Ana səhifə »  Qəzetin pdf formatı »  Milli Məclisin növbəti iclası keçirilib
A+   Yenilə  A-
Milli Məclisin növbəti iclası keçirilib

İclasda Əli Əsədovun Azərbaycanın Baş Naziri vəzifəsinə təyin olunmasına razılıq verilib
Oktyabrın 8-də Milli Məclisin növbəti plenar iclası keçirilib. İclasda ilk olaraq Azərbaycan Respublikası Prezidentinin təqdimatına əsasən Əli Hidayət oğlu Əsədovun Baş Nazir vəzifəsinə təyin edilməsinə razılıq verilməsi barədə məsələ müzakirə edilib. Milli Məclisin Sədri Oqtay Əsədov qeyd edib ki, Novruz Məmmədov Azərbaycanın Baş Naziri vəzifəsindən azad edilməsi ilə bağlı Prezident İlham Əliyevə ərizə ilə müraciət edib. O deyib ki, Baş Nazir postuna yeni namizəd Əli Əsədov hansı vəzifədə çalışmasından asılı olmayaraq, bilik və bacarığını işə sərf edən, iqtisadi məsələlərə dərindən bələd olan mütəxəssisdir. “Əminəm ki, Prezident İlham Əliyevin bu seçimi dövlətimiz, xalqımız üçün uğurlu olacaq”, - deyə spiker vurğulayıb.
Sonra iclasda məsələ ilə bağlı çıxışlar olub. Çıxış edən millət vəkilləri Əli Əsədovun indiyədək olan fəaliyyətini müsbət qiymətləndirib, dövlətçilik ənənələrinə sadiq şəxs olduğunu qeyd ediblər. Yeni Azərbaycan Partiyası (YAP) İcra katibinin müavini, Milli Məclisin İctimai birliklər və dini qurumlar komitəsinin sədri Siyavuş Novruzov deyib ki, bu gün Prezident İlham Əliyevin rəhbərliyi ilə ölkəmizdə sosial-iqtisadi sahədə müxtəlif islahatlar aparılır, uğurlu siyasət həyata keçirilir. Əli Əsədovu Baş Nazir vəzifəsinə namizədliyinin irəli sürülməsi ilə bağlı təbrik edən YAP İcra katibinin müavini qeyd edib ki, Əli Əsədov 1993-cü ildən partiyanın üzvü, daha sonra YAP-ın İqtisadiyyat komissiyasının sədri olub, 1995-ci ildə proporsional seçki sistemi əsasında deputat seçilib. Onun sözlərinə görə, Əli Əsədov Avropa-Azərbaycan iqtisadi münasibətlərinin qurulmasında çox yaxından iştirak edib, qanunvericiliyimizin Avropa standartlarına uyğunlaşdırılmasında fəallıq göstərib. “Daha sonra onun Ulu Öndər Heydər Əliyevin, eləcə də Prezident İlham Əliyevin köməkçisi kimi xidmətləri var. Əli Əsədov Oğuz-Qəbələ-Bakı su kəmərinin çəkilməsi prosesində işçi qrupunun rəhbəri olub. Bununla yanaşı, onun Azərbaycan üçün vacib layihələrdə xidmətləri olmaqla yanaşı, ölkə başçısının köməkçisi kimi iqtisadi sektorda həyata keçirilən islahatlarda mühüm rolu var”, - deyə S.Novruzov vurğulayıb.
“Əli Əsədovun Azərbaycan Respublikasının Baş Naziri vəzifəsinə təyin olunması çox yerində verilən bir qərardır”. Bu fikirləri isə Milli Məclisin deputatı, “Yeni Azərbaycan” qəzetinin baş redaktoru Hikmət Babaoğlu deyib. Hikmət Babaoğlu bildirib ki, bu günə qədər Azərbaycan iqtisadiyyatı çox böyük inkişaf yolu keçib, Prezident İlham Əliyevin rəhbərliyi ilə Azərbaycanda dərin islahatlar aparılır.
Millət vəkili qeyd edib ki,iqtisadiyyatımızın hazırkı mərhələdə inkişafı yeni perspektivlər yaradır. Onun sözlərinə görə, bundan sonra bu perspektivləri realizə etmək üçün qlobal çağırışlar kontekstində və milli iqtisadiyyatımızın çağırışları kontekstində daha dərin islahatların aparılması üçün baş nazirlik institutunun fəaliyyətində belə bir aktivliyə ehtiyac vardı ki, Əli Əsədov öz bilik və bacarığı ilə bu işin öhdəsindən layiqincə gələ biləcək. “Çünki Əli Əsədov iqtisadiyyatın nəzəri əsaslarını dərindən bilir. Bakı Sosial İdarəetmə və Politologiya İnstitutunda təhsil alarkən Əli Əsədov mənim müəllimim olub. Sonra bu ali məktəb Azərbaycan Prezidenti yanında Dövlət İdarəçilik Akademiyası kimi təsis olunanda yenə Əli Əsədov mənim müəllimim idi. Bu illər ərzində bizim çox yaxşı tələbə-müəllim münasibətlərimiz olub. Ölkəmizin iqtisadi inkişaf perspektivləri ilə bağlı onun ideyaları ilə tanışam və sonrakı mərhələdə bu ideyaların necə realizə olunduğunun da şahidi olmuşam. Bir xüsusiyyəti də ondan ibarətdir ki, bütün mərhələlərdə Əli müəllim bir pedaqoq kimi davranmağı, səmimi olmağı bacarıb. Hansı vəzifədə olmasından asılı olmayaraq, o, bu səmimiyyəti nümayiş etdirib. Mən düşünürəm ki, bu da çox insani keyfiyyətdir”, - deyə deputat vurğulayıb.
Millət vəkili Fəzail Ağamalı da çıxışında Əli Əsədovun iqtisadiyyat sahəsindəki xidmətlərindən danışıb.
Sonra məsələ səsverməyə çıxarılıb və parlament Əli Əsədovun Azərbaycanın Baş Naziri vəzifəsinə təyin olunmasına razılıq verib.
Çıxış edən Əli Əsədov ona göstərilən bu yüksək etimada görə Azərbaycan Prezidenti İlham Əliyevə dərin minnətdarlığını bildirib. Əli Əsədov qeyd edib ki, müasir Azərbaycan müstəqillik illərində mürəkkəb və şərəfli yol keçib: “Dahi şəxsiyyət, Ulu Öndər Heydər Əliyev 1990-cı illərin əvvəllərində Azərbaycanı böhran vəziyyətindən qurtarıb və real müstəqilliyimizi inkişaf etdirib. Bu gün Prezident İlham Əliyevin səyi nəticəsində ölkəmiz sürətli inkişaf yolu keçir. Qazanılan möhtəşəm nailiyyətlər Azərbaycan Prezidenti İlham Əliyevin əməyinin nəticəsidir. Bu dövr ərzində ölkəmizdə ümumi daxili məhsul 3,3 dəfə artıb, iqtisadiyyata qoyulan investisiyaların həcmi 270 milyard dollara çatıb, yoxsulluğun səviyyəsi 5 faizə, işsizlik səviyyəsi 4,9 faizə enib. Ölkənin strateji valyuta ehtiyatları 26 dəfə artaraq 49 milyard dollara çatıb. Eyni zamanda, əhalinin sayı 2019-cu ildə 10 milyon nəfərə çatıb. Dövlətimizin başçısının rəhbərliyi ilə “Azəri-Çıraq-Günəşli”, “Şahdəniz”, Bakı-Tbilisi-Ceyhan, Bakı-Tbilisi-Ərzurum, Cənub Qaz Dəhlizi, Bakı-Tbilisi-Qars kimi meqalayihələr gerçəkləşdirilib. Bununla yanaşı, neft gəlirlərinin qeyri-neft sektoruna yönəldilməsi bu sahənin də inkişafında ciddi nailiyyətlər qazandırır. Qeyri-neft ümumi daxili məhsulu 2,8 dəfə, qeyri-neft sənayesi isə 2,4 dəfə artıb. Azərbaycan kosmik ailənin üzvü olub”.
“Bu gün ölkənin əsas problemi doğma Qarabağımızın işğal altında qalmasıdır. Ermənistan rəhbərliyinin məsuliyyətsiz, populist çıxışlarına Prezident İlham Əliyev tərəfindən layiqli cavab verilib: “Qarabağ tarixi və əzəli Azərbaycan torpağıdır. Beləliklə, Qarabağ Azərbaycandır və nida işarəsi”. Qarabağın işğaldan azad edilməsi və ölkəmizin ərazi bütövlüyünün bərpası üçün hərbi qüdrətimizin artırılması Prezidentin gündəlik fəaliyyətinin əsas prioritetlərindəndir”, - deyə Əli Əsədov bildirib.
Əli Əsədov deyib ki, son illərdə ölkəmizdə sosial problemlərin həlli istiqamətində böyük uğurlar əldə edilib, sosial müdafiə sistemi beynəlxalq standartlara uyğun yenidən qurulub, sosial yardım və müavinətlər artırılıb. Uğurlu sosial siyasət nəticəsində əməkhaqqı 2,4 dəfə, pensiya isə 3 dəfə qaldırılıb. Ölkə rəhbərliyi Vətənin ərazi bütövlüyü uğrunda canından keçmiş şəhid ailələrini, müharibə əlillərini, xüsusi qayğıya ehtiyacı olan şəxsləri, o cümlədən məcburi köçkünləri, ahılları, uşaqları daim diqqət mərkəzində saxlayır. Bu insanlara Birinci vitse-prezident Mehriban Əliyeva məhəbbət və mərhəmətlə dolu qayğı göstərir. Azərbaycanın dayanıqlı və çoxşaxəli inkişafı dövlətin bütün qollarının ahəngdar və bərabər fəaliyyətindən asılıdır. “Bu gün bu yüksək tribunada, Azərbaycan xalqının hüzurunda, hörmətli deputatlar, sizin qarşınızda çıxış edərək Prezident İlham Əliyev tərəfindən qarşıya qoyulan bütün vəzifələri layiqincə yerinə yetirəcəyimə söz verirəm”, - deyə o vurğulayıb.
Milli Məclisin Sədri Oqtay Əsədov Əli Əsədova fəaliyyətində uğurlar arzulayıb.
Sonra millət vəkilləri gündəlikdə duran digər məsələləri müzakirə ediblər.
İclasın gündəliyində olan sonuncu məsələ - “Azərbaycan Respublikası vətəndaşlarının qanunvericilik təşəbbüsü hüququndan istifadə etməsi qaydası haqqında” qanun layihəsi isə ikinci oxunuşda müzakirə edilib. Layihə haqqında parlamentin Hüquq siyasəti və dövlət quruculuğu komitəsinin sədri Əli Hüseynli məlumat verib.
Məsələ ilə bağlı çıxış edən YAP İcra katibinin müavini, Milli Məclisin İctimai birliklər və dini qurumlar komitəsinin sədri Siyavuş Novruzov indiki mərhələdə bu qanunun qəbul olunmasının tərəfdarı olmadığını deyib. O qeyd edib ki, belə qanunlar federativ və konfederativ dövlətlər tərəfindən qəbul edilməlidir. Azərbaycan isə unitar dövlətdir.
Milli Məclis sədrinin birinci müavini Ziyafət Əsgərov isə burada narahatçılığa ciddi səbəb olmadığını bildirib. O qeyd edib ki, qanun layihəsində vətəndaşların hansı hallarda qanunvericilik təşəbbüsü ilə çıxış etmək hüququna malik olduğu əksini tapıb.
Müzakirələrdən sonra qanun layihəsi ikinci oxunuşda qəbul olunub.
Nardar BAYRAMLI

 
  • Oxunub:  1470  |  
  • Tarix:  09-10-2019  |  
  •    Çap et   |  
Get Adobe Flash player
Ölkəmizdə xüsusi qayğıya ehtiyacı olan vətəndaşlara dövlət tərəfindən yüksək diqqət və qayğı göstərilir

13 Oktyabr 13:26
Polşa Azərbaycanlıları Assosiasiyasının mərkəzi ofisinin açılışı olub
13 Oktyabr 13:10
Birinci vitse-prezident Mehriban Əliyeva : Şahmatçımız Aydın Süleymanlının qalib olması xəbəri hər birimizə ancaq qürur və sevinc hissi yaşada bilər
13 Oktyabr 12:36
Ədliyyə nazirinin müavini Gəncədə vətəndaşları qəbul edib
13 Oktyabr 11:17
Avropa Azərbaycanlıları Konqresinin nümayəndələri Finlandiya parlamentinin deputatı ilə görüşüblər
13 Oktyabr 11:09
M.Çavuşoğlu: “Sülh çeşməsi” əməliyyatı suriyalıları terror qruplaşmalarının zülmündən xilas edəcək
13 Oktyabr 11:03
Usta cüdoçularımız dünya çempionatında daha iki medal qazanıblar
13 Oktyabr 10:57
Türkiyə Prezidenti və Britaniyanın Baş Naziri telefon söhbətində “Sülh çeşməsi” əməliyyatını müzakirə ediblər
13 Oktyabr 10:46
13 oktyabr Azərbaycan dəmiryolçularının peşə bayramıdır
13 Oktyabr 10:39
Ermənistan silahlı qüvvələri snayper tüfənglərindən də istifadə etməklə atəşkəs rejimini 24 dəfə pozub
12 Oktyabr 19:30
DİN-in Sıravi və Kiçik Rəis Heyəti Hazırlayan Məktəbi əsaslı təmirdən sonra istifadəyə verilib
12 Oktyabr 19:19
İsrailli politoloq: İlham Əliyev diplomatik ustalıq göstərdi və kimin kim olmasını Paşinyanın üzünə dedi
12 Oktyabr 19:12
Səməd Seyidov: Prezident İlham Əliyev MDB Dövlət Başçıları Şurasının iclasında bir daha öz qətiyyətli mövqeyini nümayiş etdirdi
12 Oktyabr 19:00
ADA Universitetində gənclərin debatı keçirilib
12 Oktyabr 18:35
Sosial şəbəkələrdən düzgün və səmərəli istifadə edilməməsi böyük fəsadlara yol aça bilər
12 Oktyabr 18:20
Bəhruz Quliyev: Prezident İlham Əliyevin çıxışı Ermənistan rəhbərliyinin terrora dəstək siyasətinə verilən tutarlı cavab idi
12 Oktyabr 16:21
Azərbaycanın və Polşanın xalq qəhrəmanları yad edilib
12 Oktyabr 16:17
Azərbaycan Prezidentinin mətbuat katibi İlham Əliyev və Nikol Paşinyan arasında təmas barədə informasiyanı şərh edib
12 Oktyabr 15:57
Elçin Mirzəbəyli: Prezident İlham Əliyev Paşinyanın faşist cəlladını təmizə çıxarmaq cəhdlərinin üstündən xətt çəkdi
12 Oktyabr 15:46
Zakir Həsənov: Ali Baş Komandanın “Qarabağ Azərbaycandır və nida işarəsi” mesajı Azərbaycan Ordusu qarşısında yeni tapşırıqlar qoyur
12 Oktyabr 15:32
Sahibə Qafarova: Prezident İlham Əliyev Paşinyanı yerinə oturtdu
12 Oktyabr 15:28
İsmayıllının 4 kəndinə təbii qaz verilib
12 Oktyabr 15:25
Dövlət Məşğulluq Xidmətinin növbəti zona müşavirəsi keçirilib
12 Oktyabr 15:21
Ermənistan hökuməti faşist əlaltısı Njdeni böyük sərkərdə və milli qəhrəman səviyyəsinə qaldırıb
12 Oktyabr 15:15
RF Dövlət Dumasının deputatı: Njdeyə heykəl qoyulması cinayətdir
12 Oktyabr 15:13
Ötən il Azərbaycanla Avstriyanın ticarət dövriyyəsi 2 dəfəyədək artıb
12 Oktyabr 14:59
Elman Nəsirov: Azərbaycan Prezidentinin Aşqabaddakı çıxışı Ermənistanın baş nazirinə vurulan növbəti tərs sillə oldu
12 Oktyabr 14:53
İndiyədək 6,7 mindən çox Qarabağ əlili mənzil, 6, 3 min nəfərdən çoxu isə avtomobillə təmin olunub
12 Oktyabr 14:49
“Kommersant” qəzeti MDB Dövlət Başçıları Şurasının iclasında Paşinyanın gülünc vəziyyətə düşdüyünü yazır
12 Oktyabr 14:45
Bakıda MDB Müdafiə Nazirləri Şurasının növbəti iclası keçiriləcək
12 Oktyabr 14:37
Hikmət Babaoğlu: Azərbaycan Prezidenti sübut etdi ki, Ermənistanın yürütdüyü işğalçı siyasət faşizmə olan sevgi ilə bağlıdır
12 Oktyabr 14:31
Yeniyetmə şahmatçımız Aydın Süleymanlı dünya çempionu adını qazanıb
12 Oktyabr 14:27
Yeni Azərbaycan Partiyasının rayon və şəhər təşkilat sədrlərinin ümumrespublika müşavirəsi keçirilib
12 Oktyabr 14:26
Firəngiz Əlizadə: Azərbaycanın Birinci vitse-prezidenti Mehriban Əliyevanın təşəbbüsü Nəsiminin xatirəsinə inanılmaz hədiyyədir
12 Oktyabr 14:15
Siyavuş Novruzov: “Qaregin Njde kimi, Ermənistan dövlətinin də ikiüzlülüyü bu gün göz önündədir”
12 Oktyabr 13:29
Malik Həsənov: Prezident İlham Əliyevin rəhbərliyi ilə ölkəmiz bütün sahələrdə möhtəşəm uğurlar qazanır
12 Oktyabr 13:27
Səfər Mehdiyev: Azərbaycan, Türkiyə və Gürcüstanın gömrük qurumları arasında sənədlərin elektron sistemlə qarşılıqlı ötürülməsi mühüm layihədir
12 Oktyabr 13:06
Ağacan Abiyev: Nüfuzlu idman yarışlarının Azərbaycanda keçirilməsi təbii qanunauyğunluqdur
12 Oktyabr 13:02
Bakıda “Kitabi-Dədə Qorqud” dastanına həsr olunmuş dəyirmi masa təşkil edilib
12 Oktyabr 12:58
Tahir Mirkişili: Azərbaycan Prezidentinin qətiyyətli mövqeyi regionun bütün xalqlarının maraqlarına xidmət edir
12 Oktyabr 12:56
Sevinc Hüseynova: Azərbaycan öz hədəflərinə çatmaq üçün inamlı addımlar atır
12 Oktyabr 10:54
Elçin Əhmədov: Azərbaycan Prezidenti Ermənistanın işğalçılıq siyasətini və faşist ideologiyasını faktlarla ifşa etdi
12 Oktyabr 10:52
Azərbaycan Respublikası Gənclər Təşkilatları Milli Şurasının XVI hesabat-seçki konfransı keçirilib
12 Oktyabr 10:50
Ermənistan silahlı qüvvələrinin bölmələri sutka ərzində atəşkəs rejimini 22 dəfə pozub
12 Oktyabr 10:48
Bu gün 13-cü Azərbaycan Beynəlxalq Təhsil Sərgisi başa çatır
12 Oktyabr 10:33
Ölkəmizdə xüsusi qayğıya ehtiyacı olan vətəndaşlara dövlət tərəfindən yüksək diqqət və qayğı göstərilir
12 Oktyabr 10:30
Qəbələdə “Qafqaz Albaniyası: tarix və müasirlik kontekstində” mövzusunda beynəlxalq konfrans keçirilib
12 Oktyabr 10:28
139 illik tarixə malik olan Azərbaycan Dəmir Yolu çox əzəmətli fəaliyyət yolu keçib
12 Oktyabr 10:27
YAP Nərimanov rayon təşkilatının ərazi ilk partiya təşkilatlarında görüşlər davam edir
12 Oktyabr 10:25
YAP Şəmkir rayon təşkilatının geniş tərkibli Şura yığıncağı keçirilib
12 Oktyabr 10:23
Nizami Cəfərov: Azərbaycanşünas alim
12 Oktyabr 10:22
Saxtakar piketçi etiraf etdi...
12 Oktyabr 10:19
Nikol Paşinyan Ermənistanın terrorçu siyasətindən əl çəkmədiyini sübut edir
12 Oktyabr 10:17
Partlayıcı qurğu “mütəxəssisi” və digər terrorçular DTX tərəfindən saxlanılıb
12 Oktyabr 10:14
Bakcell jurnalistləri mobil telekommunikasiyanın son həllər və yenilikləri ilə tanış edib
12 Oktyabr 10:12
Regionların turizm potensialının tanıdılması istiqamətində davamlı işlər görülür
11 Oktyabr 22:49
Prezident İlham Əliyev: MDB məkanında faşizmin qəhrəmanlıq kimi qələmə verilməsinə yer yoxdur
11 Oktyabr 22:10
Fövqəladə Hallar Nazirliyinin Akademiyasında Xalq yazıçısı Anarla görüş olub
11 Oktyabr 22:09
Kənd təsərrüfatında uçotun dürüstləşdirilməsi və şəffaflaşdırılması ilə bağlı məsələlərə dair müzakirələr aparılıb
11 Oktyabr 22:00
Azərbaycan-Əfqanıstan iqtisadi əlaqələrinin inkişafında neft-qaz sahəsində münasibətlərin rolu müzakirə edilib
11 Oktyabr 21:59
Azərbaycan ilə Gürcüstan arasında münasibətlərin inkişaf perspektivləri müzakirə olunub
11 Oktyabr 21:45
BSU-da Rusiya universitetləri ilə əməkdaşlıq məsələləri müzakirə olunub
11 Oktyabr 21:36
Avstriya şirkətləri Azərbaycanın kimya sənayesi ilə maraqlanır
11 Oktyabr 21:30
Sabunçu rayonunda indiyədək investisiya layihələrinin maliyyələşməsinə 37,7 milyon manat güzəştli kredit verilib
11 Oktyabr 21:20
Beynəlxalq Maliyyə Korporasiyasının “Azərbaycanda İnvestisiya Mühiti və Aqrobiznes Rəqabətliliyi layihəsi”nin yeni rəhbəri ilə görüş olub
11 Oktyabr 21:18
Azərbaycan və Böyük Britaniya imzalanacaq beynəlxalq avtomobil daşımalarına dair ikitərəfli Sazişi müzakirə edib
11 Oktyabr 21:09
Oğuzda “Dünyəvi dövlətdə din və təhsil” mövzusunda müzakirələr aparılıb
11 Oktyabr 21:07
Bakıda “Türk dünyasının qadını - keçmişdən bu günə” mövzusunda konfrans keçirilib
11 Oktyabr 20:50
ADA Universitetində Lütfi Zadənin irsinə həsr edilən konfrans keçiriləcək
11 Oktyabr 20:48
Diasporla İş üzrə Dövlət Komitəsinin nümayəndə heyəti Polşada səfərdədir
11 Oktyabr 20:45
Əli Həsənov: Türkiyənin həyata keçirdiyi əməliyyat mövcud problemin ən rasional həlli variantıdır

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
HAVA HAQQINDA