Ana səhifə »  Siyasət »  Döyüş meydanında ardıcıl qələbələr qazanan müzəffər Azərbaycan Ordusu ölkəmizin ərazi bütövlüyünü qətiyyətlə bərpa edir
A+   Yenilə  A-
Döyüş meydanında ardıcıl qələbələr qazanan müzəffər Azərbaycan Ordusu ölkəmizin ərazi bütövlüyünü qətiyyətlə bərpa edir

Prezident İlham Əliyev: İndi Vətən müharibəsi gedir, yaxşı nəticələr var, bir çox şəhərlər, kəndlər işğalçılardan azad edilib

Bu günlərdə Azərbaycan xalqı müzəffər Lideri, Prezident, Ali Baş Komandan İlham Əliyevin rəhbərliyi ilə öz tarixinin növbəti şanlı səhifəsini yazır. Öz torpaqlarımızda xilaskarlıq missiyası yerinə yetirən Silahlı Qüvvələrimiz sentyabrın 27-də düşmənin cəbhə xəttində törətdiyi növbəti genişmiqyaslı təxribata cavab olaraq başladığı əks-hücum əməliyyatlarını inamla davam etdirir. Xalqımız düz 30 il bu şərəfli, şanlı günlərin həsrəti ilə yaşayıb. Torpaq itkisinə dözmək çətin olsa da, üç onillik ərzində zəfər gününün gələcəyinə böyük inamla gözləmişik, qəlbimiz həmişə düşmən işğalında qalan yurd yerlərimizlə döyünüb, fikrimiz, düşüncələrimiz Şuşada, Xankəndidə, Kəlbəcərdə, Laçında, Qubadlıda gəzib dolaşıb. Müzəffər Prezidentimiz, Ali Baş Komandanımız İlham Əliyevin göstərişi ilə Ordumuzun sentyabrın 27-də başladığı və ötən 40 gün ərzində əzmlə davam etdirdiyi əks-hücum əməliyyatları bizim üçün Vətən müharibəsidir. Vətən müharibəsində hər birimiz müsəlləh əsgərik!

Tarixi ədalətə və beynəlxalq hüquqa əsaslanan Azərbaycan haqlı mübarizə aparır

Respublikamız Dağlıq Qarabağ münaqişəsinin həllində prinsipial yanaşmadan çıxış edərkən ilk növbədə iki fundamental amilə - tarixi ədalətə və beynəlxalq hüquqa istinad edir. Yeri gəlmişkən, Azərbaycan Respublikasının Prezidenti İlham Əliyev son günlərdə bütün dünyada böyük populyarlığa malik müxtəlif transmilli KİV-lərə, o cümlədən də noyabrın 2-də İtalyanın “La Repubblica” qəzetinə verdiyi ətraflı müsahibəsində hər iki məqama bir daha diqqət çəkib.

Azərbaycan Prezidentinin bəhs olunan müsahibələrində xüsusi olaraq vurğuladığı məqamlardan biri ondan ibarətdir ki, Qarabağ Azərbaycanın böyük bir coğrafi hissəsini əhatə edir. Bu ərazilərin relyef xüsusiyyətləri nəzərə alınmaqla Qarabağın dağlıq və aran hissələri fərqləndirilir.

Qarabağın aran əraziləri kimi, dağlıq hissəsinin də tarixi baxımdan Ermənistana heç bir aidiyyəti yoxdur. Bu ərazilərdə yüz illiklər boyunca formalaşan həyat tərzi, adət-ənənələr, toponimlər tarixə yaddaşlıq edir və təsdiqləyir ki, Qarabağın aran və dağlıq hissələri arasında həmişə sıx bağlılıq olub, onlar ayrılmazdır və qeyd olunan yerlərin aborogen sakinləri məhz azərbaycanlılardır. Prezident İlham Əliyev “La Repubblica” qəzetinə verdiyi müsahibəsində tarixi sənədlərə istinad edərək ermənilərin Dağlıq Qarabağa cəmi 200 il bundan əvvəl köçürüldüklərini əsaslandırıb. “Mən Qarabağ xanının Rus imperiyası ilə imzaladığı müqavilələrə dəfələrlə istinad etmişəm. Həmin müqavilədə - 1805-ci il Kürəkçay müqaviləsində etnik ermənilər barədə heç nə deyilmir. Etnik ermənilər bu regiona onun dini və etnik tərkibini dəyişdirmək məqsədilə Şərqi Anadoludan və İrandan çar Rusiyası tərəfindən gətirilmişdilər”, - deyə dövlətimizin başçısı vurğulayıb.

Tarixi faktlar və sənədlər kimi, beynəlxalq hüquq da Azərbaycanın tərəfindədir. Öz ərazi bütövlüyünü təmin etmək uğrunda Vətən müharibəsi aparan respublikamız beynəlxalq hüquqdan kənarda hər hansı bir addım atmır və belə bir niyyəti də yoxdur. Ölkəmizin ərazi bütövlüyü əksər dünya dövlətləri və beynəlxalq birlik tərəfindən tanınıb. O cümlədən ötən üç onillik ərzində BMT, Qoşulmama Hərəkatı, Avropa İttifaqı, ATƏT, Avropa Şurası, İƏT və digər mötəbər beynəlxalq təşkilatlar Azərbaycanın ərazi bütövlüyünü və suverenliyini dəstəkləyən sənədlər qəbul ediblər. İndiyədək respublikamızın işğal altındakı ərazilərində qurulan oyuncaq “DQR” heç bir ölkə və beynəlxalq təşkilat tərəfindən tanınmayıb. Hətta işğalçı Ermənistanın özü də bu rejimi tanımağa cəsarət etmir. Hazırda işğalçı dövlətin baş naziri “DQR”in tanınması üçün müxtəlif dövlətlərin rəhbərlərinə tez-tez zəng vuraraq onların zəhləsini tökür. Bununla Ermənistanın rəhbərliyi, necə deyərlər, ilanı başqalarının əli ilə tutmağa çalışır. İşğalçı dövlətin baş nazirinin bu kimi hərəkətləri riyakarlıqdan və siyasi diletantlıqdan başqa bir şey deyil. İndiyədək regional və qlobal miqyasda əməkdaşlığın və təhlükəsizliyin möhkəmlənməsinə sanballı töhfələr verən Azərbaycan dünya miqyasında böyük hörmətə, nüfuza malik bir ölkədir. Heç bir dövlət, heç bir beynəlxalq qurum işğalçı Ermənistanın çağırışlarına qoşulub ölkəmizin milli maraqlarına qarşı çıxmır. Ermənistanın mövqeyi separatizmə əsaslanır ki, bu da hazırda dünyada qəbul olunmur. Bütövlükdə işğalçı dövlətin separatizmə əsaslanan siyasəti regional və qlobal təhlükəsizliyə ciddi təhdidlər yaradır. Bu təhdidlər yalnız Dağlıq Qarabağ münaqişəsi beynəlxalq hüquq normaları çərçivəsində həll edildikdən sonra aradan qaldırıla bilər. Yeri gəlmişkən, BMT TŞ ötən əsrin doxsanıncı illərinin əvvəllərində işğalçı qoşunların Azərbaycan ərazilərindən çıxarılmasını özündə ehtiva edən dörd qətnamə qəbul edib. Həmin qətnamələrin yerinə yetirilmədiyini təəssüflə xatırladan Prezident İlham Əliyev “Eyni zamanda, BMT Təhlükəsizlik Şurasının daimi üzvləri olan Minsk qrupunun həmsədrləri - üç ölkə 1993-cü ildə Ermənistan qoşunlarının Azərbaycan ərazilərindən dərhal, tam və qeyd-şərtsiz çıxarılmasını tələb edən qətnamələr qəbul ediblər. Ona görə də, bu ölkələr özləri həll üçün qanuni baza yaradıblar. Lakin Ermənistan bu qətnamələri yerinə yetirmədi”, - deyə vurğulayıb.

Ermənistanın üç onillik ərzində işğalçılıq siyasətini davam etdirməsi və buna görə heç bir qınaqla, sanksiya ilə üzləşməməsi təhlükəli presedentlərə yol açır. Prezident İlham Əliyev son müsahibələrində bir neçə dəfə Küveytin işğalına görə İraqın sərt şəkildə cəzalandırılmasını xatırladıb. Bəs zor tətbiq etməklə qonşu dövlətin ərazisinin 20 faizini işğal altına alan, burada etnik təmizləmə aparan, azərbaycanlıları son nəfərədək qovan Ermənistan niyə cəzalardan, beynəlxalq sanksiyalardan kənarda qalmalıdır? Üç onillik ərzində Dağlıq Qarabağ münaqişəsinin həlli ilə bağlı ATƏT-in Minsk qrupu formatında dünyanın üç böyük dövlətinin həmsədrliyi ilə danışıqlar aparılıb. Nəticə isə sıfırdır.

Bu gün haqq işi görən, müzəffər Ordusunun gücünə arxalanaraq ədalətli Vətən müharibəsi aparan Azərbaycan döyüş meydanlarında ardıcıl qələbələr qazanır. Sentyabrın 27-dən bəri müasir texniki təchizata və yüksək döyüş ruhuna malik olan Silahlı Qüvvələrimiz tərəfindən iki qəsəbə, dörd şəhər, onlarla kənd, bütövlükdə 200-dən çox yaşayış məntəqəsi, bir sıra strateji yüksəkliklər işğaldan azad edilib, respublikamızla qonşu İran arasında dövlət sərhədi bərpa olunub. Son olaraq Prezident, Ali Baş Komandan Özünün “Twitter” hesabında xalqımıza müzəffər Azərbaycan Ordusunun Cəbrayıl rayonunun Mirək, Kavdar, Zəngilan rayonunun Məşədiismayıllı, Şəfibəyli, Qubadlı rayonunun Başarat, Qarakişilər, Qaracallı kəndlərini işğaldan azad edilməsinin müjdəsini çatdırıb. Bütün bunlar Vətən müharibəsinin Azərbaycanın qələbəsi ilə başa çatacağına böyük əminlik yaradır. Prezident İlham Əliyev bu günlərdə Türkiyə Respublikasının keçmiş Baş Naziri Binəli Yıldırımın rəhbərlik etdiyi nümayəndə heyətini qəbul edərkən Ordumuzun zəfər yürüşündən qürur hissi ilə söhbət açaraq vurğulayıb: “İndi Vətən müharibəsi gedir, yaxşı nəticələr var, bir çox şəhərlər, kəndlər işğalçılardan azad edilib”.

Dağlıq Qarabağ münaqişəsindən əziyyət çəkən və soyqırımına məruz qalan məhz azərbaycanlılar olublar

Sentyabrın 27-dən bəri döyüş meydanlarında sarsıdıcı məğlubiyyətlə üzləşən Ermənistanın rəhbərliyi dünya dövlətlərinin prezidentlərinə və digər yüksəksəviyyəli rəsmilərinə kömək üçün müraciətlərində erməniləri yazıq, məşəqqətlərə, soyqırıma məruz qalan xalq kimi təqdim edirlər. Halbuki bu kimi iddialar reallıqdan tamam uzaqdır. O başqa məsələdir ki, 200 il bundan əvvəl Dağlıq Qarabağa köçürülən ermənilər öz xislətlərinə uyğun olaraq buranı da özününküləşdirməyə cəhdlər göstəriblər. Son 30 ildə isə Ermənistanın özündə olduğu kimi, Dağlıq Qarabağda da etnik təmizləmə aparılıb. Belə ki, bəhs olunan dövrdə işğal altına düşən Dağlıq Qarabağdan və ətraf yeddi rayondan bütün azərbaycanlılar qovulub. Yuxarıda bəhs olunan müsahibəsində Ermənistanın heç bir hüquqa, insanlıq normasına məhəl qoymadan işğal altındakı ərazilərdə apardığı etnik təmizləmə və soyqırımı siyasətinə diqqət çəkən Prezident İlham Əliyev vurğulayıb: “Bu ərazidə bəlkə də indi daha çox erməni məskunlaşıb, çünki bütün azərbaycanlılar didərgin salınıblar. Onlar azərbaycanlılara qarşı etnik təmizləmə həyata keçirdilər. Bu, statistikadır, bizim deyil, sovet dövrünün statistikasıdır. 1970-ci illərin sonunda Dağlıq Qarabağ muxtar vilayətində müxtəlif millətlərdən olan neçə nəfər yaşayırdı? Əhalinin demək olar ki, 25 faizi azərbaycanlılar idi, 40 min nəfər. Şuşada 98 faiz azərbaycanlılar məskunlaşmışdılar. Bu gün orada bir nəfər azərbaycanlı belə yoxdur. Xankəndidə çox sayda azərbaycanlı var idi. Hadrut rayonunda, digər rayonlarda, soyqırımı törətdikləri Xocalıda 100 faiz azərbaycanlılar idi. Beləliklə, onların hamısı etnik təmizləməyə məruz qalıb, qətlə yetirilib, işgəncəyə məruz qalıb və didərgin salınıblar”.

Beləliklə, guya Qarabağda erməni əhalisinin dırnaqarası soyqırıma məruz qalacağı barədə danışmaq tamamilə qəbuledilməzdir və bu, Ermənistanın təqdim etmək istədiyi daha bir feykdir. Soyqırıma məruz qalan məhz azərbaycanlılar olub. Qeyd etmək yerinə düşər ki, bu gün işğalçı Ermənistanın əhalisinin 99 faizi etnik ermənilərdir. Regionda bir millətin belə üstünlük təşkil etdiyi başqa bir ölkə yoxdur. Monoetnik tərkibə malik Ermənistandan bütün millətlər, o cümlədən də azərbaycanlılar son nəfərədək qovulublar. Bu, bir həqiqətdir ki, Ermənistanda başqa millətlər, sadəcə, yaşaya bilmirlər. Dağlıq Qarabağda yaşayan ermənilər əmin ola bilərlər ki, onların təhlükəsizliyi təmin olunacaq, milliyyətindən asılı olmayaraq sakinlərin hamısı orada sülh və ləyaqət içində yaşamağa davam edəcəklər. Azərbaycan Ermənistandan fərqli olaraq, multietnik, çoxkonfessiyalı ölkədir. Respublikamızda bütün millətlərin nümayəndələri dostluq, qardaşlıq şəraitində yaşayaraq öz həyatlarını qururlar. O cümlədən Azərbaycanın müxtəlif yerlərində, əsasən Bakıda minlərlə erməni yaşayır.

Mübariz ABDULLAYEV

 
 
  • Oxunub:  2340  |  
  • Tarix:  07-11-2020  |  
  •    Çap et   |  

Qəzetin son buraxılışı

Azərbaycanla Türkmənistan arasında “Dostluq” yatağı üzrə sazişin imzalanması tarixi hadisədir

23 Yanvar 21:57
İşğaldan azad edilmiş Kəlbəcər rayonunun Qamışlı kəndinin videogörüntüləri yayımlanıb
23 Yanvar 21:25
Azərbaycanda koronovirusdan 705 nəfər sağalıb, 162 yeni yoluxma faktı qeydə alınıb
23 Yanvar 21:06
Dövlət Neft Şirkətinin Müşahidə Şurası yaradılıb FƏRMAN
23 Yanvar 20:38
Səfərbərlikdən tərxis olunanların müraciətlərinə baxılması üzrə komissiya tərəfindən ümumilikdə 5298 vətəndaş qəbul edilib
23 Yanvar 20:37
Milli Məclisin Əmək və sosial siyasət komitəsinin yaz sessiyasında ilk iclası keçirilib
23 Yanvar 20:28
İşğaldan azad olunmuş Ağdamın aqrar potensialı - TƏHLİL
23 Yanvar 20:27
Həkim-infeksionist: Əhalinin 60 faizdən çoxu kütləvi şəkildə vaksinasiya olunarsa, bu zaman təsirli nəticədən danışa bilərik
23 Yanvar 20:24
Ayasofyada nümayiş etdirilən tarixi əsərlər 87 il sonra yenidən bu tarixi məkandaki yerini tutacaq
23 Yanvar 20:17
Milli Məclisin deputatları AŞPA-nın qış sessiyasında iştirak etmək üçün Strasburqda səfərdə olacaqlar
23 Yanvar 20:15
Prezident İlham Əliyev: Biz gərək ərzaq təhlükəsizliyinə düşünülmüş şəkildə yanaşaq
23 Yanvar 18:11
Alim Qasımov: Heydər Əliyev Sarayının səhnəsi mənim üçün çox əziz və tarixi səhnədir
23 Yanvar 17:57
Satoşi Nakanişi: Yaponiya Azərbaycanla əməkdaşlığın genişləndirilməsində maraqlıdır
23 Yanvar 17:54
Daxili İşlər Nazirliyi sosial şəbəkə istifadəçilərinə müraciət edib
23 Yanvar 17:48
Türkiyədə Azərbaycanın Qələbəsi şərəfinə xatirə sikkəsi buraxılıb
23 Yanvar 17:25
YAP-ın Siyasət Akademiyasının “Azərbaycan Respubikasında dövlət-din münasibətləri” mövzusunda videokonfrans formatında kursu keçirilib
23 Yanvar 17:24
Ağsaqqallar Şurasının sədr müavini Elmira Süleymanovaya “Vətənə xidmətə görə” ordeni təqdim edilib
23 Yanvar 17:22
Azərbaycan Dövlət Neft və Sənaye Universitetində IX məzun-karyera sərgisinin ilkin nəticələri açıqlanıb
23 Yanvar 16:53
YAP-ın Siyasət Akademiyasının “Azərbaycanda yeni siyasi mədəniyyətin formalaşması” mövzusunda videokonfrans formatında kursu keçirilib
23 Yanvar 16:51
“Yüksəliş” müsabiqəsi Prezidentin köməkçisi Hikmət Hacıyevin təqdimatında vebinar təşkil edib
23 Yanvar 16:14
Gecə və səhər dağlıq və dağətəyi rayonlarda yolların buz bağlayacağı gözlənilir
23 Yanvar 16:11
Qəbələdə bu günədək 450 tibb işçisi peyvənd olunub
23 Yanvar 16:03
Keçən il sahələrdən 1,4 faiz çox tərəvəz yığılıb
23 Yanvar 15:48
Ötən il 3,2 milyon tondan çox taxıl istehsal edilib
23 Yanvar 15:37
KOBİA ilə TÜMKİAD anlaşma memorandumu imzalayıb
23 Yanvar 14:16
“Dostluq” yatağı Azərbaycanın neft-qaz sənayesinin perspektiv inkişafı baxımından böyük əhəmiyyətə malikdir
23 Yanvar 14:15
Azərbaycanla Türkmənistan arasında “Dostluq” yatağı üzrə sazişin imzalanması tarixi hadisədir
23 Yanvar 14:09
Eldar İbrahimov: “Dostluq” yatağına dair razılaşma Azərbaycanla Türkmənistan arasında əlaqələrin yüksələn xətlə inkişaf etdiyini göstərir

23 Yanvar 14:08
Əli Kərimli yeni yalanlarının kölgəsinə sığınmağa çalışır

23 Yanvar 13:55
Ermənistanda siyasi böhranın növbəti mərhələsi...
23 Yanvar 13:53
Koronavirus xəstələrinin vəziyyətinin ağırlaşmasına səbəb olan əsas səhvlər hansılardır?
22 Yanvar 19:24
Milli Məclisin aqrar siyasət komitəsi yaz sessiyası üçün iş planını təsdiq edib
22 Yanvar 19:21
ADA Universiteti Azərbaycanın işğaldan azad olunmuş ərazilərinə repatriasiyanın proqnozlaşdırılması və səmərəli təşkili mövzusunda sosioloji tədqiqat layihəsini həyata keçirəcək
22 Yanvar 18:55
Görkəmli sərkərdə Həzi Aslanovun anım mərasimi keçirilib
22 Yanvar 18:49
Milli Məclisin gənclər və idman komitəsinin yaz sessiyasının iş planı təsdiqlənib
22 Yanvar 18:48
Milli Məclisin iqtisadi siyasət, sənaye və sahibkarlıq komitəsi yaz sessiyasında ilk iclasını keçirib
22 Yanvar 18:43
Azərbaycanda koronavirusdan 632 nəfər sağalıb, 280 yeni yoluxma faktı qeydə alınıb
22 Yanvar 18:39
Pandemiya dövründə fəal olan “Nəqliyyat könüllüləri” təltif edilib
22 Yanvar 18:37
Konstitusiya Məhkəməsi Plenumunun növbəti iclası keçirilib
22 Yanvar 18:29
Azərbaycanın və Gürcüstanın xarici işlər nazirləri arasında telefon danışığı olub
22 Yanvar 18:29
Milli Məclisdə “Ali təhsil haqqında” qanun layihəsinin hazırlanması məqsədilə onlayn videokonfrans keçirilib
22 Yanvar 18:05
Badminton III Avropa Oyunlarının proqramına daxil edilib
22 Yanvar 18:04
Nazir: “Dostluq” yatağı Azərbaycan və Türkmənistanın qardaşlıq münasibətlərinin rəmzi ifadəsidir
22 Yanvar 17:38
İşğaldan azad olunmuş Füzuli rayonunun Yuxarı Əbdürrəhmanlı kəndinin videogörüntüləri - VİDEO
22 Yanvar 17:36
Deputat: İmzalanan memorandum Xəzəryanı dövlətlər arasında əməkdaşlığın daha da genişlənməsinə şərait yaradacaq
22 Yanvar 17:09
Milli Məclisdə şəhid ailələri və əlilliyi olan şəxslərlə bağlı dinləmə keçiriləcək
22 Yanvar 16:56
Mərkəzi Bankın dövriyyədəki notlarının dəyəri 1 milyard manatı ötüb
22 Yanvar 16:50
Dövlət Komitəsində BMqT nümayəndəsi ilə görüş keçirilib
22 Yanvar 16:41
Son bir ayda qazilərdən ehtiyacı olanlara 600-dən çox reabilitasiya vasitəsi verilib
22 Yanvar 16:40
AHİK Qarabağ Dirçəliş Fonduna 100 min manat vəsait köçürüb
22 Yanvar 16:19
Rauf Əliyev: İşğaldan azad olunmuş ərazilərimizin potensialı çox yüksəkdir
22 Yanvar 16:17
Rəcəb Tayyib Ərdoğan: Bu həftənin sonuna qədər Çindən Türkiyəyə daha 10 milyon doza vaksin gətiriləcək
22 Yanvar 16:13
Mədəniyyət naziri: Zəfər Muzeyinin yeri ilə bağlı müzakirələr aparılır
22 Yanvar 16:08
Azərbaycan ilə Böyük Britaniya arasında müdafiə sahəsində əməkdaşlıq məsələləri müzakirə olunub
22 Yanvar 16:07
Milli Kitabxanada “Böyük Azərbaycan şairi və mütəfəkkiri – Nizami Gəncəvi” adlı kitab sərgisi açılıb
22 Yanvar 16:02
ÜST-nin Azərbaycan nümayəndəliyi və “ASAN Könüllüləri” Təşkilatı tibbi maska paylanması aksiyası keçirir
22 Yanvar 15:45
Anar Kərimov: Xudavəng monastırından səkkiz əsrlik freskaların aparılması böyük cinayətdir
22 Yanvar 15:41
TDƏŞ: Azərbaycan ilə Türkmənistan arasında Anlaşma Memorandumunun imzalanması məmnuniyyətlə qarşılandı
22 Yanvar 15:14
Xüsusi karantin rejimi dövründə təhsil müəssisələrinin fəaliyyətinin təşkilinə dair brifinq keçirilib
22 Yanvar 15:11
İşğaldan azad edilmiş torpaqlarımıza qayıdacaq əhali üçün məqsədli, çevik aktiv məşğulluq proqramları hazırlanır
22 Yanvar 15:09
Bəzi sənaye parkları və məhəllələri “Azərbaycan İnvestisiya Şirkəti” ASC-nin tabeliyindən çıxarılıb
22 Yanvar 15:08
İraqın “Əl Zaman” qəzetində 20 Yanvar faciəsindən bəhs edən məqalə dərc olunub
22 Yanvar 14:56
Bakı Konqres Mərkəzi mükafata layiq görülüb
22 Yanvar 14:54
Türkiyə KİV-lərində Azərbaycan ilə Türkmənistan arasında imzalanan Anlaşma Memorandumu barədə geniş məlumatlar yayımlanıb
22 Yanvar 14:33
Xalqımız 20 Yanvarı milli ruhun sarsılmazlığı günü kimi 2021-ci ilin anım təqviminə yazdı
22 Yanvar 14:19
İqtisadi Zonaların İnkişafı Agentliyi yaradılıb – Fərman
22 Yanvar 14:17
ICESCO-nun Baş direktoru: Afrikada torpaqların şoranlaşması qitə əhalisinin 70 faizinin aclığı ilə nəticələnə bilər
22 Yanvar 14:00
Yaponiyada dağ-mədən sahəsində istifadə olunan müasir texnoloji həllər Azərbaycanda tətbiq edilə bilər
22 Yanvar 13:59
Müdafiə Nazirliyi işğaldan azad edilmiş Füzuli rayonunun Qarğabazar kəndinin videogörüntülərini paylaşıb - VİDEO
22 Yanvar 13:55
Paytaxta yağan qardan sonra operativ təmizlik tədbirləri görülür
22 Yanvar 13:51
Ötən il İqtisadiyyat Nazirliyinin Çağrı mərkəzinə 45 mindən çox müraciət ünvanlanıb

Video

 
»»»
 

»»»
ARXİV
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31
HAVA HAQQINDA