“Müsavat”ın parçalanması qaçılmazdır
24.07.2014 [09:58]
Mübariz Abdullayev
Başqanlıq uğrunda gedən savaşda qarşı-qarşıya duran, öz “favoritlərini” partiyada birinci şəxs etmək istəyən “komandalar”ın bundan sonra birgə yol gedəcəklərini təsəvvür etmək belə çətindir
“Müsavat”da qurultay məsələsi acı bağırsaq kimi uzandıqca və bu səbəbdən də partiyaya yeni başqanın seçilməsi ertələndikcə müxtəlif iddialarda bulunan, İsa Qəmbərdən sonrakı dönəmlə bağlı xəyallar quran funksionerlər arasında intriqalar, çəkişmələr daha da şiddətlənir. İsa Qəmbərin ciddi-cəhdlə “ev sirlərinin” çölə çıxmasının qarşısını almağa çalışmasına, narazılıqların üstünü pərdələmək siyasəti yürütməsinə rəğmən, eyni statusda qalmaq istəməyən funksionerlərin səbr kasalarının daşdığı, bir-birlərinə və elə başqanın özünə münasibətdə narazılıqlarının son həddədək artdığı ortadadır. Necə deyərlər, cidanı çuvalda gizlətmək mümkün deyil.
Beləliklə, yeri gəldi-gəlmədi “radikal düşərgənin əsas güc mərkəzi bizik” deyən “Müsavat”çıların artıq ambisiyalarını, məhdud maraqlarını partiya maraqlarının fövqündə qoyan qruplara bölündüklərini söyləmək mümkündür. İsa Qəmbərin daxil olduğu “köhnə qvardiya” partiyadakı mövcud “status-kvo”nun dəyişməz qalması uğrunda, “öldü var, döndü yoxdur” mövqeyi sərgiləyir. Bu qrup müxtəlif manevrlər işlətməklə, bəzən bəhanələr gətirməklə, bəzən də vədlər verməklə partiyanın təşkilati məsələlərinin müzakirəyə çıxarılacağı növbəti qurultayının keçirilməsini illərlə əngəlləməyə və beləliklə də, İsa Qəmbərin başqanlıqda qalmasını təmin etməyə nail olub. “Köhnə qvardiya”nın üzvləri bəhanələrinin, manevrlərinin keçərli olmasını əsaslandırmaq üçün tez-tez dövriyyəyə başqanlığın İsa Qəmbərin boyuna biçildiyi, partiyada hələ onu əvəzləyəcək kadrların yetişmədiyi barədə dezinformasiya xarakterli məlumatlar buraxırlar.
Lakin hər ötən gün “Müsavat”da artıq bu kimi nağıllarla daha İsa Qəmbərin dedikləri ilə oturub-durmaq istəməyən funksionerləri ovutmağın mümkün olmadığı qənaətini bir qədər də möhkəmləndirir. Əgər “Müsavat”da can qoyduqlarını və çox şeylərə haqlarının çatdığını düşünən funksionerlər son vaxtlaradək İsa Qəmbərə münasibətdə özlərini zahirən də olsa, böyük-kiçik yeri gözləyənlər kimi aparırdılarsa, indi onlar “ədəb-ərkandan keçib” deyərək İsa Qəmbərin yerinə göz dikdiklərini açıq şəkildə nümayiş etdirirlər. Son vaxtlar “Müsavat” düşərgəsindən çox tez-tez “qurultayımızı bu dəfə təxirə salmayacağıq”, “nizamnaməni pozmaq partiyaya başucalığı gətirmir” kimi fikirlərin eşidilməsi, əslində, funksionerlərin İsa Qəmbəri fakt qarşısında qoymaq və ona “daha bəsdir, çıx get” çağırışı etmələri anlamına gəlir.
Bununla belə, iş ondadır ki, “Müsavat”da İsa Qəmbəri sözün əsl mənasında itələyib onun yerində oturmaq istəyən funksionerlər heç də vahid mövqedən çıxış etmirlər. Belə ki, partiyada öz “favoriti”ni başqan etmək istəyən bir neçə qrup formalaşıb. Təsadüfi deyil ki, partiyanın bəzi funksionerləri bu barədə söz-söhbətləri, hətta radikalların nəzarətlərində olan KİV-lərə də çıxarıblar. Məsələn, başqanlığa açıq-aşkar iddialar sərgiləyən “Müsavat” funksioneri Səxavət Əlisoy çiyindaşlarının ünvanına sərt ittihamlar səsləndirərək belə deyib: “Bir qrup partiya üzvü var ki, onlar həmişə bir komandada olmaq istəyirlər. Elə hesab edirlər ki, başqan da onların təmsil olunduğu komandadan seçilməlidir. Bu, bir xəyaldır, uzağa getməyən düşüncədir”.
Qeyd edək ki, Səxavət Əlisoy partiyada qruplaşmaların yarandığını etiraf edən yeganə “Müsavat”çı deyil. Radikalların nəzarətində olan mətbuat orqanlarında “Müsavat”ın fəal üzvü kimi təqdim olunan və Hollandiyada yaşadığı bildirilən Eldəniz Yusifov da mətbuata açıqlamasında açıq-aşkar qrup maraqlarından çıxış edib. O bildirib ki, Avropada yaşayan “Müsavat”çıların əksəriyyəti partiyanın icra aparatının rəhbəri Arif Hacılının namizədliyini dəstəkləyir. E.Yusifov, həmçinin, divan üzvü Qubad İbadoğlunun başqanlığının “Müsavat”a heç bir faydasının olmayacağını da dilə gətirib. Onun qənaətinə görə, indiki şəraitdə Qubad İbadoğlu meydanlarda mübarizəyə hazır deyil.
Eldəniz Yusifovun bu açıqlamasına “Müsavat” daxilindəki digər bir qruplaşmadan cavab özünü çox gözlətməyib. Partiyanın divan üzvü Vurğun Əyyub da mətbuata açıqlamasında Eldəniz Yusifovun səsləndirdiyi meyarların köhnəldiyini bildirib və açıq-aşkar qrup maraqlarından çıxış edib: “Hesab edirəm ki, partiya başqanı olacaq şəxs təşkilat üzvləri arasında ayrı-seçkilik yaratmayan, siyasi partiyalar arasında əlaqələri gücləndirə bilən, partiyanın idarə edilməsində elmi prinsiplərə söykənən və s. xüsusiyyətləri olan şəxs olmalıdır. Bu keyfiyyətlər Qubad İbadoğlunda yetərincədir”.
Bir sözlə, başqanlıq uğrunda gedən savaşda qarşı-qarşıya duran “komandalar”ın bundan sonra eyni partiyada birgə yol gedəcəklərini təsəvvür etmək belə çətindir. Belə görünür ki, qurultayın tez və ya gec baş tutmasından, hansı qruplaşmanın təmsilçisinin başqanlıq uğrunda mübarizədən qalib ayrılmasından asılı olmayaraq funksionerlərin yollarını ayıracaqları və “Müsavat”ın parçalanacağı qaçılmazdır...
Müəllifin digər məqalələri:
Qubad İbadoğlunun növbəti manipulyasiyası
Faktları təhrif etmək, ucuz manipulyasiya...
26.06.2021 [08:29]
Terrorçu Ermənistanın müharibə cinayətləri və beynəlxalq ictimaiyyətin məsuliyyəti
Bu günlərdə ötən il 44...
09.06.2021 [09:29]
Qubad İbadoğlu faktları təhrif etməyə çalışır
Xeyli vaxtdır ki, okeanın o tayında...
03.06.2021 [08:53]
Qubad İbadoğlu yalan danışmaqda bütün sərhədləri aşır
Xaricdəki antimilli mərkəzlərin...
08.05.2021 [08:39]
Qubad İbadoğlu reallıqları təhrif etməyə çalışır
Radikal müxalifət düşərgəsində...
28.04.2021 [09:40]
Xəbər lenti
Hamısına bax
Xəbər lenti
19 Aprel 21:21
Xəbər lenti
19 Aprel 20:54
Dünya
19 Aprel 20:00
Xəbər lenti
19 Aprel 17:58
YAP xəbərləri
19 Aprel 17:44
Xəbər lenti
19 Aprel 17:38
Siyasət
19 Aprel 17:35
Xəbər lenti
19 Aprel 17:33
Gündəm
19 Aprel 17:29
Xəbər lenti
19 Aprel 17:10
Xəbər lenti
19 Aprel 16:45
Xəbər lenti
19 Aprel 16:25
Xəbər lenti
19 Aprel 15:48
Xəbər lenti
19 Aprel 15:44
Siyasət
19 Aprel 15:41
Xəbər lenti
19 Aprel 15:19
Xəbər lenti
19 Aprel 15:00
Xəbər lenti
19 Aprel 14:44
Xəbər lenti
19 Aprel 14:12
Xəbər lenti
19 Aprel 13:43
Dünya
19 Aprel 13:42
Xəbər lenti
19 Aprel 13:38
Xəbər lenti
19 Aprel 13:37
Xəbər lenti
19 Aprel 13:36
Xəbər lenti
19 Aprel 12:35
Xəbər lenti
19 Aprel 12:23
Dünya
19 Aprel 12:21
Xəbər lenti
19 Aprel 12:20
Xəbər lenti
19 Aprel 12:19
Xəbər lenti
19 Aprel 12:06
Xəbər lenti
19 Aprel 11:36
Xəbər lenti
19 Aprel 11:30
Ədəbiyyat
19 Aprel 11:18
Xəbər lenti
19 Aprel 11:07
Sosial
19 Aprel 11:00
Xəbər lenti
19 Aprel 10:55
Maraqlı
19 Aprel 10:54
Sosial
19 Aprel 10:50
Mədəniyyət
19 Aprel 10:45
Sosial
19 Aprel 10:40
İqtisadiyyat
19 Aprel 10:35
İqtisadiyyat
19 Aprel 10:32
MEDİA
19 Aprel 10:30
Xəbər lenti
19 Aprel 10:29
Xəbər lenti
19 Aprel 10:25
Siyasət
19 Aprel 10:23
Xəbər lenti
19 Aprel 10:20
Siyasət
19 Aprel 10:15
Siyasət
19 Aprel 10:10
Gündəm
19 Aprel 10:00
Siyasət
19 Aprel 09:50
Xəbər lenti
19 Aprel 09:33
Xəbər lenti
19 Aprel 09:26
Xəbər lenti
19 Aprel 09:20
Dünya
19 Aprel 08:43
Dünya
18 Aprel 22:01
Xəbər lenti
18 Aprel 20:05
Xəbər lenti
18 Aprel 18:18
Xəbər lenti
18 Aprel 17:52
Xəbər lenti
18 Aprel 17:05
Xəbər lenti
18 Aprel 16:40
Xəbər lenti
18 Aprel 16:09
Xəbər lenti
18 Aprel 16:05
Xəbər lenti
18 Aprel 15:50
Xəbər lenti
18 Aprel 15:47
Xəbər lenti
18 Aprel 15:02
Dünya
18 Aprel 14:43
Xəbər lenti
18 Aprel 14:30
Xəbər lenti
18 Aprel 14:13
Xəbər lenti
18 Aprel 14:07
