Ana səhifə »  Siyasət »  Ölkəmizdə kənd təsərrüfatı sahəsində əldə olunmuş uğurların əsasında düzgün siyasət və dövlət dəstəyi dayanır
A+   Yenilə  A-
Ölkəmizdə kənd təsərrüfatı sahəsində əldə olunmuş uğurların əsasında düzgün siyasət və dövlət dəstəyi dayanır

Prezident İlham Əliyev: Biz demək olar ki, Azərbaycanda pambıqçılığı dirçəltmişik, bunu çox gəlirli sahəyə çevirmişik, pambıqçılıqla məşğul olan rayonlarda məşğulluq problemlərini həll etmişik
Yeni iqtisadi şəraitdə Azərbaycan dövləti ölkədə qeyri-neft iqtisadiyyatının mühüm qolu olan kənd təsərrüfatının yeni yanaşmalar, innovasiyaların tətbiqi yolu ilə inkişafına güclü siyasi iradə göstərir. 2019-cu ildə ölkənin aqrar sektorunda 7 faizdən çox artım müşahidə edilib. Son illərdə respublikamızda pambıqçılıq, üzümçülük, fındıqçılıq, çəltikçilik, sitrusçuluq, tütünçülük, çayçılıq kimi geniş potensiala və yaxşı ənənələrə malik sahələr intensiv şəkildə inkişaf edir.
Ölkəmizdə kənd təsərrüfatı sahəsində əldə olunmuş uğurların əsasında düzgün siyasət və dövlət dəstəyi dayanır. Yeri gəlmişkən, dekabrın 19-da Azərbaycan Respublikasının Prezidenti İlham Əliyevin yanında pambıqçılıq mövsümünün yekunları və 2020-ci ildə görüləcək tədbirlər ilə bağlı keçirilən müşavirədəki nitqində dövlət başçısı bu amilə xüsusi diqqət çəkib. Prezident İlham Əliyev bildirib ki, hazırda kənd təsərrüfatı sahəsində çox ciddi islahatlar aparılır, şəffaflıqla, subsidiyalarla bağlı yeni mexanizmlər tətbiq edilir. “Sağlam iqtisadi mühit, investisiya mühiti, dövlət dəstəyi, şirkətlərin dövlət qurumları ilə sıx təmasda olması, yerli icra orqanlarının, mərkəzi icra orqanlarının vahid yanaşması, bax, bu uğurumuzu şərtləndirir”, - deyə dövlət başçısı qeyd edib.
Ulu Öndər Heydər Əliyevin keçmiş sovet dönəmində Azərbaycana rəhbərlik etdiyi illərdə kənd təsərrüfatının bütün sahələri uğurla inkişaf edib
İki müxtəlif ictimai-siyasi formasiyada - həm keçmiş sovet dönəmində, həm də müstəqillik illərində Azərbaycana rəhbərlik etmiş Ulu Öndər Heydər Əliyev respublikamızın iqtisadi dayaqlarının möhkəmlənməsinə və bu əsasda insanların rifah halının yüksəlməsinə böyük töhfələr verib. Məlumdur ki, Ulu Öndər keçmiş İttifaqdakı böyük nüfuzundan istifadə edərək bir sıra irimiqyaslı sənaye layihələrinin məhz Azərbaycanda reallaşdırılmasına nail olub. Eyni sözləri uzaqgörən siyasətçi olan Heydər Əliyevin respublikamızda aqrar sektorun inkişafı üçün gördüyü işlər barədə də demək mümkündür. Ulu Öndər keçmiş sovet dönəmində Azərbaycana rəhbərlik etdiyi illərdə kənd təsərrüfatının bütün sahələri uğurla inkişaf edib.
Statistik göstəricilər Ulu Öndərin Azərbaycana rəhbərlik etdiyi 1969-1982-ci illərdə kənd təsərrüfatında necə bir yüksəliş dalğası yaratmağa nail olduğunu əyani şəkildə təsdiqləyir. Məhz Onun böyük səyləri sayəsində respublikamızda aqrar sektora yeni - elmi və innovativ yanaşmanın əsası qoyuldu, texnika ilə təchizat gücləndirildi, bölgələrdə bir sıra böyük emal müəssisələri yaradıldı. Dəyişikliklərin, aqrar sektora yeni yanaşmanın uğurlu nəticələrini isə çox gözləmək lazım gəlmədi. Qısa müddətdə Azərbaycan bir sıra pozisiyalar üzrə məhsul istehsalında keçmiş müttəfiq respublikaları arasında yüksək pilləyə yüksəldi. Götürək elə üzümçülüyü. Heydər Əliyevin keçmiş sovet dönəmində Azərbaycana rəhbərlik etdiyi dövrdə bu sahədə istehsal 2 milyon tona çatmışdı. Azərbaycan İttifaq məkanında ən çox üzüm istehsal edən respublika idi. Sonrakı yerləri bölüşən respublikalar heç 1 milyon ton üzüm istehsal edə bilmirdilər. Ulu Öndərin böyük səyləri sayəsində üzüm istehsalının rekord səviyyəyə yüksəlməsi həm respublikamıza, həm də bu qiymətli məhsulu əkib-becərən insanlara böyük fayda, gəlir gətirirdi.
Ulu Öndər keçmiş sovet dövründə Azərbaycana rəhbərlik etdiyi illərdə həmçinin pambıqçılığı yüksək sürətlə inkişaf etdirməyə nail oldu. Məlumat üçün bildirək ki, 1969-cu ildə Heydər Əliyev respublikanın rəhbərliyinə gələndə Azərbaycanda 200 min hektarda pambıq əkilmişdi və cəmi 300 min tona yaxın məhsul tədarük edilmişdi, məhsuldarlıq isə orta hesabla 15 sentner səviyyəsində idi. Ulu Öndərin diqqət və qayğısı sayəsində həyata keçirilən tədbirlər nəticəsində qısa müddətdə bu sahədə də dönüş yarandı. Beləliklə, ötən əsrin 80-ci illərinin əvvəllərində respublikamızda pambıq sahələrində məhsuldarlıq 30 sentnerə, hətta ondan da üstün səviyyəyə çatdı. Respublikada hər il sabit qaydada təqribən 800 min ton pambıq tədarük olunurdu. 1981-ci ildə isə bu rəqəm 1 milyon tona yüksəldi. Prezident İlham Əliyev Ulu Öndərin səyləri sayəsində Azərbaycanda aqrar sektorun inkişafının ən yüksək səviyyəyə çatdığını xatırladaraq vurğulayıb: “Məhz Onun fəaliyyəti nəticəsində nəinki pambıqçılıq, kənd təsərrüfatının bütün başqa sahələri də uğurla inkişaf etmişdir. Əgər statistikaya nəzər salsaq, görərik ki, Onun dövründə baramaçılıq, üzümçülük, pambıqçılıq, meyvəçilik, tərəvəzçilik pik həddə çatmışdır. Beləliklə, kəndlərdə yaşayan insanlar öz maddi durumunu yaxşılaşdırmış, evlər tikmiş, maşınlar, məişət texnikası almışlar. Bir sözlə, Heydər Əliyevin Azərbaycana rəhbərlik etdiyi 1969-1982-ci illərdəki fəaliyyəti Azərbaycanı müttəfiq respublikalar arasında ən geridə qalmış yerlərdən ən qabaqcıl yerlərə ucaltmışdır. Bundan daha önəmli məsələ ondan ibarətdir ki, Azərbaycanda yaşayan insanların rifah halı böyük dərəcədə yaxşılaşdırılmışdır”.
Təəssüf doğuran haldır ki, Ulu Öndərin aqrar sektorda əsasını qoyduğu inkişaf meyilləri sonrakı mərhələdə qorunub saxlanılmadı. Bəhs olunan müşavirədə Azərbaycanın dövlət başçısı vurğulayıb ki, Heydər Əliyev Moskvaya gedəndən sonra bütün sahələrdə olduğu kimi, kənd təsərrüfatı sahəsində də, o cümlədən pambıqçılıqda vəziyyət tənəzzülə doğru getdi, üzümçülük, demək olar ki, tamamilə sıradan çıxarıldı. “Deyə bilərəm ki, bu da həm sovet rəhbərliyinin, həm də o vaxt Azərbaycan rəhbərliyinin cinayəti nəticəsində baş vermiş hadisə idi”, - deyə Prezident İlham Əliyev vurğulayıb.
Ölkəmizdə 2019-cu ildə pambıq yığımı üzrə rekord göstərici əldə olunub
Ümummilli Lider Heydər Əliyev 1982-ci ildə Moskvaya gedəndən sonra aqrar sektorda başlayan geriləmə müstəqilliyimizin ilk illərində - 1992-ci ildə hakimiyyəti qeyri-qanuni yolla ələ alan AXC-“Müsavat” iqtidarının hakimiyyəti dövründə daha da dərinləşdi. Prezident İlham Əliyevin bildirdiyi kimi, ölkədə total böhran - siyasi böhran, hərbi böhran, iqtisadi böhran hökm sürürdü, inflyasiyanın səviyyəsi 1000 faizdən çox idi, sənaye müəssisələri iflic vəziyyətdə, kənd təsərrüfatı dağılmış vəziyyətdə idi, ölkədə talançılıq, rüşvətxorluq, özbaşınalıq hökm sürürdü.
Ulu Öndər 1993-cü ilin yayında xalqın təkidli tələbi ilə Azərbaycanın siyasi rəhbərliyinə qayıtdıqdan sonra ölkəmizdə aqrar sektorda ciddi islahatlara başlanıldı, torpaqlar özəlləşdirildi. Əlbəttə, o dövrdə aqrar sektorun inkişafı baxımından ölkədə böyük çətinliklər yaşanırdı - texnika, yanacaq, gübrələr çatışmırdı, aqrotexniki tədbirlərin görülməsi üçün müasir standartlara cavab verən təcrübə yox idi. Yalnız sonrakı mərhələdə getdikcə möhkəmlənən, iqtisadi və maliyyə imkanlarını genişləndirən Azərbaycan dövlətinin dəstəyi sayəsində aqrar sektorda ənənələrin bərpasına, inkişaf meyillərinin yaranmasına nail olundu.
Son 16 ildə ölkəmizdə Prezident İlham Əliyevin siyasi iradəsi sayəsində aqrar sektorda davamlı inkişafa rəvac verən genişmiqyaslı islahatlar aparılıb, fermerlərə dəstək tədbirləri gücləndirilib. Eyni zamanda, respublikamızda kənd təsərrüfatının bir sıra ənənəvi sahələrinin inkişafının prioritetliyi təmin edilir ki, bunların içərisində pambıqçılıq xüsusi yer tutur. Məlum olduğu kimi, pambıqçılıq aqrar sektorun çox gəlirli və əmək tutumu yüksək olan bir sahəsidir. Təəssüf doğuran haldır ki, müstəqilliyimizin ilk çağlarında digər istiqamətlər kimi, pambıqçılıq da əslində tamam diqqətdən kənərda qalmışdı. Prezident İlham Əliyev pambıqçılıq sahəsində yaranmış acınacaqlı mənzərəni göz önündə canlandıraraq “Azərbaycanda pambıqçılıq məhvə doğru gedirdi, pambıq yetişdirən rayonlarda işsizlik geniş vüsət alırdı. Özəl qurumlar bu vəzifənin öhdəsindən gələ bilmədilər, lazımi səviyyədə sərmayə qoymadılar, pambıqtəmizləmə zavodlarını səmərəli işlədə bilmədilər və deyə bilərəm ki, bu məsələyə bütövlükdə çox biganə yanaşdılar. Beləliklə, pambıqçılıqda çox böyük tənəzzül yaşandı. Əslində biz bu gəlirli, bizim üçün ənənəvi olan əməktutumlu sahəni demək olar ki, itirirdik. Bir rəqəmi deyə bilərəm, 2015-ci ildə cəmi 18 min hektarda pambıq əkilmişdir və 35 min ton məhsul tədarük edilmişdir. Baxın, pambığın tədarükü 1981-ci ildəki bir milyon tondan 35 min tona düşdü”, - deyə vurğulayıb.
Artıq respublikamızda pambıqçılığın tənəzzül dövrünün arxada qaldığını söyləmək mümkündür. Respublikamızda 2016-cı ildən başlayaraq Prezident İlham Əliyevin tapşırıqları əsasında bu gəlirli sahənin inkişafını təmin etmək üçün çox ciddi tədbirlər görülüb və 2017-2020-ci illəri əhatə edən Dövlət Proqramı qəbul olunub. Ümumiyyətlə respublikamızda pambıqçılığın inkişafına göstərilən dövlət dəstəyinin əhatə dairəsi kifayət qədər genişdir. Ölkəmizdə pambıqla məşğul olan fermerlərə güzəştli kreditlər verilir. Pambıqtəmizləmə zavodlarında təmir-bərpa, sazlama işləri aparılıb. Eyni zamanda, Ucar rayonunda müasir texnologiya əsasında yeni pambıqtəmizləmə zavodu inşa edilib. 2016-cı ildən pambığın hər kiloqramına görə istehsalçılara dövlət tərəfindən 10 qəpik subsidiya verilməyə başlanıb. 2015-ci ildə pambığın satınalma qiyməti 41 qəpik, 2016-2017-ci illərdə 50 qəpik idisə, 2018-ci ildən bu rəqəm 65 qəpiyə qaldırılıb. Fermerlərə pestisidlər güzəştlə verilir. Hər hektara görə güzəştlər 10 manatdan 50 manata qaldırılıb. Gübrələr üçün güzəştlər isə 100 manatdan 150 manatadək artırılıb. Bütün bu addımlar dövlətin pambıqçılığın inkişafına göstərdiyi diqqətin təzahürüdür. Bəhs olunan Dövlət Proqramı əsasında ölkəmizdə pambıqçılıq dörd il ərzində dirçəlib və bu sahədə ən yüksək nəticələr qazanılıb. 2019-cu ildə ölkəmizdə pambıq yığımı üzrə rekord göstərici əldə olunub, sahələrdən 294 min ton pambıq tədarük olunub və hər hektardan məhsuldarlıq orta hesabla 29,4 sentner təşkil edib. Əldə olunan uğurlardan məmnunluğunu bildirən Prezident İlham Əliyev vurğulayıb: “Biz demək olar ki, Azərbaycanda pambıqçılığı dirçəltmişik, bunu çox gəlirli sahəyə çevirmişik, pambıqçılıqla məşğul olan rayonlarda məşğulluq problemlərini həll etmişik”.
Onu da vurğulamaq yerinə düşər ki, pambığın satışı ilə bağlı heç bir problem yoxdur. Bu qiymətli məhsul birjalarda satılır və onun müştərisi, necə deyərlər, həmişə başının üstündədir. Təkcə 2019-cu ilin 9 ayı ərzində respublikamızdan 111 milyon dollar dəyərində məhsul, o cümlədən 87 milyon dollarlıq mahlıc, 22,5 milyon dollarlıq pambıq ipliyi və 2 milyon dollarlıq pambıq yağı ixrac edilib.
Mübariz ABDULLAYEV

 
  • Oxunub:  3450  |  
  • Tarix:  21-12-2019  |  
  •    Çap et   |  

Qəzetin son buraxılışı

Azərbaycan Prezidentinin İtaliyaya dövlət səfəri çərçivəsində imzalanan sənədlər qarşılıqlı münasibətlərin yeni mərhələyə qədəm qoyduğunu göstərir

22 Fevral 17:50
Gələn il Bakı IV Beynəlxalq Etnoidman Forumuna ev sahibliyi edəcək
22 Fevral 17:18
Azərbaycan Prezidenti Estoniya Prezidentinə təbrik məktubu göndərib
22 Fevral 16:59
Azərbaycan Prezidenti Bruney Sultanını milli bayram münasibətilə təbrik edib
22 Fevral 16:53
Pakistanın Xeybər Puxtunxva əyalətinin Assambleyası Azərbaycanın ərazi bütövlüyünə hörməti təsdiq edən qətnamə qəbul edib
22 Fevral 16:33
Berlində Ümumavropa Qarabağ mitinqi başlayıb
22 Fevral 16:31
Elxan Şahinoğlu: İtaliya Avropada Azərbaycanın əsas tərəfdaşıdır
22 Fevral 16:30
Nəsib Məhəməliyev: Erməni baş nazirin necə çətin duruma düşdüyünü hər kəs əyani şəkildə gördü
22 Fevral 16:16
YAP könüllüləri “Kitablarımızı paylaşaq, dilimizi yaşadaq” aksiyasına start verib (VİDEO)
22 Fevral 16:12
Dostluq və strateji tərəfdaşlığa əsaslanan Azərbaycan-İtaliya münasibətləri yeni inkişaf mərhələsində
22 Fevral 12:03
Misirxan Həsənov: Könüllülər hərəkatında iştirak etmək hər bir gənc üçün faydalıdır
22 Fevral 11:49
İtaliyada Azərbaycan dəmir yollarının yükdaşıma imkanları təqdim edilib
22 Fevral 11:31
Pərvin Abbasova: Könüllülük həm də vətənpərvərlik məktəbidir
22 Fevral 11:20
Culyetto Kyeza: Azərbaycan Prezidentinin İtaliyaya səfəri Bakı və Roma üçün əlamətdar hadisədir
22 Fevral 11:12
Prezident İlham Əliyevin İtaliyaya səfəri bu ölkə mətbuatının diqqət mərkəzindədir
22 Fevral 11:02
AZPROMO ilə İtaliyanın “K-BEKSPORT SRL” şirkəti əməkdaşlıq edəcək
22 Fevral 10:58
Parisdə İslam Konfransı Gənclər Forumu Xocalı soyqırımının 28-ci ildönümü ilə bağlı anım tədbir keçirib
22 Fevral 10:50
UNESCO-da Beynəlxalq Ana Dili Günü qeyd edilib
22 Fevral 10:42
KOBİA İtaliyanın müvafiq təşkilatları ilə üç anlaşma memorandumu imzalayıb
22 Fevral 10:36
“Dilin özü-sözün izi” adlı tərbir keçirilib
22 Fevral 10:35
“İtaliya Azərbaycanın ən mühüm iqtisadi tərəfdaşlarından biridir”
22 Fevral 10:32
100 yaşın mübarək, “Gəncənin səsi”!
22 Fevral 10:27
Azercell transformasiya ilininin nəticələrini açıqladı
22 Fevral 10:18
Regionların sosial-iqtisadi inkişafına dair Dövlət proqramlarının uğurlu icrası bölgələrin inkişafında əsaslı rol oynayır
22 Fevral 10:16
Azərbaycan Prezidentinin İtaliyaya dövlət səfəri çərçivəsində imzalanan sənədlər qarşılıqlı münasibətlərin yeni mərhələyə qədəm qoyduğunu göstərir
21 Fevral 20:01
Xocalı soyqırımının 28-ci ildönümünə həsr olunmuş anım tədbiri keçirilib
21 Fevral 19:54
Ekspert: “Azəriqaz”dakı islahatlar yüz dəfə ölçülüb və bir dəfə qərar verilib”
21 Fevral 19:50
Dövlət Komitəsinin sədri Goranboyda məcburi köçkünləri qəbul edib
21 Fevral 19:47
Milli və dini ayrıseçkilik monoetnik cəmiyyətin yaranmasına səbəb olur
21 Fevral 19:36
Prezident İlham Əliyevin Romada rəsmi yolasalma mərasimi olub
21 Fevral 17:51
Kamal Abdulla Daşkənd Özbək Dili və Ədəbiyyatı Universitetinin rektoru ilə görüşüb
21 Fevral 17:41
Romada Azərbaycan-İtaliya biznes forumu keçirilib
21 Fevral 17:11
Azərbaycanda keçirilən bütün seçkilər mətbuat üçün açıqdır və KİV-lər bu prosesdə önəmli rola malikdir
21 Fevral 17:04
Əmək və Əhalinin Sosial Müdafiəsi Nazirliyinin rəhbərliyi Hacıqabul, Saatlı rayonlarının və Şirvan şəhərinin sakinləri ilə görüşüb
21 Fevral 17:00
İstiqlal Muzeyində “Xocalıda can qaldı” adlı tədbir təşkil olunub
21 Fevral 16:52
Səhiyyə naziri İmişlidə vətəndaşları qəbul edib
21 Fevral 16:49
Ali Məhkəmənin sədri Ağsu rayonunda vətəndaşları qəbul edib
21 Fevral 16:47
Milli Arxiv İdarəsində müşavirə keçirilib
21 Fevral 16:23
İradə İbrahimova: Vizual məlumat bazasının yaradılması yaşıllıqların qorunması işində müsbət başlanğıcdır
21 Fevral 15:51
Avtomobil Yolları Dövlət Agentliyinin əməkdaşları peşə bayramlarını qeyd ediblər
21 Fevral 15:40
Təhsil naziri Kürdəmir şəhərində vətəndaşları qəbul edir
21 Fevral 15:37
Azərbaycan Milli Paralimpiya Komitəsinin ümumi yığıncağı keçirilib
21 Fevral 15:34
Nəzarətsiz zonalarda silahların qeyri-qanuni transferi təhlükəsizlik üçün kəskin təhdid yaradır
21 Fevral 15:18
AMEA-nın Şərqşünaslıq İnstitutu ilə Yaponiya arasında elmi əlaqələrin perspektivləri müzakirə olunub
21 Fevral 15:08
Seymur Orucov: Yeni Azərbaycan Partiyasının gəncləri könüllülər hərəkatında fəal iştirak edirlər
21 Fevral 15:03
YAP İcra Katibliyində Yeni Azərbaycan Partiyasının könüllülərinin toplantısı keçirilib
21 Fevral 14:36
Bakı Şəhər İcra Hakimiyyətində Xocalı faciəsinin ildönümünə həsr olunan tədbir keçirilib
21 Fevral 14:13
Sercio Mattarella: İtaliya ilə Azərbaycan bir-biri ilə dost ölkələrdir və regionda əsas tərəfdaşlardır
21 Fevral 13:52
Ukrayna Ali Radası qondarma “erməni soyqırımı”na dair qanun layihəsinin müzakirəsindən imtina edib
21 Fevral 13:49
Los-Ancelesdəki UCLA Universitetində İmadəddin Nəsiminin yaradıcılığına həsr olunmuş tədbir keçirilib
21 Fevral 13:45
Sercio Mattarella: İtaliya-Azərbaycan əlaqələrinin inkişaf perspektivləri geniş və dərin panoramaya malikdir
21 Fevral 13:10
Qafqaz Müsəlmanları İdarəsinin sədri Səudiyyə Ərəbistanında səfərdədir
21 Fevral 12:54
Sabah ölkə ərazisində temperaturu 15 dərəcəyə yüksələcək
21 Fevral 12:33
Milli Onkologiya Mərkəzində Azərbaycan-Türkiyə müştərək konfransı keçirilib
21 Fevral 12:28
Özbəkistanlı alim Ədəbiyyat İnstitutunun fəxri doktoru seçilib
21 Fevral 12:15
Kibertəhlükəsizlik üzrə yeni strategiya hazırlanır
21 Fevral 11:38
Yanvarda Azərbaycanla Ukraynanın ticarət dövriyyəsi 110 milyon dollara yaxın olub
21 Fevral 11:22
İcbari Tibbi Sığorta üzrə Dövlət Agentliyinin elektron xidməti “myGov” portalına inteqrasiya olunub
21 Fevral 11:07
Azərbaycan İlahiyyat İnstitutunda Xocalı soyqırımı qurbanlarını xatirəsi anılıb
21 Fevral 10:57
Kənd təsərrüfatı məhsullarının istehsalı artıb
21 Fevral 10:36
Monoetnik dövlət olan Ermənistanın nümayəndələrinin insan hüquqlarından danışması riyakarlıqdır
21 Fevral 10:17
Ceyhun Ələkbərov: Azərbaycan Prezidentinin Münxendə parlaq çıxışı bir daha göstərdi ki, Ermənistanın işğalçı siyasətinin sonu sürətlə yaxınlaşmaqdadır
21 Fevral 10:11
Bu gün Beynəlxalq Ana Dili Günüdür
21 Fevral 09:43
Şəffaf və operativ xidmət
21 Fevral 09:40
Bakı Beynəlxalq Multikulturalizm Mərkəzinin yeni binada fəaliyyətə başlaması ilə bağlı tədbir keçirilib
21 Fevral 09:38
Naftalanda ötən ilin yekunları və qarşıda duran vəzifələr müzakirə olunub
21 Fevral 09:36
YAP Qazax rayon təşkilatı Xocalı soyqırımının 28-ci ildönümü ilə bağlı tədbir keçirib
21 Fevral 09:33
Xocalı soyqırımı insanlıq tarixinə ən qəddar kütləvi terror aktlarından biri kimi daxil olub
21 Fevral 09:30
Regionların sosial-iqtisadi inkişafı ilə bağlı qarşıya qoyulmuş vəzifələr uğurla icra olunur
21 Fevral 09:24
Bakıda “Partners and Business” sərgisi keçirilir
21 Fevral 09:23
UNEC brendi Avropada tanınır

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
HAVA HAQQINDA
Bakı
gündüz+8 +12
gecə+4 +7