Ana səhifə »  Siyasət »  Sosial-mədəni obyektlərin tikintisi ictimai-mədəni həyatımızda yeni keyfiyyət dəyişikliyi yaradıb
A+   Yenilə  A-
Sosial-mədəni obyektlərin tikintisi ictimai-mədəni həyatımızda yeni keyfiyyət dəyişikliyi yaradıb

Prezident İlham Əliyev: Biz bu illər ərzində bütün əsas tarixi, mədəni, dini abidələrimizi əsaslı şəkildə bərpa etmişik və yenilərini tikmişik. Teatrlar, muzeylər - bu sahəyə də nəinki Bakıda, hər bir yerdə, bütün bölgələrdə böyük diqqət göstərilir
Xalqımızın Ümummilli lideri Heydər Əliyevin əsasını qoyduğu siyasətin son 13 ildə Prezident İlham Əliyev tərəfindən uğurla davam etdirilməsi sayəsində Azərbaycan özünün yeni intibah dövrünü yaşayır. Ölkəmizin inkişafının indiki mərhələsi bir sıra yeni reallıqlarla, keyfiyyət dəyişiklikləri ilə səciyyələnir. Əlbəttə, burada ilk növbədə respublikanın iqtisadi potensialının artmasının, maliyyə imkanlarının genişlənməsinin önəmini vurğulamaq lazımdır. Bu imkanlar açılmasa idi, başqa sahələrdə inkişafdan ümumiyyətlə söhbət açmaq mümkün olmazdı. Yəni, reallıq ondan ibarətdir ki, Prezident İlham Əliyevin siyasi iradəsi sayəsində ölkənin inkişafının çoxqütblülüyü təmin edilir. Başqa sözlə desək, iqtisadi-maliyyə imkanlarının artmasından səmərəli şəkildə istifadə edilərək həm paytaxt Bakının, həm də regionların abadlaşdırılmasına, eyni zamanda bütün ölkə miqyasında sosial-mədəni təyinatlı infrastrukturun yaradılmasına böyük diqqət göstərilir. Bütün bunların fonunda isə vurğulamaq yerinə düşər ki, Bakıda və regionlarda sosial-mədəni obyektlərin tikintisi ictimai-mədəni həyatımızda yeni keyfiyyət dəyişiklikləri yaradıb.
Bakıda tikilən Heydər Əliyev mərkəzi memarlığı və funksionallığı baxımından nadir tikilidir
Məlum olduğu kimi, Azərbaycanın paytaxtı Bakı dünyanın qədim şəhərlərindən biridir. Açıq səma altında muzey hesab edilən İçərişəhər, Şirvanşahlar sarayı, Qız Qalası və başqa bu kimi tikililərdə xalqımızın çoxəsrlik tarixi yaşayır. Doğma Bakımıza xüsusi gözəllik verən, şəhərimizə gələn qonaqlarda heyranlıq yaradan bu tikililər hər birimizin qürur yerimizdir.
Eyni zamanda, ölkəmizdə həyata keçirilən quruculuq-abadlıq işləri çərçivəsində Bakının yeni gözəllik rəmzləri yaradılır. Belə ki, uzunluğu 3,5 kilometrdən 14 kilometrə qədər genişləndirilən bulvar, “Alov qüllələri” kompleksi, Bayraq meydanı, Konqres Mərkəzi, “Kristal holl”, Xalça Muzeyi, yeni yanaşmalarla inşa edilən Ağ şəhər, möhtəşəm Olimpiya stadionu, Milli Gimnastika Arenası, bir-birini təkrarlamayan yaşayış binaları və çoxlu sayda digər tikililər müstəqil Azərbaycanın gücünü, qüdrətini təcəssüm etdirir. Bu gün qürur hissi ilə deyə bilərik ki, paytaxt Bakımız qədimliklə müasirliyin vəhdətində uğurla inkişaf edir, böyüyür, gözəlləşir.
Şəhərimizin yeni gözəllik rəmzləri sırasında, heç şübhəsiz ki, 2012-ci ildə Prezident İlham Əliyevin iştirakı ilə istifadəyə verilən Heydər Əliyev Mərkəzi xüsusi yer tutur. Qonşuluqdakı digər möhtəşəm tikili - Konqres Mərkəzi ilə əla harmoniya yaradan Mərkəzin əyri xətlərlə tamamlanan ağ binası sanki ətrafa hakim kəsilib və hər kəsi valeh edir.
Məlumat üçün bildirək ki, Bakıda tikilən Heydər Əliyev Mərkəzi paytaxtın mərkəzində 16 hektar ərazidə dünya şöhrətli memar Zaha Hadidin orijinal layihəsi əsasında ucaldılıb. 2007-ci ildə təməli qoyulan mərkəzin inşası cəmi beş ilə tamamlanıb.
Lakin haqqında bəhs olunan Heydər Əliyev Mərkəzi yalnız memarlıq abidəsi deyil. Belə ki, binanın memarlıq həlli nə qədər mükəmməldirsə, onun funksionallığı da bir o qədər genişdir. Mərkəzin ətrafında şəhər sakinlərinin, qonaqların istirahəti, asudə vaxt keçirmələri üçün gözəl park yaradılıb. Binada iclaslar və konsert, rəsmi qəbullar və konfrans zalları vardır, Heydər Əliyev Muzeyi fəaliyyət göstərir. Bundan başqa, mərkəzdə kitabxana, sərgi salonları, digər otaqlar və zallar var. Bina artıq bir neçə ildir ki, Azərbaycan vətəndaşlarına hərtərəfli şəkildə xidmət göstərir. Burada təşkil olunan rəngarəng tədbirlər bir qayda olaraq anşlaqla keçir. Tamaşaçılar yerli və xarici incəsənət ustalarının iştirakı ilə keçirilən müxtəlif tədbirlərin yüksək səviyyəsindən böyük mənəvi zövq alırlar. Prezident İlham Əliyev Bakıda Heydər Əliyev Mərkəzinin açılışı, Ulu öndərin anadan olmasının 89-cu ildönümü və Heydər Əliyev Fondunun fəaliyyətə başlamasının 8 illiyi münasibətilə keçirilən təntənəli mərasimdəki çıxışında mərkəzi memarlıq və funksionallıq baxımından nadir bina kimi səciyyələndirərək deyib: “İkinci məsələ mərkəzin memarlıq tərəfi idi. Bu məqsədlə dünya şöhrətli memar Zaha Hadid öz təkliflərini irəli sürmüşdü. Dərhal onun təklifləri təhlil edilməyə başlandı və qərar qəbul edildi ki, Heydər Əliyev Mərkəzi məhz bu layihə əsasında yaradılmalıdır. Çünki bu, nadir memarlıq əsəridir. Dünyada analoqu olmayan, müasirliyi özündə təcəssüm etdirən çoxfunksiyalı bir binadır”.
Regionlarda Heydər Əliyev mərkəzlərinin yaradılması əlaqəli sahələrin inkişafına da öz müsbət təsirini göstərir
Bu məqamda vurğulamaq yerinə düşər ki, son illərdə həmçinin respublikanın əksər şəhər və rayonlarında da Heydər Əliyev mərkəzləri yaradılıb. Bu mərkəzlərdə ilk növbədə bütövlükdə Azərbaycanın inkişaf salnaməsini yaradan Ulu öndər Heydər Əliyevin zəngin irsi təbliğ olunur və öyrənilir ki, bu da gənclərdə vətənpərvərlik hissinin gücləndirilməsində mühüm rol oynayır. Çünki Ümummilli liderimiz Heydər Əliyevin Vətən, xalq qarşısında xidmətləri müqayisəyəgəlməz dərəcədə böyükdür və bəhs olunan mərkəzlərdə Ulu öndərin irsini öyrənən gənclər bir növ doğma Vətəni, mənsub olduğu xalqı, milli mədəniyyəti necə sevmək nümunəsi ilə tanış olurlar.
Digər tərəfdən regionlarda yaradılan Heydər Əliyev mərkəzlərinin funksionallığı daha genişdir. Yeri gəlmişkən, Ucarda Heydər Əliyev Mərkəzinin açılışında rayon ictimaiyyətinin nümayəndələri ilə görüşən Prezident İlham Əliyev diqqəti regionlarda yaradılan belə mərkəzlərin əhəmiyyətinə yönəldərək bildirib: “Belə mərkəzlərin tikintisi Ulu öndərin xatirəsinə Azərbaycan xalqının hörmətinin təzahürüdür. Eyni zamanda, bu mərkəzlərdə Ulu öndərin siyasi irsi öyrənilir. Bununla bərabər, belə mərkəzlərdə müxtəlif tədbirlər də keçirilməlidir və keçirilir. Mən çox şadam ki, bu mərkəzdə müxtəlif tədbirlərin keçirilməsi üçün çox gözəl şərait vardır”.
Məlumdur ki, internetin yüksək inkişaf səviyyəsinə çatdığı indiki dövrdə insanlar, ələlxüsus da gənclər arasında canlı ünsiyyətin artırılması bir növ həyati zərurətə çevrilib. Bu baxımdan respublikanın rayonlarında yaradılan Heydər Əliyev mərkəzlərinin əvəzsiz rol oynadığını, desək, əsl həqiqəti ifadə etmiş olarıq. Belə ki, biz çox tez-tez rayonlardakı Heydər Əliyev mərkəzlərində təşkil olunan şeir, musiqi gecələri, müxtəlif mövzularda keçirilən müzakirələr barədə xəbərlər alırıq. Belə tədbirlər gənclər arasında sosiallaşmanı artırır, eyni zamanda, onların dünyagörüşünün genişlənməsinə müsbət təsir göstərir.
Heydər Əliyev mərkəzlərinin regionlarda əlaqəli sahələrin inkişafına, iqtisadi aktivliyin artmasına təsiri də böyükdür. Heydər Əliyev mərkəzlərinin tikintisinin multiplikativ təsirini ilk növbədə regionlarda inşaat sektorunun, xidmət sahəsinin canlanmasında görmək mümkündür. Belə mərkəzlər xalqın böyük ehtiramının ifadəsi olaraq yüksək zövqlə və mükəmməl memarlıq həlli ilə inşa olunurlar. Bu isə o deməkdir ki, Heydər Əliyev mərkəzlərinin inşasında çoxlu sayda yüksək səviyyəli mühəndislər, ustalar iş yerləri ilə təmin olunurlar. Eyni zamanda, yerlərdə keyfiyyətli, rəqabət qabiliyyəti yüksək olan inşaat materiallarına tələbat artır.
Burada başqa bir məqam da diqqəti cəlb edir. Regionlarda istifadəyə verilən Heydər Əliyev mərkəzləri yardımçı sahələrlə birlikdə müəyyən bir təsərrüfat təşkil edirlər. Bu gün respublika üzrə yaradılan Heydər Əliyev mərkəzlərində yüzlərlə insan çalışaraq, - onların böyük əksəriyyəti ali təhsilli mütəxəssislərdir, - ailələrinin dolanışığını təmin edirlər.
Həyata keçirilən yeni layihələr hesabına ölkənin mədəni-kütləvi həyatı daha da zənginləşib
Beləliklə, müasir Azərbaycanın mənzərəsini səciyyələndirən əsas cəhətlərdən biri də ondan ibarətdir ki, insanların rahatlığına xidmət edən sosial infrastruktur Bakıda olduğu kimi, respublikanın bütün bölgələrində yaradılır. Son illərdə Prezident İlham Əliyevin tapşırığına əsasən, respublikanın bütün şəhər və rayonlarında yeni parkların, xiyabanların, istirahət guşələrinin yaradılması, mövcudlarının isə əsaslı şəkildə yenidən qurulması istiqamətində olduqca mühüm layihələr icra edilir.
Məhz bunun nəticəsidir ki, artıq respublikanın əksər rayon mərkəzlərində hər cür rahatlıqlarla təmin olunan müasir parklar yaradılıb. Gəncədə yaradılan və Ulu öndərin adını daşıyan park öz möhtəşəmliyi ilə fərqlənir. Parkın girişində möhtəşəm “Zəfər tağı” ucaldılıb. Buraya gələn qonaqlar “Zəfər tağı”nın açıq seyrəngahından şəhərin və Heydər Əliyev Parkının mənzərəsini seyr edə bilirlər. Park kompleksində müxtəlif məişət obyektləri, əyləncə mərkəzi, istirahət guşələri və uşaqlar üçün nağıl qəhrəmanlarını canlandıran “Disneyland” əyləncə mərkəzi də fəaliyyət göstərir.
Sumqayıtda yenidən qurulduqdan sonra ötən ilin sentyabrında Prezident İlham Əliyevin iştirakı ilə istifadəyə verilən Dənizkənarı bulvar və şəhər çimərliyi sakinlər üçün yaxşı hədiyyə olub. Bu, həm də dünyada hökm sürən iqtisadi böhran dövründə ölkəmizdə sosial layihələrin ardıcıl və məqsədyönlü şəkildə həyata keçirildiyini nümayiş etdirir.
Qeyd etmək yerinə düşər ki, insanların rahatlığı üçün nəzərdə tutulan belə layihələr respublikanın əksər rayonlarında reallaşdırılıb. Yerlərdə insanların sosial ehtiyaclarının, rahatlıqlarının təmin olunmasına xidmət göstərən infrastrukturun yaradılması təşəbbüsü isə bir qayda olaraq Prezident İlham Əliyevdən gəlir. Prezident İlham Əliyev Gəncə şəhərində Heydər Əliyev park-kompleksinin və Heydər Əliyev Mərkəzinin açılış mərasimindəki çıxışında bütün ölkə miqyasında ictimai yerlərin yaradılmasının önəminə diqqət çəkərək bildirib: “Mən dəfələrlə demişəm ki, Bakıda və bütün başqa şəhərlərdə ictimai yerlər yaradılmalıdır - parklar, bağçalar, ictimai zonalar ki, insanlar burada öz asudə vaxtlarını keçirsinlər”.
Yeni sosial-mədəni obyektlər hesabına regionların mədəni-kütləvi həyatı daha da zənginləşib. Yeni istifadəyə verilən obyektlərdə tez-tez mədəni-kütləvi tədbirlər, konsertlər təşkil olunur. Sakinlər məmnuniyyətlə bu tədbirlərə qatılaraq asudə vaxt keçirir, əylənirlər.
Müvafiq infrastrukturun yaradılması sayəsində bölgələr də beynəlxalq səviyyəli tədbirlərə uğurla ev sahibliyi edir
Məlumdur ki, hazırda bütün dünyada gedən sürətli qloballaşma prosesi milli mədəniyyətlərin kənar təsirlərdən qorunması zərurətini bütün ciddiliyi ilə gündəmə gətirib. Əlamətdar haldır ki, belə bir şəraitdə Azərbaycan dövləti xalqımızın qədim tarixinin, zəngin mədəniyyətinin, güclü milli ənənələrinin qorunması, nəsildən-nəslə ötürülməsi üçün böyük qayğı və qətiyyətli siyasi iradə nümayiş etdirir. Son illərdə ölkəmizin müxtəlif bölgələrində çoxlu sayda tarixi-mədəni abidələrimiz, muzeylərimiz əsaslı şəkildə bərpa olunub, arxeoloji qazıntılar nəticəsində aşkarlanan qədim yaşayış məskənlərimiz elmi cəhətdən araşdırılaraq öyrənilib. Prezident İlham Əliyev Xalça Muzeyinin açılışındakı nitqində respublikada tarixi-mədəniyyət obyektlərinin yaradılmasını, o cümlədən də muzeylərin bərpasını ölkənin ümumi inkişafı kontekstində dəyərləndirərək deyib: “Bakıda bir dənə də təmirsiz muzey qalmamışdır. Bölgələrdə, Bakıda yeni muzeylər yaradılır - Müasir İncəsənət Muzeyi, digər muzeylər, Xalça Muzeyi. Bu, əlbəttə ki, ölkəmizin ümumi inkişaf templərini göstərir, eyni zamanda, dövlət siyasətini əks etdirir”.
Eyni zamanda, yerlərdə əhali, ələlxüsus da gənclər arasında milli mənlik hissinin gücləndirilməsinə xidmət göstərən müxtəlif mədəni-kütləvi tədbirlər həyata keçirilir, kitabxanaların, tarix-diyarşünaslıq muzeylərinin, teatrların fəaliyyəti genişləndirilir. Bütün bunlar isə son nəticədə bir tərəfdən Azərbaycanın sıx vəhdət təşkil etdiyi qədər də bir-birindən fərqlənən bölgələrinin özünəməxsusluğunun qorunmasına, digər tərəfdən isə insanların öz el-obalarına daha möhkəm bağlanmalarına, böyüməkdə olan nəslin vətənpərvərlik və milli qürur hissinin güclənməsinə səbəb olur. Təsadüfi deyil ki, Prezident İlham Əliyev “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının birinci ilinin yekunlarına həsr olunan konfransdakı nitqində qloballaşma şəraitində tariximizin, mədəniyyətimizin qorunmasının ölkəmizin davamlı, uzunmüddətli inkişafının təmin olunmasındakı əhəmiyyətinə çəkib. Azərbaycanı müasir, inkişaf edən, ancaq öz köklərinə sıx bağlı olan dövlət və cəmiyyət kimi səciyyələndirən Prezident İlham Əliyev vurğulayıb: “Biz bu illər ərzində bütün əsas tarixi, mədəni, dini abidələrimizi əsaslı şəkildə bərpa etmişik və yenilərini tikmişik. Teatrlar, muzeylər - bu sahəyə də nəinki Bakıda, hər bir yerdə, bütün bölgələrdə böyük diqqət göstərilir. Çünki bu, bizim tariximizdir, mədəniyyətimizdir”.
Yuxarıda deyilənlər fonunda respublikanın sosial-mədəni həyatında yeni hadisələrin baş verməsi, yeni ənənələrin formalaşması da diqqəti cəlb edir. Son illərdə maddi-texniki bazalarının möhkəmlənməsindən istifadə edən region teatrları yeni tamaşalar təqdim edirlər. Mədəniyyət və Turizm Nazirliyi tərəfindən “Paytaxtdan bölgələrə” adlı layihə uğurla reallaşdırılır. Layihənin əsas məqsədi bölgələrdə yaşayan insanları müasir mədəni proseslərə cəlb etmək, bölgələrdə paytaxtın aparıcı muzey və qalereyalarında qorunub saxlanılan sənət incilərinin nümayişini, görkəmli sənətkarların və kollektivlərin çıxışlarını təşkil etməkdir. Bölgələrdə məhsul bayramlarının keçirilməsi də ölkəmizin mədəni-ictimai həyatına möhkəm şəkildə daxil olub.
Müvafiq infrastruktur sayəsində bölgələrin beynəlxalq səviyyəli tədbirlərə uğurla ev sahibliyi etməsi Azərbaycanın müasir reallıqlarından biridir. Respublikanın müxtəlif regionlarında ən müasir dünya standartları səviyyəsində tikilən Heydər Əliyev mərkəzləri, Olimpiya İdman kompleksləri, bu qəbildən olan digər obyektlər, eləcə də yeni yaradılan güclü infrastruktur bölgələrdə də irimiqyaslı mədəni, idman tədbirlərinin yüksək səviyyədə keçirilməsinə imkan verir. Məsələn, Qəbələdə Ulu öndər Heydər Əliyevin adını daşıyan Konqres Mərkəzi tikilib. Konqres Mərkəzində müxtəlif tədbirləri yüksək səviyyədə keçirmək üçün hər cür şərait yaradılıb. Artıq bir neçə ildir ki, burada Qəbələ Beynəlxalq Musiqi Festivalı təşkil olunur. Heydər Əliyev Fondunun təşkilatçılığı ilə 2009-cu ildən keçirilən Qəbələ Beynəlxalq Musiqi Festivalı Azərbaycanın əyalət şəhəri olan Qəbələni dünyanın musiqi mərkəzinə çevirib. Yeri gəlmişkən bu günlərdə keçirilən IX Qəbələ Beynəlxalq Musiqi Festivalında Azərbaycanla yanaşı, Rusiya, İsrail, Amerika Birləşmiş Ştatları, İtaliya, Litva və Sloveniyadan olan dünya şöhrətli dirijorlar, görkəmli musiqiçilər və bədii kollektivlər çıxış ediblər.
Regionlarda xalçaçılığın inkişaf etdirilməsi həm iqtisadi, həm də sosial-mədəni hadisədir
Azərbaycan xalqının əsrlər boyu qoruyub saxladığı və zənginləşdirdiyi qədim sənət növlərindən biri də xalçaçılıqdır. Tarixən Azərbaycanda xalçaçılığın regionlar üzrə 7 məktəbi formalaşıb.
Yeni iqtisadi şəraitdə ölkədə xalçaçılığın inkişafı qarşıya mühüm hədəflərdən biri kimi qoyulub. Bu həm iqtisadi, həm də sosial-mədəni mahiyyət kəsb edir. Prezident İlham Əliyev “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının üçüncü ilinin yekunlarına həsr olunan konfransdakı nitqində bildirib ki, cari ilin sonunadək respublikanın regionlarında “Azərxalça”nın filiallarının sayı 10-a çatdırılmalıdır: “Xalçaçılıq sənətini yaşatmaq, iş yerlərini yaratmaq və ixrac imkanlarını genişləndirmək üçün “Azərxalça” Açıq Səhmdar Cəmiyyəti yaradıldı. Artıq “Azərxalça”nın ilk filialı Horadiz şəhərində açıldı. Mən özüm orada iştirak etmişəm. Bu il bu filialların sayı 10-a çatdırılmalıdır”.
Ölkə miqyasında xalçaçılığın inkişafında yeni yaradılan sosial-mədəni obyektlər də mühüm rol oynayır. Bir tərəfdən, regionlarda yaradılan muzeylər milli mədəniyyətimizin ayrılmaz tərkib hissəsi olan xalçaçılığa marağın artmasına müsbət təsir göstərir. Digər tərəfdən isə, regionlarda Heydər Əliyev mərkəzlərində fəaliyyət göstərən xalçaçılıq dərnəklərində yeniyetmələr, gənclər xalçaçılıq sənətinin sirlərinə yiyələnirlər. Prezident İlham Əliyev Xalça Muzeyinin açılışındakı nitqində bundan məmnunluğunu ifadə edərək deyib: “Son illər ərzində demək olar ki, bütün bölgələrdə Heydər Əliyev mərkəzlərinin nəzdində xalçaçılıq dərnəkləri fəaliyyət göstərir. Bu, bizə imkan verəcək ki, bu sənət inkişaf etsin və nəsillər arasındakı körpülər daha da möhkəm olsun”.
Mübariz ABDULLAYEV

 
  • Oxunub:  4230  |  
  • Tarix:  03-08-2017  |  
  •    Çap et   |  
Get Adobe Flash player
Bu ilin doqquz ayında ölkə iqtisadiyyatına 8,3 milyard dollar sərmayə qoyulub

15:06
17 Oktyabr
Dövlət Müstəqilliyi Günü Naxçıvanın Bakıdakı daimi nümayəndəliyində qeyd edilib
15:01
17 Oktyabr
Robert Sekuta: ABŞ Azərbaycanda iqtisadi islahatları yüksək qiymətləndirir
14:47
17 Oktyabr
Azərbaycan Seulda keçirilən mədəniyyət festivalında təmsil olunub
14:13
17 Oktyabr
“Vaşinqton Tayms”: Azərbaycan terrorizmə qarşı mübarizədə ABŞ-ın tərəfdaşıdır
14:10
17 Oktyabr
Bakı Dövlət Universiteti ilə Yaponiya universitetləri arasında əməkdaşlıq genişlənir
14:03
17 Oktyabr
Ziyad Səmədzadə: Azərbaycan 2017-ci ilin 9 ayını müsbət sosial-iqtisadi inkişaf göstəriciləri ilə başa vurub
12:57
17 Oktyabr
Azərbaycan ilə Belarus arasında ticarət dövriyyəsi 100 milyon dollar təşkil edib
12:55
17 Oktyabr
Dilarə Cəbrayılova: Cəmiyyətin intellektual potensialının artması ölkənin inkişafına güclü təsir göstərir
12:33
17 Oktyabr
Hikmət Babaoğlu: Azərbaycanın beynəlxalq miqyasda nüfuzu mütəmadi olaraq artır, milli dövlətçiliyimizin əsasları möhkəmlənir
11:09
17 Oktyabr
Vüqar Namazov: Kapital bazarlarına çıxış bu gün tələb deyil, zərurətdir
11:03
17 Oktyabr
Azərbaycan ilə Pakistan arasında dini-mənəvi sahədə əlaqələr müzakirə edilib
10:53
17 Oktyabr
Vüsal Qasımlı: İlin əvvəlindən Azərbaycanda pul bazası 18 faiz artıb
10:37
17 Oktyabr
Azərbaycan ilə Türkiyə arasında hərbi əməkdaşlıq məsələləri müzakirə olunub
10:34
17 Oktyabr
BANM-ə qəbul olunan Prezident təqaüdçülərinin sayı ötən illərə nisbətən iki dəfə artıb
10:33
17 Oktyabr
İtaliya Senatında Azərbaycan-İtaliya strateji tərəfdaşlığının aspektləri müzakirə olunacaq
10:28
17 Oktyabr
Azərbaycan, Gürcüstan və Türkiyə Silahlı Qüvvələri rəhbərlərinin görüşü keçiriləcək
10:25
17 Oktyabr
Ermənistan silahlı bölmələri iriçaplı pulemyotlardan istifadə etməklə atəşkəs rejimini 105 dəfə pozub
10:18
17 Oktyabr
Sabah Daşkənd şəhərində “İslam həmrəyliyi Özbəkistan-Azərbaycan dostluğu timsalında” mövzusunda Beynəlxalq Konfrans keçiriləcək
17:56
16 Oktyabr
Vüqar Rəhimzadə: Rusiya regionda təhlükəsizliyə xələl gətirə biləcək addımlara yol verməməlidir
17:21
16 Oktyabr
Sosial təminat haqqında Azərbaycan-Bolqarıstan hökumətlərarası Saziş layihəsi müzakirə olunub
16:46
16 Oktyabr
Azərbaycan və Ermənistan xarici işlər nazirləri və ATƏT-in Minsk qrupunun həmsədrləri birgə bəyanat veriblər
16:40
16 Oktyabr
Bayram Səfərov: Bizim yeganə arzumuz doğma torpaqlarımıza qayıtmaqdır
16:00
16 Oktyabr
Flora Qasımova: Azərbaycan Dağlıq Qarabağ münaqişəsinin həlli prosesində danışıqlar xatirinə danışıqlarda iştirak etmir
15:58
16 Oktyabr
MM-in deputatı: Ermənilər xoşluqla sülhə gəlməyəcək
15:52
16 Oktyabr
Azərbaycan ilə Gürcüstan arasında hərbi əməkdaşlıq məsələləri müzakirə olunub
15:45
16 Oktyabr
Mələk Çakmak: Azərbaycan ərzaq təhlükəsizliyi sahəsində böyük irəliləyişə nail olub
15:42
16 Oktyabr
Vüqar Bayramov: Neftin bir barelinin 50 dollar intervalında dəyişməsi daha çox bazar tarazlığına uyğundur
15:40
16 Oktyabr
Bakıda Ümumdünya Ərzaq Gününə həsr edilən tədbir keçirilib
15:31
16 Oktyabr
Vüsal Qasımlı: Azərbaycanda strateji idarəetmə mexanizminin tətbiqinə başlanılır
15:05
16 Oktyabr
Aparılan islahatlar Nazirlər Kabinetinin fəaliyyətinin təkmilləşdirilməsinə, səmərəliliyinin yüksəldilməsinə xidmət edir
14:49
16 Oktyabr
Azərbaycan ilə Gürcüstan arasında sıx əməkdaşlıq bölgədə təhlükəsizliyin təmin olunmasında mühüm rol oynayır
14:32
16 Oktyabr
Cenevrədə Azərbaycan və Ermənistan prezidentlərinin görüşü keçirilib
14:08
16 Oktyabr
Azərbaycanın müdafiə naziri Tbilisidə ulu öndər Heydər Əliyevin abidəsini ziyarət edib
14:02
16 Oktyabr
AZƏRTAC İƏT-ə üzv dövlətlərin Xəbər Agentlikləri Birliyi İcraiyyə Şurasının üzvü seçilib
13:58
16 Oktyabr
Martin Çunqonq: Parlamentlərarası İttifaq Azərbaycan ilə əməkdaşlığın dərinləşməsində maraqlıdır
12:51
16 Oktyabr
Oqtay Əsədov: Özgə torpaqlarının qəsb edilməsinə göz yumulması bütün dünyada sülh və təhlükəsizliyə təhdiddir
12:31
16 Oktyabr
TAP-ın inşasında istifadə ediləcək boruların hamısı Yunanıstan, Albaniya və İtaliyaya çatdırılıb
12:29
16 Oktyabr
Qəbələ Dövlət Peşə Təhsil Mərkəzinin yeni binası istifadəyə verilib
12:26
16 Oktyabr
Polşanın xarici işlər naziri Azərbaycana səfərə gəlir
11:43
16 Oktyabr
Leyla Əliyeva: Ərzaq təhlükəsizliyi dünyada sülhün, sabitliyin və davamlılığın təmini üçün vacibdir
11:39
16 Oktyabr
Bakıda “Müasir şərqşünaslığın aktual problemləri” mövzusunda beynəlxalq konfrans keçirilir
11:32
16 Oktyabr
Yaqub Mahmudov: Azərbaycan tarixçilərinin əsas məqsədi real tariximizi dünya ictimaiyyətinə çatdırmaqdır
11:12
16 Oktyabr
Səkkiz ayda Azərbaycan ilə ABŞ arasında ticarət dövriyyəsi 7 faiz artıb
10:55
16 Oktyabr
Tbilisidə Azərbaycan, Gürcüstan və Türkiyə Silahlı Qüvvələri rəhbərlərinin üçtərəfli görüşü keçiriləcək
10:45
16 Oktyabr
Musa Qasımlı: Rusiyanın Ermənistana silah verməsi regionda şəraitin gərginləşməsinə yönəlib
10:40
16 Oktyabr
Bolqarıstan mediası Rumen Radevin Azərbaycana səfərini geniş işıqlandırıb
10:27
16 Oktyabr
Elçin Əhmədov: Rusiyanın Ermənistanı silahlandırması onun tərəfsiz vasitəçiliyini şübhə altında qoyur
10:24
16 Oktyabr
Ermənistan silahlı qüvvələrinin bölmələri cəbhənin müxtəlif istiqamətlərində atəşkəs rejimini 118 dəfə pozub
09:59
16 Oktyabr
İspaniyanın “La Razon” qəzetində Azərbaycanın dövlət müstəqilliyinin 26-cı ildönümünə həsr olunmuş məqalə dərc edilib
09:55
16 Oktyabr
Amerikalı ekspert: Rusiya silahlarının Ermənistana tədarükü üzrə sazişlər münaqişənin sülh yolu ilə həllinə kömək etməyəcək
09:50
16 Oktyabr
Asim Mollazadə: Ermənistan artıq müstəqilliyini itirmiş bir ərazi, hərbi bazadır
20:48
14 Oktyabr
Elman Nəsirov: Azərbaycan xalqı qardaş Türkiyə vətəndaşlarından bu hərəkəti gözləmirdi
18:41
14 Oktyabr
Hikmət Babaoğlu: Helsinki Komissiyasının Dağlıq Qarabağla bağlı dinləmələri erməni lobbisinə növbəti xidmətdir
18:38
14 Oktyabr
Litvalı müxbirlər işğaldan azad olunmuş Cocuq Mərcanlı kəndinə səfər ediblər
18:12
14 Oktyabr
Naxçıvan şəhərində yeni məscid binası tikilir
17:20
14 Oktyabr
Elçin Mirzəbəyli: Rusiyanın Ermənistana silahlanma üçün kredit ayırması rəsmi Moskvanın beynəlxalq öhdəliklərinə ziddir
13:51
14 Oktyabr
YAP Qubadlı rayon təşkilatının VIII konfransı keçirilmişdir
13:12
14 Oktyabr
Bolqarıstan Respublikası Prezidentinin Azərbaycana rəsmi səfəri başa çatıb
13:06
14 Oktyabr
İzmirdə Türkiyə-Azərbaycan Coğrafiya Günləri keçiriləcək
13:00
14 Oktyabr
Sevinc Hüseynova: 9 ayda ölkəmizin sosial-iqtisadi inkişafının nəticələri perspektiv üçün də böyük uğurlar vəd edir
12:58
14 Oktyabr
İlham Məmmədov: Doqquz ayın yekunları uğurludur
12:15
14 Oktyabr
BMT-nin baş katibi: “Bakı prosesi” mədəniyyətlərarası dialoqun dəstəklənməsində əsas yer tutur
12:11
14 Oktyabr
Bolqarıstan Prezidenti Rumen Radev İçərişəhərlə tanış olub
10:38
14 Oktyabr
Milli Məclisin sədri MDB Parlamentlərarası Assambleyası Şurasının iclasında iştirak edib
17:55
13 Oktyabr
YAP-ın 25 illik yubileyi ilə əlaqədar Ağstafada “Yeni Azərbaycan Partiyasının yaradıcısı, ümummilli lider Heydər Əliyev müstəqil Azərbaycan dövlətinin qurucusudur” mövzusunda elmi praktik konfrans keçirilib
17:34
13 Oktyabr
Hadi Rəcəbli: Dövlətimiz özünün dərinməzmunlu sosial siyasətinə sadiqlik nümayiş etdirir
17:25
13 Oktyabr
Sevinc Fətəliyeva: Ermənistanın cinayətkar rəhbərliyi Dağlıq Qarabağ münaqişəsində status-kvonun saxlanılmasında maraqlıdır
17:17
13 Oktyabr
Dominik Tarçinski: Beynəlxalq təşkilatlarda ölkələrə qarşı hücumlar siyasi təzyiq aləti, mənfəət oyunudur
17:00
13 Oktyabr
Moskvada beynəlxalq tədbirdə Azərbaycanda dövlət gənclər siyasətinin uğurlarından danışılıb
16:46
13 Oktyabr
Daşkəsəndə sahibkarlara 423 min manat güzəştli kredit verilib

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
HAVA HAQQINDA
Bakı
gündüz+13 +15
gecə+10 +12