Ana səhifə »  Siyasət »  Türk dünyasının qürur mənbəyi
A+   Yenilə  A-
Türk dünyasının qürur mənbəyi
Güclü ordu qələbənin - qalib ölkənin atributudur
Ordu hər bir millətin güvənc yeri, qürur, ləyaqət rəmzidir. Azərbaycanda ordu quruculuğu prosesi çox çətin və mürəkkəb mərhələlərdən keçib. Həm Azərbaycan Xalq Cümhuriyyətinin mövcud olduğu 1918-1920-ci illərdə, həm də müstəqilliyimizin yenidən bərpa edildiyi 1991-ci ildən sonra.
Cümhuriyyət Ordusu
1918-ci il iyunun 26-da Azərbaycan Cümhuriyyət hökumətinin qərarı ilə Milli Ordunun formalaşdırılmasına başlanılıb və əsasən azərbaycanlılardan ibarət olan Müsəlman korpusu-Əlahiddə Azərbaycan Korpusu yaradılıb. Bununla da Azərbaycan Milli Ordusunun əsası qoyulub.
Həmin il sentyabrın 1-də Azərbaycanda Hərbiyyə Nazirliyinin yaradılması haqqında qərar qəbul olunub və ordu rəhbərliyinə ilk təyinatlar həyata keçirilib. Ordumuzun ilk sərkərdəsi - hərbi nazir general Səmədağa Mehmandarov olub. Hökumətin dekabrın 25-də verdiyi eyni qərarla general Əliağa Şıxlinski hərbi nazirin müavini, general Süleyman Sülkeviç Baş qərargah rəisi təyin edilib.
1918-ci il may ayının 28-də elan edilən və cəmi 23 ay yaşayan Azərbaycan Xalq Cümhuriyyəti digər dövlət atributları ilə yanaşı, Milli Ordu quruculuğu istiqamətində də çox böyük işlər görüb. O zaman Milli Ordunun qarşısında duran ilk vəzifə ölkəni daşnak-bolşevik işğalından azad etmək idi. Milli Ordu Nuru Paşanın rəhbərlik etdiyi türk qoşunları ilə birgə buna nail ola bilib.
1918-ci il iyulun 11-də Milli Orduya çağırış haqqında ilk əmrlə 24-29 yaşlı oğlanlar səfərbər edilib. 1918-1920-ci illərdə Milli Ordunun piyada və atlı polkları, artilleriya briqadası, diviziyası yaradılıb. Bundan başqa, 1918-ci il sentyabrın 15-də Bakının işğaldan azad olunmasından sonra milli hökumət Xəzər hərbi donanmasını yenidən qurub. Ordunu silah-sursatla təmin etmək məqsədi ilə hökümət 1920-ci ilin yanvarında hərbi-sənaye kompleksinin yaradılması haqqında qanun layihəsi hazırlayıb.
Azərbaycan Xalq Cümhuriyyətinin ordu quruculuğu siyasətində milli hiss, milli birlik, milli iftixar, vətənə, torpağa bağlılıq duyumu əsas prinsiplərdən olub. 1920-ci ilin yanvarında hökumət Milli Ordunun yaradılması prosesini demək olar ki, başa çatdırıb. 40 min nəfərlik nizami ordunun 30 mini piyada, 10 mini isə süvari qoşun hissələrindən ibarət olub. Lakin təəssüf ki, 1920-ci ilin aprelində milli hökumətin süquta uğraması və bolşevik işğalı planları alt-üst edib.
Müstəmləkə ölkəsinin ordusu
SSRİ qurulandan sonra azərbaycanlıların hərbin sirlərinə yiyələnməsinə müxtəlif süni maneələr yaradılırdı. Azərbaycandan Sovet ordusuna xidmətə çağırılan gənclər bilərəkdən inşaat batalyonlarına göndərilirdilər. Yeridilən bu siyasətin məqsədi Azərbaycanın o vaxtkı rəhbərliyinin diqqətindən yayınmırdı. Lakin bu siyasətin qarşısını almaq istiqamətində ilk addımı ümummilli lider Heydər Əliyev atdı. Məhz onun səyləri nəticəsində 1973-cü ildə Bakıda Cəmşid Naxçıvanski adına Hərbi Məktəb yaradıldı. Bu məktəb Azərbaycanda milli hərbi kadr hazırlığı üçün baza rolu oynadı, hərb sənətinə marağı gücləndirdi. Bu addım müstəqillik dövrünün ordusunun da köməyinə çatdı.
Bizə güclü ordu
gərəkdir
1991-ci ilin sonlarında öz müstəqilliyini yenidən bərpa edən Azərbaycan Silahlı Qüvvələrinin yaradılması işlərinə başlandı. Lakin müstəqilliyin ilk illərində nizami ordu quruculugunda problemlər, özbaşınalıq birinci Qarabağ savaşında məğlubiyyətlərlə nəticələndi.
Ulu öndər Heydər Əliyev müstəqil Azərbaycan ordusunun yaradılmasında da inkaredilməz fəaliyyəti ilə fərqləndi. Onun 1993-cü ildə hakimiyyətə qayıdışından sonra ordu quruculuğu istiqamətində mühüm addımlar atıldı. Həmin ilin sonlarından etibarən Silahlı Qüvvələrdə struktur və kadr dəyişiklikləri həyata keçirilməyə başlandı, vahid komandanlığa tabeçilik bərpa edildi, ordu siyasətdən uzaqlaşdırıldı. 1994-cü il mayın 12-də Ermənistan-Azərbaycan münaqişəsində atəşkəs haqqında müqavilə imzalandı. Bundan sonra, Azərbaycanda Milli Ordunun güclənməsi daha da sürətləndi. Həyata keçirilən siyasət nəticəsində Milli Ordunun maddi-texniki təminatının yaxşılaşdırılması, şəxsi heyətin mənəvi-psixoloji hazırlığının artırılması, döyüş ruhunun yüksəldilməsi mümkün oldu.
ümummilli lider Heydər Əliyevin "Danışıqlarda daha qətiyyətli olmaq üçün güclü ordu lazımdır", - fikri bu mərhələdə dövlətin hərbi siyasətinin əsas məramı oldu. Məhz bundan sonra orduya ayrılan vəsait ölkə büdcəsinin əsas xərclərini təşkil etdi. Bu siyasətin davamıdır ki, indi hərbi büdcəmiz Ermənistanın bütöv büdcəsinə bərabərdir. ölkəmizdə ordu quruculuğu istiqamətində atılan addımlar Ali Baş Komandan İlham Əliyevin məqsədyönlü fəaliyyəti ilə daha geniş miqyas aldı. Bu gün Azərbaycan Silahlı Qüvvələrində nizam-intizam, peşəkarlıq istənilən səviyyədədir. İndi müasir silahlara malik Quru Qüvvələri, Hərbi Dəniz Qüvvələri və Hərbi Hava Qüvvələrindən ibarət yüksək döyüş qabiliyyətli Milli Ordumuz var. Silahlı Qüvvələrin peşəkar zabit kadrları Heydər Əliyev adına Azərbaycan Ali Hərbi Məktəbi, Ali Hərbi Dənizçilik Məktəbi və Ali Hərbi Təyyarəçilik Məktəbində hazırlanır. Ali baş komandanın əmrilə ildə 4 dəfə yaşı 18-dən 35-dək olan vətəndaşlar həqiqi hərbi xidmətə çağırılırlar.
Hərbi parad
Nizami ordu yaradılandan sonrakı bu mərhələyə iyunun 26-da Azərbaycan Silahlı Qüvvələrinin yaranmasının 90 illiyi ilə bağlı Bakıdakı Azadlıq meydanında hərbi parad yekun vurdu. Bu, Azərbaycanın dövlət müstəqilliyi tarixində ikinci, Silahlı Qüvvələrin tarixində üçüncü hərbi keçid oldu. İlk hərbi parad 1919-cu ildə Bakı şəhərində - indiki Xalça Muzeyinin yerləşdiyi ərazidə keçirilib. Müstəqilliyin bərpasından sonra Bakıdakı hərbi parad 1992-ci il oktyabrın 9-da olub. Sayca üçüncü hərbi parad isə özündən əvvəlkilərdən möhtəşəmliyi ilə fərqləndi.
Hərbi paradda bütün növ qoşunlar - hərbi hava qüvvələri, hərbi donanma, quru qoşunlar təmsil olundu, bütün növ silahlar, o cümlədən ağır texnika - tanklar, toplar, qırıcı təyyarələr nümayiş etdirildi.
İlk olaraq tribunanın önündən Azərbaycan Xalq Cümhuriyyəti ordusunun geyimində və o dövrün silahları ilə silahlanmış əsgərlərin keçidi müasir dövlətin milli kökünə bağlılığının və varisi olan dövlətə sədaqətinin nümayişi oldu. Cəmşid Naxçıvanski adına Hərbi Liseyin kursantlarından ibarət bölük, general-mayor Lənkəran Əliyevin rəhbərliyi altında Təlim-Tədris Mərkəzinin, general-mayor Heydər Piriyevin rəhbərliyi altında Heydər Əliyev adına Azərbaycan Ali Hərbi Məktəbinin, eləcə də Azərbaycan Ali Hərbi Dənizçilik və Ali Hərbi Təyyarəçilik məktəblərinin müdavimləri, Quru Qoşunların ordu birləşmələrini təmsil edən bölmələr və Azərbaycanın sülhməramlı bölüyü isə gələcəyin etibarlı əllərdə olduğuna dair mülahizə yürütmək üçün tutarlı arqument verdi. Keçmişlə gələcəyini gözü önünə gətirən xalq özünü bu anları göz yaşı ilə izləməkdən necə saxlaya bilərdi?
XDMX-nin Milli Qvardiyasının əsgərləri, MTN-in, Fövqəladə Hallar Nazirliyi Mülki Müdafiə Qoşunlarının, Sərhəd Qoşunlarının, Daxili Qoşunların bölükləri və dəniz piyadalarını görəndə qürur hissi keçirən bir millətin gözləri dolmaya bilərdimi?
Hərbi paradda ən çox maraq doğuran isə NATO ölkələri ordularında istifadə olunan müasir atıcı silahlarla təchiz olunmuş, geyimi ilə digər bölmələrdən fərqlənən Müdafiə Nazirliyinin xüsusitəyinatlı 3 bölüyü oldu.
Şəxsi heyətin keçidinin ardınca texniki personal insanların qəlbini riqqətə gətirdi. Düşmən quyusuna su tökənlərin parad öncəsi şayiələri bu anlardan etibarən puç oldu. Silahlı Qüvvələrin motosikletdən tutmuş müxtəlif təyinatlı raket və artilleriya sistemlərinədək ən müasir texnikalarının nümayişi bəzi suallara da cavab verdi.
O gün təəccübünü gizlətməyənlər, təəccübündən doğan fəxr hissini boğa bilməyənlər az olmadı.
Hərbi texnikanın keçidinin önündə "Mercedes UNİMOS", "Land Rover" hərbi maşınları və PKM motosikletlərində silahlı əsgərlər, T-72M1 markalı tanklar, BMP-2 döyüş maşınları, BTR-80, 2C7, 2C3, 2C1 özüyeriyən artilleriya qurğuları, "OSA-AK", "Toçka-U", "S-200", "S-125" markalı zenit-raket sistemləri, BM-21 (Qrad), Cənubi Qafqaz ölkələrindən yalnız Azərbaycanda olan "Smerch" reaktiv-yaylım atəş sistemləri, "Giatsin", M-46, MT-12 topları, D-20, D-30A, RBQ (107 mm) və "AMQ-Vasilyok" qaubitsaları, Azərbaycan tarixində ilk dəfə olaraq pilotsuz uçan kəşfiyyat aparatları...
Bütün bunlar Ali Baş Komandanın və xalqın orduya güvəncinin yetərincə əsaslı olduğunu bir daha təsdiqləyirdi.
Hərbi Hava Qüvvələrinin çıxışı isə sözün əsl mənasında qürur mənbəyi oldu. Paraddan 10 gün sonra hələ də gurultusu ilə qulaqlarda cingildəyib, ürəklərdə fərəh hissi yaradan döyüş təyyarələri və helikopterlərin pilotaj uçuşları yəqin növbəti hərbi keçidə qədər milli ruhumuzu tənzimləyəcək, pessimist əhvala qapılmağa imkan verməyəcək. "Mİ-8" və "Mİ-24" vertolyotları, "L-39", "MİQ-29", "SU-25" və "SU-24" təyyarələri səmada qoyduqları izləri ilə düşmənə dağ çəkdi. Şahinlər bir daha millətin qürur mənbəyi oldu.
Hərbi qüvvələrin nümayişinə ruh yüksəkliyi, təmtəraq qatan ifanı da unutmaq mümkün deyil. Paradı müşayiət edən Azərbaycan Silahlı Qüvvələrinin 200 nəfərlik hərbi orkestri nizami ordunun növbəti keçidinin möhtəşəmliyinə öz töhfəsini verdi.
Hərbi ekspertlərin fikrincə, böyük əhəmiyyətə malik olan hərbi parad ictimaiyyətin orduya olan inamını gücləndirməklə yanaşı, dövlətin hərbi cəhətdən nəyə qadir olduğunu sübut etdi. Paradın ən böyük uğuru isə gənclərin Silahlı Qüvvələrə, hərbi peşəyə marağını artırmaq olacaq.
Dost sevindi, düşmən kor oldu
Bir sözlə, Azərbaycan ordusunu dünya izlədi: düşmən kor oldu, dost isə sevindi.
Sevincimizi ən çox Türkiyə bölüşdü. Hərbi parad dost ölkədə böyük qürur hissi ilə qarşılanıb. "Hürriyyət" qəzeti "Bakıda möhtəşəm hərbi keçid" və "Vətən" qəzeti "Ermənilərə göz dağı" başlıqlı yazılarla iki qardaş xalqın ümumi Vətəni olan Azərbaycan və Türkiyənin hərbi gücünü düşmənlərə layiqli cavab kimi dəyərləndiriblər. Azərbaycan Ordusunun hərbi paradını türk dünyasının qürur qaynağı hesab edən Türkiyə mətbuatı belə bir fikrə xüsusi yer ayırıb: "İqtisadiyyatı sürətlə inkişaf edən Azərbaycanın hərbi gücünün artması işğal olunmuş torpaqların azad olunacağına əminlik hissi yaradır". İngiliscə nəşr olunan "Todays Zaman" qəzeti isə "Azərbaycan öz hərbi gücünü Ermənistana göstərdi" başlıqlı yazısında Azərbaycan Silahlı Qüvvələrinin son illərdə modern orduya çevrildiyini xüsusi vurğulayıb.
RUHİYYƏ
 
  • Oxunub:  20070  |  
  • Tarix:  07-07-2008  |  
  •    Çap et   |  
Get Adobe Flash player
Azərbaycanda həyata keçirilən iqtisadi islahatlar büdcə gəlirlərinin və ölkənin maliyyə imkanlarının artmasına səbəb olub

23 Aprel 21:19
Üçüncü Respublika İnnovasiya Müsabiqəsi elan olunacaq
23 Aprel 21:15
Formula 1 Azərbaycan Qran-Prisi ilə əlaqədar polis gücləndirilmiş iş rejimində işləyəcək
23 Aprel 21:13
Diplomatik korpusun nümayəndələrinə Azərbaycanda aparılan aqrar islahatlar barədə məlumat verilib
23 Aprel 21:11
Leyla Abdullayeva: Ermənistan insan hüquqlarından bəhs edən hər hansı sənəd yaymağa utanmalıdır
23 Aprel 21:07
AzMİU-da Azərbaycan və Türkiyə ali məktəblərinin rəhbərlərinin iştirakı ilə dəyirmi masa keçirilib
23 Aprel 21:05
Çinin Xinhua agentliyi Formula 1 Azərbaycan Qran-Prisindən yazıb
23 Aprel 21:03
Beşinci Ümumdünya Mədəniyyətlərarası Dialoq Forumuna hazırlıq işlər müzakirə olunub
23 Aprel 20:46
TÜRKSOY-a üzv ölkələrin YUNESKO üzrə Milli komissiya və komitələrinin 7-ci görüşü keçirilib
23 Aprel 20:45
Mir Cəlal Paşayevin “Bir gəncin manifesti” əsəri Tbilisidə gürcü oxuculara təqdim olunub
23 Aprel 20:42
Konstitusiya Məhkəməsi Plenumunun növbəti açıq məhkəmə iclası keçirilib
23 Aprel 20:40
Kamran İmanov: Azərbaycan innovasiya sahəsində sürətli inkişaf yoluna qədəm qoyub
23 Aprel 20:35
RF Əqli Mülkiyyət Akademiyasının rektoru: Azərbaycan postsovet məkanında öncül mövqedədir
23 Aprel 20:33
Azərbaycanın səfiri etimadnaməsini Portuqaliya Prezidentinə təqdim edib
23 Aprel 20:27
Bakıda Türkiyənin Milli Suverenlik və Uşaq Bayramı Günü qeyd olunub
23 Aprel 17:53
Azərbaycan Prezidenti: Biz daxil olan əlavə gəlirləri, ilk növbədə, sosial məsələlərin həllinə yönəldirik
23 Aprel 17:50
Şarl Lekler: Ən sevdiyim traslardan biri Azərbaycandadır
23 Aprel 17:48
İsmayıllı ilə Özbəkistanın Riştan şəhəri arasında əməkdaşlıq haqqında saziş imzalanıb
23 Aprel 17:47
Azərbaycanda ekoloji monitorinq sisteminin təkmilləşdirilməsinə həsr olunan layihə yekunlaşıb
23 Aprel 17:40
FHN-in Akademiyasında “Fövqəladə hallarla mübarizənin aktual məsələləri” mövzusunda konfrans keçirilib
23 Aprel 17:33
Azərbaycan ilə Ukrayna arasında əməkdaşlığın genişləndirilməsi məsələləri müzakirə olunub
23 Aprel 17:31
Ankara-Bakı-Ankara istiqamətində birbaşa uçuşların rəsmi açılış mərasimi baş tutub
23 Aprel 17:29
FHN Akademiyasında “Alyans” Xüsusi Xidmət Veteranlar Birliyinin nümayəndələri ilə görüş
23 Aprel 17:20
Prezident İkinci Dünya müharibəsinin iştirakçılarına birdəfəlik maddi yardım verilməsi haqqında Sərəncam imzalayıb
23 Aprel 17:19
Qaçqınların və Məcburi Köçkünlərin İşləri üzrə Dövlət Komitəsinin sədri vətəndaşları qəbul edib
23 Aprel 17:10
Mixael Kindsqrab: Azərbaycan Almaniyanın Cənubi Qafqazda ən vacib tərəfdaşıdır
23 Aprel 17:08
Azərbaycan Hökuməti ilə YUNESKO arasında Ümumdünya İrs Komitəsinin 43-cü sessiyasına dair Saziş təsdiqlənib
23 Aprel 16:57
Sahibə Qafarova: Azərbaycan bundan sonra da öz müstəqil siyasətini və dinamik inkişafını davam etdirəcək
23 Aprel 16:51
Azərbaycan Müdafiə Nazirliyinin nümayəndə heyəti beynəlxalq təhlükəsizlik konfransında iştirak edir
23 Aprel 16:49
Hikmət Babaoğlu: Hazırda Azərbaycan televiziyalarının efirində yeni keyfiyyət dəyişiklikləri baş verməkdədir
23 Aprel 16:43
Leyla Abdullayeva: Azərbaycan ilə Aİ arasında tərəfdaşlıq münasibətlərinin hüquqi əsasını təşkil edəcək Saziş üzrə danışıqlar davam etdirilir
23 Aprel 16:39
Türkiyə hökuməti: Ermənistan 1915-ci il arxivlərini açmağa qorxur
23 Aprel 16:38
Milli Məclisin plenar iclasında 19 məsələ müzakirə olunub
23 Aprel 16:26
Anar İsgəndərov: Tarixdə olmayan bir hadisəni bu gün dövriyyədə saxlamaq cəhdləri siyasi məqsədlər üçündür
23 Aprel 16:02
Prezident: Azərbaycan indi inkişafın yeni mərhələsindədir və bundan sonra iqtisadi artım çox sürətli olacaq
23 Aprel 15:41
Prezident İlham Əliyev: Mən çalışıram və bundan sonra da çalışacağam ki, doğma xalqıma ləyaqətlə xidmət edim
23 Aprel 15:29
Vüsal Qasımlı: Azərbaycanın növbəti ildə də “ən islahatçı ölkə” statusunu qoruyacağı gözlənilir
23 Aprel 15:11
Xaçmazda görkəmli Azərbaycan şairi və mütəfəkkiri İmadəddin Nəsiminin abidəsi ucaldılıb
23 Aprel 14:56
Birgə təlimdə iştirak edəcək türkiyəli hərbçilər Bakının görməli yerlərində olublar
23 Aprel 14:41
Tom Butçer: Bakı şəhər halqası Formula 1 yarışlarına tam hazırdır
23 Aprel 14:16
Ankara Ticarət Palatasının nümayəndə heyəti Fəxri xiyabanda ulu öndər Heydər Əliyevin məzarını ziyarət edib
23 Aprel 14:11
UEFA nümayəndələrinin televiziya yayımı ilə bağlı Bakıya səfəri başlayıb
23 Aprel 14:01
Birinci vitse-prezidentin köməkçisi: Azərbaycan Cənubi Qafqazda ABŞ-ın ən iri ticarət tərəfdaşıdır
23 Aprel 13:57
Azay Quliyev: BMT təxribata şərait yaradıb, saytında qondarma rejimin hesabatı yerləşdirilib
23 Aprel 13:49
Siyavuş Novruzov: Anti-Azərbaycan qüvvələr xaricdə və daxildə müxtəlif fikirlərlə xalqı çaşdırmağa çalışırlar
23 Aprel 13:46
Orxan Məmmədov: Turizm klasterləşməsinin təşviqi prioritet hədəflərimizdəndir
23 Aprel 13:43
Prezident İlham Əliyev Mərdəkan-Qala avtomobil yolunun açılışında iştirak edib
23 Aprel 13:13
Birinci rübdə 126,4 min hektar sahədə yazlıq bitki səpini aparılıb
23 Aprel 12:47
Türkiyə Böyük Millət Məclisinin fəaliyyətə başlamasından 99 il ötür
23 Aprel 12:31
SOCAR Formula 1 Azərbaycan Qran-prisinin yeni titul sponsoru olub
23 Aprel 12:16
Uşaq bağçalarına qəbul elektron qaydada olacaq
23 Aprel 12:14
Azərbaycanda sağlamlıq turizmi sahəsinin inkişafı ilə bağlı fəaliyyət planı qəbul olunacaq
23 Aprel 12:07
Milli Məclisin növbəti plenar iclası keçirilir
23 Aprel 12:06
AHİK-də Türkiyə həmkarlar ittifaqlarının nümayəndə heyəti ilə görüş keçirilib
23 Aprel 11:54
Azərbaycanın Formula 1 yüksəkliyi, milli qürur hissi və Əli Kərimli kimilərin mədə təfəkkürü
23 Aprel 11:53
Məmməd Musayev: Azərbaycan artıq səyahət həvəskarlarının seçdiyi məkana çevrilməkdədir
23 Aprel 11:44
Muxtar respublikada 246 milyon manatlıq sənaye məhsulu istehsal olunub
23 Aprel 11:33
Təhsil naziri İstanbul Texniki Universitetinin rektoru ilə görüşüb
23 Aprel 11:21
“Sağlam məktəbli” layihəsi çərçivəsində keçirilən görüşdə Lənkəran və Ağdaş məktəblilərinə qida təhlükəsizliyi ilə əlaqədar məlumat verilib
23 Aprel 11:16
Fərid Şəfiyev: Beynəlxalq Münasibətlərin Təhlili Mərkəzi müasir dövrün tələblərinə cavab verən düşüncə mərkəzi olacaq
23 Aprel 11:13
Bakıda 3-cü Qlobal Sağlamlıq Turizm Forumu öz işinə başlayıb
23 Aprel 11:02
Bakı Rusiya elitasının May bayramı günlərində istirahət etdiyi 5 məkandan biridir
23 Aprel 10:48
Daha iki qurumun rüsum ödənişləri “ASAN ödəniş” sisteminə inteqrasiya olunub
23 Aprel 10:38
Bu gün Milli Məclisin növbəti plenar iclası keçiriləcək
23 Aprel 10:22
Müdafiə Nazirliyi: Düşmən sutka ərzində atəşkəs rejimini 25 dəfə pozub
23 Aprel 10:17
Neftçalada orta məktəbə Milli Qəhrəman Samid İmanovun adı verilib
23 Aprel 10:15
Banklar Assosiasiyasının sədri: Növbəti həftədən kreditlərin restrukturizasiyası həyata keçiriləcək
23 Aprel 10:14
Azərbaycana Çin və Yaponiyadan da turist axını artıb
23 Aprel 09:31
Azərbaycanda həyata keçirilən iqtisadi islahatlar büdcə gəlirlərinin və ölkənin maliyyə imkanlarının artmasına səbəb olub
23 Aprel 09:29
“Uğurlu sosial siyasətin yeni hədəfləri”
23 Aprel 09:27
“Qarayaxma kampaniyası aparanlar eyni mərkəzdən idarə olunurlar”

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30
HAVA HAQQINDA