Ana səhifə »  Siyasət »  Heydər Əliyev: Azərbaycana həsr olunmuş ömür
A+   Yenilə  A-
Heydər Əliyev: Azərbaycana həsr olunmuş ömür

Yeni Azərbaycan Partiyasının İcra Katibliyində Ümummilli Lider Heydər Əliyevin Azərbaycanda siyasi hakimiyyətə gəlməsinin 50 illiyi münasibətilə bu mövzuda tədbir keçirilib

 

Əli Əhmədov: Ümummilli Lider Heydər Əliyevin Azərbaycanda hakimiyyətə gəlməsi ilə milli inkişafın və intibahın əsası qoyuldu

 

İyulun 6-da Yeni Azərbaycan Partiyasının (YAP) İcra Katibliyində Ümummilli Lider Heydər Əliyevin Azərbaycanda siyasi hakimiyyətə gəlməsinin 50 illiyi münasibətilə “Heydər Əliyev: Azərbaycana həsr olunmuş ömür” adlı tədbir keçirilib. Tədbirdə YAP İdarə Heyətinin və Siyasi Şurasının üzvləri, dövlət və hökumət nümayəndələri, Milli Məclisin deputatları, elm xadimləri və YAP fəalları iştirak ediblər.
Tədbirdə çıxış edən Azərbaycan Respublikası Baş nazirinin müavini, YAP Sədrinin müavini - İcra katibi Əli Əhmədov bildirib ki, Azərbaycanın müasir tarixinin çox mühüm dönüş nöqtələrindən biri 1969-cu il iyulun 14-də Ulu Öndər Heydər Əliyevin Azərbaycanda hakimiyyətə gəlməsidir. Artıq bu hadisənin 50 ili tamam olur. “Ulu Öndər Heydər Əliyevin Azərbaycana rəhbər seçilməsi hadisələrin sonrakı gedişinin də göstərdiyi kimi, sadəcə olaraq bir respublikaya rəhbər dəyişikliyinin həyata keçirilməsi missiyası ilə tamamlanan tarixi hadisə deyildi, bu, daha böyük bir yanaşmanın özünəməxsus ifadəsi idi” söyləyən Əli Əhmədov qeyd edib ki, o zaman keçmiş ittifaqda yaranmış ənənəyə görə xüsusi partiya elitası formalaşmışdı ki, respublikalara rəhbərlik edilməsi missiyası bu insanların içərisindən seçilmiş adamlara həvalə edilirdi: “Digər sahələrdən, o cümlədən hüquq-mühafizə, təhlükəsizlik orqanlarından partiyaya, ölkə rəhbərliyinə gətirilmək praktikası demək olar ki, tətbiq edilmirdi. Heydər Əliyev isə 1969-cu ildə Azərbaycanın Dövlət Təhlükəsizlik Komitəsinin sədri vəzifəsində işləyirdi. Bu mənada Ulu Öndər Heydər Əliyevin Azərbaycan rəhbərliyinə gətirilməsi əslində yeni bir yanaşmanın, yeni bir praktikanın sınaqdan keçirilməsi kimi qiymətləndirilə bilər. Bunun başqa səbəbi təbii ki, Heydər Əliyevin müstəsna şəxsi keyfiyyətləri ilə bağlı idi. Heydər Əliyev Azərbaycana rəhbərlik etmək iqtidarında olmasını əvvəlki vəzifələrdə işləməsi ilə kifayət qədər sübut etmişdi”.
YAP Sədrinin müavini qeyd edib ki, 1969-cu ildə Ulu Öndər Heydər Əliyevin Azərbaycana rəhbər seçilməsinin sonrakı dövründə hadisələrin gedişi nəticəsində təsdiqini tapan digər mühüm xüsusiyyət ondan ibarət idi ki, bu addım öz müsbət təcrübəsini göstərdi: “Sonralar Sovet İttifaqının digər respublikalarında da bu praktika tətbiq edilməyə başladı. Xatırladım ki, 1971-ci ildə Gürcüstanda daxili işlər naziri vəzifəsində işləyən Eduard Şevardnadze bu ölkənin rəhbəri və partiya komitəsinin birinci katibi vəzifəsinə gətirildi. Beləliklə, Heydər Əliyevin timsalında bu sınağın tətbiq olunması keçmiş ittifaqın kadr siyasətində ciddi bir yanaşmanın ifadəsi idi. Lakin Azərbaycanın müasir tarixində bu hadisənin əhəmiyyəti ondan ibarət idi ki, Heydər Əliyevin Azərbaycan rəhbərliyinə seçilməsi ölkəmizin o illərdə yaşadığı ağır iqtisadi və mənəvi, psixoloji durumun qısa zamanda aradan qaldırılmasına ciddi əsaslar yaratmış oldu. 1960-cı illərdə Azərbaycan iqtisadi cəhətdən tənəzzül dövrünü yaşayırdı. Eyni zamanda, bir sıra mənəvi-psixoloji narahatlıq yaradan durum mövcud idi. Bunların hamısı Heydər Əliyevin Azərbaycan rəhbərliyinə seçilməsi üçün ciddi əsaslar yaradırdı. Ulu Öndər Heydər Əliyev Öz şəxsi keyfiyyətlərindən irəli gələrək, vəziyyətin dəyişdirilməsi istiqamətində ciddi addımlar atdı. Sonrakı hadisələr göstərdi ki, Heydər Əliyevə bağlanan ümidlər doğruldu. Çox qısa zamanda Azərbaycan iqtisadiyyatının tənəzzülünün qarşısı alındı, iqtisadiyyatda artım müşahidə olunmağa başladı. O zaman SSRİ miqyasında 15 respublika içərisində öz göstəricilərinə görə ən geridə olan Azərbaycan bir neçə ildən sonra ən dinamik inkişaf edən respublikaya çevrildi”.
“Ümummilli Lider Heydər Əliyevin hakimiyyətə gəlməsi ilə Azərbaycanın tarixi inkişafının çox vacib parametrləri dəyişdi” - deyən Baş nazirin müavini bildirib ki, həmin dövrdə Azərbaycanın iqtisadiyyatı artdı, sənaye potensalı gücləndi, kənd təsərrüfatı istehsalı inkişaf etdi. Onun sözlərinə görə, Ümummilli Lider Heydər Əliyevin Azərbaycanda hakimiyyətə gəlməsi ilə milli inkişafın və intibahın əsası qoyuldu. “Azərbaycan ərazi baxımından kiçik olmasına baxmayaraq, kənd təsərrufatının inkişafına görə ən yüksək göstəricilərə nail oldu. Azərbaycanın elm, intellektual potensialı əhəmiyyətli dərəcədə yüksəldi. Azərbaycanda bir neçə ali məktəb yarandı. Bununla bərabər Azərbaycanın elm və intellektual potensialının gücləndirilməsi üçün çoxlu sayda Azərbaycan gəncləri keçmiş İttifaqın ən nüfuzlu ali məktəblərində təhsil almağa göndərildi. Onlar Azərbaycanın yeni kadr potensialını formalaşdırdılar. Beləliklə, qısa müddət ərzində Azərbaycan yeni iqtisadi, sosial bir mənzərəyə sahib oldu. Azərbaycanda, eyni zamanda, Heydər Əliyevin titanik səyləri nəticəsində ölkənin simasının dəyişilməsi istiqamətində əzəmətli işlər görüldü. İstər Bakı şəhərinin, istərsə də Azərbaycanın digər regionlarının siması ciddi şəkildə dəyişdi. Bakıda mənzil tikintisi geniş vüsət aldı. Rayonlarda, kəndlərdə əhalinin yaşayışının köklü surətdə dəyişməsi istiqamətində addımlar atıldı. Elmin, texnikanın, mədəniyyətin inkişafı, Azərbaycan mədəniyyətinin SSRİ miqyasında yüksək dəyərləndirilməsi və s. kimi bir-birindən əhəmiyyətli uğurlarımız, bunların hamısı Heydər Əliyevin Azərbaycana rəhbərliyi dövründə çox böyük inkişafın başlanğıcı kimi dəyərləndirilir” - deyə natiq vurğulayıb.
Əli Əhmədov onu da qeyd edib ki, Heydər Əliyevin Azərbaycan rəhbərliyinə seçilməsi yalnız həmin dövr üçün xarakterik deyildi: “Bu, Azərbaycanın gələcək, müstəqillik dövrünün tarixində də əhəmiyyətli rolunu oynadı. Tarixi paralellər fonunda bu reallığı da xüsusi qeyd etməliyik ki, Heydər Əliyev Azərbaycan öz müstəqiliyinə qovuşduqdan sonra ölkəmizi həmin dövrün faciələrindən qurtarmaq üçün yenə də xalq tərəfindən hakimiyyətə dəvət olundu. Azərbaycanın müstəqilliyinin möhkəmləndirilməsi, iqtisadiyyatının inkişaf etdirilməsi Heydər Əliyevin yerinə yetirdiyi tarixi missiya oldu. Bunlarla yanaşı, Heydər Əliyevin 1970-ci illərdə Azərbaycanda yaratdığı böyük potensial sonrakı inkişaf üçün möhkəm baza oldu. Ulu Öndər Heydər Əliyev dəfələrlə bildirirdi ki, Azərbaycanda müstəqillik, iqtisadi tərəqqi səbəbsiz yerə inkişaf edib möhkəmlənmir, bunun üçün möhkəm baza mövcuddur. Beləliklə, biz müstəqil Azərbaycan dövlətinin Ulu Öndər Heydər Əliyevin düzgün siyasəti nəticəsində formalaşdırılmasının şahidi olduq. Bu gün də Heydər Əliyevin müəyyənləşdirdiyi siyasət Azərbaycana yeni-yeni uğurlar gətirir. Azərbaycanın bu gününü başqa ideoloji prinsiplər əsasında olsa da belə, 1970-ci illərdəki yüksəlişdən, tərəqqidən, milli oyanışdan ayrı təsəvvür etmək mümkün deyildi. Bu gün də Heydər Əliyev siyasəti Azərbaycanda uğurla həyata keçirilir. Bu gün də dövlətimizin başçısı İlham Əliyev Heydər Əliyevin müəyyənləşdirdiyi əsas strateji kursu uğurla həyata keçirir. Əlbəttə ki, zaman günün əsas çağırışlarının reallaşdırılan siyasətdə öz əksini tapmasını bir tələb kimi ortaya qoyur. Bu yeniləşmə, təkmilləşmə dövlətimizin siyasətinin əsas xəttini təşkil edir. Dövlətimizin başçısı İlham Əliyevin dəfələrlə qeyd etdiyi kimi, bu gün Azərbaycan Heydər Əliyev siyasəti əsasında inkişaf edir, bu siyasətin prinsipləri əsasında yaşayır. Bu prinsiplər əsasında hazırda Azərbaycan uğurlu siyasətini həyata keçirir, bu prinsiplər əsasında Azərbaycan müasir dünyanın ən uğurlu gənc dövlətlərindən birinə çevrilib. Bu prinsiplər əsasında Azərbaycan özünün parlaq və işıqlı gələcəyini təmin edib”.
Milli Məclisin Regional məsələlər komitəsinin sədri, YAP İdarə Heyətinin üzvü Arif Rəhimzadə çıxışında Ulu Öndər Heydər Əliyevin hakimiyyətə gəlişi ərəfəsində ölkəmizin çox ciddi problemlərlə üz-üzə qaldığını xatırladıb: “O zaman əhalinin yarısı kənd təsərrüfatı sahəsində işləyirdi. Amma bu sahə inkişaf etmədiyi üçün insanların sosial vəziyyəti pisləşirdi. Heydər Əliyevin hakimiyyətə gəlişindən sonra Azərbaycanda bütün sahələr inkişaf etməyə başladı. Bir sıra mühüm qərarlar qəbul edildi və bu qərarlar nəticəsində Sovet İttifaqından Azərbaycana böyük bir vəsait ayrıldı. Çayçılıq, üzümçülük və digər sahələr inkişaf etdi. O vaxt Ermənistanın Azərbaycana qarşı ərazi iddiaları formalaşırdı. Ulu Öndər Heydər Əliyev hakimiyyətə gələndən sonra onlar bu iddialardan bir müddət əl çəkdilər”.
A.Rəhimzadə deyib ki, Ümummilli Lider Heydər Əliyev güclü, iradəli şəxsiyyət və müdrik siyasətçi idi: “Lakin Onun yüksək mədəniyyəti, dərin biliyi və iti zəkası, ünsiyyət tərzi insanları Onun qəbul etdiyi qərarları, verdiyi göstərişləri və tapşırıqları yerinə yetirməyə məcbur etməkdən daha çox, onların doğru və vacib olmasına inandırırdı. Bu və ya digər qərarı qəbul etməzdən əvvəl O, müxtəlif baxışları öyrənir, hər kəsin öz fikrini söyləməsinə və təkliflər verməsinə imkan yaradırdı. Qəbul edilən qərarlar, bir qayda olaraq, müzakirənin məntiqinə uyğun gəlirdi. Bəzən müzakirənin gedişində o sahədə çalışan tanınmış mütəxəssislərin fərqli düşüncələri olsa da, Heydər Əliyevin rəyi həlledici amil olurdu. Mülahizələrini tutarlı dəlillərlə dərindən əsaslandırması və başqalarını inandırmaq bacarığı sayəsində Heydər Əliyevin rəyi ilə son nəticədə hamı razılaşırdı. Ulu Öndər Heydər Əliyev Özünə və ətrafındakılara qarşı tələbkar idi. Qəbul etdiyi qərarların dönmədən yerinə yetirilməsinə çalışırdı. Təşəbbüskarlığı, mütərəqqi ideyaları və hərəkətləri dəstəkləyir və həvəsləndirirdi. Heydər Əliyev Öz qərarlarının və hərəkətlərinin düzgünlüyünə qəti əmin idi, düzgün saymadığı və hamılıqla qəbul edilmiş normalara uyğun gəlməyən hərəkəti etmirdi. Bu inamı ətrafındakılara da sirayət edir, Onun qərarlarını və hərəkətlərini hamı üçün anlaşıqlı şəklə salır, insanları səfərbər edirdi.
Məhz buna görə Azərbaycan üçün böhranlı dövr olan 1990-cı illərdə əhalinin mütləq əksəriyyəti siyasi baxışlarından, digər amillərdən asılı olmayaraq, Ulu Öndər Heydər Əliyevin rəhbərliyə qayıtmasının zəruriliyini anlayır, ölkənin qurtuluşunu Onun şəxsiyyəti ilə bağlayırdı.
Ulu Öndər Heydər Əliyev nəhəng, uca və müdrik şəxsiyyət idi. Lakin O, insanlar üçün əlçatan, diqqətli və qayğıkeş idi, yaxşılığı yüksək qiymətləndirir və yadında saxlayırdı. Heydər Əliyev şəxsiyyətinin çox böyük cazibə qüvvəsi vardı, insanların qəlbinə yol tapırdı, xalqımız Ona böyük hörmət və məhəbbət bəsləyirdi”.
YAP İdarə Heyətinin üzvü qeyd edib ki, Ulu Öndər Heydər Əliyevin irsi zəngin xəzinədir və bu irs dərindən öyrənilməlidir.
Daha sonra çıxış edən Azərbaycan Ağsaqqallar Şurasının sədri, Milli Məclisin deputatı Fəttah Heydərov bildirib ki, Ümummilli Lider Heydər Əliyevin hakimiyyətə gəldiyi gün Azərbaycanın müstəqilliyə gedən yolunun əsası qoyulub: “Keçmiş SSRİ-də iqtisadi inkişaf baxımından sonuncu yerdə olan Azərbaycan Heydər Əliyevin hakimiyyəti illərində ilk yerlərdə qərarlaşdı. Azərbaycan sürətlə inkişaf etdi və Sovetlər İttifaqının ən qabaqcıl ölkələrindən birinə çevrildi”.
F.Heydərov deyib ki, ölkəmizin, xalqımızın, dövlətçiliyimizin keçdiyi yola nəzər saldıqda hər bir Azərbaycan vətəndaşı Heydər Əliyev yolunu uğurlu, şərəfli və gələcəyə çox böyük ümidlər yaradan bir yol kimi görür. Onun sözlərinə görə, hələ sovetlər hakimiyyəti dövründə hakimiyyətə gələn Ulu Öndərimiz tənəzzül vəziyyətində olan Azərbaycanı dirçəltdi: “Müstəqillik yolumuz da Ümummilli Lider Heydər Əliyevin parlaq zəkasının, Onun Azərbaycan torpağına, Azərbaycan insanına olan sevgisinin təzahürü kimi meydana çıxdı. Azərbaycan xalqı, ictimaiyyətin nümayəndələri çox haqlı olaraq bu illər ərzində ölkədə bütün sahələrdə uğurlara aparan yolun parlaq bir yol olduğunu qeyd edir və bu yol Heydər Əliyev yolu adlandırılır. Bu gün ölkəmiz Ümummilli Lider Heydər Əliyevin müəyyənləşdirdiyi siyasət əsasında inkişaf edir. Azərbaycanın mövcudluğunun qorunub saxlanması, inkişafı, ölkəmizdə sabitlik və həmrəyliyin təmin olunması bilavasitə xalqımızın Ümummilli Lideri Heydər Əliyevin adı ilə bağlıdır”.
Azərbaycan Ağsaqqallar Şurasının sədri qeyd edib ki, Ümummilli Liderimiz Heydər Əliyev bütün həyatını, varlığını mənsub olduğu doğma xalqına həsr edib: “Dünya siyasətində böyük şəxsiyyətlər çoxdur, amma xalqının tarixinə çevrilən, millətinin, dövlətinin adı çəkilən kimi yada düşən siyasi xadimlər nadirdir. Heydər Əliyev məhz belə şəxsiyyətdir. Bu gün Ümummilli Liderimizi xatırlayanda gözümüzün önündə canlanan ilk tablo da müstəqil Azərbaycandır. Çox sevindirici haldır ki, Ümummilli Liderimiz Heydər Əliyevin siyasəti Onun layiqli davamçısı, siyasi varisi cənab Prezident İlham Əliyev tərəfindən uğurla davam etdirilir. Əldə edilən çoxsaylı nailiyyətlər sübut edir ki, Ulu Öndərimizin müstəqil Azərbaycanın gələcəyi üçün nəzərdə tutduğu bütün işlər böyük uğurla həyata keçirilir. Bu gün hər bir vətəndaşımız ölkəmizin uğurlarından qürur duyur. Bu gün dünyada hörmətlə qarşılanan Azərbaycan Heydər Əliyevin seçdiyi yolun nə dərəcədə uğurlu yol olduğunu göstərir. Azərbaycan müxtəlif dinlərin və xalqların nümayəndələrinin tolerant şəraitdə yaşadığı bir dövlət, iqtisadi, mədəni və digər sahələrdə inkişafın nümunəsidir”.
“Azərbaycan Respublikası Meliorasiya və Su Təsərrüfatı” Açıq Səhmdar Cəmiyyətinin sədri Əhməd Əhmədzadə çıxışında bildirib ki, Ümummilli Lider Heydər Əliyevin 1969-cu ildə Azərbaycanda hakimiyyətə gəlməsi respublikamızı işıqlı gələcəyə doğru aparan yolun başlanğıcına çevrildi və bu tarix hər bir azərbaycanlı üçün qürur tarixidir. Onun sözlərinə görə, Ulu Öndərin rəhbərliyi ilə görülən işlər, həyata keçirilən tədbirlər respublikamızın dirçəlişini və inkişafını, eləcə də əhalinin rifahının daha da yaxşılaşmasını təmin etdi, yeni perspektivlər yaratdı: “Bilirsiniz ki, o vaxt SSRİ-nin tərkibində olan ayrı-ayrı respublikaların inkişaf göstəriciləri fərqli idi. Azərbaycan isə 1969-cu ilədək sənaye, kənd təsərrüfatı və digər strateji əhəmiyyətli sahələrdə nailiyyətlər əldə edə bilməmişdi, hətta respublikada ciddi tənəzzül müşahidə edilirdi. Yəni Azərbaycan İttifaq miqyasında sosial-iqtisadi göstəricilərə görə nəinki ön cərgədə qərarlaşa bilməmişdi, hətta olduqca geridə qalmış, sonuncu sıralarda qərarlaşmışdı. Belə olan halda, ayrı-ayrı sahələrin inkişafını və respublikanın tərəqqisini təmin edəcək konkret fəaliyyət planı və real işlər ortaya qoymaq lazım idi. Bunu etmək mümkün idi, çünki respublikamız geniş potensiala malik idi. Məhz Azərbaycan Kommunist Partiyası Mərkəzi Komitəsinin 1969-cu il iyul plenumunda Heydər Əliyevin Azərbaycan Kommunist Partiyası Mərkəzi Komitəsinin birinci katibi seçilərək respublikanın rəhbəri olmasından sonra bu məqsədə nail olmaq, yəni Azərbaycanın inkişafı və yüksəlişini təmin etmək mümkün oldu. Təsadüfi deyil ki, qısa müddətdə Azərbaycan İttifaq səviyyəsində sənaye istehsalının artım sürətinə görə ilk yerdə qərarlaşdı, digər sahələrdə də çox əhəmiyyətli irəliləyişlər qeydə alındı. Ən əsası, aqrar sektorun inkişafını təmin edən, bu sahədə yeni perspektivlər yaradan mühüm işlər görüldü, əhəmiyyətli nəticələr əldə edildi”.
Onun sözlərinə görə, Ulu Öndər Heydər Əliyev 1969-1982-ci illərdə respublikamıza rəhbərlik etdiyi dövrdə meliorasiya və su təsərrüfatının inkişafını da xüsusi diqqət mərkəzində saxlayırdı. Ölkəmizdə meliorasiya və irriqasiyanın inkişafı, bu sahədə aparılan islahatlar, böyük quruculuq işləri, geniş meliorasiya potensialının yaradılması və perspektiv proqramların qəbul edilməsi Ümummilli Lider Heydər Əliyevin yorulmaz fəaliyyətinin bəhrəsi olub. “Müstəqillik dövrünün ilk illərində ölkədə bütün sahələrdə olduğu kimi, meliorasiya və su təsərrüfatı sahəsində də böhranlı vəziyyət hökm sürürdü. Böyük zəhmət və külli miqdarda vəsait hesabına yaradılmış qurğular, suvarma sistemləri qəza halına düşmüşdü, sahənin fəaliyyətinə və inkişafına ayrılan sərmayənin həcmi heçə endirilmişdi. 1993-cü ildə Ulu Öndər Heydər Əliyevin xalqın təkidli tələbi ilə hakimiyyətə gəlməsindən sonra meliorasiya və su təsərrüfatı sahəsi öz inkişafının yeni mərhələsinə qədəm qoydu. Bu sahəyə diqqət və dövlət qayğısı bərpa olundu, mövcud meliorasiya potensialının dağıdılmasının qarşısı alındı, ondan daha səmərəli istifadə olunması yolları və sahənin gələcək inkişaf istiqamətləri müəyyənləşdirildi. Hər il meliorasiya su təsərrüfatı sistemlərinin istismarına müəyyən miqdarda vəsait ayrılaraq təmizləmə işləri həyata keçirildi və bu vəsaitin həcmi ilbəil artırıldı. Aqrar sahədə aparılan islahatlarla paralel olaraq meliorasiya və su təsərrüfatında da islahatların aparılmasına başlanıldı. Ümummilli Lider Heydər Əliyev ölkəmizə rəhbərlik etdiyi bütün dövrlərdə həyata keçirilən siyasət, aparılan islahatlar gələcək inkişafın fundamental bazasını, etibarlı təməlini yaradıb və bu gün biz bunun nəticələrini bütün sahələrdə aydın görürük. Bu gün Azərbaycan Respublikasının Prezidenti cənab İlham Əliyev Ulu Öndər Heydər Əliyevin əsasını qoyduğu siyasəti uğurla davam etdirir, bu siyasət milli maraqlara, müasir tələblər və çağırışlara cavab verir, yeni müsbət reallıqların yaranmasını şərtləndirir” - deyə Ə.Əhmədzadə vurğulayıb.
Milli Məclisin İqtisadi siyasət, sənaye və sahibkarlıq komitəsinin sədri, akademik Ziyad Səmədzadə Ulu Öndər Heydər Əliyevin müəyyənləşdirdiyi siyasətin iqtisadi aspektləri haqqında danışıb. Onun sözlərinə görə, sovetlər dönəmində məhz Ulu Öndər Heydər Əliyevin məqsədyönlü siyasəti nəticəsində Azərbaycan iqtisadiyyatı keçmiş ittifaq respublikaları arasında ön sıralara çıxdı. Komitə sədri deyib ki, müstəqil Azərbaycanın iqtisadiyyatı da Ulu Öndər Heydər Əliyevin müəyyənləşdirdiyi strategiya nəticəsində inkişaf edib. Hazırda bu siyasəti Prezident İlham Əliyev uğurla davam etdirir.
Çıxış edən Azərbaycan Yazıçılar Birliyinin katibi Nazim İbrahimov Ümummilli Lider Heydər Əliyevlə bağlı xatirələrini danışıb. Xüsusilə, 1990-cı illərin əvvəlində Azərbaycanın böhranlı vəziyyətində xalqın Ulu Öndərin hakimiyyətə gəlməsini tələb etdiyini deyən N.İbrahimov o dövrdə digər ziyalılarla birlikdə Ümummilli Lider Heydər Əliyevlə keçirilən görüşləri xatırladıb. O qeyd edib ki, Ulu Öndər Heydər Əliyev Azərbaycan dövlətinin və xalqının xilaskarıdır.
Nardar BAYRAMLI

 
  • Oxunub:  7920  |  
  • Tarix:  09-07-2019  |  
  •    Çap et   |  

Qəzetin son buraxılışı

Azərbaycanın dünyanın aparıcı iqtisadi qurumları ilə əməkdaşlıq əlaqələri daha da möhkəmlənir

25 Yanvar 19:52
Moskva Dövlət Beynəlxalq Münasibətlər İnstitutunun rektoru ADA Universitetində mühazirə oxuyub
25 Yanvar 19:45
Qafqaz Müsəlmanları İdarəsinin sədri “Bakı-Moskva: mədəniyyətlərin dialoqu” konfransının iştirakçıları ilə görüşüb
25 Yanvar 17:32
Saatlıda “Pambıqçılıq 2020: qarşıda duran vəzifələr” mövzusunda respublika müşavirəsi keçirilib
25 Yanvar 17:27
Prezident İlham Əliyev Davos Forumunda Azərbaycanın yeni hökumətinin prioritetlərini açıqlayıb
25 Yanvar 17:17
Əli Əhmədov: Beynəlxalq İqtisadi Forum gündən günə inkişaf edən Azərbaycanın və onun iqtisadiyyatının dünyaya açılması üçün gözəl bir imkandır
25 Yanvar 17:11
Deputatlığa namizəd Fatma Yıldırım Bərdə rayonunda şəhid ailələrini ziyarət edib
25 Yanvar 16:37
19 saylı Nərimanov birinci seçki dairəsindən deputatlığa namizəd Hikmət Babaoğlu seçicilərlə növbəti görüşünü keçirib
25 Yanvar 16:31
İnanıram ki, seçicilər gələcəyin partiyası olan YAP-ın namizədlərinə səs verəcəklər
25 Yanvar 16:28
Deputatlığa namizəd Elnur Rəhimovun seçicilərlə növbəti görüşü keçirilib
25 Yanvar 16:24
Prezident İlham Əliyev Avstraliya İttifaqının General-Qubernatorunu təbrik edib
25 Yanvar 16:22
"Seçkilərin yüksək səviyyədə keçirilməsində məntəqə seçki komissiyaları böyük məsuliyyət daşıyırlar"
25 Yanvar 16:17
Yevlax gəncləri “Könüllü qonaq” təşəbbüsünə qoşulublar
25 Yanvar 16:15
Deputatlığa namizəd Səməd Seyidov Qazax rayonunda seçicilərlə görüşlər keçirib
25 Yanvar 16:03
Ermənistan işğal olunmuş ərazilərimizdəki abidələri “bərpa” etmək adı altında erməniləşdirmə siyasəti aparır - BƏYANAT
25 Yanvar 15:59
Deputatlığa namizəd Aqiyə Naxçıvanlı Oğuz rayonu Bucaq kəndində seçicilərlə görüşüb
25 Yanvar 15:54
Prezident İlham Əliyev Türkiyədəki azərbaycanlı tələbələrin zəlzələ zonasından təxliyəsi haqqında tapşırıq verib
25 Yanvar 15:25
Pakistan portalı Azərbaycanda keçiriləcək parlament seçkiləri ilə bağlı məqalə yayıb
25 Yanvar 15:16
Azərbaycan deputatları AŞPA-nın qış sessiyasında iştirak edəcəklər
25 Yanvar 15:12
Bütün seçiciləri daha güclü Azərbaycan naminə partiyamızın namizədlərinə səs verməyə çağırıram
25 Yanvar 15:03
Deputatlığa namizəd Fatma Yıldırım Bərdənin Şatırlı, İkinci Nazırlı, Kürdborakı, Hacılı, Birinci Qazaxlar kəndlərində seçicilərlə görüşüb
25 Yanvar 14:56
Ehsan Zahidov: “Salyanda polisin qıza təcavüz etməsi barədə məlumat tamamilə əsassız və uydurmadır”
25 Yanvar 14:22
Azərbaycan Ordusunda Həzi Aslanovun 110 illiyinə həsr olunan silsilə tədbirlər keçirilib
25 Yanvar 13:25
Azərbaycan Prezidenti türkiyəli həmkarına başsağlığı verib
25 Yanvar 11:47
YAP-ın 11 saylı Qaradağ seçki dairəsindən namizədi Aydın Hüseynovun Ələt qəsəbəsinin sakinləri ilə görüşü keçirilib
25 Yanvar 11:29
Nazirlər Kabinetində icbari sığorta sahəsində qarşıda duran vəzifələr müzakirə edilib
25 Yanvar 11:26
Heydər Əliyev Mərkəzində “Onları Bakı və Moskva sevir” fotosərgisi açılıb
25 Yanvar 11:21
Dilarə Cəbrayılova: Azərbaycanın nüfuzlu Davos İqtisadi Forumu ilə fəal əməkdaşlığı ölkəmizin iqtisadi inkişafı üçün yeni imkanlar açıb
25 Yanvar 11:19
Fevralın 24-dən “Gənclər Paytaxtı 2020” müsabiqəsinin onlayn səsvermə mərhələsi start götürəcək
25 Yanvar 11:17
Vətəndaşlara Xidmət və Sosial İnnovasiyalar üzrə Dövlət Agentliyi Dünya İqtisadi Forumunda təmsil olunub
25 Yanvar 11:15
Dövlət Şəhərsalma və Arxitektura Komitəsində ötən ilin yekunları müzakirə olunub
25 Yanvar 11:12
Gənclərin İnkişaf və Karyera Mərkəzinin Samuxda və Göygöldə nümayəndəlikləri açılıb
25 Yanvar 11:09
Heydər Əliyev Fondunun təşkilatçılığı ilə UNESKO-nun baş qərargahında Azərbaycan xalçalarının sərgisi açılacaq
25 Yanvar 10:14
İcbari Tibbi Sığorta üzrə Dövlət Agentliyinin açıqlaması
25 Yanvar 10:08
Azərbaycanın dünyanın aparıcı iqtisadi qurumları ilə əməkdaşlıq əlaqələri daha da möhkəmlənir
24 Yanvar 18:11
Dövlət Komitəsinin sədri Sabirabadda məcburi köçkünləri qəbul edib
24 Yanvar 18:09
Yeni Azərbaycan Partiyasının Gəncədən olan 4 namizədinin gənclərlə görüşü keçirilib
24 Yanvar 17:43
Deputatlığa namizəd Kamran Bayramov Şəmkirin Mehrili və Abbaslı kəndlərində seçicilərlə görüşüb
24 Yanvar 17:43
Türkiyəli professor: "Azərbaycanda seçici, media və dövlət arasında əlaqə düzgün qurulub"
24 Yanvar 17:40
YAP tərəfindən deputatlığa namizədliyi irəli sürülmüş Niyazi Tağıyev seçicilərlə növbəti görüşünü keçirib
24 Yanvar 17:36
Yuli Qusman: "Parlament seçkilərindən sonra da Azərbaycanın demokratik inkişafı davam edəcək"
24 Yanvar 17:28
Mariya Zaxarova: "Parlament seçkilərinin nəticələri dost Azərbaycan xalqının rifahının yaxşılaşmasına xidmət edəcək"
24 Yanvar 17:26
“Bakı-Moskva: mədəniyyətlərin dialoqu” konfransı çərçivəsində “Mədəniyyətlərin dialoqu xalqların dialoqunun əsasıdır” mövzusunda dəyirmi masa keçirilir
24 Yanvar 17:19
Deputatlığa namizəd Ramil Həsən Ucarda seçicilərlə növbəti görüşlər keçirib
24 Yanvar 17:07
Energetika naziri Siyəzəndə, nazir müavinləri isə Qobustan və Cəlilabadda vətəndaşları qəbul ediblər
24 Yanvar 16:59
19 saylı Nərimanov birinci seçki dairəsindən deputatlığa namizəd Hikmət Babaoğlu seçicilərlə növbəti görüşünü keçirib
24 Yanvar 16:04
“YARAT”da yeni tamaşanın premyerası olacaq
24 Yanvar 15:57
Sabirabadlıların seçimi Əhliman Əmiraslanovdur
24 Yanvar 15:49
Heydər Əliyev Fondunun layihəsi olan “Balaca Şahzadə” növbəti dəfə repertuara salınıb
24 Yanvar 15:40
Deputatlığa namizəd Eldəniz Səlimov Xaçmazda seçicilərlə növbəti görüş keçirib
24 Yanvar 15:36
İmadəddin Nəsimiyə həsr olunmuş “Mənəm, mən...” tamaşası yenidən səhnədə
24 Yanvar 15:34
Seçicilər ümumxalq partiyası olan Yeni Azərbaycan Partiyasının namizədlərinə səs verəcəklər
24 Yanvar 15:31
Bakı məktəblilərinin beynəlxalq yarışlarda əldə etdiyi uğurların sayı artmaqdadır
24 Yanvar 15:26
MSK-nın Şəkidə keçirdiyi regional seminarda seçki mübahisələrinin həllinə dair məsələlər müzakirə olunub
24 Yanvar 15:22
Gəncədə seçki mübahisələrinin məhkəmə qaydasında həllinə dair regional müşavirə keçirilib
24 Yanvar 15:12
Ağdaşlılar YAP-ın namizədinə səs verəcəklər
24 Yanvar 14:51
YAP-ın namizədi Kamaləddin Qafarovun təhsil işçiləri ilə görüşü keçirilib
24 Yanvar 14:43
Deputatlığa namizəd Məşhur Məmmədov Masallı rayonu Xırmandalı kəndində seçicilərlə görüşüb
24 Yanvar 14:35
Fikrət Sadıqov: "Cəmiyyətdə seçkilərə maraq kifayət qədər yüksəkdir"
24 Yanvar 14:29
Yeni TV-də qonaq Yeni Azərbaycan Partiyasının 21 saylı Nəsimi ikinci seçki dairəsindən deputatlığa namizədi Məlahət İbrahimqızıdır (VİDEO)
24 Yanvar 14:20
Prezident İlham Əliyevin Davosda İsveçrənin Montrö şəhərinin meri ilə görüşü olub
24 Yanvar 14:15
Prezident İlham Əliyev Davosda “Equinor” şirkətinin baş icraçı direktoru ilə görüşüb
24 Yanvar 14:08
Şöhrət Barlas: "Parlament seçkilərindən yalnız müsbət gözləntilərim var”
24 Yanvar 14:04
Azərbaycanda qar ehtiyatlarının toplanmasında azalma tendensiyası müşahidə olunur
24 Yanvar 13:58
Prezident İlham Əliyev Davos Forumunun tribunasından Azərbaycan reallıqlarını dünyaya çatdırır
24 Yanvar 13:54
İnanıram ki, 2020-ci il fevral ayının 9-da seçicilərin əksəriyyəti Yeni Azərbaycan Partiyasının namizədlərinə səs verəcək
24 Yanvar 13:05
Elçin Əhmədov: Prezident İlham Əliyevin Davosdakı görüşləri Azərbaycanın yüksək beynəlxalq nüfuzunun əyani göstəricisidir
24 Yanvar 12:43
Deputatlığa namizəd Fatma Yıldırım növbəti görüşlərini Bərdə rayonunun mədəniyyət və səhiyyə işçiləri ilə keçirib
24 Yanvar 11:46
"Yeni parlamentdə Azərbaycanın daha da inkişafına töhfə verəcək insanların yer alacağına ümid edirəm"
24 Yanvar 11:29
Stefan Şennak: "Əminəm ki, Azərbaycanda parlament seçkiləri ədalət prinsipləri əsasında keçiriləcək"
24 Yanvar 11:15
Moldova MSK-sının və parlamentinin nümayəndələri Azərbaycanda seçkiləri izləyəcəklər

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
HAVA HAQQINDA