tarixi və mədəni abidələrimizin dağıdılması hər birimizi çox narahat edir, ancaq “Böyük Qayıdış” planı bütün yaralarımızı sağaldacağına inanırıq və əminik. Bərpa işlərinin başlanması bir daha sübut edir ki, Qarabağ öz tarixi gözəlliyinə qovuşacaq və bütün dünya uğurlu layihələrin icrasına şahidlik edəcək.

2021-ci il növbəti uğurlu və strateji nailiyyətlərlə yadda qalan illərdən olacağına hər birimiz əminik. Yeni infrastruktur və yol layihələrin icrası, nəzərdə tutulan uğurlu işlərin tez bir zamanda həyata keçiriləcəyinə zəmin yaradır. İşğaldan azad olunmuş ərazilərimizdə keçiriləcək çox mühüm və tarixi abidələrimizin yenidən bərpası, irsimizin, mədəniyyətimizin ən gözəl dövrə qədəm qoyması müjdəsini verir. Şəhərlərimizin tarixi adlarına qovuşması, tarixi, mədəni, dini irsimizin öz tarixi və haqlı sahibinə qovuşması bizi çox sevindirir. Qanı və canı ilə tariximizə şanlı qələbəni nəsib edən şəhidlərimiz və qazilərimizin ailələri daim diqqət və qayğı ilə təmin olunacaq. Şəhidlərimizin ruhu qarşısında baş əyirik, qazilərimizə sağlamlıq diləyirik. Torpaqlarımızın işğaldan azad olunması, tarixi qələbəmizin xəyallardan gerçəyə çevrilməsində onların misilsiz xidmətləri heç zaman unudulmayacaq.

Müzəffər Ali Baş Komandan İlham Əliyev birinci xanım Mehriban Əliyeva ilə birgə işğaldan azad olunmuş ərazilərə səfəri zamanı əsgərlərimizin coşqusu, Prezidentin dünya ictimaiyyətinə tarixi və strateji mesajları 44 günlük mübarizədə nümayiş etdirdiyi əzm, iradə və qətiyyətin davamı idi. Dünya ictimaiyyəti Azərbaycan Ordusu və xalqının coşqusunda sonsuz məhəbbətin, hədsiz inam və həyəcanının şahidi oldular. Səmimi foto və dialoqlarla yadda qalan səfər təəssüratlarını xalqımız heç zaman unutmayacaq.

Azərbaycanımızın məğrur, vətənpərvər, cəsur oğullarını nəsillərimiz tanıdı

Qırx dörd günlük haqq savaşı adlarını tariximizə əbədi həkk etdirən qəhrəman şəhid və qaziləri tanıtdı. Azərbaycanımızın məğrur, vətənpərvər, cəsur oğullarını nəsillərimiz tanıdı və daim gələcək irsimizə tanıdacaq. Vətən uğrunda qanını canını fəda edən şəhidlərimiz, sağlamlığını qurban verən qazilərimizin vətən borcu ödəndi. Hər qarış torpaqlarımızın azad olunmasına görə onlara borcluyuq və heç zaman unutmamalıyıq.

Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban xanım Əliyevanın təşəbbüsü və tapşırığı ilə həyata keçirilən sosial dəstək və dayaq məqsədli yardım aksiyaları, şəhid və qazi ailələrinə xüsusi həssaslıq və qayğı ilə yanaşma xalqımız tərəfindən daim rəğbət və sevgi ilə qarşılanır. Bizlər isə inanırıq və əminik ki, Xilaskarlıq Missiyası xalqımızın həmrəylik və milli birlik ruhunda hər zaman uğurla davam edəcək və ölkəmiz daim qüdrətlənəcək, çünki bu missiyanın təməl prinsipi Qələbə və Zəfər gerçəkliyidir. Yaşasın Azərbaycan. Yaşasın bizə bu qələbəni yaşadan Müzəffər Ali Baş Komandanımız! Qarabağ Azərbaycandır!

 
  • Oxunub:  1680  |  
  • Tarix:  12-01-2021  |  
  •    Çap et   |  

Qəzetin son buraxılışı

Azərbaycan xalqının azadlıq mübarizəsinin unudulmaz qəhrəmanlıq səhifəsi

20 Yanvar 21:17
20 Yanvar hadisələri Azərbaycan xalqının iradəsinin sarsılmazlığını, mətinliyini göstərdi
20 Yanvar 21:14
ABŞ-ın yeni Prezidenti Cozef Baydenin inauqurasiya mərasimi keçirilib
20 Yanvar 20:39
20 Yanvar xalqımızın mübarizlik əzminin sarsılmaz olduğunu bütün dünyaya nümayiş etdirən tarixi bir gündür
20 Yanvar 20:30
Pakistanın müxtəlif universitetlərinin tələbələri üçün “Şəhidlikdən Qələbəyə” adlı mühazirə təqdim olunub
20 Yanvar 19:36
Misirdə 20 Yanvar hadisələrinə həsr olunmuş virtual tədbir keçirilib
20 Yanvar 19:34
Tədqiqatçı-yazar: 20 Yanvar qardaş Azərbaycanın azadlığına və müstəqilliyinə aparan yolda bir işıq kimi yandı
20 Yanvar 19:14
Müdafiə Nazirliyi Kəlbəcər rayonunun Nadirxanlı kəndinin videogörüntülərini paylaşıb - VİDEO
20 Yanvar 19:13
20 Yanvar şəhidlərinin xatirəsi Azərbaycanda olduğu kimi, Türkiyədə də böyük ehtiramla yad edilir
20 Yanvar 18:57
İstanbulda “Müstəqilliyə gedən yol-20 Yanvar” adlı onlayn konfrans keçirilib
20 Yanvar 18:51
Türkiyə Milli Müdafiə Nazirliyi: 20 Yanvar - Unutmadıq, unutmayacağıq!
20 Yanvar 17:37
Azərbaycan xalqı şəhidlərin xatirəsini ehtiram və qürurla yad edir
20 Yanvar 17:21
Ombudsman Aparatında 20 Yanvar faciəsinin 31-ci ildönümü ilə bağlı tədbirlər keçirilib
20 Yanvar 16:53
Azərbaycanda COVID-19-a 332 yeni yoluxma faktı qeydə alınıb, 897 nəfər sağalıb
20 Yanvar 16:41
Səfərbərlikdən tərxis olunanların müraciətlərinə baxılması üzrə komissiya tərəfindən ümumilikdə 3443 vətəndaş qəbul edilib
20 Yanvar 16:39
Rusiya paytaxtında da 20 Yanvar şəhidlərinin xatirəsi anılıb
20 Yanvar 16:22
Qəhrəmanlıq və şərəf tariximiz
20 Yanvar 16:18
İsmayıllıda 20 Yanvar şəhidlərinin xatirəsi ehtiramla anılıb
20 Yanvar 15:50
Qarabağ zəfəri bütün şəhidlərimizin haqq mübarizəsinin ədalətli yekunu oldu
20 Yanvar 14:56
20 Yanvar faciəsinin ildönümü ilə əlaqədar Azərbaycan Ordusunda silsilə tədbirlər keçirilib
20 Yanvar 14:53
“ForeignPolicyNews” : Cənubi Qafqaz üçün sülh və əməkdaşlıq
20 Yanvar 14:14
20 Yanvar yalnız kədər və ağrı ilə xatırlanacaq bir gün deyil, həm də şərəf günüdür - Hüseyin Altınalan
20 Yanvar 14:06
Abşeronda COVID-19 virusuna qarşı vaksinasiyaya start verilib
20 Yanvar 14:02
Mövlud Çavuşoğlu: Üçrəngli bayrağınla məsud yaşa, Can Azərbaycan!
20 Yanvar 13:34
Azərbaycandakı dini konfessiyaların rəhbərləri Şəhidlər xiyabanını ziyarət ediblər
20 Yanvar 13:27
Şəhid və müharibə iştirakçısı ailələrinin 3200-dən çox üzvü sosial-psixoloji dəstək və reabilitasiya xidməti ilə əhatə edilib
20 Yanvar 13:22
20 Yanvar: Faciə və qəhrəmanlıq tariximiz
20 Yanvar 12:57
İstanbulda 20 Yanvar faciəsinin ildönümü ilə bağlı fotosərgi təşkil edilib
20 Yanvar 12:54
Deputat: Azərbaycan həm iqtisadi, həm də hərbi-siyasi cəhətdən daha qüdrətli dövlətə çevriləcək
20 Yanvar 12:45
ADA Universitetində 20 Yanvar hadisələri ilə bağlı onlayn görüşlər keçirilib
20 Yanvar 12:44
Prezident İlham Əliyev və birinci xanım Mehriban Əliyeva 20 Yanvar faciəsinin 31-ci ildönümü ilə əlaqədar Şəhidlər xiyabanını ziyarət ediblər
20 Yanvar 12:44
Türk Şurası ilə energetika sahəsində əməkdaşlığa dair müzakirələr aparılıb
20 Yanvar 12:33
Xalqımız 20 Yanvar şəhidlərinin xatirəsini ehtiramla anır
20 Yanvar 12:06
Səbail rayonunda 20 Yanvar faciəsinin ildönümü ilə əlaqədar anım tədbiri keçirilib
20 Yanvar 12:02
20 Yanvar şəhidlərinin xatirəsi bir dəqiqəlik sükutla yad olunub
20 Yanvar 10:25
ABŞ Azərbaycanlıları Şəbəkəsi 20 Yanvar faciəsinin 31-ci ildönümü ilə bağlı kampaniya keçirir
20 Yanvar 10:09
Azərbaycan xalqının azadlıq mübarizəsinin unudulmaz qəhrəmanlıq səhifəsi
20 Yanvar 10:07
Şuşada məscidlərin dağıdılması Ermənistanın islamofob xislətinin göstəricisidir
20 Yanvar 10:05
Əli Kərimlinin keçmişi danmaq cəhdi...
20 Yanvar 10:03
Azərbaycan hərb meydanında olduğu kimi, diplomatiya cəbhəsində də üstün mövqedə olduğunu sübut etdi
20 Yanvar 10:01
Medianın İnkişafı Agentliyinin yaradılması milli mətbuatımızın gələcək inkişafı baxımından strateji əhəmiyyətə malikdir
20 Yanvar 10:00
20 Yanvar faciəsinin 31-ci ildönümü ilə əlaqədar Mənzil İnşaatı Dövlət Agentliyi və YAP Nəsimi rayon təşkilatının birgə sosial aksiyası keçirilib
20 Yanvar 09:58
Yevlaxda “Şəhidlər - torpağı Vətən edənlər” mövzusunda videokonfrans keçirilib
20 Yanvar 09:57
YAP Nərimanov rayon təşkilatında 20 Yanvar faciəsinin 31-ci ildönümünə həsr olunmuş tədbir keçirilib
20 Yanvar 09:56
YAP Samux rayon təşkilatında “20 Yanvar - Azadlığa gedən yolun zirvəsi” mövzusunda tədbir keçirilib
20 Yanvar 09:54
Birinci vitse-prezident Mehriban Əliyeva rəsmi “Instagram” səhifəsində 20 Yanvar faciəsi ilə bağlı paylaşım edib
20 Yanvar 09:53
YAP Gədəbəy rayon təşkilatının yaradılmasının 28-ci ildönümü münasibətilə videokonfrans keçirilib
20 Yanvar 09:52
Goranboyda “20 Yanvar faciəsi tariximizin şərəf və qəhrəmanlıq salnaməsidir” mövzusunda tədbir keçirilib
20 Yanvar 09:51
Ankarada 20 Yanvar faciəsi ilə əlaqədar videokonfrans keçirilib
20 Yanvar 09:49
Sabir Hacıyev: Azərbaycan regionda uzunmüddətli sülhün, əməkdaşlığın və iqtisadi inkişafa aparan layihələrin gerçəkləşməsinin tərəfdarıdır
20 Yanvar 09:48
Elçin Mirzəbəyli: Torpaqlarımızın işğaldan azad edilməsində Azərbaycan gəncliyinin müstəsna xidmətləri var
20 Yanvar 09:47
Əlisahib Hüseynov: Dövlət başçısının Şuşaya səfəri mühüm tarixi hadisədir
20 Yanvar 09:46
Arzuxan Əlizadə: Bölgədə yeni mərhələ başlanır

20 Yanvar 09:45
Əli Kərimlinin və Qənimət Zahidin erməni sevgisi

20 Yanvar 09:44
Məğlub Ermənistanda etirazlar səngimir
20 Yanvar 09:43
Türk Şurası 20 Yanvar faciəsinin ildönümü ilə əlaqədar mesaj yayımlayıb
20 Yanvar 09:42
“Hüquq guşəsi: oxucu soruşur”
20 Yanvar 09:40
Vaksinasiyaya arxayın olub digər qaydaları diqqətdən kənarda saxlamaq olmaz
20 Yanvar 09:39
Azərbaycanın bölgələrində baramaçılıq aqrar sektorun gəlirli sahələrindən biri kimi inkişaf etdirilir
20 Yanvar 09:38
Azərbaycan XİN Qara Yanvar hadisələrinin 31-ci ildönümü ilə əlaqədar bəyanat yayıb
20 Yanvar 09:33
Prezident İlham Əliyev rəsmi “Facebook” səhifəsində 20 Yanvar faciəsinin ildönümü ilə bağlı paylaşım edib
19 Yanvar 22:40
Qələbəni bizə yaşadanları yaşadaq
19 Yanvar 22:36
20 Yanvar şəhidlərinin xatirəsi İtaliyada da anılıb
19 Yanvar 21:39
Misirin nüfuzlu qəzetində 20 Yanvar faciəsi haqqında məqalə dərc edilib
19 Yanvar 21:15
Çili agentliyi Azərbaycanın tarixi, dini abidələrinin ermənilər tərəfindən dağıdılmasından bəhs edən məqalə yayıb
19 Yanvar 21:11
Bu günədək Azərbaycan və Rusiya pirotexnikləri tərəfindən 210 mina və 2 partlamamış hərbi sursat zərərsizləşdirilib
19 Yanvar 20:48
Azərbaycanda pambıqçılığın inkişafı ilə bağlı müşavirə keçirilib
19 Yanvar 20:41
Azərbaycandakı Araşdırma Mərkəzi Türkiyəli jurnalisti mükafatlandırıb
19 Yanvar 19:36
Milli Məclis fəaliyyətini bütün müstəvilərdə uğurla həyata keçirib
19 Yanvar 19:09
İşğaldan azad edilmiş Kəlbəcər rayonunun Çopurlu kəndinin videogörüntüləri yayımlanıb - VİDEO
19 Yanvar 19:03
Naxçıvanda insan amili dövlət siyasətinin əsas prioritetidir

Video

 
»»»
 

»»»
ARXİV
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31
HAVA HAQQINDA