Ana səhifə »  Müəlliflər »  Şimali Qafqaz xalqları və Azərbaycan arasında dostluq və qardaşlıq münasibətləri sarsılmaz əsaslara söykənir
A+   Yenilə  A-
Şimali Qafqaz xalqları və Azərbaycan arasında dostluq və qardaşlıq münasibətləri sarsılmaz əsaslara söykənir
Yazdı: Hikmət BABAOĞLU

Prezident İlham Əliyevin apardığı dini, mədəni və mənəvi əməkdaşlığa əsaslanan siyasət nəticəsində Azərbaycan Qafqaz xalqlarının ümumi dəyərlər ətrafında birləşməsində əhəmiyyətli rol oynamaqdadır
Azərbaycan Respublikasının Prezidenti İlham Əliyevin milli maraqlara əsaslanan, səmərəli və praqmatik xarici siyasət həyata keçirməsi dövlətimizin region ölkələri ilə və beynəlxalq müstəvidə əməkdaşlığına mühüm töhfələr verir. Ölkəmiz hazırda regional güc mərkəzi kimi bölgədə sülhün və təhlükəsizliyin təmin olunması üçün dayaq nöqtəsi, ən perspektivli tərəfdaş hesab edilir. Bu baxımdan, ikitərəfli və çoxtərəfli münasibətləri uğurla davam etdirən Azərbaycanın xarici siyasət kursunda Rusiya Federasiyası ilə bütün sahələrdə qarşılıqlı əməkdaşlığa əsaslanan yüksəksəviyyəli münasibətlər mühüm yer tutur. Digər tərəfdən, ən yüksək səviyyədə həyata keçirilən qarşılıqlı səfər və görüşlər iki ölkə arasındakı münasibətlərin inkişafında əhəmiyyətli rol oynayır.
Azərbaycan-Rusiya münasibətlərinin inkişafı, eyni zamanda, regionun tərəqqisi, həmçinin bölgədə sülhün və təhlükəsizliyin təmin olunması baxımından da müstəsna əhəmiyyətə malikdir. Ümumiyyətlə, Azərbaycan-Rusiya münasibətləri strateji tərəfdaşlığa, dostluq və mehriban qonşuluq prinsiplərinə əsaslanan uğurlu siyasət nəticəsində daim inkişafdadır. Sözsüz ki, iki qonşu ölkə kimi Rusiya və Azərbaycanı həmsərhəd regionların xalqlarının tarixən formalaşmış dini, mədəni və mənəvi münasibətlərindən irəli gələn möhkəm dostluq və əməkdaşlıq ənənələri bağlayır. Bu kontekstdə Azərbaycanla Rusiya arasında siyasi, humanitar və mədəni əlaqələr də çox uğurla inkişaf edir.
Azərbaycan ilə Rusiya arasında münasibətlərin yüksələn xətlə inkişafında mühüm rol oynayan əhəmiyyətli amillərdən biri də regionlararası əlaqələrin intensiv xarakter daşımasıdır. Hazırda Azərbaycan ilə Rusiyanın regionları arasında çox fəal əməkdaşlıq münasibətləri formalaşıb ki, bu da iki ölkə arasında çoxşaxəli əlaqələrin inkişafı baxımından mühüm əhəmiyyətə malikdir.
Azərbaycan və Rusiya arasında fəal əməkdaşlıq münasibətləri mövcuddur
Qafqaz xalqları tərəfindən vaxtilə birmənalı şəkildə regionun ağsaqqalı kimi qəbul edilən Ümummilli Lider Heydər Əliyevin Şimali Qafqaz xalqlarına münasibətdə göstərdiyi diqqət və qayğı, Onun layiqli davamçısı olan Azərbaycan Respublikasının Prezidenti İlham Əliyevin Qafqazda düşünülmüş şəkildə apardığı dostluq, qardaşlıq və əməkdaşlığa əsaslanan siyasəti nəticəsində Azərbaycan Qafqaz xalqlarının ümumi dəyərlər ətrafında birləşməsində əhəmiyyətli rol oynamaqdadır. Dövlət başçımızın Rusiyanın Şimali Qafqazdakı subyektləri ilə hərtərəfli əlaqələrin inkişafı istiqamətində ardıcıl xəttə əsaslanan siyasəti regionda bizimlə ortaq dini, milli, mədəni və mənəvi dəyərlərə malik olan xalqlar tərəfindən yüksək qiymətləndirilir. Təbii ki, bu dəyərlərin daşıyıcılarında ümumi fikrin formalaşmasında xalqlarımızın mənimsədiyi milli, dini və mədəni birlik, həmçinin həmrəylik amilləri əsas rol oynayır.
Təsadüfi deyil ki, ötən ilin noyabrında Rusiya Federasiyasının Çeçenistan Respublikasının başçısı Ramzan Kadırovın Bakıya səfəri zamanı Azərbaycan Respublikasının Prezidenti İlham Əliyev xüsusi olaraq qeyd etmişdi ki, bizim Çeçenistan Respublikası və Şimali Qafqazın digər respublikaları ilə münasibətlərimiz Azərbaycanla Rusiya arasında münasibətlərin mühüm amilidir: “Siz bilirsiniz ki, bu münasibətlər uğurla inkişaf edir. Biz strateji tərəfdaşlarıq. Dövlət başçılarının çoxlu səfərləri olub. Son beş ildə Rusiya Prezidenti Azərbaycana dörd dəfə səfər edib və bu ilin sentyabrında mən də Rusiyaya səfər etdim, o da Azərbaycana gəldi. Biz çox fəal qarşılıqlı fəaliyyət göstəririk və çox yüksək etimad səviyyəsi mövcuddur”.
Yeri gəlmişkən, bu il fevralın 1-də Bakıya səfər edən Rusiya Federasiyasının Qaraçay-Çərkəz Respublikasının başçısı Rəşid Temrezovun rəhbərlik etdiyi nümayəndə heyətini qəbul edərkən Azərbaycan Prezidenti İlham Əliyev bir daha Azərbaycan və Rusiya prezidentləri arasında mövcud olan qarşılıqlı etimadın əlaqələrimizin genişlənməsində xüsusi rol oynadığını qeyd edib. Prezident İlham Əliyev, eyni zamanda, Azərbaycan Respublikasının Rusiya Federasiyasının ayrı-ayrı regionları, o cümlədən ümumi tarixi-mədəni dəyərlərə malik olduğumuz Şimali Qafqaz regionu, eləcə də Qaraçay-Çərkəz Respublikası ilə sıx əməkdaşlığının Azərbaycan-Rusiya münasibətlərinin inkişafına töhfə verdiyini deyib.
Qafqaz müsəlmanları arasında birliyi və həmrəyliyi pozmaq cəhdləri iflasa uğradı
Son dövrlər Şimali Qafqaz respublikaları başçılarının Azərbaycana səfərləri, eyni zamanda, Qafqaz Müsəlmanları İdarəsinin sədri Şeyxülislam Allahşükür Paşazadənin Şimali Osetiya Respublikasının paytaxtı Vladiqafqaza səfəri, vaxtilə bu şəhərdə azərbaycanlı messenat Murtuza Muxtarovun tikdirdiyi məscidin Azərbaycan Prezidentinin birbaşa diqqət və qayğısı, dövlətimizin maliyyəsi hesabına təmir edilməsindən sonra açılışında iştirakı bu münasibətlərin yüksək səviyyədə olduğunun göstəricisidir. Buna baxmayaraq, son dövrlər baş verən bəzi xoşagəlməz hadisələr göstərdi ki, Qafqaz xalqları arasında, o cümlədən Qafqaz müsəlmanları arasındakı birliyi və həmrəyliyi gözü götürməyən qüvvələr var. İşğalçı Ermənistanın kəşfiyyat orqanlarının lehinə çalışan həmin qüvvələr Qafqaz müsəlmanları arasındakı tarixi köklərə əsaslanan qardaşlıq və mehriban qonşuluq əlaqələrini pozmaq, son nəticədə Rusiya-Azərbaycan münasibətlərinə kölgə salmağa cəhd etdilər. Moskvada çeçenlər və azərbaycanlılar arasında qarşıdurma yaratmaq cəhdlərinin arxasından da məhz tarix boyu Qafqazda qarşıdurmaya alət olan erməni ekstremist qüvvələrinin çıxması da təxribatın qaynağını birbaşa göstərdi.
Bütün bu cəhdlərə baxmayaraq, Qafqaz xalqları, o cümlədən hazırda Rusiyanın müxtəlif regionlarında yaşayan Qafqazdan olan müsəlmanlar arasında qarşıdurma yaratmağa, mənəvi, dini və mədəni birliyi, həmrəyliyi pozmağa cəhd edənlərə layiqli cavab Azərbaycan və çeçen xalqları arasında sarsılmaz dostluğun nümayiş etdirilməsi oldu. Azərbaycan Prezidenti İlham Əliyevin birbaşa diqqəti sayəsində Azərbaycan-Rusiya münasibətlərinə kölgə salmaq cəhdlərinin qarşısı alındı. Rusiya paytaxtında hər iki xalqın nümayəndələri, diplomatları və ağsaqqalları arasında keçirilən görüşdə xalqlarımız arasında düşmənçiliyin mümkünsüzlüyü və orada yaşayan hər iki xalqın təmsilçilərinin vətəndaşı olduqları Rusiya Federasiyası dövlətinə sadiq olduqları nümayiş etdirildi. Ən əsası, Azərbaycan və çeçen xalqları bu təxribata uymadılar və xalqlarımız arasındakı dostluq və qardaşlıq münasibətlərinin daimi olduğunu sübut etdilər.
Qarşılıqlı səfərlər Azərbaycan-Rusiya hərtərəfli əlaqələrinin inkişafına xidmət edir
Yuxarıda qeyd olunanlardan belə bir nəticə çıxarmaq olar ki, Qafqaz müsəlmanlarının arasındakı münasibətlər sarsılmazdır. Qafqaz Müsəlmanları İdarəsinin (QMİ) sədri Şeyxülislam Allahşükür Paşazadənin rəhbərlik etdiyi Azərbaycan nümayəndə heyətinin Rusiya Federasiyasının Qaraçay-Çərkəz Respublikasına son səfəri də Şimali Qafqaz və Azərbaycan xalqları arasında qardaşlıq münasibətlərinin olduğunu təsdiq edən ən bariz nümunələrdəndir.
Xatırladaq ki, QMİ sədri Şeyxülislam Hacı Allahşükür Paşazadənin rəhbərlik etdiyi nümayəndə heyəti Qafqaz Xalqları Ali Dini Şurasının (QXADŞ) növbəti toplantısında iştirak etmək üçün fevralın 27-də Rusiya Federasiyasının Qaraçay-Çərkəz Respublikasının paytaxtı Çerkessk şəhərində səfərdə olub. Azərbaycan nümayəndə heyəti əvvəlcə Qaraçay-Çərkəz Respublikasının başçısı Rəşid Temrezovla görüşüb. Bütün Qafqazın Şeyxini səmimi salamlayan R.Temrezov Azərbaycana bu yaxınlarda etdiyi səfər barədə xoş təəssüratlarını bölüşüb. Azərbaycan Prezidenti İlham Əliyevin salamlarını Qaraçay-Çərkəz Respublikasının başçısı Rəşid Temrezova çatdıran QMİ sədri A.Paşazadə xalqlarımız arasında qarşılıqlı görüş və səfərlərin böyük önəm daşıdığını, bunun isə ölkələrimiz arasında dostluq, qardaşlığın dərinləşməsinə, həyatın bütün sahələrində - iqtisadi və mədəni-mənəvi müstəvilərdə əlaqələrin inkişafına xidmət etdiyini vurğulayıb. Fevralın 26-da Azərbaycanda Xocalı soyqırımının 27-ci ildönümünün geniş şəkildə qeyd olunduğunu deyən A.Paşazadə XX əsrdə erməni ekstremistləri tərəfindən xalqımıza qarşı törədilmiş soyqırımı cinayətinin dünyada tanıdılmasının vacibliyinə diqqət çəkib.
Şeyxülislam A.Paşazadə Çerkessk şəhərində sədri olduğu Qafqaz Xalqları Ali Dini Şurasının növbəti toplantısının keçirilməsi barədə Qaraçay-Çərkəz Respublikasının rəhbəri R.Temrezova məlumat verib. Xatırladaq ki, Şimali Qafqaz Müsəlmanları Əlaqələndirmə Mərkəzinin sədri, Qaraçay-Çərkəz Müftisi İsmayıl Berdiyev də həmin görüşdə iştirak edib.
Allahşükür Paşazadənin Şimali Qafqaz xalqları və Azərbaycan arasında münasibətlərə verdiyi töhfələr çox yüksək qiymətləndirilir
Həmin görüşdən sonra Qaraçay-Çərkəz Respublikasının başçısı R.Temrezov QMİ sədri A.Paşazadəni Şimali Qafqaz və Azərbaycan xalqları arasında sülhün möhkəmləndirilməsi, dinlərarası münasibətlərin inkişafı və dostluğun dərinləşdirilməsi işinə verdiyi şəxsi töhfələrinə görə “Qaraçay-Çərkəz Respublikası qarşısında xidmətlərinə görə” ordeni ilə təltif edib.
Mükafatlandırma mərasimində çıxış edən Qafqaz Müsəlmanları İdarəsinin sədri Şeyxülislam Hacı Allahşükür Paşazadə 65 illlik yubileyi qeyd olunan İsmayıl Berdiyevlə dostluq münasibətlərinin tarixinə toxunub: “Biz uzun illər ərzində - sovet dövründə, kommunist rejiminin ən çətin vaxtlarında bir-birimizə arxa-dayaq olmuşuq. Baxmayaraq ki, indi sovet dövləti yoxdur, bu gün də biz bir yerdəyik. Bizim dövlətlərimiz ayrı olsa da, bizi mənəvi cəhətdən ayırmaq mümkün deyil. Ona görə ki, mənəvi cəhətdən bizi birləşdirən bir qüvvə var, o da İslamdır, imanımızdır. Hamımız birlikdə Qafqazda sülhün, qardaşlığın təmin olunması üçün bütün imkanlardan istifadə edirik”.
Daha sonra Bütün Qafqazın Şeyxi Allahşükür Paşazadə Şimali Qafqaz və Azərbaycan dini liderlərinin fəaliyyətinə Azərbaycan Prezidenti İlham Əliyevin və Qaraçay-Çərkəz Respublikası rəhbərinin göstərdiyi diqqətdən bəhs edib: “Azərbaycan xalqı, Azərbaycan dövlətinin rəhbəri İlham Əliyev cənablarının təbriklərini də çatdırıram, O, Qafqaz müftilərinə böyük etimad bəsləyir, xüsusən Qaraçay-Çərkəz Müftisi İ.Berdiyev cənablarını özünün dostu hesab edir. Mənim dostum, qardaşım Rəşid Temrezov cənablarının bu yaxınlarda Azərbaycanda səfərdə olması, orada bizim görüşümüzün baş tutması, bugünkü görüşümüz və mənə verdiyi orden bir daha Qafqaz və Azərbaycan xalqları arasında dostluğun mövcud olmasının bir rəmzidir. Ona görə də Sizə minnətdarlığımızı bildiririk”.
Rəşid Temrezov: Şeyxin hər gəlişi bizim üçün əlamətdar hadisədir
Qaraçay-Çərkəz Respublikasının başçısı Rəşid Temrezov da Azərbaycanla münasibətlərin hazırkı səviyyəsindən danışıb: “Əvvəlcə qeyd edim ki, mən bu yaxınlarda Azərbaycan Respublikasında səfər etmək şərəfinə layiq olmuşam. Çox hörmətli Azərbaycan Prezidenti və bizim Şeyx məni qəbul etdi. Şimali Qafqazın bütün regionları ilə Azərbaycan Respublikası arasında yaranan əlaqələri müsbət qiymətləndirirəm. Bu gün burada Şimali Qafqaz Federal Dairəsinin bütün subyektlərinin, o cümlədən Adıgey Respublikasının təmsilçiləri də iştirak edir”.
Qaraçay-Çərkəz Respublikasının başçısı, eyni zamanda, Qafqaz Müsəlmanları İdarəsinin sədri Şeyxülislam Allahşükür Paşazadənin rəhbərlik etdiyi nümayəndə heyətinin səfərindən məmnunluğunu dilə gətirib: “Çox şadam ki, hörmətli Şeyximiz təşrif buyurub. Şübhəsiz ki, bu gün Qafqaz Xalqları Ali Dini Şurasının növbəti möhtəşəm toplantısı keçiriləcək. Bütün Qafqazın dini liderləri bir yerə yığışacaq. Şeyxin hər bir gəlişi bizim üçün əlamətdar hadisədir. Ona görə də hörmətli Şeyximizə millətlərarası, dinlərarası əlaqələrə, Şimali Qafqazın bütün subyektləri arasında münasibətlərə verdiyi töhfələrə görə Qaraçay-Çərkəz Respublikasının ali mükafatını təqdim etmək mənim üçün böyük şərəfdir”.
İsmayıl Berdiyev: Cənab İlham Heydər oğlu İslam dinini və ənənələrini əsas hesab edən ailədəndir
Mükafatlandırma mərasimində çıxış edən Şimali Qafqaz Müsəlmanları Əlaqələndirmə Mərkəzinin sədri, Qaraçay-Çərkəz Müftisi İsmayıl Berdiyev Qafqazın bütün xalqların “ümumi evi” olduğunu xüsusi vurğulayıb: “Bizim Qafqazda inzibati sərhədlər var. Amma dini cəhətdən bizim heç bir sərhədimiz yoxdur. Biz ümumi, vahid “Qafqaz evi”ndə yaşayırıq. Bu gün burada Şeyximizin rəhbərliyi ilə Qafqaz Xalqları Ali Dini Şurasının növbəti toplantısı keçiriləcək. Buna görə də bu toplantının və mənim yubileyimin keçirilməsinə, həmçinin Şeyxin şərəfinə belə bir bayram təşkil etdiyinə görə respublika rəhbərinə təşəkkür edirəm. Arzu edirəm ki, gələcəkdə də bu işləri görməsi üçün Allah ona cansağlığı versin. Allah imkan versin ki, bu qəbildən olan fəaliyyətlərini davam etdirsin. Biz isə öz qüvvəmiz daxilində ona kömək edəcəyik. Şeyximizin müdrikliyi sayəsində biz çox işlər görəcəyik. Çünki o, bizə necə yaşamaq və necə özümüzü aparmaq sahəsində çox məsələləri öyrədir. Biz bir yerdə bu fəaliyyətləri yerinə yetiririk”.
Azərbaycana səfər etməyi də planlaşdırdığını qeyd edən Qaraçay-Çərkəz Müftisi İsmayıl Berdiyev Azərbaycanda gedən inkişaf prosesindən Azərbaycan Prezidentinin və Qaraçay-Çərkəz Respublikasının rəhbərinin dinimizə göstərdikləri qayğıdan bəhs edib: “Mən hələ sovet dövründə, yenidənqurma dövründə də Azərbaycanda olmuşam. İndi tamamilə başqa ölkə görürəm. Bunların hamısı sizin Prezidentin sayəsində mümkün olub. Cənab İlham Heydər oğlu İslam dinini və ənənələrini əsas hesab edən ailədəndir. Heydər Əliyevin Şeyxlə birlikdə Məkkə və Mədinəyə ziyarət etdiklərinin şahidi olmuşam. Bunların hamısı çox məsələlərdən xəbər verir. Bizim rəhbərin valideynləri də dindardır. Ötən il onun atası Həcc ziyarətinə getmək istəyirdi. Yaxını vəfat etdiyinə görə gedə bimədi. Bu il inşallah, biz bir yerdə, respublika rəhbərliyi ilə birlikdə o müqəddəs yerləri ziyarət etməyi planlaşdırırıq. Bax, bütün bunlar bizi birləşdirir”.
Qafqaz Xalqları Ali Dini Şurasının iclasında münasibətlərin möhkəmləndirilməsi üzrə atılan addımlar müzakirə olundu
Daha sonra Azərbaycandan gedən nümayəndə heyəti Çerkessk şəhərində Qafqaz Xalqları Ali Dini Şurasının növbəti iclasında iştirak edib. İclasda QMİ sədri A.Paşazadə Şimali Qafqaz Müsəlmanları Əlaqələndirmə Mərkəzinin sədri, Qaraçay-Çərkəz Müftisi İsmayıl Berdiyevi 65 illik yubileyi münasibətilə səmimi qəlbdən təbrik edib, bütün Qafqaz müsəlmanları, bölgə dindarları adından ona cansağlığı, uzun ömür və dəyərli fəaliyyətində yeni uğurlar arzulayıb. Azərbaycan Respublikasının Prezidenti İlham Əliyevin yubilyara təbrik məktubunu oxuyan Şeyxülislam A.Paşazadə təbriknaməsini və hədiyyəsini müftiyə təqdim edib.
Sonra Qafqaz Xalqları Ali Dini Şurasının üzvləri - Şimali Qafqaz müftiləri adından Şimali Osetiya-Alaniya Müftisi Hacımurat Qatsalov, habelə Bakı və Azərbaycan Arxiyepiskopu Aleksandr çıxış edərək İ.Berdiyevin dini lider və Əlaqələndirmə Mərkəzinin sədri qismində fəaliyyətini yüksək qiymətləndirib, ona gələcək işlərində uğurlar diləyiblər.
Azərbaycan nümayəndə heyətində təmsil olunan Milli Məclisin deputatı Hüseynbala Mirələmov İ.Berdiyevin Azərbaycanla Qaraçay-Çərkəz xalqları arasında dostluq və qardaşlıq əlaqələrinin daha da möhkəmlənməsi işinə verdiyi töhfələri hər iki xalqın yüksək dəyərləndirdiyini bildirib.
İclasda Qafqaz Xalqları Ali Dini Şurasının bu ilin yanvarında Vladiqafqazda keçirilən toplantısından sonrakı dövrün hesabat məruzəsi ilə Şuranın sədri Allahşükür Paşazadə çıxış edib. Şuranın iclasında həmçinin cari məsələlər, Qafqaz xalqlarının qarşılıqlı dostluq, qardaşlıq münasibətlərinin möhkəmləndirilməsi istiqamətində atılan addımlar müzakirə edilib.
Xatırladaq ki, Qafqaz Xalqları Ali Dini Şurasının növbəti toplantısında və Şimali Qafqaz müsəlmanları Əlaqələndirmə Şurasının sədri, Qaraçay-Çərkəz Müftisi İsmayıl Berdiyevin anadan olmasının 65 illik yubiley tədbirlərində iştirak etmək üçün Qaraçay-Çərkəz Respublikasının paytaxtı Çerkessk şəhərinə səfər edən QMİ sədri Şeyxülislam A.Paşazadənin rəhbərlik etdiyi Azərbaycan nümayəndə heyətinin tərkibinə Bakı və Azərbaycan Arxiyepiskopu Aleksandr, Milli Məclisin deputatları Hüseynbala Mirələmov, Cavanşir Paşazadə və başqaları daxil olublar.
İsmayıl Berdiyevin “Dostluq” ordeni ilə təltif edilməsi xalqlarımız arasında dostluğun təntənəsidir
Bütün Qafqazın Şeyxi Hacı Allahşükür Paşazadənin rəhbərlik etdiyi Azərbaycan nümayəndə heyəti daha sonra Şimali Qafqaz Müsəlmanları Əlaqələndirmə Mərkəzinin sədri, Qaraçay-Çərkəz Müftisi İsmayıl Berdiyevlə də görüşüb. Görüş zamanı Bütün Qafqazın Şeyxi Prezident İlham Əliyevin təbrik məktubunu ona təqdim edib.
Azərbaycan Respublikasının Prezidenti İlham Əliyevin göndərdiyi təbrik məktubunda deyilir ki, İsmayıl Berdiyevtəkcə Qaraçay-Çərkəz Respublikasında deyil, ölkə hüdudlarından uzaqlarda da layiqli nüfuz qazanıb: “Azərbaycanda sizə dərin hörmət bəsləyir, Qafqaz xalqlarının ruhani əlaqələrini möhkəmləndirmək istiqamətində səylərinizi yüksək qiymətləndirirlər. Fəal ictimai fəaliyyətiniz, regionun ən çətin problemləri ilə əlaqədar ətraflı düşünülmüş mövqeyiniz sizə ruhani lider və ağsaqqal kimi məşhurluq qazandırıb.
Azərbaycana müxtəlif beynəlxalq forumlarda görülən işlərdə iştirak məqsədilə səfər etdiyiniz zaman sizinlə görüşümüzü böyük məmnuniyyətlə xatırlayıram. Qeyd etmək yerinə düşər ki, fəaliyyətinizi Azərbaycan xalqının Ümummilli Lideri Heydər Əliyev də Öz dövründə yüksək qiymətləndirərdi.
Sizin Rusiya Federasiyası Şimali Qafqaz regionunun müftiləri arasında ahəngdar iş mühitini təmin etməkdə böyük təcrübəniz var. Müqəddəs İslam dininin böyük idealına, onun ənənəvi dəyərlərinə sadiq olmaqla siz dinlərarası dialoqların inkişafına, əqidələrarası uzlaşmaya və xüsusilə, Qafqaz Müsəlmanları İdarəsinin hörmətli sədri Şeyxülislam Allahşükür Paşazadənin rəhbərliyi ilə Qafqaz Xalqlarının Ali Dini Şurası çərçivəsində bütün mümkün platformalarda multikulturalizm ideyasının təşviqinə xüsusi diqqət ayırırsınız. Sizin Qafqaz xalqları arasında qardaşlıq münasibətlərinin möhkəmləndirilməsinə verdiyiniz birgə töhfəniz Azərbaycan və Rusiya Federasiyası arasında, ümumilikdə, strateji əməkdaşlığın gələcəkdə də genişlənməsinə xidmət edir”.
Yeri gəlmişkən, qeyd edək ki, Azərbaycan Respublikasının Prezidenti İlham Əliyev 28 fevral 2019-cu il tarixində Azərbaycan və Rusiya xalqları arasında dostluq əlaqələrinin möhkəmləndirilməsi sahəsində uzunmüddətli səmərəli fəaliyyətinə görə Şimali Qafqaz Müsəlmanları Əlaqələndirmə Şurasının sədri, Qaraçay-Çərkəz Müftisi İsmayıl Berdiyevin “Dostluq” ordeni ilə təltif edilməsi haqqında Sərəncam imzalayıb.
Şimali Qafqaz Müsəlmanları Əlaqələndirmə Şurasının sədri, Qaraçay-Çərkəz Müftisi İsmayıl Berdiyevin Azərbaycan Prezidenti tərəfindən “Dostluq” ordeni ilə təltif olunması faktı əslində təkcə dini liderlər arasında deyil, həmçinin qaraçay və çərkəzlərin simasında bütün Şimali Qafqaz və Azərbaycan xalqları arasında dostluğun təntənəsidir. Çox güman ki, bu tarixi hadisə də qaraçay və çərkəz xalqlarının yaddaşına əbədi həkk olundu. Azərbaycan Prezidentinin bu qəbildən olan addımları Onun Şimali Qafqaz regionuna münasibətinin yüksək səviyyəsini göstərir və region xalqları arasında dövlətimizin nüfuzunu daha da artırmaqla yanaşı, QMİ-nin effektiv fəaliyyətinə münbit şərait yaradır.
Azərbaycan Şimali Qafqazda böyük mədəni və mənəvi nüfuza malikdir
QMİ sədrinin müxtəlif xarici ölkələrə səfərləri və keçirdiyi görüşlər zamanı yüksək tribunalardan dəfələrlə vurğuladığı kimi, Qafqaz Müsəlmanları İdarəsinin ən önəmli xüsusiyyətlərindən biri onun fəaliyyətinin Azərbaycanın inzibati-siyasi sərhədləri ilə məhdudlaşmamasıdır. Bu kontekstdə Qafqazın şimalında və cənubunda olan müsəlmanların vahid dini idarə altında birləşməsi faktının özü, ilk növbədə, ümumi “Qafqaz evi”nin yaranmasında, “Qafqaz evi” identifikasiyasının - bütün Qafqaz xalqlarının adət-ənənlərinin, mənəvi dəyərlərinin qorunmasında mühüm rol oynayır.
Eyni zamanda xalqlarımızın arasında siyasi və inzibati sərhədlər mövcud olsa da, din, mədəniyyət və mənəviyyat baxımından Qafqazın bütövlüyünün qorunması, bu dəyərlərin gələcək nəslə ötürülməsi böyük əhəmiyyət daşıyır, həmçinin Qafqazın din xadimləri və ziyalılarının öhdəsinə strateji vəzifə, böyük məsuliyyət qoyur. Ona görə də mürəkkəb relyefə malik Qafqazda yaşayan, çoxşaxəli mədəniyyəti təmsil edən bu xalqların mədəni birliyi mühüm əhəmiyyət daşıyır. Çünki insanları birləşdirən dini hisslər olduqda, bu birlik daha humanist və daha möhkəm olur.
Onu da qeyd edək ki, Şimali Qafqaz xalqlarını Azərbaycan xalqı ilə birləşdirən daha bir cəhət din və mədəniyyət birliyi ilə yanaşı, dil qohumluğunun olmasıdır. Bu fakt xalqlarımızı mənəvi cəhətdən daha da yaxınlaşdırır. Digər tərəfdən, Şimali Qafqazda yaşayan qaraçaylar, balkarlar, qumuqlar, noqaylar kimi bir çox türkdilli xalqlar bir-birini başa düşsələr də, digər xalqlarla (çərkəz, osetin, ləzgi, avar, inquş, çeçen və s.) ünsiyyət dilinin rus dili ilə yanaşı, Azərbaycan dili olması faktı (Şimali Qafqazın bəzi respublikalarında, o cümlədən Dağıstanda) Şimali Qafqaz xalqları və Azərbaycan xalqı arasında dostluq və qardaşlıq münasibətlərinin inkişafında əvəzsiz rol oynayır.
Bununla yanaşı, azərbaycanlıların qədim dövrlərdən Şimali Qafqazda məskunlaşan xalqlardan biri olmasının, habelə Qafqazın cənubu ilə şimalı arasında tarixən mövcud olan ortaq sivilizasiyanın nəticəsidir ki, Şimali Qafqazın əksər regionlarında Azərbaycan mədəniyyəti, tarixi ilə əlaqəli çoxsaylı abidələrə rast gəlmək mümkündür. Azərbaycan Prezidenti başda olmaqla dövlətimizin həmin ortaq mədəniyyət abidələrinə sahib çıxması isə Şimali Qafqazda yüksək qiymətləndirilir.
Məhz qeyd olunan səbəblərə görə Cənubi Qafqazın lider dövləti olan Azərbaycan Respublikasının, onun dövlət başçısının Şimali Qafqazda nüfuzu olduqca böyükdür. Bu kontekstdə Azərbaycanın Prezidenti İlham Əliyevin yürütdüyü praqmatik, uzaqgörən siyasətə uyğun olaraq Şimali Qafqaz və Cənubi Qafqaz müsəlmanlarının vahid dini mərkəzdən idarə olunmasında, bu birliyin və həmrəyliyin möhkəmlənməsində Qafqaz Müsəlmanları İdarəsi səmərəli işlər görür.
HİKMƏT BABAOĞLU
Bakı-Çerkessk-Bakı

 
  • Oxunub:  7710  |  
  • Tarix:  14-03-2019  |  
  •    Çap et   |  
Get Adobe Flash player
Bakıda Azərbaycan ilə Türkiyə arasında iqtisadi əməkdaşlıq üzrə Birgə Hökumətlərarası Komissiyanın səkkizinci iclası keçirilib

17 Sentyabr 22:15
Bakıda Əfqanıstanın müstəqilliyinin 100-cü ildönümü münasibətilə qəbul təşkil olunub
17 Sentyabr 22:13
ADA Universitetində “Dağlıq Qarabağ düyünü” kitabının təqdimatı olub
17 Sentyabr 22:12
Azərbaycan və Latviya arasında 300 ikitərəfli və tranzit daşınma həyata keçiriləcək
17 Sentyabr 22:09
Azərbaycan Polisi Bilik Günü ilə əlaqədar gücləndirilmiş iş rejimində çalışıb
17 Sentyabr 22:06
Vatikanda Azərbaycanın Beynəlxalq İnkişafa Yardım Agentliyi ilə Pontifik Şərq İnstitutu arasında memorandum imzalanıb
17 Sentyabr 22:04
Vəkillər Kollegiyasının rəhbərliyi Türk-Av Baş Assambleyasının zirvə toplantısında iştirak edib
17 Sentyabr 22:00
15-ci sərhəd zastavası üçün yeni xidmət və yaşayış kompleksi istifadəyə verilib
17 Sentyabr 21:56
Teatrın 147-ci mövsümünün açılışı olub
17 Sentyabr 21:55
Kommunal xidmətlərin inkişafına dair Strateji Yol Xəritəsi müzakirə olunub
17 Sentyabr 21:51
Xoşbəxt Yusifzadə: “Əsrin müqaviləsi” Azərbaycanın iqtisadi, sosial vəziyyətini yaxşılaşdırdı
17 Sentyabr 21:19
Milli Məclisin Elm və təhsil komitəsinin payız sessiyasında ilk iclası olub
17 Sentyabr 21:18
Azərbaycan ilə İran arasında Xəzər dənizi məsələləri üzrə ikitərəfli məsləhətləşmələr keçirilib
17 Sentyabr 21:15
Bakı qəsəbələrində fəaliyyət göstərən sahibkarlara 1,2 milyon manat güzəştli kredit verilib
17 Sentyabr 21:13
Azərbaycanın sənaye məhsullarının Gürcüstan bazarına daha geniş çeşiddə və həcmdə çıxarılmasına dair müzakirələr aparılıb
17 Sentyabr 21:11
Əbülfəs Qarayev: Cəfər Cabbarlının ev-muzeyi ilə bağlı məsələ tezliklə öz həllini tapacaq
17 Sentyabr 21:09
Aydın Mirzəzadə: Azərbaycan-Çin münasibətləri dostluq və qarşılıqlı mənfəət prinsipləri üzərində qurulub
17 Sentyabr 21:08
Azərbaycan şərablarının Çin bazarında satışının artırılması müzakirə olunub
17 Sentyabr 21:05
Bir qrup mədəniyyət xadiminə fəxri adlar verilib
17 Sentyabr 21:01
Kənd Təsərrüfatı Nazirliyinin dəstəklədiyi ilk aqrobiznes dəyər zənciri layihələri fəaliyyətə başlayıb
17 Sentyabr 20:59
Azərbaycan və Vatikan arasında əlaqələr inkişaf edir
17 Sentyabr 20:57
Qadınlarla bağlı dövlət siyasəti Azərbaycanı bu sahədə qabaqcıl ölkələr sırasına çıxarıb
17 Sentyabr 20:53
Azərbaycanla Banqladeş arasında əməkdaşlığın genişləndirilməsinə dair müzakirələr aparılıb
17 Sentyabr 20:43
Milli Məclisin Mədəniyyət komitəsinin payız sessiyasına dair iş planı təsdiqlənib
17 Sentyabr 20:40
Azərbaycanın Baş Naziri Gürcüstanın İqtisadiyyat və Davamlı İnkişaf naziri ilə görüşüb
17 Sentyabr 17:53
Bakının işğaldan azad edilməsinin 101 illiyi ilə əlaqədar İğdırda konfrans təşkil olunub
17 Sentyabr 17:45
Nazir İnam Kərimov Azərbaycan Dövlət Aqrar Universitetində təhsilin təşkili prosesi ilə tanış olub
17 Sentyabr 17:43
Hadi Rəcəbli: İslahatlar ölkəmizin bundan sonrakı uğurlu inkişafını şərtləndirən əsas amillərdən biridir
17 Sentyabr 17:40
Milli Məclisin İqtisadi siyasət, sənaye və sahibkarlıq komitəsinin iclası keçirilib
17 Sentyabr 17:36
Azər Badamov: Azərbaycanın regionlarında inkişaf prosesi dinamikdir
17 Sentyabr 17:32
Nəsib Məhəməliyev: Ölkəmiz uğurla inkişaf edir
17 Sentyabr 17:24
Yeni Azərbaycan Partiyası tərəfindən keçirilən müsabiqənin qalibləri ilə görüş olub
17 Sentyabr 17:22
Cəmiyyətimiz xaricdəki “mühacirlər”in əsl simasını görür
17 Sentyabr 17:17
Bərpa olunan enerji mənbələrinin inkişaf istiqamətləri müzakirə olunub
17 Sentyabr 17:13
Ağsu və İsmayıllıda Heydər Əliyev Fondu tərəfindən inşa olunan yeni məktəb binaları istifadəyə verilib
17 Sentyabr 17:08
BMT-nin Baş katibi ozon təbəqəsini dağıdan qazlardan qanunsuz istifadə edilməsinin qarşısını almağa çağırıb
17 Sentyabr 17:03
Komitə sədri: Azərbaycanda Aşura mərasimi çox sakit şəraitdə keçdi
17 Sentyabr 16:30
“Saber Junction - 19” təlimi davam edir
17 Sentyabr 16:27
FHN-in İdman-sağlamlıq Mərkəzində idmançılarla görüş keçirilib
17 Sentyabr 16:23
ADNSU Xarkov Politexnik Universiteti ilə əməkdaşlığı genişləndirir
17 Sentyabr 16:09
Sosial sığorta haqlarının yığımı sahəsində görülmüş işlər müzakirə edilib
17 Sentyabr 16:07
YAP-ın Beynəlxalq əlaqələr şöbəsinin müdiri Sevinc Fətəliyeva Şərq Araşdırma qrupunun nümayəndələri ilə görüşüb
17 Sentyabr 16:04
Dövlət Komitəsində vətəndaşların növbəti qəbulu keçirilib
17 Sentyabr 16:00
“Yaxşılıq unudulmur” layihəsinin yekununa həsr edilmiş konfrans keçirilib
17 Sentyabr 15:51
Azərbaycan ilə Qazaxıstan arasında Xəzər dənizi məsələləri üzrə ikitərəfli məsləhətləşmələr keçirilib
17 Sentyabr 15:13
Qeyri-neft daşımaları üzrə Transxəzər Beynəlxalq Nəqliyyat Marşrutu ilə yükdaşımaların həcmi 23 faiz artıb
17 Sentyabr 15:10
Seçenov Universitetinin Bakı filialında yeni dərs ilinin başlanmasına həsr edilmiş tədbir keçirilib
17 Sentyabr 15:02
Nazir: Azərbaycan Gürcüstan iqtisadiyyatına 3 milyard dollardan çox sərmayə yatırıb
17 Sentyabr 14:57
Energetika Nazirliyində Beynəlxalq Sülh Günü ilə bağlı tədbir keçirilib
17 Sentyabr 14:47
Neftçalanın Astanlı kəndi qazlaşdırılıb
17 Sentyabr 14:43
FHN-in Akademiyasında ilkin hərbi hazırlığı başa vurmuş kursantların andiçmə mərasimi keçirilib
17 Sentyabr 14:34
Sabah ölkə ərazisində 32 dərəcə isti olacaq
17 Sentyabr 14:25
Təlimlərdə qoşunlar yerdəyişmə tapşırıqlarını icra ediblər
17 Sentyabr 14:23
AZƏRTAC və Tazpit gündəlik informasiya mübadiləsinə başlayıblar
17 Sentyabr 14:21
“Jewish Journal”: Los-Anceles nasist generalları mədh edən ölkəyə dəyər verməməlidir
17 Sentyabr 14:18
AMEA-nın üç elmi-tədqiqat müəssisəsinin direktoru vəzifəsinə seçkilər keçirilib
17 Sentyabr 14:03
BMT-də “2021-ci ilin Beynəlxalq Sülh və Etimad ili” elan olunması haqqında sənəd qəbul edilib
17 Sentyabr 13:22
Prezident İlham Əliyev Gürcüstanın İqtisadiyyat və Davamlı İnkişaf nazirini qəbul edib
17 Sentyabr 12:52
ADPU-nun magistratura səviyyəsinə 310 nəfər qəbul olunub
17 Sentyabr 12:51
Qəbələdə 37 kilometrlik 2 avtomobil yolu yenidən qurulub
17 Sentyabr 12:46
Ötən illərdə Heydər Əliyev adına Hərbi Liseyi 3 mindən çox kursant bitirib
17 Sentyabr 12:41
“Mədəniyyət” kanalında yeni layihə - “Bizi birləşdirən mədəniyyət”
17 Sentyabr 12:36
Qida məhsullarını seçərkən nələrə diqqət etməliyik?
17 Sentyabr 12:34
Hüseynbala Mirələmov: Dövlətimiz və xalqımız heç vaxt xarici müdaxilələrə imkan verməyəcək
17 Sentyabr 12:29
Bu gün UEFA Çempionlar Liqasının 2019-2020-ci il mövsümünə start veriləcək
17 Sentyabr 12:27
Ağdam xalçaçıları: Çalışırıq ki, Prezidentimizin bizə göstərdiyi qayğıya cavab olaraq keyfiyyətli xalçalar toxuyaq
17 Sentyabr 12:20
Akademik Xoşbəxt Yusifzadənin fransız dilində nəşr edilən “Ömrümün illəri və izləri” kitabı təqdim olunub
17 Sentyabr 12:19
Naxçıvanda ilk milli hərbi hissənin yaradılmasının 27-ci ildönümü münasibətilə silsilə tədbirlər keçirilib
17 Sentyabr 12:14
Mariya Stadnik Olimpiya Oyunlarına vəsiqə qazandı
17 Sentyabr 12:07
Əli Əhmədov: Müxalifətin virtual növünün başında Əli Kərimli və xarici ölkələrdə sığınacaq almış fərdlər durur
17 Sentyabr 11:55
Təlimlərdə xəritə üzərində tapşırıqlar icra olunur

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30
HAVA HAQQINDA