Ana səhifə »  İqtisadiyyat »  Azərbaycanda həyata keçirilmiş məqsədyönlü tədbirlər nəticəsində qeyri-neft sektoru inkişaf edib, ölkənin ixrac potensialı artıb
A+   Yenilə  A-
Azərbaycanda həyata keçirilmiş məqsədyönlü tədbirlər nəticəsində qeyri-neft sektoru inkişaf edib, ölkənin ixrac potensialı artıb

Prezident İlham Əliyev: Xüsusilə qeyri-neft ixracı ilə bağlı atılmış addımlar artıq öz gözəl nəticələrini verməkdədir
Azərbaycanda son illərdə qlobal məkanda müşahidə edilən mənfi proseslərin, o cümlədən də dünya birjalarında neftin qiymətinin kəskin ucuzlaşmasının milli iqtisadiyyatımıza təsirlərini neytrallaşdırmaq və ölkənin davamlı inkişafını bundan sonra da təmin etmək məqsədilə ötən ildən başlayaraq məqsədyönlü tədbirlər həyata keçirilir. Prezident İlham Əliyevin siyasi iradəsi əsasında ölkədə iqtisadi aktivliyin artırılması, o cümlədən də biznes mühitinin optimallaşdırılması, bütün sahələrdə şəffaflığa nail olunması, idarəetmənin təkmilləşdirilməsi, əhalinin məşğulluğunun təmin edilməsi və digər istiqamətlər üzrə genişməzmunlu islahatlar həyata keçirilib, iqtisadiyyatın əsas sektorları üzrə strateji yol xəritələri təsdiqlənib. Görülən tədbirlər artıq öz nəticəsini verir. Belə ki, milli iqtisadiyyatımızda sabitlik təmin edilib və cari ilin ilk üç ayında ayrı-ayrı istiqamətlər üzrə müsbət nəticələr əldə olunub.
Azərbaycanın iqtisadi potensialını şaxələndirməyə nail olması böyük uğurdur
Məlumdur ki, hazırda Azərbaycanın ixracının strukturunda neft və neft məhsulları üstünlük təşkil edir. Bu da təbiidir. Çünki respublikamız karbohidrogen ehtiyatları ilə zəngin olan bir diyardır və burada tarixən neft hasilatı və emalı sahəsində zəngin ənənələr formalaşıb. Yeni şəraitdə isə qarşıya qoyulan əsas vəzifələrdən biri ixracın şaxələndirilməsi ilə bağlıdır. Azərbaycan xarici istehlak bazarlarına qeyri-neft məhsullarının ixracını artırmağı hədəfləyib. Prezident İlham Əliyevin ötən ilin sonlarında imzaladığı müvafiq Fərmanla təsdiqlənən milli iqtisadiyyat perspektivi üzrə Strateji Yol Xəritəsində hədəf indikatorlardan biri kimi adambaşına qeyri-neft ixracının 2025-ci ildə ən azı 450 ABŞ dollarına çatdırılması müəyyənləşdirilib. Bu isə azı üç dəfədən çox artım deməkdir. Prezident İlham Əliyev aprelin 17-də Yevlaxda qeyri-neft ixracatçılarının respublika müşavirəsindəki nitqində diqqəti bir daha qeyri-neft ixracının artırılmasının zəruriliyinə çəkərək vurğulayıb: “Qarşıda duran vəzifələrdən biri də odur ki, biz ixracda da şaxələndirməyə nail olaq. Necə ki, buna ümumi daxili məhsulda nail olmuşuq, ixracda da buna nail olmalıyıq”.
Qeyri-neft ixracının genişləndirilməsi ilə bağlı qarşıya qoyulan hədəflərə çatılması isə tam realdır. Təbii ki, qeyri-neft məhsullarının ixracını artırmaq üçün ölkədə, ilk növbədə, güclü neftdənkənar iqtisadiyyat olmalıdır. Bu baxımdan son 13 ildə neft gəlirlərindən istifadə etməklə iqtisadiyyatın şaxələndirilməsi istiqamətində həyata keçirilən tədbirlər böyük nikbinlik doğurur. Sənayedə və kənd təsərrüfatında mövcud olan geniş potensial, ölkənin coğrafi mövqeyi, tranzit-nəqliyyat imkanlarının genişlənməsi qeyri-neft ixracının həcmini əhəmiyyətli dərəcədə artırmaq üçün fundamental amillər qismində çıxış edir. Ötən illərdə ölkədə qeyri-neft sektorunun inkişafının dəstəklənməsi tədbirləri çərçivəsində infrastruktur quruculuğuna böyük diqqət göstərilib. Hazırda Azərbaycan infrastruktur təminatı baxımından dünyanın ən qabaqcıl ölkələri sırasında yer alır. Təkcə bu il 150 min hektardan çox torpağı əkin dövriyyəsinə cəlb etmək və burada yüksək məhsuldarlığa nail olmaq məqsədilə suvarma suyu və elektrik enerjisi ilə təminat layihələrinə 250 milyon manatdan çox dövlət vəsaiti yönəldilib. Azərbaycanda iqtisadi sahədə həyata keçirilən bu və ya digər məqsədyönlü tədbirlər nəticəsində qeyri-neft sektoru inkişaf edib, ölkənin ixrac potensialı artıb. Əgər bir vaxtlar ölkə iqtisadiyyatında neft sektorunun çəkisi təxminən 80 faiz civarında idisə, hazırda bu nisbət qeyri-neft sektorunun xeyrinə dəyişib. Prezident İlham Əliyevin vurğuladığı kimi, biz bu gün inamla deyə bilərik ki, Azərbaycan öz iqtisadi potensialını şaxələndirə bilib. Hazırda qeyri-neft sektorumuz iqtisadiyyatımızın təxminən 65 faizini təmin edir.
Statistik göstəricilər Azərbaycanın qeyri-neft sektorunda ixrac imkanlarının əhəmiyyətli dərəcədə artdığını təsdiqləyir. İndiyədək təkcə Sahibkarlığa Kömək Milli Fondu tərəfindən verilmiş güzəştli kreditlər hesabına 51 logistik mərkəzin, 23 taxıl anbarının, 16 meyvə-tərəvəz, 10 süd emalı və digər istehsal müəssisələrinin, 20 iri fermer, 23 müasir heyvandarlıq, 56 istixana, 16 üzümçülük, 23 bağçılıq və 39 quşçuluq təsərrüfatının yaradılması, son illərdə istixanaların ərazisinin dəfələrlə genişləndirilməsi aqrar sektorda ixracın artırılmasına böyük töhfə verir. Eyni zamanda, müşavirədə vurğulandığı kimi, 130 investisiya təşviqi sənədi üzrə 1,2 milyard manatlıq investisiya qoyuluşunun nəzərdə tutulması, hazırda 24 rayon üzrə 142,5 min hektar ərazidə 32 aqroparkın, o cümlədən 12 heyvandarlıq kompleksinin, 20 iri bitkiçilik təsərrüfatının yaradılması və digər işlər yaxın illərdə qeyri-neft sektorunda istehsal və ixrac potensialını daha da artıracaq.
Faktlardan da göründüyü kimi, son illərdə respublikamızda ixracyönümlü məhsullar istehsal edən müəssisələrin, təsərrüfatların yaradılması prioritet təşkil edib. Bu siyasət gələcəkdə də davam etdiriləcək. Bu xüsusda fikirlərini nəzərə çatdıran Prezident İlham Əliyev bildirib ki, növbəti illərdə ixracyönümlü müəssisələrin yaradılmasına daha böyük diqqət göstərilməlidir.
İxracın və investisiyaların təşviqi mexanizminin işə salınması sahibkarlarda ciddi maraq yaradıb
Ölkənin qeyri-neft məhsulları istehsalı imkanlarının genişlənməsindən söhbət açarkən ötən ildən etibarən başlanan islahatların rolunu xüsusi qeyd etmək lazımdır. Prezident İlham Əliyevin qeyd etdiyi kimi, qəbul olunan qərarlar iqtisadiyyatı şaxələndirmək üçün yaxşı imkanlar yaradıb: “Keçən il qəbul edilmiş qərarlar, qanunlar, imzaladığım Fərman və sərəncamlar iqtisadiyyatımızı daha da şaxələndirmək üçün yaxşı imkanlar yaratdı. Xüsusilə qeyri-neft ixracı ilə bağlı atılmış addımlar artıq öz gözəl nəticələrini verməkdədir. Biz təşviq sistemini tətbiq etməyə başladıq”.
Məlumdur ki, dünyanın inkişaf etmiş ölkələrində ixrac bir sıra səmərəli vasitələrlə dəstəklənir. Müasirləşməni strateji hədəf seçən Azərbaycan da ölkədə yüksək rəqabət qabiliyyətinə malik məhsul istehsalına nail olmaq məqsədilə dünyanın qabaqcıl ölkələrinin təcrübəsindən bəhrələnir. Ötən ildən ölkəmizdə beynəlxalq təcrübə əsas götürülməklə ixracın səmərəli təşviq mexanizmi işə salınıb ki, bu da ixracın stimullaşdırılması baxımından böyük önəm daşıyır. İxracın təşviqinin hüquqi bazasının möhkəmləndirilməsini xüsusi qeyd etmək lazımdır. Azərbaycanın dövlət başçısı qeyri-neft məhsullarının ixracının stimullaşdırılması, rəqabətqabiliyyətli qeyri-neft məhsullarının istehsalı və ixracının, ənənəvi və yeni bazarlara çıxış imkanlarının artırılması, bu sahədə əlverişli şəraitin daha da genişləndirilməsi məqsədi ilə qeyri-neft məhsullarının ixracının stimullaşdırılması ilə bağlı əlavə tədbirlər haqqında müvafiq Sərəncam imzalayıb. Prezident İlham Əliyevin qeyri-neft məhsullarının ixracının təşviqi ilə bağlı əlavə tədbirlər haqqında imzaladığı Fərmanda isə yerli məhsulların ixracı ilə bağlı bir sıra mühüm məsələlərin geniş spektri öz əksini tapıb. Fərmana əsasən, 2016-2020-ci illərdə Azərbaycan Respublikasının ərazisində istehsal olunan və istehsal prosesində istifadə olunan yerli komponentlərin və Azərbaycan Respublikasının ərazisində yaradılan qeyri-neft məhsullarının dəyərinin xüsusi çəkisindən, habelə ixrac olunan həmin məhsulların növündən asılı olaraq, Azərbaycan Respublikasının ərazisində qeyri-neft məhsullarının ixracı ilə məşğul olan şəxslərə dövlət büdcəsinin vəsaiti hesabına ixrac təşviqinin ödənilməsi nəzərdə tutulur. İxracın stimullaşdırılması ilə bağlı imzalanan sənədlərə uyğun olaraq, “İxrac təşviqinin ödənilməsi qaydası”, “İxrac təşviqi şamil olunacaq məhsulların siyahısı” və “İxrac təşviqi üzrə tətbiq olunacaq əmsallar” təsdiq edilib. İxrac təşviqi şamil olunan malların siyahısına bal, xurma, nar, qovrulmuş fındıq kimi kənd təsərrüfatı məhsulları, qurudulmuş meyvələr, konservləşdirilmiş meyvə-tərəvəz, mürəbbə və cemlər, turşular, spirtli içkilər və şərab, mineral sular və şirələr, unlu qənnadı məmulatları, habelə dəri məmulatları, ipək parçalar və xalçalar kimi digər məhsullar daxil edilib. Həmin məhsulların növündən asılı olaraq, sahibkarlara ixrac etdikləri qeyri-neft məhsullarının gömrük dəyərinin 3 faizindən 6 faizinədək büdcə vəsaitləri hesabına təşviq verilir. Ölkəmizdə artıq tətbiqinə başlanan ixracın və investisiyaların təşviqi mexanizminin əhəmiyyətindən bəhs edən Prezident İlham Əliyev deyib: “Biz dünyada mövcud olan ən qabaqcıl təcrübəni öyrənmişik və Azərbaycanda investisiyanın və ixracın təşviqi sistemlərini tətbiq etməyə başlamışıq. Hər iki mexanizm işə salınıb və artıq uğurla icra edilir”.
Respublikamızda ötən il işə salınan səmərəli təşviq mexanizmi praktiki müstəvidə həyata keçirilən zəruri tədbirlərlə dəstəklənir. Bir neçə istiqamət üzrə məhsul istehsalçıları və ixracatçıları assosiasiyaları yaradılıb, mənşə sertifikatının verilməsi sadələşdirilərək müddəti üç gündən bir günə endirilib. Azərbaycanın yüksək rəqabətqabiliyyətli məhsullarının vahid məlumat bazasının yaradılması və bu məhsulların xarici bazarlara çıxışını təmin etmək üçün həmçinin Azexport.az portalı fəaliyyətə başlayıb. Portal artıq bölgələrdə sahibkarlara təqdim olunub və ayrı-ayrı ölkələrə məhsulların satışı ilə bağlı bir sıra müqavilələr bağlanıb.
Ümumiyyətlə, sahibkarlar ixracın təşviqi sisteminə böyük maraq göstərirlər. Cari ilin birinci rübündə İqtisadiyyat Nazirliyinə bu istiqamətdə 84 müraciət daxil olub və Rusiya, ABŞ, Çin, Belarus və digər ölkələrə ixrac olunmuş kənd təsərrüfatı və sənaye məhsulları üzrə 520 min manatdan çox ixrac təşviqi ödənilib. Prezident İlham Əliyev cari ilin birinci rübündə ölkəmizdən ayrı-ayrı pozisiyalar üzrə ixracın genişlənməsindən məmnunluq ifadə edərək deyib: “2017-ci ilin birinci rübündə ən böyük artım pambıq lifinin ixracında olmuşdur - 700 faizdən çox. Süd məhsullarının ixracı 260 faiz artmışdır. Meyvələr arasında ən böyük ixrac artımı almada olmuşdur - 144 faiz. Nar 125 faiz artmışdır. Bunlar çox yaxşı göstəricilərdir”.
İnvestisiya təşviqi mexanizminin işə salınmasının da üstünlükləri böyükdür. Qısa müddət ərzində investisiya təşviqi üzrə 130 sənəd təqdim olunub. Bəhs olunan proqram çərçivəsində ölkə iqtisadiyyatına sahibkarlar tərəfindən 1 milyard 250 milyon manat həcmində sərmayə qoyuluşu proqnozlaşdırılır. Sahibkarlar tərəfindən irəli sürülən təşəbbüslərə isə dövlət tərəfindən hər cür dəstək verilir.
“Made in Azerbaijan” brendinin şöhrəti dünyaya yayılır
Prezident İlham Əliyevin imzaladığı “Xarici ölkələrə ixrac missiyalarının təşkilinə, xarici bazarların araşdırılması və marketinq fəaliyyətinə, “Made in Azerbaijan” brendinin xarici bazarlarda təşviqinə, yerli şirkətlərin ixracla bağlı xarici ölkələrdə sertifikat və patent almasına, ixracla əlaqəli tədqiqat-inkişaf proqram və layihələrinə çəkilən xərclərin dövlət büdcəsi hesabına ödənilən hissəsinin müəyyənləşdirilməsi və ödənilmə mexanizminin tənzimlənməsi Qaydası”nın təsdiq edilməsi haqqında müvafiq Fərman da həm sənayedə, həm də aqrar sektorda ixrac imkanlarının genişləndirilməsi baxımından böyük aktuallıq kəsb edir.
Dövlət başçısının Fərmanı ilə təsdiqlənən Qaydada müəyyən olunmuş dəstək tədbirlərindən istifadə etmək hüququna Azərbaycan mənşəli qeyri-neft məhsullarının ixracatçısı olaraq Azərbaycan Respublikasında vergi ödəyicisi kimi uçota alınmış fiziki və hüquqi şəxslər malikdirlər.
Bəhs olunan müşavirədə iqtisadiyyat naziri Şahin Mustafayev məlumat verib ki, xarici ölkələrə ixrac missiyalarının təşkilinə, xarici bazarların araşdırılması və marketinq fəaliyyətinə, “Made in Azerbaijan” brendinin təşviqinə, yerli şirkətlərin xaricdə sertifikat və patent almasına, ixracla əlaqəli tədqiqat-inkişaf proqramlarına çəkilən xərclərin dövlət büdcəsi hesabına ödənilməsi Qaydaları” təsdiq olunduğu tarixdən etibarən, yəni ötən 5 ay ərzində Çinə, Birləşmiş Ərəb Əmirliklərinə, Almaniyaya, Əfqanıstana, Pakistana, Qətərə 7 ixrac missiyası həyata keçirilib. Çin Xalq Respublikasına səfər çərçivəsində beynəlxalq şərabçılıq sərgisində yerli şərab məhsullarımızdan biri qızıl medala layiq görülüb və 500 min şüşə şərabın Çinə ixracına dair imzalanmış müqavilənin icrasına başlanılıb. Dubaya ixrac missiyası çərçivəsində nar şirəsi, alma və balın ixracına dair razılaşmalar əldə edilib.
Cari ilin yanvarında 18 şirkətin iştirakı ilə Almaniyaya təşkil edilən ixrac missiyası çərçivəsində bu ölkəyə çay və narın ixracı ilə bağlı ilkin razılaşma əldə edilib, nar şirəsinin İsveçə ixracı ilə bağlı isə müqavilə imzalanıb. Pakistan və Əfqanıstana həyata keçirilən ixrac missiyaları çərçivəsində quru süd və süd məhsulları, nar şirəsi, qənnadı məhsulları, mebel, boru, metal konstruksiyaları və digər tikinti materiallarının ixracı üzrə, Qətərə ixrac missiyası çərçivəsində isə ət, nar şirəsi və Naftalan neftindən istehsal edilən kosmetoloji və tibbi məhsulların ixracı ilə bağlı ilkin razılaşmalar əldə edilib. Həmçinin “Gulfood” beynəlxalq ərzaq, “Prowein” şərab sərgilərində sahibkarlarımız vahid ölkə stendləri ilə iştirak edib, çeşidli məhsulların ixracı ilə bağlı ilkin razılaşmalar bağlayıb və sifarişlər qəbul olunub.
“Made in Azerbaijan” brendinin dünyada tanıdılması bütövlükdə milli maraqlarımıza xidmət edir. Brendlərdən asılı olmayaraq ölkəyə, onun keyfiyyətə nəzarət sistemlərinə inamın yaradılması əldə oluna biləcək ən yaxşı uğurdur. Prezident İlham Əliyev “Made in Azerbaijan” brendinin dünyada getdikcə daha çox şöhrət qazanmasından məmnunluq ifadə edərək vurğulayıb: “Made in Azerbaijan” brendini dünyada tanıtdırmaq üçün praktiki addımlar atılır. Artıq bu brend bu gün dünyada şöhrət qazanır. Əlbəttə ki, dövlət tərəfindən təşkil edilmiş sərgilər və o sərgilərdə sahibkarların iştirakı gözəl nəticələrə gətirib çıxarır”.
Əsas məsələlərdən biri də yeni bazarlara çıxmaqdır
İxracın genişləndirilməsi baxımından Azərbaycana üstünlük qazandıran həm də o amildir ki, ölkəmiz geniş istehlak bazarları ilə əhatə olunub. Bu bazarlarda respublikamızda yetişdirilən kənd təsərrüfatı məhsulları yaxşı tanınır. Məlumdur ki, hazırda istehlak bazarlarına bir sıra hallarda keyfiyyətsiz, hətta geni dəyişdirilmiş məhsullar çıxarılır. Azərbaycanda isə belə məhsullar ümumiyyətlə yetişdirilmir. Buna görə də respublikamızda yetişdirilən meyvə-tərəvəz ənənəvi istehlak bazarlarında yüksək qiymətləndirilir.
Ancaq ənənəvi bazarlarla yanaşı, məqsəd həm də yeni bazarlara çıxmaq olmalıdır. Prezident İlham Əliyev vurğulayıb ki, biz yeni bazarlara çıxmalıyıq. Ölkəmizin yeni ixrac strategiyasında Qərbi Avropa, Uzaq Şərq, Afrika, Körfəz ölkələri, Yaponiya, Çin hədəf bazarlardır. Yeni bazarlara çıxmaqdan ötrü bir sıra məsələlərin həllinə nail olmaq lazımdır. İlk növbədə Azərbaycanın keyfiyyət infrastrukturu dünya standartları səviyyəsinə çatdırılmalı və ölkəmizdə tətbiq edilən standartlar beynəlxalq səviyyədə tanınan standartlara uyğunlaşdırılmalı, müvafiq laboratoriyalar beynəlxalq akkreditasiyadan keçirilməlidir. Eyni zamanda, ixrac prosedurlarını daha da sadələşdirmək lazımdır. Prezident İlham Əliyev ixrac imkanlarının genişləndirilməsi baxımından həmçinin kadr hazırlığının da böyük əhəmiyyət daşıdığına diqqət çəkib: “Kadr hazırlığına xüsusi diqqət göstərilməlidir. Biz ixrac üzrə mütəxəssislər hazırlamalıyıq. Ümumiyyətlə, kadr hazırlığı indi qarşımızda duran ən vacib məsələlərdən biridir. Çünki ölkə inkişaf edir, yeni müəssisələr yaradılır və bu müəssisələrdə fəaliyyət göstərən kadrlar hazırlıqlı olmalıdır. Xüsusilə ixracyönümlü müəssisələrdə hazırlıqlı kadrların təlimi mühüm məna daşıyır və dövlət orqanları bu işlərdə fəal olmalıdırlar”.
Mübariz ABDULLAYEV

 
  • Oxunub:  1950  |  
  • Tarix:  19-04-2017  |  
  •    Çap et   |  
Get Adobe Flash player
IV İslam Həmrəyliyi Oyunlarının Azərbaycanda keçirilməsi ölkəmizin yüksək nüfuzunun göstəricisidir

18:06
25 Aprel
Türkiyəli nazir ulu öndər Heydər Əliyevin məzarını və Şəhidlər xiyabanını ziyarət edib
18:01
25 Aprel
Dövlət İdarəçilik Akademiyasında italiyalı professorla görüş keçirilib
17:52
25 Aprel
Rafael Hüseynov: Avropa Şurası bu təşkilatın qurucularından olan Türkiyəyə münasibətdə ədalətli deyil
17:49
25 Aprel
Vergi Məcəlləsində dəyişikliklər edilib
17:48
25 Aprel
Akademik Zərifə xanım Əliyevanın anadan olmasının 94-cü ildönümünə həsr olunmuş elmi konfrans keçiriləcək
17:40
25 Aprel
Avropa Xalq Partiyası Siyasi Qrupunun vitse-prezidenti Milli Məclisdə olub
17:37
25 Aprel
Azərbaycan-Litva əməkdaşlığının inkişaf perspektivləri müzakirə olunub
17:33
25 Aprel
YAP İcra katibinin müavini Siyavuş Novruzov: Azərbaycan dünyaya nümunə göstərir
17:10
25 Aprel
Akademik Abel Məhərrəmov: Ölkəmizdə dinlərin həmrəyliyi istiqamətində uğurlu siyasət aparılır
17:05
25 Aprel
Milli Məclisdə "Daşınar əmlakın yüklülüyü haqqında" qanun layihəsi birinci oxunuşda qəbul edilib
16:45
25 Aprel
Azərbaycanın ilk hərbi səhiyyə ocağının yaranmasından 25 il ötür
16:16
25 Aprel
Azərbaycan Yəmənə humanitar yardım göstərib
16:04
25 Aprel
Avropa Parlamentinin üzvü: Azərbaycanın beynəlxalq aləmdə nüfuzu daha da artır
15:52
25 Aprel
Siyavuş Novruzov: Azərbaycanda intellektual cəmiyyət formalaşıb, radikalizmə yer yoxdur
15:30
25 Aprel
Vaşinqtonda və Los-Ancelesdə türk və Azərbaycan icmaları ermənilərə cavab etiraz nümayişləri keçiriblər
15:24
25 Aprel
Aprelin 25-i Azərbaycanda “Sahibkarlar Günü”dür
15:22
25 Aprel
Günay Əfəndiyeva: Türk dünyasının qadın sahibkarları arasında əlaqələrin inkişafı çox ciddi faktordur
15:09
25 Aprel
Taekvando üzrə yığmamız lisenziya xarakterli beynəlxalq turnirdə 35 idmançı ilə təmsil olunacaq
14:58
25 Aprel
Bakıda qadın sahibkarlığının inkişafı mövzusuna həsr edilən beynəlxalq konfrans keçirilir
14:55
25 Aprel
“Bakı-2017”: su səyahətinin Qax mərhələsi Ram-rama şəlaləsindən başlayıb
14:50
25 Aprel
Xoşbəxt Yusifzadə: Azərbaycanda bu ilin sonunadək 2 milyard ton neft hasil ediləcək
14:42
25 Aprel
Məlahət İbrahimqızı: Azərbaycanda uğurlu gender siyasəti həyata keçirilir
14:38
25 Aprel
Əli Əhmədov: Azərbaycan ilə Türkiyə arasındakı qardaşlıq münasibətləri bütün dünya üçün bir örnəkdir
14:22
25 Aprel
Azərbaycan neft sənayesi sahəsində dünyanın logistika mərkəzlərindən biridir
14:18
25 Aprel
Səməd Seyidov: Azərbaycanın maraqlarını Avropa Şurası tribunasından ən yüksək səviyyədə müdafiə edəcəyik
14:16
25 Aprel
Baş nazirin müavini Əli Əhmədov: Birinci vitse-prezident Mehriban Əliyevanın diqqət və qayğısı nəticəsində Azərbaycan qadınları ölkə həyatının müxtəlif sahələrində təmsil olunurlar
14:09
25 Aprel
"Yol hərəkəti haqqında" Qanuna dəyişikliklər edilib
13:59
25 Aprel
Milli Məclisin növbəti plenar iclası keçirilir
12:49
25 Aprel
Hicran Hüseynova: Azərbaycanda iqtisadi sahədə fəaliyyət göstərən qadınların sayı artır
12:39
25 Aprel
Ziyafət Əsgərov: Qara Dəniz İqtisadi Əməkdaşlıq Təşkilatı yerləşdiyi regionlar üçün mühüm əhəmiyyət kəsb edir
12:17
25 Aprel
Qafqaz Müsəlmanları İdarəsinin sədri Finlandiyada keçiriləcək konfransda iştirak edəcək
12:09
25 Aprel
Qara Dəniz İqtisadi Əməkdaşlıq Təşkilatı yerləşdiyi regionlar üçün mühüm əhəmiyyət kəsb edir
12:05
25 Aprel
Avstriya səfiri: Azərbaycanla turizm sektorunda çoxşaxəli əməkdaşlıq qurulması mümkündür
11:54
25 Aprel
“ASAN qatar” Şəmkirdə bölgə vətəndaşlarına xidmət göstərir
11:52
25 Aprel
Bakıda QDİƏT PA-nın komitə iclası başlayıb
11:46
25 Aprel
Valeh Ələsgərov: Xəzərin delimitasiyasının təşəbbüskarı Azərbaycan olub
11:24
25 Aprel
Əli Əhmədov: Qadın sahibkarlığının inkişafı bütövlükdə cəmiyyətin inkişafına müsbət təsir göstərir
11:16
25 Aprel
Baş katib: İƏT Azərbaycana qarşı erməni təcavüzünü qəti şəkildə pisləyir
11:07
25 Aprel
Cocuq Mərcanlı yolunun tikintisi yekunlaşmaq üzrədir
11:05
25 Aprel
Azərbaycan və Belarus investorlarının özəlləşdirmə prosesinə cəlb edilməsi məsələləri müzakirə olunub
10:57
25 Aprel
Natiq Əliyev: Neftin qiymətinin stabilliyini saxlamaq tədbirləri öz bəhrəsini verir
10:51
25 Aprel
Azərbaycan-Türkiyə təlimlərində istifadə ediləcək silahların və texnikanın nümayişi keçirilib
10:48
25 Aprel
Milli Məclisin iclasında 36 məsələyə baxılacaq
10:44
25 Aprel
Bakıda “Xəzər və Mərkəzi Asiya: ticarət, logistika, neft emalı, neft-kimya” forumu işə başlayıb
10:38
25 Aprel
Prezident İlham Əliyev Yaponiyanın Azərbaycanda yeni təyin olunmuş səfirinin etimadnaməsini qəbul edib
10:31
25 Aprel
Prezident Tramp Osmanlı İmperiyasında 1915-ci il hadisələri ilə əlaqədar bəyanatında “soyqırımı” sözündən istifadə etməyib
10:28
25 Aprel
Linas Linkeviçius: Litva Azərbaycanın Avropa İttifaqı ilə əlaqələrinin inkişafını dəstəkləyir
10:14
25 Aprel
Vüsal Hüseynov: Azərbaycan torpaqlarının işğalının davam etməsi regionda sülhə böyük təhlükədir
10:06
25 Aprel
Sevinc Fətəliyeva: Cəbhə bölgəsində azərbaycanlı uşaqlar erməni snayperlərin hədəfi olurlar
18:06
24 Aprel
Birinci rübdə Azərbaycan iqtisadiyyatının dayanıqlılığı təmin olunub
18:04
24 Aprel
Azərbaycan Qazaxıstanın Almatı şəhərində öz məhsullarını təqdim edir
17:48
24 Aprel
Naxçıvanda görkəmli bəstəkar Tofiq Quliyevin 100 illik yubileyi qeyd olunub
17:45
24 Aprel
Azərbaycan və Litva beynəlxalq təşkilatlar çərçivəsində uğurlu əməkdaşlıq edir
17:41
24 Aprel
İƏT-in Baş katibi: Mehriban Əliyevanın Birinci vitse-prezident təyin olunması qadınların imkanlarının artırılması sahəsində rəmzi xarakter daşıyır
17:39
24 Aprel
Azərbaycan “ArabianTravel Market-2017” beynəlxalq turizm sərgisində iştirak edir
17:24
24 Aprel
Nasir Əbdül Kərim: Turizmin inkişafı ölkə iqtisadiyyatına ən böyük yatırımdır
17:00
24 Aprel
Əli Əhmədov: Gender bərabərliyi məsələləri Azərbaycan hökumətinin fəaliyyətində əhəmiyyətli rol oynayır
16:35
24 Aprel
Aureliya Qriqoriu: Ermənilərin əsassız bəyanatları tarixi, hüquqi, faktiki baxımdan təsdiqlənmir
16:20
24 Aprel
Fəzail İbrahimli: Ermənilərin tarixi yalan və saxtakarlıq üzərində qurulub
16:09
24 Aprel
Azərbaycanda icbari tibbi sığortanın tətbiq edildiyi qısa vaxtda böyük işlər görülüb
15:44
24 Aprel
Səudiyyə Ərəbistanının energetika naziri Azərbaycana gəlir
15:32
24 Aprel
Pirallahıda əhalinin yarıdan çoxunun tibbi müayinəsi aparılıb
15:16
24 Aprel
Parlamentin komitə iclasında “Daşınar əmlakın yüklülüyü haqqında” qanun layihəsi müzakirə olunur
15:06
24 Aprel
YAP Qadınlar Şurasının və AQUPDK-nin birgə təşəbbüsü ilə “Qadınlar dövlətimizin, dövlətçiliyimizin, müstəqilliyimizin, bu günümüzün, gələcəyimizin dayağıdır” mövzusunda silsilə tədbirlər keçirilir
14:56
24 Aprel
MM-in deputatı: Azərbaycan dünyanın qabaqcıl idman ölkələri sırasında öz layiqli yerini tutub
14:48
24 Aprel
Aprel döyüşlərində yaralanmış əsgər və zabitlər protezlərlə təmin ediliblər
14:42
24 Aprel
Hikmət Hacıyev: IV İslam Həmrəylik Oyunları və Formula-1 yarışı öncəsi bir sıra Qərb media orqanlarında Azərbaycan haqqında “fakenews” və antitəbliğat xarakterli yazılar artıq özünü büruzə verməyə başlayıb
14:18
24 Aprel
Ailə Sağlamlıq mərkəzlərində əhaliyə tibbi xidmət göstərilməsi üçün hər cür şərait yaradılıb
14:11
24 Aprel
Ukrayna dövlət qulluğu sahəsində Azərbaycan ilə əməkdaşlıqda maraqlıdır
12:50
24 Aprel
Xaricdə təhsil almış 200-ə yaxın Azərbaycan vətəndaşı dini ayinlər həyata keçirir

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
HAVA HAQQINDA