Ana səhifə »  Siyasət »  Milli Məclisin yaz sessiyası öz işinə başlayıb
A+   Yenilə  A-
Milli Məclisin yaz sessiyası öz işinə başlayıb
Sessiyanın ilk iclasında millət vəkilləri qanunvericilik işlərinin planını təsdiq ediblər
Dünən Milli Məclisin yaz sessiyası öz işinə başlayıb. Sessiyanı açıq elan edən spiker Oqtay Əsədov bildirib ki, parlamentin ötən payız sessiyası çox məhsuldar keçib. Sessiya çərçivəsində deputatlar 80-ə yaxın qanun və qərar qəbul ediblər. Millət vəkilləri sessiya çərçivəsində 21 ölkəyə 40 dəfə səfər ediblər. Eyni zamanda, müxtəlif beynəlxalq təşkilatların 15 nümayəndə heyəti Azərbaycanda səfərdə olub. Millət vəkilləri özbəkistanda keçirilən parlament seçkilərini və Ukraynadakı prezident seçkilərini müşahidə ediblər.
Spiker deyib ki, Milli Məclisin yaz sessiyasının iş planı da kifayət qədər gərgindir. Hazırlanmış iş planına 22 məsələ daxil edilib. Sessiya çərçivəsində Milli Məclisdə Nazirlər Kabinetinin hesabatı, 2009-cu ilin büdcəsinin icra vəziyyəti, Hesablama Palatasının və bələdiyyələrin işinə inzibati nəzarəti həyata keçirən orqanın hesabatları dinləniləcək.
Daha sonra Milli Məclisin yaz sessiyasının qanunvericilik işləri planı müzakirə olunub. Millət vəkili Cəmil Həsənli parlamentin yaz sessiyasında “Neft haqqında” Qanunun qəbul olunmasını təklif edib. Millət vəkili Bakıda yeni tikilmiş binalarda yaşayanların problemlərinə də toxunub. Onun sözlərinə görə, hazırda paytaxtda 146 yeni tikilmiş bina var ki, həmin binalarda insanlar məskunlaşıblar. Amma buna baxmayaraq, həmin yeni tikililərə təbii qaz verilmir. Müvafiq strukturlar bunu həmin binaların təhvil verilməməsi və bəzi çatışmazlıqların olması ilə əlaqələndiriblər. “Nə problem varsa həll olunmalı və həmin binalarda yaşayan vətəndaşlar qazla təmin olunmalıdırlar” - deyə millət vəkili vurğulayıb.
Yeni Azərbaycan Partiyasının İcra katibinin müavini, millət vəkili Mübariz Qurbanlı parlamentin işğal olunmuş ərazilərlə bağlı qanun qəbul etməsini təklif edib. Onun sözlərinə görə, Azərbaycanın işğal olunmuş əraziləri təkcə Dağlıq Qarabağ və ətraf rayonlarla kifayətlənmir. Ermənilər Dağlıq Qarabağdan kənarda yerləşən Qazax rayonunun, Naxçıvan Muxtar Respublikasının bəzi kəndlərini də işğal altında saxlayırlar. M.Qurbanlının fikrincə, işğal olunmuş ərazilərlə bağlı qanunun qəbul edilməsi siyasi, hüquqi və təbliğatı baxımından Azərbaycanın xeyrinə olacaq. Bu qanun işğal olunmuş ərazilərdə fəaliyyət göstərən dövlətlərin və xarici şirkətlərin üzləşəcəkləri sanksiyaları da müəyyənləşdirməlidir. Millət vəkili deyib ki, bu cür qanunu dünyanın əraziləri işğal olunmuş əksər dövlətləri qəbul ediblər. Milli Məclis də ekspertləri və mütəxəssisləri cəlb etməklə müvafiq qanun layihəsi hazırlamalıdır.
Millət vəkili Pənah Hüseyn Prezident İlham Əliyevin əhalinin təbii qaza görə yaranmış borclarının silinməsi ilə bağlı addımını alqışlayıb. O, eyni zamanda, parlamentə amnistiya haqqında qanun layihəsi təqdim etdiyini deyib.
Millət vəkili Elmira Axundova qeyd edib ki, 1995-ci ildə fəaliyyətə başlayan Prezident yanında Əfv Komissiyası çox səmərəli işləyir. Komissiya əfv üçün müraciət etmiş şəxslərin müraciətlərini ciddi şəkildə araşdırır. “Əfv fərmanları ilə hər istəyən şəxs azadlığa buraxılmır. Biz yalnız etdiyi hərəkətlərdən peşman olanları, əlilləri, cəza müddətinin böyük bir hissəsini çəkənləri əfv üçün təqdim edirik” - deyə millət vəkili vurğulayıb.
Spiker Oqtay Əsədov parlamentin bir qrup deputatından şikayətlənib. Onun sözlərinə görə, bəzi millət vəkilləri parlamenti işləməməkdə, fəaliyyətsizlikdə, səlahiyyətsizlikdə ittiham edirlər. Spiker dedi ki, həmin deputatlar bu mövqelərindən əl çəkməlidirlər. “Bunun səbəbləri olsa da, mən burada bunları araşdırmaq istəmirəm” - deyə spiker vurğulayıb. O, medianı da daha çox parlamentdə populist çıxışlar edən deputatlara yer verməkdə qınayıb.
çıxış edən bəzi müxalifət deputatları “Diffamasiya haqqında” Qanunun qəbul olunmasına, Seçki Məcəlləsinə əlavə və dəyişikliklərin edilməsinə ehtiyac olduğunu bildiriblər. Onların sözlərinə görə, seçkilərə qədər proporsional seçki sistemi də bərpa olunmalıdır. Müxalifdən olan deputatlar guya orduda vəziyyətin yaxşı olmadığını iddia edərək bu məsələnin parlamentdə müzakirəsini təklif ediblər. Spiker O.Əsədov isə orduda baş vermiş son hadisə ilə bağlı cinayət işinin qaldırıldığını, istintaq aparıldığını bildirib. Oqtay Əsədov “Diffamasiya haqqında” Qanunun qəbulunun tez olduğunu bildirib. Onun sözlərinə görə, heç Avropa ölkələrinin əksəriyyəti bu qanunu qəbul etməyiblər.
Yeni Azərbaycan Partiyası Sədrinin müavini-İcra katibi, millət vəkili Əli Əhmədov çıxışında bildirib ki, müxalifət nümayəndələri ötən ilin dekabrında keçirilmiş bələdiyyə seçkiləri ilə bağlı reallığa uyğun gəlməyən fikirlər səsləndirir. Bələdiyyələrə 16 min nəfər yeni üzv seçilməli idi və seçkidə iştirak edən partiyalar bu sayda namizəd irəli sürməliydi. Yalnız Yeni Azərbaycan Partiyası bu tələbi yerinə yetirdi və yeganə olaraq partiya şəklində bu seçkilərdə iştirak etdi.
Əli Əhmədovun sözlərinə görə, parlamentdə YAP-ın deputat korpusu da bu seçki kampaniyasında fəal iştirak edib: “Azərbaycanın bütün bölgələrində çoxsaylı görüşlər keçirildi və nəticə də göz önündədir. Biz seçkilərə tam obyektiv şəkildə yanaşırıq”.
Onun fikrincə, müəyyən sayda insanın seçkinin nəticəsindən narazı olmasına da təbii yanaşmaq lazımdır. Bu faciə deyil, kimlərsə siyasi kapital qazanmaq istəyirlər. YAP Sədrinin müavini xatırladıb ki, qanun pozuntuları ilə bağlı Mərkəzi Seçki Komissiyası müvafiq qərarlar qəbul edib: “Seçkilərin nəticələrinə ən yüksək dəyəri seçicilər verib. Əgər Azərbaycan xalqı bələdiyyə seçiklərinin nəticələrini qəbul edirsə, bu əsas kimi qəbul olunmalıdır”.
Seçki Məcəlləsinə dəyişikliklərin ed
ilməsi ilə bağlı təkliflərə münasibət bildirən Əli Əhmədov qeyd edib ki, 1998-ci ildən seçki qanunvericiliyinə bir neçə dəfə dəyişikliklər edilib: “Bəlkə də, seçki qanunvericiliyinə edilən dəyişikliklər qədər heç bir qanuna dəyişikliklər olunmayıb. Hər dəfə bu ona görə edilib ki, həm beynəlxalq qurumlar, həm də müxalifət birmənalı şəkildə qəbul etməyə çalışsınlar ki, Azərbaycan hökuməti seçkilərin azad və şəffaf keçirilməsi, seçki komissiyalarının etibarlı olması üçün bütün addımları atır. Əgər müxalifət seçkidə qalib gəlməyin yolunu, seçki komissiyalarının formatının öz xeyrinə dəyişməsində görürsə, bu, böyük səhvdir. Bu səhvin nəticəsində də indiyə qədər uğur qazana bilməyib. Seçkinin taleyini həll edən yeganə subyekt xalqdır. İndiki format isə özünü doğruldub”.
Yeni Azərbaycan Partiyasının İcra katibinin müavini, millət vəkili Siyavuş Novruzov bu təkliflərin əleyhinə çıxıb. O qeyd edib ki, hazırda qüvvədə olan Seçki Məcəlləsi ilə indiyədək bir neçə dəfə azad və ədalətli seçkilər keçirilib və bundan sonra da bunu etmək mümkündür. “Hər dəfə seçkiöncəsi bütün məsələləri kənara qoyub Seçki Məcəlləsindən yapışmağın yeri yoxdur. Bunu edən qüvvələr daha çox özlərinə tərəfdaş tapmalı və siyasi çəkilərini artırmalıdırlar” - deyə millət vəkili vurğulayıb. Onun sözlərinə görə, son vaxtlar orduda baş verən hadisələri şişirtməyə ehtiyac yoxdur. çünki bu cür hadisələr hər yerdə baş verir. “Ordu da cəmiyyətin bir hissəsidir” - deyə millət vəkili əlavə edib. Onun sözlərinə görə, Hərbi Prokurorluq baş vermiş hadisə ilə əlaqədar istintaq aparır. Yaxın vaxtlarda hər şey aydınlaşdırılacaq. S.Novruzov qeyd edib ki, 90-cı illərlə müqayisədə hazırda xalqın orduya inamı çox böyükdür. Hər il çağırış dövründə əhali övladlarını həvəslə hərbi xidmətə göndərir. Hətta, əvvəlki dövrlərdə müxtəlif səbəblərdən hərbi xidmətə getməkdən yayınan insanlar da könüllü şəkildə ərizə verərək hərbi xidmətə gedirlər. “Bu, ordudakı vəziyyətlə əlaqədardır” - deyə millət vəkili vurğulayıb.
Milli Məclis sədrinin birinci müavini Ziyafət Əsgərov parlament seçkisi ərəfəsində proporsional seçki sisteminin bərpasının mümkün olmadığını bildirib. Onun sözlərinə görə, Konstitusiyaya əlavə və dəyişiklik etmək üçün referendum keçirilməlidir. Belə bir referendumun keçən ilin martında keçirildiyini xatırladan birinci vitse-spiker yaxın vaxtlarda növbəti ümumxalq səsverməsinin mümkün olmadığını deyib: “Başa düşmək lazımdır ki, gündə referendum keçirmək olmaz. Bu təklifləri referendumdan əvvəl vermək lazım idi. Əgər həmin referenduma çıxarılan məsələlər sırasında proporsional seçki sisteminin bərpası olmayıbsa, deməli, buna ehtiyac yoxdur”.
Z.Əsgərov əlavə edib ki, ölkədəki siyasi partiyalar da proporsional sistemin bərpasına hazır deyillər. Onun sözlərinə görə, siyasi partiyalar seçkilərin mojaritar qaydada keçirilməsindən qorxmamalıdırlar: “Mən başa düşə bilmirəm bəziləri seçkilərə mojaritar qaydada qatılmaqdan niyə qorxurlar? Görəsən biz niyə seçicilərlə birbaşa təmasda olmaqdan qorxuruq?”
“Diffamasiya haqqında” Qanunun qəbulu ilə bağlı qaldırılan məsələyə toxunan birinci vitse-spiker deyib ki, ölkədə bütün peşə sahibləri qanun qarşısında bərabər olmalıdırlar. Hər bir vətəndaş törətdiyi əmələ görə cavab verməlidir: “Mən başa düşə bilmirəm niyə jurnalistlər məhkəməyə verilən kimi bundan ajiotaj yaradılır. Əgər deputatın şərəf və ləyaqəti təhqir olunubsa, o, məhkəmədən başqa hara müraciət etməlidir?”
Birinci vitse-spiker “Diffamasiya haqqında” Qanunun qəbulunun mentalitetimizlə uyğunlaşmadığını deyib. Ziyafət Əsgərov onu da bildirib ki, Daşkəsəndə baş vermiş hadisə ordu rəhbərliyini də ciddi narahat edir. Komitə sədri qeyd edib ki, hadisə ilə əlaqədar müdafiə naziri Səfər Əbiyevlə danışıb. Nazir ona məlumat verib ki, baş vermiş hadisənin səbəblərinin üzə çıxarılması üçün ciddi tədbirlər görüləcək.
Millət vəkili Elmira Axundova isə Azərbaycanda yeni bayramın qeyd edilməsi təklifi ilə çıxış edib. Millət vəkili deyib ki, Azərbaycanda analar günü bayramı təsis edilsin: “28 aprel görkəmli akademik Zərifə Əliyevanın ad günüdür. Azərbaycan xalqı ümummilli lider Heydər Əliyevin vəfalı ömür-gün yoldaşı Zərifə Əliyevanın ad gününü ehtiramla yad edir. Onun ad gününün analar günü kimi qeyd edilməsi Zərifə xanıma ümumxalq məhəbbətinin təzahüründən xəbər verərdi. Həm də təqvimimizə yeni milli bayram daxil olardı. Analar günü bayramı təsis edilməli və həmin gün qeyri-iş günü hesab olunmalıdır”.
E.Axundova onu da vurğulayıb ki, 8 Mart Beynəlxalq Qadınlar günü bayramını Azərbaycanda ləğv etmək mümkündür: “çünki bu bayram artıq öz əhəmiyyətini itirib və bir çox ölkədə qeyd olunmur. Amma əksər ölkədə analar günü var”.
Müzakirələrdən sonra parlamentin yaz sessiyasının qanunvericilik işləri planı təsdiq olunub.
Nardar BAYRAMLI

 
  • Oxunub:  15690  |  
  • Tarix:  02-02-2010  |  
  •    Çap et   |  
Get Adobe Flash player
Birinci vitse-prezident Mehriban Əliyeva: Ümummilli Lider Heydər Əliyevin unudulmaz xatirəsini ehtiramla yad edirəm

14 Dekabr 23:26
Heydər Əliyev Sarayında növbəti “Zima-2019” Beynəlxalq Uşaq Festivalı keçirilib
14 Dekabr 23:06
Dağlıq Qarabağ bölgəsinin azərbaycanlı icması Avropa Parlamentinin deputatlarına məktub göndərib
14 Dekabr 23:02
Elçin Əhmədov: Bəzi dairələr qondarma “erməni soyqırımı”nı Türkiyəyə qarşı siyasi təzyiq vasitəsinə çeviriblər
14 Dekabr 22:53
Xristian Yohannes Henrix: Azərbaycanda həyata keçirilən islahatlar ölkənin daha da inkişafını təmin edəcək
14 Dekabr 22:31
Bakıda Azərbaycanın Rus İcmasının V qurultayı keçirilib
14 Dekabr 22:12
Dilarə Seyidzadə: Ulu Öndər Azərbaycanın müstəqilliyini öncədən görürdü və bütün addımları buna hesablanmışdı
14 Dekabr 13:08
Heydər Əliyev Fondunun vitse-prezidenti Leyla Əliyeva “Study UK Alumni Awards 2019”un qaliblərinin elan olunması mərasimində iştirak edib
14 Dekabr 13:02
Yeni Azərbaycan Partiyasının Siyasət Akademiyası “Azərbaycan Respublikasının enerji və nəqliyyat təhlükəsizliyi siyasəti” mövzusunda növbəti kurs təşkil edib
14 Dekabr 11:43
YAP Bərdə rayon təşkilatının bələdiyyə seçkiləri ilə əlaqədar seçicilərlə görüşləri davam edir
14 Dekabr 11:39
Bələdiyyə seçkiləri ilə əlaqədar Pirallahı rayon Ağsaqqallar Şurasının seçicilər ilə görüşü keçirilib
14 Dekabr 11:16
Şahin İsmayılov: Sağlam gənclik həm də sağlam gələcək deməkdir
14 Dekabr 11:00
Hadi Rəcəbli: Azərbaycan dövlətinin sosial mahiyyəti davamlı olaraq güclənir
14 Dekabr 10:57
YAP Xəzər rayon təşkilatında bələdiyyə seçkilərinin təbliğat kampaniyası çərçivəsində görüş keçirilib
14 Dekabr 10:40
Sevinc Hüseynova: Qadınlar ölkəmizin ictimai həyatında fəal iştirak edirlər
14 Dekabr 08:04
Serj Sarkisyana qarşı cinayət işi Paşinyanın rəqiblərini siyasi fəaliyyətdən çəkindirmək cəhdlərindən biridir
14 Dekabr 08:03
“Nar” abunəçilərinin nəzərinə!
14 Dekabr 08:01
Azərbaycanın regionlarında elektron kənd təsərrüfatı informasiya sistemi uğurla tətbiq olunur
13 Dekabr 23:34
“Rossiyskaya qazeta” Moskvada “Heydər Əliyev: Şəxsiyyət və zaman” üçcildliyinin təqdimatı barədə məqalə dərc edib
13 Dekabr 23:09
Leyla Abdullayeva: Xarici İşlər naziri Elmar Məmmədyarovun müsahibəsinə Yerevanın reaksiyası olduqca qəribədir
13 Dekabr 22:54
“Yehovanın Xristian Şahidləri” Avropa Assosiasiyasının nümayəndələri Dövlət Komitəsində olublar
13 Dekabr 22:48
Azərbaycan Texniki Universiteti Almaniyanın ali məktəbləri ilə əməkdaşlığı genişləndirir
13 Dekabr 22:38
Azərbaycan ilə Latviya parlamentləri arasında əməkdaşlığın perspektivləri müzakirə olunub
13 Dekabr 21:47
XİN: ABŞ Senatının qondarma “erməni soyqırımı”nı tanıyan qətnaməsi qərəzli və hüquqi əsası olmayan sənəddir
13 Dekabr 21:40
Əmək və Əhalinin Sosial Müdafiəsi Nazirliyi ilə BP Eksploreyşn Limited arasında Anlaşma Memorandumu imzalanıb
13 Dekabr 21:32
Kolumbiyalı nazir: Azərbaycanla əməkdaşlığın dərinləşdirilməsi üçün birgə səylərin göstərilməsində maraqlıyıq
13 Dekabr 21:06
ADA Universiteti “Maliyyə” ixtisası üzrə ikili diplom proqramına başlayır
13 Dekabr 20:56
Azərbaycanın ərazi bütövlüyünün bərpası dövlətimizin qarşısında duran mühüm vəzifədir
13 Dekabr 20:48
Bələdiyyə seçkilərinin təbliğat-təşviqat kampaniyası çərçivəsində Nəsimi rayonunun səhiyyə işçiləri ilə görüş keçirilib
13 Dekabr 20:37
Azərbaycan və Meksika akademik-diplomatik əməkdaşlığı möhkəmləndirir
13 Dekabr 20:34
Azərbaycan-Mərakeş münasibətlərinin inkişafında ulu öndər Heydər Əliyevin mühüm rolu olub
13 Dekabr 17:43
Xalqın etimadını doğrultmaq başlıca vəzifədir
13 Dekabr 17:42
Ağacan Abiyev: Əldə olnunan nəticələr idmanın Azərbaycanda ən yüksək inkişaf zirvəsinə çatdığını göstərir
13 Dekabr 17:37
Qaradağda YAP-ın namizədləri dəstəklənəcək
13 Dekabr 17:34
Fərhad Hacıyev: Ölkəmizdə gənclər ictimai həyatın bütün sahələrində fəallıqları ilə seçilir
13 Dekabr 17:33
Saatlı rayonunda qadın seçicilərlə görüş keçirildi
13 Dekabr 17:29
Müharibə və Çernobıl əlillərinə, hərbi xidmət vəzifələrini yerinə yetirməklə əlaqədar əlilliyi olan şəxslərə 50 avtomobil təqdim edilib
13 Dekabr 17:26
YAP Səbail rayon təşkilatında ilk dəfə səs verəcək gənclərlə görüş keçirildi
13 Dekabr 17:24
Elman Məmmədov: Ermənistan təcavüzkar siyasətinə son qoymadıqca cəbhə xəttində gərginlik həmişə baş verə bilər
13 Dekabr 17:22
Gəncənin ilk dəfə səs verəcək gəncləri bələdiyyə seçkilərinə inamla gedirlər
13 Dekabr 17:17
Dövlət Sərhəd Xidmətinin cari ildə xidməti-döyüş fəaliyyətinin yekunlarına həsr olunmuş müşavirə keçirilib
13 Dekabr 17:15
Xaçmazda 12 yaşayış məntəqəsini birləşdirən avtomobil yolunun tikintisinə 15,4 milyon manat ayrılıb – SƏRƏNCAM
13 Dekabr 17:12
Vergilər nazirinin müavini Astarada vətəndaşları qəbul edib
13 Dekabr 16:58
Prezident İlham Əliyev 20 Yanvar faciəsinin otuzuncu ildönümü haqqında Sərəncam imzalayıb
13 Dekabr 16:44
Bu il dövlət sərhədini pozduqlarına görə 739 nəfər saxlanılıb
13 Dekabr 16:25
Əmək və Əhalinin Sosial Müdafiəsi Nazirliyinin rəhbərliyi Abşeron, Xızı rayonlarında və Sumqayıt şəhərində vətəndaşlarla görüşüb
13 Dekabr 16:01
Mixail Qusman: Heydər Əliyevin qəbul etdiyi qərarlar Azərbaycanı dərin siyasi, iqtisadi böhrandan çıxarmağa imkan verdi
13 Dekabr 15:58
Baş prokuror Sumqayıt şəhərində vətəndaşları qəbul edib
13 Dekabr 15:54
Afinada QDİƏT-in Xarici İşlər Nazirləri Şurasının 41-ci iclası keçirilib
13 Dekabr 15:52
Baş Prokurorluq: Dövlət qurumlarının adından dələduzluq edən şəxslərin qanunsuz əməlləri ifşa olunub
13 Dekabr 15:50
Moskvada Elmira Axundovanın “Heydər Əliyev. Şəxsiyyət və Zaman” roman-tədqiqatının təqdimatı olub
13 Dekabr 15:45
Baş Prokurorluğun nümayəndə heyəti beynəlxalq tədbirdə iştirak edib
13 Dekabr 15:25
AVCİYA bələdiyyə seçkiləri ilə bağlı aralıq hesabatını təqdim edib
13 Dekabr 15:24
Avtomobil Yolları Dövlət Agentliyinin rəhbərliyi Mingəçevirdə vətəndaş qəbulu keçirib
13 Dekabr 15:06
AŞPA-nın 30 nəfərdən ibarət missiyası Azərbaycanda parlament seçkilərini müşahidə edəcək
13 Dekabr 15:01
Şərqşünaslıq İnstitutunda Cəlil Məmmədquluzadənin 150 illik yubileyi qeyd olunub
13 Dekabr 14:56
Kürdəmirin Qarabucaq qəsəbəsinə təbii qaz verilib
13 Dekabr 14:42
Kamilə Əliyeva: Ölkəmizdə təhsilin, elmin inkişafı üçün geniş maddi-intellektual resurslar mövcuddur
13 Dekabr 14:26
“Xarəzm ləzgi rəqsi” UNESKO-nun Bəşəriyyətin Qeyri-Maddi Mədəni İrs üzrə Reprezentativ Siyahısına daxil edilib
13 Dekabr 14:19
Prezident İlham Əliyev Rusiyanın Həştərxan vilayətinin qubernatorunun başçılıq etdiyi nümayəndə heyətini qəbul edib
13 Dekabr 14:17
Prezident İlham Əliyev Bakı gəmiqayırma zavodunda inşa olunmuş ilk tankerin istismara verilməsi mərasimində iştirak edib
13 Dekabr 14:14
AFFA-nın İcraiyyə Komitəsinin növbəti iclası keçirilib
13 Dekabr 14:01
Azərbaycanda məişət zorakılığından zərər çəkmiş şəxslərə hüquqi yardım göstərilməsinə dair Anlaşma Memorandumu imzalanıb
13 Dekabr 14:00
Mədəniyyət Nazirliyi “Gələcək nəsillərə yatırım” mövzusunda 4-cü Ümumdünya Turizm və Mədəniyyət Konfransında təmsil olunur
13 Dekabr 13:33
Brüsseldə keçirilən tədbirdə Ulu Öndərin müəyyənləşdirdiyi xarici siyasət kursunun uğurlarından bəhs olunub
13 Dekabr 13:30
Qəbələdə ilk dəfə səs verəcək gənclər seçki prosesi barədə maarifləndiriliblər
13 Dekabr 13:18
Ombudsman Türkiyənin Azərbaycandakı səfirini qəbul edib
13 Dekabr 13:14
Boris Conson: Böyük Britaniya Avropa İttifaqından 2020-ci il yanvarın 31-də çıxacaq
13 Dekabr 12:52
Azərbaycanın investisiya imkanları Səudiyyə Ərəbistanında təqdim olunub
13 Dekabr 12:39
Azərbaycan tərəfindən Albaniyaya göstərilmiş humanitar yardım rəsmi olaraq təqdim olunub
13 Dekabr 12:32
Həştərxanda keçirilən tədbirdə Ulu Öndərin Azərbaycan-Rusiya münasibətlərinin inkişafındakı əvəzsiz rolundan danışılıb

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
HAVA HAQQINDA