Ana səhifə »  Müəlliflər »  “Qafqaz üçlüyü”, yoxsa Balayan, Əylisli və İbrahimbəyov “trio”su?!
A+   Yenilə  A-
“Qafqaz üçlüyü”, yoxsa Balayan, Əylisli və İbrahimbəyov “trio”su?!
Yazdı: Hikmət BABAOĞLU

Firdovsi "Şahnamə"də özünün yaratdığı Rüstəm obrazı haqqında sonralar deyib ki, “Ke Rostem yeli bud der Sistan, meneş kerdemes Rosteme bastan” yəni Rüstəm küçədə sirk açan adi bir adam idi, mənsə onu Rüstəm bastana çevirdim. Düz min il bundan əvvəl türkə qarşı düşmənçilik edən Rüstəmin ənənəsini bu gün başqa bir Rüstəm davam etdirir. O Rüstəmi Firdovsi qəhrəman etdiyi kimi, səviyyə etibarilə elə küçə oyunbazından yüksək olmayan bu Rüstəmi də ermənipərəst mərkəzlər qəhrəman etməyə çalışır. Ancaq yalançı qəhrəmanlığın ömrü çox da uzun olmur. Sonradan onu yaradanlar həmin qəhrəmanın küçə oyunbazı olduğunu etiraf edir. Ali baş komandanımız İlham Əliyevin rəhbərliyi altında Şuşada, Xankəndidə bayrağımız dalğalananda ermənilər etiraf edəcəklər ki, Rüstəm əslində elə küçə oyunbazıdır.

Hikmət Babaoğlu
Milli Məclisin deputatı, Əməkdar jurnalist

* * *

Mənəvi terrorçu, yarımçıq ssenarist-dramaturq, əxlaqsız siyasətçi və s. Rüstəm İbrahimbəyov haqqında danışanda sadaladığımız bu məzmunlu fikirləri bir qədər daha uzatmaq olardı. Amma onun kimliyini izah etmək üçün elə bu qədər də yetərlidir.
Azərbaycan xalqı uzun illərdir ki, müharibə vəziyyətində yaşayır. Ermənistan-Azərbaycan, Dağlıq Qarabağ münaqişəsinin hərbi, siyasi tərəfləri ilə yanaşı, mənəvi aspektləri də var. Kimliyindən, statusundan, hansı ölkənin vətəndaşı olmasından asılı olmayaraq bütün azərbaycanlıların Dağlıq Qarabağ məsələsində mövqeyi eynidir, çünki bu, bizim milli davamızdır. Təəssüf ki, məkrli düşmən həmişə bu məsələdə Azərbaycana qarşı ən əxlaqsız və mənəviyyatsız müharibə metodlarından istifadə edib. Erməni işğalçıları azərbaycanlılara qarşı faşizmin belə törətmədiyi qəddarlıqları törədib. Bu gün də bu siyasət davam edir və xalqımızın yaraları sağalmayıb, torpaqlarımızın 20 faizi işğal altındadır. Belə olan halda, hər bir Azərbaycan ziyalısının başlıca borcu milli davaya sahib çıxmaqdır. Lakin bu da sirr deyil ki, Rüstəm İbrahimbəyov Azərbaycanın milli davasında öz cəbhəsini çoxdan müəyyənləşdirib. O, düşmən tərəfindədir və informasiya müharibəsində ermənilərin “uzaqvuran topu” qismində çıxış edir. Əslində, sual oluna bilər: əgər ermənilərin Zori Balayan, Silva Kaputikyan kimi “ziyalı”ları vardısa, R.İbrahimbəyov, Ə.Əylisli kimi “ziyalı”larının olmasını nə səbəbdən arzu etdilər? Bu sualın ən məqbul cavabı budur ki, birincisi, Z.Balayan və S.Kaputikyan Azərbaycan xalqına qarşı necə qəddar faşistdirsə, R.İbrahimbəyov və Ə.Əylisli də fiziki-bioloji fərqlərinə baxmayaraq, düşüncə etibarilə xalqımıza qarşı bir o qədər faşistdir. Onların xalqımıza qarşı fəaliyyətini ermənilər üçün cazibədar edən isə azərbaycanlı ad və soyadının daşıyıcıları olmalarıdır. İftiranın müəllifi azərbaycanlı soyadını daşıdıqda bu iftiraya başqalarının inanması daha asan olur. Ermənilərin məqsədi də elə buna hesablanıb: bizi öz əlimizlə vurmağa.
İnformasiya müharibəsi hazırkı postmodernist cəmiyyətlərdə olduqca mühüm bir cəbhədir. Bu müharibə təkcə informasiya resursları üzərindən deyil, həm də digər mənəvi istehsal vasitələri üzərindən həyata keçirilməklə hazırkı mərhələdə “yumşaq güc” kimi çıxış edir. Əksər hallarda bu cür vasitələrdən müharibədə bir-birinə qarşı mövqeyini müəyyənləşdirmiş millətlər istifadə edirlər. Ancaq əks cəbhədə olan millətin nümayəndəsini, üstəlik, vaxtilə ziyalı adı qazanmış şəxsi öz cəbhəsinə çəkərək ondan istifadə etmək imperializmin metodudur. Bunun çoxsaylı nümunələri olub və XXI əsrdə də biz belə nümunələrin şahidi olmuşuq. Bu gün R.İbrahimbəyovun tutduğu mövqe məhz bundan ibarətdir. 
Əslinə qaldıqda isə, Rüstəm İbrahimbəyov heç vaxt azərbaycanlı olmayıb. O, heç zaman azərbaycanlı mənəviyyatı və əxlaqının daşıyıcısı olmayıb. Hələ SSRİ dövründə Moskvada yaşayan bir azərbaycanlı kimi, onun ssenari müəllifi olduğu filmlər bütövlükdə Sovet ideoloji sisteminin məhsulu olaraq ortaya çıxsa da, burada hədəf yenə türk-müsəlman əxlaqı və mənəviyyatı olub. R.İbrahimbəyov “Səhranın bəyaz günəşi” filminin ssenarisində başqa bir ölkəyə imperialist niyyətlərlə daxil olan ölkənin işğalçı əsgərlərini “qəhrəman” kimi təqdim edir. Bu azmış kimi, Əfqanıstan xalqını əxlaqsız toplum kimi göstərməyə cəhd edir. Türk-müsəlman mədəniyyətinə nifrət İbrahimbəyov yaradıcılığında qırmızı xətt kimi keçir. Ona görə də İbrahimbəyovdan bu gün atdığı addımı gözləmək təəccüblü deyil. 
Rüstəm İbrahimbəyov “Qafqaz üçlüyü” adlı filmi çəkməklə Azərbaycan xalqına qarşı mənəvi terror törətmiş oldu. Terror hazırkı mərhələdə bir müharibə vasitəsidir, onu dövlətlər dəstəkləyirlər. Terror təkcə fiziki xarakter daşımır, onun həm də mənəvi tərəfləri var. Öz xalqının dəyərlərini, mənəviyyatını və humanizmini hədəfə almaq, onu qorxaq və qəddar xalq kimi göstərmək mənəvi terrorizmdir. Bu mənada, R.İbrahimbəyov elə terrorçudur və Azərbaycan xalqının milli davasına qarşı istifadə olunan yaramaz bir terror vasitəsidir. 
İbrahimbəyov mənəvi terrorçudur və Azərbaycan xalqının milli davasına qarşı istifadə olunan yaramaz bir terror vasitəsidir
Öz xalqının “ziyalı”sı adlandırılan Zori Balayan 5 yaşlı azərbaycanlı qızın dərisini soyarkən aldığı zövqü sonradan ayrı-ayrı tədbirlərdə böyük qürur və fəxarətlə ifadə etdi. Bu, terrorizmdir! Əkrəm Əylisli də “Daş yuxular” əsərində Azərbaycan xalqının dəyərlərini hədəfə alarkən - öz xalqını vəhşi, antihumanist adlandırarkən yenə mənəvi terrorçü kimi çıxış edir və bundan zövq alır. R.İbrahimbəyov öz xalqını aşağılayarkən, onu qorxaq kimi qələmə verərəkən, milli davamızı azərbaycanlıların ermənilərə nifrəti üzərindən şərh edərkən, Xocalı və Malıbəyli soyqırımını, Ağdaban faciəsini unudarkən və bundan zövq alarkən terrorçu olduğunu nümayiş etdirir. Ona görə də “Qafqaz üçlüyü” filmi Zori Balayan, Əkrəm Əylisli və Rüstəm İbrahimbəyov “trio”sudur. Bu “trio”ya daxil olanların bənzər və fərqli cəhətləri ola bilər, amma onların fəaliyyətində sinxronluq var. Birinci fiziki, digərləri isə mənəvi olaraq Azərbaycan xalqına qarşı terrorçu mövqeyindən çıxış edənlərdir. R.İbrahimbəyov bu filmi çəkməklə öz adını Azərbaycan xalqına qarşı terror törədən Sarkisyanlar, Şaumyanlar və Balayanlarla eyni sıraya yazdırdı. Milli davada düşmən cəbhəsinin ön sıralarında olan əsgərin adı öz xalqının və dövlətinin kitabında yazılmır. Bu addımı atmaqla Əkrəm Əylisli öz adını birdəfəlik Azərbaycan xalqının siyahısından sildi. Bu cür addımı atmaq üçün ilk növbədə özünü azərbaycanlı kimi hiss etməməlisən. Görünür ki, R.İbrahimbəyov hər nə qədər fiziki-bioloji göstəricilərinə, ad və soyadına görə azərbaycanlıdırsa, düşüncə və əxlaq etibarilə ermənidən daha çox ermənidir. O, çəkdiyi filmlə bunu sübut etdi.
Xalq ilə düşmənçiliyin sonu xalqın tarixindən silinməklə bitir!
Kim bilir, tarixdə, bəlkə, bu cür hadisələrin analogiyaları var, bəlkə də, heç yoxdur. Amma tarixdə bir məqam olduqca dəqiqdir: heç kəs - ən böyük sərkərdələr və terrorçular belə öz xalqına qalib gələ bilməyiblər. Xalqla düşmənçiliyin sonu biabırçı məğlubiyyətlə başa çatır. R.İbrahimbəyov öz fəaliyyətində həmişə Azərbaycan xalqına qarşı düşmənçilik mövqeyindən çıxış edib. Ona görə də onun yeri “tarixin zibilliyi”dir. 
R.İbrahimbəyov düşünə bilər ki, qulluq etdiyi - özünə ağa hesab etdiyi imperializm və Azərbaycan torpaqlarını işğal edənlər onu bu cür addımlarına görə alqışlayacaq və sevəcəklər. Bu, əsla belə deyil. Hamı bilir ki, öz xalqına iftira atan, onunla düşmənçilik edən, onu sevə bilməyən bir şəxs başqa xalqları əsla sevə bilməz. Ona görə də İbrahimbəyov hesab etməsin ki, onun bu addımı - çəkdiyi “film” ona qeyri-azərbaycanlıların və anti-azərbaycançıların sevgisini qazandıracaq. Onsuz da, bunlar R.İbrahimbəyova həm Azərbaycan xalqının düşməni gözü ilə, həm də öz xalqlarının potensial düşməni gözü ilə baxacaqlar. Bu mənada, R.İbrahimbəyov rəzil vəziyyətdədir və bu rəzalət onu ömür boyu təqib edəcək. Əgər hələ də İbrahimbəyovda vicdan deyilən mənəvi nəzarət mexanizmi varsa, bu, onu ağrıdacaqdır. Amma vicdanı olan adam belə addım ata bilməzdi. 
Yarımçıq ssenaristlikdən əxlaqsız siyasətçiliyə doğru
Hər bir insan həyatda və cəmiyyətdə öz potensialına, həyat təcrübəsinə görə müəyyən şeylərə iddia edə bilər. Bu, olduqca təbii və normal haldır. R.İbrahimbəyov dramaturq-ssenarist kimi film sahəsində Oskar mükafatına, yazıçı kimi isə Nobel mükafatına iddia etsəydi, bu, normal görünərdi. Hətta həsrətini çəkdiyi və həmişə müsahibələrində qeyd etdiyi kosmopolit Bakıdan köçən ermənilərlə şərab süfrələri düzəltmək üçün xüsusi şərab bağları və şərab istehsalı müəssisələrinin olmasını iddia etsəydi, bu da normal görünə bilərdi. Kim bilir, bəlkə, hətta sonuncunu əldə edə bilmişdi də. Ancaq R.İbrahimbəyov elə bir şeyə iddia etdi ki, onu realizə edəcək nə mənəvi, nə də əqli - intellektual resursu yox idi. 
Rüstəm İbrahimbəyov 2013-cü ildə keçirilən prezident seçkilərində yarımçıq ssenarist-dramaturq kimi siyasətə meyillənməklə, əslində, Azərbaycan siyasi sistemində bir əxlaqsız siyasətçi obrazını yaratdı. Natamam siyasətçi kimi siyasət meydadına kiminsə sifarişi ilə atılması onun yazıçı, ssenarist-dramaturq kimi intiharı idi. Çox təəssüf ki, İbrahimbəyov bunu dərk edə bilmədi. O, adı “Milli şura” olan, mahiyyət etibarilə antimilli xarakter daşıyan qondarma təşkilatın vahid namizədi kimi Azərbaycanda siyasətə qoşulmağa cəhd göstərdi və uğursuzluğa düçar oldu. Əgər Azərbaycan xalqı kifayət qədər intellektual və savadlı olmasaydı, kimin kim olduğunu, insan hüquqlarının, imperializmin, demokratiyanın nə olduğunu, kimlərin Azərbaycanı imperializmin vassalı etmək istədiyini bilməsəydi və İbrahimbəyova səs versəydi, o zaman Azərbaycanın halı görün necə olardı... Bu, Azərbaycan xalqının və cəmiyyətinin böyük üstünlüyüdür ki, o, öz düşmənini yaxşı tanıyır. Həmin dövrdən bir müddət sonra bu filmin çəkilməsi bir daha onu göstərdi ki, imperializmin layihəsi kimi Azərbaycan siyasi sisteminə sırınmağa çalışan R.İbrahimbəyov Azərbaycanda hakimiyyətə gəlsəydi, necə faciələr baş verərdi. Heç şübhəsiz, Qarabağ ermənilərə verilərdi, üstəlik, Bakı yenidən ermənilərin mənəvi terror poliqonuna çevrilərdi. Bakıda ermənilərdən ibarət süni elita yaradılardı. Əgər R.İbrahimbəyov siyasi uğursuzluğunda kimisə ittiham edirsə, yanılır. O, ilk növbədə, özünü ittiham etməlidir. 
Azərbaycan xalqı bəzən intellektual formada, bəzən də intuitiv olaraq kimin ona hansı bəlaları gətirə biləcəyini əvvəlcədən təxmin edə bilir. Belə olmasaydı, Azərbaycan dövlətçiliyinin yaşı 5 min il olmazdı. Müdrik Azərbaycan xalqı qondarma “Milli şura”nın vahid namizədi kimi R.İbrahimbəyovu ifşa etməklə isbat etdi ki, bu xalq mübarizə aparmağa və işğal edilmiş torpaqlarını azad etməyə qadirdir. Bu prosesdə öz xalqına düşmənçiliyini növbəti dəfə ortaya qoyan R.İbrahimbəyov bir daha mənəvi cəhətdən intihar etmiş oldu.
“Milli şura”nın antimilli mövqeyinin ifşası
Həmin proseslərdən sonra gözlənilirdi ki, ifşa olunan “Milli şura”nın Azərbaycana qarşı hucumları səngiyəcək. Lakin bu, belə olmadı. Qondarma “Milli şura” və onun həmsədrləri ən müxtəlif vasitələrlə yenidən Azərbaycan xalqına, onun milli davasına qarşı - Qarabağ məsələsinə yönəlik təxribatlar həyata keçirməyə başladılar. Bunun bir qismini qeyri-hökumət təşkilatları, digər qismini “siyasi məhbus”lar, bəzilərini isə Avropaya ixrac etdikləri “siyasi mühacir”lər vasitəsilə həyata keçirməyə cəhd etdilər. İctimai sifariş olmadan xalqı mitinqlərə çağıran “Milli şura” həqiqətən də millidirsə, məhz indi xalqı mitinqə dəvət edərək deməlidir ki, R.İbrahimbəyov “Qafqaz üçlüyü” filmi ilə Azərbaycan xalqını təhqir edib. Əgər onlar R.İbrahimbəyovla eyni ağanın qulları deyillərsə, bunu etməlidirlər. Əgər bunu etməyəcəklərsə, deməli, onlar R.İbrahimbəyovun mənəvi qardaşları və silahdaşlarıdır. Belə olduğunu hər bir azərbaycanlı bilir və biz də buna əminik.
Qüdrətli Azərbaycanın zəif rəqiblərinin qurşaqdan aşağı zərbə cəhdləri
Son dövrlərdə Azərbaycana qarşı anti-azərbaycançı mərkəzlərin fəallaşmasının və hətta azğınlaşmasının, təxribat törətməsinin, yeni mənəvi terror vasitələrinin - informasiya müharibəsi metodlarının axtarılıb tapılmasının bir səbəbi var. Ölkəmiz gündən-günə güclənir və Azərbaycan sonuncu Qarabağ döyüşünün qalibidir. Azərbaycan inkişaf edir və artıq hamı dərk edir ki, Qarabağın geri qaytarılması, Azərbaycanın ərazi bütövlüyünün bərpa olunması yaxın siyasi gələcəyin reallığı və aktuallığına çevrilib. Buna görə də Azərbaycana qarşı bu cür yeni informasiya müharibələri başladılır və məqsəd Azərbaycan xalqını Ermənistan-Azərbaycan, Dağlıq Qarabağ probleminin təşəbbüskarı, onu yaradan antihumanist toplum kimi göstərməkdir. R.İbrahimbəyovun filmində də tam olaraq bu təsvir olunur. Amma qətiyyətlə deyə bilərik ki, bu vasitələrlə nə ölkəmizin inkişafının qarşısını almaq, nə Azərbaycanda xalq-iqtidar birliyinə zərbə vurmaq, nə də Azərbaycanın öz ərazi bütövlüyünü təmin etmək üçün həyata keçirdiyi qətiyyətli siyasətin qarşısını almaq olar. İbrahimbəyovlar, Balayanlar, Əylislilər, Kərimlilər və Həsənlilər bunu dərk etdikləri üçün bu qədər azğınlaşıblar. 
İctimai qınaqdan çəkinməyən mənəviyyatsızlar hüquq qarşısında cavab verməlidirlər
Uzun illərdir, Azərbaycanda bu və ya digər məsələlərlə bağlı anti-azərbaycançı ünsürlərin zərərsizləşdirilməsi üçün ictimai qınaq metodundan istifadə edilir. Bu, çox effektiv nəticələr verir. Çox təəssüf ki, bəzi hallarda ictimai qınaqla hesablaşmayacaq qədər arsız olan bəzi mənəviyyatsız, əxlaqsız insanlarla rastlaşırıq. Onların adları Azərbaycan cəmiyyətinə bəllidir. Onların bir qismi Avropada “siyasi mühacir” adı ilə Qərb imperializminin struktur vahidi olan beynəlxalq təşkilatlarda çox sərbəst dolaşırlar. Halbuki həmin təşkilatların üzvü olan və səlahiyyətli nümayəndə kimi çıxış edən şəxslərin belə həmin qurumlara sərbəst giriş-çıxışı məhdud xarakter daşıyır. Bu antimilli ünsürlərin səsləri bəzən Avropa Şurasından, bəzən ABŞ Konqresindən gəlir. Sanki, öz məhəllələrində başıboş dolaşan “küçə canlıları” kimi istədikəri yerə girib-çıxırlar. Onların bu “azadlıq”larının bir səbəbi var ki, bu da məhz bu ünsürlərin Azərbaycan xalqına, milli maraqlarımıza qarşı təxribat törətmək üçün alətə çevrilmələridir. Əlbəttə ki, belələri Azərbaycanda ictimai rəyi və qınağı duymayacaq qədər kar, hiss etməyəcək qədər vicdansız və mənəviyyatsız insanlardır. Lakin buna paralel olaraq hüquq anlayışı və ya hüquqi mexanizmlər var. Əgər R.İbrahimbəyov hesab edirsə ki, Azərbaycanın ictimai rəyi onun üçün meyar deyil, o zaman o, Azərbaycan xalqını təhqir etdiyinə görə hüquq qarşısında cavab verməlidir. 
Rusiya Federasiyası Azərbaycanın böyük qonşusu və strateji müttəfiqidir. Orada çoxsaylı Azərbaycan diaspor təşkilatları fəaliyyət göstərir. Azərbaycanı təmsil edən, öz xalqını sevən, Rusiyanın qanunlarını bilən çox böyük ziyalı və hüquqşünaslar ordusu var. Əminik ki, Rusiya Federasiyasında yaşayan, təəssübkeş və vətənpərvər azərbaycanlılar məhz R.İbrahimbəyovun Rusiya qanunları ilə cəzalandırılması üçün müvafiq hüquqi prosedur başladacaqlar. Balayanlar, Əylislilər, Kərimlilər, Həsənlilər əmin olsunlar ki, Azərbaycan xalqı öz milli davasından qalib çıxacaq, mütləq ərazi bütövlüyünü bərpa edəcək, erməni işğalına son qoyacaq. Bunun üçün Azərbaycanın kifayət qədər iqtisadi, maddi və mənəvi, hərbi-siyasi resursları var.

 
  • Oxunub:  12210  |  
  • Tarix:  25-05-2018  |  
  •    Çap et   |  
Get Adobe Flash player
Dünya dini liderlərinin ikinci Zirvə görüşünün Bakıda keçirilməsi göstərir ki, Azərbaycan dinlərarası dialoqun inkişafında önəmli rol oynayır

18 Noyabr 22:19
İspaniya Dövlət Televiziyasında yayımlanmış “Medina” verilişinin növbəti buraxılışı Azərbaycana həsr olunub
18 Noyabr 21:36
UNESKO-da Qoşulmama Hərəkatına üzv ölkələr qrupuna sədrlik Azərbaycana keçib
18 Noyabr 21:31
Türkiyənin Diyanət İşləri Sədri Əli Erbaş: Naxçıvanla tanışlıq məndə böyük məmnunluq hissi doğurdu
18 Noyabr 21:25
Ədliyyə Nazirliyi ağacəkmə kampaniyasına başlayıb
18 Noyabr 21:04
Vergilər nazirinin müavini Ağcabədidə vətəndaşları qəbul edib
18 Noyabr 20:53
Türkiyə Respublikasının Diyanət İşləri Sədri Naxçıvan Muxtar Respublikasında səfərdə olub
18 Noyabr 20:48
Ankarada “Məcburi köçkünlər: Azərbaycanın bu sahədəki təcrübəsi” mövzusunda brifinq keçirilib
18 Noyabr 20:45
UNEC-in rektoru yeni tələbə-rektorla görüşüb
18 Noyabr 20:44
Əli Hüseynli: Dövlət idarəçiliyi sistemində keçirilən irimiqyaslı islahatların əsas istiqamətlərindən biri məhkəmə-hüquq sahəsini əhatə edir
18 Noyabr 20:41
Aydın Mirzəzadə: Sammitin Azərbaycanda keçirilməsi dövlətimizin vicdan azadlığına olan münasibətinin dünya birliyi tərəfindən qiymətləndirilməsidir
18 Noyabr 20:29
YAP Səbail rayon Könüllülər birliyinin təşkilatçılığı ilə “Layihə formatının hazırlanması” və “İctimaiyyətlə əlaqələr işinin təşkili” mövzularında təlim keçirildi
18 Noyabr 20:27
Aydın Hüseynov: Gələn ilin büdcəsi bütün sahələrin daha da inkişafına zəmin yaradacaq
18 Noyabr 20:25
Naqif Həmzəyev: Separatçı rejimin puç olan Brüssel ümidləri
18 Noyabr 17:57
Deputat: Naxçıvanın inkişafı və təhlükəsizliyi dövlət başçısının diqqət mərkəzindədir
18 Noyabr 17:55
Qubada “Dünyəvi dövlətdə din və təhsil” mövzusunda seminar keçirilib
18 Noyabr 17:35
Azərbaycan ilə Gürcüstan arasında diplomatik əlaqələrin qurulmasından 27 il keçir
18 Noyabr 17:28
Azərbaycan və Xorvatiya Mədəniyyət nazirləri ikitərəfli əməkdaşlığı müzakirə ediblər
18 Noyabr 17:24
Moskvada X Azərbaycan-Rusiya Regionlararası Forumu keçiriləcək
18 Noyabr 17:17
Prezident İlham Əliyev: Əminəm ki, 2020-ci il də Naxçıvan üçün uğurlu olacaqdır
18 Noyabr 17:11
Azərbaycanda bütün dinlərin nümayəndələrinin qarşılıqlı anlaşma şəraitində yaşamaları üçün hər cür şərait var
18 Noyabr 17:05
Əli İnsanova açıq məktub
18 Noyabr 16:58
Azərbaycan ilə Özbəkistan arasında mədəni əlaqələri daha da inkişaf etdirmək üçün böyük perspektivlər mövcuddur
18 Noyabr 16:53
Azərbaycanla Çin Transxəzər Beynəlxalq Nəqliyyat Marşrutunun təşviqi məsələlərini müzakirə edib
18 Noyabr 16:38
Prezident İlham Əliyev: Naxçıvan Muxtar Respublikası öz enerji təminatını 100 faiz bərpaolunan enerji hesabına ödəyəcək
18 Noyabr 16:36
YAP-ın yaradılmasının ildönümü münasibətilə Nizami rayonunda tədbir keçirilib
18 Noyabr 16:27
Prezident İlham Əliyev İordaniyanın Azərbaycanda yeni təyin olunmuş səfirinin etimadnaməsini qəbul edib
18 Noyabr 16:23
Prezident İlham Əliyev Qətərin Azərbaycanda yeni təyin olunmuş səfirinin etimadnaməsini qəbul edib
18 Noyabr 16:10
Prezident İlham Əliyev Naxçıvan Muxtar Respublikası Ali Məclisinin Sədri Vasif Talıbovu qəbul edib
18 Noyabr 16:06
İstanbulda II Beynəlxalq Ombudsmanlıq Konfransı keçirilir
18 Noyabr 15:52
Naxçıvanda Beynəlxalq Tələbə-Gənclər Həftəsində fərqlənənlər mükafatlandırılıb
18 Noyabr 15:49
Gürcüstan 10 ayda Azərbaycandan 124,2 min ton benzin və dizel yanacağı alıb
18 Noyabr 15:37
Avropa Gimnastika İttifaqının adı dəyişdirilib
18 Noyabr 15:31
UNESKO-da Azərbaycanın Afrika ilə bağlı prioritetlərə dəstəyindən danışılıb
18 Noyabr 15:26
Parisə səfəri çərçivəsində Mədəniyyət naziri Əbülfəs Qarayev İSESKO-nun baş direktoru ilə görüşüb
18 Noyabr 15:16
Dövlət İdarəçilik Akademiyasında yerli icra hakimiyyətlərinin əməkdaşları üçün növbəti distant təlim
18 Noyabr 14:53
Rəcəb Tayyib Ərdoğan: Saxta “erməni soyqırımı” iftirası ilə günahlandırılırıq
18 Noyabr 14:50
Sahibə Qafarova: Belarusda müşahidə apardığım məntəqələrdə səsvermə prosesi normal keçib
18 Noyabr 14:36
Bakıda “Yeni sortların yaradılmasında genetik ehtiyatların rolu və toxumçuluq sisteminin inteqrasiyası” mövzusunda beynəlxalq seminar keçirilir
18 Noyabr 14:12
"Ölkəmizi tanıyaq" tur-aksiyasında Səbail rayon məktəbliləri də iştirak edirlər
18 Noyabr 14:08
Şəki “ASAN xidmət” mərkəzində YAP ərazi ilk partiya təşkilatı yaradılıb
18 Noyabr 14:07
Əli Əhmədov: Prezident və hökumət tərəfindən insanların rifahının yaxşılaşdırılması istiqamətində addımlar atılacaq
18 Noyabr 13:30
Milli Məclisin deputatları QDİƏT Baş Assambleyasının plenar iclasında iştirak edəcəklər
18 Noyabr 13:25
Moskvada MDB ölkələrinin parlamentlərarası əməkdaşlığında siyasi partiyaların rolu müzakirə olunacaq
18 Noyabr 13:17
Cəlil Məmmədquluzadə nəslinin davamçıları Bakıda
18 Noyabr 13:11
Cəlil Məmmədquluzadənin ev-muzeyinin təmirdən sonra açılışı olub
18 Noyabr 12:41
Belarus Milli Məclisinin Nümayəndələr Palatasına seçkilər üzrə Bakı seçki məntəqəsində səsvermənin nəticələri açıqlanıb
18 Noyabr 12:28
Konfrans iştirakçıları Cəlil Məmmədquluzadənin məzarını ziyarət edib
18 Noyabr 12:15
Bu gecə Leonid meteor yağışının atmosferdə maksimum aktivliyi müşahidə olunub
18 Noyabr 12:08
Azərbaycan nümayəndə heyəti “Agritechnica-2019” sərgisində iştirak edib
18 Noyabr 11:40
Milli Aviasiya Akademiyasının bir qrup tələbəsi üçün növbəti “Vikipediya” təlimləri keçirilib
18 Noyabr 11:32
“Avro 2020”: Bu gün D, F və J qruplarında səkkiz qarşılaşma oynanılacaq
18 Noyabr 11:17
TANAP-ın ikinci fazası noyabrın 30-da istifadəyə veriləcək
18 Noyabr 10:49
Milli Məclis komitələrinin birgə iclasında 2020-ci ilin dövlət büdcəsi layihəsi ikinci oxunuşda müzakirə olunur
18 Noyabr 10:37
Akademik Ramiz Mehdiyev Gürcüstan Milli Elmlər Akademiyasının vitse-prezidenti ilə görüşüb
18 Noyabr 10:27
Ölkəmizin 9 rayonunda 41 fərdi yaşayış evi şəhid ailələri və Qarabağ müharibəsi əlillərinin istifadəsinə verilib
18 Noyabr 09:57
Ermənistan silahlı qüvvələri atəşkəs rejimini 25 dəfə pozub
18 Noyabr 09:45
Azərbaycan ilə Belarus arasında ticarət dövriyyəsi 158 milyon dollardan çox olub
18 Noyabr 09:30
Avstraliya saytı yerli sakinləri Azərbaycana səfərə dəvət edir
18 Noyabr 09:11
Azərbaycan mətbəxi Parisdə beynəlxalq festivalda nümayiş olunub
18 Noyabr 09:08
Xanlar Fətiyev: Belarusda parlament seçkilərində müşahidə apardığım məntəqələrdə seçici fəallığı qeydə alınıb
18 Noyabr 09:03
Milli Məclisin deputatı: Belarusda parlament seçkilərində müşahidə zamanı ciddi qanun pozuntusu qeydə alınmayıb
17 Noyabr 13:00
Əli Kərimli və radikal ətrafı bəraət axtarışında
17 Noyabr 09:53
Birinci vitse-prezident Mehriban Əliyeva 17 noyabr - Milli Dirçəliş Günü münasibətilə xalqımızı təbrik edib
17 Noyabr 09:40
Heydər Əliyev Sarayında Şövkət Ələkbərovanın xatirə gecəsi keçirilib
17 Noyabr 09:22
Azərbaycanda Milli Dirçəliş Günü qeyd olunur
17 Noyabr 09:20
Ankarada Xocalı soyqırımına həsr olunan mərasim keçirilib
17 Noyabr 09:13
Üçrəngli bayrağımız Naxçıvanda əbədi yüksəkliyə qaldırılıb
16 Noyabr 19:34
Fransalı jurnalistlər Azərbaycanda qadın hüquqları sahəsində görülən işlər barədə məlumatlandırılıblar
16 Noyabr 19:09
Diasporla İş üzrə Dövlət Komitəsinin nümayəndə heyəti Odessada Azərbaycan məktəbi ilə tanış olub
16 Noyabr 19:08
Diasporla İş üzrə Dövlət Komitəsinin nümayəndə heyəti Odessada Azərbaycan məktəbi ilə tanış olub

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
HAVA HAQQINDA