Ana səhifə »  Qəzetin pdf formatı »  Bakı Slavyan Universitetinin rektoru: İndi tələbələr özlərinə daha çox güvənirlər
A+   Yenilə  A-
Bakı Slavyan Universitetinin rektoru: İndi tələbələr özlərinə daha çox güvənirlər

Bakı Slavyan Universitetinin (BSU) rektoru, professor Nurlana Əliyevanın Trend-ə müsahibəsi

- Bakı Slavyan Universitetinin bügunkü uğurlarının səbəbini nədə görürsünüz?

- Bugünkü şəraitdə hər bir universitetin uğurlu fəaliyyəti öz əlindədir. Adambaşına maliyyələşmə prinsipinin tətbiqi, tələbə qəbulu planının müəyyənləşdirilməsində universitetlərin rəyinin əsas götürülməsi, bu gün ali məktəblərə beynəlxalq əməkdaşlıq, yaradıcı layihələr üçün gözəl şəraitin yaradılması universitetlərə öz fəaliyyətini yeni relslər üzərində qurmağa imkan verib.

Universitetimizdə son bir il yarım müddətində bir sıra aktual məsələlərə həsr olunmuş 20-dən çox elmi, elmi-praktik konfrans keçirilib. Bu konfransların işində ikitərəfli müqavilələr əsasında Rusiyanın 30-dək tanınmış universitetinin, Türkiyənin Qazi, Uludağ, Qafqaz, Ankara, Akdeniz, Almaniyanın Humboldt, İngiltərənin Kembric, Oksford universitetlərinin professorları iştirak ediblər. Rusiya, Bolqarıstan, Ukrayna, Belarus, Polşa, Çexiya və digər slavyan ölkələrinin, eləcə də Yunanıstanın tanınmış simaları, dövlət xadimləri universitetimizin qonağı olublar. Ötən tədris ilində keçirdiyimiz iki beynəlxalq elmi konfransın əhəmiyyətini xüsusi vurğulamaq istəyirəm. BSU və Beynəlxalq Rus Dili və Ədəbiyyatı Müəllimləri Assosiasiyasının (MAPRYAL) birgə qrant layihəsi əsasında təşkil edilmiş və respublikamızda rus dilinin tədrisi, rusdilli məktəblərin problemlərinə, o cümlədən, tədris vəsaitlərinin hazırlanmasına həsr olunmuş beynəlxalq konfransda Rusiya Təhsil Akademiyasının və MAPRYAL-ın prezidenti ilə yanaşı, 30-dək xarici mütəxəssisin iştirakı geniş müzakirələrə meydan açdı. İkinci vacib tədbir milli kimlik məsələsinə həsr edilmişdi. Bu beynəlxalq konfransı BSU qrant layihəsi əsasında Kembric Universiteti ilə birgə keçirib.

Hazırda Ümummilli lider Heydər Əliyevin anadan olmasının 95 illiyi ərəfəsində yalnız BSU-nun professor-müəllim heyətinin deyil, həm də digər ali məktəblərin müəllimlərinin, doktorantların, tələbə və magistrantların, eləcə də orta ümumtəhsil məktəblərinin yuxarı sinif şagirdlərinin iştirakı ilə “Azərbaycanşünaslığın aktual problemləri” mövzusunda ənənəvi - IX Beynəlxalq konfransı yüksək səviyyədə keçirməyə hazırlaşırıq.

Universitet həyatını daha maraqlı edən tələbə təşkilatlarının fəaliyyəti, tələbələrin iştirakı ilə hazırlanan və keçirilən saysız-hesabsız kütləvi tədbirlərdir. Fəxrlə deyə bilərəm ki, akt zallarımız, tədris-mədəniyyət mərkəzlərimiz, konfrans zallarımız bir gün də olsun boş qalmır. BSU tələbələrini fərqləndirən cəhət onların təşəbbüskarlığı və kreativliyidir. Universitet rəhbərliyi onların bütün təşəbbüslərini dəstəkləyir və istiqamətləndirir.

- Bu gün semestr imtahanları hansı şəraitdə keçirilir?

- Bakı Slavyan Universitetinin özünəməxsus fəaliyyəti həm də onun yaranış tarixi ilə bağlıdır. Öncə onu deməliyəm ki, 1946-cı ildən fəaliyyət göstərən Azərbaycan Pedaqoji Rus Dili və Ədəbiyyatı İnstitutunun bazasında Ulu öndər Heydər Əliyevin təşəbbüsü ilə Bakı Slavyan Universiteti yaradılmışdır. Bu gün Bakı Slavyan Universitetinin Bolqarıstan, Yunanıstan, Polşa, Çexiya, Belarus, Ukrayna, Rusiya və digər ölkələrin universitetləri ilə sıx əlaqələri, o cümlədən, tələbə-müəllim mübadiləsi mövcuddur; bu ölkələrin universitetləri ilə birgə beynəlxalq tədbirlərin keçirilməsinə, idarəetmə və tədrisdə elektron fəaliyyətin tətbiqi məsələlərinə son dövrdə daha çox diqqət verilir. Həyata keçirdiyimiz tədbirlərin əsas məqsədi bugünkü gəncliyi kamil vətəndaşlar kimi formalaşdırmaq, onların yiyələnəcəkləri peşəyə dərindən bələd olmalarına şərait yaratmaqdır.
Qeyd edim ki, hər bir ali məktəbin səviyyəsi yəqin ki, ilk növbədə, onun hazırladığı kadrların səviyyəsi ilə ölçülür. Müəllimlərimiz çalışırlar ki, tələbələrimizin yüksək hazırlıq səviyyəsinə müasir təlim texnologiyalarının, yeni yanaşma və innovasiyaların geniş tətbiqi hesabına nail olsunlar. Həm də bu gün hər bir tələbəmiz çox yaxşı bilir ki, imtahanlarda qiymətləndirilmənin yeganə meyarı bilikdir. Buna görə də obyektivliyi, ədalətli qiymətləndirməni təmin etmək məqsədilə imtahanlar video-kameralarla, ağıllı lövhələrlə təchiz edilmiş auditoriyalarda keçirilir. Valideynlər evdən övladlarının imtahanlarını onlayn izləyə bilirlər. İmtahanda iştirak edən nəzarətçilər qeyri-ixtisas müəllimləridir. Yoxlama prosesində tələbələrə dərs deyən müəllimlərin özləri iştirak etmirlər. İmtahanların cavabları elə həmin gün universitetin saytına yerləşdirilir. Sessiya dövründə İmtahan qərargahı fəaliyyət göstərir, hər bir fakültənin nəzdində Münaqişə komissiyası, eyni zamanda, universitet üzrə Münaqişə komissiyası fəaliyyət göstərir. Qiymətlərindən narazı olan tələbələr bu komissiyalara müraciət edirlər. Tələbələrin valideynləri də komissiyaya müraciət zamanı İmtahan qərargahında iştirak edə bilirlər. Onlar imtahanların tam şəffaf, obyektiv keçirilməsinə əmin olurlar.

- BSU-da tələbələr Münaqişə komissiyasının fəaliyyətindən razıdırlarmı?

- İndi tələbələr daha güvənli tələbə həyatı yaşayırlar. Çünki bilirlər ki, qovulma, kursda qalma halları yoxdur. Hər bir tələbənin vəziyyəti, qiyməti onun özünün fəaliyyətindən asılıdır. Yəni daim üzrsüz səbəbdən dərsə gəlməyən tələbələr nəzarətdə saxlanılır, onların qaibləri jurnalda qeyd olunur. Bunun əsasında semestrin nəticələrinə keçid balı toplayırlar. Həmin balın üzərinə onların imtahanda topladıqları ballar əlavə olunur, nəticədə tələbənin ümumi balı müəyyənləşir. Bu ballar əsasında onlara təqaüdlər də ayrılır. Məncə, belə gözəl şəraitdə təhsil alan tələbə yüksək göstəricilərə nail ola bilir və heç bir ədalətsiz mövqe ilə rastlaşmır. Çünki bu gün tələbələrimiz də ayıq-sayıqdırlar, onlar artıq öz hüquqlarını yaxşı bilirlər.

- BSU-da tələbələr üçün xaricolunma, qovulma, kursda qalma təhlükəsinin olmadığını bildirdiniz. Bu, universitet rəhbərliyinin tələbələrlə daha yumşaq davranmasının nəticəsi kimi izah edilə bilərmi?

- Xeyr. Bu, Azərbaycan universitetlərində mövcud olan kredit sistemi ilə tədrisin təşkili qaydaları ilə bağlıdır. Bu sistemə uyğun olaraq, kəsirləri olan tələbələr alt qruplarda, Yay məktəblərində təhsil alır, öz kəsirlərini ləğv etmək üçün əlavə imkan qazanırlar. “Qaydalar”a görə tələbə yalnız universitetdaxili nizam-intizamı ciddi şəkildə pozduqda ali məktəbdən xaric edilir.

- Bəs maddi imkanı yol vermədiyindən alt qruplarda təhsil ala bilməyən tələbələrə qarşı hansı addımlar atılır?

- 14 iyun 2017-ci ildə Nazirlər Kabineti kredit sistemi ilə tədrisin təşkili ilə bağlı qaydalara dəyişikliklər etdi. Bu qaydalara uyğun olaraq, tələbələr fənni təkrar dinləmədən təkrar imtahana buraxıla bilərlər. Bu, payız və yaz sessiyaları bitəndən sonra növbəti semestr başlananadək mümkündür. Alt qruplarda otura bilməyən tələbələr cüzi ödəniş etməklə kredit borclarını ləğv edə bilirlər və kredit borcları həddən artıq deyilsə, ödəniş aparmadan dərslərdə iştirak etmək hüququna malikdirlər.
- Bu gün BSU ali məktəblərlə rəqabətə necə davam gətirə bilir? Universitetin hazırladığı kadrlar mövcud əmək bazarının tələblərinə cavab verirlərmi?

- Universitetimiz özünəməxsus və unikal ixtisaslar üzrə mütəxəssis hazırlığını həyata keçirir. Slavyan ölkələri üzrə regionşünaslar, slavyan dilləri üzrə tərcüməçilər, təhsil rus dilində aparılan Azərbaycan məktəbləri və məktəbəqədər təlim müəssisələri üçün məzunlarımıza ciddi ehtiyac duyulur. Biz məzunlarımızın əmək bazarında yer tutması üçün mütəxəssis hazırlığı məsələlərinə kompleks yanaşma tətbiq edirik. Təkcə tədris prosesinin müasir tələblər baxımından yüksək səviyyədə qurulması ilə iş bitmir. Keçən tədris ilində Tədris şöbəsinin bazasında Təcrübə və məzunların karyera inkişafı şöbəsini yaratdıq. Məqsəd əmək bazarının tələblərinə uyğun mütəxəssis hazırlığı proqramlarını hazırlamaq, pedaqoji və istehsalat təcrübələrini yüksək səviyyədə təşkil etmək, baza müəssisələri, bizə maraqlı olan təşkilatlarla sıx əlaqələr formalaşdırmaqdır.

- Bakı Slavyan Universiteti hansı yenilikləri etmək fikrindədir?

- Biz bir çox yeniliklər etmək barədə düşünürük. Onların əksəriyyətinin artıq layihəsi hazırdır. Bizim əsas məqsədimiz dünyanın aparıcı ali məktəbləri arasında tərtib olunan reytinq cədvəllərinə düşməkdir. Bunun üçün qarşımızda bir çox vəzifələr durur. Bunlardan biri elektron universitet layihəsidir. Bu, təkcə tədris prosesinin, idarəetmənin elektronlaşdırılması deyil. Məqsəd professor-müəllim heyətinin müvafiq səriştə və kompetensiyalara malik olmalarından, tədrisə qabaqcıl təlim texnologiyalarını gətirmələrindən, tələbələrin elektron tədris resurslarından asan istifadə etmə imkanlarına malik olmalarından və s. ibarətdir. Elektron universitetin qurulması bu gün əsrin tələbidir, universitetlərin inkişaf yoludur. Elektron universitet yaratmaq üçün müəyyən qaydada işlərə başlamışıq. Artıq universitetin bütün müəllim və tələbə heyətinin məlumat bazası yaradılıb. Həm sosial problemləri olan, həm ən yüksək, orta bal toplayan, həm də regionlardan gələn tələbələrin siyahısını hazırlamışıq, tələbələrin hansı ixtisaslara daha çox meyl etdiklərini müəyyən etmişik və bu siyahıları ayrı-ayrılıqda bazaya daxil etmişik.

Bu gün qarşımızda duran əsas məsələlərdən biri müəllimlərin reytinqi cədvəlinin müəyyənləşdirilməsi və bunun əsasında onlara əməkhaqqının verilməsidir. Gələn ildən bunu həyata keçirəcəyik. Hazırda bunun üçün müəllimlərin tədrisdə nailiyyətləri və elmi fəaliyyətləri ilə bağlı məlumat bankı tərtib edirik. Daha bir layihə xarici ölkələrin universitetləri ilə qrant əsasında müştərək tədbirlərin (məcmuələrin, məqalələrin yazılması, konfransların keçirilməsi, bir sıra onlayn layihələrin işlənməsi, "Skayp" vasitəsilə qeyri-ənənəvi dərslərin təqdimatı və s.) həyata keçirilməsidir.

- Elektron universitetin yaradılması tələbələrə distant təhsil almağa imkan verəcək?

- Elektron təhsil bütün ixtisaslara aid olacaq. Elektron universitet layihəsinin icrası təbii ki, distant (məsafədən) təhsilə zəmin yaradacaq. Bu yolla təhsil formasına icazə verilsə, biz də buna hazır olacağıq. Bir şeyi əminliklə bildirə bilərəm ki, bugünkü maddi-texniki bazamız, tədris binasında quraşdırılan texnologiyalar, internet şəbəkəsi, müəllim və tədrisə yardımçı heyət üçün treninqlər distant təhsilin təşkili üçün imkan yaradıb. Təbii ki, daha yeni avadanlıqlar əldə edilməli, bu formaya keçidlə yanaşı, elmi-metodiki baza da gücləndirilməlidir. Hesab edirəm ki, mövcud şəraitdə distant təhsil yalnız qiyabi oxuyan tələbələrimiz üçün məqbuldur. Elə bir vaxt gələcək və elə şərait yaranacaq ki, tələbə evdə oturub dərslərini də oxuya biləcək, lazım olan materialları da əldə edəcək, suallarına da cavab tapa biləcək. Onsuz da müəllimlər öz mühazirə mətnlərini, tapşırıqları, imtahan suallarını elektron şəkildə tələbələrə çatdırırlar. Kafedralarımız bu istiqamətdə fəaliyyətlərini gücləndirir. Distant təhsilin müəyyən məqamları artıq tədrisdə öz əksini tapıb.
- BSU müəllimlərinin hazırkı əməkhaqları onları maddi baxımdan təmin etmək üçün yetərli sayıla bilərmi?

- Fikrimcə, bəli. Ötən il bizim dosentlərin əməkhaqları 150, professorların 300 manat, adi müəllimlərin əməkhaqları isə 60 manat artdı. Məncə, ölkədəki orta aylıq əməkhaqqı baxımından bizim müəllimlərin məvacibi normaldır. Müəllimlərin maaşı çox yüksək olmasa da, çox aşağı da deyil. Bu sahədə dövlət siyasəti əməkhaqqı ilə bağlı gələcəyə nikbin yanaşmağımıza imkan yaradır və ümidlər verir.

- BSU-nu daha çox hansı bilik səviyyəsində olan abituriyentlər seçirlər?

- Yüksək bal toplayan abituriyentlərin hansı universiteti seçməsi həmin məktəbin Azərbaycan ali məktəbləri sırasındakı mövqeyindən, cəmiyyətdəki imicindən asılıdır. Bu il BSU-ya 300-dən artıq bal toplayan abituriyentlər qəbul olunub. 400-500 və 500-600 arası bal toplayan tələbələrimizin sayı əvvəlki illərə nisbətən yüksəlib. 600-dən artıq bal toplayan tələbələrimiz var. Neçə illər əvvəl bizim universitetin tələbələri hətta 200 bal toplayıb qəbul ola bilirdilər. Neçə illər ərzində bizim universitetin qəbul planı həmişə kəsirdə qalıb. Amma ötən il və bu il qəbul planı 100 faiz yerinə yetməsə də, tələbə qəbulumuz normal olub. Qəbul planının dolmamasının səbəbi bizim özümüzdən asılı olmayıb. Vaxtilə - 1990-cı illərdə rus bölmələri, rusdilli məktəblərin fəaliyyəti zəiflədi. Yaxın illər ərzində rus bölməsi üzrə də tələbə qəbulu planında problem olmayacaq. İndiyədək rus bölməsi üzrə qəbul planı kəsirdə qalırdı, çünki rus bölməsini bitirən abituriyentlərin sayı az idi. Ümid edirik ki, gələn il qəbul planımız yüksək səviyyədə yerinə yetiriləcək.

- Hazırda universitetin bir yataqxanası var. Rayondan və xaricdən gələn tələbələrin müvəqqəti yaşayış yeri ilə təmin edilməsinə yardım etmək üçün hansısa yeni addımların atılması gözlənilirmi?

- Əslində BSU-nun ümumilikdə 4 yataqxanası var. Onun üçündə məcburi köçkünlər yerləşdirilib. Qalan digər yataqxananın da bir mərtəbəsində 26 köçkün ailəsi yaşayır. Həmin yataqxanada həm əcnəbi, həm yerli tələbələr, həm də xaricdən universitetimizə dəvət edilmiş müəllimlər yaşayırlar. Ötən il yataqxanada cari təmir işləri aparmışıq. Bu yaxınlarda bizə belə bir gözəl xəbər verilib ki, yataqxanadakı köçkünlər başqa mənzillərə köçürüləcəklər. Bu isə bizim üçün əlavə imkanlar deməkdir, yəni əcnəbi tələbə və müəllimlərimizin sayını artıra, eyni zamanda, əməkdaşlıq etdiyimiz xarici universitetlərin tələbələri üçün Yay məktəbləri təşkil edə bilərik. BSU-nun xaricdə fəaliyyət göstərən Azərbaycan dili və mədəniyyəti mərkəzlərinin xətti ilə tələbələr üçün Yay və Qış məktəblərinin təşkilini planlaşdırırıq.

 
  • Oxunub:  7290  |  
  • Tarix:  16-01-2018  |  
  •    Çap et   |  
Get Adobe Flash player
Sumqayıt Kimya Sənaye Parkı Azərbaycanda gedən sənayeləşmə siyasətinin gözəl nəticəsidir

19 Fevral 20:48
Moskvada Azərbaycanın Rusiyadakı səfirinin Çeçenistanın məsul nümayəndələri ilə görüşü olub
19 Fevral 20:46
Əli Asayev: Respublikalarımız üçün ən ağır və faciəli vaxtlarda biz həmişə bir-birimizi dəstəkləmişik
19 Fevral 20:44
Henrik Hololey: Azərbaycan-Aİ Yüksək Səviyyəli Nəqliyyat Dialoqunun ilk iclasının nəticələri təqdirəlayiqdir
19 Fevral 20:32
Gömrük Komitəsi ilə Britaniyanın Daxili İşlər Departamentinin Dövlət Katibliyi birgə bəyanat imzalayıb
19 Fevral 20:31
Küveytdə Xocalı soyqırımının ildönümü ilə əlaqədar bir sıra tədbirlər keçirilib
19 Fevral 20:29
Avstriya Federal Dəmir Yolları Azərbaycanla əlaqələrin genişləndirilməsində maraqlıdır
19 Fevral 20:28
Vüqar Rəhimzadə: Əli Kərimli öz liderinə xəyanətlə qazandığı “təcrübəni” indi də Azərbaycan dövlətinə qarşı istifadə edir
19 Fevral 20:22
Musa Quliyev: Prezident İlham Əliyev növbəti dəfə on minlərlə ailəni sevindirdi
19 Fevral 20:20
Lvovda Xocalı soyqırımına həsr olunmuş beynəlxalq seminar keçirilib
19 Fevral 20:17
Hikmət Babaoğlu: Azərbaycanda müxalifətçilik milli maraqlarımıza zərbə vuran alət kimi çıxış edir
19 Fevral 20:13
Rusiya-Azərbaycan sərhədinin demarkasiyası üzrə işçi qrupun növbəti görüşü 2019-cu ilin yazında olacaq
19 Fevral 20:08
Rufiz Qonaqov: Azərbaycanın uğurlarını həzm edə bilməyən xəyanətkarlar ölkədə çaxnaşma yaratmağa çalışırlar
19 Fevral 20:04
Bəhruz Quliyev: Milli xəyanətkarlar toplumu bundan sonrakı cəhdlərində də fiaskoya uğramaqda davam edəcəklər
19 Fevral 18:24
Əli Əhmədov Türkiyə-Azərbaycan parlamentlərarası dostluq qrupunun rəhbərinin başçılıq etdiyi nümayəndə heyəti ilə görüşüb
19 Fevral 17:48
Yeni Azərbaycan Partiyası Pirallahı rayon təşkilatı sədrinin 2018-ci ilin yekunlarına və qarşıda duran vəzifələrə dair HESABATI
19 Fevral 17:41
Rusiya XİN-in rəhbəri və ATƏT-in fəaliyyətdə olan sədri Ermənistan Azərbaycan Dağlıq Qarabağ münaqişəsinin nizama salınması məsələsini müzakirə ediblər
19 Fevral 17:37
Sevinc Hüseynova: Atılan addımlar əhalinin rifah halının daha da yüksəlməsinə xidmət edir
19 Fevral 16:56
“Könüllülər Parlamenti – Azərbaycan, 2019”un iştirakçılarının Milli Məclisin komitə sədrləri ilə görüşü olub
19 Fevral 16:44
Avropadaxili Vergi Administrasiyaları Təşkilatı ilə Vergilər Nazirliyi Bakıda beynəlxalq forum təşkil edib
19 Fevral 16:38
Vüqar Bayramov: Azərbaycan Prezidenti bu Fərmanla “çoxillik həllolunmaz problem”ə son qoydu
19 Fevral 16:23
Əli Əhmədov: Birgə iqtisadi layihələr Türkiyə-Azərbaycan qardaşlığını daha da gücləndirir
19 Fevral 15:46
Aydın Hüseynov: Prezidentin bu Fərmanından sonra Azərbaycanda sənədsiz və qeydiyyatsız bina qalmayacaq
19 Fevral 15:24
Statistika Komitəsi ilə UNICEF-in əməkdaşlığının prioritetləri müzakirə edilib
19 Fevral 15:21
Azərbaycan ABŞ-ın ən böyük turizm sərgisində təmsil olunub
19 Fevral 14:55
Dövlət gerbinin istifadəsi qaydalarına dair qanun layihəsi parlamentin iclasında sonuncu oxunuşda qəbul olunub
19 Fevral 14:44
Milli Məclisin gənclər və idman komitəsinin tərkibində dəyişiklik edilib
19 Fevral 14:40
Həştərxanda RAGB-nin təşəbbüsü ilə keçirilən “Xəzər-2019 mükafatı” festivalının qalibləri elan edilib
19 Fevral 14:30
Səttar Möhbalıyev: Bəzi müxalifət nümayəndələri Prezident İlham Əliyevin gördüyü işlərə kölgə salmağa cəhd edirlər
19 Fevral 14:18
Siyavuş Novruzov: Bəziləri dövlət başçısı tərəfindən atılan addımları öz adlarına çıxırlar
19 Fevral 14:06
Bəzi çoxmənzilli binaların istismarına icazə verilməsi sadələşdirilir
19 Fevral 13:37
Milli Məclisdə Dövlət himnimizin istifadəsi qaydaları ilə bağlı qanun layihəsi sonuncu oxunuşda qəbul edilib
19 Fevral 12:27
Prezident İlham Əliyev Türkiyə-Azərbaycan parlamentlərarası dostluq qrupunun rəhbərinin başçılıq etdiyi nümayəndə heyətini qəbul edib
19 Fevral 12:24
“Nəsimi kəlamının işığında” adlı ədəbi-bədii gecə olub
19 Fevral 12:20
Bakıda Xəzər dənizi məsələləri üzrə Yüksək Səviyyəli İşçi Qrupunun ilk iclası keçirilir
19 Fevral 12:17
Sahil Babayev Qarabağ müharibəsi əlilləri və veteranları, şəhid ailələri, tərxis olunmuş hərbçilərin bir qrupu ilə görüşüb
19 Fevral 12:15
Bu gün UEFA Çempionlar Liqasının səkkizdəbir final mərhələsinin daha iki oyunu keçiriləcək
19 Fevral 12:11
Xələf Xələfov: Xəzərin statusu barədə Konvensiya Xəzəryanı ölkələrin tarixində yeni səhifədir
19 Fevral 12:06
Milli Məclisin növbəti plenar iclası keçirilir
19 Fevral 11:54
Prezident İlham Əliyev Avropa Komissiyasının nümayəndə heyətini qəbul edib
19 Fevral 11:48
Şirvanda yeddi gündə 8 min nəfərdən çox sakin kütləvi tibbi müayinədən keçib
19 Fevral 11:39
Azərbaycan meyvə-tərəvəz ixracını artırıb
19 Fevral 11:36
Mülki aviasiya sahəsində Avropa mütəxəssislərinin təcrübəsinin tətbiqi müzakirə olunub
19 Fevral 11:12
Sabah Bakıda Cənub Qaz Dəhlizi Məşvərət Şurası çərçivəsində nazirlərin beşinci toplantısı keçiriləcək
19 Fevral 11:10
Fevralın 26-sı ümumtəhsil müəssisələrində ilk dərslər Xocalı soyqırımına həsr ediləcək
19 Fevral 11:09
Naxçıvan şəhərindəki Heydər Əliyev Muzeyinin yaradılmasının 20 illiyi qeyd olunub
19 Fevral 11:08
ADU-nun kollektivi: Təqaüdlərin artırılması təhsil alan gənclərin daha yaxşı yaşamasına istiqamətlənib
19 Fevral 10:56
Asiya İnkişaf Bankı Azərbaycanda bərpaolunan enerji layihələrinə maliyyə dəstəyi göstərməyə hazırdır
19 Fevral 10:39
Azərbaycandan Avropa İttifaqına üzv ölkələrə 729 milyon dollarlıq məhsul göndərilib
19 Fevral 10:38
Ermənistan silahlı qüvvələrinin bölmələri atəşkəsi pozmaqda davam edir
19 Fevral 09:58
Sumqayıt Kimya Sənaye Parkı Azərbaycanda gedən sənayeləşmə siyasətinin gözəl nəticəsidir
19 Fevral 09:58
Görkəmli teleaparıcı Rafiq Hüseynovun yaşadığı evin qarşısında barelyefi açılıb
19 Fevral 09:56
Siyavuş Novruzov: Bələdiyyələr ələbaxımlılıqdan qurtulmalıdır
19 Fevral 09:53
Azərbaycan-Rusiya münasibətlərinin inkişafında dinlərarası dialoqun xüsusi rolu var
19 Fevral 09:50
Hikmət Babaoğlu: Ermənistan çalışır ki, danışıqları mümkün qədər uzatmaqla status-kvonu saxlasın, ancaq bu, mümkün deyil
19 Fevral 09:50
Prezident İlham Əliyevin vətəndaşların fasiləsiz və keyfiyyətli içməli su ilə təmin edilməsi barədə göstərişlərinə uyğun olaraq mühüm layihələr icra edilib
19 Fevral 09:48
Bakıda “Vergilər. Şəffaflıq. İnkişaf” mövzusunda forum keçirilib
19 Fevral 09:45
Prezident İlham Əliyev: Sumqayıtın kompleks inkişafı daim diqqət mərkəzindədir
19 Fevral 09:45
Prezident İlham Əliyev: Sumqayıt bu gün nəinki Azərbaycanın, Cənubi Qafqazın ikinci böyük sənaye şəhəridir
19 Fevral 09:44
Prokurorluq orqanlarına işə qəbulla bağlı müsabiqə elan edilib
19 Fevral 09:43
Azərbaycanın regionlarında sahibkarlara çoxşaxəli dəstək tədbirləri həyata keçirilir
18 Fevral 21:27
Rusiya-Azərbaycan: Mədəniyyət ustaları dostluq körpüləri salırlar
18 Fevral 21:09
Dünyanın bir sıra ölkələrinin vətəndaşları Xocalıya ədalət istəyiblər
18 Fevral 21:02
Milli Məclisin deputatları BMT-nin parlament dinləmələrində iştirak edəcəklər
18 Fevral 20:35
Ombudsman təsisatında Dağlıq Qarabağ bölgəsinin azərbaycanlı icmasının üzvləri ilə görüş olub
18 Fevral 20:30
Qətər qəzetləri Azərbaycan həqiqətlərindən yazır
18 Fevral 20:28
Azərbaycanın yanvarda ən çox məhsul idxal etdiyi ölkələr açıqlanıb
18 Fevral 20:25
Azərbaycan beynəlxalq nəqliyyat dəhlizlərinin kəsişdiyi ölkəyə çevrilir
18 Fevral 19:13
Müdafiə Sənayesi Nazirliyinin nümayəndə heyəti “IDEX-2019” beynəlxalq müdafiə sərgisində iştirak edir
18 Fevral 19:05
Xocalı soyqırımı qurbanlarının xatirəsi İsraildə yad olunacaq
18 Fevral 19:02
Kürdəmir: ümumi məhsul buraxılışının 39,9 faizi kənd təsərrüfatının payına düşüb

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28
HAVA HAQQINDA