Ana səhifə »  Qəzetin pdf formatı »  Dövlət qayğısının yüksək nümunəsi: sosial təminatda daha bir addım
A+   Yenilə  A-
Dövlət qayğısının yüksək nümunəsi: sosial təminatda daha bir addım

Azərbaycanda müstəqil dövlət quruculuğu kursu digər ölkələr üçün nümunəvi modeldir. Bununla bağlı dəfələrlə yüksək səviyyələrdə fikir bildirilib. Ölkə rəhbərliyi bütün sahələr üzrə demokratik, şəffaf islahatlar siyasətini dönmədən həyata keçirməkdədir. Bu kontekstdə əhalinin sosial təminatı üzrə proqramların da yüksək səmərəliliklə reallaşdığını vurğulamaq gərəkdir. Avqustun 1-də dövlət başçısının iştirakı ilə Lökbatan qəsəbəsində Qarabağ, Böyük Vətən müharibələri, Çernobıl əlillərinə və şəhid ailələrinə mənzillərin və avtomobillərin verilməsi mərasimi ekspertlər tərəfindən həmin aspektdə gözəl nümunələrdən biri kimi qiymətləndirilir. Bu hadisəyə bütövlükdə ölkə rəhbərliyinin həyata keçirdiyi müstəqil dövlət quruculuğu aspektində yanaşmaq daha doğrudur. Həmin siyasətin əsasını Ulu Öndər Heydər Əliyev qoyub. Hazırda Prezident İlham Əliyev tərəfindən uğurla davam etdirilir. Bu tezisi həm daxili, həm də xarici siyasətlə bağlı ifadə etmək mümkündür. Məsələnin həmin cəhəti üzərində daha geniş dayanmaq zərurəti vardır.

İnsanların rifahı: sosial dövlət quruculuğu yolunda

Sosial dövlət müasir dövrdə insanların rifah halının yüksəldilməsində mühüm rol oynayır. Dünyanın inkişaf etmiş ölkələrində məhz sosial dövlət quruculuğuna ciddi fikir verilir. Azərbaycan müstəqilliyini əldə edəndən sonra Ulu Öndər Heydər Əliyevin müstəqil dövlət quruculuğu kursunda sosial sahəyə çox böyük diqqət yetirilməyə başlandı. Artıq Azərbaycan sosial dövlət modelini uğurlu tətbiq edən ölkələr sırasındadır. Prezident İlham Əliyev bu istiqamətdə olduqca səmərəli və insanların sosial rifahının daim yüksəldilməsinə xidmət edən proqramlar həyata keçirməkdədir. Bunun son nümunələrindən biri Qarabağ, Böyük Vətən müharibələri, Çernobıl əlillərinə və şəhid ailələrinə mənzillərin və avtomobillərin verilməsi oldu.

Bu il avqustun 1-də dövlət başçısının iştirakı ilə Lökbatan qəsəbəsində Qarabağ, Böyük Vətən müharibələri, Çernobıl əlillərinə və şəhid ailələrinə mənzillərin və avtomobillərin verilməsi mərasimi keçirilib (bax: Qarabağ, Böyük Vətən müharibələri, Çernobıl əlillərinə və şəhid ailələrinə mənzillərin və avtomobillərin verilməsi mərasimi olub. Azərbaycan Prezidenti İlham Əliyev mərasimdə iştirak edib / AZƏRTAC, 1 avqust 2018).

Mərasimdə Prezident nitq söyləyib. Ölkə rəhbəri vurğulayıb ki, Lökbatan qəsəbəsində yeni inşa edilmiş yaşayış kompleksində Qarabağ müharibəsi əlillərinə və şəhid ailələrinə 35 mənzil təqdim olunur və eyni zamanda, 136 minik maşını verilir (bax: əvvəlki mənbəyə). Bu, birdəfəlik aksiya deyil, əksinə, dövlətin ardıcıl olaraq həyata keçirdiyi siyasətin tərkib hissəsidir. Belə ki, "son iyirmi il ərzində şəhid ailələrinə, müharibə əlillərinə 5500-dən çox fərdi ev və mənzil verilmişdir. Altı mindən çox minik maşını verilmişdir" (bax: əvvəlki mənbəyə).

Yəni dövlətin davamlı sosial siyasət yeritməsindən söhbət gedir. Həmin siyasət bu gün də uğurla davam etdirilir. Bu səbəbdəndir ki, dövlət başçısı bu ilin sonuna qədər əlavə 170 mənzilin də veriləcəyini əminliklə ifadə edib. Bundan başqa, növbədə duran insanların sayını nəzərə alaraq, əlavə daha 300 mənzilin alınması ilə bağlı Prezident qərar qəbul edəcəyini bəyan edib. Artıq 40 milyon manat vəsait ayrılıb.

Prezident İlham Əliyev nitqində vurğulayıb ki, "ehtiyac içində yaşayan 500-ə yaxın insan ilin sonuna qədər mənzillərlə təmin ediləcək. Biz çalışmalıyıq ki, bu proqramı tezliklə başa çatdıraq. Əlbəttə ki, buna nail olmaq üçün kifayət qədər maliyyə vəsaiti olmalıdır. Biz imkan daxilində bu vəsaiti təmin edib, təşkil edib sizə mənzilləri təqdim edəcəyik. Hələ də mənzillə təmin olunmayan şəhid ailələri, müharibə əlilləri mütləq mənzillər alacaqlar" (bax: əvvəlki mənbəyə). Əlbəttə, yüksək siyasi iradə, qətiyyət və müstəqil dövlət quruculuğu kursunu dönmədən həyata keçirmək əzmi mövcud olanda bütün bu vəzifələrin öhdəsindən gəlinir. Prezident İlham Əliyevin reallaşdırdığı proqramlar bu tezisin doğruluğunu tam sübut edir.

Dövlət başçısı nitqində insanların məşğulluq problemlərinin həll olunması üzərində də dayanıb. Ölkə rəhbəri ifadə edib: "Bildiyiniz kimi, biz indi genişmiqyaslı özünüməşğulluq proqramının icrasına başlamışıq. Hər il ən azı 7 min ailə bu proqramla əhatə olunacaq. Hər bir ailəyə minimum 5 min manat dəyərində ləvazimat, vəsait, müxtəlif təyinatlı avadanlıqlar veriləcək ki, onlar öz biznesini, öz işini qura bilsinlər. Göstəriş verilmişdir ki, müharibə əlilləri, şəhid ailələri də mütləq bu proqramla əhatə olunsunlar. Artıq bu işlər başlamışdır, təlim kursları aparılır. Beləliklə, biz məşğulluq probleminin həllinə də çox ciddi töhfə vermiş olacağıq" (bax: əvvəlki mənbəyə).

Vətəndaşa qayğı: daxili siyasətin əsas prinsipi

Vurğulanan məqamlar onu göstərir ki, ölkə rəhbərliyi sosial siyasəti uğurla aparır. Vətəndaşların sosial təminatı istiqamətində konkret proqramlar həyata keçirilir. Dövlət həmişə əhalinin aztəminatlı qisminin yanındadır. Bir an olsa belə, onlar özlərini köməksiz hiss etmirlər. Əksinə, Azərbaycan iqtisadi cəhətdən daha da yüksək potensiala sahib olduqca, sosial proqramlar da inkişaf edərək daha geniş təbəqələri əhatə edir. Bu prosesdə müharibədən, işğaldan əziyyət çəkən köçkün, qaçqın soydaşlarımıza ayrıca diqqət yetirilir.

Prezident qətiyyətlə vurğulayıb ki, onlar dövlət tərəfindən qayğı ilə əhatə olunublar. Son illərdə 100-ə yaxın qəsəbənin salınması, 300 minə yaxın köçkünün evlərlə, mənzillərlə təmin edilməsi bunun bariz nümunəsidir. Həmin siyasət bu gün də davam etdirilir. Dövlət başçısı İlham Əliyev bununla bağlı vurğulayıb: "Bu il Qaradağ rayonunun Qobu qəsəbəsində min mənzillik yeni köçkün qəsəbəsi salınmışdır. Orada da bütün infrastruktur, məktəb, bütün lazımi məsələlər öz həllini tapıb. İlin sonuna qədər isə 4 min köçkün ailəsi, təqribən 20 min insan yeni mənzillərlə təmin ediləcək. Yəni, biz ancaq bu layihələri nəzərə alsaq görərik ki, nə qədər böyük qayğı göstərilir və bu məqsədlərə çatmaq üçün dövlət nə qədər vəsait xərcləyir" (bax: əvvəlki mənbəyə).

Dövlət başçısının ifadə etdiyi fikirlərin işığında sosial siyasətlə bağlı hansı nəticələri çıxarmaq olar? Hər şeydən öncə, onu demək lazımdır ki, Azərbaycan rəhbərliyi Ulu Öndər Heydər Əliyevin əsasını qoyduğu sosial siyasəti böyük uğurla inkişaf etdirir. Reallaşan proqramlar göstərir ki, həmin istiqamətdə digər dövlətlər üçün nümunə ola biləcək addımlar atılıb və atılır. Bu, sosial sfera ilə bağlı düşünülmüş, sistemli, ardıcıl siyasətin həyata keçirildiyini ifadə edir. Ölkə rəhbəri bəyan edib ki, sosial siyasət Azərbaycanda prioritet məsələlərdən biri kimi qalır və o, davam etdiriləcək. O cümlədən "sosial cəhətdən az müdafiə olunan vətəndaşlar, işğaldan əziyyət çəkmiş, əlil olmuş, yaxınlarını itirmiş insanlar, onların yaşayışı, məşğulluğu, həyat səviyyəsi" Azərbaycan rəhbərliyi üçün prioritet məsələ olaraq qalır (bax: əvvəlki mənbəyə).

Onu da qeyd etmək gərəkdir ki, Azərbaycan sosial sahədə görülən işlər üzrə işğaldan və etnik təmizləmədən əziyyət çəkmiş dövlətlər arasında ən yüksək səviyyədədir. Bunu beynəlxalq təşkilatlar da etiraf edirlər. Məsələn, BMT həmin məsələni vurğulayır. Üstəlik, Azərbaycanın təcrübəsi bir çox ölkələr üçün nümunə kimi göstərilir.

Yuxarıda qeyd edilən tezislərin fonunda bir vacib məqamı da mütləq nəzərə almaq gərəkdir. Məsələ ondan ibarətdir ki, sosial sferada davamlı və uğurlu proqramları reallaşdırmaq üçün lazımi səviyyədə iqtisadi potensial olmalıdır. Azərbaycan həmin sahədə bütün işləri ancaq daxili imkanları hesabına görür, kənardan yardım almır. Müqayisə üçün deyək ki, Ermənistan rəhbərliyi sosial sfera ilə əlaqədar heç bir ciddi proqram həyata keçirə bilməyib. Əksinə, son zamanlar aydın olur ki, erməni rəhbərliyi öz xalqının cibinə əl uzadıb.

Belə ki, qazı sərhəddə 150 ABŞ dollarına alan Ermənistan hakimiyyəti, öz vətəndaşlarına onu 300 ABŞ dollarına satır. Enerji ilə bağlı rəsmi olaraq imzalanmış bir neçə kredit proqramları isə kökündən yerinə yetirilmir. Onlar kağız üzərində var, dövlət kreditin faizini ödəyir, ancaq kreditin özü yoxdur. Deməli, kreditlər Ermənistanda olan korrupsiya sisteminin qurbanı olub ki, bu da milyonlarla vətəndaşın sosial rifahdan məhrum olması deməkdir.

Bu kimi faktların fonunda Azərbaycanda həyata keçirilən sosial layihələrin qiyməti və əhəmiyyəti daha yaxşı şəkildə göz önündə canlanır. Azərbaycan Cənubi Qafqazda yeganə dövlətdir ki, müharibə veteranlarına, Çernobıl əlillərinə, Vətən uğrunda müharibədə şikəst olanlara böyük qayğı göstərir, onları yüksək qayğı ilə əhatə edir. Bunları regionun digər ölkələrində görmək mümkün deyildir.

Deməli, Azərbaycan həyata keçirdiyi səmərəli müstəqil dövlət quruculuğu və geniş islahatlar proqramlarını böyük uğurla aparılan iqtisadi və enerji siyasətində əldə edilən nailiyyətlər əsasında reallaşdıra bilir. Bu, özlüyündə daxili və xarici siyasət kursunun harmoniyasını tələb edən mürəkkəb prosesdir. Ölkə rəhbərliyi bu vəzifənin öhdəsindən yüksək səviyyədə gəlib, gəlir və bundan sonra da gələcək.

Bu baxımdan dövlət başçısının mərasimdə söylədiyi nitqində ifadə edilən bir fikir çox maraqlı və aktualdır. İlham Əliyev bəyan edib: "Bu il də yaxşı nəticələr olacaqdır. Gələn il daha yaxşı nəticələr olacaq. Artıq ilkin proqnozlar verilibdir. Gələn il sürətli inkişaf ili olacaq. Beləliklə, maliyyə imkanlarımız daha da genişlənəcək və ölkə qarşısında duran əsas vəzifələrin, infrastruktur layihələrin, eyni zamanda və ilk növbədə, sosial məsələlərin həlli üçün biz bu vəsaitdən istifadə edib sizin problemlərinizi həll edəcəyik" (bax: əvvəlki mənbəyə).

Bəli, dünyanın böyük əksəriyyəti gələn ildə qarşılaşacağı çətinliklər üzərində baş sındırarkən Azərbaycan daha sürətli inkişafa hazırlaşır və bunun üçün bütün əsaslar var, ciddi elmi proqnozlar verilib. Bu, ölkə rəhbərliyinin uzaqgörən siyasətinin birbaşa nəticəsidir. Dövlət başçısı mürəkkəb geosiyasi, iqtisadi, hərbi risklərin baş alıb getdiyi bir şəraitdə Azərbaycanı davamlı və dayanıqlı olaraq inkişaf etdirir.

Ölkə rəhbərliyinin reallaşdırdığı hər bir proqramın mərkəzində Azərbaycan vətəndaşı, onun həyat səviyyəsinin yüksəldilməsi dayanır. İnsan kapitalı ilk sıraya qoyulur. Bu siyasətin dövlətçilik və suverenlik aspektlərində qiyməti yüksəkdir. XXI əsr mədəniyyət, mənəviyyat, əxlaq, yaradıcılıq, humanizm yüzilidir. Artıq cəmiyyətlər sadalanan keyfiyyətlər üzrə yarışırlar. İnsan faktoru zəif olan ölkələrin perspektivi yüksək qiymətləndirilmir. Dayanıqlı və davamlı inkişaf məsələsi birbaşa insan faktoru ilə əlaqələndirilir. Bu səbəbdən, Azərbaycanda dövlət quruculuğu və islahatlar kursunun birbaşa insan kapitalına xidmət etməsi məsələsinin qoyulması böyük uğurdur, perspektivli gələcəyin müjdəsidir.

Təbii ki, yuxarıda vurğulanan kontekstdə vətəndaş cəmiyyətinin formalaşmasında insan amilinin rolunu da mütləq nəzərə almaq gərəkdir. Sosial proqramlar vətəndaş cəmiyyətinin inkişafında aparıcı rol oynayır. Cəmiyyətin bütün təbəqələrinin həyat səviyyəsi yüksək olduqda, qanunun aliliyi və sosial ədalət prinsipi bərqərar olduqda vətəndaş cəmiyyəti oturuşur. Azərbaycanda həyata keçirilən bütün proqramlar məhz bu məqsədə xidmət etməkdədir.

Ərazi bütövlüyünün bərpası: rəsmi Bakının qırmızı xətti

Bütün bunların fonunda dövlət başçısının nitqində ciddi diqqət yetirdiyi bir məqamın da üzərində dayanmaq lazımdır. Prezident İlham Əliyev Ermənistan-Azərbaycan, Dağlıq Qarabağ münaqişəsinin həlli ilə bağlı çox aktual fikirlər səsləndirib. Ölkə rəhbəri bəyan edib: "...o həllin bir yolu var: ölkəmizin ərazi bütövlüyü bərpa edilməlidir" (bax: əvvəlki mənbəyə). Bu, çox vaxtında və yerində verilmiş mesajdır. Çünki son vaxtlar Ermənistanın yeni rəhbərliyi münaqişənin həlli təcrübəsi ilə uyğun olmayan fikirlər söyləyirlər. Azərbaycan Prezidentinin cavabı isə qətidir – məsələ yalnız Azərbaycanın ərazi bütövlüyünün bərpa edilməsi şərti ilə qalıcı həllini tapa bilər! Bu şərtdən kənarda heç bir həll yolu keçərli, legitim deyil.

Məsələ ondan ibarətdir ki, ölkə başçısının belə bir mövqe tutması üçün tam tarixi, siyasi, hüquqi və mənəvi əsası vardır. Həmin kontekstdə Prezident ifadə edib: "Dağlıq Qarabağ bizim əzəli tarixi torpağımızdır. Bunu tarix deyir, beynəlxalq hüquq deyir və bütün dünya dövlətləri ölkəmizin ərazi bütövlüyünü tanıyır və dəstəkləyir" (bax: əvvəlki mənbəyə). Son olaraq Avropa İttifaqı ilə Azərbaycan arasında paraflanmış "Tərəfdaşlıq prioritetləri" sənədində bu məqam konkret olaraq əks olunub. Orada vurğulanır ki, Azərbaycanın ərazi bütövlüyü, suverenliyi, sərhədlərinin toxunulmazlığı təmin edilməlidir. NATO-nun Brüsseldəki zirvə görüşünün bəyannaməsində də açıq ifadə edilib ki, Azərbaycanın ərazi bütövlüyünə təşkilat dəstək verir.

Bu faktlardan nəticə olaraq ölkə rəhbəri çox obyektiv nəticə çıxarır və onu ifadə edir: "...bunlar çox ciddi siyasi sənədlərdir, həqiqəti, beynəlxalq hüququ əks etdirən sənədlərdir. Eyni zamanda, işğalçı ölkəyə göndərilən çox ciddi siqnallardır. Onlar bilsinlər ki, mötəbər beynəlxalq təşkilatlar bu məsələni diqqətdə saxlayır və Azərbaycanın ərazi bütövlüyünü dəstəkləyir. Münaqişənin həlli yalnız bu prinsiplər əsasında ola bilər və olmalıdır" (bax: əvvəlki mənbəyə).

Bu fikirlərdə faktiki olaraq yeni Ermənistan iqtidarının bir sıra əsassız iddialarına cavab əksini tapıb. Ermənilər gah danışıqlarda Dağlıq Qarabağdakı separatçıların iştirakından bəhs edirlər, gah Azərbaycanı aqressor adlandırırlar, gah da xarici işlər nazirləri Azərbaycan XİN rəhbəri ilə danışıqlara gedir. Görünür, rəsmi İrəvan hələ münaqişə ilə bağlı real vəziyyətlə dərindən tanış ola bilməyib.

Buna baxmayaraq, Azərbaycan tərəfinin mövqeyi tamamilə beynəlxalq hüquq çərçivəsində, humanist xarakterlidir. Dövlət başçısı danışıqlara üstünlük verdiyini daim vurğulayır. Ancaq Ermənistan rəhbərliyi əvvəlki erməni iqtidarlar kimi qeyri-konstruktiv mövqe tutacaqlarsa, rəsmi Bakı uyğun reaksiyanı verəcək. İlham Əliyev nitqində açıq bəyan edib: "...Ermənistandan sülhə yönəlmiş çağırışlar da edilir, biz də bu çağırışları eşidirik. Əlbəttə, biz də sülh istəyirik, amma biz torpaqlarımızı istəyirik. Torpaqlarımız qayıtmayana qədər sülh olmayacaq və Ermənistanın yeni rəhbərliyi bunu çox yaxşı başa düşməlidir. Sülh istəyirlərsə, erməni əsgəri torpaqlarımızdan çıxmalıdır. Erməni əsgərinin Azərbaycan torpağında nə işi var?!" (bax: əvvəlki mənbəyə).

Çox konstruktiv, sivil, ədalətli və obyektiv mövqedir. Hər bir ölkənin öz ərazi bütövlüyünü təmin etmək haqqı vardır. Başqa dövlətin əsgərləri ərazidə olmamalıdır. Erməni işğalçı qüvvələri də mütləq Azərbaycan ərazisini tərk etməlidir. Əvvəlki erməni rəhbərliyi məhz bu məqamı tam dərk edə bilmədiyindən iflasa uğradı. Buna görədir ki, Ermənistan indi ağır günlərini keçirir. 20 il ölkəyə rəhbərlik etmiş kriminal xunta rejimi işğalçı siyasət apardığı üçün iflasa uğradı. Prezident bununla bağlı fikirlərinə davam edərək vurğulayıb: "Onların işğalçı siyasəti iflasa uğradı. Onların bu vəziyyətə düşməsinin əsas səbəbi işğal siyasətidir. Çünki əgər işğal siyasəti olmasaydı, Ermənistan regional layihələrdən təcrid edilməyəcəkdi və beləliklə, bizim imkanlarımızdan faydalana bilərdi. Məhz işğalçılıq siyasətinə görə Ermənistan bu gün bu ağır, təcrid edilmiş vəziyyətdədir və iqtisadi inkişaf üçün heç bir perspektiv yoxdur" (bax: əvvəlki mənbəyə).

Deməli, Ermənistan faktiki olaraq dalandadır. Onun xilas olması üçün işğal etdiyi Azərbaycan torpaqlarından dərhal və qeyd-şərtsiz çıxması vazkeçilməz şərtdir. Ermənistanın yeni rəhbərliyi də bunu yaxşı dərk etməlidir və əvvəlki bədnam rejimin səhvlərini təkrar etməməlidir. Bu səbəbdəndir ki, İrəvandan eşidilən bir-birinə zidd və bəzən məntiqsiz fikirlər təəccüb doğurur. Hətta vasitəçilər belə təəccüblənirlər. Lakin hər kəs bilməlidir ki, Ermənistan tərəfinin verdiyi ziddiyyətli bəyanatlar "sülh prosesinə vurulmuş növbəti zərbələrdir və bütün məsuliyyət Ermənistan rəhbərliyinin üzərinə düşür. Çünki onlar işğal siyasətini davam etdirmək fikrindədirlər" (bax: əvvəlki mənbəyə). Prezident İlham Əliyev hələlik belə qənaətin yarandığını xüsusi vurğulayıb.

İfadə edilən fikirlərin analizi bir daha göstərir ki, Ermənistan-Azərbaycan, Dağlıq Qarabağ münaqişəsinin həlli ilə bağlı rəsmi Bakının mövqeyi dəyişməzdir. Çünki ədalətlidir, reallığa tam uyğundur, sivildir və obyektivdir. Azərbaycan öz ərazi bütövlüyünü mütləq şəkildə bərpa etməlidir və bunun üçün danışıqlarda iştiraka davam edəcək. Ancaq bu, prosesin sonsuza qədər gedə biləcəyi anlamına gəlməməlidir. Azərbaycan rəhbərliyi kifayət qədər qətiyyətlidir və Ordu güclüdür. Bu gün Azərbaycan Ordusu dünyanın ən güclüləri sırasındadır. Bunu Ermənistan rəhbərliyi də yaxşı bilir. Həmin səbəbdəndir ki, daim güclü dövlətlərə yalvarırlar ki, Azərbaycan torpaqlarını azad etmək üçün hərbi əməliyyatlara başlamasın.

Beləliklə, Azərbaycan daxili və xarici siyasətin harmoniyasının yeni səviyyəsinə qədəm qoyub. Bütün sahələr üzrə islahatlar sürətlə davam edir, sosial proqramların sayı və tətbiq miqyası genişlənir və eyni zamanda, xarici siyasətdə uğurlar davam edir. Ordu quruculuğu keyfiyyətcə yeni səviyyəyə yüksəlib. Bu il keçirilən hərbi parad əyani surətdə göstərdi ki, ölkənin müdafiə qüdrəti çox yüksək səviyyədədir. Bundan sonra da Ordunun ən müasir silahlarla təmini və vurucu gücü daha da artacaq. Bunların fonunda Qarabağ savaşının qazilərinin sosial təminatının daha da yaxşılaşdırılması olduqca vacib məqamdır.

Azərbaycan rəhbərliyi həmişə vətəndaşlara qayğı ilə yanaşır. Onların sırasında Vətən uğrunda şəhid olanların ailələrinə, döyüşlərdə iştirak etmiş insanlara xüsusi diqqət göstərilməsi tamamilə normaldır və vacibdir. Şübhə yoxdur ki, bundan sonra da ölkə rəhbərliyi müstəqil siyasətini davam etdirəcək. Azərbaycan müstəqil dövlət kimi yeni-yeni zirvələr fəth edəcək!

Newtimes.az

 
  • Oxunub:  3840  |  
  • Tarix:  09-08-2018  |  
  •    Çap et   |  
Get Adobe Flash player
Ümummilli lider Heydər Əliyev müstəqil Azərbaycan dövlətinin banisidir

20:55
10 Dekabr
Ulu öndər Heydər Əliyevin Azərbaycana rəhbərlik etdiyi dövr dövlətçilik tariximizin ən şanlı səhifələrindəndir
20:52
10 Dekabr
Baş Prokurorluqda ulu öndər Heydər Əliyevin xatirəsinə həsr olunmuş anım mərasimi keçirilib
20:50
10 Dekabr
Azərbaycanla Türkiyə arasında ekologiya sahəsində əməkdaşlıq müzakirə olunub
20:47
10 Dekabr
Heydər Əliyev Mərkəzində Xocalı-Gədəbəy arxeoloji mədəniyyəti incisinin təqdimatı olub
20:45
10 Dekabr
Azərbaycan nümayəndə heyəti ABŞ Konqresində keçirilən tədbirlərdə iştirak edib və konqresmenlərlə görüşüb
20:41
10 Dekabr
Naxçıvan Muxtar Respublikası Ali Məclisində müşavirə keçirilib
20:29
10 Dekabr
ADU-da ulu öndər Heydər Əliyevin anım gününə həsr olunmuş “dəyirmi masa” keçirilib
20:27
10 Dekabr
Ümummilli lider Heydər Əliyev Azərbaycan-Türkiyə qardaşlığının inkişafı üçün möhkəm bünövrə yaradıb
20:24
10 Dekabr
Naxçıvanda döyüş atışlı taktiki-xüsusi təlimlər keçirilib
20:23
10 Dekabr
Braziliyada Azərbaycanın adını daşıyan bələdiyyə məktəbində xeyriyyə tədbiri keçirilib
20:21
10 Dekabr
Ölkəmizdə elmi və elmi-pedaqoji kadrların attestasiyasının aparılması işi təkmilləşdirilir
20:18
10 Dekabr
Hikmət Babaoğlu: Bir hərbi xuntanın yeni işğalçı diktatura ilə əvəz edilməsi demokratiya ola bilməz
19:03
10 Dekabr
Azərbaycanlı gənclər Moskvada Sergey Lavrovla görüşüb
18:55
10 Dekabr
Ulu Öndər hər birimizin qəlbində əbədi yaşayır və yaşayacaq!
18:05
10 Dekabr
Vüqar Rəhimzadə: Saxta seçki ilə hakimiyyətə gələn Paşinyan iqtidarı özü və Ermənistan üçün yaxşı heç nə vəd etmir
17:57
10 Dekabr
Hesablama Palatası ilə Dünya Bankı arasında qarşılıqlı anlaşma sazişi imzalanıb
17:55
10 Dekabr
“Komsomolskaya pravda” Ermənistanda hökm sürən yoxsulluqdan yazır
17:52
10 Dekabr
Milli Azərbaycan Ədəbiyyatı Muzeyində ümummilli lider Heydər Əliyevin xatirəsi anılıb
17:49
10 Dekabr
“Uşaq hüquqları uşaqların gözündə” mövzusunda tədbir keçirilib
17:48
10 Dekabr
Azərbaycan ilə Türkiyə arasında kənd təsərrüfatı sığortası üzrə əməkdaşkıq protokolu imzalanıb
17:46
10 Dekabr
Dağlıq Qarabağ münaqişəsi zamanı ermənilərin xalqımıza qarşı törətdiyi cinayətlərlə bağlı müzakirələr aparılıb
17:45
10 Dekabr
Akif Əlizadə: Ümummilli lider Heydər Əliyev elmə böyük etimad göstərib
17:42
10 Dekabr
Heydər Əliyev – Azərbaycanın müstəqillik məfkurəsi
17:40
10 Dekabr
Yevda Abramov: Azərbaycanda insan hüquqları yüksək səviyyədə qorunur
17:37
10 Dekabr
Azərbaycan beynəlxalq antikorrupsiya hərəkatının fəal üzvüdür
17:35
10 Dekabr
Elmira Süleymanova: Ölkəmizdə insan hüquqları ilə bağlı çoxsaylı qanunvericilik aktları qəbul olunub
17:26
10 Dekabr
Eldar İbrahimov: Azərbaycan aqrar sektorda yetişdirilən məhsulları xarici bazarlara çıxarmaq üçün böyük üstünlüklərə malikdir
17:00
10 Dekabr
Ulu öndər Heydər Əliyev elm və təhsil sahəsində köklü dəyişikliklərin həyata keçirilməsini təmin edib
16:58
10 Dekabr
Dmitri Savelyev: Azərbaycan öz regionunda təhlükəsizliyin qarantıdır
16:53
10 Dekabr
Diasporla İş üzrə Dövlət Komitəsi və Xaricdəki Rumınlarla İş üzrə Nazirlik arasında əməkdaşlığa dair müzakirələr aparılıb
16:50
10 Dekabr
İnam Kərimov: İnnovasiyaların tətbiqi məhsulun maya dəyərini 50 faizədək ucuzlaşdıra bilər
16:27
10 Dekabr
Ulu öndər Heydər Əliyev xalqına dərindən bağlı olan və böyük məhəbbət bəsləyən vətənpərvər şəxsiyyət idi
16:23
10 Dekabr
Jurnalistlər hər zaman ulu öndər Heydər Əliyevdən atalıq qayğısı, doğmalıq hiss ediblər
16:16
10 Dekabr
“Xəzər hövzəsi və enerji təhlükəsizliyi” kitabının təqdimatı olub
15:58
10 Dekabr
Rusiyalı şagirdlər ölkəmizdə informatika üzrə keçiriləcək beynəlxalq olimpiadayaya dəvət olunublar
15:50
10 Dekabr
2019-cu ildə tikinti sektoruna dövlət investisiyalarının artması iqtisadi və sosial sahələrə yeni nəfəs verəcək
15:49
10 Dekabr
Ulu Öndərin hakimiyyətdə olduğu hər iki dövrdə Azərbaycan qadınları müxtəlif sahələrdə böyük uğurlara imza atıblar
15:33
10 Dekabr
Sergey Markov: Azərbaycan ümummilli lider Heydər Əliyevin sayəsində Cənubi Qafqazın ən mühüm ölkəsidir
15:25
10 Dekabr
Fuad Nağıyev: Turizm ölkəmizin əsas prioritet sahələrindən biridir
15:03
10 Dekabr
Dövlət Dəniz Agentliyinin nümayəndə heyəti Beynəlxalq Dəniz Təşkilatının rəsmiləri ilə görüşüb
14:53
10 Dekabr
Ümummilli lider Heydər Əliyevin xatirəsi Varşavada anılıb
14:49
10 Dekabr
Ukraynanın birinci prezidenti: Heydər Əliyev özünü ölkəsindən kənarda təsəvvür etmirdi
14:38
10 Dekabr
Bakıda aqrar və yaşıl texnologiyalar üzrə beynəlxalq forum keçirilir
14:36
10 Dekabr
Ümumdünya İnsan Hüquqları Bəyannaməsinin 70 illiyi münasibətilə Bakıda sərgi açılıb
14:26
10 Dekabr
Azərbaycan ilə Türkiyə arasında kənd təsərrüfatı sığortası üzrə əməkdaşlıq protokolu imzalanıb
14:15
10 Dekabr
YAP Sumqayıt şəhər təşkilatının Heydər Əliyev Məktəbi növbəti məşğələsini Ümummilli Liderin anım gününə həsr edib
14:09
10 Dekabr
Sarayevoda Azərbaycan Xalq Cümhuriyyətinin 100 illiyinə həsr olunan konfrans təşkil edilib
14:04
10 Dekabr
“Miqrasiya proseslərinin dövlət tənzimlənməsi” istiqaməti üzrə ixtisasartırma kursu təşkil edilib
13:52
10 Dekabr
Bakıda Beynəlxalq Əmək Təşkilatının dəstəyi ilə seminar keçirilir
13:50
10 Dekabr
Vitali İqnatenko: Heydər Əliyev zamanın fövqündə duran şəxsiyyətdir
13:04
10 Dekabr
Bahar Muradova: Ermənistanda "seçki oyunu" oynanıldı
12:52
10 Dekabr
YAP Ağstafa rayon təşkilatında “Heydər Əliyev daima Azərbaycan xalqının qəlbindədir” mövzusunda anım tədbiri keçirildi
12:48
10 Dekabr
Türkiyəli nazir: Türkiyə kənd təsərrüfatı sahəsində tətbiq etdiyi yenilikləri Azərbaycanla bölüşməyə hazırdır
12:46
10 Dekabr
Səbail rayonunda payız-qış mövsümünə hazırlığın yekunu ilə bağlı iclas keçirilib
12:33
10 Dekabr
Şamil Ayrım: Heydər Əliyev şəxsiyyətinin ucalığı hər zaman xalqlarımız tərəfindən ehtiramla xatırlanacaq
12:26
10 Dekabr
Pərviz Şahbazov: 25 meqavatlıq külək, günəş və bioenerji mənbələri üzrə stansiyaların istifadəyə verilməsi planlaşdırılır
12:24
10 Dekabr
Ölkəmiz Vyanada “Avropa Mədəni İrs İli-2018” adlı tədbirdə təmsil olunub
12:18
10 Dekabr
Misir və Livan mətbuatı ulu öndər Heydər Əliyev haqqında silsilə məqalələr yayıb
12:16
10 Dekabr
İsmayıllı və ətraf rayonların əhalisinə pulsuz hüquqi yardım göstərilib
12:04
10 Dekabr
AMEA-da “Heydər Əliyev: Zaman, şəxsiyyət və əbədiyyət” mövzusunda elmi konfrans keçirilib
11:51
10 Dekabr
BSU-da “Müasir cəmiyyət: beynəlxalq münasibətlər, gələcək naminə dialoq” mövzusunda müzakirələr aparılıb
10:54
10 Dekabr
Doqquz ayda kənd təsərrüfatının ÜDM-də payı 4,3 faiz artıb
10:51
10 Dekabr
Naxçıvanın Bakıdakı daimi nümayəndəliyinin kollektivi ulu öndər Heydər Əliyevin məzarını ziyarət edib
10:49
10 Dekabr
Prezident İlham Əliyev Beynəlxalq Şahmat Federasiyasının prezidentini qəbul edib
10:47
10 Dekabr
Hafiz Paşayev: ADA Universitetinin kampusu yaşıl enerji və smart texnologiyası əsasında qurulub
10:46
10 Dekabr
Sergey Lavrov: Xəzərin hüquqi statusuna dair Konvensiya müxtəlif sahələrdə əməkdaşlığın inkişafına güclü təkan verəcək
10:43
10 Dekabr
Prezident İlham Əliyev Türkiyənin kənd təsərrüfatı və meşəçilik nazirinin başçılıq etdiyi nümayəndə heyətini qəbul edib
10:35
10 Dekabr
Azərbaycan Lüksemburq Beynəlxalq Bazarında böyük stendlə təmsil olunub
10:30
10 Dekabr
Mariana Vasileva: Prezident İlham Əliyev və Birinci vitse-prezident Mehriban Əliyeva ölkədə idmanın və incəsənətin inkişafına böyük töhfə verirlər
10:14
10 Dekabr
Ermənistan silahlı qüvvələrinin bölmələri sutka ərzində atəşkəs rejimini 27 dəfə pozub

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
HAVA HAQQINDA
Bakı
gündüz+9 +12
gecə+6 +8