Ana səhifə »  Müəlliflər »  Tom Lantos məzhəkəsi: okeanın o tayı bizi niyə “dinləsin”?
A+   Yenilə  A-
Tom Lantos məzhəkəsi: okeanın o tayı bizi niyə “dinləsin”?
Yazdı: Aqşin Şahinoğlu

Konqresdəki qərəzli dinləmələr sosial şəbəkələrdə Azərbaycan ictimaiyyətinin nümayəndələri tərəfindən kəskin etirazla qarşılanıb
Sentyabrın 15-də Amerika Birləşmiş Ştatları Konqresinin Tom Lantos Komissiyasında Azərbaycanda insan haqlarının vəziyyətinə dair dinləmə keçirilib. Əlbəttə, dünyanın çox ciddi problemlərlə üz-üzə qaldığı, qlobal iqtisadi və siyasi böhranın ağır fəsadlarının yaşandığı indiki şəraitdə Azərbaycanla bağlı bu formatda dinləmənin keçirilməsi anlaşılan deyil. Beynəlxalq ictimaiyyət ABŞ kimi superdövlətdən hazırda Yaxın və Orta Şərqdə yaşanan qətliamların, siyasi xaos və anarxiyanın, hətta Qərbin inkişaf etmiş dövlətlərinin iqtisadiyyatını da iflic edən dərin kataklizmlərin aradan qaldırılması ilə bağlı təşəbbüslərə dəstək gözləyir. Yoxsa cılız maraqlar naminə Azərbaycanı hədəf olaraq göstərib, ölkə reallıqlarının ciddi şəkildə təhrif olunduğu, ölkəmizin ünvanına həqiqətdən uzaq, uydurma ittihamların səsləndirildiyi belə bir məzhəkənin təşkili Azərbaycan ictimaiyyəti tərəfindən heç də müsbət qarşılanmır. İctimaiyyət “Azərbaycan Konstitusiyasına əlavə və dəyişikliklərlə bağlı referendumun keçirilməsinə sayılı günlər qalmış ABŞ Konqresində bu qəbildən dinləmənin təşkil olunması hansı məqsədə xidmət edir?” sualına məntiqli bir cavab gözləyir.
Əslində, tədbirin iştirakçıları və orada Azərbaycanla bağlı şər və hədyan yağdıranların sırasına baxdıqda bu dinləmənin nə üçün təşkil olunduğu açıq şəkildə görünür. Burada yeganə məqsəd Azərbaycan dövlətinə bu və ya başqa şəkildə təzyiq göstərmək istəyən maraqlı mərkəzlərin əlinə oynamaqdır. Azərbaycan cəmiyyəti isə haqlı olaraq bütün platformalarda, o cümlədən sosial şəbəkələrdə neoimperializmin buyruq qullarının ölkəmizə qarşı apardıqları kampaniyanın növbəti halqasını təşkil edən bu dinləməni pisləyib, mövzu ilə əlaqədar tutarlı fikir və şərhlərini diqqətə çatdırıb. Elə “Azadlıq” radiosunun Bakı redaksiyasının “Facebook” səhifəsində müzakirənin canlı yayımının şərhlər bölməsində yazılan fikir və rəylərdə də bu etiraz açıq şəkildə ifadə olunub. Həmin bölmədə dinləməni tənqid edən sosial şəbəkə istifadəçilərinin sayı digərləri ilə müqayisədə qat-qat çoxdur ki, bu da ictimaiyyətin sözügedən tədbirə münasibətini göstərir.
“Azadlıq” agent və satqınların sığınacağıdır
Yeri gəlmişkən, “Azadlıq” radiosunun Azərbaycan dövlətinə və onun hakimiyyətinə qarşı aparılan kampaniyanın əsas ruporu kimi çıxış etməsi artıq yenilik deyil. Harada ölkəmizə qarşı kampaniya varsa, orada mütləq bu redaksiyanın “qulaqları görünür”. “Azadlıq” Azərbaycanda fəaliyyət göstərən agent və satqınların bir növ sığınacaq düşərgəsidir. Amma eyni mərkəzdən təlimat alaraq bəlli ideoloji tezislər üzrə çalışan şər üçbucağının - bu tədbirin təşkilatçılarının da, iştirakçılarının da, onu canlı yayımla təqdim edən KİV-lərin də hədəflədikləri nəticə onsuz da hasil olan deyil. Çünki kifayət qədər intellektual əsaslarla formalaşmış Azərbaycan ictimai rəyini bu kimi zəif ssenarilərlə oynanılan tamaşalara, onun aktyorlarının monoloqlarına inandırmaq mümkün deyil. Qeyd olunan bölmədə yazılan şərhlər də bir daha bu əminliyi diktə edir. Fərid Murad adlı sosial şəbəkə istifadəçisi “Azadlıq” radiosunun Bakı redaksiyasının “Facebook” səhifəsində yazıb: “Bu gün ölkəmizdə həyata keçirilən hüquqi dövlət quruculuğu siyasəti, eləcə də vətəndaşların hüquq və azadlıqlarının qorunması istiqamətində həyata keçirilən tədbirlər bəzi ölkələri narahat edir. Müstəqil xarici siyasət yürüdən Azərbaycana bununla təzyiq etmək istəyirlər. Bununla ölkəmiz üzərində hakim mövqeyə sahib olmaq istəyirlər. Biz müstəqil və azadıq!!!”.
Dilbər adlı istifadəçi isə belə yazır: “Bunlar yalnız öz maraqlarını güdürlər. Gördük də Türkiyədə nə etdilər. Demokratik yolla gələn dövlət başçısını qeyri-demokratik yolla devirməyə çalışdılar. 300-dən çox şəhid verdi. Bunların məqsədi nə insan hüquqları, nə də demokratiya idi. Sadəcə, öz Troya atları ilə Azərbaycanı da Yaxın Şərqin gününə qoymaq istəyirdilər”.
Tural Bayramlı: “ABŞ-da dini, irqi ayrı-seçkilik və bu kimi insan haqlarının pozulmağından niyə danışmırlar?! Viran qoyduqları ölkələrdən və hər gün ölən onlarla, yüzlərlə məsum insanlardan niyə danışmırlar?! Həmin ölkələr ABŞ və Qərbin acgözlüyü ucbatından dağıldı. Bu problemləri müzakirəyə çıxarsınlar. Əgər bu qədər ədalətlidilərsə?!”.
Xan Bəkirli: “İclasın sədri deyir ki, Azərbaycan vətəndaşları bizdən dəstək - kömək gözləyir. Ona deyin ki, biz sizdən heç nə gözləmirik. 25 ildir ki, torpaqlarımız işğal altındadır və 1 milyon insanın hüquqları pozulub. ABŞ isə xristian Ermənistanına hələ də yardımlar edir və dəstək göstərir. 1 milyon insanın hüquqlarına məhəl qoymayan ölkə 3-4 insanın qeydinə qalır. Həmin 3-4 insan isə ABŞ-ın öz adamlarıdır. Budur reallıq”.
Keçmiş diplomat peşəkar böhtançıdır
İndi isə bir qədər bu üzdəniraq müzakirənin çıxışçıları, onların səsləndirdikləri sərsəm fikirlər və sosial şəbəkə istifadəçilərinin onlara münasibətindən danışaq. İlk olaraq keçmiş səfir Riçard Kozlariç haqqında...
1994-97-ci illərdə Amerika Birləşmiş Ştatlarının Azərbaycandakı fövqəladə və səlahiyyətli səfiri işləmiş Riçard Kozlariç diplomat kimi heç də müsbət keyfiyyətləri ilə xarakterizə olunmur. Yaşını-başını aşırıb, artıq diplomat kimi heç öz ölkəsinin də işinə yaramadıqda bir sıra ictimai təşkilatlarda çalışmağa başlayıb və hazırda ABŞ-ın Sülh İnstitutunun Müsəlman Dünyası üzrə Xüsusi Təşəbbüslər bölməsinin direktorudur. Bu vəzifədə o, imperialist mərkəzlərin, islamofob dairələrin müsəlman Şərqinə qarşı planlarının reallaşması üzrə ideoloji qanadın “zabitlərindən” biridir. Peşəkar böhtançı, şantajçı olan Kozlariçin Azərbaycana qarşı hikkəsinin səbəblərindən biri də məhz bu qeyri-rəsmi titulu ilə bağlıdır. Kozlariç dinləmədə çıxışı zamanı Bakıdakı ABŞ səfirinin geri çağırılmasını, rəsmilərə viza qadağasının qoyulmasını, ABŞ hökumətinin Beynəlxalq Özəl İnvestisiya Korporasiyası (Overseas Private Investment Corporation) və ya Export Import Bankı vasitəsilə Azərbaycan şirkətlərinin mənfəətləndirilməsinin dayandırılmasını təklif edib. Onun bu çıxışı və Azərbaycana sanksiya çağırışları bizim üçün təəccüblü deyil. Bu, nə ilkdir, nə də, böyük ehtimalla, sonuncu olmayacaq. Elə ölkə vətəndaşlarının da bu “boşboğaz qoca”dan fərqli bir gözləntisi yoxdur. Baba Əliyev adlı gəncin yazdığı status bu mənada diqqət çəkir: “Kozlariçin ənənəvi olaraq anti-Azərbaycan mövqeyində dayanmasının səbəbləri kimi, əlbəttə ki, onun şəxsi maraqları göstərilməlidir. Belə ki, hələ xeyli müddət əvvəl KİV-də gedən məlumatlara görə, keçmiş səfir diplomatik fəaliyyəti dövründə ölkəmizdə qeyri-qanuni biznes qurmaq istəsə də, buna nail ola bilməyib. Məhz bu da Kozlariçdə Azərbaycan dövlətinə, iqtidarına qarşı düşmənçilik hisslərini formalaşdırıb”.
Xaqani Bəkirov isə yazır: “Kozlariç Azərbaycana həmişə düşmən mövqeyində olub. Maraqlısı odur ki, dünyada insan hüquqlarının tapdalandığı onlarla dövlət var. Uzağa getməyək, Suriyanın başına açılan oyunlar, 400 mindən çox insanın qətli Komitəni danışdırmır. Amma Azərbaycanda öz agentlərinin həbsinə isə ayrıca həssaslıqla yanaşırlar. Görünür, Kozlariç və Kramer də ermənilərlə işbirliyi edirlər...”.
Selcan Əliyeva: “Son vaxtlar insan hüquqlarından danışanlara bircə sual vermək istəyirəm: insan hüquqlarının pozulmasından danışırsız, bəs neçə ildir, öz doğma yurduna (erməni işğalında olan) getdiyinə görə girov saxlanılan Dilqəm və Şahbazın pozulan hüquqları insan hüquqlarına aid deyilmi, cənab Kozlariç? Yoxsa Ermənistanın işğalçılıq siyasəti ilə hüquqları pozulan 1 milyon vətəndaşımızın taleyi sizə vacib deyil?!”.
Xədicə İsmayılın “siyasi məhbus” siyahısı: ya saymağı bilmir, ya da...
İmperialist mərkəzlərin agentura şəbəkəsinin üzvü olan jurnalist Xədicə İsmayıl canlı yayımla qoşulduğu dinləmələrdə çıxışı zamanı deyib ki, Azərbaycanda 138 nəfər “siyasi məhbus” var. Əvvəla, dünyada “siyasi məhbus” kateqoriyasının sərhədlərinin aydınlaşmadığı, bu anlayışın doğru-düzgün qavranılmadığı və hüquqda belə müzakirələrə səbəb olduğu bir vaxtda bəzilərinin hər dəfə ölkəmizdə “siyasi məhbus” ovuna çıxması qəbuledilməzdir. Çünki hələ kimə “siyasi məhbus” deyiləcəyinin özü mücərrəd və qeyri-müəyyəndir. İkincisi, Azərbaycanda bir nəfər belə siyasi məhbus yoxdur. Kiminsə nə vaxtsa siyasətlə məşğul olması, amma törətdiyi konkret qanunsuzluğa görə cinayət məsuliyyətinə cəlb olunması həmin adamın “siyasi məhbus” adlandırılmasına əsas vermir. Nəhayət, X.İsmayılın da aralarında olduğu Azərbaycanda “siyasi məhbus” “ovçuları” hələ ötən il ölkəmizdə bu kateqoriyadan təxminən 100 nəfərə yaxın məhbus olduğunu iddia edirdilər. Onların “siyahıya aldıqları” məhbusların çoxu artıq Prezident İlham Əliyev tərəfindən imzalanan əfv Sərəncamı və qəbul olunmuş amnistiya aktı nəticəsində azadlığa çıxıb. İndi necə oldu ki, bu siyahı azalmaq yerinə artdı? Belə çıxır ki, ya Xədicə saymağı bilmir, ya da o, həbsdə olarkən türmədə sözügedən kateqoriyadan olan yeni məhbuslar icad edib ki, cəmiyyətin bu adamlardan xəbəri yoxdur. X.İsmayılın çıxışında “gül vurduğu” başqa bir detal isə “Azadlıq” radiosu ilə bağlı fikirləridir. Xədicənin bu radionu Birləşmiş Ştatların Azərbaycanda ən yaxşı işi adlandırması, hesab edirik ki, ABŞ dövlətinin özünə də təhqirdir. Bu həm də illərdir radionun müstəqil olduğunu iddia edən X.İsmayılın özünü inkarıdır. Bu məqam sosial şəbəkələrdə rəy yazan gənclərin də diqqətindən yayınmayıb. Sevda Əlizadə adlı xanım yazır: “X.İsmayılova özü də etiraf edir ki, “Azadlıq” radiosu ABŞ-ın Azərbaycanda etdiyi ən yaxşı işdir. Bundan açıq etiraf olmaz. Elə buna görə də “Azadlıq” radiosunda çalışanları ABŞ-ın agentləri adlandırırlar”.
Aynur Babayeva isə yazır: “Yəni bu qədər həngamə cəmi 3-4 nəfərin tutulmasına görə keçirilir? Xədicə 138 nəfər siyasi məhbus deyir. Bunun heç olmazsa, bir otuzunu sadalasın”.
Zeynəb Nağıyeva: “Xədicə deyib ki, biz heç bir qanunu pozmamışıq. Çox gülməlidir. Bəs külli miqdarda qeyri-qanuni saxta sənəd və imzalarla qrant mənimsəməyinizi “qanuni” hesab edirsiniz?”.
Kərimlinin “Türkel gedişi” nəyə hesablanıb?
Dinləmənin başqa bir diqqət çəkən məqamı isə qonaq statusunda Əli Kərimlinin oğlu Türkel Kərimlinin iştirakı və orada çıxışıdır. Xeyr, söhbət heç də bu çiçəyi burnunda “siyasətçi”nin çıxışının dərin intellektual bazaya və maraqlı tezislərə söykənməsindən getmir. Əksinə, onun çıxışı şablon və Ə.Kərimli ritorikasının, absurd iddiaların içini doldurduğu çərəndən başqa bir şey deyildi. Söhbət ondan gedir ki, bu, AXCP sədrinin yeni “layihə”sidir. Görünür, Ə.Kərimli xaricdəki tədbirlərə öz oğlunu göndərməklə antimilli mərkəzlərlə Türkeli tanış edib ona gələcəkdə “parlaq” karyera hazırlamağı, həmçinin birbaşa oğlu vasitəsilə maliyyə mənbələri ilə əlaqələri yaratmağı düşünür. Hətta ola bilər ki, Ə.Kərimli Türkeli özünün yerinə hazırlayır və yaxın gələcəkdə oğlunu öz siyasi biznesinin başına keçirəcək. Onun bu planları nə qədər reallaşacaq, bunu zaman göstərəcək, bu gün isə dəqiq bilinən odur ki, Kərimlinin “Turkel gedişi” radikal düşərgədə ciddi narazılığa rəvac verməkdədir. Elə “Azadlığ”ın “Facebook” səhifəsinə yazılan şərhlərdə də bu narazılığın ilkin işartıları görünür. Ə.Kərimlinin öz oğlunu mitinqə gətirməməsi, əvəzində onu ABŞ-da rahat divarlar arasında təşkil olunan hansısa tədbirə göndərməsi sosial şəbəkə istifadəçiləri olan gənclərin narazılığı ilə qarşılanıb. Məsələn, Elnur Seyid adlı gənc yazır: “Əli Kərimlinin oğlu orada nə edir? Demək, buradakı mitinqlərdə Kərimli oğlunun iştirakını təmin etmir. Amma ABŞ-a komitənin iclasına göndərir ki, oğlunu tanısınlar. Bəlkə, ona 1-2 dollar pul verərlər. Hanı AXCP-nin fəalları? Məgər sizin siyasi savadınız Türkeldən aşağıdır? Niyə Kərimli sizi yox, məhz oğlunu göndərdi?”.
Yaxud Aynur Əsgərova-Mamedova adlı sosial şəbəkə istifadəçisi şərhində belə qeyd edir: “Türkel Kərimlinin də mətnini, çox güman Əli Kərimli yazıb, azərbaycanca variantda ona göndərib. O isə tərcümə edib üzündən oxuyub. Mətndən atasının stili aydın görünür. Bundan əlavə, görəsən, Türkel Kərimli 20 ildən çoxdur heç bir yerdə işləməyən atasının hansı pulları ilə xaricdə ən bahalı universitetdə təhsil alıb və hal-hazırda hansı pullarla xaricdə qalır?”.
Alyar Məmmədov: “Ə.Kərimli artıq 16 ildir partiya sədridir. Başqa namizədin olmasına imkan vermir. Sahib Kərimli buna misaldır. Mitinq keçirir, Türkeli gətirmir, mitinqə gələn başqalardır. Kərimli oğlunu komitənin iclası kimi mədəni iclaslara göndərir. Artıq atadan oğula varislik prinsipinin də beləcə kökünü qoyur”.
Baba Əliyev: “AXCP-də xeyli fəallar olduğu halda nəyə görə ABŞ-da dinləmələrdə Ə.Kərimlinin oğlu Türkel iştirak edib? Görünür, varis planı işə düşüb. Artıq qocaldığını hiss edən Ə.Kərimli tədricən öz oğlunu hazırlayır”.
Bako Saakyanın oğlu ilə Əli Kərimlinin oğlu eyni səfdə 
Bədnam dinləmənin canlı yayımlanan videogörüntüsündə orada erməni diasporunun fəallarının olduğu, həmçinin Azərbaycanın işğal edilmiş torpaqlarında yaradılmış separatçı rejimin rəhbəri Bako Saakyanın oğlu Armen Saakyanın da tədbirə qatıldığı görünür. A.Saakyan ABŞ-dakı erməni diasprunun ən nüfuzlu qurumlarından sayılan Amerika Erməni Milli Konqresinin (ANCA) fəal funksionerlərindən biridir. Özünü Azərbaycan müxalifətinin liderlərindən (?) sayan Əli Kərimlinin övladının ermənilərlə eyni səfdə dayanması, onlarla birgə ölkəmizin əleyhinə təbliğat aparması, əlbəttə ki, insanların ciddi narazılığı ilə qarşılanıb. Sosial şəbəkədəki gənclər haqlı bir sual ünvanlayırlar ki, nə üçün Əli Kərimli və onun oğlu ermənilərin anti-Azərbaycan kampaniyasında belə canfəşanlıqla iştirak edir? Cavabı çox sadədir: çünki Əli Kərimli öz ambisiyaları naminə şeytanla da əməkdaşlığa getməyə hazırdır. AXCP sədrinin siyasi keçmişi, tərcümeyi-halı da bunu deyir.
Vüqar Mirzəyev adlı sosial şəbəkə istifadəçisi də bu məqama toxunub. O yazır ki, iştirakçılarının əksəriyyəti ermənilərdən ibarət olan o dinləmələrə yalnız şəxsi ambisiyaları naminə şeytanla da işbirliyinə getməyə hazır olan Ə.Kərimli (oğlu vasitəsilə) və X.İsmayıl kimi antimilli ünsürlər qatıla bilərdi: “Təsadüfi deyil ki, Amerika Erməni Milli Komitəsinin (ANCA) təmsilçiləri də bu şəxslərin tədbirdə iştirakına etiraz etməmişlər. Yalnız ümummilli məsələlərdə prinsipial mövqe tutan Erkin Qədirlinin məruzəçilər siyahısına daxil edilməsi ermənilərin ciddi etirazı ilə qarşılanmış və nəticədə o, ABŞ-a dəvət edilməmişdir”.
Həmçinin Rza Ağayev də eyni fakta toxunaraq T.Kərimlinin Bako Saakyanın oğlu ilə eyni tədbirdə ola-ola bir dəfə də olsun onlara etiraz etmədiyini qınayır: “Dinləmələrdə erməni təşkilat ANCA da vardı. Nə Xədicə (Xədicəni azdan - çoxdan bilirik ki, ermənilərlə işbirliyinə gedir), nə də ki Türkel bu barədə etiraz bildirmədi. Bunlarda milli maraqlara xidmət deyil, xarici qüvvələrə xidmətdir”.
Azərbaycan heç bir halda özünün dövlət və milli maraqlarını ayrı-ayrı ölkələrin istək və arzularına qurban vermək niyyətində deyil 
Deyilənlər və deyiləcək sözlər çoxdur. Amma bunların heç biri mövcud gerçəkliyi dəyişdirməyəcək. Dünya nizamını pozan ikili standart bu gün də işini görür. Bu, sadəcə, insan hüquq və azadlıqlarına, demokratik norma və dəyərlərə münasibətdə özünü göstərməklə kifayətlənmir, təəssüf ki, müasir beynəlxalq münasibətlər sistemində artıq özünə yer etmiş davranış normasına çevrilməkdədir. Amma hər kəs bir həqiqəti dərk etməlidir ki, demokratik inkişaf yolunda irəliləyən Azərbaycanda ölkə Konstitusiyası, qanunları və beynəlxalq səviyyədə tərəfdar çıxdığı öhdəlikləri əsasında qanunun aliliyi, fundamental hüquq və azadlıqlar tam şəkildə təmin olunub, vətəndaş cəmiyyəti institutlarının, kütləvi informasiya vasitələrinin inkişafı üçün əsaslı tədbirlər həyata keçirilib. Azərbaycan istənilən təşkilat və dövlətlə əməkdaşlıq etməyə hazır olduğunu həmişə bəyan edir. Amma harada ki, ölkəmizin ünvanına tənqidlər qərəzli xarakter daşıyır və Azərbaycanın maraqlarına zərbə vurmaq məqsədi güdür, həmin tənqidlərin qəbulolunmazlığı açıq şəkildə ifadə edilir, istər ölkə hakimiyyəti, istərsə də cəmiyyətimiz bu cəhdlərə layiqli şəkildə cavab verir. Azərbaycan heç bir halda özünün dövlət və milli maraqlarını ayrı-ayrı beynəlxalq təşkilatların və ya ölkələrin istək və arzularına qurban vermək niyyətində deyil. 

 
  • Oxunub:  15180  |  
  • Tarix:  20-09-2016  |  
  •    Çap et   |  
Get Adobe Flash player
Birinci vitse-prezident Mehriban xanım Əliyeva Azərbaycanın inkişafına, dünyada təbliğinə sanballı töhfələr verir, sosial və humanitar sahələrdə böyük işlər görür

24 Avqust 15:14
Yeni Azərbaycan Partiyasının Masallı, Cəlilabad, Yardımlı və Biləsuvar rayon ilk təşkilat sədrləri ilə zona müşavirəsi keçirilib
24 Avqust 14:18
Prezident İlham Əliyev İslam Əməkdaşlıq Təşkilatının Baş katibini qəbul edib
24 Avqust 13:56
Əli Əhmədov: Azərbaycan hökuməti gənclərin bu günü və gələcəyi uğrunda böyük işlər görməkdədir
24 Avqust 13:48
Yeni Azərbaycan Partiyasının təşkilatçılığı ilə Masallı Olimpiya İdman Kompleksində gənclərlə görüş keçirilib
24 Avqust 13:18
Bakı 2022-ci ildə akrobatika gimnastikası üzrə dünya çempionatına ev sahibliyi edəcək
24 Avqust 13:15
Heydər Əliyev Mərkəzinin parkında estrada ulduzlarının konserti keçiriləcək
24 Avqust 13:13
Fransada G7 dövlətlərinin sammiti başlayıb
24 Avqust 13:07
Rəvan Həsənov: Azərbaycanı dünyada multikulturalizm mərkəzi kimi tanıtmaq əsas məqsədimizdir
24 Avqust 13:02
Əli Kərimli o qədər çaşıb ki, öz yalanlarına da inanmağa başlayıb
24 Avqust 12:34
Azərbaycanın hərbi orkestri ilk dəfə “Spasskaya Başnya” XII beynəlxalq hərbi musiqi festivalında təmsil olunur
24 Avqust 11:41
Mərhəmət Zirvəsini Nura Boyayan MEHRİBANlıq
24 Avqust 11:39
Vaqif Əliyev: Azərbaycan mədəniyyətlərarası dialoqun mərkəzinə çevrilmiş bir ölkədir
24 Avqust 11:34
Düşənbədə MDB ölkələri Silahlı Qüvvələrinin Qərargah Rəisləri Komitəsinin növbəti iclası keçirilib
24 Avqust 11:32
Şəmkirdə icbari tibbi sığorta ilə əlaqədar "Sığortalı ol, sağlam yaşa!" adlı maarifləndirici tədbir keçirilib
24 Avqust 11:29
Eldəniz Səlimov: Ölkəmizdə islahatlar davamlı xarakter daşıyır
24 Avqust 11:25
Vətəndaşlara Xidmət və Sosial İnnovasiyalar üzrə Dövlət Agentliyinin sədri vətəndaşlarla görüşüb
24 Avqust 09:30
Birinci vitse-prezident Mehriban xanım Əliyeva Azərbaycanın inkişafına, dünyada təbliğinə sanballı töhfələr verir, sosial və humanitar sahələrdə böyük işlər görür
24 Avqust 09:20
“Türkologiya” jurnalı ABŞ-ın “EBSCO” məlumat bazasına daxil edilib
24 Avqust 09:10
Əli Kərimli bilərəkdən gəncləri aqressiv formada fəaliyyətə təhrik edir
24 Avqust 09:08
Regionlarda kənd təsərrüfatının müxtəlif sahələrinin inkişafı istiqamətində görülən işlər öz nəticəsini verir
23 Avqust 20:18
Qadın voleybolçulardan ibarət Azərbaycan millisi Avropa çempionatına qələbə ilə başlayıb
23 Avqust 20:05
Müəllimlərin işə qəbulu üzrə müsabiqənin müsahibə mərhələsi başa çatıb
23 Avqust 20:04
Hərbi hissələrdə gənc əsgərlərə psixoloji dəstək fəaliyyətləri həyata keçirilir
23 Avqust 20:00
Putin-Makron: Rusiya ilə Aİ münasibətlərinin ziddiyyətləri azalmır
23 Avqust 19:56
Azərbaycan ilə Qayana arasında bir sıra sahələrdə əməkdaşlıq məsələləri müzakirə olunub
23 Avqust 19:34
YAP-ın İcra Katibliyində partiyanın Suraxanı, Sabunçu və Pirallahı rayonlarının ilk partiya təşkilatları sədrlərinin iştirakı ilə müşavirə keçirilib
23 Avqust 17:58
Azərbaycan Prezidenti milli bayram münasibətilə ukraynalı həmkarını təbrik edib
23 Avqust 17:48
Ailə, Qadın və Uşaq Problemləri üzrə Dövlət Komitəsi və YAP Qadınlar Şurası xeyriyyə aksiyası keçirəcək
23 Avqust 17:39
Dövlət Komitəsində Füzuli və Cəbrayılın işğalının ildönümü ilə bağlı tədbir keçirilib
23 Avqust 17:26
Vergilər naziri Qubada vətəndaşları qəbul edib
23 Avqust 17:21
Səyyad Salahlı: Din xadimləri də sosial şəbəkələrdən fəal istifadə etməlidirlər
23 Avqust 17:11
Qadın voleybolçulardan ibarət Azərbaycan millisi Avropa çempionatında mübarizə başlayıb
23 Avqust 17:09
Türkiyədə İmadəddin Nəsiminin 650 illik yubileyinə həsr olunan xatirə sikkəsi buraxılıb
23 Avqust 16:53
Beyləqanda “Pambıq yığımına hazırlıq və qarşıda duran vəzifələr” mövzusunda respublika müşavirəsi keçirilib
23 Avqust 16:48
Azərbaycanın BMT-dəki daimi nümayəndəliyi Baş katib Antonio Quterreşə məktub ünvanlayıb
23 Avqust 16:42
Əmlak Məsələləri Dövlət Komitəsində vətəndaşların müraciət və qəbulları canlı bağlantı ilə aparılacaq
23 Avqust 16:35
Məhəbbət Vəliyeva: Bu tədris ili üçün 7 mindən artıq vakant müəllim yeri var
23 Avqust 16:29
Azər Badamov: Həyata keçirilən tədbirlər nəticəsində aqra sahədə daha böyük nailiyyətlər qazanılacaq
23 Avqust 16:24
Tahir Mirkişili: Texnoloji dünyada onun sirlərini və şərtlərini daha yaxşı mənimsəyərək öz milli maraqlarımızı qorumalıyıq
23 Avqust 16:20
Pərvin Kərimzadə: Mehriban xanım Əliyevanın çoxistiqamətli fəaliyyətinin əsasında xalq sevgisi dayanır
23 Avqust 16:17
Fransanın Azərbaycanda yeni səfiri təyin olunub
23 Avqust 16:11
Ramin Quluzadə Tovuzda, birinci müavini Ağstafada vətəndaşları qəbul edib
23 Avqust 16:07
Sabah Fransada G7 sammiti başlayacaq
23 Avqust 15:47
Srisuda Vanapinyosak: Azərbaycan ilə Tailand arasında birbaşa aviareysin açılması hər iki ölkəyə turist axınını artıracaq
23 Avqust 15:42
Qusarın fındıq bağlarından 4 min tona yaxın məhsul toplanacaq
23 Avqust 15:13
Mehriban xanım Əliyeva müasir Azərbaycan qadın hərəkatının lideri kimi dövlətimizin tərəqqisi naminə geniş fəaliyyət göstərir
23 Avqust 14:54
Qarabağ müharibəsi veteranları “Qazax” əlahiddə sərhəd diviziyasında olublar
23 Avqust 14:42
Azərbaycanın xarici dövlət borcu açıqlanıb
23 Avqust 14:19
Kənd Təsərrüfatı naziri Beyləqanda vətəndaşları qəbul edib
23 Avqust 14:15
İlin sonunadək Şəkidə 13 subartezian quyusu istismara veriləcək
23 Avqust 14:10
Bu il 750-dək məcburi köçkün özünüməşğulluq proqramına cəlb olunub
23 Avqust 14:01
Vüqar Rəhimzadə: Bu gün Azərbaycan dövləti və xalqı əleyhinə satqınlardan ibarət “virtual terrorçular” fəaliyyət göstərir
23 Avqust 12:57
KOB-lar “Kapital bazarları vasitəsilə maliyyələşdirmə” mövzusunda maarifləndirilib
23 Avqust 12:54
Hava hücumundan müdafiə vasitələri döyüş atışları icra edib
23 Avqust 12:52
Naxçıvanda Dövlət Bayrağı Muzeyinin yaradılmasının beş illiyi qeyd olunub
23 Avqust 12:43
Səidə Əhmədova: Müəllimlər işə qəbul olunarkən onların psixoloji hazırlıq səviyyəsi nəzərə alınmalıdır
23 Avqust 12:37
Gənclər və İdman naziri Göygöl rayonunda vətəndaşları qəbul edib
23 Avqust 12:09
Şeyxülislam Allahşükür Paşazadə Çeçenistanda səfərdədir
23 Avqust 12:03
Şərurda icbari tibbi sığortanın tətbiqi ilə bağlı ikigünlük təlim başa çatıb
23 Avqust 12:01
UNESKO-nun Ümumdünya İrsi Siyahısına daxil olan müsəlman qəbiristanlığı
23 Avqust 11:42
“Naxçıvan” Əlahiddə Sərhəd Diviziyasında hərbi hissənin yaradılmasının 27-ci ildönümü qeyd olunub
23 Avqust 11:36
Bakı Beynəlxalq Dinlərarası və Sivilizasiyalarası Əməkdaşlıq Mərkəzi bəyanat yayıb
23 Avqust 11:31
Azərbaycanda istilik təchizatı sisteminin səmərəliliyinin artırılması mövzusunda İşçi Qrupunun iclası keçirilib
23 Avqust 11:05
Jewish Journal: Azərbaycanda qadınlara seçki hüququ verilməsinin 100 illiyi tamam olur
23 Avqust 10:40
Dünya birjalarında neftin qiyməti bahalaşıb
23 Avqust 10:13
Bu gün Xüsusi Dövlət Mühafizə Xidmətinin yaranmasının 26-cı ildönümü tamam olur
23 Avqust 10:03
Füzuli rayonunun tarixi memarlıq və arxeoloji abidələri erməni vəhşiliyinin qurbanına çevrilib
23 Avqust 10:00
Ermənistan silahlı qüvvələri atəşkəs rejimini 21 dəfə pozub
23 Avqust 09:58
Dağlıq Qarabağ bölgəsinin azərbaycanlı icması Füzuli və Cəbrayıl rayonlarının işğalının 26-cı ildönümü ilə əlaqədar bəyanat yayıb
23 Avqust 09:49
Füzuli və Cəbrayıl rayonlarının işğalından 26 il ötür

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
HAVA HAQQINDA