Ana səhifə »  Müsahibə »  Azərbaycan dünyaya dövlət idarəçiliyinin yeni modelini təqdim edir
A+   Yenilə  A-
Azərbaycan dünyaya dövlət idarəçiliyinin yeni modelini təqdim edir

Yeni Azərbaycan Partiyası (YAP) Nizami rayon təşkilatının sədri, Milli Məclisin deputatı Sədaqət Vəliyeva www.yap.org.az saytına müsahibə verib:
- Sədaqət xanım, məlum olduğu kimi, bu gün dünya miqyasında böhranın təsirləri hələ də hiss olunmaqdadır. Ayrı-ayrı ölkələr bu tendensiyadan çıxış yolu tapa bilmirlər. Lakin Azərbaycan antiböhran tədbirlərilə bu prosesdən az itkilərlə çıxa bilir. Necə düşünürsünüz, Azərbaycanın qısa müddət ərzində böhranın təsirlərini neytrallaşdırması hansı faktorlardan irəli gəlir?
- Təxminən 2 il öncə dünyada cərəyan edən iqtisadi-maliyyə böhranı bütün sahələrdə mürəkkəb vəziyyət yaratmaqla müxtəlif problemlər ortaya çıxardı. Əlbəttə ki, qlobal transformasiya dövrünü keçən dünyanın ayrılmaz parçası olan Azərbaycan da böhranın təsirlərinə məruz qaldı. Xüsusilə də, neftin qiymətinin kəskin şəkildə aşağı düşməsilə ölkəmizdə sosial-iqtisadi və maliyyə sektorlarında bəzi qaçılmaz problemlər meydana çıxdı. Lakin dünyanın bir çox ölkələrindən fərqli olaraq Azərbaycanda antiböhran tədbirlərinin reallaşdırılması özünü sistemli və effektiv reformalarla göstərdi.
Xarici fondlardan, beynəlxalq maliyyə institutlarından yardım gözləyən, siyasi böhran keçirən, sosial-iqtisadi kataklizmlər yaşayan dövlətlərdən fərqli olaraq Azərbaycan daxili resurslarına və imkanlarına arxalanaraq böhranın təsirlərini minimuma endirmək üçün təxirəsalınmaz addımlar atdı. Bu gün artıq cəmiyyətimiz və beynəlxalq iqtisadi təsisatlar aydın şəkildə görürlər ki, Azərbaycan dünyaya dövlət idarəçiliyinin yeni modelini təqdim edir.
Məhz söylənilən məqamdan çıxış edərək biz Azərbaycanın qısa müddət ərzində böhranın təsirlərini neytrallaşdırmasında 2 mühüm faktorun təsirini göstərə bilərik: birincisi, antiböhran tədbirlərini yüksək dəqiqlik və planlı şəkildə reallaşdırmaq üçün güclü siyasi iradəyə malik Prezident İlham Əliyevin fəaliyyəti, ikincisi, dövlətimizin başçısının atdığı antiböhran addımlarına, ölkəmizin daha da güclü olması istiqamətində ortaya qoyulan səylərə birmənalı dəstəyini verən xalq faktoru, daha doğrusu, xalq-iqtidar birliyi. Təsadüfi deyildir ki, qlobal böhranın təsirindən çıxılmaz vəziyyətə düşən dünya ölkələrinin bir çoxunda bu faktorlar olmadığından siyasi-iqtisadi və sosial kataklizmlərin aradan qaldırılması mümkün olmur. Azərbaycanda isə bu faktorlar mövcud olduğundan qarşıya qoyulmuş hədəflərə nail olmaq mümkün olur. Elə dövlət başçısının ölkədə qeyri-neft sektorunun inkişaf etdirilməsilə bağlı göstərişləri, Fərman və sərəncamları cəmiyyət tərəfindən böyük rəğbətlə qarşılandı. İctimaiyyətin cənab Prezident İlham Əliyevin antiböhran tədbirlərinə və ölkəmizin inkişaf etdirilməsi fəaliyyətinə xüsusi diqqət və dəstəyini Saatlı rayonuna səfəri zamanı da müşahidə etdik. Bu, bir daha onu göstərir ki, vətəndaşlar dövlətinə və Prezidentinə inanırlar. Məhz bu faktorlar Azərbaycanın tez bir zamanda böhranın təsirlərini neytrallaşdırmasına və makroiqtisadi sabitliyi təmin etməsinə əlverişli şərait yaradır.
- Sadaladığınız faktorlardan biri kimi xalq-iqtidar birliyi özünü 2016-cı ilin aprel döyüşləri zamanı da göstərmişdi. Reallıq ondan ibarətdir ki, Azərbaycanda sabitliyin qarantı elə bu amildir. Sizcə, xalq-iqtidar birliyini bu qədər möhkəm edən səbəblər hansılardır?
- Öncə onu qeyd edim ki, 2016-cı ilin aprel döyüşlərində bütün dünya ictimaiyyəti, hətta düşmənlərimiz gördülər ki, xalq Ali Baş Komandanına və ordusuna necə inanır və dəstək verir. Aprel döyüşlərində Nizami rayonu da şəhidlər verdi. Şəhidlərimizin son mənzilə yola salınması zamanı insanların, xüsusilə də gənclərin necə vətənpərvər ruhda olduğunu müşahidə etdik. Bütün Azərbaycanın rayon və şəhərlərindən olduğu kimi, Nizami rayonundan da Ali Baş Komandanın əmri ilə döyüşə getmək üçün minlərlə insan Müdafiə Nazirliyinə müraciət edirdi. Bütün bunlar, təbii ki, xalqın cənab Prezident İlham Əliyevə və Azərbaycan Ordusuna olan sevgisinin göstəricisi idi.
Lakin Ermənistanda insanların prezidentlərinə olan nifrətini və lənətini sezdik. Çünki Ermənistanın kriminal rejiminin rəhbəri erməni xalqını yalnız uçuruma aparır. Amma əksinə olaraq, Azərbaycanda mövcud olan xalq sevgisi və dəstəyi cənab Prezident İlham Əliyevin rasional və praqmatik siyasətinə bir ümumi ictimai reaksiyadır. Bu da, əlbəttə ki, səbəbsiz deyildir.
Bu gün cənab Prezident İlham Əliyevdən başqa hansı ölkə başçısını göstərə bilərsiniz ki, ad gününü vətəndaşlarla, qaçqın və məcburi köçkünlərlə keçirsin? Prezident İlham Əliyev daim xalqın yanında və hər bir vətəndaşın Prezidenti olduğunu sübut edib. Bütün bölgələrdə birbaşa insanlarla görüşüb, onları dinləyib, mövcud problemlərin həlli barədə konkret tapşırıqlar verib. Məhz birbaşa Prezident İlham Əliyevin fəaliyyəti nəticəsində bu gün Azərbaycan iqtisadiyyatının rəqabətqabiliyyətliliyinə görə dünyada 37-ci ölkədir. Azərbaycan çox azsaylı ölkələrdəndir ki, valyuta ehtiyatları xarici borclarından 5 dəfə çoxdur. Eyni zamanda, birbaşa cənab Prezidentin fəaliyyətinin nəticəsidir ki, bu il təkcə pambıqçılıq sektorunda 200 min iş yeri açılacaq, sənaye və istehsal müəssisələri fəaliyyətə başlayacaq, ölkəmizdə maşın, texnika və dərman istehsalı genişlənəcək.
Söylənilənlə yanaşı, dövlətimizin başçısının məntiqi fəaliyyətinin nəticəsidir ki, hazırda Azərbaycan regionda ən güclü orduya malikdir. Məhz həmin ordu 2016-cı ilin aprel ayında düşmənə layiqli dərs verdi. Bu gün Ermənistanın kriminal rəhbərliyi isə qorxu içərisindədir. Çünki aprel döyüşləri Ermənistanın bu günə qədər yaratdığı mifi darmadağın etdi. “Yenilməz” Ermənistan ordusu haqqında deyilənlərin, sadəcə, sabun köpüyü olduğu isbatlandı.
- Zaman keçdikcə ölkəmizdə insanların yaşayış səviyyəsi də yüksəlir. Bütün sferalarda dəyişikliklər baş verdiyi kimi, qanunvericilik sahəsində də yeniliklər olur. Bu baxımdan, cəmiyyətimizin səhiyyə və ailə, qadın, uşaq sferası ilə bağlı hansı addımlar atılır?
- Etiraf etmək lazımdır ki, bu gün Azərbaycanda hüquq dövləti quruculuğu prosesi yüksək nailiyyətlərlə davam etdirilməkdədir. Bu prosesdə başlıca institut kimi çıxış edən Milli Məclis xüsusi rol oynamaqla üzərinə düşən bütün vəzifələrin öhdəsindən layiqincə gəlir. Bildiyiniz kimi, 2015-ci il parlament seçkilərindən sonra Milli Məclisdə yeni komitələr yaradıldı. Həmin komitələrin sırasında Səhiyyə və Ailə, qadın və uşaq məsələləri komitələri də xüsusi fəallığı ilə seçilirlər. Bu günə qədər Səhiyyə komitəsində “İnsan orqan və (və ya) toxumalarının transplantasiyası haqqında” Azərbaycan Respublikasının Qanununda dəyişiklik edilməsi barədə”, “Dərman vasitələri haqqında” Azərbaycan Respublikasının Qanununda dəyişikliklər edilməsi barədə”, “Psixoloji yardım haqqında” Azərbaycan Respublikası qanununun layihəsi barədə, “Mülki dövriyyədə olmasına yol verilməyən (mülki dövriyyədən çıxarılmış) əşyaların siyahısı haqqında” Azərbaycan Respublikasının Qanununda dəyişiklik edilməsi haqqında Azərbaycan Respublikası qanununun layihəsi barədə, “Mülki dövriyyənin müəyyən iştirakçılarına mənsub ola bilən və dövriyyədə olmasına xüsusi icazə əsasında yol verilən (mülki dövriyyəsi məhdudlaşdırılmış) əşyaların siyahısı haqqında” Azərbaycan Respublikasının Qanununda dəyişiklik edilməsi haqqında Azərbaycan Respublikası qanununun layihəsi barədə və digər məsələlər haqqında müzakirələr aparılıb.
Ailə, qadın və uşaq məsələləri komitəsində isə “Yetkinlik yaşına çatmayanların baxımsızlığının və hüquq pozuntularının profilaktikası haqqında” Azərbaycan Respublikasının Qanununda dəyişiklik edilməsi, “Uşaqların sağlamlığına və inkişafına ziyan vuran informasiyalardan qorunması haqqında” Azərbaycan Respublikasının qanun layihəsi barədə müzakirələr aparılıb, müxtəlif təkliflər irəli sürülüb.
Bütün bunlarla yanaşı, komitələrin iştirakı ilə müxtəlif ictimai aktuallıq kəsb edən problemlərlə əlaqədar dinləmələr, konfranslar təşkil edilib. Məhz adı keçən komitələrdə bundan sonra da cəmiyyətimizi narahat edən problemlərin həlli istiqamətində qanunvericilik bazasının təkmilləşdirilməsi və möhkəmləndirilməsi yönündə yeni-yeni addımlar atılacaq.
- Sədaqət xanım, YAP Nizami rayon təşkilatının fəaliyyətindən də bəhs etmənizi istərdik. Rayon təşkilatı bu gün hansı tədbirləri həyata keçirir və perspektiv planlarınız nədən ibarətdir? YAP Nizami rayon təşkilatı hansı yeniliklərlə çıxış edəcək?
- Bildiyiniz kimi, bu gün Yeni Azərbaycan Partiyası Azərbaycanın siyasi təşkilatları içərisində istər kəmiyyətcə, istərsə də keyfiyyətcə bərabəri olmayan bir partiyadır. Sınaqlardan çıxmış, böyük və şərəfli yol keçmiş Yeni Azərbaycan Partiyası cəmiyyətdə özünəməxsus aparıcı yer tutub. YAP-ın rayon təşkilatlarından olan Nizami rayon təşkilatının da partiyanın əldə etdiyi nailiyyətlərdə öz payı var. Partiyamızın bir parçası olan YAP Nizami rayon təşkilatı da rayonun bütün sahələrində yüksək aktivlik nümayiş etdirməklə, insanların partiyaya və dövlətçiliyə olan münasibətlərinin ifadəçisinə çevrilib.
Hazırda YAP Nizami rayon təşkilatının 142 ərazi ilk partiya təşkilatında 13 minə yaxın insan birləşib. Sevindirici haldır ki, üzvlərimizin 50 faizindən artığını gənclər təşkil edir. Onların sayı 6097 nəfərdir. Cəmiyyətdə aktivliyilə seçilən qadınlarımızın sayı isə 5811 nəfərdir. Sıralarımızda həmçinin olimpiya, dünya, Avropa, respublika çempionları, alimlər, ictimai-siyasi xadimlər də yer alıb.
Məlumat üçün bildirim ki, YAP Nizami rayon təşkilatı bir çox işlərə imza atıb. YAP İcra Katibliyinin tapşırıq və tövsiyələrinə uyğun olaraq təşkilat cəmiyyətimizin bütün sosial stratifikasiyasını əhatə edən əhəmiyyətli tədbirlər keçirib, layihələr reallaşdırıb. Xalqımız üçün xüsusi əhəmiyyət kəsb edən bütün təqvim günlərində aktual mövzuları əhatələyən tədbirlər, konfranslar, “dəyirmi masa”lar və s. təşkil edilib, ağacəkmə, iməcilik tədbirləri, səhiyyə aksiyaları keçirilib.
YAP Nizami rayon təşkilatı Ümummilli lider Heydər Əliyevin ideyalarına sadiq qalaraq, siyasi-ideoloji maarifləndirməni bir an da olsun dayandırmayıb, əksinə, kütləvi tədbirlərlə onun təsirini daha da artırıb. Elə bu məqamda qeyd edim ki, Ulu öndərimiz Heydər Əliyevin anadan olmasının 94-cü ildönümü və Azərbaycanda keçirilən IV İslam Həmrəyliyi Oyunlarına dəstək məqsədilə futbol, voleybol, şahmat, stolüstü tennis, güllə atıcılığı, breyn-rinq və digər idman yarışlarına, “Həmrəyliyimiz birliyimizdir” mövzusunda inşa, rəsm, qiraət müsabiqələrinə start verib. Bu yarışlar çərçivəsində 200-dən artıq gənc mükafatlandırılacaq.
Bütün bunlarla yanaşı, “Heydər Əliyev irsini öyrənirik” adlı Heydər Əliyev Məktəbinin növbəti dərsləri olacaq, gənclərin, yeniyetmələrin Azərbaycanın tarixi məkanlarına, Bakı şəhərində yaradılmış müasir muzey və mərkəzlərə və bir sıra rayonlara səfərləri təşkil ediləcək. Həmçinin vətənpərvər və qorxmaz gənclik yetişdirmək missiyasından irəli gələrək cəbhə xəttində yerləşən əsgərlə görüşə gediləcək. Hətta ilk dəfə olaraq yeniyetmələr arasında hərbi oyunlar üzrə yarışların keçirilməsi planlaşdırılır. Bu yarışlar tamamilə fərqli bir rakursda olacaq və düşünürük ki, gənclər tərəfindən də böyük maraqla qarşılanacaq.
İdeoloji işlərlə yanaşı, təşkilatımız rayonumuzun sosial diqqətə və qayğıya ehtiyacı olan insanlarını da yaddan çıxarmır. Hər bir vətəndaşın probleminə diqqətlə yanaşılır və onların həlli üçün maksimum səy göstərilir. Təşkilat üzvləri dəfələrlə əlillər, uşaqlar, ahıllar evlərini ziyarət edib, onlar üçün hədiyyələr aparıblar. Həmçinin bütün bayramlarda rayon sakinlərinə sovqatlar verilir, Ramazan ayında iftar süfrələri açılır və dövlətimizin əsas siyasi-sosial prioriteti olan sosial bərabərlik prinsipi reallaşdırılır. Hətta Azərbaycanın tolerant mənzərəsinin ifadəsi də rayon təşkilatının fəaliyyətində öz əksini tapıb. Yəni YAP Nizami rayon təşkilatı etnik və dini fərqliliyə yol vermədən digər xalqların da bayramlarını onlarla birgə qeyd edir.
Bir sözlə, YAP Nizami rayon təşkilatının fəaliyyəti çoxşaxəli və genişdir. Bu işlərin siyahısını daha da genişləndirmək mümkündür. Amma bütün görülən işlərin mahiyyətində duran müstəqil dövlətçiliyin, vətənçiliyin, Azərbaycançılığın, sosial ədalət prinsipinin və digər mühüm məsələlərin fasiləsiz, daha geniş auditoriyada təbliğ edilməsi kimi fəlsəfə isə dəyişməzdir.

 
  • Oxunub:  11790  |  
  • Tarix:  05-04-2017  |  
  •    Çap et   |  
Get Adobe Flash player
Azərbaycanın Birinci vitse-prezidenti Mehriban Əliyeva İtaliya Senatının sədri ilə görüşüb

17:50
19 Oktyabr
Şəkidə yaş barama istehsalı ötən illə müqayisədə 2,7 dəfə artıb
17:43
19 Oktyabr
Bakı Beynəlxalq Animasiya Filmləri Festivalı çərçivəsində “ReAnimasiya” sərgisi açılıb
17:37
19 Oktyabr
Avropa Komissiyasının ali təhsil üzrə nümayəndələri ADNSU-da
17:28
19 Oktyabr
“Sağlam məktəbli” layihəsi çərçivəsində maarifləndirici tədbir keçirilib
17:24
19 Oktyabr
Kənd təsərrüfatı naziri Masallıda cənub bölgəsinin vətəndaşlarını qəbul edib
17:21
19 Oktyabr
Dövlət Komitəsində Türkiyə və Azərbaycan diasporlarının birgə fəaliyyəti müzakirə olunub
17:19
19 Oktyabr
Baş nazir Novruz Məmmədovun sədrliyi ilə Nazirlər Kabinetinin iclası keçirilib
17:15
19 Oktyabr
Vətəndaş məmnunluğuna və şəffaflığa nail olmaq başlıca məqsədə çevrilməlidir
17:14
19 Oktyabr
Sevinc Fətəliyeva: Azərbaycanın ərazi bütövlüyü və suverenliyi müzakirə mövzusu deyil
17:04
19 Oktyabr
Azərbaycan “Qlobal Rəqabətlilik Hesabatı-2018”də rəqəmsal bacarıqlar üzrə 140 ölkə arasında 15-ci yeri tutub
16:55
19 Oktyabr
Türkiyənin İzmir şəhərində “Star” neft emalı zavodunun açılış mərasimi keçirilir
16:55
19 Oktyabr
Bakıda “Ağsaqqalların ölkənin ictimai-siyasi həyatında rolu” mövzusunda konfrans keçirib
16:51
19 Oktyabr
AZAL və “Belavia” aviaşirkəti Bakı-Minsk marşrutu üzrə kod-şerinq sazişi imzalayıb
16:48
19 Oktyabr
Lerikdə dini radikalizmlə mübarizəyə dair seminar-müşavirə işini davam etdirib
16:42
19 Oktyabr
UNEC Biznes Məktəbinin magistrləri Avropa əmək bazarına birbaşa çıxış imkanına malikdirlər
16:41
19 Oktyabr
MM-n deputatı: Azərbaycanla Türkmənistan arasında əlaqələrin inkişaf dinamikası artır
16:32
19 Oktyabr
Azərbaycan və Latviya bələdiyyələri arasındakı əməkdaşlıq ikitərəfli münasibətlərin inkişafında mühüm yer tutur
16:13
19 Oktyabr
İtaliya Senatının sədri Heydər Əliyev Mərkəzində olub
16:06
19 Oktyabr
Qanunsuz tikintinin qarşısının alınması üçün yeni qanunvericilik təşəbbüsləri hazırlanır
15:56
19 Oktyabr
Latviyalılar Azərbaycan narını xüsusi dəyərləndirirlər
15:54
19 Oktyabr
Rəcəb Tayyib Ərdoğan: Azərbaycan hər zaman Türkiyənin yanında olub
15:50
19 Oktyabr
Son doqquz ayın nəticələri ölkəmizin qarşıya qoyulan strateji hədəflərə doğru inamla irəlilədiyini bir daha təsdiqləyir
15:48
19 Oktyabr
“İnternet istifadəçiləri” göstəricisinə görə Azərbaycan digər MDB ölkələri ilə müqayisədə liderdir
15:39
19 Oktyabr
Hikmət Hacıyev: “Star” layihəsi Azərbaycan-Türkiyə qardaşlıq əlaqələrinin strateji xarakter daşımasının nümunəsidir
15:33
19 Oktyabr
Gəmiçilər ümummilli lider Heydər Əliyevin məzarını ziyarət edib
15:31
19 Oktyabr
Tahir Mirkişili: Azərbaycan iqtisadiyyati gələcək dövrün çağırışlarına cavab vermək üçün hazırlanır
14:45
19 Oktyabr
Azərbaycan Prezidenti İlham Əliyev Türkiyəyə işgüzar səfərə gəlib
14:43
19 Oktyabr
Batika parça üzərində nəqqaşlıq sənətidir
14:39
19 Oktyabr
Milli Məclisin regional məsələlər komitəsinin iclası keçirilib
14:34
19 Oktyabr
Dini Qurumlarla İş üzrə Dövlət Komitəsinin sədri Göyçayda vətəndaşları qəbul edəcək
14:18
19 Oktyabr
Azərbaycanın müdafiə naziri “Czechoslovak Group” holdinqin rəhbərliyi ilə görüşüb
14:12
19 Oktyabr
“Heydər Əliyev və Azərbaycan tarixi” bilik yarışının qalibləri ilə Dövlət Sərhəd Xidmətində görüş keçirilib
14:08
19 Oktyabr
İsrailin səfiri Dan Stav: Naxçıvan Muxtar Respublikası ilə İsrail arasında geniş əməkdaşlıq imkanları mövcuddur
14:05
19 Oktyabr
Bioloji fəallığa malik qida əlavələri və qida təhlükəsizliyi sahəsində Anlaşma Memorandumu imzalanıb
14:03
19 Oktyabr
“Buenos-Ayres 2018” Yeniyetmələrin III Yay Olimpiya Oyunlarına yekun vurulub
14:01
19 Oktyabr
"The Guardian": Xınalıq kəndi Avropanın 10 ən yaxşı turizm məntəqəsindən biridir
12:12
19 Oktyabr
Murmanskın “TV-21” telekanalında Azərbaycan və azərbaycanlılar haqqında süjet göstərilib
12:08
19 Oktyabr
"Bir Pəncərə" İxraca Dəstək Mərkəzində ixracın hüquqi prosedurları üzrə seminar keçirilib
11:45
19 Oktyabr
Naxçıvanda Dövlət Müstəqilliyi Günü silsilə tədbirlərlə qeyd olunub
11:37
19 Oktyabr
Vyetnamda Heydər Əliyev Fondunun dəstəyi ilə inşa edilmiş ibtidai məktəbin açılışı olub
11:34
19 Oktyabr
QHT-lərə Dövlət Dəstəyi Şurası Ucarda ictimai müzakirə keçirib
11:23
19 Oktyabr
Ermənistan silahlı qüvvələrinin bölmələri atəşkəs rejimini 26 dəfə pozub
11:16
19 Oktyabr
2019-cu il Formula 1 yarışlarının mövsümqabağı testlərinin cədvəli məlum olub
11:07
19 Oktyabr
Samir Vəliyev: TANAP-la Türkiyəyə 415 milyon kubmetrdən çox Azərbaycan qazı göndərilib
11:02
19 Oktyabr
Yeni Azərbaycan Partiyasının nümayəndə heyəti Çin Xalq Respublikasında səfərdədir
10:56
19 Oktyabr
Nazir müavini: TAP layihəsi üzrə işlərin 79 faizi icra edilib
10:48
19 Oktyabr
“Azərbaycanda gender əsaslı cinsi sistemin qarşısının alınması və aradan qaldırılması üzrə Milli Fəaliyyət Planı” layihəsinin təqdimatı keçirilir
10:45
19 Oktyabr
Bakıda III Avrasiya Konfransı işə başlayıb
09:48
19 Oktyabr
Azərbaycanın energetika naziri Çində bir sıra görüşlər keçirib
09:24
19 Oktyabr
Yaponiyalı musiqiçi: Əlliyə yaxın ölkədə olsam da, Bakı kimi özünəməxsus, gözəl şəhər görməmişəm
09:15
19 Oktyabr
Jurnalistlərin dostluq əlaqələri Azərbaycan ilə Gürcüstan arasında münasibətlərin inkişafına töhfə verəcək
09:07
19 Oktyabr
Vaşinqtonda Azərbaycanın dövlət müstəqilliyinin 27-ci ildönümü qeyd olunub
17:45
18 Oktyabr
Tərtər rayonunun bütün yaşayış məntəqələrinin qazlaşdırılması başa çatıb
17:43
18 Oktyabr
Dini təhlükəsizlik milli təhlükəsizlik konsepsiyasının başlıca komponentlərindən biridir
17:41
18 Oktyabr
Azərbaycanın bir qrup KİV nümayəndəsi Gürcüstanda səfərdədir
17:39
18 Oktyabr
Mikola Kurka: Azərbaycan son 15 ildə hüquqi dövlətin inkişafı istiqamətində fundamental işlər görüb
17:33
18 Oktyabr
AQTA əməkdaşları Malayziyada keçirilən beynəlxalq təlimdə iştirak ediblər
17:29
18 Oktyabr
Moskvada MDB və Baltikyanı ölkələrin Dəmir Yolu Nəqliyyatı Şurasının iclası keçirilib
17:19
18 Oktyabr
Elman Nəsirov: Müstəqillik illərində ölkəmiz böyük inkişaf yolu keçib
17:14
18 Oktyabr
Heydər Əliyev Mərkəzində “Heydər Əliyev və Azərbaycan tarixi” V ümumrespublika bilik yarışı keçirilib
17:10
18 Oktyabr
İordaniyalı politoloq: Azərbaycan öz müstəqil xarici siyasəti sayəsində beynəlxalq aləmdə çox böyük nüfuz və hörmət qazanıb
17:06
18 Oktyabr
Azərbaycan və Türkmənistan XİN-ləri arasında 2019-2020-ci illər üçün əməkdaşlıq proqramı imzalanıb
16:48
18 Oktyabr
Naxçıvan Muxtar Respublikası Ali Məclisində mükafatların təqdimatı olub
16:45
18 Oktyabr
Maria Elisabetta Alberti Kasellati: İtaliya Azərbaycanı özünün ən sadiq tərəfdaşlarından biri hesab edir
16:41
18 Oktyabr
YAP rayon təşkilatları ictimai-siyasi həyatda fəallıqları ilə seçilir
16:28
18 Oktyabr
Heydər Əliyev Fondunun təşkilatçılığı ilə Moskvada “Azərbaycanın payız sovqatları” adlı şəhərcik açılıb
16:18
18 Oktyabr
Bakı Nəqliyyat Agentliyində Dövlət Müstəqilliyinin 27-ci ildönümü ilə bağlı tədbir keçirilib
16:16
18 Oktyabr
Bilik Fondu “On beş illik Prezidentlik dövrünün şərəfli salnaməsi” mövzusunda “dəyirmi masa” keçirib
16:09
18 Oktyabr
Qubadlı rayonu üzrə doqquz ayın nəticələri müzakirə olunub
16:00
18 Oktyabr
Bakı Olimpiya Stadionunda UEFA-nın seminarı təşkil olunacaq

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
HAVA HAQQINDA
Bakı
gündüz+19 +22
gecə+14 +17