Ana səhifə »  Müəlliflər »  Keçmişdə “Sovetski” adlandırılan ərazidə aparılan yenidənqurma işləri paytaxtımızda həyata keçirilən quruculuq-abadlıq işlərinin tərkib hissəsidir
A+   Yenilə  A-
Keçmişdə “Sovetski” adlandırılan ərazidə aparılan yenidənqurma işləri paytaxtımızda həyata keçirilən quruculuq-abadlıq işlərinin tərkib hissəsidir
Yazdı: Pərviz Sadayoğlu

Həmin ərazinin abadlaşdırılmasına etiraz etmək dini təəssübkeşliyin heç də ən yaxşı nümunəsi deyil
Xəbər verildiyi kimi, Azərbaycan Respublikasının Prezidenti İlham Əliyev Bakının Yasamal rayonunda, Abdulla Şaiq küçəsi 79 ünvanında yerləşən Hacı Cavad məscidinin sökülməsi ilə bağlı yaranmış vəziyyətdən narahat olub və sözügedən məscidin söküntüsünün dayandırılması, məsələnin hərtərəfli araşdırılması, binanın texniki vəziyyətinin tam obyektiv qiymətləndirilməsi, o cümlədən müvafiq təkliflərin təqdim olunması məqsədilə xüsusi komissiyanın yaradılması barədə tapşırıq verib.
Əlbəttə, ölkə Prezidentinin bu addımı hər zaman olduğu kimi, dövlət başçısının bütün məsələləri diqqət mərkəzində saxlamasından xəbər verir. Bununla belə, son günlər keçmiş “Sovetski” adlanan ərazidə baş verənlərin əsl səbəbləri ictimaiyyətə daha dolğun şəkildə izah olunmalıdır. Azərbaycan Prezidentinin İctimai-siyasi məsələlər üzrə köməkçisi Əli Həsənov də bu barədə fikirlərini ifadə edərək deyib ki, yaradılmış komissiyanın qərarından asılı olmayaraq, yaranan vəziyyətlə bağlı, “Sovetski” adlanan ərazidəki son yöndəmsiz və qəzalı vəziyyətdə olan binanın söküntüsünə müqavimət göstərən və bu müqaviməti az qala “evindəki halalını qorumaq qədər” özünün müqəddəs dini fərzi kimi qələmə verən bəzi “təəssübkeşlər”in aksiyasına münasibət bildirilməlidir. O deyib ki, həmin ərazinin abadlaşdırılmasına etiraz etmək dini təəssübkeşliyin heç də ən yaxşı nümunəsi deyil.
Bakı dünyanın ən gözəl şəhərlərindən və beynəlxalq humanitar mərkəzlərindən birinə çevrilib
Vurğulamaq yerinə düşər ki, Cənubi Qafqaz regionunun aparıcı siyasi aktoru olan, eləcə də iqtisadi inkişafına görə yerləşdiyi bölgənin əsas dövləti sayılan Azərbaycanda uğurlu tədbirlər həyata keçirilir. Son bir neçə ildə paytaxtımızda reallaşan yeniliklər, tikilən möhtəşəm binalar Bakının simasının dəyişməsinə, daha da gözəlləşməsinə yol açıb. Ölkə Prezidentinin Bakı şəhəri ilə bağlı çox böyük təşəbbüsləri uğurla həyata keçirilib. Bakının ekoloji vəziyyətinin yaxşılaşdırılması, Bakı bulvarının dünyanın ən gözəl dənizkənarı bulvarları sırasına daxil olması, nəqliyyat sistemin yenilənməsi, onlarla yolötürücülərin, körpülərin, keçidlərin tikintisi, şəhərin mərkəzinin gecəqondulardan təmizlənib “qış bulvarı” kompleksinin salınması, dünyanın aparıcı hotel brendlərinin paytaxtımıza cəlb edilməsi və digər işlər bu gün paytaxtımızın dünyanın ən gözəl şəhərlərindən biri kimi tanınmasına yol açıb. Bu gün Bakı XX əsrin əvvəllərindəki şöhrətini yenidən özünə qaytarır, dünyanın ən gözəl şəhərlərindən və beynəlxalq humanitar mərkəzlərindən birinə çevrilib.
“Sovetski” tipli gecəqondu massivlərinin şəhərin mərkəzindən yığışdırılması Bakının daha da gözəlləşməsinə yol açır
Xüsusi olaraq qeyd edilməlidir ki, aparılan yenidənqurma-abadlıq işlərinin bir mərhələsi də keçmişdə “Sovetski” adlandırılan ərazidə aparılmaqdadır. Bu gün müasirləşən, dünyanın diqqət mərkəzinə düşən, mühüm qlobal tədbirlərə ev sahibliyi edən Bakının daha da gözəlləşməsi üçün “Sovetski” tipli gecəqondu massivlərinin şəhərin mərkəzindən yığışdırılması ilə bağlı tədbirlər təbii hal kimi qəbul olunmalıdır. Bu, günün tələbidir. Azərbaycan dövləti əyri, köndələn yolları, havasız, üfunətli məhəllələri, paytaxtda ucqar əyalətçi məişəti, XX əsrin əvvəllərinin nizamsız urbanizasiyasından miras qalmış “gecəqondu memarlığı”nı öz vətəndaşlarına rəva görmür və əvəzində təmiz şəhər, rahat yollar, ekologiyanın yaxşılaşmasına töhfə verən yaşıl parklar, geniş mənzillər, dünyanın ən yeni memarlıq incilərini, böyük təhsil və ibadət komplekslərini təklif edir.
Prezident İlham Əliyevin tapşırığı və şəxsi nəzarəti ilə Azərbaycanda tarixi-dini abidələr, məscidlər yenidən qurulur, bərpa edilir
Hər il Bakıda yüzlərlə məktəb, uşaq bağçası, mədəniyyət evləri yenidən qurulur, tikilir və təmir olunur. O cümlədən ölkə Prezidenti İlham Əliyevin tapşırığı və şəxsi nəzarəti ilə Azərbaycanda tarixi-dini abidələr, məscidlər yenidən qurulur, bərpa edilir. Bibiheybət məscid-ziyarətgah kompleksi, Təzəpir məscidi, Heydər məscidi, İçərişəhər Cümə və Həzrət Məhəmməd məscidləri, Əjdərbəy məscidi, Şamaxı Cümə məscidi, Gəncə “İmamzadə” kompleksi və onlarla digər dini abidə dövlət tərəfindən əsaslı şəkildə təmir və bərpa edilərək dindarların istifadəsinə verilib. Müstəqilliyimizin ilk illərində ölkəmizdə fəaliyyət göstərən məscidlərin sayı 17 idisə, bu gün Azərbaycanda məscidlərin sayı 2166-ya çatıb. Onlardan 306 məscid isə dövlət tərəfindən tarixi abidə kimi qorunur. Eləcə də ölkə Prezidenti müsəlman bayramlarını dindarlarla, müsəlman ölkələrinin səfirləri ilə birgə qeyd edir. Ölkə başçısı və ailə üzvləri İslam dininin müqəddəs ziyarətgahlarını - Məkkəni, müqəddəs Kəbəni, Mədinəni ziyarət ediblər. Bununla yanaşı, ölkədə dini təhsilin genişləndirilməsi, yenidən təşkil olunması istiqamətində mühüm ciddi addımlar atılır, İslam Universiteti və Bakı Dövlət Universitetinin İlahiyyat fakültəsi fəaliyyət göstərməkdədir.
Bəli, bütün bu vurğulananlar, əməli fəaliyyət, görülən işlərdir. Amma ölkəmizdə yüzlərlə yeni məscidin inşası və ya köhnələrin, qəzalı vəziyyətdə olanların bərpası xüsusi reklam edilmədən həyata keçirilir. Çünki bu işlər dövlət başçısının Öz ölkəsinin dini çoxluğuna, Özünün də mənsub olduğu dini icmaya qayğısının təzahürüdür.
Köhnə tikilinin sökülərək yerində yeni, daha gözəlinin tikilməsi insanların halalına müdaxiləmi sayılır?
Sual yaranır, bu işləri görən dövlət təqdir olunmalı deyilmi? Bəli, radikal çağırışlar edənlər və müxalif siyasilər qeyri-müəyyən bəyanatlarla sadə insanları çaşdırmamalı, dövlətin təqdir olunası işlərini qaralamamalıdırlar. İslam mədəniyyətinin mərkəzləri olan Məkkə və Mədinədə, eləcə də Məşhəd, Kərbəla kimi şiə ziyarətgahlarında, digər müsəlman ölkələrinin aparıcı şəhərlərində hər il neçə-neçə köhnə dini tikililərin söküldüyünün, onların yerində yeni-yeni binaların ucaldıldığının şahidi oluruq. 30 il öncə Məkkə və Mədinədə peyğəmbər məscidini ziyarət edənlər söyləyə bilərlər ki, orada hansı dəyişikliklər baş verib və hansı köhnə tikililər sökülərək onların yerinə necə müasir ziyarətgahlar yaradılıb. Bunlar təqdirəlayiq haldır, yoxsa qınanmalıdır? Belə çıxır ki, onda həmin müqəddəs məkanlardakı insanların halalına müdaxiləmi olunub?
Bu gün dünyada hər şey təzələnir, yenilənir. Müasir həyatın tələbləri fərqli status alır. Eləcə də yaşayış massivlərinin, nəqliyyat vasitələrinin, ictimai, dini, mədəniyyət və iaşə obyektlərinin daha da geniş, işıqlı, müasir forma alması, yenilənməsi zərurəti meydana çıxır. Xüsusi tarixi mahiyyət kəsb edən tikililər, elm, mədəniyyət obyektləri, dini abidələr istisna olmaqla hər şey dəyişir, müasirləşir. Bu proses ölkəmizdə də uğurla həyata keçirilir. Azərbaycan müasir dünyanın bir hissəsi kimi öz inkişafını davam etdirir, insanlara yeni imkanlar yaradılır, müasir, daha rahat alternativlər təklif olunur. Bu seçimi dəstəkləməmək, əlbəttə ki, həm dövləti, həm cəmiyyəti müasir inkişafdan süni yolla saxlamaq deməkdir.
Əsl inanclı kəsim “din təəssübkeşliyi” adı altında bu tipli aksiyalara sövq edilən radikal-ekstremist dəstələrdən ayrılmalıdır
Qeyd edilməlidir ki, aprelin 12-də “Sovetski” adlanan ərazidə “din təəssübkeşləri”nin düyməsini basanlar, qanun keşikçilərinə və ərazini abadlaşdıran insanlara qarşı təhqiramiz hərəkətlər edənlər sağlam düşüncə və vətənpərvərlik nümunəsi ortaya qoymayıblar. Bu mənada, bu gün əsl inanclı kəsim “din təəssübkeşliyi” adı altında bu tipli aksiyalara sövq edilən radikal-ekstremist dəstələrdən ayrılmalıdır. Çünki beş il sonra həmin ərazidə gecəqondu massivinin yerində salınacaq nümunəvi şəhər mərkəzi və istirahət guşələrini görəcək yeni nəslin anbar kimi istifadə olunan köhnə tikilinin qorunmasına cəhd edən bu köhnəfikirli insanlara necə qiymət verəcəyini zaman özü göstərəcək.
Azərbaycan Prezidenti hər zaman əsl İslam təəssübkeşliyi nümayiş etdirib
Bir məqama toxunmaq gərəkdir ki, Prezident İlham Əliyev Azərbaycanda İslam dəyərlərinin qorunması və inkişafı istiqamətində mühüm addımları ilə hər zaman seçilib. Bununla yanaşı, dövlətimizin başçısı dünyada İslam həmrəyliyinin gücləndirilməsi və islamofob dairələrə qarşı mübarizədə 50-dən artıq olan İslam dövlətləri başçıları sırasında hər zaman xüsusi fəallığı ilə seçilib. Ölkə Prezidenti Azərbaycan dövlətinə qarşı siyasət yürüdən bəzi xarici dairələrdən, rəsmi və qeyri-rəsmi ünsürlərdən fərqli olaraq, əsl İslam təəssübkeşliyi nümayiş etdirib.
Təəssüflə qeyd edilməlidir ki, bu gün dünyaya dini-milli tolerantlıq modeli bəxş edən, multikulturalizm nümunəsi kimi göstərilən ölkəmizdəki sabit inkişaf bəzi dairələri əsaslı şəkildə narahat edir. Azərbaycan Prezidentinin İctimai-siyasi məsələlər üzrə köməkçisi Əli Həsənovun da qeyd etdiyi kimi, Azərbaycanın İslam dünyası, regional əməkdaşlığın gücləndirilməsi ilə bağlı təşəbbüslərinə bu və ya digər yolla mane olmaq cəhdləri isə ilk dəfə müşahidə olunmur. Bakı şəhərinin “İslam mədəniyyətinin paytaxtı” elan edildiyi 2009-cu ildə müəyyən dindar təbəqənin aldadılaraq dövlətimizin İslam dünyasındakı rolunu kiçiltmək, imicini ləkələmək cəhdlərinə alət edilməsinin şahidi olmuşduq. Dünya Azərbaycanlıları Gününə birilərinin alternativ həmrəylik günü keçirmək təşəbbüsləri isə hələ də davam edir. Ölkə Prezidenti tərəfindən 2017-ci ilin “İslam Həmrəyliyi İli” elan edildiyi, o cümlədən paytaxtımızın bir ay sonra IV İslam Həmrəyliyi Oyunlarına ev sahibliyi edəcəyi üçün belə “cəhdlər”in təkrarlana biləcəyi də istisna edilmir. Bu yalançı təəssübkeşlərin etirazının Şuşa məscidi ilə bağlı işğalçılarla qeyri-rəsmi “əməkdaşlıq” edilməsinə Azərbaycan dövlətinin rəsmi etiraz bəyanatı verdiyi vaxta düşməsi təsadüfi sayıla bilməz. Amma hər kəs bilməlidir ki, bütün bu çirkin cəhdlər Azərbaycanı İslam dünyasının birliyi, həmrəyliyi yolundakı təşəbbüslərindən, milli-mənəvi dəyərlərimizi qorumaq, İslam irsini inkişaf etdirmək istiqamətində müəyyələşdirilmiş siyasətdən döndərə bilməz.

 
  • Oxunub:  21270  |  
  • Tarix:  14-04-2017  |  
  •    Çap et   |  

Qəzetin son buraxılışı

Prezident İlham Əliyev: Bizim əsas məqsədimiz ondan ibarətdir ki, insanlar bu xəstəliyə yoluxmasın, insanların sağlamlığı təmin edilsin

08 Aprel 22:34
Tərtər: koronavirus pandemiyasına qarşı dezinfeksiya işləri qrafik üzrə aparılır
08 Aprel 22:20
Etibarlılıq müddəti bitmiş şəxsiyyət vəsiqələrinin istifadə müddəti uzadılıb
08 Aprel 22:12
Dövlət Agentliyindən icaze.e-gov.az portalı ilə bağlı xəbərdarlıq
08 Aprel 20:10
Azərbaycanın işğal olunmuş ərazilərində keçirilmiş qondarma “seçkilər” beynəlxalq ictimaiyyət tərəfindən rədd edildi
08 Aprel 19:24
İbrahim Məmmədov: Vətəndaşlar qaydalara əməl etməsələr, karantin rejiminin müddəti uzadıla bilər
08 Aprel 19:15
Mikayıl Cabbarov: Qəbul edilmiş dəstək proqramları iş yerlərinin saxlanmasına və iqtisadi fəallığın qorunmasına yönəlib
08 Aprel 19:10
Qlobal pandemiya şəraitində Azərbaycanda əhalinin sağlamlığının təmin edilməsi əsas məqsəd kimi qarşıya qoyulub
08 Aprel 18:38
Hikmət Hacıyev: İndiyədək xarici ölkələrdə olan 15 mindən çox vətəndaşımız Azərbaycana gətirilib
08 Aprel 18:15
Ölkəmizdə koronavirusa yoluxanların sayı 822-yə çatıb
08 Aprel 18:12
İşsizlikdən sığorta ödənişinin müddəti bitmiş şəxslər və peşə kursların müdavimlərinə ödənişlər davam edəcək
08 Aprel 18:10
icaze.e-gov.az portalında işsizliyin qeydiyyatı nəzərdə tutulmayıb
08 Aprel 18:03
“Total” Azərbaycandakı layihələrə sadiqdir
08 Aprel 17:58
Deputat: İşğal edilmiş ərazilərimizdə səhnələşdirilən siyasi şou beynəlxalq və regional təşkilatlar tərəfindən pisləndi
08 Aprel 17:14
Azərbaycanda daha 105 nəfər koronavirusa yoluxub
08 Aprel 16:45
Millət vəkili Pərvin Kərimzadə bu gün də seçicilərinin yanındadır
08 Aprel 16:24
Azərbaycan yaxın gələcəkdə tibbi ləvazimatları ixrac edən ölkəyə çevriləcək
08 Aprel 16:21
Milli Məclisin sabah keçiriləcək iclasında Nazirlər Kabinetinin 2019-cu ildə fəaliyyəti haqqında hesabatı dinləniləcək
08 Aprel 16:18
Yeni Azərbaycan Partiyası Əmək və Əhalinin Sosial Müdafiəsi Nazirliyi ilə birgə tənhalara, ahıllara sosial xidməti davam etdirir #EvdəQal, #BizBirlikdəGüclüyük
08 Aprel 15:53
Azərbaycan vətəndaşları koronavirusla mübarizədə Prezident İlham Əliyevin rəhbərliyi ilə görülən işlərdən razılıqlarını bildirirlər
08 Aprel 15:31
“Evdə qalaq, bilgi alaq” adlı onlayn psixoloji dəstək layihəsinə start verilir
08 Aprel 15:00
İşğalçı ölkənin acınacaqlı mənzərəsi: insanlar təşviş içində, Paşinyan hökuməti isə çıxılmaz vəziyyətdə...
08 Aprel 14:37
COVİD-19 pandemiyasının məişət zorakılığı hallarının artmasına təsiri barədə
08 Aprel 14:16
Jalə Əhmədova: Belə çətin günlərdə imzalanan əfv Sərəncamı bir çox ailənin böyük sevincinə səbəb oldu
08 Aprel 13:52
“Evdə qal, evdə yarat” kampaniyası çərçivəsində teatrsevərlər üçün onlayn tamaşalar təqdim olunur
08 Aprel 13:07
Koronavirusdan zərər çəkən sahibkarlara maliyyə dəstəyinin göstərilməsi mexanizmləri açıqlandı
08 Aprel 12:53
YAP Səbail rayon “Akademik Filarmoniya” ərazi ilk partiya təşkilatı yardım sovqatı paylayıb
08 Aprel 12:43
Onlayn sosial etibarnamənin tətbiqinə başlanılıb
08 Aprel 12:30
Anar Məmmədov: Əfv sərəncamı respublikamızın humanizm prinsipləri əsasında inkişaf yolu seçdiyini bir daha nümayiş etdirdi
08 Aprel 12:26
Müşfiq Cəfərov: Sonuncu əfv Sərəncamı dövlətimizin humanizm dəyərlərinə sadiqlik nümunəsidir
08 Aprel 12:23
Azərbaycanda Ramazan ayının nə vaxt başlayacağı açıqlanıb
08 Aprel 12:17
Azərbaycanda humanizm prinsipləri dövlət siyasətinin təməlində dayanır
08 Aprel 12:15
Masallıda keçirilən xeyriyyə aksiyasına YAP rayon təşkilatının qadınlar şurasının üzvləri də qoşulublar
08 Aprel 12:13
Malik Həsənov: “Beşinci kolon” indi də koronavirus infekasiyasından öz məqsədləri üçün istifadə etməyə çalışır
08 Aprel 12:06
Deputat: Məhkumların azad edilməsi ölkəmizdə həyata keçirilən humanist siyasətin növbəti təzahürüdür
08 Aprel 10:14
Prezident İlham Əliyev: Bizim əsas məqsədimiz ondan ibarətdir ki, insanlar bu xəstəliyə yoluxmasın, insanların sağlamlığı təmin edilsin
08 Aprel 10:02
Ermənistan silahlı qüvvələrinin bölmələri atəşkəs rejimini 24 dəfə pozub
07 Aprel 23:26
Hikmət Babaoğlu: “Hərbçilərə mənzil verilməsi olduqca əhəmiyyətli hadisədir”
07 Aprel 22:14
COVID-19 pandemiyası dövründə işsiz kimi qeydiyyatda olanlara birdəfəlik ödəmənin verilməsi şərtləri təsdiq edilib
07 Aprel 21:29
Yeni Azərbaycan Partiyası Əmək və Əhalinin Sosial Müdafiəsi Nazirliyi ilə birgə tənhalara, ahıllara sosial xidməti davam etdirir. #EvdəQal, #BizBirlikdəGüclüyük
07 Aprel 21:24
Koronavirusla mübarizədə həlledici mərhələ başlayıb. #EvdəQal, #BizBirlikdəGüclüyük
07 Aprel 21:00
Azərbaycan Prezidentinin humanist siyasətinin növbəti təzahürü
07 Aprel 20:54
Azərbaycanın suverenliyinə və ərazi bütövlüyünə növbəti dəfə beynəlxalq ictimaiyyət tərəfindən birmənalı dəstək ifadə edildi
07 Aprel 19:34
Azərbaycan koronavirus infeksiyası ilə bağlı müayinələrin sayına görə dünyada liderlər sırasındadır
07 Aprel 18:42
Sevinc Fətəliyeva: Prezident İlham Əliyevin əfv Sərəncamı dövlətimizin humanizm dəyərlərinə sadiqliyinin daha bir nümunəsidir
07 Aprel 18:40
Çox sevinirəm ki, dövlətimizin başçısı bu cür humanist addım ataraq bizə azadlıq bəxş etdi
07 Aprel 18:38
ÜST ölkələri tibb bacılarının fəaliyyətinə və inkişafına investisiya qoymağa çağırır
07 Aprel 18:22
Azərbaycanda modul tipli 6 xəstəxana quraşdırılacaq – SƏRƏNCAM
07 Aprel 18:21
Adil Əliyev: Əfv Sərəncamı ölkə Prezidentinin növbəti humanist addımıdır
07 Aprel 18:17
Naftalanda xüsusi karantin müddətində həftəlik onlayn-kouç sessiyaları keçiriləcək
07 Aprel 16:50
Deputat: Əfv Sərəncamı Prezidentin vətəndaşa diqqət və qayğısının daha bir nümunəsidir
07 Aprel 16:48
Vüqar Rəhimzadə: Prezidentin növbəti əfv Sərəncamı böyüklərimizə diqqət və hörmətin bariz nümunəsidir
07 Aprel 16:30
Azərbaycanda yeni koronavirusa daha 76 yoluxma faktı qeydə alınıb, bir nəfər həyatını itirib
07 Aprel 16:22
Ombudsman: Bu addım Prezident İlham Əliyevin insan hüquqlarının müdafiəsinə yönəlmiş siyasətinin daha bir nümunəsidir
07 Aprel 16:17
Yevlaxda keçirilən növbəti videoqəbul zamanı 30 sakinin müraciəti dinlənilib
07 Aprel 16:14
Cəzamızın çəkilməmiş hissəsindən azad edilməyimiz bizi, ailələrimizi çox sevindirdi
07 Aprel 16:02
Azay Quliyev: Prezident İlham Əliyevin əfv sərəncamı hər bir vətəndaşın sağlamlığına göstərilən qayğının təcəssümüdür
07 Aprel 15:59
Naqif Həmzəyev: Ölkə başçısının əfv fərmanı ali humanistlik siyasətinin daha bir təsdiqidir
07 Aprel 15:52
Azərbaycan dövləti qlobal pandemiya şəraitində ölkə iqtisadiyyatına xarici mənfi təsirləri azaltmaq üçün zəruri tədbirlər həyata keçirir
07 Aprel 15:10
Bu əfv Sərəncamı Azərbaycan Prezidentinin vətəndaşlarımıza yüksək diqqət və qayğı göstərməsinin daha bir sübutudur
07 Aprel 15:03
Talassemiya xəstəsi olan uşaqlar üçün qanvermə aksiyası keçirilir
07 Aprel 14:43
Vüqar İskəndərov: Əfv Sərəncamı dövlət başçısının humanizm siyasətinin növbəti təzahürü olmaqla yanaşı, Azərbaycanda dövlət siyasətinin mərkəzində insan amilinin dayandığını bir daha təsdiqlədi
07 Aprel 14:12
Siyavuş Novruzov: Prezident İlham Əliyevin növbəti əfv sərəncamı vətəndaşlarına yüksək dəyər verməsinin daha bir ifadəsidir
07 Aprel 14:06
Bu humanizm aktı koronavirus infeksiyasının yayıldığı hazırkı şəraitdə yaşlı insanlara qayğının növbəti təzahürüdür
07 Aprel 14:04
Siyasi ekspert: Azərbaycan Prezidenti hər bir vətəndaşın sağlamlığını prioritet hesab edir
07 Aprel 13:49
Azərbaycanda istehsal olunan tibbi maskalar gələn həftədən satışa çıxarılacaq
07 Aprel 13:47
Milli Məclisin komitə iclasları videokonfrans sistemi ilə keçiriləcək
07 Aprel 13:41
10 saylı cəzaçəkmə müəssisəsindən 16 məhkum azadlığa buraxılıb
07 Aprel 13:30
Prezident İlham Əliyevin əfvlə bağlı Sərəncam imzalaması əsl humanizm nümunəsidir
07 Aprel 13:26
Bakı polisi: Müvafiq icazəsi olmayan şəxslər müəyyən olunaraq barələrində tədbirlər görülür
07 Aprel 13:21
Musa Quliyev: Azərbaycanda insanların infeksiyaya yoluxmaması və sağlamlığının təmin edilməsi üçün bütün tədbirlər görülür

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
HAVA HAQQINDA