Ana səhifə »  Müsahibə »  Prezident İlham Əliyevin vətəndaşların fasiləsiz və keyfiyyətli içməli su ilə təmin edilməsi barədə göstərişlərinə uyğun olaraq mühüm layihələr icra edilib
A+   Yenilə  A-
Prezident İlham Əliyevin vətəndaşların fasiləsiz və keyfiyyətli içməli su ilə təmin edilməsi barədə göstərişlərinə uyğun olaraq mühüm layihələr icra edilib

“Azərsu” ASC-nin sədri Qorxmaz Hüseynov www.yap.org.az saytına müsahibə verib:
- Qorxmaz müəllim, Regionların sosial-iqtisadi inkişafı Dövlət Proqramının icrasına həsr olunmuş konfransda cənab Prezident bildirib ki, əhalinin içməli su təminatı daim diqqətdə olan məsələdir və bu istiqamətdə böyük işlər görülüb, uğurlu nəticələr əldə olunub. Görülmüş işlər barədə qısaca məlumat verməyinizi xahiş edirik.
- Əvvəlcə onu qeyd etmək istərdim ki, regional inkişaf proqramlarının icrası bölgələrimizin tərəqqisinə, əhalinin sosial rifahının yüksəldilməsinə, ümumilikdə ölkəmizin qüdrətlənməsinə mühüm töhfələr verib. Son 15 ildə bölgələrimizin mənzərəsi nəzərəçarpacaq dərəcədə dəyişib. Şəhər və rayon mərkəzləri ilə yanaşı, kənd və qəsəbələrin böyüməsi, abadlaşması, yeni istehsal, emal və xidmət müəssisələrinin fəaliyyətə başlaması regionlarda həyat səviyyəsinin yüksəlməsindən xəbər verir. Bu istiqamətdə görülmüş işlərə “Azərsu” ASC də öz töhfələrini verib. Möhtərəm Prezident İlham Əliyevin Azərbaycan vətəndaşlarının fasiləsiz və keyfiyyətli içməli su ilə təmin edilməsi barədə tapşırıqlarına uyğun olaraq mühüm layihələr icra edilib.
Son illər icra edilən içməli su layihələri çərçivəsində məhsuldarlığı sutkada 1,6 milyon kubmetrdən çox olan 39 yeni içməli su mənbəyi istismara verilib. Oğuz-Qəbələ-Bakı su kəməri, Ceyranbatan Ultrasüzgəcli Sutəmizləyici Qurğular Kompleksi, Mingəçevir, Quba, Xanbulan sutəmizləyici, Külüllü, Qızılqaya, Göygöl suqəbuledici qurğuları, Şirvan-Muğan, Sabirabad-Saatlı qrup su kəmərləri və bu kimi digər layihələr Azərbaycan vətəndaşlarının rifahının yüksəldilməsinə, onların sağlamlığının qorunmasına verilmiş ən böyük töhfədir.
İndiyə qədər su təchizatı layihələrinin icrasına başlanılan 49 şəhər və rayon mərkəzinin 38-də su şəbəkələrinin tikintisi başa çatdırılıb. Şəhər mərkəzləri ilə yanaşı, əhalisinin sayı 1 milyon 400 min nəfər olan 1050 kənd və qəsəbənin içməli su problemi öz həllini tapıb.
Regional inkişaf proqramları çərçivəsində bölgələrdə 11 min km-dən çox magistral və paylayıcı su, 6 min km kanalizasiya xətləri çəkilib. Görülmüş işlərin real nəticəsi olaraq mərkəzləşdirilmiş qaydada içməli su ilə təmin olunan əhalinin sayı 2 dəfə, fasiləsiz su alanların xüsusi çəkisi isə 4,8 dəfə artıb. Beləliklə, hazırda ölkə üzrə xidmət göstərilən əhalinin 69 faizi, regionlarda isə 44 faizə yaxını fasiləsiz içməli su ilə təmin olunur.
- Ötən il su təchizatı və kanalizasiya sektorunda hansı layihələr reallaşdırılıb?
- 2018-ci ildə içməli su təchizatı və kanalizasiya sektorunda görülmüş işlər daha da sürətlənib. Yeni iqtisadi şəraitin çağırışlarına uyğun olaraq əvvəlki illərdə başlanılmış layihələr davam etdirilməklə yanaşı, yeni layihələrə də start verilib ki, bu da ölkə rəhbərliyinin infrastrukturun inkişafına xüsusi diqqət və qayğısından xəbər verir. Ötən il möhtərəm Prezidentin iştirakı ilə Xaçmaz və Xızı şəhərlərində, həmçinin Altıağac qəsəbəsində su və kanalizasiya şəbəkələri, Mingəçevir və Astara şəhərlərində isə içməli su şəbəkələri istismara verildi. Eyni zamanda Ağcabədi və Daşkəsən şəhərlərində su və kanalizasiya, Biləsuvar şəhərində kanalizasiya şəbəkələrinin tikintisi işləri yekunlaşdı. Ötən il cənab Prezident Mingəçevir, Tovuz, Ağstafa, Şirvan, Lerik, Ağdaş və Qəbələ şəhərlərinin içməli su təchizatının yaxşılaşdırılması işlərinin davam etdirilməsi ilə bağlı sərəncamlar imzaladı. Bu sərəncamlar çərçivəsində həm yeni su mənbələrinin yaradılması, həm də şəbəkə infrastrukturunun genişləndirilməsi işləri həyata keçirildi. Qeyd etmək istəyirəm ki, qlobal istiləşmə və quraqlıq nəticəsində bəzi su mənbələrinin məhsuldarlığında baş vermiş dəyişiklikləri nəzərə alaraq Şamaxı, Gədəbəy, Lerik və Tovuz şəhərləri üçün alternativ mənbələrin yaradılması layihələri reallaşdırıldı. Bu olduqca vacib layihələr idi.
2018-ci ildə Bakı şəhəri və Abşeron yarımadasında da bir sıra mühüm layihələr icra olundu. Avtomobil yollarının yenidən qurulması çərçivəsində Babək prospekti, Təbriz, Xiyabani, Mir Cəlal və Məsud Davudoğlu küçələrində su və kanalizasiya xətləri yeniləndi. Təkcə Babək prospektində icra olunan layihələr çərçivəsində 20 km magistral və şəbəkə su xətləri, 3,5 km kanalizasiya xətləri çəkildi. Bu layihənin tərkib hissəsi olaraq 41 Şərq anbarı ilə 82 Şərq su anbarının əlaqələndirilməsi məqsədilə 700 mm diametrli magistral xətt inşa edildi. Yeni yaradılmış infrastruktur NZS, UPD, Keşlə qəsəbələrində, eyni zamanda yeni salınan “Ağ şəhər”də və ona yaxın ərazilərdə əhalinin dayanıqlı və fasiləsiz su təchizatına, eləcə də istehlakçılara göstərilən xidmətin keyfiyyətinin yüksəlməsinə səbəb olub.
Ötən il Bayıl-Bibiheybət-Lökbatan kollektorunun inşası, həmçinin Tədris Mərkəzinin yaradılması və kadr hazırlığı layihəsinin icrası ilə bağlı imzalanmış sərəncamlar çərçivəsində işlər davam etdirildi. Eyni zamanda, kəndlərdə layihələr icra edilib. Ümumilikdə il ərzində 1162 km içməli su, 335 km kanalizasiya kollektoru və xətti, 8 su anbarı tikilib, 26 ədəd subartezian quyusu qazılıb.
- Qorxmaz müəllim, qeyd etdiyiniz kimi, içməli sudan əziyyət çəkən kəndlərdə layihələrin icrasında ciddi irəliləyişlər var, bu sahədə daha hansı işlər görüləcək?
- Kəndlərdə içməli su layihələrindən danışarkən bəzi məqamlara diqqətinizi yönəltmək istərdim. Bildiyiniz kimi, respublikamızın kənd və qəsəbələrinin böyük əksəriyyətində mərkəzləşmiş içməli su infrastrukturu mövcud olmayıb. Regional inkişaf proqramları çərçivəsində içməli sudan əziyyət çəkən kəndlərin də problemləri mərhələli şəkildə həll edilir.
Bu sahədə işlər bir neçə istiqamətdə davam etdirilir. İlk növbədə, içməli su çatışmazlığının kəskin müşahidə olunduğu yaşayış məntəqələri müəyyənləşdirilir. Qeyd edim ki, bəzi kənd və qəsəbələr şəhərlərdə həyata keçirilən layihələr çərçivəsində içməli su ilə təmin olunur. Amma elə kəndlər də vardır ki, onlar şəhər mərkəzlərindən, su mənbələrindən və magistral xətlərdən uzaq məsafədə yerləşir. Bu halda həmin kəndlər üçün xüsusi layihələr icra olunur. Qaçqın və məcburi köçkünlərin, sərhəd bölgəsində yerləşən kəndlərin içməli su təchizatının yaxşılaşdırılmasını xüsusi diqqətdə saxlayırıq. Bilirsiniz ki, su mənbələrimizin bir hissəsi işğal altındadır. Biz vaxtilə həmin mənbələrdən qidalanan kəndlərə indi alternativ mənbələrdən içməli suyun verilməsinə çalışırıq.
Son illərdə kəndlərin içməli su ilə təmin olunması istiqamətində işlər intensivləşib. Cənab Prezidentin 17 mart 2017-ci il tarixli və 09 aprel 2018-ci il tarixli sərəncamlarına, eləcə də dövlət investisiya layihələrinə uyğun olaraq son 2 ildə içməli su çatışmazlığından ciddi əziyyət çəkən 211 kənddə işlər görülüb. Bu işlər çərçivəsində 900 km magistral və paylayıcı su xətləri çəkilib, əhalinin ümumi istifadəsi üçün 2500 bulaq quraşdırılıb. Bununla da, 330 min insanın keyfiyyətli içməli suya çıxışı təmin edilib. Qeyd edim ki, bu kəndlərdə su təchizatı ümumi istifadə əsasında bulaqlar vasitəsilə aparılır və istifadə olunan suya görə əhalidən ödəniş tələb olunmur. Bu da cənab Prezidentin müəyyən etdiyi sosial siyasətin tərkib hissəsidir. Ötən ilin mart ayından Ekologiya və Təbii Sərvətlər Nazirliyinin balansında olan modul tipli sutəmizləyici qurğular Cəmiyyətimizin xidmətinə verilib. Bunları da nəzərə alsaq, regionların inkişafı proqramının icrasına başlanandan bəri 1050 kənddə 1 milyon 400 mindən çox sakinin içməli su ilə təminatı əsaslı şəkildə yaxşılaşdırılıb. Həm kəndlərin, həm də faydalanan əhalinin sayı görülmüş işlərin miqyasını təsəvvür etməyə imkan verir. Kənd əhalisinin içməli suya çıxışını təmin etmək üçün layihələrin icrası bu il və gələcəkdə də davam etdiriləcəkdir.
- Bildiyimiz kimi, cənab Prezident tərəfindən “Azərsu” ASC-yə suvarma layihələrinin icrası ilə bağlı da tapşırıqlar verilmişdi. Bu layihələrin icrası ilə bağlı nə deyə bilərsiniz?
- Ölkəmizdə ərzaq təhlükəsizliyinin təmin olunması məqsədilə istifadəsiz torpaq sahələrinin əkin dövriyyəsinə cəlb olunması barədə cənab Prezident tapşırıqlar vermişdi. Həmin tapşırıqlara uyğun olaraq 2017-ci ildə “Azərsu” ASC tərəfindən Zərdab, Hacıqabul və Şamaxı rayonlarının ərazisində suvarma layihələri icra edildi.
Zərdab rayonunda 10 min hektar sahənin suvarılması məqsədilə Kür çayı sahilində məhsuldarlığı saniyədə 3 kubmetr olan sugötürücü qurğu, nasos stansiyası tikilib, enerji təchizatı sistemləri yaradılıb. Su mənbəyindən əkin sahələrinə 15 km uzunluğunda magistral su xətti çəkilib və supaylayıcı sistem yaradılıb, əkin sahələrinə suyun verilməsi təmin edilib.
Padarçöl adlanan ərazidə isə 10 min hektar sahənin suvarılması layihəsi çərçivəsində Kür sutəmizləyici qurğusundan əraziyə 27 km magistral kəmər inşa edilib. Bildiyiniz kimi, Padarçöl ərazisinə yaxın məhsuldar su mənbəyi demək olar ki, mövcud deyil. Buna görə də həmin ərazinin relyef baxımından yüksəklikdə olması suyun nasoslar vasitəsilə ötürülməsini zəruri edirdi. Bu məqsədlə 1970-ci ildə istismara verilmiş və bu gün də Bakını içməli su ilə təmin edən Kür sutəmizləyici qurğularının imkanlarından istifadə edildi. Eyni zamanda, Padarçöldə su ehtiyatının toplanması və suyun optimal paylanması məqsədilə ümumi tutumu 50 min kubmetr olan açıq tipli anbarlar inşa edildi. 2018-ci ildə həm Zərdab, həm də Hacıqabul və Şamaxı rayonlarında vaxtilə istifadəsiz qalan torpaqlardan ilk məhsul götürüldü. Qürurverici haldır ki, Cəmiyyətimiz kənd təsərrüfatının inkişafına, ərzaq təhlükəsizliyinin təminatına da öz töhfəsini verir.
- Xidmət sahələrində proseslərin avtomatlaşdırılması və İKT-nin tətbiqinə daha geniş yer verilir. Bu sahədə Səhmdar Cəmiyyətdə hansı işlər görülüb?
- Fəaliyyətimizin əsas istiqamətlərindən biri də istehlakçılara göstərilən müştəri xidmətlərinin səviyyəsinin yüksəldilməsi, informasiya-kommunikasiya texnologiyalarının imkanlarından maksimum istifadə etməklə müştəri məmnunluğunu təmin etməkdir. Diqqətinizə çatdırmaq istəyirəm ki, ölkə başçısının “Elektron xidmətlərin genişləndirilməsi ilə bağlı tədbirlər barədə” fərmanından irəli gələn tələblərə uyğun olaraq artıq 16 elektron xidmət hazırlanaraq vətəndaşların istifadəsinə verilib. Təkcə ötən il bu xidmətlərdən istifadə ilə bağlı 345 min müraciət qeydə alınıb və bu göstəriciyə görə “Azərsu” ASC dövlət təşkilatları arasında ilk beşlikdə yer alır.
2018-ci ildə Mingəçevir, Şəki və İmişli şəhərlərində fəaliyyətə başlamış “Asan xidmət” mərkəzlərində “Azərsu” ASC-nin xidmət bölmələri yaradılıb. Bununla da, bölgələrdə yaşayan əhalinin xidmətlərimizdən istifadə imkanları genişlənib. Hazırda “Azərsu ASC “Asan Kommunal” mərkəzlərində də əhaliyə xidmət göstərir. Təkcə ötən il bu mərkəzlərə 83 min müraciət daxil olub və həmin müraciətlər operativ şəkildə həllini tapıb. Müştərilərlə işin səmərəliliyinin artırılması məqsədilə bütün regional idarələrdə müştəri informasiya sistemi proqramı tətbiq edilib.
Yeni texnologiyaların tətbiqi sahəsində son illər mühüm layihələr icra olunub və xeyli uğurlar əldə edilib. Son illər tətbiq olunan yeniliklər sırasında AzersuGİS, SCADA, MİS proqramlarını xüsusi qeyd etmək istərdim.
SCADA sistemi hidrotexniki qurğuların və digər avadanlıqların, suyun paylanmasının vahid mərkəzdən idarə edilməsini nəzərdə tutur. Hazırda bir sıra qurğularımızda bu sistem uğurla tətbiq olunur. SCADA sistemi vasitəsilə suyun emal və nəqli üzrə bütün proseslərə onlayn nəzarət edilir. Misal üçün deyə bilərik ki, 2015-ci ildə istismara verilmiş və dünyanın ən böyük ultrasüzgəc qurğusu olan Ceyranbatan Ultrasüzgəcli Sutəmizləyici Qurğular Kompleksində suyun təmizlənməsi və nəqli tam avtomatlaşdırılıb. Təsəvvür edin, saniyədə 6,6 kubmetr su emal edən bir qurğuda suyun Ceyranbatan gölündən götürülməsindən tutmuş, şəbəkəyə ötürülməsinə qədər olduqca mürəkkəb bir prosesi idarəetmə mərkəzindən bir neçə mühəndis onlayn rejimdə idarə edə bilir.
AzərsuCİS, yəni coğrafi informasiya sistemləri də bu sektorda tətbiq olunan əsas texnoloji yenilikdir. Bu sistem “Azərsu” ASC-yə aid bütün yeraltı və yerüstü infrastruktur obyektləri, qurğu və şəbəkələri haqqında məlumatların rəqəmsal xəritələrə işlənməsini, informasiyaların xüsusi proqram təminatı vasitəsilə emalını və müvafiq struktur bölmələrinin istifadəsinə verilməsini, istismar zamanı və qəza halları baş verərkən şəbəkə və təchizat yerinin dəqiq təyin edilməsini, coğrafi sorğu, təhlil və hesabatların hazırlanmasını təmin edir. İndiyədək bu sistemə 17100 km içməli su, 8130 km kanalizasiya və 241 km yağış suyu şəbəkəsi, 6210 ədəd qurğu və qurğu kompleksi, 536 min bina və tikili daxil edilib.
- Qorxmaz müəllim, suyun keyfiyyəti həmişə aktual olan məsələdir. Son illər həyata keçirilmiş layihələrdə bu məsələlərə xüsusi diqqət yetirilməsindən xəbərimiz var. Əminliklə deyə bilərikmi, Azərbaycan vətəndaşlarının keyfiyyətli içməli su problemi yoxdur?
- İçməli suyun keyfiyyəti məsələsi hazırda nəinki respublikamızda, hətta qlobal məkanda aktuallıq kəsb edir. Su təchizatının iki əsas məqsədi var - əhalinin içməli suya əlçatanlığına nail olmaq və keyfiyyətli su ilə təminat. Əhalinin içməli suya çıxışının təmin edilməsi istiqamətində gördüyümüz işlər barədə məlumat verdim. Suyun keyfiyyətinə gəlincə, bu sahədə də son illər xeyli işlər görülüb. Əminliklə deyə bilərəm ki, bu gün istər Bakı şəhəri və Abşeron yarımadası, istərsə də regionlarda əhaliyə verdiyimiz içməli sular qüvvədə olan standartlara tam uyğundur. “Azərsu” ASC xidmət təşkilatı olaraq içməli suyun keyfiyyət göstəricilərini daim nəzarətdə saxlayır, eyni zamanda Səhiyyə Nazirliyi içməli suyun keyfiyyətinə dövlət nəzarətini həyata keçirir.
2013-cü ildə Bakı şəhərində istifadəyə verilən Mərkəzi Laboratoriyada ən müasir avadanlıqlar və cihazlar quraşdırılıb. Bu avadanlıqların köməyi ilə həm içməli, həm də tullantı sularının göstəriciləri dəqiq təhlil olunur. Hazırda Mərkəzi Laboratoriyada içməli və tullantı sularının öyrənilən parametrlərinin sayı 110-a çatdırılıb. Halbuki əvvəllər bu parametrlər cəmi 39 idi. Təkcə ötən il laboratoriyada içməli və tullantı sularının 35 min nümunəsi əsasında 174 min parametr təyin edilib və bu göstərici ilbəil artır. Beynəlxalq akkreditasiyadan keçən və dünyanın aparıcı şirkətlərinin təmsil olunduğu səriştəlilik proqramlarına qoşulan Mərkəzi Laboratoriyada aparılan analizlərin nəticələri müvafiq beynəlxalq təşkilatlar və laboratoriyalar tərəfindən də tanınır.
Möhtərəm Prezident İlham Əliyevin “Azərsu” ASC-nin qarşısında qoyduğu əsas tapşırıqlardan biri bütün ölkə əhalisinin keyfiyyətli içməli su ilə təmin olunmasıdır. Bu tapşırıqlara uyğun olaraq “Azərsu” ASC tərəfindən regionlarda içməli suyun fiziki-kimyəvi və mikrobioloji analizi məqsədilə regional laboratoriyaların təşkilinə başlanıb. Qeyd edim ki, son illər bölgələrdə yeni su mənbələrinin və su təchizatı infrastrukturlarının istifadəyə verilməsi, həmçinin modul tipli sutəmizləyici qurğuların xidmətimizə verilməsi Mərkəzi Laboratoriyanın yükünü bir qədər artırıb. Düzdür, istənilən ərazidə analizlər aparmaq üçün səyyar laboratoriyalarımız mövcuddur. Ancaq məsafənin böyük olması, su mənbələrinin sayının gündən-günə artması regional laboratoriyaların yaradılmasını zəruri edir. Qeyd edim ki, Mərkəzi Laboratoriyanın təcrübəsindən istifadə etməklə ölkə üzrə 9 regional laboratoriya yaradılıb. Artıq regional laboratoriyalarımız lazımi cihaz və avadanlıqlarla, həmçinin reagentlərlə təmin olunub. Burada çalışan işçilərin peşəkarlığının artırılması məqsədilə mütəmadi təlim və treninqlər təşkil edilir. Tam əminliklə demək olar ki, hazırda respublikamızın istənilən yerində analizlərin aparılması üçün texniki imkanlar mövcuddur.
Laboratoriyaların coğrafi məkanı elə seçilib ki, Azərbaycanın ən ucqar ərazisində yerləşən mənbələrdəki suyun keyfiyyət göstəricilərini də daim nəzarətdə saxlamaq mümkündür.
- 2019-cu illə bağlı planlarınız nədən ibarətdir?
- 2019-cu il üçün planlarımız genişdir. Artıq ötən ilin sonlarında cari ilin əsas prioritetləri müəyyənləşdirilib və ilin əvvəlindən nəzərdə tutduğumuz işlərin icrasına başlamışıq.
Bu ilin birinci yarısında regionlarda tikilən ən böyük sutəmizləyici qurğu - Şəmkirçay sutəmizləyici qurğular kompleksi istismara veriləcək. Sutkalıq məhsuldarlığı 140 min kubmetr təşkil edən qurğu Gəncə, Şəmkir və Samux şəhərlərinin, həmçinin magistral kəmərlər boyu yerləşən kəndlərin içməli su təminatı baxımından müstəsna əhəmiyyətə malikdir. Yeri gəlmişkən, qeyd edim ki, qurğudan adıçəkilən şəhərlərə 27 km uzunluğunda Şəmkirçay-Gəncə və 16 km uzunluğunda Şəmkirçay-Şəmkir magistral su kəmərlərinin tikintisi başa çatdırılıb.
Bu il Ağdaş, Qəbələ, Qax şəhərlərində su və kanalizasiya, Xırdalan və Şəmkir şəhərlərində isə su şəbəkələrinin tikintisi yekunlaşacaq. Eyni zamanda, Daşkəsən, Göyçay və Qəbələ şəhərlərində layihələrin son komponenti olan tullantı sutəmizləyici qurğuların inşası tam başa çatacaq. Bununla yanaşı, Pirşağı qəsəbəsinin yaxınlığında Xəzər dənizinin sahilində tikilən müasir tullantı sutəmizləyici qurğu da ilin sonuna qədər tikilib təhvil veriləcək. Eyni zamanda 2019-cu ildə 10-dan çox şəhərdə tullantı sutəmizləyici qurğuların tikintisinə başlanılması nəzərdə tutulur.
İslam İnkişaf Bankının krediti və Azərbaycan hökumətinin birgə maliyyələşdirdiyi layihə çərçivəsində Qazax şəhərində, eləcə də büdcə vəsaiti hesabına Horadiz şəhərində yeni layihələrin icrasına başlanılacaq. Bu il içməli su çatışmazlığından əziyyət çəkən kəndlərdə layihələrin, binadaxili kommunikasiya xətlərinin yenilənməsi və sayğaclaşma işlərinin davam etdirilməsi nəzərdə tutulur. Regional idarələrin və laboratoriyaların yaradılması işləri tam başa çatdırılacaq.
Bakı şəhəri və Abşeron yarımadasında da işlər davam etdiriləcək. Paytaxtda optimal su təchizatının aparılması məqsədilə magistral xətlərdə yenidənqurma işləri davam etdiriləcək. Bu il bir sıra çoxmənzilli yaşayış binalarında da daxili kommunikasiyaların yenilənməsi nəzərdə tutulur. Bakıətrafı kənd və qəsəbələrdə mərkəzləşdirilmiş su təchizatı infrastrukturlarının yaradılması işləri də reallaşdırılacaq. Artıq Binəqədi rayonunun Binəqədi qəsəbəsi və Sulutəpə adlanan yaşayış massivində işlərə başlanılıb, Xəzər rayonunun qəsəbələrində tikintiyə hazırlıq işləri görülür.
2019-cu ildə müştəri xidmətləri sahəsində də ciddi işlər aparılacaq. Abonentlərin bu xidmətlərdən maksimum istifadə etməsi üçün başladığımız tədbirlərin icrası davam etdiriləcək.
Cənab Prezident İlham Əliyevin rəhbərliyi ilə həyata keçirilən və Azərbaycan vətəndaşlarının sosial rifahının yüksəlməsinə hesablanmış içməli su və kanalizasiya layihələrinin vaxtında və keyfiyyətlə icrası məqsədilə “Azərsu” ASC-nin çoxminli kollektivi 2019-cu ildə də var qüvvəsi ilə çalışacaq və memarı Ulu öndər Heydər Əliyev olan sosial siyasətə öz töhfəsini verəcəkdir.

 
  • Oxunub:  3690  |  
  • Tarix:  19-02-2019  |  
  •    Çap et   |  
Get Adobe Flash player
Əli Əhmədov: Əli İnsanov əvvəlki səhvinin mənəvi yükünü nəinki dərk edir, hətta onu yenidən etməyə hazırdır

20 Mart 11:51
İsveçrədə Novruz bayramı sevinci yaşanıb
20 Mart 11:49
Prezident: Bizim beynəlxalq mövqelərimiz möhkəmlənir
20 Mart 11:45
“İdman – sağlamlıq, dostluq, birlik...” mövzusunda keçiriləcək rəsm müsabiqəsinin təqdimatı olub
20 Mart 11:43
Vaşinqtondakı Azərbaycan məktəbində Novruz bayramı qeyd olunub
20 Mart 11:40
“Azərxalça”nın filiallarında Novruz şənlikləri keçirilib
20 Mart 11:37
Prezident: Cənub Qaz Dəhlizinin icrası ölkəmizin uzunmüddətli, dayanıqlı inkişafını təmin edəcək
20 Mart 11:36
Kiyevdə keçirilən Novruz şənliyində Azərbaycanın milli mətbəx nümunələri təqdim olunub
20 Mart 11:34
Novruz bayramı - ortaq mənəvi dəyər kimi
20 Mart 11:33
Prezident İlham Əliyev: Bu gün Azərbaycan islahatların yeni mərhələsinə qədəm qoyub
20 Mart 11:31
Heydər Əliyev adına Azərbaycan Ali Hərbi Məktəbində bayram tədbiri keçirilib
20 Mart 11:29
Prezident İlham Əliyevin Novruz bayramı münasibətilə Azərbaycan xalqına təbriki
20 Mart 11:15
Baş nazirin müavini Əli Əhmədov Bilgəhdəki sosial xidmət müəssisəsində keçirilən bayram tədbirində iştirak edib
20 Mart 11:14
Akademik Nərgiz Paşayeva Oksford Universitetinin Bodli Kitabxanasının yaradıcısının şərəfinə təşkil edilən təntənəli qəbulda iştirak edib
20 Mart 11:13
Heydər Əliyev Fondunun təşəbbüsü ilə kimsəsiz və xüsusi qayğıya ehtiyacı olan uşaqlar üçün Novruz şənlikləri keçirilib
20 Mart 11:12
Əli Həsənov: Bob Woodwardın “Fear: Trump in the White House” kitabında yayılan məlumat yalan və saxtadır
20 Mart 11:12
“Araşdırmaq lazımdır ki, burada yanğın törətmə əməli olub, ya yox”
20 Mart 11:11
Bundestaqda Azərbaycan-Almaniya əməkdaşlığının perspektivləri ilə bağlı növbəti simpozium keçirilib
20 Mart 11:09
Əli Əhmədov: Əfv Sərəncamı Prezident İlham Əliyevin humanizm siyasətinin daha bir nümunəsidir
20 Mart 11:08
Baş nazirin müavini: Hökumətin imkanları artdıqca Prezident İlham Əliyev əhalinin sosial müdafiəsi istiqamətində addımlar atacaq
20 Mart 11:07
Ağsaqqallar Şurasının sədri Novruz bayramı münasibətilə Azərbaycan xalqını təbrik edib
20 Mart 11:05
Azərbaycan heç bir qüvvənin diktəsi ilə hərəkət etmir, tam müstəqil siyasət həyata keçirir
20 Mart 11:04
Berlində keçirilən görüşlərdə Azərbaycan-Almaniya əlaqələrinin inkişafına dair fikir mübadiləsi aparılıb
20 Mart 11:03
Filip Qotye: Azərbaycanın Birinci vitse-prezidentinin Fransa səfəri ikitərəfli əlaqələrin inkişafına mühüm töhfələr verəcək
20 Mart 11:02
Hərbi Prokurorluğun rəhbər işçilərinin iştirakı ilə Novruz bayramı münasibətilə tədbirlər davam etdirilir
20 Mart 11:01
Naxçıvanda Novruz bayramı münasibətilə ümumxalq şənliyi keçirilib
20 Mart 11:00
Respublika Veteranlar Təşkilatında Azərbaycanda təhlükəsizlik orqanlarının yaradılmasının 100 illiyi qeyd edilib
20 Mart 10:59
Bolqarıstanın Kırcali şəhərində Novruz bayramı qeyd olunub
20 Mart 10:59
Akademik Telman Əliyev: UNEC-də son 5 ildə yüksək inkişaf dinamikasını müşahidə edirik
20 Mart 10:58
ADU-da təntənəli “Multikultural Novruz bayramı” tədbiri keçirilib
20 Mart 10:57
Novruz bayramı Sofiyada təntənəli şəkildə qeyd olunub
20 Mart 10:56
Beynəlxalq Türk Mədəniyyəti və İrsi Fondunun prezidenti Bolqarıstanda mühüm görüşlər keçirib
20 Mart 10:55
Gədəbəy rayonunda N saylı hərbi hissədə Novruz bayramı münasibətilə tədbir keçirilib
20 Mart 10:54
Misirdə Novruz bayramı ilə əlaqədar tədbir keçirilib
20 Mart 10:53
Baş Prokurorluqda könüllülərlə görüş keçirilib
20 Mart 10:52
Ölkəmizdə tütünçülüyün inkişafına dövlət tərəfindən yüksək dəstək göstərilir
20 Mart 10:51
Əli Əhmədov: Əli İnsanov əvvəlki səhvinin mənəvi yükünü nəinki dərk edir, hətta onu yenidən etməyə hazırdır
20 Mart 10:50
Novruz bayramı münasibətilə Bakıda ümumxalq şənliyi təşkil olunub
20 Mart 10:49
Amerika Analitik Mərkəzi Prezident Əliyevin yüzlərlə məhkumun əfv edilməsi haqqında Sərəncamını alqışlayır
20 Mart 10:47
Əsir və itkin düşmüş, girov götürülmüş vətəndaşlarla əlaqədar Dövlət Komissiyasının məlumatı
20 Mart 10:46
“Azərsu” Novruz bayramı günlərində gücləndirilmiş iş rejimində fəaliyyət göstərəcək
20 Mart 10:46
“Nar” abunəçiləri üçün Novruz kampaniyası!
20 Mart 10:45
Azercell abunəçilərini Novruz bayramında sevindirməyə davam edir
20 Mart 10:44
Regionlarda sahibkarlara göstərilən dəstək tədbirlərinin miqyası genişlənir
19 Mart 20:44
Türkiyənin Bolu şəhərində Koroğlunun nəhəng abidəsinin açılışı olub
19 Mart 20:42
Bundestaqda Azərbaycan-Almaniya əməkdaşlığının perspektivləri ilə bağlı növbəti simpozium keçirilib
19 Mart 20:40
Sumqayıtda Novruz şənliyi keçirilib
19 Mart 20:38
Amerika Analitik Mərkəzi Prezident Əliyevin yüzlərlə məhkumun əfv edilməsi haqqında Sərəncamını alqışlayır
19 Mart 20:35
Dünya birinciliyində və Avropa çempionatında uğur qazanan idmançılarla görüş olub
19 Mart 20:30
Filip Qotye: Azərbaycanın Birinci vitse-prezidentinin Fransa səfəri ikitərəfli əlaqələrin inkişafına mühüm töhfələr verəcək
19 Mart 20:28
Gürcüstan Prezidenti Marneulidə azərbaycanlılar yaşayan kəndlərdə olub
19 Mart 20:26
Naxçıvanda Novruz bayramı münasibətilə ümumxalq şənliyi keçirilib
19 Mart 20:24
Məcburi köçkün qəsəbələrində Novruz şənlikləri keçirilib
19 Mart 20:18
Akademik Nərgiz Paşayeva Oksford Universitetinin Bodli Kitabxanasının yaradıcısının şərəfinə təşkil edilən təntənəli qəbulda iştirak edib
19 Mart 19:17
Novruz bayramı Sofiyada təntənəli şəkildə qeyd olunub
19 Mart 17:39
Azərbaycan Milli Olimpiya Komitəsinin vitse-prezidenti BƏOK-un İcraiyyə Komitəsinə üzv seçilib
19 Mart 17:25
Prezident İlham Əliyev Novruz bayramı münasibətilə ümumxalq şənliyində iştirak edib
19 Mart 17:18
Dövlət Miqrasiya Xidmətinin yaradılmasının 12-ci ildönümü münasibətilə mərasim keçirilib
19 Mart 17:14
Qarabağda atüstü oyunların yaşadıldığı kənd
19 Mart 17:05
Bu gündən Bakıda Novruz festivalına start verilib
19 Mart 17:01
Əli Əhmədov: Əli İnsanov əvvəlki səhvinin mənəvi yükünü nəinki dərk edir, hətta onu yenidən etməyə hazırdır
19 Mart 16:57
“ASAN məktub” layihəsi çərçivəsində Bərdədə uşaqlara hədiyyələr təqdim edilib
19 Mart 16:42
Azərbaycan diaspor təşkilatları və Diasporla İş üzrə Dövlət Komitəsi Yekaterinburqda dəyirmi masa keçirib
19 Mart 16:38
Dövlət Komitəsində vətəndaşların növbəti qəbulu keçirilib
19 Mart 16:36
Heydər Əliyev Fondunun təşəbbüsü ilə kimsəsiz və xüsusi qayğıya ehtiyacı olan uşaqlar üçün Novruz şənlikləri keçirilib
19 Mart 16:31
SOCAR ilə Liviya Milli Neft Korporasiyası arasında əməkdaşlığın prioritetləri müzakirə olunub
19 Mart 16:28
"Müasir Azərbaycan qadını - 4" layihəsi başa çatıb
19 Mart 16:24
Azərbaycan İlahiyyat İnstitutunda “Eşqin hikməti” kitabının təqdimatı olub
19 Mart 16:22
Xarici şirkətlər Ermənistan hökumətini məhkəməyə verəcək
19 Mart 16:16
Novruz bayramı münasibətilə Milli Kitabxanada sərgilər açılıb
19 Mart 16:00
Baş nazirinin müavini Əli Əhmədov Bilgəhdəki sosial xidmət müəssisəsində keçirilən bayram tədbirində iştirak edib

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31
HAVA HAQQINDA