Ana səhifə »  Qəzetin pdf formatı »  Milli Məclisin növbəti iclası keçirilib
A+   Yenilə  A-
Milli Məclisin növbəti iclası keçirilib

İclasda millət vəkilləri radikal müxalifətin oktyabrın 19-da qanunsuz aksiya keçirmək cəhdlərini kəskin pisləyiblər
Oktyabrın 22-də Milli Məclisin növbəti iclası keçirilib. İclası açan Milli Məclis Sədrinin birinci müavini Ziyafət Əsgərov gündəlik haqqında məlumat verib. Gündəlik təsdiq olunduqdan sonra millət vəkilləri cari məsələlərlə bağlı çıxış ediblər.
Yeni Azərbaycan Partiyası (YAP) İcra katibinin müavini, Milli Məclisin İctimai birliklər və dini qurumlar komitəsinin sədri Siyavuş Novruzov deyib ki, oktyabrın 19-da Bakıda keçirilən qeyri-qanuni aksiyaya öz münasibətimizi bildirməliyik: “Radikal müxalifət Azərbaycanı istəməyən xarici qüvvələr, erməni lobbisi tərəfindən verilmiş sifariş əsasında ictimai sabitliyi pozmaq, xalq-iqtidar birliyinə xələl gətirmək, Azərbaycanda həyata keçirilən islahatların üstünə kölgə salmaq üçün qeyri-qanuni aksiya keçirərək polislə xalq arasında toqquşma, qarşıdurma yaratmağa cəhd göstərdi”.
S.Novruzov bildirib ki, radikal müxalifət oktyabrın 19-da atılan addımlarla “Sərbəst toplaşmaq haqqında” qanunu və Azərbaycan Konstutusiyasının müddəalarını pozub: “Hüquq-mühafizə orqanları tərəfindən məsələ araşdırılmalı, hər kəs buna öz münasibətini bildirməlidir”. 
Onun sözlərinə görə, indi 1990-cı illər deyil: “Azərbaycan Prezidenti İlham Əliyev qətiyyətli siyasət həyata keçirərək ölkənin maraqlarını beynəlxalq təşkilatlarda, ayrı-ayrı dövlətlərdə, beynəlxalq tribunalarda yüksək səviyyədə təmsil edir. Azərbaycan demokratik dövlətdir, ölkəmizdə söz azadlığı, siyasi plüralizm mövcuddur. Bütün bunlar, qazanılan uğurlar Azərbaycanı sevməyən qüvvələri narahat edir”.
YAP İcra katibinin müavini deyib ki, radikallar bəzən dindarların adından da danışırlar. Ona görə də, dindarlar da, möminlər də baş verən son hadisələrə, radikalların əməllərinə münasibət bildirməlidirlər.
S.Novruzov həmçinin bəzi deputatların Milli Məclis haqqında əsassız çıxış etmələrini də tənqid edib. 
Millət vəkili İlham Məmmədov da çıxışında radikal müxalifətin ölkədə sabitliyi pozmağa yönəlmiş cəhdlərini pisləyib. O deyib ki, Prezident İlham Əliyev Soçidə “Valday” Beynəlxalq Diskussiya Klubunda və Aşqabadda MDB Dövlət Başçıları Şurasının sammitində mühüm bəyanatlarla çıxış etdi. Bundan sonra “Milli şura” adlanan qurumda birləşən radikal müxalifət qanunsuz aksiya keçirməyə cəhd göstərdi. Millət vəkilinin fikrincə, bu hadisə təsadüfi deyil. Onun sözlərinə görə, radikallar xaricdən aldıqları sifariş əsasında belə qanunsuz hərəkət edirlər: “Amma onlar baxsınlar ki, xaricdəki havadarlarının demokratiya “ixrac” etdiyi ölkələr bu gün hansı vəziyyətdədir. Bundan nəticə çıxarılmalıdır”.
Milli Məclisin deputatı Kamilə Əliyeva da çıxışında “Milli şura” ətrafında birləşən radikal qüvvələrin kənar dairələrdən maliyyələşdirildiyini və onların bir çoxunun dəbdəbəli həyat sürdüyünü söyləyib. O bildirib ki, radikalları Azərbaycan xalqı və dövləti, onun maraq və mənafeləri maraqlandırmır: “Onları yalnız öz cılız, dar, şəxsi maraqları maraqlandırır və bu istiqamətdə də, təəssüf ki, hər şeyə getməyə hazırdırlar. Ancaq bir məsələni unudurlar ki, indi əvvəlki dövr deyil ki, istədiklərini etsinlər, xaos, anarxiya yaratsınlar. Bu gün onların qarşılarnda güclü, qüdrətli dövlət, böyük siyasi iradə var. Artıq onların istəkləri, niyyətləri baş tutan deyil və bundan sonra da baş tutmayacaq”.
Milli Məclisin deputatı Elman Nəsirov çıxışında deyib ki, radikal müxalifətin məqsədi təxribatlar törətmək, sabit ölkəmizi xaosa, anarxiyaya sürükləməkdir: “Əslində, onlar xaricdən aldıqları sifarişi yerinə yetirirlər. 30 il əvvəlki düşüncə ilə hərəkət edirlər. Yəni icraçılar da, sifarişçilər də eynidir. Özlərini “qəhrəman” kimi təqdim etməyə çalışan şəxslərin qorxaq olduğu isə hamıya bəllidir. Xalq həqiqəti bilir və bu tipli siyasətçilərə əsla güvənmir, onların arxasınca getmir. Xalqımız cənab Prezident İlham Əliyevin ətrafında sıx birləşərək bütün təxribatlara qarşı birlikdə mübarizə aparır. Heç bir qüvvə xalqın iradəsinə qarşı çıxa bilməz”.
“Destruktiv qrupların oktyabrın 19-da Bakının mərkəzində qanunsuz aksiya keçirməyə cəhd etmələri onların xarici dairələr tərəfindən idarə olunduqlarını bir daha ortaya qoydu. Qanunsuz aksiyanın Prezident İlham Əliyevin oktyabr ayının əvvəlində Soçidə “Valday” Beynəlxalq Diskussiya Klubunun toplantısında və Aşqabadda MDB Dövlət Başçıları Şurasının sammitində səsləndirdiyi qətiyyətli bəyanatlar, eləcə də bu günlərdə Onun yanında keçirilən iqtisadi müşavirədə bildirdiyi fikirlərdən bir neçə gün sonra və 25-26 oktyabr tarixlərində keçiriləcək Qoşulmama Hərəkatına üzv ölkələrin dövlət və hökumət başçılarının XVIII Bakı Zirvə göşünündən əvvəl təşkil edilməsi heç də təsadüfi deyil”. Bu fikirləri isə Milli Məclisin Aqrar siyasət komitəsinin sədri, YAP İdarə Heyətinin üzvü Eldar İbrahimov deyib. E.İbrahimov bildirib ki, Azərbaycana xaricdən müxtəlif üsullarla təsir göstərmək istəyən maraqlı dairələr çirkin niyyətlərini həyata keçirmək üçün bu işə əl atıblar. Ölkədə bütün azadlıqların təmin olunmasına, o cümlədən sərbəst toplaşmaq azadlığının təmin olunması üçün yerlərin ayrılmasına baxmayaraq, müxalifət partiyaları mitinqləri icazəsiz şəkildə, razılıq verilməyən yerdə keçirmək niyyətinə düşüb və buna cəhd ediblər. Hesab edirəm ki, bu, mitinq yox, təxribat törətmək niyyəti ilə edilibdir. Onlara verilən tapşırığa uyğun olaraq qarşıdurma yaratmaqla ölkədəki sabitliyi pozmağa cəhdlər göstərmək istəyi olubdur.
“Qeyd etmək istəyirəm ki, daxili işlər orqanları həmişə olduğu kimi, bu dəfə də xalqımızın asayişini qorumaq üçün güc tətbiqinə yol vermədən və xüsusi vasitələrdən istifadə etmədən bütün tədbirləri qanunauyğun formada vaxtında və layiqincə həyata keçirdilər. Mən bir vətəndaş kimi, qanun keşikçilərinə öz təşəkkürümü bildirirəm. Adını müxalifət qoyub xalqına və dövlətinə qənim kəsilən Əli Kərimli və onun kimilər bilməlidirlər ki, Azərbaycan xalqı onları yaxşı tanıyır. Onlar başa düşməlidirlər ki, ölkəmizdə çox möhkəm və sarsılmaz xalq-iqtidar birliyi mövcuddur və bu birlik hər hansı bir qanunazidd hərəkətlərə cəhdin qarşısını cəsarətlə alacaq, sabitliyi daim qoruyacaq. Qoy onların ağaları da bunu yaxşı başa düşsünlər və anlasınlar ki, bu cür ləyaqətsiz hərəkətlər heç bir fayda verməyəcək”, - deyə YAP İdarə Heyətinin üzvü vurğulayıb.
Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov isə bildirib ki, destruktiv qruplar Azərbaycanda qanunsuz aksiya keçirməyə cəhd göstərməklə bir daha qara niyyətlərinin olduğunu ortaya qoydular: “Onlar Azərbaycanın beynəlxalq əlaqələrinə zərbə vurmaq, ölkəmizin imicini beynəlxalq səviyyədə dəyişdirmək istəyirlər. Onlar bu istəklərini heç zaman yerinə yetirə bilməyəcəklər”.
O bildirib ki, Azərbaycan Prezidentinin apardığı xarici siyasət dünyada ən yüksək səviyyədə qəbul olunur: “Bir neçə gün sonra ən mühüm beynəlxalq təşkilatlardan biri olan Qoşulmama Hərəkatının Azərbaycanda zirvə toplantısı keçiriləcək. Həmin qüvvələr, eyni zamanda, Azərbaycan-Avropa İttifaqı, Azərbaycan-ABŞ münasibətlərinə xələl gətirmək istəyirlər. Lakin bu, mümkün olan məsələ deyil. İki ölkə arasında münasibətlər yüksələn xətlə inkişaf edir”.
Komitə sədri söyləyib ki, Azərbaycan dünyada qəbul olunan siyasət həyata keçirir: “Ölkəmizin həyata keçirdiyi siyasət regiona inkişaf gətirir. Həmin qüvvələr Azərbaycan Prezidentinin islahatlarına zərbə vurmaq istəyirlər. Hesab edirəm ki, hamımız bu hadisələri seyr edərək bir daha başa düşdük ki, ölkə başçısının həyata keçirdiyi siyasət xalqın siyasətidir və heç kim bunun qarşısını ala bilməz”.
“Azərbaycan dövlətinin gücü və ona qarşı yönəlmiş cəhdlərin qarşılığında davamlılığı məsələsi söhbət mövzusu deyil. Bu, birmənalıdır. Azərbaycan özünü təsdiq etmiş, özünü və vətəndaşlarının hüquqlarını qorumaq imkanında olan dövlətdir və biz bunu şübhə altına alan müzakirədən də belə kənar durmalıyıq. Əsas odur ki, buna qarşı yönəlmiş cəhdləri həyata keçirənlərin arxasında hansı dairələr dayanır və hansı məqsədlə bunu edirlər”. Bu fikirləri isə Milli Məclisin Sədr müavini Bahar Muradova çıxışı zamanı deyib. B.Muradova bildirib ki, oktyabrın 19-da icazəsiz aksiya keçirənlərin arxasında hansı qüvvələrin dayandığı, məqsədləri məlumdur. Onlar qanundankənar, qanunazidd fəaliyyət həyata keçirmək istədilər. Arxasında erməni maliyyəsi dayanan, beynəlxalq erməni maraqlarına və erməniçiliyə xidmət edənlərin sifarişini yerinə yetirən insanların iştirakı ilə aksiya keçirmək istədilər.
Vitse-spiker deyib ki, həmin qüvvələrin Azərbaycandakı islahatları dayandırmaq, dövləti sarsıtmaq, qanuni hökuməti devirmək kimi məqsədinin olduğu bildirilir: “Haqqında danışdığımız qruplara baxaq və onların hərəkətlərinin nəticələri barədə fikirlərimizi korrektə edək. Onların bu cür məqsədlərə çatmaq üçün heç bir imkanı yoxdur. Onlardan bunu hansısa dəstə, təbəqə də gözləmir. Söhbət ondan gedir ki, gənclərimizin bir çoxu 1990-cı illəri görməmişdilər. Onların təsəvvüründəki Azərbaycan bugünkü Azərbaycandır. Onların hansısa xaosun, anarxiyanın bu millətə, bu dövlətə nə verə biləcəyi barədə tam təsəvvürləri yoxdur”.
Vitse-spiker qeyd edib ki, həmin adamlar bu qanunsuz aksiyanı keçirməyə cəhd etməklə 1990-cı illər haqqında təsəvvürü olmayan gənclərə, geniş əhali kütləsinə bir daha xatırlatdılar ki, qanundankənar hərəkətlər nəyə gətirib çıxara bilər: “Öz maraqlarını, ambisiyalarını xalqın, dövlətin maraqlarından üstün tutmağın nəyə başa gələ biləcəyini göstərdilər. Polisi gözdən salmağa, yalan məlumatlar yaymağa, polisi hədəfə çevirməyə yönələn səylər nəyə gətirib çıxara bilər, bunu göstərdilər. Onlar bunu yaxşı bacardılar, elə bacardıqları da budur. Ona görə də düşünürəm ki, Azərbaycan dövləti hər zaman olduğu kimi, bu cür hərəkətlərin qiymətini hüquqi müstəvidə verməklə yanaşı, öz yoluna davam edəcək. Eyni zamanda, dövlətimiz Ermənistanı gücdən salan siyasətini davam etdirəcək və Azərbaycanı dünyada nüfuz sahibi edən siyasətini xalqla birlikdə aparacaq. Bu gün Azərbaycan var, dövlətin, xalqın maraqlarını hər şeydən üstün tutan Prezidentimiz, Prezident-xalq birliyi, vətəndaşların həmrəyliyi var. Bu həmrəylik oktyabrın 20-də Heydər Əliyev Mərkəzinin qarşısındakı aksiyada özünü göstərdi. Bugünkü Azərbaycana məhz belə aksiyalar yaraşır”.
“Radikal müxalifət nümayəndələrinin 1990-cı illərdən indiyə qədər xəyanət xronikasına baxanda adamı dəhşət bürüyür. Bu illər ərzində, doğrudanmı, bu insanlarda heç bir inkişaf yoxdur? Onlarda nə dövlətçilik, nə mütaliə, nə də dünyagörüşü var. Bu illər ərzində hansı işlə məşğul olmusunuz?”. Bu fikirləri isə Milli Məclis Sədrinin birinci müavini Ziyafət Əsgərov deyib.
Z.Əsgərov bildirib ki, Azərbaycan artıq kosmik dövlətdir, ölkəmiz 2011-ci ildə BMT-nin Təhlükəsizlik Şurasının üzvü seçilib, Olimpiada səviyyəsində Avropa, İslam Həmrəylik Oyunlarını keçirib, çox böyük humanitar, siyasi tədbirlərə ev sahibliyi edib: “Oktyabrın 25-26-da Azərbaycanda böyük beynəlxalq tədbir - Qoşulmama Hərəkatının sammiti keçiriləcək. Vacib idimi ki, belə bir vəziyyətdə “28 May” metrostansiyasının yanında qarışıqlıq yaradılsın? Bu dövlətə, dövlətçiliyə nifrət haradan gəlir? Axı siz də Azərbaycan vətəndaşısınız. Mən başa düşürəm ki, sizin sifarişçiləriniz var. Amma siz Azərbaycan vətəndaşısınız. Demək, Azərbaycana nə qədər pisdirsə, onlara o qədər də yaxşıdır”.
Z.Əsgərov söyləyib ki, Azərbaycan bundan sonra da inkişaf edəcək və bundan sonra da dünyanın ən seçilən dövlətlərindən biri olacaq: “Onlar qəsdən belə hərəkətlər edirlər ki, iğtişaşlar olsun, qarışıqlıq yaransın. 1992-ci ildə mülki və siyasi hüquqlar haqqında paktı Əbülfəz Elçibəy imzalamışdı. Həmin paktda da sərbəst toplaşmaq haqqında bütün müddəalar yer alıb. Əli Kərimli vaxtilə Elçibəyə necə xəyanət edibsə, bu gün də dövlətə xəyanət edir. Onlar bilirlər ki, metronun yaxınlığında, 200 metr civarında mitinq keçirmək olmaz. Çünki həmin ərazi qorunan ərazi hesab olunur. Amma buna baxmayaraq, çağırış edirlər ki, gəlin orada qarşıdurma yaradıb, hakimiyyətin üzərinə gedək. Sən kimsən axı hakimyyətin üstünə gedəsən. Avopadan, Aİ-dən bununla bağlı səslər gəlir. Əvvəla, bizimlə diktə ilə danışmayın. Siz gedib İspaniya, Belçika və digər ökələrdə baş verən biabırçıqlıqları araşdırın, sonra gəlib bizdən soruşarsınız. Kimin günahı varsa, cəzasını alacaq, kimin günahı yoxdursa, sərbəst buraxılacaq. Biz ölkə başçısını, müstəqilliyimizi göz bəbəyimiz kimi qoruyacağıq”.
Milli Məclisin vitse-spikeri radikalların gəncləri təxribata çəkməyə cəhd göstərdiklərini deyib: “Bəzi gəncləri öz tərəfinizə çəkmək istəyirsiniz. Qoy onlar gedib elmlə, təhsillə, faydalı işlərlə məşğul olsunlar. Gəncləri yoldan çıxarmağa çalışmayın”.
Sonra gündəlikdəki məsələlər müzakirə edilib. Millət vəkilləri R.Qasımovun Mərkəzi Seçki Komissiyasının üzvü, H.İsmayılbəylinin isə Hesablama Palatasının auditoru təyin edilməsi haqqında qərar qəbul ediblər.
Daha sonra “Azərbaycan Respublikası Hökuməti ilə Polşa Respublikası Hökuməti arasında məxfi məlumatın mübadiləsi və qarşılıqlı mühafizəsi haqqında” Saziş təsdiq edilib. 
Millət vəkilləri həmçinin “Uşaqların cinsi istismardan və cinsi zorakılıqdan müdafiəsi haqqında” Avropa Şurası Konvensiyasının təsdiq edilməsi barədə qanun layihəsini müzakirə ediblər. Bu barədə Milli Məclisin Ailə, qadın və uşaq məsələləri komitəsinin sədri Aqiyə Naxçıvanlı məlumat verib. O bildirib ki, sənəd Avropa Şurasının dövlət və hökumət rəhbərlərinin üçüncü zirvə toplantısında qəbul edilmiş Fəaliyyət Planına, “İnsan hüquq və azadlıqlarının müdafiəsi haqqında” Konvensiyaya, BMT-nin “Uşaq hüquqları haqqında” və “Transmilli mütəşəkkil cinayətkarlığa qarşı” konvensiyalarına, eləcə də digər beynəlxalq hüquq normalarına istinad olunaraq hazırlanıb. Komitə sədrinin sözlərinə görə, “Uşaqların cinsi istismardan və cinsi zorakılıqdan müdafiəsi haqqında” Avropa Şurasının Konvensiyası Prezident İlham Əliyevin qərarı ilə verilmiş Azərbaycan Respublikasının müvafiq bəyanatı ilə birlikdə təsdiq olunması üçün Milli Məclisə təklif olunub. Bəyanatda deyilir: “Azərbaycan Respublikası bəyan edir ki, Konvensiyanın müddəaları Ermənistan Respublikasına münasibətdə Azərbaycan Respublikası tərəfindən tətbiq edilməyəcəkdir. Azərbaycan Respublikası bəyan edir ki, o, Ermənistan tərəfindən işğal olunmuş ərazilərdə Konvensiyanın müddəalarının həyata keçirilməsinə (həmin ərazilər işğaldan azad olunanadək) təminat verilmir. Bu bəyanatın 1-ci və 2-ci bəndinin müddəalarını istənilən zaman dəyişdirmək və ya ləğv etmək hüququnu Azərbaycan tərəfi özündə saxlayır və digər tərəflər hər hansı bu cür dəyişikliklər və ya ləğvetmələr haqqında yazılı şəkildə məlumatlandırılacaqlar”.
Müzakirələr zamanı çıxış edən YAP İcra katibinin müavini, Milli Məclisin İctimai birliklər və dini qurumlar komitəsinin sədri Siyavuş Novruzov sənədin əhəmiyyətini vurğulayıb. S.Novruzov bildirib ki, zorakılıq hallarının aradan qaldırılmasında maarifləndirmə işlərinin gücləndirilməsinə ehtiyac var. Çünki bəzən televiziyalarda, seriallarda elə zorakılıq elementləri əks olunur ki, bu da insanların, o cümlədən uşaqların psixoloji durumuna mənfi təsir edir.
Milli Məclisin Beynəlxalq münasibətlər və parlamentlərarası əlaqələr komitəsinin sədr müavini Sevinc Fətəliyeva isə bildirib ki, uşaq hüquqlarının qorunması Azərbaycanda dövlət siyasətinin prioritetlərindən biridir. Onun sözlərinə görə, ölkəmizdə uşaq hüquqlarının qorunması, uşaqların sosial müdafiəsi istiqamətində bir sıra sənədlər qəbul edilib və bunlar nəzərə alınıb. Bu baxımdan, ölkəmizin bu konvensiyaya qoşulması da böyük əhəmiyyət kəsb edir.
Müzakirələrdən sonra sənəd qəbul olunub. 
Daha sonra millət vəkilləri gündəlikdə olan digər məsələləri də müzakirə edərək qəbul ediblər.
Nardar BAYRAMLI

 
  • Oxunub:  2190  |  
  • Tarix:  23-10-2019  |  
  •    Çap et   |  
Get Adobe Flash player
Dünya dini liderlərinin ikinci Zirvə görüşünün Bakıda keçirilməsi göstərir ki, Azərbaycan dinlərarası dialoqun inkişafında önəmli rol oynayır

18 Noyabr 15:16
Dövlət İdarəçilik Akademiyasında yerli icra hakimiyyətlərinin əməkdaşları üçün növbəti distant təlim
18 Noyabr 14:53
Rəcəb Tayyib Ərdoğan: Saxta “erməni soyqırımı” iftirası ilə günahlandırılırıq
18 Noyabr 14:50
Sahibə Qafarova: Belarusda müşahidə apardığım məntəqələrdə səsvermə prosesi normal keçib
18 Noyabr 14:36
Bakıda “Yeni sortların yaradılmasında genetik ehtiyatların rolu və toxumçuluq sisteminin inteqrasiyası” mövzusunda beynəlxalq seminar keçirilir
18 Noyabr 14:12
"Ölkəmizi tanıyaq" tur-aksiyasında Səbail rayon məktəbliləri də iştirak edirlər
18 Noyabr 14:08
Şəki “ASAN xidmət” mərkəzində YAP ərazi ilk partiya təşkilatı yaradılıb
18 Noyabr 14:07
Əli Əhmədov: Prezident və hökumət tərəfindən insanların rifahının yaxşılaşdırılması istiqamətində addımlar atılacaq
18 Noyabr 13:30
Milli Məclisin deputatları QDİƏT Baş Assambleyasının plenar iclasında iştirak edəcəklər
18 Noyabr 13:25
Moskvada MDB ölkələrinin parlamentlərarası əməkdaşlığında siyasi partiyaların rolu müzakirə olunacaq
18 Noyabr 13:17
Cəlil Məmmədquluzadə nəslinin davamçıları Bakıda
18 Noyabr 13:11
Cəlil Məmmədquluzadənin ev-muzeyinin təmirdən sonra açılışı olub
18 Noyabr 13:09
Prezident İlham Əliyev İordaniyanın Azərbaycanda yeni təyin olunmuş səfirinin etimadnaməsini qəbul edib
18 Noyabr 12:58
Prezident İlham Əliyev Qətərin Azərbaycanda yeni təyin olunmuş səfirinin etimadnaməsini qəbul edib
18 Noyabr 12:41
Belarus Milli Məclisinin Nümayəndələr Palatasına seçkilər üzrə Bakı seçki məntəqəsində səsvermənin nəticələri açıqlanıb
18 Noyabr 12:28
Konfrans iştirakçıları Cəlil Məmmədquluzadənin məzarını ziyarət edib
18 Noyabr 12:15
Bu gecə Leonid meteor yağışının atmosferdə maksimum aktivliyi müşahidə olunub
18 Noyabr 12:08
Azərbaycan nümayəndə heyəti “Agritechnica-2019” sərgisində iştirak edib
18 Noyabr 11:40
Milli Aviasiya Akademiyasının bir qrup tələbəsi üçün növbəti “Vikipediya” təlimləri keçirilib
18 Noyabr 11:32
“Avro 2020”: Bu gün D, F və J qruplarında səkkiz qarşılaşma oynanılacaq
18 Noyabr 11:17
TANAP-ın ikinci fazası noyabrın 30-da istifadəyə veriləcək
18 Noyabr 10:49
Milli Məclis komitələrinin birgə iclasında 2020-ci ilin dövlət büdcəsi layihəsi ikinci oxunuşda müzakirə olunur
18 Noyabr 10:37
Akademik Ramiz Mehdiyev Gürcüstan Milli Elmlər Akademiyasının vitse-prezidenti ilə görüşüb
18 Noyabr 10:27
Ölkəmizin 9 rayonunda 41 fərdi yaşayış evi şəhid ailələri və Qarabağ müharibəsi əlillərinin istifadəsinə verilib
18 Noyabr 09:57
Ermənistan silahlı qüvvələri atəşkəs rejimini 25 dəfə pozub
18 Noyabr 09:45
Azərbaycan ilə Belarus arasında ticarət dövriyyəsi 158 milyon dollardan çox olub
18 Noyabr 09:30
Avstraliya saytı yerli sakinləri Azərbaycana səfərə dəvət edir
18 Noyabr 09:11
Azərbaycan mətbəxi Parisdə beynəlxalq festivalda nümayiş olunub
18 Noyabr 09:08
Xanlar Fətiyev: Belarusda parlament seçkilərində müşahidə apardığım məntəqələrdə seçici fəallığı qeydə alınıb
18 Noyabr 09:03
Milli Məclisin deputatı: Belarusda parlament seçkilərində müşahidə zamanı ciddi qanun pozuntusu qeydə alınmayıb
17 Noyabr 13:00
Əli Kərimli və radikal ətrafı bəraət axtarışında
17 Noyabr 09:53
Birinci vitse-prezident Mehriban Əliyeva 17 noyabr - Milli Dirçəliş Günü münasibətilə xalqımızı təbrik edib
17 Noyabr 09:40
Heydər Əliyev Sarayında Şövkət Ələkbərovanın xatirə gecəsi keçirilib
17 Noyabr 09:22
Azərbaycanda Milli Dirçəliş Günü qeyd olunur
17 Noyabr 09:20
Ankarada Xocalı soyqırımına həsr olunan mərasim keçirilib
17 Noyabr 09:13
Üçrəngli bayrağımız Naxçıvanda əbədi yüksəkliyə qaldırılıb
16 Noyabr 19:34
Fransalı jurnalistlər Azərbaycanda qadın hüquqları sahəsində görülən işlər barədə məlumatlandırılıblar
16 Noyabr 19:09
Diasporla İş üzrə Dövlət Komitəsinin nümayəndə heyəti Odessada Azərbaycan məktəbi ilə tanış olub
16 Noyabr 19:08
Diasporla İş üzrə Dövlət Komitəsinin nümayəndə heyəti Odessada Azərbaycan məktəbi ilə tanış olub
16 Noyabr 18:53
Əmək normalarına dair seminarda işçiyə ödənilən əməkhaqqı sistemindəki qaydalardan bəhs olunub
16 Noyabr 18:45
Mirsad Kalayciç: Azərbaycanda nümunəvi tolerant mühit hökm sürür
16 Noyabr 18:42
Odessada Azərbaycan icması ilə görüş keçirilib
16 Noyabr 16:58
Bakıda bədii gimnastika üzrə beynəlxalq turnirin açılış mərasimi olub
16 Noyabr 16:51
Daxili İşlər naziri Azərbaycan Respublikasında İnterpolun Milli Mərkəzi Bürosunun rəisini şəxsi heyətə təqdim edib
16 Noyabr 16:24
Mərkəzi Seçki Komissiyasının növbəti iclası keçirilib
16 Noyabr 15:44
UNESKO Baş Konfransında Azərbaycan Milli Komissiyasının fəaliyyətindən danışılıb
16 Noyabr 15:41
Multikulturalizm Mərkəzində ABŞ senatorları ilə görüş olub
16 Noyabr 15:37
Sevinc Fətəliyeva: Bakıda Dünya dini liderlərinin II Sammitinin keçirilməsi mühüm hadisədir
16 Noyabr 15:34
Gövhər Baxşəliyeva: 2020-ci ildə elm xərcləri bütövlükdə 193,7 milyon manat təşkil edəcək
16 Noyabr 15:30
Tahir Mirkişili: Dövlət investisiya xərclərinin dövlət büdcəsində payı 5 milyard manata yaxındır
16 Noyabr 15:28
Kərimlivari “sədaqət” və “cəsarət”
16 Noyabr 13:14
Müdafiə naziri əməliyyat təliminin yekunlarına dair xidməti müşavirə keçirib
16 Noyabr 12:38
AMEA-nın prezidenti: İran və Azərbaycan alimləri tarixi həqiqətlərin ortaya çıxarılması üçün birgə fəaliyyət göstərməlidirlər
16 Noyabr 12:29
Litvanın ölkəmizdəki səfiri Naxçıvanın istehsal, mədəniyyət və təhsil müəssisələri ilə tanış olub
16 Noyabr 12:17
Parisdə Azərbaycan-UNESKO əməkdaşlığı müzakirə olunub
16 Noyabr 12:12
2020-ci il Azərbaycan Gimnastika Federasiyası üçün beynəlxalq tədbirlərlə zəngin olacaq
16 Noyabr 12:07
Mikayıl Müşfiqin xatirəsinə ithaf olunan tamaşa növbəti dəfə səhnədə
16 Noyabr 12:02
Bakıda III Beynəlxalq uroonkologiya simpoziumu keçirilib
16 Noyabr 10:03
Dünya dini liderlərinin ikinci Zirvə görüşünün Bakıda keçirilməsi göstərir ki, Azərbaycan dinlərarası dialoqun inkişafında önəmli rol oynayır
16 Noyabr 09:56
“Əbədiyyət günəşi” məqalə müsabiqəsinin qalibləri mükafatlandırılıb
16 Noyabr 09:54
Məzahir Bayramov: Yeni Azərbaycan Partiyası öz sıralarında 740 min nəfərdən artıq üzvü birləşdirən nəhəng siyasi qüvvədir
16 Noyabr 09:50
2020-ci il ölkə üzrə icbari tibbi sığortanın tətbiqi ili olacaq
16 Noyabr 09:48
Radikal müxalifət ermənipərəst xarici mərkəzlərin xəyanətkar planlarının icraçısı rolunda çıxış edir
16 Noyabr 09:47
“Ədibin Evi” Mir Cəlal adına ikinci hekayə müsabiqəsi elan edib
16 Noyabr 09:45
Seçki mübahisələrinin həllinə dair növbəti seminar-müşavirə Şirvanda keçirilib
16 Noyabr 09:42
Masallı məktəblisi: Ölkəmizin dilbər guşələrini görmək hər bir gəncin arzusudur
16 Noyabr 09:41
Regionlarda meyvə istehsalı artıb
15 Noyabr 22:03
Fələstin Prezidentinin müşaviri: Azərbaycan xalqının multikulturalizm təcrübəsi beynəlxalq səviyyədə yüksək qiymətləndirilir
15 Noyabr 21:47
Pakistanın Təhsil naziri UNESKO-nun Təhsil Komissiyasının sədri seçilib
15 Noyabr 21:39
Rusiyanın Patriarxı Kirill İçərişəhəri ziyarət edib
15 Noyabr 21:36
Azərbaycan və ABŞ ştatlarının qanunverici orqanları arasında əlaqələrin inkişafı məsələləri müzakirə olunub

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
HAVA HAQQINDA