Ana səhifə »  Müəlliflər »  Azərbaycanla Gürcüstan arasında nifaq salmaq ssenarilərinin reallaşmasında canfəşanlıq göstərən radikallar bir daha ifşa olundular
A+   Yenilə  A-
Azərbaycanla Gürcüstan arasında nifaq salmaq ssenarilərinin reallaşmasında canfəşanlıq göstərən radikallar bir daha ifşa olundular
Yazdı: Hikmət BABAOĞLU

Dövlət ən ciddi sosial-siyasi institut olmaqla cəmiyyətin sosial sifarişi nəticəsində meydana gəlir. Dövlət cəmiyyətin bütün stratalarının - təbəqələrinin maraqlarını nəzərə almaqla xüsusi idarəetmə institutları yaradır. Beləliklə, bir millətin təşkilatlanma və idarəetmə baxımından yarada biləcəyi ən böyük sosial-siyasi institut dövlətdir. Azərbaycan xalqı dövlət qurmaq bacarığına və istedadına malik olan, eyni zamanda, qurduğu dövləti qorumağı bacaran xalqdır. Tarixin müxtəlif mərhələlərində dövlətçiliklə bağlı müəyyən təhdidlər ortaya çıxır. Azərbaycan dövlətçiliyinin 5 min illik tarixi sübut edir ki, məhz belə kritik anlarda da Azərbaycan xalqı öz dövlətini qorumaqla, onun yaşamasını təmin etməklə milli varlığını qorumağı bacarıb.
Heç şübhəsiz ki, illər ötdükcə, cəmiyyət inkişaf etdikcə dövlətin institusional qurumları da ixtisaslaşmağa başlayır və cəmiyyətin özü inkişaf etdiyi kimi, onu idarə etmək üçün yaradılmış struktur vahidləri də təkmilləşir. Hazırda modern dövlət dedikdə, xalqın maraqlarını qoruyan, funksional, institutlaşmış, özünəməxsus struktural forma nəzərdə tutulur.
Azərbaycan mürəkkəb geostrateji rayonda uzun illər ərzində öz milli maraqlarını müstəqil şəkildə müdafiə etməyi bacarıb
Ümumiyyətlə, bir millətin milli gücü onun malik olduğu maddi, mədəni və intellektual resursların cəmi ilə ölçülür. Ona görə də milli güc və onun resursları iki komponent əsasında müəyyənləşdirilir. Bunlardan biri milli gücün maddi komponentləri, digəri milli gücün mənəvi komponentləridir. Milli gücün maddi komponentləri dedikdə dövlətin yerləşdiyi ərazi, onun yeraltı və yerüstü sərvətləri, sənayeləşmə dərəcəsi, onun istehsal münasibətləri və əhali faktoru nəzərdən keçirilir. Milli gücün mənəvi komponentləri dedikdə isə milli mənəviyyat, milli xarakter, milli əxlaq və milli diplomatiya başa düşülür. Milli gücü bütövlükdə şərh edərkən isə milli diplomatiyanı milli gücün “beyni” hesab edirlər. Çünki əgər bütün resurslar varsa, onlar milli maraqların həyata keçirilməsi üçün səfərbər olunmursa, deməli, o güc hələlik potensial olaraq qalır. Bu gün də Azərbaycanın milli diplomatiyası, xarici siyasət idarəsi və şübhəsiz ki, xarici siyasət strategiyasını müəyyənləşdirən Azərbaycan Prezidenti məhz bu faktordan milli maraqlarımızın qorunması üçün məharətlə istifadə etməyi bacarır. Əgər belə olmasaydı, Azərbaycan mürəkkəb geostrateji rayonda uzun illər ərzində öz milli maraqlarını müstəqil şəkildə müdafiə etməyi bacarmazdı.
Əlbəttə ki, bu resursların düzgün istismar olunması, milli məqsədlər üçün yönləndirilməsi müasir, inkişaf edən, güclü, qüdrətli Azərbaycanı formalaşdırıb. Azərbaycan uzun illərdir müxtəlif cəbhələrdə, xüsusilə də iqtisadi sektorda qalib olub, meqa layihələr həyata keçirməyi bacarıb. Azərbaycan 1994-cü ildə imzalanan “Əsrin müqaviləsi” ilə başlayan əfsanəvi layihələrini, nəhayət, 2018-ci ildə Bakı-Tbilisi-Qars dəmiryol xəttinin açılışı ilə uğurla davam etdirməyə nail olub. Azərbaycan TANAP və TAP kimi qlobal strateji layihələrin həyata keçirilməsində öz iradəsini ortaya qoyub. Eyni zamanda, bütün beynəlxalq təşkilatlarla Azərbaycanın münasibətləri ən yüksək səviyyədədir. Azərbaycan 2018-ci ildə Avropa İttifaqı ilə “Tərəfdaşlıq prioritetləri” sənədinin paraflanmasını həyata keçirib. Bütün bunlar beynəlxalq münasibətlər sistemində Azərbaycanın nüfuzunu, rolunu daha da artırır, yerini daha da möhkəmləndirir. Belə olan halda, Azərbaycan get-gedə regionun dominant iqtisadi, siyasi, həmçinin idman və mədəniyyət mərkəzinə çevrilir.
Azərbaycan xalqı ölkəmizə qarşı antimilli qüvvələr tərəfindən həyata keçirilən təxribat xarakterli kampaniyaların məqsədini yaxşı dərk edir
Ölkəmizin əldə etdiyi bu uğurlar isə dostlarımızı sevindirdiyi kimi, düşmənlərimizi də məyus edir. Ona görə də vaxtaşırı ən müxtəlif mərkəzlərdən Azərbaycana qarşı fərqli-fərqli hücumlar təşkil edilir. Bu hücumların bir qismi informasiya cəhbəsindən, bir qismi iqtisadi, digər qismi isə sosial sektordan təşkil olunur. Xüsusilə islamofob, ermənipərəst mərkəzlər və erməni lobbisi müxtəlif siyasi texnologiyalarla və taktikalarla Azərbaycanın maraqlarını hədəfə götürürlər. Təəssüflə qeyd edirik ki, vaxtilə Azərbaycanda hakimiyyətdə olan, milli maraqları və öz iqtidarlarını qoruya bilmədikləri üçün hakimiyyətdən getməyə məcbur qalan şəxslər bu gün Azərbaycan xalqının, dövlətimizin maraqlarına qarşı fəal “aktor”a çevriliblər. Onların başında duranlardan biri Əli Kərimlidir, digəri onunla eyni cəbhədə olmadığı iddia edilsə də, əslində, siyasi partiya yaradıb Azərbaycanda hakimiyyətə iddialı olan Əli Əliyevdir. Eyni zamanda, özlərini müxalifətçi elan edib, əslində isə, Azərbaycana qarşı olan mərkəzlərin sifarişlərini bilərəkdən və ya bilməyərəkdən yerinə yetirən “mühacirlər” də bu formada milli maraqlarımıza zərbə vururlar. Bununla yanaşı, korporativ, şəxsi maraqlarını təmin etmək, Avropada maddi vəziyyətini yaxşılaşdırmaq və ya daha yaxşı həyat şəraiti əldə etməyə qədər ən müxtəlif məqsədlərlə xaricə gedən bəzi şəxslər qlobal imperialist mərkəzlərin toruna düşərək Azərbaycana qarşı təzyiq vasitəsinə çevriliblər. O cümlədən xarici maliyyə qurumlarından ciddi qrantlar qoparmağı bacaran Sevinc Osmanqızı, ermənipərəst Leyla Yunus və onun ailə üzvləri, heç bir müsbət reputasiyaya malik olmayan Qənimət Zahid və digərləri də Azərbaycana qarşı aparılan bu cür kampaniyalarda fəallıq nümayiş etdirirlər. Əlbəttə ki, ölkəmizdə intellektual cəmiyyət formalaşdığı, respublikamızın daxili və xarici siyasəti məhz Azərbaycanın milli maraqları əsasında həyata keçirildiyi üçün bu cür çoxsaylı hücumlar uğurla dəf edilir. Azərbaycan xalqı bunu görür, qiymətləndirir və ölkəmizə qarşı antimilli qüvvələr tərəfindən həyata keçirilən təxribat xarakterli kampaniyaların nə üçün təşkil olunduğunu yaxşı dərk edir.
Keşikçidağ məsələsində hadisələrin nəzarətdən çıxması yalnız üçüncü qüvvələrin marağını təmin edə bilərdi
Son dövrlərdə isə Azərbaycana qarşı hücumlarda yeni bir forma müəyyənləşdirilib. Bu, Azərbaycanın ayrı-ayrı dövlətlər və qonşu ölkələrlə münasibətlərinin pozulmasına, beləliklə, onun maraqlarına zərbə endirilməsinə hesablanan hücumların təşkil edilməsidir.
Məlumdur ki, bu yaxınlarda Keşikçidağ məntəqəsində insident baş verdi. Təbii ki, hadisələrin nəzarətdən çıxması, qanlı qarşıdurma müstəvisinə keçməsi həm Azərbaycanın, həm də Gürcüstanın milli maraqları baxımından qətiyyən yolverilməzdir. Çünki Azərbaycanın beynəlxalq iqtisadi və kommunikasiya əməkdaşlığı əsasən Gürcüstan vasitəsilə həyata keçirilir. Həmçinin ölkəmizin təbii resurslarının dünya bazarına çıxarılması, o cümlədən bütün qlobal layihələrin həyata keçirilməsi Gürcüstan və Türkiyə üzərindən Qərbə keçərək təmin olunur. Eyni zamanda, Gürcüstanın iqtisadiyyatı məhz Azərbaycanın həyata keçirdiyi beynəlxalq, qlobal və meqa layihələr əsasında formalaşıb. Bu iki ölkə arasında münasibətlərin korlanması, heç şübhəsiz ki, iqtisadi münasibətlərin, o cümlədən kommunikasiyaların pozulmasına gətirib çıxara bilər. Belə vəziyyət isə yalnız üçüncü qüvvələrin lehinə ola bilər və hər iki Cənubi Qafqaz respublikasını məhz həmin üçüncü güc mərkəzindən asılı vəziyyətə sala bilər. Ona görə də Azərbaycan öz maraqlarını müdafiə etmək üçün dərin strateji diplomatiya həyata keçirməlidir və dövlətimiz bu istiqamətdə mühüm addımlar atır.
Azərbaycan əsgəri milli maraqlarımıza uyğun olaraq düzgün hərəkət etdi
Bu kontekstdə Keşikçidağ insidenti zamanı Azərbaycan əsgəri, doğrudan da, milli maraqlarımıza uyğun olaraq düzgün hərəkət etdi. Mümkün qarşıdurma və təxribata yol vermədi və qan tökülərək təxribatın ikinci fazaya keçirilməsinin qarşısını aldı. Beləliklə, üçüncü güc mərkəzləri tərəfindən planlaşdırılan ssenari həyata keçmədi. Antiazərbaycançı mərkəzlər bu planlarının baş tutmadığını gördükdə ölkə daxilindəki radikal qruplaşmalara məsələni siyasiləşdirmək üçün direktivlər göndərdi və təxribatı siyasi müstəvidə Azərbaycan hakimiyyətinə qarşı siyasi şantaj vasitəsinə çevirməyə başladı.
Bir qismi bilərəkdən, bir qismi isə bilməyərəkdən imperializmə xidmət edən qeyd etdiyimiz ölkədaxili “sosial” və yaxud “siyasi aktorlar” ilk növbədə Azərbaycan əsgərini, sonra Dövlət Sərhəd Xidmətini, daha sonra bütövlükdə Azərbaycan Ordusunu, nəhayət, Azərbaycan dövlətini, ölkəmizin xarici siyasətini hədəfə götürdülər. Beləliklə, bu hadisədə təxribatçı, qızışdırıcı mövqe tutdular. Belə mövqedə dayanmaq isə milli maralarımıza qarşıdır və qətiyyən yolverilməzdir. Çünki hadisələr bir qədər gərginləşərsə, Gürcüstan-Azərbaycan münasibətləri pozularsa, bu, zəncirvari şəkildə iki ölkə arasındakı münasibətlərin bütün sektorlarına sirayət edə, son nəticədə Cənubi Qafqazda müstəqil subyekt kimi çıxış edən iki ölkə yavaş-yavaş müstəqilliklərini itirmək təhlükəsi ilə üz-üzə qala bilər. Belə bir vəziyyətdə, şübhəsiz ki, yenidən üçüncü mərkəzlərin vassalına çevrilmək ehtimalı gündəmə gələ bilər. Məsələnin mahiyyəti bundan ibarətdir. Gürcüstanda da bunu dərk edirlər. Ona görə də Gürsüstan hakimiyyəti rəsmilərinin, eyni zamanda, Azərbaycan hakimiyyəti və dövlətinin rəsmi şəxslərinin açıqlamalarında daim bu məsələyə vurğu edilir.
Azərbaycanın ən böyük sərvəti onun qurduğu intellektual cəmiyyətdir. Belə savadlı və yetkin cəmiyyəti bir qrup radikal əlbəttə manipulyasiya edə bilməz
Təəssüflə qeyd etmək lazımdır ki, Keşikçidağ ətrafında baş verən məlum insident zamanı Gürcüstanda və Azərbaycanda bu hadisələri qızışdırmağa, az qala iki ölkə arasında savaşa səbəb olacaq məsələ kimi təqdim etməyə çalışan əsl təxribatçılar da tapıldı. Siyasi fəaliyyətlə məşğul olan, gələcəkdə siyasi hakimiyyətə iddialı olan, müəyyən siyasi keçmişi olan və bu gün Azərbaycan xalqı qarşısında ictimai məsuliyyət daşımalı olan Əli Kərimli kimilərin prinsipial dövlətçilik məsələlərində qızışdırıcı mövqe tutması əsl antimilli xarakterli təxribatdır. Onlar, bəlkə də, elə hesab edirlər ki, məsələyə bu cür yanaşmaqla Azərbaycan hakimiyyətini gözdən salacaqlar, hansısa məqamda Azərbaycan hakimiyyətini cəsarətsizlikdə ittiham etməklə siyasi dividend əldə edəcəklər. Amma xalqımız nəyin və nə üçün baş verdiyini yaxşı bildiyi üçün radikallar əsla məqsədlərinə çata bilməyəcəklər. Ən azı ona görə ki, bu hadisələrin niyə baş verdiyini, bəlkə də, sıravi vətəndaş daha düzgün dərk edir və hakimiyyətin mövqeyini daha doğru hesab edir, nəinki özlərini “siyasətçi” adlandıran və hakimiyyətə iddialı olan bu adamlar. Onların məqsədi bu hadisədən Azərbaycan dövlətinə, Azərbaycan hakimiyyətinə qarşı siyasi şantaj vasitəsi kimi istifadə etməkdir. Ancaq milli maraqlar əsas götürüldükdə müxalifətin də, hakimiyyətin də ümdə vəzifəsi Azərbaycan dövlətini qorumaq olmalıdır. Bu gün Azərbaycan xalqının, Azərbaycan dövlətinin maraqlarını təhdid etmək üçün düşünülmüş bu cür təxribatlar varsa, bərtərəf etmək lazımdır. Çünki bütün dünyada sivil müxalifətin rolu ondan ibarətdir ki, belə prinsipial məsələlərdə dövlətin və xalqın maraqlarını qorumağı bacarsın. Azərbaycan xalqı müdrik xalqdır və bu gün nəyin, harada, nə üçün və nə zaman baş verdiyini dərk edir. Bu gün əldə etdiyi digər nailiyyətlərlə bərabər, Azərbaycanın ən böyük sərvəti onun qurduğu intellektual cəmiyyətdir. Belə savadlı və yetkin cəmiyyəti bir qrup radikal, əlbəttə, manipulyasiya edə bilməz.
Əli Kərimli Azərbaycan hakimiyyətinə deyil, Azərbaycan dövlətinə və xalqına qarşı müxalifətçilik edir
Ona görə də Əli Kərimlilər bu ümummilli məsələdə təxribatçı mövqe tutmaqla bir daha hakimiyyətə deyil, Azərbaycan dövlətinə, Azərbaycan xalqına qarşı müxalifətdə olduqlarını sübut etdilər. Bu hadisə növbəti dəfə göstərdi ki, bu insanlar Azərbaycan xalqını provokasiyaya çəkməklə, onun qürurunu incidəcək ifadələr işlətməklə, onu qonşu xalqa qarşı düşmənçilik etməyə çağırmaqla xaricdən, o cümlədən ermənipərəst mərkəzlərdən aldıqları sifarişləri yerinə yetirirlər. Heç şübhəsiz ki, Azərbaycan xalqı növbəti mərhələdəki siyasi proseslərdə də öz iradəsini və mövqeyini ifadə edərkən mütləq bu təxribatçıların antimilli fəaliyyətini nəzərə alaraq qərar qəbul edəcək.
Hikmət BABAOĞLU

 
  • Oxunub:  7380  |  
  • Tarix:  26-07-2019  |  
  •    Çap et   |  

Qəzetin son buraxılışı

Prezident İlham Əliyev Paşinyanın bütün yalanlarını faktlarla və məntiqlə ifşa etdi

19 Fevral 20:22
Mərkəzi Seçki Komissiyasının iclası keçirilib
19 Fevral 20:20
SOCAR-la Sumqayıt Texnologiyalar Parkı birgə müəssisə yaradıb
19 Fevral 20:16
Prezident İlham Əliyevin Münxen qələbəsi: erməni baş nazirin növbəti iflası
19 Fevral 20:12
Naxçıvanda inşa olunan yeni uçuş-enmə zolağı sınaqdan keçirilib
19 Fevral 20:10
AMEA-da Azərbaycan Respublikasının Prezidenti yanında Ali Attestasiya Komissiyasının sədri Famil Mustafayevlə görüş keçirilib
19 Fevral 19:46
Bölgələrdə tikilən Olimpiya kompleksləri idmanın kütləviliyinin təmin edilməsində mühüm rol oynayır
19 Fevral 17:49
Prezident İlham Əliyev Romada dahi Azərbaycan şairi və mütəfəkkiri Nizami Gəncəvinin abidəsini ziyarət edib
19 Fevral 17:48
AzTU Türkiyə universitetləri ilə əlaqələri genişləndirir
19 Fevral 17:36
Azərbaycan Prezidenti İlham Əliyev İtaliyaya dövlət səfərinə gəlib
19 Fevral 17:28
Mədəniyyət naziri Əbülfəs Qarayevin Böyük Britaniyada görüşləri davam edir
19 Fevral 17:25
Ötən ay ölkədən 60 min tonadək neft məhsulları ixrac olunub
19 Fevral 17:08
Qaradağ rayonunda ötən ilin yekunlarına və qarşıda duran vəzifələrə həsr olunmuş hesabat yığıncağı keçirilib
19 Fevral 16:45
Amerikalı ekspert Piter Teys: Ermənistan hökumətinin üzvlərinə qarşı iqtisadi və siyasi sanksiyalar tətbiq edilməlidir
19 Fevral 16:36
Azərbaycan-Latviya əməkdaşlıq əlaqələri yeni inkişaf mərhələsinə qədəm qoyub
19 Fevral 16:33
Vüsal Qasımlı: Son bir ildə Azərbaycanda elektron ticarət rekord həddə çatıb
19 Fevral 16:26
AZTU ilə Rusiya şirkəti arasında əməkdaşlıq məsələləri müzakirə olunub
19 Fevral 16:21
Bakıda beynəlxalq humanitar hüquq sahəsində seminar işə başlayıb
19 Fevral 16:08
“Onlar heç vaxt böyüməyəcəklər” kitabının Türkiyədə təqdimatı olub
19 Fevral 16:00
Vüqar Rəhimzadə: Ümumavropa Qarabağ mitinqi Azərbaycan həqiqətlərinin təbliğinə böyük dəstək olacaq
19 Fevral 15:54
Beynəlxalq Münasibətlərin Təhlili Mərkəzində amerikalı ekspertlərlə görüş keçirilib
19 Fevral 15:29
Azərbaycanın turizm potensialı Belarusda təbliğ olunub
19 Fevral 15:24
İsmayıllıda ötən il ümumi məhsul istehsalının həcmi 14 milyon 757 min manat artıb
19 Fevral 15:15
Keçən il ölkədəki bərpaolunan enerji mənbələrinin 7,3 faizindən istifadə edilib
19 Fevral 14:53
Elçin Quliyev: Sərhədçilər Prezident İlham Əliyevin tapşırıqlarını yüksək səviyyədə icra edirlər
19 Fevral 14:47
Qədim Buxara şəhəri bu il İslam mədəniyyətinin paytaxtı seçiləcək
19 Fevral 14:29
Sabah Bakıda və Abşeron yarımadasında arabir yağış yağacağı gözlənilir
19 Fevral 14:22
Muğamsevərlər Heydər Əliyev Sarayında yenidən bir araya gəliblər
19 Fevral 14:10
Xocalı soyqırımının ildönümü ilə əlaqədar Azərbaycan Ordusunda silsilə tədbirlər keçiriləcək
19 Fevral 14:03
V İngilis dili olimpiadası keçiriləcək
19 Fevral 14:00
Ermənistan-Azərbaycan münaqişəsi ilə bağlı Münxendə keçirilən müzakirələr Misir mətbuatında da geniş işıqlandırılıb
19 Fevral 12:45
Elxan Məmmədov: Avro 2020 Bakıya Avropa Liqasının finalından üç dəfə çox turist cəlb edəcək
19 Fevral 12:41
Xalq şairi Nəriman Həsənzadəyə həsr olunmuş kitab sərgisi açılıb
19 Fevral 12:40
ABŞ radiosunda Azərbaycanda mövcud olan dinlərarası harmoniyadan danışılıb
19 Fevral 12:30
İcbari tibbi sığortanın tətbiq olunduğu tibb müəssisələrində ödənişlərin nağdsız aparılması üçün bank kartı buraxılıb
19 Fevral 12:21
Prezident Administrasiyasına daxil olan müraciətlər hərtərəfli öyrənilir
19 Fevral 12:17
Ötən il Beyləqanda ümumi məhsul buraxılışının həcmi 528,11 milyon manat olub
19 Fevral 12:14
Prezident İlham Əliyevin yeni islahatları bütün sahələrdə inkişafın sürətləndirilməsinə şərait yaradıb
19 Fevral 11:48
Macarıstanda Azərbaycan Kinosu Günləri keçirilir
19 Fevral 11:38
Nazir müavini: 2030-cu ilədək bərpaolunan enerji mənbələrinin payının 30 faizə çatdırılması planlaşdırılır
19 Fevral 11:32
Zaur Əliyev: “İcbari tibbi sığortanın tətbiq olunduğu bəzi regionlarda həkim çatışmazlığı müşahidə olunur” – MÜSAHİBƏ
19 Fevral 11:27
Azərbaycan Avropanın aparıcı dəmir yolu şirkətləri ilə əlaqələri genişləndirir
19 Fevral 11:23
“Qış Məktəbi”nin iştirakçıları Şəkinin tarixi məkanlarında
19 Fevral 11:16
Azərbaycan Prezidentinin dərin islahatları vətəndaş müraciətlərində qaldırılan məsələlərin həllinə böyük inam yaradır
19 Fevral 11:14
Elmar Məmmədyarov Brüsseldə Avropa İttifaqının Qonşuluq və Genişlənmə üzrə Komissarı Oliver Varheyli ilə görüşüb
19 Fevral 11:06
Vətəndaşlarımızın ictimai təəssübkeşlik nümunəsi olan bütün təkliflərinə diqqətlə yanaşılır
19 Fevral 10:39
Mədəni İrsin Qorunması, İnkişafı və Bərpası üzrə Dövlət Xidmətinin regional idarələrinin ərazi mənsubiyyətinin bölgüsü təsdiq edilib
19 Fevral 10:34
Azərbaycan və İspaniya arasında ticari-iqtisadi əlaqələrin daha da inkişaf etdirilməsi üçün geniş potensial mövcuddur
19 Fevral 10:26
Ermənistan silahlı qüvvələri snayper tüfənglərindən də istifadə etməklə atəşkəs rejimini 21 dəfə pozub
19 Fevral 10:24
UEFA Çempionlar Liqası: səkkizdədir final mərhələsinin növbəti oyunları keçiriləcək
19 Fevral 10:22
Prezident İlham Əliyev Paşinyanın bütün yalanlarını faktlarla və məntiqlə ifşa etdi
19 Fevral 10:17
Bahar Muradova: Dalana dirənmiş danışıqları nəticəyə yönəlmiş prosesə çevirmək üçün bu debatı yeni bir başlanğıc hesab etmək olar
19 Fevral 10:13
Azərbaycanlı tədqiqatçı - alim Misirdə beynəlxalq konfransda çıxış edib
19 Fevral 10:06
Heydər Əliyev irsinin tədqiqi işinə daha bir dəyərli töhfə
19 Fevral 10:03
Türkiyə mediası: Prezident İlham Əliyev Paşinyanı çətin vəziyyətə saldı
19 Fevral 10:00
Ermənistan mətbuatı: Paşinyanın Münxen biabırçılığı...
19 Fevral 09:57
“The USA Tribune”: Müzakirələr Paşinyan üçün uğursuz başa çatdı
19 Fevral 09:55
“Vestikavkaza.ru”: Prezident İlham Əliyev Münxendə Paşinyanı darmadağın etdi
19 Fevral 09:54
Yaponiya mətbuatı: Prezident İlham Əliyev Dağlıq Qarabağın tarixi Azərbaycan ərazisi olduğunu faktlarla diqqətə çatdırdı
19 Fevral 09:51
Erməni ekspert: Azərbaycan Prezidenti qalib gəldi
19 Fevral 09:50
Xocalı soyqırımı bəşəriyyətə qarşı edilən cinayətdir...
19 Fevral 09:46
Regionlarda yol-nəqliyyat infrastrukturunun yenilənməsi sahəsində mühüm tədbirlər həyata keçirilir
19 Fevral 09:44
Türkiyə universitetlərinin idarəetmə standartları AzTU-da tətbiq olunacaq
19 Fevral 09:41
Hakimliyə namizədlərin tədris kursu yeni mövzularla zənginləşdirilir
19 Fevral 09:34
Azərbaycanın regionlarında əhalinin içməli su təchizatı yaxşılaşır
18 Fevral 21:04
Sankt-Peterburqda rəqəmli texnologiyaların müasir inkişaf tendensiyaları müzakirə olunub
18 Fevral 20:55
Ombudsman Xocalı soyqırımının 28-ci ildönümü ilə əlaqədar bəyanat yayıb
18 Fevral 20:38
Avropa Parlamentinin nümayəndələri Ermənistan-Azərbaycan münaqişəsi üzrə danışıqların cari vəziyyəti barədə məlumatlandırılıb
18 Fevral 17:59
Görkəmli bəstəkar Vasif Adıgözəlovun yaşadığı evin qarşısında barelyefi açılıb
18 Fevral 17:57
Sevinc Fətəliyeva: Prezident İlham Əliyev Paşinyana tarix dərsi keçdi
18 Fevral 17:56
Asim Mollazadə: Ermənistanın işğalçı siyasəti bölgə üçün ən böyük təhlükədir

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
HAVA HAQQINDA
Bakı
gündüz+8 +11
gecə+4 +6