Ana səhifə »  Siyasət »  Müstəqil siyasət aparan Azərbaycan bu gün ən yüksək zirvələrə çatıb
A+   Yenilə  A-
Müstəqil siyasət aparan Azərbaycan bu gün ən yüksək zirvələrə çatıb

Prezident İlham Əliyev: Yolumuz müstəqillik yoludur. Heç bir kənar qüvvə bizi bu yoldan döndərə bilməz
2018-ci il aprelin 11-də müstəqil Azərbaycanın həyatında daha bir əlamətdar hadisə yaşandı - çoxlu sayda yerli və beynəlxalq müşahidəçilərin izlədiyi prezident seçkiləri uğurla yekunlaşdı. Əvvəlki seçkilərdə olduğu kimi bu dəfə də Azərbaycan xalqı yüksək fəallıq və vətəndaş mövqeyi sərgilədi, cəmiyyətin müxtəlif təbəqələrinin nümayəndələri seçki məntəqələrinə gələrək sərbəst şəkildə öz iradələrini ifadə etdilər. Mərkəzi Seçki Komissiyasından verilən məlumatda seçicilərin səsvermədə iştirak fəallığının 74,30 faiz olduğu bildirilib.
Seçki prosesini izləyən yerli və beynəlxalq müşahidəçilərin rəyi belədir ki, Azərbaycan növbəti prezident seçkilərini azad və şəffaf şəkildə keçirməklə demokratiya yolunda növbəti uğura imza atıb. Mərkəzi Seçki Komissiyasının məlumatında bildirilir ki, tam demokratik şəraitdə baş tutan seçkilərin ilkin nəticələrinə əsasən, Yeni Azərbaycan Partiyasının namizədi, dövlət başçısı İlham Əliyev 3 milyon 397 min 664 səs (86,03 faiz) toplayaraq digər namizədləri böyük fərqlə arxada qoyub.
Onu da deyək ki, seçkilərin ilkin nəticələri Azərbaycan cəmiyyətində böyük coşqu yaradıb. Bu günlərdə paytaxt Bakıda və bölgələrdə insanlar küçələrə, meydanlara çıxaraq son 15 ildə Azərbaycan dövlətinə bacarıqla rəhbərlik edən, məqsədyönlü daxili və xarici siyasəti ilə ölkəmizə çoxsaylı uğurlar qazandıran Prezident İlham Əliyevin seçkilərdə inamlı qələbə qazanmasını əsl toy-bayram sevinci ilə qeyd edirlər. Prezident seçkilərində İlham Əliyevin inamlı qələbə qazanması münasibətilə aprelin 12-də Bakıda Heydər Əliyev Mərkəzinin qarşısındakı parkda keçirilən möhtəşəm konsert proqramında dövlət başçısının Özü və ailə üzvləri də iştirak ediblər. “Açıq, şəffaf, ədalətli şəkildə keçirilmiş seçkilər Azərbaycan xalqının iradəsini əks etdirmişdir. Seçkilərdə mənə göstərilən dəstək məni daha da ruhlandırır, daha böyük güc verir. Seçkilərdə xalqımız həm görülən işlərə, real nəticələrə, eyni zamanda, bizim gələcəyimizə, xoşbəxt gələcəyimizə səs vermişdir. Əminəm ki, bundan sonra da ölkəmiz uğurla inkişaf edəcək. Bundan sonra da Azərbaycan xalqı sabitlik, təhlükəsizlik şəraitində yaşayacaq”, - deyə tədbirdə çıxış edən Prezident İlham Əliyev vurğulayıb.
Seçkilərin nəticələri xalqın Prezident İlham Əliyevə böyük inamını ifadə edir
Ölkəmizi fərqləndirən əsas cəhətlərdən biri ondan ibarətdir ki, Azərbaycan iqtidarı apardığı siyasətdə bir qayda olaraq milli maraqları əsas götürür, daim xalqın mənafeyindən çıxış edir. Öz növbəsində, cəmiyyət də iqtidarın siyasətinə yüksək səviyyədə dəstək verir.
Son 15 ilin təcrübəsinə diqqət yetirdikdə Prezident İlham Əliyevin daim xalqın arzu və istəkləri ilə üst-üstə düşən və reallıqla səsləşən təşəbbüslərlə çıxış etdiyinin şahidi oluruq. Ölkədə aparılan praqmatik siyasət ilk növbədə xəlqi mahiyyəti ilə fərqlənir. Dövlət başçısı mütəmadi qaydada ictimaiyyətin nümayəndələri ilə görüşür, tez-tez bölgələrə səfərlərə gedir. Bu görüşlər və səfərlər isə izsiz ötüşmür. Dövlət başçısı insanları narahat edən məsələlərlə yerindəcə tanış olur, həmçinin əvvəllər verilən tapşırıqların müvafiq qurumlar tərəfindən necə icra edildiyi ilə maraqlanır. Beləliklə, bir tərəfdən nəzarət möhkəmlənir, məmurların məsuliyyəti artır, digər tərəfdən isə dövlət siyasətinin prioritetləri müəyyənləşdirilərkən yerlərdə insanların qaldırdıqları məsələlər mütləq nəzərə alınır. Deyilənlərin təsdiqi olaraq vurğulamaq yerinə düşər ki, Prezident İlham Əliyev təkcə 2017-ci ildə 30-dan çox rayona səfərə gedib və çoxlu sayda sosial-iqtisadi təyinatlı obyektlərin açılışında iştirak edib, dəyərli tövsiyələrini verib, əmək kollektivlərinin, ictimaiyyətin nümayəndələri ilə görüşlər keçirib.
Eyni zamanda, Azərbaycanda son 15 ildə Prezident İlham Əliyevin iradəsi ilə bilavasitə insanların mənafeyinə yönələn dərinməzmunlu sosial siyasət həyata keçirilib. Sosial dövlət olan Azərbaycanda reallaşdırılan məqsədyönlü dövlət siyasətinin mərkəzində vətəndaşların maraqları dayanır. Respublikada davamlı iqtisadi inkişaf, aparılan islahatlar dərinməzmunlu sosial siyasətlə tamamlanır. Ölkədə insanların həyat şəraitinin yaxşılaşması, gəlir imkanlarının artırılması məqsədilə ardıcıl şəkildə reallaşdırılan proqramlar, genişmiqyaslı tədbirlər bunu əyani şəkildə təsdiqləyir. Təkcə belə bir faktı vurğulamaq kifayətdir ki, son 15 ildə respublikamızda maaşlar beş, pensiyalar səkkiz dəfə artırılıb.
Azərbaycanda reallaşdırılan sosial siyasət özünün son dərəcə geniş spektri ilə diqqəti cəlb edir. Ölkədə dövlət qayğısına ehtiyacı olan bütün insanlar dövlət dəstəyindən bəhrələnirlər. İnsanlar arasında ədalətli resurs bölgüsü təmin edilir ki, bu da aparılan dərinməzmunlu sosial siyasətin əlamətidir.
Deyilənlərdən də göründüyü kimi, Prezident İlham Əliyevin müəyyənləşdirdiyi dövlət siyasətinin mərkəzində ancaq bir qüvvə - Azərbaycan vətəndaşı dayanır. Öz növbəsində, dövlət başçısının apardığı sosial məzmunlu siyasət cəmiyyətdə Ona böyük inam formalaşdırıb. Konsert proqramında da qeyd edildiyi kimi, dövlətimizin başçısının əldə etdiyi ən böyük nailiyyət Onun xalqın sonsuz məhəbbətini qazanmasıdır. Ötən illər ərzində uğurla reallaşdırdığı siyasətin əsas mahiyyətinə, qayəsinə diqqət çəkən Prezident İlham Əliyev vurğulayıb: “Mən həmişə Azərbaycan xalqının dəstəyini hiss etmişəm, bu dəstəyə arxalanmışam. Mənim fəaliyyətimdə Azərbaycan xalqının dəstəyi əsas rol oynayır. Həmişə çalışmışam ki, xalqa sədaqətlə, ləyaqətlə xidmət edim”.
Aprelin 11-də Azərbaycan xalqı ölkədə sabitliyin və tərəqqinin bundan sonra da davamına səs verdi
Son 15 ildə Azərbaycanda Prezident İlham Əliyevin rəhbərliyi ilə həyata keçirilən uğurlu siyasəti müxtəlif parametrlər baxımından dəyərləndirsək, ölkədə hökm sürən sabitliyi, əmin-amanlığı xüsusi qeyd edə bilərik. Məlumdur ki, hazırda dünyada sabitlik və təhlükəsizlik kimi məsələlər çox ciddi önəm kəsb edir. Bir sıra hallarda ayrı-ayrı ölkələrdəki qeyri-sabitlik, xalqların və ölkələrin dinc qonşuluq şəraitində yaşamalarına göstərilən təhdidlər dövlətlərin öz potensiallarını inkişafa və rifaha yönəltmələrinin qarşısını alır. Dünyanın bu və ya digər regionunda yaşanan gərginlikdən, müharibələrdən, siyasi-iqtisadi kataklizmlərdən sadə insanlar daha artıq dərəcədə əziyyət çəkirlər - onlar böyük məhrumiyyətlərlə üzləşir, öz gələcəklərini qura bilmir, təhsildən, qlobal miqyasda gedən tərəqqiyə, müsbət dəyişikliklərə inteqrasiyadan kənarda qalırlar. Lakin ölkəmizdə tamamilə fərqli mənzərə hökm sürür. Belə ki, Prezident İlham Əliyevin apardığı siyasət sayəsində Azərbaycan xalqı öz həyatını sabitlik şəraitində qurur, gələcəyə böyük inamla baxır.
Son 15 ildə Azərbaycanda sabitliyin, əmin-amanlığın təmin olunması ölkənin potensialını, gücünü sosial-iqtisadi inkişafa yönəltmək üçün münbit zəmin rolunda çıxış edib. Hər bir ölkənin uğurlu inkişafını dəyərləndirmək baxımından sosial-iqtisadi inkişaf göstəriciləri çox önəmlidir. Güclü iqtisadiyyat olmadan ölkənin hərtərəfli inkişafından, qarşıda duran vəzifələrin uğurlu həllindən də söhbət açmaq mümkün deyil. Bu mənada Azərbaycanın güclü potensialından, o cümlədən də neft gəlirlərindən səmərəli istifadə etməklə ölkənin iqtisadi müstəqilliyinin təmin edilməsini hədəfləyən siyasətin önəmini xüsusi qeyd etmək lazımdır. Respublikada neftdənkənar, innovativ əsaslı, elm tutumlu iqtisadiyyat quruculuğu davamlı şəkildə diqqət mərkəzində saxlanılıb. Belə məqsədyönlü yanaşmanın nəticəsidir ki, Azərbaycan qısa müddətdə Cənubi Qafqaz coğrafiyasında ən güclü iqtisadiyyata malik ölkəyə çevrilib. 2004-cü ildən bəri bütün dünya üzrə ÜDM istehsalının artımında ən yaxşı göstəricilərdən biri 3 dəfədən çox olmaqla məhz Azərbaycanda qeydə alınıb. Bəhs olunan dövrdə respublikanın qeyri-neft iqtisadiyyatı 2,8 dəfə artıb. Bu, onu göstərir ki, Azərbaycanın iqtisadi inkişafı, sadəcə olaraq, neftin, qazın istehsalı ilə bağlı deyil, çoxşaxəlidir.
Bu gün Azərbaycan dünyanın azsaylı ölkələrindəndir ki, heç bir başqa dövlətdən, heç bir beynəlxalq təşkilatdan asılı deyil. Ölkəmizin maliyyə vəziyyəti kifayət qədər yaxşıdır. Son 15 ildə genişmiqyaslı infrastruktur quruculuğuna böyük həcmlərdə sərmayələr yönəldilməsinə baxmayaraq, respublikamız özünün strateji valyuta ehtiyatlarını artırmağa nail olub. Hazırda respublikamızın strateji valyuta ehtiyatları 44 milyard dollara çatıb ki, bu da kifayət qədər böyük rəqəmdir. Eyni zamanda, yaradılan əlverişli investisiya mühitinin nəticəsi olaraq son 15 ildə ölkəmizə 230 milyard dollardan artıq sərmayələr yönəldilib.
Azərbaycanın inkişafı o səviyyəyə çatıb ki, ölkəmizin uğurları beynəlxalq səviyyədə də etiraf olunur. Dünya Bankı, Avropa Yenidənqurma və İnkişaf Bankı respublikamızın iqtisadi potensialı və inkişaf perspektivləri ilə bağlı nikbin proqnozlar açıqlayıblar. Bu baxımdan nüfuzlu Davos İqtisadi Forumunun “2017-2018 Qlobal Rəqabətlilik Hesabatı” da diqqəti cəlb edir. Davos Dünya İqtisadi Forumunun son hesablamalarına əsasən, Azərbaycan qlobal rəqabətqabiliyyətliliyinə görə 35-ci yeri tutur. Yenə də Davos Forumunun inklüziv inkişaf indeksinə görə isə ölkəmiz inkişaf etməkdə olan ölkələr arasında 3-cü yerdə qərarlaşıb.
Eyni zamanda, ölkəmizin beynəlxalq miqyasda rolu və nüfuzu əhəmiyyətli dərəcədə artıb. Avropa ilə Asiyanın qovşağında yerləşən ölkəmiz həm özünün coğrafi mövqeyinə, həm də getdikcə artan gücünə istinad edərək qlobal miqyasda da təhlükəsizliyin təmin olunmasına öz töhfəsini verməyə çalışır. Prezident İlham Əliyev yeni uğurlu əməkdaşlıq platforması sayılan “Bakı prosesi”nin təşəbbüskarıdır. Qısa müstəqillik tarixində respublikamızın 150-dən çox dövlətin dəstəyini qazanaraq BMT TŞ-nin qeyri-daimi üzvü seçilməsi Azərbaycanın bütün dünya miqyasında sayılıb-seçilən ölkəyə çevrildiyini əyani şəkildə təsdiqləyir.
Azərbaycan xalqı Prezident İlham Əliyevin mövcud reallıqlar, meydana çıxan yeni çağırışlar kontekstində müəyyənləşdirdiyi və ölkəmizə hər sahədə böyük uğurlar qazandıran daxili və xarici siyasəti bəyənir və dəstəkləyir. İnsanların istəyi, arzusu odur ki, respublikada ictimai-siyasi sabitlik, inkişafın ardıcıllığı bundan sonra da təmin edilsin. Prezident İlham Əliyev 11 aprel seçkilərində xalqımızın seçimini şərtləndirən ölkəmizin müsbət reallıqlarına diqqət çəkərək deyib: “Azərbaycan xalqı dünən öz seçimini etdi. Azərbaycan xalqı dünən bir daha bizim siyasətimizə öz səsini verdi. Bir daha sabitliyə, inkişafa, tərəqqiyə, müstəqil siyasətimizə səs verdi. Sözün əsl mənasında, müstəqil siyasət aparan Azərbaycan bu gün ən yüksək zirvələrə çatıbdır. Bizim beynəlxalq nüfuzumuz gündən-günə artır. Azərbaycan dünya miqyasında çox böyük hörmətə layiq bir ölkədir. Daxili vəziyyətimiz sabitdir. Azərbaycan xalqı sülh, əmin-amanlıq şəraitində yaşayır. Bütün azadlıqlar təmin olunur”.
Ölkənin, cəmiyyətin bütün potensialı daha güclü Azərbaycan qurulmasına yönəldilib
Hər bir ölkənin siyasi müstəqilliyi ilk növbədə real gücə əsaslanmalıdır. Dünya praktikasından görürük ki, real gücü olmayan ölkələrdə milli dövlət quruculuğu da iflasa uğrayır. İşğalçı Ermənistanın vəziyyəti buna tipik nümunədir. İqtisadiyyatı çökən Ermənistan siyasi cəhətdən də müstəqil deyil, forpost ölkə kimi xaricdən gələn diktələr əsasında fəaliyyət göstərir və sosial problemlər məngənəsində boğulur.
Qeyd olunanlar kontekstində Azərbaycanın vəziyyəti isə tamam başqa rakursdan diqqəti cəlb edir. Praqmatik siyasətçi olan Prezident İlham Əliyev Azərbaycanın real siyasi müstəqilliyinin təmin edilməsini hədəfləyərkən ilk növbədə bu strateji məqsədə çatılmasını şərtləndirən real əsaslar yaradılmasını diqqət mərkəzində saxlayıb. Yuxarıda deyilənlər Azərbaycanı kifayət qədər böyük potensiala və gücə malik dövlət kimi səciyyələndirir. Son 15 ildə reallaşdırılan məqsədyönlü siyasət sayəsində respublikanın iqtisadi müstəqilliyinin təmin olunması, maliyyə imkanlarının genişləndirilməsi Azərbaycanın özünəinam hissini artırır və ölkənin siyasi müstəqilliyini təmin edir. Bu gün Azərbaycan regional və qlobal miqyasda gedən proseslərə təsir göstərmək iqtidarında olan güclü aktora çevrilib. Təsadüfi deyil ki, respublikamız regionda qlobal əhəmiyyətli əksər layihələrin moderatoru rolunda çıxış edir. Bu zaman, təbii ki, ölkənin milli maraqları əsas götürülür. Güclü dövlətə çevrilən Azərbaycan özünün siyasi qətiyyəti sayəsində Ermənistanı bütün irimiqyaslı regional layihələrdən kənarda qoymağa nail olub və işğalçı dövləti dalana salıb.
Təbii ki, Azərbaycanın uğurları dostlarımızı sevindirdiyi kimi, düşmənlərimizin, bizi istəməyən qüvvələrin də, necə deyərlər, yuxusunu ərşə çəkib. Respublikamız iqtisadi və siyasi cəhətdən gücləndikcə erməni lobbisinin, antimilli mərkəzlərin, islamofob dairələrin, imperialist güc mərkəzlərinin narahatlığı da artır. Onlar hansısa bir yolla Azərbaycanın inamlı inkişafını əngəlləməyə, ölkə daxilində bərqərar olan davamlı sabitliyə xələl gətirməyə çalışırlar. Biz xaricdəki bəlli dairələrin Azərbaycanın əleyhinə yönələn fəaliyyətini həmçinin seçkilər öncəsi mərhələdə də müşahidə etdik. Bəhs edilən dairələr bu və ya digər səbəblərdən xaricdə məskunlaşan azsaylı “sapı özümüzdən olan baltalar”ı və ölkə daxilində müxalifətin radikal kəsimini müəyyən şirnikləndirici vədlərlə ələ alaraq onların vasitəsi ilə respublikamızın reallıqlarını təhrif etməyə, ictimai-siyasi mühitdə müəyyən gərginliklər yaratmağa səy göstərirdilər. 11 aprel seçkilərinin nəticələri həmin dairələrə tərs sillə oldu, onların qara niyyətləri elə ürəklərində də qaldı. Seçkilər bütün dünyaya nümayiş etdirdi ki, xalq öz dövlətini sevir, taleyini sınanmış Liderinə etibar edir. Azərbaycan güclü dövlətdir, onunla hər hansı bir təzyiq və yaxud diktat dili ilə danışmaq mümkün deyil.
Qarşıda isə yeni hədəflər, yeni məqsədlər dayanır. Biz daha güclü Azərbaycan qurmaq üçün daha böyük əzmlə, səylə çalışmalıyıq. Sözügedən tədbirdəki çıxışında Prezident İlham Əliyev diqqəti qarşıda duran hədəflərə yönəldərək vurğulayıb: “Biz hamımız çalışmalıyıq ki, bundan sonra da ölkəmizi gücləndirək. Bu gün də Azərbaycan güclü dövlətdir. Daha güclü dövlət qurmalıyıq. Daha güclü Azərbaycan qurmalıyıq. Yolumuz müstəqillik yoludur. Heç bir kənar qüvvə bizi bu yoldan döndərə bilməz”.
Azərbaycan gələcəyə doğru bu gün yetişən gənc nəsillə irəliləyir
Bir sıra ölkələrin acı təcrübəsi göstərir ki, zəngin karbohidrogen ehtiyatlarının olması heç də həmin ölkələrin firavan, xoşbəxt yaşamasını təmin etməyib, əksinə, ayrı-ayrı hallarda təbii sərvətlər inkişafın qarşısında əngələ çevrilib, insanlar yerin təkindən “qara qızıl” hasil etdikləri halda səfalət içində yaşayıblar. Bunun əsas səbəbi isə bəzi hallarda milli dövlətlərin neft gəlirlərini səmərəli şəkildə idarə etməmələri ilə bağlıdır. Azərbaycanın nümunəsində isə tamam fərqli mənzərənin şahidi oluruq. Ölkəmizdə neft gəlirlərinin səmərəli idarə edilməsi məqsədilə Neft Fondu yaradılıb. Bura toplanan vəsaitlər həm gələcək nəsillər üçün qorunub saxlanılır, həm də ölkə üçün strateji əhəmiyyət daşıyan layihələrin icrasına yönəldilir.
Bu gün paytaxt Bakının və regionların müsbət reallıqlarından da göründüyü kimi, insan kapitalının formalaşmasına müsbət təsir göstərən infrastrukturun yaradılması Azərbaycanın prioritetləri sırasında mühüm yer tutur. Müstəqillik illərində bütün ölkə boyunca məktəblərin maddi-texniki bazası möhkəmləndirilib, təhsilin keyfiyyətini yüksəltmək məqsədilə zəruri tədbirlər həyata keçirilib. Eyni zamanda, paytaxt Bakıda və bölgələrdə yeni səhiyyə müəssisələri açılıb, insanlara göstərilən tibbi xidmətin səviyyəsi yüksəldilib. Bütün bunların arxasında isə, təbii ki, dövlətin güclü siyasi iradəsi, neft gəlirlərinin məqsədyönlü şəkildə insan kapitalının inkişafına yönəldilməsi amili dayanır.
Ölkəmizdə cəmiyyətin ən avanqard hissəsi olan gənclərə hərtərəfli qayğı göstərilir. Gənclərin yüksək səviyyəli təhsil almaları, xalqımızın zəngin ənənələri, milli-mənəvi dəyərləri ruhunda yetişmələri, ölkənin ictimai-siyasi, mədəni həyatına, dövlət idarəçiliyinə cəlb olunmaları, fəal və sağlam həyat tərzi sürmələri, idmanla məşğul olmaları respublikamızda davamlı olaraq həyata keçirilən dövlət gənclər siyasətinin əsas istiqamətlərini təşkil edir. Ümummilli lider Heydər Əliyevin əsasını qoyduğu uğurlu gənclər siyasətini son 15 ildə Prezident İlham Əliyev eyni ardıcıllıqla davam etdirib. İndiyədək Prezident İlham Əliyev tərəfindən təsdiqlənən və gəncliyin inkişafına yönələn bir neçə Dövlət Proqramı uğurla icra edilib. Dövlət başçısının müvafiq Sərəncamı ilə “2015-2025-ci illərdə Azərbaycan gənclərinin İnkişaf Strategiyası” təsdiqlənib. Prezident İlham Əliyev həmçinin 15 sentyabr 2017-ci il tarixində “Azərbaycan gəncliyi 2017-2021-ci illərdə” Dövlət Proqramının təsdiqlənməsinə dair müvafiq Sərəncam imzalayıb.
Bu gün kreativ düşüncə tərzi ilə seçilən Azərbaycan gəncləri ölkədə yaradılan əlverişli mühitdən, dövlət qayğısından maksimum dərəcədə bəhrələnərək böyük fəallıq nümayiş etdirir və Azərbaycanın dövlət müstəqilliyinin möhkəmlənməsinə, iqtisadi qüdrətinin artmasına, beynəlxalq nüfuzunun daha da yüksəlməsinə öz layiqli töhfələrini verirlər. Gənclərə böyük inamını ifadə edən Prezident İlham Əliyev “Mən Azərbaycan gənclərinə üz tutub deyirəm, - görürəm ki, burada toplaşanların əksəriyyəti gənclərdir, - ölkəmizin gələcəyi sizin əlinizdə olacaq. Biz gənclərimizlə fəxr edirik. Bu gün yetişən gənc nəsil Azərbaycanı gələcəkdə idarə edəcək, müstəqillik yolu ilə xoşbəxt gələcəyə aparacaq”, - deyib.
Mübariz ABDULLAYEV

 
  • Oxunub:  7410  |  
  • Tarix:  14-04-2018  |  
  •    Çap et   |  
Get Adobe Flash player
Prezident İlham Əliyev: Mən həmişə Azərbaycan xalqının dəstəyini hiss etmişəm və hiss edirəm

14:59
19 Aprel
Pekində Azərbaycanın turizm imkanlarına dair təqdimat keçirilib
14:49
19 Aprel
İordaniya Dövlət Televiziyası: “Azərbaycan heç zaman sönməyəcək odlar ölkəsidir”
14:44
19 Aprel
Tahir Kərimli: Prezident İlham Əliyev çıxışında radikal müxalifətə tutarlı cavab verdi və onlara olmayan yerlərini göstərdi
14:41
19 Aprel
Mübariz Qurbanlı: Yad ünsürlərin təsirinin qarşısını birgə almalıyıq
14:35
19 Aprel
PA rəsmisi: Tarixən Azərbaycanda dini vəziyyəti gərginləşdirmək üçün kənardan cəhdlər olub
14:32
19 Aprel
Azərbaycan ikinci Beynəlxalq həmrəylik tennis çempionatına ev sahibliyi edəcək
14:30
19 Aprel
Musa Quliyev: Son illərdə Azərbaycanda aparılan islahatlar ölkəmizin hərtərəfli inkişafını təmin edib
14:26
19 Aprel
Fövqəladə Hallar Nazirliyi ilə Beynəlxalq Atom Enerjisi Agentliyi arasında əməkdaşlıq məsələləri müzakirə olunub
14:22
19 Aprel
Azərbaycan Milli Elmlər Akademiyası Pekin Xarici Dillər Universiteti ilə əməkdaşlığı genişləndirir
14:19
19 Aprel
Azərbaycanın nümayəndə heyəti Beşinci Moskva Beynəlxalq Təhsil Salonu çərçivəsində forumda iştirak edir
14:17
19 Aprel
Qırğızıstanlı diplomat UNEC-in tələbələrinin intellektual səviyyəsini yüksək qiymətləndirib
14:10
19 Aprel
Mevlüt Uysal: Seçkilərdəki inamlı qələbə Azərbaycan xalqı ilə Prezident İlham Əliyev arasında möhkəm birliyin təzahürüdür
14:08
19 Aprel
Leyla Əliyevanın “Dünya yuxutək əriyir...” divanı Tehranda fars dilində nəşr olunub
14:06
19 Aprel
Elektrik enerjisi, qaz və buxar istehsalı sektorunda 516 milyon manatlıq məhsul istehsal edilib
14:04
19 Aprel
Prezident İlham Əliyev NATO-nun Avropada Müttəfiq Qüvvələrinin Ali Baş Komandanının başçılıq etdiyi nümayəndə heyətini qəbul edib
14:03
19 Aprel
Deputat: Ermənistan hakimiyyəti işğalçılıq siyasəti ilə ölkəni dalana dirəyib
14:01
19 Aprel
TAP qaz boru kəmərinin Yunanıstan və Albaniya marşrutunun 80 faizi tamamlanıb
13:58
19 Aprel
Hikmət Babaoğlu: İrəvan erməniləri "Qarabağ klanı"ndan yaxa qurtarmaq istəyir
13:57
19 Aprel
Azərbaycan ilə İordaniya arasında müxtəlif sahələrdə əlaqələrin inkişafı yolları müzakirə olunub
13:55
19 Aprel
Prezident İlham Əliyev Rusiya Silahlı Qüvvələrinin Baş Qərargah rəisinin rəhbərlik etdiyi nümayəndə heyətini qəbul edib
13:51
19 Aprel
Moskvada Azərbaycan Xalq Cümhuriyyətinin 100 illiyinə həsr olunan elmi-praktik konfrans keçirilib
13:48
19 Aprel
Xətai rayonunda 81 minə yaxın sakin tibbi müayinədən keçib
13:46
19 Aprel
Lev Spivak: Azərbaycanda sabit iqtisadi və siyasi mühit gələcəkdə də davam edəcək
13:43
19 Aprel
Bakıda “Mənəvi dəyərlərin təbliği: reallıqlar, perspektivlər“ adlı konfrans keçirilib
12:14
19 Aprel
Mübariz Qurbanlı: "Din xadimlərinə maddi dəstək veriləcək"
12:04
19 Aprel
Günəş elektrik stansiyalarında 7,7 milyon kilovat/saat elektrik enerjisi istehsal olunub
11:58
19 Aprel
Azərbaycanda propilen istehsalı 11,5 faiz artıb
11:54
19 Aprel
“700 min ağac əkək!” kampaniyası çərçivəsində Bərdədə növbəti aksiya keçirilib
11:46
19 Aprel
Vətən uğrunda şəhid olmuş hərbçilərimizin xatirəsinə həsr olunan beynəlxalq cüdo turniri keçirilir
11:42
19 Aprel
Azərbaycan gimnastları II Avropa Oyunlarına lisenziyalar qazanıblar
11:26
19 Aprel
ABŞ-ın yəhudi və xristian din xadimləri Azərbaycanın tolerantlığını alqışlayıblar
11:23
19 Aprel
İRƏVANDA SAXLANILANLARIN SAYI 91-Ə ÇATDI
11:21
19 Aprel
Ermənistan əhalisi Serj Sarkisyanın baş nazir postunu mənimsəməsinə etiraz edir
11:17
19 Aprel
Bu il Bakı–Tbilisi–Ceyhan kəməri ilə 8,2 milyon ton neft göndərilib
11:15
19 Aprel
Birinci rübdə Azərbaycanda 4,4 milyard kubmetr əmtəəlik təbii qaz istehsal edilib
11:07
19 Aprel
Dini radikalizmlə və ekstremizmlə mübarizədə gənclərin üzərinə böyük məsuliyyət düşür
10:52
19 Aprel
Azərbaycanın ərazi bütövlüyü uğrunda həlak olmuş və itkin düşmüş hərbi qulluqçuların ailə üzvlərinin sosial müdafiəsi yaxşılaşdırılır
10:43
19 Aprel
Azərbaycan OPEC+ Monitorinq Komitəsinin iclasında təmsil olunacaq
10:40
19 Aprel
Ümumdünya Gömrük Təşkilatının informasiya texnologiyaları konfransı və sərgisi Bakıda keçiriləcək
10:30
19 Aprel
Moskvada ümummilli lider Heydər Əliyevin anadan olmasının 95 illiyinə dair “dəyirmi masa” keçirilib
10:27
19 Aprel
İstanbulda Azərbaycan, Türkiyə və Yunanıstan incəsənət ustalarının birgə konserti olub
10:22
19 Aprel
Ermənistan silahlı bölmələri snayper tüfənglərindən və minaatanlardan istifadə etməklə atəşkəs rejimini 102 dəfə pozub
10:20
19 Aprel
İsveçrə Prezidenti Alain Berset: İsveçrə ilə Azərbaycan arasında yaxşı və geniş əlaqələr mövcuddur
10:15
19 Aprel
Tahir Rzayev: Ölkədə qeyri-neft sektorunun inkişafının təmin edilməsi üçün dövlət tərəfindən qətiyyətli siyasi iradə nümayiş etdirilir
10:11
19 Aprel
Romada ulu öndər Heydər Əliyevin anadan olmasının 95-ci ildönümünə həsr edilmiş tədbir keçirilib
10:08
19 Aprel
Yaponiyanın Baş naziri: Azərbaycan, Qafqaz regionunun sabit inkişaf açarının sahibi olmaqla, beynəlxalq enerji təhlükəsizliyi üçün böyük rola malik ölkədir
20:30
18 Aprel
Sahibə Qafarova: Ermənistandakı şiddətli etirazlar erməni xalqının Serj Sarkisyana qarşı narazılığının ifadəsidir
20:26
18 Aprel
Şair Ramaldanov: Ermənistan dinc sakinləri atəşə tutmaqla Azərbaycan Ordusunu cavab tədbirləri görməyə vadar edir
19:30
18 Aprel
Mətbuat Şurası İdarə Heyətinin yeni tərkibdə ilk iclası keçirilib
19:29
18 Aprel
“Erməni ziyalıları “Qarabağ klanı”nı heç vaxt qəbul etməyib” – Tofiq Zülfüqarov
19:28
18 Aprel
“Xalqla Sarkisyan rejimini arsasındakı qarşıdurma uzun çəkəcək” – Fikrət Sadıqov
18:54
18 Aprel
UNESCO-da Azərbaycanın mədəniyyətlərarası dialoqa töhfələrindən danışılıb
18:43
18 Aprel
Azərbaycan ilə Beynəlxalq Atom Enerjisi Agentliyi arasında mövcud əməkdaşlıq əlaqələri müzakirə olunub
18:31
18 Aprel
Erməni hərbçilərinin növbəti təxribatı: AZƏRTAC-ın müxbiri güllə yarası almış Ağcabədi sakininin yerləşdirildiyi xəstəxanada olub
18:00
18 Aprel
Eldəniz Səlimov: Ölkəmizin inkişaf dinamikasında regionların özünəməxsus yeri var
17:58
18 Aprel
İsa Həbibbəyli: Peşə təhsili ölkəmizdə prioritet istiqamətlərdən biridir
17:56
18 Aprel
Sahibə Qafarova: Azərbaycan regionda sülhün və təhlükəsizliyin təmin olunması üçün dayaq nöqtəsi hesab edilir
17:52
18 Aprel
Azərbaycan yeni müddətə Beynəlxalq Telekommunikasiya İttifaqı Şurasının üzvlüyünə namizədliyini irəli sürüb
17:51
18 Aprel
Akademik Akif Əlizadə: “Elm günü”nün təsis edilməsi Azərbaycan elminə böyük diqqət və qayğının təzahürüdür
17:50
18 Aprel
Dövlət Neft Fondu bu ilin birinci rübündə 4,4 milyard manatdan çox gəlir əldə edib
17:45
18 Aprel
Xəzər Dəniz Gəmiçiliyi ilə Rusiya Dəniz Gəmiçiliyi Registri qarşılıqlı əməkdaşlığı müzakirə edib
17:36
18 Aprel
“Kaspi” Təhsil Şirkəti və “Gənc istedadlar” liseyi şagirdlərinin rəsm əsərlərinidən ibarət sərgi açılıb
17:26
18 Aprel
Prezident: İqtisadi sahədə tam şəffaflıq təmin edilməlidir, bütün xoşagəlməz hallara son qoyulmalıdır
17:24
18 Aprel
Bakı Ali Neft Məktəbi ilə “ATL Tech” şirkəti arasında razılaşma imzalanıb
17:19
18 Aprel
Strateji Yol xəritələrinin monitorinq və qiymətləndirmə nəticələri müzakirə olunub
17:16
18 Aprel
Prezident İlham Əliyev: Gələcək fəaliyyətimdə də Azərbaycan vətəndaşının maraqları, onun rifahı daim diqqət mərkəzində olacaq
17:08
18 Aprel
Pakistan Milli Müdafiə Universitetinin nümayəndə heyətinin Azərbaycana səfəri davam edir
16:57
18 Aprel
Prezident İlham Əliyev Beynəlxalq Atom Enerjisi Agentliyinin baş direktorunu qəbul edib
16:53
18 Aprel
Prezident İlham Əliyev Türkiyənin gənclik və idman nazirini qəbul edib
16:51
18 Aprel
Musa Qasımlı: Ermənistandakı kütləvi etiraz aksiyaları ölkəni bürümüş dərin siyasi, sosial-iqtisadi böhranın nəticəsidir

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30
HAVA HAQQINDA
Bakı
gündüz+15 +19
gecə+7 +9