Ana səhifə »  Siyasət »  Vahid Əhmədovun görünən və görünməyən üzü
A+   Yenilə  A-
Vahid Əhmədovun görünən və görünməyən üzü

Yaxud iqtisadi sferanın “ideoloji diversantı”
Hər kəs özünü dünənində və bu günündə söylədiyi fikirlərdə, sərgilədiyi əməllərdə ifadə edir. Elə adamlar da var ki, onları nə fikirlərində, nə də əməllərində “görmək” mümkün olmur. Belələri, el arasında deyildiyi kimi, gah nala vururlar, gah da mıxa, tez-tez cild dəyişirlər. Xarakterik haldır ki, bu qəbildən olan insanlar bir qayda olaraq populizm mövqeyində dayanırlar. Onlar sanki daim cəmiyyəti narahat edən hansısa yeni xəbərlər, hadisələr sorağındadırlar. Ümummilli narahatçılıq üçün əsas ola biləcək belə xəbərlərin sədası qulaqlarına dəyən kimi dərhal instinktləri işə düşür. Başlayırlar küləyin səmtinə uyğun “əqidə” nümayiş etdirməyə. Həmişə də ikibaşlı danışırlar ki, sabah vəziyyət dəyişəndə dərhal sözlərini geri çevirib desinlər: “Məni düzgün başa düşməyiblər, mən belə demək istəməmişəm...”
Söhbət bəlli simadan - Milli Məclisin deputatı Vahid Əhmədovdan gedir. O, qəzetlərə, saytlara tez-tez müsahibələr verməyi çox xoşlayır, vaxtaşırı televizor ekranlarında görünür. Lakin onun nümayiş etdirdiyi bu fəallığın müqabilində “Sən kimsən, Vahid Əhmədov?” sualının konkret cavabını tapmaq əsla mümkün deyil. Son 25 il - ötən əsrin 90-cı illərindən bu günümüzədək olan tarix orta və yaşlı nəslin şahidliyi ilə yazılıb. Bu müddətdə çox hadisələr baş verib, sular durulub, kimin kim olduğu üzə çıxıb, siyasətə yeni simalar gəlib, bəziləri isə, təbii ki, səhnədən gediblər. Vahid Əhmədovla bağlı məqamlar da yaddaşlardan silinməyib. Respublikamızda məlum siyasi hadisələr baş verib. Vahid Əhmədov isə bir qayda olaraq öz havasını çalıb, mahnısını oxuyub və şəxsi mənini həmişə kölgədə saxlamağı bacarıb. Adam bir şəxsin hamının “dostu” olmasına heyrət etməyə bilmir. Bir baxın, keçmiş sovet rejiminin məmuru ötən əsrin 90-cı illərinin əvvəllərində xalq hərəkatının önündə gedən “azadlıq, müstəqillik” aşiqinə çevrildi, gah “mütəllibovçular komandasında” yer aldı, gah da “cəbhəçilər”in, “müsavatçılar”ın qanadının altına sığındı, onlardan vəzifə aldı. Son illərdə verdiyi açıqlamalardan da belə bəlli olur ki, onun siyasi əqidəsi yenə də möhkəmlənməyib, püxtələşməyib və hər zaman yeni bir dəstədə təmsil olunmağa hazırdır.
Keçmiş zavod direktoru hakimiyyətin yüksək eşelonuna necə yol tapdı?
Vahid Əhmədovun fəaliyyətinin ştrixlərinə nəzər saldıqda onun siyasi “portreti” göz önündə daha açıq şəkildə canlanır. İqtisadi “mülahizələrində” hər zaman sətiraltı da olsa təxribata meyillənmək, ara qızışdırılmasına xidmət etmək, arxasında heç bir nəzəri və praktik əsasın dayanmadığı halda hər şeyi qara rəngə boyamaq, bir sözlə, “zorən iqtisadçı” vəzifəsini həyata keçirmək Vahid Əhmədovun “iqtisadi-siyasi” fəaliyyətinin özəyini təşkil edib və hazırda da etməkdədir. Bu mənada, “yarımçıq və qərəzli iqtisadçılığı”nı özünə “siyasi zireh” edən Vahid Əhmədovun müstəqilliyin ilk illərində Azərbaycanın siyasi hakimiyyətinə necə yol tapması özü sual doğururdu. Bu, çox maraqlı bir detaldır və əslində prosesə nəzər saldıqda tarixi xronologiya özü V.Əhmədovun kimliyini ortaya qoyur. Zavod direktorluğundan o dövrün Nazirlər Sovetinə, yəni siyasi hakimiyyətinə yol tapmış V.Əhmədovun tərcümeyi-halına nəzər saldıqda onun bu gün “iqtisadi proqnozlar” verməyə mənəvi haqqının çatmadığının şahidi oluruq. Bu fikri doğuran əsaslı səbəblər mövcuddur.
Vahid Əhmədovun “siyasi elastikliyi”, bir sözlə, dövrün tələbinə uyğun olaraq lazımi formanı və rəngi alması kimi özəllikləri çoxlarına bəllidir. Bu şəxs özü də etiraf edir ki, ötən əsrin 90-cı illərinin əvvəlində kimin hakimiyyətə gəlmək ehtimalı olubsa, onunla arasını yaxşı edib. KİV-ə müsahibələrində, bir tərəfdən, Ayaz Mütəllibovla isti münasibətdə olduğunu deyən V.Əhmədov, digər tərəfdən də, AXC rəhbərliyi ilə aranı “düzəltdiyini” söyləyib. O, açıqlamalarının birində qeyd edirdi ki, nəinki Baş nazirin müavini olduğu zamanlarda, hətta zavod direktoru kimi də AXC-”Müsavat” cütlüyünə yaxından kömək göstərirmiş. Hətta 1992-ci ilin may hadisələri zamanı Mütəllibov AXC ilə danışıq aparmaq üçün məhz Vahid Əhmədovu “göndəribmiş”. İkincinin dediyinə inansaq, o, bu danışığa gecikib. Amma sonradan vəzifə nərdivanında yüksəlməsi onun bu görüşə təsadüfən və ya qəsdən gecikmə ehtimallarını gündəmə gətirir. Hər halda, bu gecikmənin ardından Vahid Əhmədov daha yüksək vəzifə ilə “ödülləndirilir”... Bu haqda bir az sonra...
Kiçik bir xatırlatma edək ki, Sovet İttifaqının “həyatda olduğu” son illərdə Vəzirov, ardından Mütəllibov komandasının əziz-xələflərindən sayılan V.Əhmədov post-Mütəllibov dövründə, yəni aşkar siyasi böhranın yaşandığı zamanda - 1992-ci ilin aprel ayının 23-də Baş nazirin müavini vəzifəsinə təyin edilib və o dövrün Baş nazir əvəzi olan Firuz Mustafayevin rəhbərliyi altında işləyib. Qısa müddətdən sonra, həmin ilin may ayında AXC-”Müsavat” cütlüyünün silah gücünə hakimiyyəti zəbt etməsinin ardından Vahid Əhmədov digər həmkarlarından fərqli olaraq vəzifəsindən uzaqlaşdırılmayıb. Əksinə, birinci müavin təyin olunub. Təsəvvür etmək çətin olsa da... O baxımdan ki, həmin dövrdə AXC-”Müsavat” hakimiyyəti nəinki ölkə rəhbərliyində, hətta məktəb direktorluğunda belə keçmiş kadrların qalmasına imkan vermirdi. V.Əhmədovun hansı xidmətləri qarşılığında işdən çıxarılmaması, əksinə, daha da “irəli çəkilməsi” isə maraq doğuran məsələdir. Öz işinin peşəkarı sayılan onlarla şəxsin birbaşa düşmən elan edilərək “silindiyi” zamanda zavod direktorluğundan 2 il ərzində Nazirlər Sovetinə yol tapan Əhmədova edilən “etimad” olduqca şübhəlidir.
Qısacası, Rəhim Hüseynovun, Pənah Hüseynovun, Əli Məsimovun və Surət Hüseynovun Baş nazirliyi dövründə, 1993-cü ilin dekabr ayına qədər Baş nazirin birinci müavini vəzifəsini daşıyan V.Əhmədov Azərbaycan Respublikası Prezidentinin 9 dekabr 1993-cü il tarixli Fərmanı ilə Azərbaycan Respublikası Baş nazirinin birinci müavini vəzifəsindən azad edildi. Azərbaycan Respublikasının Milli Məclisi 6 yanvar 1994-cü il tarixində Vahid Əhmədovun Azərbaycan Respublikası Baş nazirinin birinci müavini vəzifəsindən azad olunmasına razılıq verdi...
Vahid Əhmədov 1992-93-cü illərdə Azərbaycan iqtisadiyyatının çöküşündə birbaşa rol oynayıb
V.Əhmədovun “rəngarəngliklər”lə dolu olan, sürətlə qalxan və enən siyasi karyerasının xronologiyası qədər onun “məziyyətləri” də maraq doğurur. Belə ki, Vahid Əhmədovun o dövrdəki Baş nazirin müavini (iqtisadi məsələlər üzrə - bunu xüsusilə vurğulamaq lazımdır) kimi “fəaliyyəti”nə bir neçə rakursdan baxış sərgiləmək gərəkdir.
Bu məqamlara keçməmişdən öncə xırda bir haşiyəyə çıxaq. Vəzifədən azad edildikdən uzun zaman sonra, yəni 2000-ci illərdə yenidən siyasi kluarlarda epizodik şəkildə görünən V.Əhmədov 1992-93-cü illərdə AXC-”Müsavat” hakimiyyətinin Azərbaycan iqtisadiyyatını çökdürdüyünü, məhv etdiyini, səriştəsiz kadrları rəhbər vəzifələrə gətirməklə ölkənin sənaye potensialını yerlə yeksan etdiyini deyirdi. O bildirirdi ki, “cəbhəçilər”in qısa hakimiyyəti dövründə rayonlarda fəaliyyət göstərən zavod və fabriklər öz işini dayandırmaq məcburiyyətində qaldı, cihazlar və on illiklər ərzində quraşdırılmış dəzgahlar xaricə daşınaraq satıldı. Amma bir neçə abzas yuxarı baxsaq, V.Əhmədovun qeyri-səmimiliyinin şahidi olmamaq mümkün deyil. Çünki onun rəhbəri olmuş Firuz Mustafayev və Rəhim Hüseynov rəhbər kimi heç bir siyasi çəkiyə malik deyildilər. Zəif iradələri, təsadüfi seçim, ən əsası isə, 90-cı illərin beynəlxalq və daxili iqtisadi münasibətlərinin tənzimlənməsi prosesindən xəbərsizlikləri həmin şəxsləri aciz hala salmışdı. Əli Məsimlinin cəmisi bir ay sürmüş epizodik Baş nazir əvəzediciliyinin ardından bu vəzifəni daşımış Pənah Hüseynovla Surət Hüseynova gəldikdə isə, vəziyyət daha da “dramatik” hal aldı. Onların siyasi-iqtisadi savadı, dünyagörüşü ilə bağlı məqamlar yalnız lətifələrdə yer almaqdadır. Nəzərə alsaq ki, Vahid Əhmədov birinci müavini olduğu Baş nazirlərin dövründə iqtisadi məsələlərə konkret olaraq cavabdeh şəxs olub, demək ki, baş verənlərdə birbaşa məsuliyyət daşıyır. Yəni istər post-Mütəllibov dövründə, istərsə də AXC-”Müsavat” hakimiyyəti zamanında Azərbaycan iqtisadiyyatının talanmasında, zavod və fabriklərin bağlanmasında, müəssisələrin dağıdılmasında, qurğuların və dəzgahların xarici ölkələrə daşınaraq su qiymətinə satılmasında Vahid Əhmədov ya şəxsən iştirak edib, ya da prosesə göz yumub. Hər iki halda Azərbaycan iqtisadiyyatının 1992-93-cü illərdə məhv olmasında Vahid Əhmədovun böyük “rolu” var. Birbaşa həmin sahəyə cavabdeh şəxs kimi...
Vahid Əhmədovun reabilitasiya cəhdləri: keçmişə süngər, “YES”ə kəmənd...
Qeyd etdiyimiz kimi, 1993-cü ilin dekabrında Baş nazirin müavini postu ilə vidalaşan Vahid Əhmədov uzun bir müddətdə siyasi palitrada görünməz oldu. Həmin dövr ərzində, onun öz məntiqinə görə, reabilitasiya dövrü keçən V.Əhmədov qısa zamanda yolunu, istiqamətini müəyyənləşdirməli idi. O zamanlarda hətta “suyu belə üfürə-üfürə içən” Əhmədov yalnız beynəlxalq müstəvidə, hamıya bəlli olan iqtisadi məsələlərlə bağlı primitiv mülahizələr irəli sürməklə yadda qalmağa çalışırdı. Bununla o, 1992-93-cü illərdəki “iqtisadi dağıdıcılıq” nəzəriyyəsinə əsaslanan fəaliyyətinin üstünə pərdə sərməyə çalışırdı.
Həm AXC-”Müsavat” hakimiyyətinin silah zoruna iqtidardan uzaqlaşdırdığı komandada, həm də AXC-”Müsavat” komandasında təmsil olunan V.Əhmədov bir də aktiv siyasətə 2005-ci ildə “qədəm” basdı. Hər kəsin ironik şəkildə “YES(t)” (“oldu, baş üstə” anlamında) adlandırdığı “Yeni Siyasət” adlı seçki bloku ilə parlament seçkilərinə qatılan Vahid Əhmədovun həmtəsisçisi olduğu bu blok bəzi xüsusiyyətləri ilə seçilirdi.
İlk olaraq vurğulayaq ki, bu seçki blokunun adı istər siyasi kluarlarda, istərsə də o dövrün KİV-ində gülüş, ironiya obyektinə çevrilmişdi. “YES”in xarici ölkələrlə əlaqəsi ilə bağlı fikirlər səslənirdi. Ən maraqlısı isə orada təmsil olunan şəxslərin kimliyi idi. Siyasi baxımdan bir-birinə qarşı ziddiyyət təşkil edən şəxslərdən ibarət “YES”çilərin arasında Ayaz Mütəllibovun namizədliyinin müdafiəsi üçün “mübarizə” aparanlardan başlamış, sonradan “Milli şura” adlanan qondarma qurumda dövlətimizə, xalqımıza qarşı xəyanətkar, satqın mövqedə dayananlara qədər hər kəs vardı. Eldar Namazov, Eldəniz Quliyev və digərlərinin də yer aldığı bu blokun “həmtəsisçisi” olan Vahid Əhmədovun məqsədi isə tamam fərqli idi. O, ətrafındakılardan tramplin kimi istifadə edirdi. Öz məqsədinə çatmaq, yenidən aktiv siyasi fəaliyyətə qoşulmaq, cəmiyyət tərəfindən real siyasi sima kimi tanınmaq, ən əsası, ciddi şəxs kimi qəbul olunmaq üçün ətrafındakılara yağlı vədlər verən Vahid Əhmədov hətta vaxtaşırı həmin dövrün “Azadlıq” bloku ilə “vahid müxalifət” eyforiyasına qapılır, müzakirələr açırdı... Necə deyərlər, hərəyə bir söz verən Vahid Əhmədov daha da irəliyə gedərək guya ətrafında “siyasi blok” yaradacağı ilə bağlı proqnozlar irəli sürürdü. Təbii ki, V.Əhmədovun bu siyasi mülahizələri də iqtisadi mülahizələri kimi bir anda sabun köpüyü kimi partladı. Onun əsl kimliyi o dövrdəki dostlarının dili ilə bir daha etiraf olundu...
Eldəniz Quliyev: Vahid Əhmədovun deputat seçildiyi “YES” bloku ilə bağlı bildirdikləri ziyalıya və millət vəkilinə yaraşan açıqlama deyil
Qeyd etdiyimiz kimi, Eldar Namazov, Eldəniz Quliyev və digər “dostları” deputat seçilən kimi özünü başqa “meydançada” görən V.Əhmədovun düşməninə çevrildilər. “YES” bloku isə birinci elə V.Əhmədovun özünün lağ obyektinə çevrildi. V.Əhmədov bloku ironiya ilə “belə yerlər” adlandırdı. Bu isə Vahid Əhmədovla eyni səfdə yol gedənlərin etirazına səbəb oldu. Məsələn, Eldəniz Quliyev KİV-ə açıqlamasında bildirmişdi ki, V.Əhmədov hansı blokdan millət vəkili seçildiyini unudub: “O “belə yerlər” dediyi blokdan millət vəkili seçilib. Belə çıxır ki, sabah millət vəkili seçildiyi Qubanı da unudacaq. Onun “YES” bloku ilə bağlı bildirdikləri ziyalıya və millət vəkilinə yaraşan açıqlama deyil. V.Əhmədov blok yaradıldıqdan sonra ora gəlib. Belə çıxır ki, deputat olmaq üçün bloka gəlmişdi. Bu, siyasətin o qədər də əxlaqlı olmadığı fikrini bir daha mənə xatırlatdı...”.
E.Quliyev bildirmişdi ki, “YES” parlament seçkisi ilə əlaqədar olaraq yaradılmışdı və blokun reanimasiyası düzgün strategiya olmaz: “Və “YES” dönüb “net” oldu”...
Yəqin ki, artıq şərhə ehtiyac qalmır. E.Quliyev açıq şəkildə onun yalnız deputat seçilmək üçün bu bloka üz tutduğunu təsdiqləyib. Demək ki, hələ o dövrdən bu yana V.Əhmədov yalnız öz maraqları üçün çalışır və bu yolda hər işə əl atmaq iqtidarındadır.
Yarımçıq iqtisadçının özünü doğrultmayan gülünc proqnozları
O ki qaldı Vahid Əhmədovun özünü cəmiyyətə iqtisadçı ekspert qismində təqdim etməsinə, Milli Məclisdə iqtisadi sektora aid aparılan müzakirələrdə bir qayda olaraq fəallıq göstərməsinə, onun fəallığı, “iqtisadçılığı” primitiv təkliflər verməkdən və narazılıq ifadə etməkdən uzağa getmir. Ölkədə ötən ilin əvvəlindən başlayaraq meydana çıxan yeni çağırışlara adekvat islahatlar aparılır. İqtisadi sektorun müxtəlif istiqamətlərini əhatə edən bu islahatlar artıq səmərə verməyə başlayıb və iqtisadiyyatımızda sabitlik təmin olunub. Ancaq gəlin millət vəkili Vahid Əhmədovun zamanında nümayiş etdirdiyi çabalamaları yada salaq. O, Milli Məclisin tribunasından, saytlardan, qəzet səhifələrindən başlanan islahatlara qarşı əsassız arqumentlər irəli sürür, müxtəlif iqtisadi “nəzəriyyələrlə” islahatların əhəmiyyətini, lazımi səmərə verməyəcəyini və yaxud islahatların icra mexanizmlərinin düzgün olmadığını “əsaslandırmağa” çalışırdı. Vahid Əhmədovun vurnuxmalarından asılı olmayaraq ölkəmizdə islahatlara başlanıldı, dəyişikliklər də göz qabağındadır. Dəyişməyən isə Vahid Əhmədovun xislətidir. O yenə də atəş hədəfi axtarır, narazılığını ifadə edir. Vahid Əhmədov özünü hamıdan ağıllı göstərməyə çalışaraq iqtisadi inkişafın permanentliyi, islahatların tədricən səmərə verməsi kimi hər kəsə bəlli olan sadə həqiqətləri də cəmiyyətə tənqidi notlarla çatdırmağa səy göstərir. O, böhrandan sonrakı ilk vaxtlarda əldə olunan uğurlara, çətinliklərin tədricən dəf edilməsinə hiss olunacaq bir qısqanclıqla yanaşaraq yenə də ağ paltardakı qara ləkələrdən bəhs edir. Ondan soruşmaq istəyirsən: Kim daha böyük nəticələrin əldə olunmasını istəmir? Məgər dövlətin siyasi iradəsi ona yönəlməyibmi ki, Azərbaycan qlobal böhranın təsirini daha az hiss etsin və ölkəmiz xarici mənfi təsirlərə daha artıq dərəcədə müqavimət göstərə bilsin? Vahid Əhmədov qlobal iqtisadi proseslərdən o dərəcədəmi bixəbərdir ki, Azərbaycanın indiki şəraitdə qazandığı uğurları şübhə altına alsın? Məgər “iqtisadçı ekspert” bilmirmi ki, indiki kataklizmlər dövründə iqtisadiyyatda miqyası kiçik rəqəmlərlə ölçülsə də, hansısa uğurlara imza atmaq çox çətindir? Bəs Vahid Əhmədov niyə ağzına su alaraq qlobal reytinq agentliklərinin Azərbaycan iqtisadiyyatının rəqabətqabiliyyətliliyini yüksək qiymətləndirmələrindən, ölkəmizdə 2017-ci, 2018-ci və 2019-cu illərdə ümumi daxili məhsul istehsalının artacağını proqnozlaşdırmalarından bir kəlmə də olsun danışmır? Məgər Vahid Əhmədov müqayisələr apara bilmir?
Vahid Əhmədovun qeyri-iqtisadi məntiqə söykənən açıqlamaları iqtisadi təxribatdır
Əlbəttə, Vahid Əhmədovun “menyusunda” iqtisadi perspektivlərlə bağlı “proqnozlar” da saysız-hesabsızdır. Sanki xarici mənfi təsirlərin yaratdığı və bir çox çətinliklərlə müşayiət olunan şəraitdə onun əlinə fürsət düşüb - hamını qaralayır, böhran meyillərinin dərinləşəcəyini deyir, ölkənin, əhalinin çıxılmaz vəziyyətə düşəcəyinin anonsunu verir... Lakin Vahid Əhmədovun proqnozlarının yeganə “əsası” varsa da, o da yenə də populizmdir. Onun dediklərində zərrə qədər də olsa, elmi-iqtisadi əsaslandırma yoxdur. O, ənənəvi ampluasında qalaraq heç nəyə yaramayan proqnozları ilə insanlarda bədbinlik yaratmağa, cəmiyyəti ümidsizliyə sürükləməyə çalışır.
Ötən il Azərbaycanda devalvasiyadan sonrakı mərhələdə görülən tədbirlər nəticəsində ölkə iqtisadiyyatında ciddi sabitləşmə meyllərinin müşahidə olunduğu bir vaxtda görünür, proseslərin bu cür müsbət məcrada inkişafı Vahid Əhmədovu narahat edib ki, o, ictimai rəyi manipulyasiyaya məruz qoymaq üçün dərhal növbəti bədbin “proqnozunu” dövriyyəyə buraxdı. Vahid Əhmədov ötən ilin dekabrında verdiyi açıqlamasında doların 2 manata qədər bahalaşacağını (?) bildirmişdi. Budur, aradan 6 aya qədər vaxt keçib və V.Əhmədovun arzuladığı bahalaşma dalğasından söhbət belə gedə bilməz. Əksinə, son dövrlərdə manatın dollara nəzərən möhkəmlənməsi prosesi müşahidə edilməkdədir.
Yaxud Vahid Əhmədovun ötən ilin noyabr ayında guya 2017-ci ilin daha çətin və ağır il olacağı ilə bağlı cəmiyyətdə narahatçılıq yaratmaq məqsədilə səsləndirdiyi fikirləri də bumeranq effekti kimi özünə qayıtmaqdadır. Çünki 2017-ci ilin birinci rübünün yekunları onu göstərir ki, Azərbaycan iqtisadiyyatı çox dinamik şəkildə inkişaf edir. Bunu sözügedən dövrdə iqtisadi prosesləri ifadə edən rəqəmlər də təsdiqləyir. Məsələn, cari ilin ilk rübündə iqtisadiyyatın qeyri-neft sektoru 2,4 faiz artıb, qeyri-neft sənayemizin artımı 2 faiz səviyyəsində olub. Bu dövrdə kənd təsərrüfatı 3,5 faiz artıb. Birinci rübdə ölkəmizin valyuta ehtiyatları 1 milyard dollar səviyyəsində artıb. Hazırda Azərbaycanın valyuta ehtiyatları 38,5 milyard dollardır. Bu ilin üç ayında ticarət dövriyyəsi 15 faiz, ixrac təxminən 50 faiz artıb.
Göründüyü kimi, V.Əhmədovun bu proqnozu da boş çıxıb. Bu kimi fikirlərin gündəmə gətirilməsi şübhə yoxdur ki, özünü ekspert adlandıran şəxsin iqtisadi sahədəki biliklərinin kasadlığından irəli gəlməklə yanaşı, həm də bir daha onun təxribatçı fəaliyyətinin ifadəsi kimi də qəbul oluna bilər.
Tarixdən də bəlli olduğu kimi, ziyalılar, nüfuz sahibi olan insanlar cəmiyyətdə həmişə aparıcı, stimulverici bir qüvvə kimi çıxış ediblər. Onlar inkişafın hansısa çətin dönəmlərində milli mənafe naminə səfərbər olunaraq reallığı düzgün qiymətləndirməklə cəmiyyəti pozitiv əhval-ruhiyyəyə kökləyiblər, insanları bədbinliyə qapılmağa qoymayıblar. Özünü iqtisadçı ekspert sayan Vahid Əhmədovun timsalında isə biz qeyri-ciddi, heç bir iqtisadi əsaslandırması olmayan populist açıqlamaları ilə insanları çaşdıran təxribatçı bir simanın şahidi oluruq. Azərbaycan cəmiyyəti çox haqlı olaraq onun daşıdığı yüksək statusu ilə bir araya sığmayan təxribatçı çıxışlarını qətiyyətlə pisləyir.
“Yeni Azərbaycan”

 
  • Oxunub:  58500  |  
  • Tarix:  19-05-2017  |  
  •    Çap et   |  
Get Adobe Flash player
Nikolay Patruşev və Ramiz Mehdiyev təhlükəsizlik sahəsində Rusiya-Azərbaycan əməkdaşlığı məsələlərini müzakirə ediblər

17:52
24 Noyabr
“Azərbaycanın İntellektual Birincisi” layihəsi çərçivəsində Aran zonası üzrə regional turnir keçirilib
17:51
24 Noyabr
Pakistanın nümayəndə heyəti hərbi təhsil müəssisələrini ziyarət edib
17:46
24 Noyabr
Professor Timuçin Əfəndiyev: Sankt-Peterburq forumu Azərbaycanın təmsil olunduğu nüfuzlu mədəniyyət tədbirlərindəndir
17:45
24 Noyabr
Səhiyyə naziri Biləsuvarda vətəndaşları qəbul edib
17:43
24 Noyabr
Tahir Budaqov: Milli statistika sisteminin Avropa standartlarına uyğunlaşdırılması istiqamətində konkret addımlar atılıb
17:41
24 Noyabr
Avropa İttifaqı Azərbaycanın ərazi bütövlüyünü tanıdığını bir daha bəyan etdi
17:35
24 Noyabr
Sevinc Fətəliyeva: NATO Azərbaycanla əməkdaşlığa böyük əhəmiyyət verir
17:25
24 Noyabr
Brüssel Sammitinin Birgə Bəyannaməsində Şərq Tərəfdaşlığı dövlətlərinin ərazi bütövlüyü və suverenliyi bir daha dəstəklənib
17:18
24 Noyabr
Vergilər naziri Ağdaşda vətəndaşları qəbul edib
17:14
24 Noyabr
Astanada beynəlxalq parlament konfransı keçiriləcək
17:12
24 Noyabr
Azərbaycan və Türkiyə Hərbi Hava Qüvvələrinin nümayəndələri arasında qərargah danışıqları keçirilib
17:01
24 Noyabr
Milli Məclisin əmək və sosial siyasət komitəsinin iclası keçirilib
16:53
24 Noyabr
Azərbaycanın və Gürcüstanın Xarici İşlər nazirlikləri arasında siyasi məsləhətləşmələr aparılıb
16:43
24 Noyabr
Kiyev meriyası Bakıda aparılan yenidənqurma işləri ilə bağlı təcrübəni öyrənir
16:24
24 Noyabr
"Xocalıya ədalət" beynəlxalq kampaniyasının Mərakeşdə təqdimatı keçirilib
16:12
24 Noyabr
Bakıda “Heç kim kənarda qalmasın: Qadınlara və qızlara qarşı zorakılığa son!” adlı konfrans keçirilir
16:02
24 Noyabr
Britaniyanın dövlət naziri: Əminəm ki, Azərbaycanla müxtəlif sahələrdə əlaqələrimiz genişlənəcək
15:50
24 Noyabr
Nikolay Patruşev və Ramiz Mehdiyev təhlükəsizlik sahəsində Rusiya-Azərbaycan əməkdaşlığı məsələlərini müzakirə ediblər
15:22
24 Noyabr
Mərkəzi Seçki Komissiyasında Qazaxıstan MSK-nın nümayəndə heyəti ilə görüş olub
15:19
24 Noyabr
İtaliyanın populyar turizm portalı Bakının görməli yerləri haqqında yazır
15:11
24 Noyabr
Dini Qurumlarla İş üzrə Dövlət Komitəsinin sədri Neftçalada vətəndaşların müraciətlərini dinləyəcək
15:09
24 Noyabr
Beyləqanda aztəminatlı ailələr üçün meyvə bağları salınıb
15:03
24 Noyabr
“Bakı Şəhər Halqası” Akademiyasında “Gəncsən? Başla!” kitabının təqdimatı olub
14:35
24 Noyabr
Qafqaz Müsəlmanları İdarəsinin sədri Sankt-Peterburqda bir sıra görüşlər keçirib
14:24
24 Noyabr
Leyla Əliyevanın təşəbbüsü ilə Moskvada növbəti xeyriyyə aksiyası keçirilib
14:21
24 Noyabr
Əhliman Əmiraslanov: 2018-ci ilin dövlət büdcəsi mükəmməl və peşəkarlıqla hazırlanıb
14:19
24 Noyabr
İlham Quliyev: Dövlət tərəfindən kənd təsərrüfatının inkişafına xüsusi diqqət göstərilir
14:12
24 Noyabr
Milli Məclisdə Azərbaycan-Latviya parlamentlərarası əlaqələri müzakirə olunub
14:05
24 Noyabr
Avropa İttifaqı ölkələri Azərbaycana 21 milyard dollar investisiya yatırıb
14:02
24 Noyabr
Londonda Azərbaycan Dövlət Dəniz Administrasiyasında keçirilən audit yoxlamasının nəticələrinin hesabatı dinləniləcək
14:00
24 Noyabr
Qahirədə keçirilən forumda multikulturalizmin Azərbaycan modelindən danışılıb
13:57
24 Noyabr
UNESCO-da “Bakı Prosesi”nin 10 illiyi ilə bağlı müzakirələr aparılıb
13:53
24 Noyabr
Prezident İlham Əliyev Brüsseldə Avropa İttifaqının Şərq Tərəfdaşlığı Sammitində iştirak edib
13:48
24 Noyabr
Hikmət Babaoğlu: 2018-ci il dövlət büdcəsini ilk növbədə, sosialyönümlü və milli təhlükəsizliyimizi etibarlı şəkildə təmin edəcək büdcə kimi qiymətləndirməliyik
12:54
24 Noyabr
Azərbaycan Silahlı Qüvvələrində “NATO günləri” keçirilib
12:47
24 Noyabr
Milli Gimnastika Arenasında ən güclülər müəyyənləşir
12:31
24 Noyabr
Konstitusiya Məhkəməsinin kollektivi Cocuq Mərcanlıya səfər edib
12:29
24 Noyabr
Azərbaycan Özbəkistanda keçirilən beynəlxalq konfransda təmsil olunub
12:24
24 Noyabr
Milli Məclisin dekabrın 1-nə olan iclasının gündəliyi müəyyənləşib
12:20
24 Noyabr
Energetika Nazirliyinin əməkdaşları Belarus təcrübəsini öyrəniblər
12:17
24 Noyabr
Bakı Ali Neft Məktəbi Çin şirkətləri ilə əməkdaşlığı genişləndirir
12:11
24 Noyabr
Gələn il İranda Xəzəryanı dövlətlərin hərbi dəniz qüvvələri komandanlarının görüşü olacaq
12:03
24 Noyabr
Şahin Mustafayev: Avropa İttifaqı ölkələrinin Azərbaycanda 1400 şirkəti fəaliyyət göstərir
12:00
24 Noyabr
Bakıda Davamlı İnkişaf Məqsədləri üzrə beynəlxalq konfrans keçirilir
10:56
24 Noyabr
Heydər Əliyev Fondu fəaliyyətini Çin Xalq Respublikasında genişləndirir
10:27
24 Noyabr
UNESCO-da almanların Azərbaycana gəlişinin 200 illiyinə həsr edilən konsert olub
10:18
24 Noyabr
Vüqar Gülməmmədov: Gələn il Hesablama Palatasının büdcəsi 3,8 milyon manat nəzərdə tutulub
10:16
24 Noyabr
Çində Bakı-Tbilisi-Qars dəmir yolunun təqdimatı keçiriləcək
10:13
24 Noyabr
Ermənistan silahlı qüvvələrinin bölmələri cəbhənin müxtəlif istiqamətlərində atəşkəs rejimini 122 dəfə pozub
21:25
23 Noyabr
Bakıda Latviyanın milli bayramı qeyd edilib
21:17
23 Noyabr
Azərbaycan ilə Tacikistan arasında məhkəmə-hüquq sahəsində əməkdaşlıqla bağlı fikir mübadiləsi aparılıb
21:02
23 Noyabr
M.Zaxarova: Dağlıq Qarabağ münaqişəsinin nizamlanması bizim üçün prioritet mövzulardan biridir
20:55
23 Noyabr
Sankt-Peterburqda konfessiyalararası dialoq və İslam həmrəyliyi mövzusunda konfrans keçirilib
19:52
23 Noyabr
Avropa Yenidənqurma və İnkişaf Bankında Azərbaycanın iqtisadi perspektivlərinə dair təqdimat keçiriləcək
19:39
23 Noyabr
Milli Məclisdə dövlət büdcəsi zərfinə daxil olan sənədlərin müzakirəsi başa çatıb
18:00
23 Noyabr
“ADA” Universitetində Bakı Fond Birjasının “Bilik mübadiləsi” layihəsi çərçivəsində təlim keçirilib
17:50
23 Noyabr
Nizami Gəncəvi Beynəlxalq Mərkəzinin XIII Yüksək Səviyyəli Afina Toplantısı başa çatıb
17:32
23 Noyabr
Daşkəsəndə Yeni Azərbaycan Partiyasının yaradılmasının 25 illiyi münasibətilə “Hərəyə bir ağac əkək” kampaniyasına start verilib
17:23
23 Noyabr
Azərbaycan Prezidenti və NATO-nun baş katibi mətbuata bəyanatla çıxış ediblər
17:20
23 Noyabr
Azərbaycan ilə Pakistan arasında strateji tərəfdaşlıq əlaqələri uğurla inkişaf edir
17:01
23 Noyabr
MM-də büdcə müzakirələri başa çatıb
16:44
23 Noyabr
Azərbaycanla Pakistan arasında təhlükəsizlik və hərbi sahədə əməkdaşlıq müzakirə olunub
16:41
23 Noyabr
Azərbaycan və Benilüks ölkələri arasında xidməti pasport sahiblərinin viza tələblərindən azad edilməsi haqqında Saziş imzalanıb
16:34
23 Noyabr
Ziyad Səmədzadə: Gələn il üçün yaşayış minimumu 11 faiz artırılacaq
16:30
23 Noyabr
Bakı-Tbilisi-Qars layihəsi İslam Əməkdaşlıq Təşkilatının Nazirlər Müşavirəsində müzakirə edilir
16:21
23 Noyabr
Gələn il əmək pensiyaları üzrə xərclər 193,2 milyon manat artacaq
16:17
23 Noyabr
Dövlət Sosial Müdafiə Fondunun gələn il üçün gəlir və xərcləri 3,5 milyard manat proqnozlaşdırılır
16:13
23 Noyabr
Bakı-Tbilisi-Qars dəmir yolunun Naxçıvan polad magistrallarına birləşdirilməsi 2020-ci ildə başlanıla bilər
15:56
23 Noyabr
İstanbulda İslam Əməkdaşlıq Təşkilatının Bakıda yerləşəcək Əmək Mərkəzinin Nizamnaməsi imzalanıb
15:47
23 Noyabr
Səfir: "Cənub Qaz Dəhlizi Azərbaycanın dünyada iri enerji ixracatçısına çevrilməsinə imkan yaradacaq”

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
HAVA HAQQINDA