Ana səhifə »  KİVDF »  Enerji şəbəkələrinin dayanıqlılığının artırılması Azərbaycanın bütün bölgələrini əhatə edib
A+   Yenilə  A-
Enerji şəbəkələrinin dayanıqlılığının artırılması Azərbaycanın bütün bölgələrini əhatə edib

Həyata keçirilən tədbirlər sayəsində paylayıcı sistemdə texniki itkilər minimuma endirilib və sənayenin, aqrar sektorun, həmçinin əhali abonentlərinin elektrik enerjisinə olan tələbatı yüksək səviyyədə ödənilir
Yeni generasiya güclərinin yaradılması Azərbaycanda bütün ölkə boyu intensiv şəkildə həyata keçirilən müasir infrastruktur quruculuğuna yaxşı nümunədir. Son 15 ildə respublikamız özünün generasiya güclərini daha 2500 meqavat artırmağa nail olub. Hazırda ölkənin elektroenergetika sistemində ümumi gücü 6000 MVt-dan artıq olan 38 elektrik stansiyası fəaliyyət göstərir. Onlardan 16-sı istilik elektrik stansiyası, 12-si su elektrik stansiyası, 6-sı kiçik su elektrik stansiyası, 1-i hibrid tipli elektrik stansiyası və 3-ü günəş elektrik stansiyasıdır.
Azərbaycan enerjiyə olan daxili tələbatı tam yerli istehsal hesabına ödəyir
Qısa müddətdə çoxlu sayda generasiya güclərinin istifadəyə verilməsi ölkəmizdə yeni müsbət reallıqlar yaradıb. Məlum olduğu kimi, bir vaxtlar Azərbaycan özünün enerjiyə olan tələbatının müəyyən hissəsini ixrac hesabına ödəyirdi. Bu da respublikadan xaricə valyuta axınına səbəb olurdu. Artıq vəziyyət dəyişib. Belə ki, yeni generasiya gücləri sayəsində ölkədə əhalinin, eləcə də sənayenin və aqrar sektorun artan tələbatı yüksək səviyyədə sırf yerli istehsal hesabına ödənilir. Dövlət Statistika Komitəsinin məlumatına əsasən, 2018-ci ilin dörd ayı ərzində ölkədə 7 milyard 850,3 milyon kilovat/saat elektrik enerjisi istehsal olunub. Bu həcmin 7 milyard 23 milyon kilovat/saatı istilik elektrik stansiyalarında, 517,1 milyon kilovat/saatı su elektrik stansiyalarında, 11,3 milyon kilovat/saatı günəş elektrik stansiyalarında (GES), 5,4 milyon kilovat/saatı külək elektrik stansiyalarında (KES), 0,6 milyon kilovat/saatı isə şərti termik stansiyalarda istehsal edilib.
Energetika təsərrüfatının ölkə iqtisadiyyatının genişlənməsində müstəsna rolu nəzərə alınaraq 2018-ci ildə də yeni generasiya güclərinin yaradılması istiqamətində işlər davam etdirilir. Cari ildə 400 meqavat gücə malik “Şimal-2” elektrik stansiyasının istifadəyə verilməsi nəzərdə tutulub.
Yeni generasiya gücləri sayəsində respublikamızın müəyyən həcmlərdə ixrac potensialının yaranması da qürurverici haldır. Cari ilin yanvar-aprel aylarında Azərbaycandan 987 milyon 949 min kilovat/saat elektrik enerjisi ixrac olunub. Dövlət Gömrük Komitəsindən (DGK) bildirilib ki, ötən 4 ayda ixrac olunan elektrik enerjisinin dəyəri 47 milyon 303 min ABŞ dolları təşkil edib.
Xatırladaq ki, 2017-ci ilin müvafiq dövründə ölkədən 387 milyon 406 min kilovat/saat elektrik enerjisi ixrac edilib, ixracın dəyəri isə 16 milyon 535 min dollar olub. Beləliklə, bu ilin yanvar-aprel aylarında Azərbaycandan elektrik enerjisinin ixracı keçən ilin eyni dövrü ilə müqayisədə 2,5 dəfədən çox artıb.
Qərb bölgəsində yeni yarımstansiyalar tikilir, hava xətləri yenilənir
Ölkədə yeni generasiya güclərinin yaradılması ilə paralel şəkildə, paylayıcı şəbəkənin dayanıqlılığının artırılması da diqqət mərkəzində saxlanılır. Bu istiqamətdə işlər ölkənin bütün regionlarını əhatə edir. “Azərişıq” Açıq Səhmdar Cəmiyyəti (ASC) paylayıcı şəbəkədə tikinti, yenidənqurma və bərpa işlərininin miqyasını respublikanın digər bölgələrində olduğu kimi, Qərb regionunda da getdikcə genişləndirir. Burada istismar müddətini başa vurmuş elektrik şəbəkələri yenidən qurulur. Texniki itkilərin səviyyəsinin minimuma endirilməsi, kənd təsərrüfatı, sənaye, turizm obyektlərinin, o cümlədən əhalinin keyfiyyətli və fasiləsiz elektrik enerjisi ilə təmin edilməsi üçün 2018-ci ilin birinci rübündə Qərb regionunda bir sıra yenidənqurma işləri həyata keçirilib və hazırda bu istiqamətdə işlər davam etdirilir.
Belə ki, Gəncə şəhərində yeni salınmış yaşayış massivinin qidalandırılması üşçün 35/10 kV-luq “Məhsəti” yarımstansiyası tikilərək istifadəyə verilib.Yarımstansiyanı elektrik enerjisi ilə təchiz etmək məqsədilə 110/10 kV-luq “Yeni Gəncə” yarımstansiyasından iki dövrəli 3,1 km uzunluğunda 35 kV-luq yeraltı kabel xətti çəkilib. Sözügedən qəsəbədə yeni 10 kV-luq hava xətti çəkilib və 5 ədəd komplekt transformator məntəqəsi şəbəkəyə qoşulub. Bundan başda, 35/6 kV-luq “Vağzalyanı-1” yarımstansiyası yenidən qurularaq istifadəyə verilib. Hazırda Gəncə şəhərindəki 110/10 kV-luq “Mərkəz” yarımstansiyası yenidən qurulur. Eyni zamanda, şəhərdəki yeni yaşayış massivlərinin, sənaye obyektlərinin elektrik enerjisi ilə təchiz edilməsi üçün yeni komplekt transformator məntəqələri quraşdırılır, hava xətləri çəkilir.
Göygöl rayonunda texniki itkilərin minimuma endirilməsi, dayanıqlı elektrik enerjisi təchizatının təmin edilməsi istiqamətində aparılan işlər çərçivəsində Nadel, Almədətli, Xəqani, Quşqara, Balçılı kəndlərində 10 kV-luq şəbəkə yenidən qurulub. Rayonun Əzgilli, Pənahlılar və Üçtəpə kəndlərində 0,4 kV-luq hava xətləri Özünüdaşıyan İzolyasiyalı Naqillərlə (ÖİN) əvəzlənib və hazırda yenidənqurma işləri davam edir.
Ümumilikdə 2018-ci ilin birinci rübündə Samux rayonunun Çobanabdallı, Şəmkir rayonunun Təzəkənd, Günəş, Qarabağlılar, Fizuli, Daşkəsən rayonunun Bayan-Nasos, Dərə-Zağalı, Gülbulaq, Şahvələdli, Əhmədli, Ağstafa rayonunun Zəlimxan, Köçəsgər, Tovuz rayonunun Humanlar, Əlimərdanlı, Qazax rayonunun Xanlıqlar, Çaylı, Daş Salahlı, Gədəbəy rayonunun Yenikənd, Göyərli kəndlərində və rayon mərkəzilərində 0,4 kV-luq hava xətləri yenidən qurularaq standartlara cavab verən ÖİN xətlərlə əvəz edilib, bir çox yerlərdə köhnə sayğacların əvəzinə yeni sayğaclar quraşdırılıb. Hazırda sözügedən rayonlarda 0,4 kV-luq elektrik şəbəkələrinin ÖİN kabellərlə əvəzlənməsi işləri davam etdirilir, yeni avadanlıqlar (dayaqlar, SİP kabellər, KTM-lər və s.) qurlaşdırılır, sayğaclar dəyişdirilir.
Mərkəzi Aran regionunda elektrik şəbəkələri yenidən qurulur
“Azərişıq” Açıq Səhmdar Cəmiyyətinin mətbuat xidmətindən verilən məlumata əsasən, Mərkəzi Aran Regional Elektrik Təchizatı və Satış İdarəsinin (RETSİ) xidməti ərazisindəki elektrik şəbəkələri, o cümlədən Tərtər rayonunda 110/35/6 kv-luq “Tərtər”, Ağdaş rayonunda isə 110/35/10 kv-luq “Ağdaş” yarımstansiyası əsaslı şəkildə yenidən qurulur.
Mingəçevir Elektrik Şəbəkəsinin xidməti ərazisində 35/6 kV-luq “Yeni Mingəçevir” yarımstansiyası tikilərək istifadəyə verilib. Eyni zamanda, “Yeni Mingəçevir” yarımstansiyasını qidalandırmaq üçün yüksək gərginlikli 35 kv-luq 2 dövrəli yeraltı kabel və 6 kv-luq 2 dövrəli hava xətti çəkilib. Bundan başqa, şəhər istiqmətində 6 kV-luq 2 hava xətti yenidən qurulub, 2 hava xəttində isə yenidənqurma işləri davam etdirilir.
Yevlax rayonunda da “Yeni Mingəçevir” yarımstansiyasından qidalanan 6 kv-luq Mingəçevir şəhəri ətrafında yerləşən kəndləri qidalandıran 14 və 54 saylı hava xətləri yenidən qurulub, yeni 2 dövrəli hava xətti çəkilib. Həmin xətlərin üzərində olan Havarlı, Bəydilli, Hacıselli, Marzılı, Gülövşə, Əkşəm, A.Bucaq, Yenicə, Aşağı Salamabad, Yuxarı Salamabad və Əcəmi kəndlərində köhnə 0.4 kv-luq hava xətləri Özünüdaşıyan İzolyasiyalı Naqillərlə əvəz olunub və bu ərazilərdə 43 ədəd yeni Komplekt Transformator Məntəqəsi quraşdırılıb. O cümlədən rayonun Qaraməmmədli və Meyvəli kəndlərində 0.4 kv-luq hava xətləri ÖİN kabel xətləri ilə əvəzlənib. Hazırda bu qəbildən olan işlər Kövər kəndində davam etdirilir.
Bərdə rayonunun Lənbəran kəndində 0.4 kv-luq hava xətləri ÖİN kabel xətləri ilə tam yenidən qurulub, 6 ədəd yeni KTM quraşdırılıb. Qasımbəyli, Otuzikilər, Hacallı, Qaradəmirçi, Zümürxan, Uğurbəli Qarayusfli, Bala Göyüşlü, Böyük Qəcər kəndlərinin bir hissəsində 0.4 kv-luq hava xətləri ÖİN kabel xətləri ilə əvəz olunub, köhnə sayğaclar yenilər ilə dəyişdirilib. Hazırda Xanərəb kəndində 10 və 0.4 kv-luq EVX-lərində yenidənqurma işləri aparılır.
Göyçay Elelktrik Şəbəkəsinin xidməti ərazisində Mollahacılı, Bəydövül, Şıxbəy, Yalman, Potu kəndlərində 0.4 kv-luq hava xətləri ÖİN kabel xətləri ilə əvəz edilib. Hazırda Qarayazı kəndində də 10 və 0.4 kv-luq EVX-lərdə yenidənqurma işləri aparılır. EVX-lərdə yenidənqurma işləri həmçinin Goranboy rayonunun Abbasqulular kəndindəki 10 və 0.4 kv-luq şəbəkədə də həyata keçirilir.
Ucar Elektrik Şəbəkəsinin xidməti ərazisində rayonun Gərabəyli, Qazqumlaq və Bərgüşad kəndlərində 0.4 kv-luq hava xətlərinin bir hissəsi ÖİN kabellə, həmçinin köhnə sayğaclar yeni sayğaclarla əvəzlənib. Türkəçi kəndində isə hava xətləri tamamilə ÖİN kabellərlə dəyişdirilib.
Ağsu Elektrik Şəbəkəsinin xidməti ərazisində rayonun Abbasxanlı, Cəlayir, Kəndoba və Gəgəli kəndlərininin bir hissəsində də 0.4 kv-luq hava xətləri ÖİN kabellərlə əvəz olunub və köhnə sayğaclar yeniləri ilə dəyişdirilib. Yenidənqurma işləri Ağsu rayonunun mərkəzi hissəsində də aparılıb və yeni KTM-lər qurlaşdırılıb.
Kürdəmir rayonunun Qarasaqqallı, Xırdapay, Atakişili, Axtacı-Qarabucaq, Yeni Şıxımlı, Çərtəyəz kəndlərində və şəhərətrafı ərazilərdə hava xətləri də yenidən qurulub. Yenidənqurma işləri Sorsor kəndində davam etdirilir. Burada 10 və 0.4 kv-luq hava xətlərində yenidənqurma işləri aparılır.
Ağdaş rayonunda 10 kv-luq Xosrov hava xəttindən qidalanan Qülbəndə kəndi ərazisində 10 və 0.4 kv-luq hava xətləri yenidən qurulur. Son bir neçə ay ərzində Ağdaş rayonunun Qaradağlı, Aralbir, Eymur, Qaradeyin kəndlərinin bir hisəsində 0.4 kv-luq hava xətləri ÖİN kabel xətləri ilə əvəz olunub, köhnə sayğaclar yeni sayğclarla əvəzlənib.
Enerji şəbəkələrində yenidənqurma işləri respublikanın şimal bölgəsini də əhatə edib
Paylayıcı elektrik şəbəkələrində aparılan yenidənqurma işləri respublikanın şimal bölgəsini də əhatə edib. Burada ayrı-ayrı kənd və qəsəbələr üzrə istismar müddətini başa vurmuş yarımstansiyalar, transformator məntəqələri, hava elektrik verilişi xətləri yenidən qurulur. 2018-ci ilin əvvəlindən bəri Xızı rayonunun ərazisində 35 kV-luq “Baxışlı” yarımstansiyasının tikintisi yekunlaşaraq Yaşma kəndi ərazisində 2 km uzunluğunda yeni 20 kV-luq “Su anbarı” hava xətti çəkilib. Su anbarını qidalandırmaq üçün 20/0,4 kV-luq yarımstansiyanın tikintisi davam etdirilir.

Quba rayonunda 35 kV-luq “Mirzəqışlaq” yarımstansiyası tikilib və 4,2 km uzunluğunda 35 kV-luq hava xətti çəkilib. Hazırda Quba rayonunun Barlı və Vəlvələ kəndlərində yeni Komplekt Transformator Məntəqələri qurlaşdırılır və onların ətrafı Özünüdaşıyan İzolyasiyalı Naqillərlə yenidən qurulur.
Siyəzən rayonunun mərkəzində 35 kV-luq yeni yarımstansiya inşa edilib və 4 km uzunluğunda 35 kV-luq hava xətti çəkilib. Rayonun Altıağac hava xəttinin bir hissəsində 35 kV-luq dayaqlar dəyişdirilib, həmçinin Yaşma ərazisində 35 kV-luq yüksək gərginlikli elektrik dayaqları yenilənib.
Xaçmaz rayonunun Köhnə Xudat və Qobuqırağı kəndlərində yeni KTM-lər qurlaşdırılır, 0,4 kV-luq naqillər ÖİN kabellərlə əvəzlənir. Yeni KTM-lərin qurlaşdırılması və aşağı gərginlikli hava elektrik verilişi xətlərinin yenidənqurulması işləri Qusar rayonunun Balaqusar kəndində və Şabran rayonunun mərkəzində də həyata keçirilir.
Cənub regionunun elektrik şəbəkələrində görülən işlər jurnalistlərdə zəngin təəssürat oyadıb
Xəbər verildiyi kimi, “Azərişıq” ASC bu günlərdə jurnalistlər üçün cənub regionuna mediatur təşkil edib. Mediatur çərçivəsində jurnalistlər cənub regionunun ayrı-ayrı yaşayış məntəqələri üzrə elektrik şəbəkələrində görülən işlərlə tanış olublar. Ən yüksək standartlar səviyyəsində görülən işlər jurnalistlərdə zəngin təəssüratlar yaradıb. “Azərişıq” ASC-nin mətbuat xidmətindən bildirilib ki, Cənub Regional Elektrik Təchizatı və Satış İdarəsinin (RETSİ) xidməti ərazisindəki istismar müddətini başa vurmuş yarımstansiyalardan tutmuş elektrik hava xətlərinə qədər bütün istiqamətlərdə şəbəkələr hissə-hissə yenidən qurulur. Məsələn, Masallı rayonunun ərazisində 35 kV-luq Alvadı yarımstansiyası tam yenidən qurularaq istismara verilib. Eyni zamanda, Alvadı kəndində 35 kv-luq yüksək gərginlikli, 10 kV-luq orta gərginlikli hava xətləri yenidən qurulub. Təzə Alvadı, Ləngan, Təklə, Xoşçobanlı, Mollahəsənli, Sığıncaq kəndlərinin 0.4 kV hava xətləri ÖİN kabellərlə əvəzlənib, ərazilərə yeni KTM-lər qurlaşdırılıb. Hazırda 35/10 kV-luq “Qarğalıq” yarımstansiyasından qidalanan 10 kV-luq Həsənli və Xırmandalı kənd hava xətləri yenidən qurulur, Boradigah qəsəbəsində 0,4 kV-luq hava xətti ÖİN kabellərlə əvəzlənir.
Lənkəran Elektrik Şəbəkəsində isə 35 kV-luq Səpnəkəran yarımstansiyası yenidən qurularaq istismara hazır vəziyyətə gətirilib. Bu yarımstansiyadan çıxan və Yuxarı Nüvədi, Mis kəndləri istiqamətində gedən 4 ədəd 10 kV-luq hava xətti tam yenilənib. Habelə Lənkəran Elektrik Şəbəkəsinin Yuxarı Nüvədi, Səpnəkəran, Şürük, Tütəbeştə, Moğonojba, Türkəkəran, Şıxəkəran, Xolmili, Seydəkəran, Kənarmeşə, Viyən, Aşağı Nüvədi qəsəbəsinin 0.4 kV-luq hava xətləri Özünüdaşıyan İzolyasiyalı Naqillərlə əvəzlənib, kəndlərə yeni KTM-lər qurlaşdırılıb. Hazırda 110 kV-luq “Lənkəran 2” yarımstansiyasının yenidənqurma işləri davam etdirilir, Xolmili, Şıxəkəran, Şağlaser kəndlərində yeni Komplekt Transformator Məntəqələri quraşdırılır.
Astara rayonunun Şahağacı kəndində elektrik xətlərinin böyük hissəsi tam yenidən qurulub, yeni sayğacların quraşdırılması və əvəzlənməsi işləri aparılıb.
Lerik rayonunun Andurma və Şingədulan kəndlərinin də 0.4 kV-luq hava xətləri Özünüdaşıyan İzolyasiyalı Naqillərlə əvəzlənərək yenidən qurulub və hazırda anoloji proses rayonun Orand kəndində aparılır.
Cəlilabad rayonunda 110 kV-luq “Cəlilabad-2” yarımstansiyası yenidən qurulur, Köçəkli kəndlərində 0,4 kV-luq şəbəkə Özünüdaşıyan İzolyasiyalı Naqillərlə əvəzlənərək sayğaclar çölə çıxarılır.
Yardımlı rayonunun mərkəzində də yeni Komplekt Transformator Məntəqələri qurlaşdırılır, 0,4 kV-luq şəbəkə Özünüdaşıyan İzolyasiyalı Naqillərlə əvəz edilir.
Biləsuvar rayonunun Köhnə Əmənkənd, Əliabad, Xırmandalı kəndlərində 0,4 kV-luq şəbəkə yenidən qurulub, hazırda Bəydilli kəndində Komplekt Transformator Məntəqələri (KTM) qurlaşdırılması üçün 0,4 kV-luq dayaqlar yenilənir.
Müştəri məmnunluğuna xidmət edən yeniliklər diqqət mərkəzində saxlanılır
“Azərişıq” abonentlərə göstərilən müxtəlif növ xidmətlərin səviyyəsini yüksəltməyi, müştəri məmnunluğuna səbəb ola biləcək yenilikləri daim diqqət mərkəzində saxlayır. Son günlərdə “Azərişıq” ASC-nin “ASAN xidmət” və “ASAN kommunal” vasitəsi ilə abonentlərə göstərdiyi xidmətlərin sırasına daha 2 xidmət əlavə olunub. Belə ki, ölkədəki bütün “ASAN xidmət” və “ASAN kommunal” mərkəzlərində “yük hesabatının hazırlanması” (elektrik enerjisinin gücü və keyfiyyət göstəriciləri barədə sənəd) və “istehlakçının balansında olan elektrik şəbəkələrinə, onların avadanlıqlarına texniki xidmətin göstərilməsi” adlı 2 yeni xidmət fəaliyyətə başlayıb.
Qeyd edək ki, “yük hesabatının hazırlanması” üçün ərizə-blank və müraciət edən şəxsin şəxsiyyət vəsiqəsi tələb olunur. Bu xidmət sifarişçinin tələbinə uyğun olaraq dərhal və ya 2 gün ərzində həyata keçirilir.
“İstehlakçının balansında olan elektrik şəbəkələrinə və avadanlıqlarına texniki xidmətin göstərilməsi” üçün ərizə-blank və müraciət edən şəxsin şəxsiyyət vəsiqəsi tələb olunur. Xidmətin müddəti isə işin həcmindən asılı olaraq müqavilə əsasında müəyyən edilir. Beləliklə “Azərişıq” ASC-nin “ASAN xidmət” və “ASAN kommunal” vasitəsi ilə göstərdiyi xidmətlərin sayı 11-dən 13-ə yüksəlib.
Bundan başqa, məlum olduğu kimi, Nazirlər Kabineti “Tikinti obyektlərinin enerji təchizatı şəbəkəsinə qoşulmasına görə qoşulma haqqı məbləği”nin təsdiq edilməsi barədə yeni qərar verib. Bununla da “Azərişıq” ASC-nin “ASAN xidmət” və “ASAN kommunal” vasitəsi ilə bu günə qədər xidmət göstərdiyi “qeyri-əhali abonentinin enerji təchizatı şəbəkəsinə qoşulması” xidmətində yeniliklər edilərək vahid tarif tətbiq olunub.
“ASAN xidmət” vasitəsi ilə elektrik şəbəkəsinə qoşulanların sayı sürətlə artır
Cari ilin aprel ayında sahibkarlıq obyektlərinin elektrik şəbəkəsinə qoşulması üçün “Azərişıq” ASC-yə ölkə ərazisindəki “ASAN xidmət” və “ASAN kommunal” mərkəzləri vasitəsi ilə rekord sayda müraciət daxil olub. Belə ki, cari ilin aprel ayında 400-ə yaxın sahibkar elektrik şəbəkəsinə qoşulmaqla bağlı “Azərişıq” ASC-yə müraciət edib ki, bu da ötən ilin müvafiq dövrü ilə müqayisədə 4 dəfə artım deməkdir.
İşin operativ və səmərəli qurulması üçün “Azərişıq” ASC-nin strukturunda “Perspektiv İnkişaf və “ASAN xidmət”lə iş idarəsi” yaradılıb. “Azərişıq” ASC-nin elektron xəritəsinin imkanlarından istifadə olunmaqla “ASAN xidmət” mərkəzlərində əraziyə getmədən, dərhal yerindəcə məkanın coğrafi mövqelərinin müəyyən edilməsi, ölçülmələrin aparılması və iş planı layihələndirilərək sənədləşmənin yerinə yetirilməsi təmin edilib. “Azərişıq” ASC-nin rəsmi saytında “Elektrik şəbəkəsinə necə qoşulaq” adlı xüsusi bölmə yaradılıb və texniki şərtlərin verilməsinin yenilənmiş qaydaları əks olunub. Əvvəllər elektrik şəbəkəsinə qoşulma ilə bağlı sahibkarların müraciəti paytaxtdakı “ASAN kommunal” mərkəzlərində qəbul olunurdusa, ötən ilin sonundan etibarən ölkənin bütün regionlarında fəaliyyət göstərən “ASAN xidmət” mərkəzlərində sahibkarların müraciətlərinə baxılır. Sahibkarlıq obyektlərinin elektrik şəbəkəsinə qoşulması prosedurlarının sayı 7-dən 3-ə, şəbəkəyə qoşulma müddəti isə 69 gündən 24 günə endirilib.
Naxçıvanın enerji tələbatı 100 faiz həcmində bərpa olunan enerji hesabına ödəniləcək
Son illərdə bütün dünyada bərpa olunan mənbələrdən enerji alınmasına diqqət artıb. Hazırda dünya üzrə elektrik enerjisinin ümumi həcminin 20 faizi məhz bərpa olunan mənbələrdən alınır.
Bərpa olunan mənbələrdən elektrik enerjisi alınması Azərbaycanda da diqqət mərkəzində saxlanılır. Yaxın perspektivdə Naxçıvan Muxtar Respublikası enerjiyə olan tələbatını 100 faiz həcmində bərpa olunan enerji hesabına ödəyə bilər. Bu, hazırda Muxtar Respublikada tikilməkdə olan 36 meqavat gücündə Ordubad Su Elektrik Stansiyası işə düşəndən sonra mümkün olacaq.
Yeri gəlmişkən qeyd edək ki, bu günlərdə Prezident İlham Əliyev “Ordubad Su Elektrik Stansiyasının tikintisi ilə bağlı tədbirlər haqqında” Sərəncam imzalayıb. Sərəncamda vurğulanır ki, sosial-iqtisadi inkişaf üçün xüsusi əhəmiyyət kəsb edən elektrik enerjisi sistemində yeni qurğuların inşası, ötürücü və paylayıcı şəbəkələrin yaradılması ölkəmizdə innovativ texnologiyaların tətbiqi əsasında daha da təkmilləşdirilir. Son illərdə bu sahədə ayrı-ayrı Dövlət proqramları çərçivəsində icra edilən tikinti-quruculuq işləri generasiya potensialını əhəmiyyətli dərəcədə artırmış, ötürücü və paylayıcı infrastrukturu genişləndirmişdir. Ölkə ərazisində, o cümlədən Naxçıvan Muxtar Respublikasında yeni elektrik stansiyalarının istismara verilməsi həyata keçirilən sosial-iqtisadi siyasətin uğurla davam etdirilməsinə zəmin yaradır. Dövlət başçısının imzaladığı sənədə əsasən, gücü 36 MVt olan Ordubad Su Elektrik Stansiyasının tikintisinin davam etdirilməsi məqsədilə Azərbaycan Respublikası Prezidentinin 2018-ci il 22 yanvar tarixli 3593 nömrəli Sərəncamı ilə təsdiq edilmiş “Azərbaycan Respublikasının 2018-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.31.2-ci yarımbəndində göstərilmiş məbləğin 10,0 (on) milyon manatı Naxçıvan Muxtar Respublikasının Nazirlər Kabinetinə ayrılıb.


Mübariz ABDULLAYEV

 
  • Oxunub:  6240  |  
  • Tarix:  22-05-2018  |  
  •    Çap et   |  
Get Adobe Flash player
Ölkəmizdə xüsusi qayğıya ehtiyacı olan vətəndaşlara dövlət tərəfindən yüksək diqqət və qayğı göstərilir

14 Oktyabr 21:44
Mədəniyyət naziri Bakı şəhərində vətəndaşları qəbul edib
14 Oktyabr 21:41
Azərbaycan Prezidenti İlham Əliyev Macarıstanın Baş Naziri Viktor Orban ilə görüşüb
14 Oktyabr 21:36
Orta İxtisas Polis Məktəbi üçün yeni tədris kompleksi istifadəyə verilib
14 Oktyabr 21:31
Türk Şurasının VII Zirvə Görüşü çərçivəsində Bakıda biznes forum keçirilib
14 Oktyabr 21:23
Azərbaycan Prezidenti İlham Əliyevin Qırğızıstan Prezidenti Sooronbay Jeenbekov ilə görüşü olub
14 Oktyabr 21:18
Dağlıq Qarabağın azərbaycanlı icmasının üzvləri ABŞ Konqresinin Nümayəndələr Palatasına etiraz məktubu göndərib
14 Oktyabr 21:12
MDB dövlətlərinin əmək, məşğulluq və əhalinin sosial müdafiəsi üzrə Məşvərət Şurasının üzvləri DOST Agentliyində olublar
14 Oktyabr 21:07
Rəcəb Tayyib Ərdoğan: Başda Azərbaycan olmaqla “Sülh çeşməsi” əməliyyatında yanımızda olan hər kəsə təşəkkür edirəm
14 Oktyabr 21:01
Bədii Şura AzTV-də işin düzgün və səmərəli qurulmasını prioritet hesab edir
14 Oktyabr 20:54
Polşa Azərbaycanlılarının Koordinasiya Şurası yaradılıb
14 Oktyabr 20:51
MDB-nin əmək, məşğulluq və əhalinin sosial müdafiəsi üzrə Məşvərət Şurasının iclasında Azərbaycanın tibbi-sosial ekspertiza və reabilitasiya üzrə elektron sisteminin təqdimatı olub
14 Oktyabr 20:45
Azərbaycanla Özbəkistan maliyyə və büdcə idarəetməsi sahəsində əməkdaşlığa dair müzakirələr aparıb
14 Oktyabr 20:42
Prezident: Azərbaycanla Türkiyə nə qədər güclü olarsa, xaricdəki soydaşlarımız da bir o qədər güclü olacaq
14 Oktyabr 20:32
Mələk Çakmak: FAO Azərbaycanın Kənd Təsərrüfatı Nazirliyinə bütün sahələrdə müvafiq dəstək göstərməyə hazırdır
14 Oktyabr 20:30
Azərbaycan və Qazaxıstan hökumətləri arasında miqrasiya sahəsində əməkdaşlıq sazişi imzalanıb
14 Oktyabr 20:25
Rəcəb Tayyib Ərdoğan: Türkdilli Dövlətlərin Əməkdaşlıq Şurası bütün türklərin birləşdiyi təşkilatdır
14 Oktyabr 17:55
Litvanın Druskininkay şəhərinin meri ulu öndər Heydər Əliyevin məzarını və Şəhidlər xiyabanını ziyarət edib
14 Oktyabr 17:49
Əli Əhmədov: Əsas gözləntimiz türk dövlətlərinin birliyinin daha da gücləndirilməsindən ibarətdir
14 Oktyabr 17:46
Nazir: Özbəkistan Mərkəzi Asiya ölkələrini Şərqi Avropa ilə birləşdirən yeni nəqliyyat dəhlizlərinin yaradılmasında maraqlıdır
14 Oktyabr 17:45
Uğurlu və ardicil inkişaf illəri
14 Oktyabr 17:41
Gənclər işğaldan azad olunmuş Şıxarx qəsəbəsinə “Qarabağ bizimdir, bizim olacaq” şüarı ilə yürüş ediblər
14 Oktyabr 17:39
Leyla Abdullayeva: Konstantin Zatulinin Xankəndidə keçirilən “forumda” iştirakı onun Azərbaycan əleyhinə yönəlmiş növbəti təxribatıdır
14 Oktyabr 17:36
Bakıda Beynəlxalq Nəqliyyat Forumunun Avtomobil Nəqliyyatı Qrupunun növbəti iclası işə başlayıb
14 Oktyabr 17:23
İlham Əliyev Nikol Paşinyanın “tsexakronist” olduğunu necə ifşa etdi?
14 Oktyabr 17:19
Türk Şurasının VII Zirvə Görüşündə Macarıstanın Baş Naziri Viktor Orban da iştirak edəcək
14 Oktyabr 17:14
ADU-nun rektoru Fransa səfiri ilə görüşüb
14 Oktyabr 17:03
“Qlobal medianın inkişaf trendləri: Risklər və imkanlar” mövzusunda Bakı Beynəlxalq Media Konfransı keçirilib
14 Oktyabr 17:01
Səkkiz ayda Azərbaycanla Özbəkistanın ticarət dövriyyəsi 63 faiz artıb
14 Oktyabr 16:51
Azərbaycan Ordusunda “NATO günləri” başlayıb
14 Oktyabr 16:48
Qazaxıstanın birinci Prezidenti, Türk Şurasının fəxri sədri Nursultan Nazarbayev Azərbaycana gəlib
14 Oktyabr 16:46
Türk Şurası fəaliyyətini gücləndirir
14 Oktyabr 16:29
Azərbaycanın və Qazaxıstanın daxili işlər orqanları arasında əməkdaşlığın inkişafı məsələləri müzakirə olunub
14 Oktyabr 16:28
YAP Beynəlxalq əlaqələr şöbəsinin müdiri Sevinc Fətəliyeva Venesuela Bolivar Respublikasının ölkəmizdəki səfiri ilə görüşüb
14 Oktyabr 16:20
Mərkəzi Seçki Komissiyası seçki hüququ üzrə ixtisaslaşdırılmış kurslara başlayır
14 Oktyabr 16:14
Demoqrafik inkişafa dair proqnozlara uyğun olaraq pensiya sisteminin inkişaf planları işlənilir
14 Oktyabr 16:11
Qırğızıstan Prezidenti Sooronbay Jeenbekov Azərbaycana səfərə gəlib
14 Oktyabr 16:04
Azərbaycan Prezidenti İlham Əliyev Türkiyə Prezidenti Rəcəb Tayyib Ərdoğan ilə görüşüb
14 Oktyabr 15:59
Azərbaycan Türkdilli Dövlətlərin Əməkdaşlıq Şurasına üzv ölkələrin iqtisadiyyatına 15,3 milyard dollar investisiya yatırıb
14 Oktyabr 15:52
Bakıda Beynəlxalq Türk Mədəniyyəti və İrsi Fondunun yeni inzibati binasının açılışı olub
14 Oktyabr 15:46
Vüqar Rəhimzadə: Azərbaycan Prezidenti Paşinyanın iddialarını darmadağın etdi
14 Oktyabr 15:31
Türkiyə Prezidenti Rəcəb Tayyib Ərdoğan Azərbaycanda səfərdədir
14 Oktyabr 15:22
Akademik Vasim Məmmədəliyevlə vida mərasimi keçirilib
14 Oktyabr 15:16
“Azərxalça”nın Ağdam filialında “Qarabağ da, Qarabağ xalçası da Azərbaycanındır” mövzusunda tədbir keçirilib
14 Oktyabr 15:15
Nazirlik rəsmisi: Azərbaycanda elektron ticarət vahid sənəd çərçivəsində inkişaf etdiriləcək
14 Oktyabr 15:10
Azərbaycan Prezidenti İlham Əliyevin və Özbəkistan Prezidenti Şavkat Mirziyoyevin görüşü olub
14 Oktyabr 15:07
Paytaxt məktəblisi şahmat üzrə dünya çempionu oldu
14 Oktyabr 15:03
Azərbaycan və Latviyanın daha iki şəhəri qardaşlaşacaq
14 Oktyabr 15:01
“ASAN xidmət”də Yaponiyanın mədəniyyət günləri keçirilib
14 Oktyabr 14:59
Nazir Ketevan Tsxelaşvili: Azərbaycan ilə Gürcüstan arasında həlli mümkün olmayan məsələ yoxdur
14 Oktyabr 14:57
Polşada Azərbaycan icması ilə görüş keçirilib
14 Oktyabr 14:49
Ramiz Həsənov: Türk Şurasının Macarıstanda ofisinin açılması təşkilatın Aİ ilə əlaqələrinin güclənməsinə imkan yaradacaq
14 Oktyabr 14:32
Əli Əhmədov: Torpaqlarımız işğaldan azad olunana qədər “Qarabağ Azərbaycandır!” hərəkatı cəmiyyətimizin milli ideyası olaraq qalacaq
14 Oktyabr 14:31
Səməd Seyidov: Azərbaycanın milli maraqlarının qorunması istiqamətində ən güclü silahlarımızdan biri Prezidentin şəxsi keyfiyyətləridir
14 Oktyabr 14:24
Ağcabədidə Prezident İlham Əliyevin “Qarabağ Azərbaycandır və nida işarəsi” mesajına dəstək məqsədilə yürüş-mitinq keçirilib
14 Oktyabr 14:21
Özbəkistan Prezidenti Şavkat Mirziyoyev Azərbaycana səfərə gəlib
14 Oktyabr 14:20
Bakıda Türk Şurasının Xarici İşlər Nazirləri Şurasının 7-ci iclası keçirilib
14 Oktyabr 14:17
Tural Gəncəliyev: Dağlıq Qarabağ erməni icmasının yeganə çıxış yolu bayrağımız altında yaşamağa razılıq verməkdir
14 Oktyabr 14:11
Yeni Azərbaycan Partiyasının İcra Katibliyində “Qarabağ Azərbaycandır!” mövzusunda konfrans keçirilib
14 Oktyabr 14:10
DİN post-patrul xidmətinə qəbulla əlaqədar müsabiqə elan edir
14 Oktyabr 14:05
Türkiyə Prezident Administrasiyası: Türkdilli ölkələrin əməkdaşlığının güclənməsi bütün regionun xeyrinədir
14 Oktyabr 14:00
Azərbaycan və Türkiyə Xarici İşlər nazirlərinin görüşü olub
14 Oktyabr 13:58
Ərdoğandan Bakıya səfəröncəsi bəyanat: Türkiyə türkdilli ölkələrlə münasibətləri ilə fəxr edir
14 Oktyabr 13:54
Əli Əhmədov: Ermənistanın faşist ideologiyasına əsaslanan siyasət apardığını Prezident İlham Əliyev sübuta yetirdi
14 Oktyabr 13:42
Azərbaycan nümayəndəsi Bern Konvensiyasına qoşulan dövlətlərin Assambleyasına sədr seçilib
14 Oktyabr 13:39
Oktyabrın 15-də paytaxtda 26 dərəcə isti olacaq
14 Oktyabr 13:07
Azərbaycanın Xarici İşlər naziri macarıstanlı həmkarı ilə görüşüb
14 Oktyabr 12:48
Özbəkistanın milli informasiya agentliyi Azərbaycanla əlaqələrin inkişafından bəhs edən müsahibə yayıb
14 Oktyabr 12:17
Darxan Kıdırali: Azərbaycan Türk Akademiyasının fəaliyyətinə hər zaman dəstək verir
14 Oktyabr 12:14
Azərbaycan-Qırğızıstan əməkdaşlıq əlaqələri müzakirə edilib
14 Oktyabr 11:48
Akademik Vasim Məmmədəliyevlə vida mərasimi keçiriləcək

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
HAVA HAQQINDA
Bakı
gündüz+23 +26
gecə+15 +18