Ana səhifə »  İqtisadiyyat »  Ulu öndər Heydər Əliyevin Azərbaycanın tikinti kompleksinin inkişafında rolu
A+   Yenilə  A-
Ulu öndər Heydər Əliyevin Azərbaycanın tikinti kompleksinin inkişafında rolu

Tarixin dönüş nöqtələri bir çox hallarda xalqın yetişdirdiyi dahi şəxsiyyətləri ilə bağlıdır. Müasir Azərbaycanın formalaşması və müstəqil respublikanın qurulması yolunda milli tarixin əsas dönüş nöqtələri Ulu öndər Heydər Əliyevin dövlətə rəhbərlik etdiyi 1969-1982 və 1993-2003-cü illərə təsadüf edir. Bu dövrlərdə ölkə iqtisadiyyatının bütün istiqamətlərində müşahidə olunan müsbət dinamika fonunda tikinti sektorunun dayanıqlı təməlinin qoyulmasında və sürətli inkişafında Heydər Əliyevin rolu əvəzolunmazdır.
Azərbaycanda tarixən tikinti və quruculuq işlərinə böyük əhəmiyyət verilmişdir. XIX əsrin ortalarında şəhərsalma və memarlıq ölkə həyatında və cəmiyyətin inkişafında getdikcə böyük rol oynamağa başlamışdır. Lakin bu sahənin daha intensiv inkişafı, geniş tikinti potensialının yaradılması, sahə üzrə inkişaf proqramlarının qəbul edilməsi, yeni kadrların yetişdirilməsi və müvafiq layihələrə cəlb olunması məhz Ulu öndər Heydər Əliyevin Sovet İttifaqı zamanı Azərbaycan Respublikasına rəhbərlik etdiyi 1969-1982-ci illərə təsadüf edir. Sovet dövründə ölkədə müəyyən inkişafın müşahidə olunduğuna baxmayaraq, 1960-cı illərin sonunda Azərbaycanın sosial-iqtisadi göstəriciləri İttifaqın orta göstəricilərindən xeyli aşağı idi. Adambaşına düşən sosial-iqtisadi göstəricilərinə görə Azərbaycan 15 Sovet Respublikası arasında axırıncı yerlərdən birini tuturdu.
Ümummilli lider Heydər Əliyev 1969-cu ildə respublika rəbərliyinə gəlişi zamanı ilk növbədə geridə qalmış xalq təsərrüfatını sürətlə inkişaf etdirmək məqsədilə sovet ali hakimiyyət orqanları qarşısında 70-80-ci və qarşıdan gələn illər üçün möhtəşəm inkişaf proqramı qoymuşdur. Tezliklə Azərbaycanın orta ittifaq səviyyəsindən geriləməsi prosesini dayandırmaq, iqtisadiyyatın inkişaf etdirilməsinin yeni strategiyasını hazırlamaq və bu sahədə dərin islahatlar həyata keçirmək üçün real təkliflər irəli sürüldü.
Heydər Əliyevin təşəbbüsü ilə Sovet İttifaqı Kommunist Partiyası Mərkəzi Komitəsi və SSRİ Nazirlər Soveti tərəfindən 1970-1979-cu illər ərzində Azərbaycan iqtisadiyyatının inkişafına yönəlmiş beş vacib qərar qəbul olundu. Onlardan ikisi sənayenin, üçü kənd təsərrüfatının inkişafının daha da intensivləşdirilməsinə hədəflənmişdi. Bu qərarlara əsasən ölkədə yeni müasir sənaye müəssisələrinin tikintisi və yenidən qurulması, kənd təsərrüfatının sürətli inkişafı, sosial-mədəni, xidmət və infrastruktur obyektlərinin inşası nəzərdə tutulmuşdu.
Bu genişmiqyaslı proqramları həyata keçirmək üçün tikinti işlərini əhəmiyyətli şəkildə sürətləndirmək, onun maddi-texniki bazasını möhkəmləndirmək tələb olunurdu. Bununla əlaqədar, tikinti kompleksində yaranmış vəziyyəti dərindən təhlil etmək məqsədilə 1971-ci ilin iyul ayında Azərbaycan Kommunist Partiyasının Mərkəzi Komitəsinin tikinti məsələlərinə həsr edilmiş xüsusi plenumu keçirilmiş, tikintidə mövcud vəziyyət ətraflı təhlil olunmuş, nöqsanlar aşkarlanaraq, onların aradan qaldırılması üçün konkret tədbirlər planı təsdiq edilmişdi.
Növbəti illər ərzində tikintidə mövcud vəziyyət bir qayda olaraq ən yüksək səviyyədə müzakirə olunur, bu sahədə vəziyyəti kökündən yaxşılaşdırmaq məqəsdilə tikinti kompleksində fəaliyyət göstərən nazirlik, komitə və idarə rəhbərlərinin şəxsi məsuliyyətinin artırılması, kapital qoyuluşunun səmərəli istifadə edilməsi, tikintinin müddətinin azaldılması və keyfiyyətinin yüksəldilməsi məsələləri Heydər Əliyevin şəxsi nəzarətində saxlanılırdı.
Araşdırmalar göstərir ki, 1969-1982-ci illər sovet dövründə Azərbaycan Respublikasının sosial-iqtisadi inkişafının ən yüksək dövrü olmuşdur. Bu illər ərzində respublikada iqtisadiyyatın bütün sahələri üzrə inkişaf əldə edilmişdir. 1971-1975-ci illər Azərbaycan iqtisadiyyatının dönüş mərhələsi kimi qiymətləndirilir. Bu illər ərzində sənaye məhsulu nəzərdə tutulmuş 43-46% əvəzinə 50% artmış, orta illik artım 1966-1970-ci illərlə müqayisədə 29% yüksəlmiş, sənayedə müsbət struktur dəyişikliyi aparılmışdır. Bu işlər sonrakı 1976-1982-ci illər ərzində də uğurla davam etdirilmişdir. Neftayırma və neft emalı zavodlarının tikintisinə, kimya və metallurgiya sənayesi və digər sahələrdə böyük həcmdə tikinti-yenidənqurma işlərinə başlanılmışdır.
Sosial-iqtisadi göstəricilərin respublika üzrə ildən-ilə yüksəlməsinin əsas səbəbi iqtisadiyyatın ən vacib sahələrindən biri olan tikinti kompleksinə dövlət tərəfindən ciddi qayğı və diqqətin artırılması ilə əlaqədar idi. Heydər Əliyevin təşəbbüsü ilə aparılan islahatlar tikinti materialları sənayesinin inkişafı, sahənin maddi-texniki bazasının möhkəmləndirilməsi, yeni kadrların hazırlanması kimi istiqamətlərdə ciddi irəliləyişlər əldə etməyə imkan vermişdir.
Tikinti kompleksində görülən işlərin Ulu öndərin daim diqqət mərkəzində olması bu sahədə çalışan rəhbər işçilərin, eləcə də əmək kollektivlərinin məsuliyyətini də artırmışdır. Nəticədə tikintinin əsas göstəriciləri əvvəlki illərə nisbətən dəfələrlə artmış, tikilən mühüm obyektlərin vaxtında və yüksək keyfiyyətlə istifadəyə verilməsi təmin edilmişdir. Onların sırasında Kür su kəmərini, “Neftçilər” və “Nizami” metro stansiyalarını, Yeni Bakı Neftayırma zavodunun emal kompleksini, Bakı Məişət Kondisionerləri zavodunu, Qaradağ rayonunda nəhəng Dərin Özüllər Zavodunu və bir çox digərlərini misal gətirmək olar.
Əhalinin sosial şəraitinin yaxşılaşdırılmasında mənzil tikintisinin mühüm əhəmiyyət kəsb etdiyini dərindən bilən Heydər Əliyev hələ 1971-ci ildə müvafiq təşkilatlar qarşısında bu problemin həll edilməsi üçün ciddi vəzifələr qoymuşdur. Elan olunan əsas məqsədlərdən biri istifadəyə verilən mənzillərin sayını ən azı iki dəfə artırmaq, kooperativ tikintilərinin genişlənməsini və yaxşılaşmasını təmin etmək, yeni mənzil sahələrinin vətəndaşlar arasında bölgüsü işində nəzarəti və məsuliyyəti artırmaq idi. Heydər Əliyev vurğulayırdı ki, bütün insanları abad mənzillə təmin etmək məsələsi ən mühüm problemlərdən biri olaraq qalır və partiya, həmkarlar ittifaqı və bütün təsərrüfat orqanlarının diqqəti bu problemin həllinə yönəldilməlidir. Bu illərdə Bakı şəhərində mənzil tikintisini sürətləndirmək üçün görülən tədbirlərdən biri və ən mühümü Heydər Əliyevin təşəbbüsü ilə iri panelli evtikmə kombinatlarının təşkil edilməsi oldu. Həmin kombinatların qüvvəsi ilə Bakının Yeni Əhmədli, Günəşli, Yeni Yasamal, 9-cu mikrorayon kimi iri yaşayış massivləri inşa olunmuş, on minlərlə insan yeni mənzillərə köçmüş və xeyli adam öz mənzil-məişət şəraitini yaxşılaşdırmışdır.
Qeyd edilməlidir ki, 1969-1982-ci illərdə Azərbaycanın paytaxtı Bakı şəhərinin də inkişaf etdirilməsi və abadlaşdırılması nəticəsində onun görkəmi dəyişdi. 14 ildə yeni binalar, mədəniyyət obyektləri istifadəyə verildi, yaşayış evlərinin tikintisi geniş həcmdə həyata keçirildi. Bu illərdə tikilən çoxmənzilli binalar bütün Bakı şəhərinin yaşayış fonduna bərabər tutula bilərdi. Respublika rəhbərinin xüsusi diqqət yetirdiyi məsələlərdən biri də əhalinin mənzil şəraitinin yaxşılaşdırılması idi. 14 il ərzində respublika əhalisinə 376,1 min yeni tikilmiş mənzil verilmişdi. Bu, Azərbaycanın hər üç sakinindən birinin məhz həmin dövrdə yeni mənzillə təmin edilməsinə imkan yaratmışdı.
Heydər Əliyev hakimiyyətinin 1969-1982-ci illər dövrünü təhlil edərkən görürük ki, Ulu öndərin atdığı bir çox addımlar gələcəyə hesablanmışdır. Bu dahi insan hələ o zaman Azərbaycanın gələcəyi haqqında düşünür, dərin islahatları uğurla həyata keçirməklə respublikanın sosial-iqtisadi inkişafını sürətləndirir, böyük kadr potensialını hazırlayırdı. O illərdə tikinti kompleksində böyük məktəb keçmiş, məsuliyyət hiss edən, tələbkar, peşəkar, səriştəli kadrlar yetişdirilmişdir.
Ulu öndər Heydər Əliyev işində qətiyyəti və güclü şəxsi liderlik xüsusiyyətləri sayəsində xalqın ən istedadlı və peşəkar nümayəndələrini asanlıqla ətrafında birləşdirir, Azərbaycanın parlaq gələcəyi naminə irəli sürdüyü təşəbbüslərin reallaşdırılmasına ruhlandırırdı. Onun respublikaya rəhbərliyi zamanı iqtisadiyyatın bir çox sahələrində olduğu kimi, tikinti sektorunda da göstərdiyi xidmətlərinə görə bir çox memarlar, layihəçilər, inşaatçılar püxtələşib yüksək səviyyəli peşəkarlar kimi yetişərək, ittifaq və dünya miqyasında nüfuz qazanmış, fəxri adlara layiq görülmüş, Azərbaycanın adını daha da ucaltmışlar. Qısa müddət ərzində tikinti sektorunun 100-dən çox peşəkar nümayəndəsi “Əməkdar mühəndis”, “Əməkdar memar”, “Əməkdar inşaatçı” fəxri adları ilə, orden və medallarla təltif olunmuşlar.
XX əsrin 70-ci illəri Sovetlər İttifaqının digər respublikaları üçün “durğunluq illəri” sayılırdısa, Azərbaycan o zaman həqiqi inkişaf dövrünü yaşayırdı. Ulu öndərin yüksək təşəbbüskarlığı, müdrik siyasəti, bacarığı sayəsində Azərbaycan sözün əsl mənasında intibah dövrünü yaşamışdır. Heydər Əliyev məmləkətimizin çiçəklənməsi və inkişafı naminə Sovet İttifaqı rəhbərliyinin diqqətini, qayğısını ölkəmizə yönəldə bilmişdir. Məhz Heydər Əliyev zəkası və müdrikliyi ölkəni yeni demokratik inkişafa doğru apardı və müasir Azərbaycanı inkişaf etməkdə olan ölkələr sırasına çıxardı.
Bugünkü Azərbaycan Ümummilli lider Heydər Əliyevin çoxillik gərgin və uzaqgörən fəaliyyətinin məhsuludur. 1993-cü ilin 15 iyun tarixində Heydər Əliyev xalqın təkidli tələbi ilə yenidən hakimiyyətə gəlir. Azərbaycanda müstəqil dövlət quruculuğunun memarı olan Ulu öndər iqtisadiyyatda müasir tələblərə uyğun dövlət tənzimlənməsi sisteminin əsasını qoyur, mürəkkəb bir şəraitdə bazar iqtisadiyyatı prinsiplərinə əsaslanan səmərəli dövlətçilik mexanizmini formalaşdırır.
Heydər Əliyevin müstəqil Azərbaycana rəhbərlik etdiyi illər respublikamızda nəinki iqtisadi yüksəliş, eyni zamanda, yaşıllaşdırma və abadlaşdırılma işləri ilə, yeni yaşayış məskənlərinin tikilməsi, əhalinin mənzil şəraitinin yaxşılaşdırılması və insanların məişət mədəniyyətinin yüksəldilməsi dövrü kimi də xalqın yaddaşındadır. Bu, ondan irəli gəlir ki, Heydər Əliyevin Azərbaycana rəhbərlik etdiyi həmin illərdə istər kənd yerlərində, istərsə də şəhərlərdə əhalinin böyük hissəsinin mənzil-məişət şəraiti yaxşılaşdırılmış, yeni yaşayış massivləri tikilmiş, fərdi evlərin sayı çoxalmış, minlərlə insanın maddi rifahı və sosial şəraiti yaxşılaşmışdır.
Elə ilk gündən Azərbaycan xalqının bütün imkanlarını, qurub-yaratma potensialını və işgüzarlıq qabiliyyətini hərəkətə gətirərək canlı, ahəngdar və saat kimi dəqiq mexanizm halına salan Heydər Əliyev respublikamızın güclü yüksəlişinə, adının hörmətlə çəkilməsinə nail oldu. Onun yorulmaz və məqsədyönlü fəaliyyəti nəticəsində ölkəmizin bütün ərazisi başdan-başa quruculuq meydanına çevrildi.
1993-2003-cü illər ərzində Heydər Əliyev tərəfindən Azərbaycanda quruculuq, abadlaşdırma və sosial-ekoloji problemlərin həlli istiqamətində həyata keçirilən kompleks tədbirlər nəticədə əhalinin sosial şəraitinin yüksəlməsində öz əksini tapmışdır. Sosial cəhətdən yaşayış məskənlərində ekoloji problemlərin həll edilməsi əhalinin güzəranı, mənzil-məişət şəraiti ilə qarşılıqlı əlaqədədir.
Sosial nöqteyi-nəzərdən məişət mədəniyyəti dedikdə əhalinin sağlamlığından tutmuş yaşayış tərzi, mədəni səviyyəsi, davranışı, adət-ənənəsi, kənd, qəsəbə və şəhərlərin abadlığı, yaşayış məskənlərinin yaşıllıq dərəcəsi, şəhərsalma mədəniyyəti, mənzil şəraiti, yol-nəqliyyat sisteminin təkmilləşdirilməsi, yeni körpülərin və yol ötürücülərinin tikilməsi, əhaliyə göstərilən məişət xidmətlərinin səviyyəsi, kommunal rahatlığı, istirahət zonalarının yaradılması və yaşayış yerlərinin ekoloji təmizliyinədək geniş bir anlayış başa düşülür.
Əhalinin məişət mədəniyyətinin yüksəldilməsində şəhərsalmanın əhəmiyyətini yüksək qiymətləndirən Ulu öndər Azərbaycana rəhbərlik etdiyi ilk günlərindən Bakı, Sumqayıt və Gəncə kimi iri sənaye şəhərlərində şəhərsalmanın planlı şəkildə və elmi əsaslarla aparılmasına ciddi fikir verirdi. Heydər Əliyev şəhərsalma məsələlərindən danışaraq bu sahədə Bakıda xeyli işlərin görüldüyünü xüsusi qeyd edirdi. O, şəhərsalmanın elmi əsaslarla planlaşdırılması və tikinti işlərinin davam etdirilməsinin paytaxt üçün mühüm məsələ olduğunu xüsusi vurğulayırdı.
1996-cı ildə Azərbaycan Respublikasının Prezidenti Heydər Əliyevin Bakıda Beynəlxalq Bankın yeni binasının açılışı mərasimində çıxışı zamanı səsləndirdiyi bu sözlər Onun vətənə hədsiz məhəbbətini, işinə münasibətini, quruculuq və yaradıcılıq həvəsini çox gözəl əks etdirir: “Mən şəhərin hər bir daşını, hər bir küçəsini, binasını özüm üçün doğma hesab edirəm. Əgər hər kəs millətini, şəhərini, Vətənini və paytaxtımız olan Bakını sevirsə, belə hissiyyatla yaşamalıdır”.
Respublikada mənzil tikintisi və şəhərsalma məsələlərinə qayğı və diqqətlə yanaşan Heydər Əliyev əhalinin mənzil-məişət şəraitini yaxşılaşdırmaq və urbanizasiya prosesini məqsədyönlü şəkildə inkişaf etdirmək üçün əvvəlki illərdə şəhərsalma ilə bağlı görülən tədbirlərin həyata keçirilməsində buraxılmış nöqsanları ciddi tənqid edirdi. Onun sözlərinə görə, həyata keçirilən tədbirlər kompleksi şəhərsalma və əhalinin yerləşdirilməsi məsələlərinin həllindəki ciddi nöqsanları aradan qaldırmaq üçün çox vacibdir. O, yeni yaşayış kvartallarının salınmasının, köhnə şəhərlərin bərpa olunaraq yenidən qurulmasının, abad kənd və qəsəbələrin salınmasının şəhər və kənd əhalisinin həyat şəraitinin bir birinə yaxınlaşmasına kömək edəcəyinə inanırdı və bu məqsədlərə doğru qətiyyətlə irəliləyirdi.
Zaman Heydər Əliyevin şəhərsalma ilə bağlı olan müdrik və uzaqgörən siyasətinin düzgün perspektivli olduğunu bir daha sübut etdi. Hazırda Bakının bir çox yerlərində müasir layihələr əsasında tikilən çoxsaylı hündürmərtəbəli yaşayış evlərinin və ictimai binaların şəhərə yaraşıq verməsi, bütövlükdə paytaxtda aparılan geniş abadlıq işlərinin nəticələri dahi rəhbərin həmin illərdə irəli sürdüyü təşəbbüslərin uğurla həyata keçdiyini göstərən faktlardır.
Məlumdur ki, şəhərsalma məsələlərində memarlığın rolu böyükdür. Gözəl memarlıq işlərini yüksək qiymətləndirən Heydər Əliyev memar və arxitektorların əməyinə həmişə qayğı ilə yanaşmış, mənzil tikintisi və şəhərsalma məsələlərində onların fəaliyyətini layiqincə dəyərləndirmişdir. Respublika iqtisadiyyatının dinamik inkişafı, insanların rifahının durmadan yüksəlməsi istehsal obyektlərinin, mədəniyyət, elm, təhsil müəssisələrinin, yaşayış evlərinin yüksək sürətlə tikilməsini, şəhərlərin, qəsəbələrin, kəndlərin daha tez abadlaşdırılmasını tələb etdiyini qeyd edən dahi şəxsiyyət bütün bu işlərdə memarların rolunun danılmaz olduğunu hər zaman vurğulayırdı. O, hər zaman qeyd edirdi ki, inşa edilən bütün tikililərin hamısı gözəl, orijinal olmalı, adamların estetik tələblərinə cavab verməlidir.
Heydər Əliyev yeni tikilən binalarda milli memarlıq formalarına geniş yer verməyi, binaların interyer və eksteryerlərində milli naxışlardan səmərəli istifadə etməyi tövsiyə etmişdir ki, bu da Ulu öndərin milli mədəniyyətimizə dərin məhəbbətini göstərən amillərdəndir. Dahi rəhbər mənzil tikintisində Şərq üslubuna, milli mədəniyyətimizə sadiq qalmağa üstünlük verir və bunu hamıya xatırladırdı. Onun daim vurğuladığı məsələlərdən biri memarların, layihəçilərin öz işlərində Azərbaycan memarlığının binalara Şərq koloriti verən ünsürlərindən geniş istifadə etməsi ilə bağlı olmuşdur. O bildirirdi ki, inşa edilən ansambllar və ayrı-ayrı tikililər Bakının sabahıdır və bunlar gələcək nəsillərimizi də sevindirməlidir.
Heydər Əliyev yeni inşa edilən binaların həm müasir, həm gələcək tələblərə cavab verməsinin inşaatçıların bir nömrəli vəzifəsi olduğunu deyirdi. Bu baxımdan yaxın gələcəkdə Azərbaycanda yeni-yeni binaların yüksələcəyinə şübhə etmirdi. O inanırdı ki, tikilən hər bir yeni bina öz memarlıq keyfiyyətlərinə və funksionallığına görə nə qədər müasir olarsa, bir o qədər də insana yararlı olacaq, şəhərin mənzərəsini zənginləşdirəcəkdir.
Bütün bu faktlardan aydın olur ki, respublikamızın iri şəhərlərində şəhərsalma işlərinin elmi əsaslarla və uzaqgörənliklə planlaşdırılması, urbanizasiyanın tələblərinə əməl edilməsi, bacarıqlı və səriştəli rəhbər olan Heydər Əliyevin təşkilatçılığı ilə əlaqədardır. Bu baxımdan Ulu öndərin uzaqgörənliyi ictimai həyatın başqa sahələrində olduğu kimi, şəhərsalma, urbanizasiya, məişət mədəniyyəti və sosial-ekologiya sahəsində də özünü göstərməkdədir.
Müasir Azərbaycan Respublikası öz müstəqilliyini bərpa etdiyi illər ərzində mürəkkəb və eyni zamanda, şərəfli bir yol keçmişdir. Ulu öndərimiz Heydər Əliyevin və Onun ideyalarının layiqli davamçısı olan Prezident İlham Əliyevin rəhbərliyi ilə aparılmış genişmiqyaslı islahatlar ölkəmizdə sosial-iqtisadi vəziyyətin yaxşılaşmasına, əhalinin maddi rifahının daha da artmasına xidmət etmişdir. Əsası Ümummilli lider tərəfindən qoyulmuş və bu gün uğurla həyata keçirilən uzaqgörən siyasət sayəsində bir çox sosial məsələlər öz həllini tapmış, əhalinin sosial müdafiəsinin gücləndirilməsi və həyat şəraitinin daha da yüksəldilməsi istiqamətində əhəmiyyətli addımlar atılmışdır.
Eyni zamanda, qeyd olunmalıdır ki, ötən 10 ildə Azərbaycanda həyata keçirilən tikinti işlərinin həcmi 8 dəfəyədək artmış və nəticədə, iqtisadiyyatın bu sektoru sürətlə inkişaf edən sahələrdən birinə çevrilmişdir. Sözügedən dövr həm də Azərbaycanda tikinti sənayesində yeni sahələrin yaranmasına səbəb olmuşdur. Qeyri-neft sektorunun inkişafı, tikinti sektorunda müşahidə edilən yüksəliş, ilk növbədə, tikinti materialları sənayesinin yenidən canlanması ilə nəticələnmişdir. Azərbaycanda yeni texnologiyalar əsasında işləyən sement zavodları tikilmiş, metal konstruksiyaları, müasir tikinti materialları istehsal edən müəssisələr yaradılmışdır.
Azərbaycan Respublikasının Prezidenti İlham Əliyevin qarşıya qoyduğu məqsədlərdən biri də ölkə əhalisinin mənzil-məişət şəraitinin yaxşılaşdırılmasıdır. Xüsusilə də aztəminatlı vətəndaşların, gənc ailələrin mənzil probleminin həll edilməsi prioritet vəzifə kimi müəyyən edilmişdir.
2016-cı ilin aprel ayında ölkə başçısının Fərmanı ilə yaradılmış Azərbaycan Respublikasının Prezidenti yanında Mənzil İnşaatı Dövlət Agentliyinin fəaliyyətə başlaması ilə Azərbaycanda yeni sosial hərəkatın əsası qoyulmaqla yanaşı, uzunmüddətli iqtisadi dayanıqlığın təmin edilməsi istiqamətində mühüm addım atıldı.
Əsas vəzifələrindən biri ölkə vətəndaşlarının mənzil-məişət şəraitinin yaxşılaşdırılması, mənzilə olan tələbatının ödənilməsi olan Mənzil İnşaatı Dövlət Agentliyi həmçinin Azərbaycanda müasir memarlıq üslubunda ekoloji və enerji səmərəliliyi tələblərinə cavab verən çoxmənzilli binaların tikilməsini təmin etməlidir.
Fəaliyyətə başladığı ilk gündən Agentlik güzəştli mənzillərin tikintisinin təşkil edilməsi istiqamətində zəruri tədbirlər həyata keçirir. Ölkə başçısının Agentliyin fəaliyyətinə göstərdiyi dəstək sayəsində 2016-cı ilin dekabr ayının 24-də Prezident İlham Əliyevin və ölkənin birinci xanımı Mehriban Əliyevanın iştirakı ilə Agentliyin ilk layihəsi olan, 29 binadan ibarət Yasamal Yaşayış Kompleksinin təməlqoyma mərasimi keçirilmişdir. Kompleksdə inşa olunacaq ilk doqquzmərtəbəli binanın və ümumtəhsil məktəbinin təməli qoyulmuşdur. Təməlqoyma mərasimində çıxış edərək bu layihənin reallaşmasının mənzilə ehtiyacı olan ailələr üçün böyük dəstək olacağını vurğulayan dövlət başçısı agentliyin xətti ilə əhali üçün çoxmənzilli binaların tikintisi prosesinin tədricən paytaxtla yanaşı, bir çox şəhər və rayon mərkəzlərini əhatə edəcəyini, eyni zamanda, respublikada inşaat sektorunun daha da canlanmasına töhfə verəcəyini diqqətə çatdırıb.
Bu gün zəngin tarixi ənənələrə köklənən Azərbaycanın iqtisadiyyatının, elm və mədəniyyətinin inkişafı, vətəndaşının mənafelərinin qorunması, onun sosial müdafiəsinin gücləndirilməsi, həyat keyfiyyətinin artırılması, ölkənin beynəlxalq nüfuzunun möhkəmlənməsinə hədəflənən dövlət siyasətinin qətiyyətlə reallaşdırılması prosesi dönməzdir. Bütün bunların əsası XX əsrdə Azərbaycan xalqının yetişdirdiyi dahi şəxsiyyət, idarəçilik sahəsində böyük və təcrübəli siyasət adamı, görkəmli dövlət xadimi və müasir Azərbaycan Respublikasının banisi Heydər Əliyev tərəfindən qoyulmuşdur.
Samir Nuriyev
Azərbaycan Respublikasının Prezidenti yanında Mənzil İnşaatı Dövlət Agentliyinin direktoru

 
  • Oxunub:  2340  |  
  • Tarix:  12-04-2017  |  
  •    Çap et   |  
Get Adobe Flash player
Azərbaycanın Respublika və Silahlı Qüvvələr günləri Londonda təntənəli şəkildə qeyd olunub

11:34
27 May
Azad Rəhimov: Gənclər Azərbaycanın tarixini dərindən bilməlidirlər
11:23
27 May
“Bakı ürək günləri” Beynəlxalq Konqresinin işi seksiya iclaslarında davam edib
11:15
27 May
Musa Qasımlı: 28 May – Respublika Günü xalqımızın ən əlamətdar bayramları sırasında yer tutur
11:09
27 May
28 May - Respublika Günü və Azərbaycan-Yaponiya diplomatik əlaqələrinin 25 illiyi Tokioda qeyd edilib
11:04
27 May
Türkiyənin İstanbul şəhərində 28 May - Respublika Günü münasibətilə rəsmi qəbul keçirilib
11:01
27 May
Azərbaycan Prezidenti: Əgər ölkələr bir-birinin işinə qarışmasalar onda nə müharibə, nə münaqişə olacaq
17:47
26 May
Donald Tramp: Azərbaycan Amerika Birləşmiş Ştatlarının dəyərli tərəfdaşıdır
17:42
26 May
Yaqub Mahmudov: Xalqımız Azərbaycan Xalq Cümhuriyyətinin tariximizdəki yerini və rolunu daim yüksək qiymətləndirir
17:22
26 May
Şahin Mustafayev: Ölkə ərazisindən keçən tranzit dəhlizlərinin rəqabət qabiliyyətinin və səmərəliliyinin artırılması istiqamətində mühüm tədbirlər görülür
17:15
26 May
Avstraliyada Azərbaycanın iqtisadi və investisiya imkanlarının təqdimatı keçirilib
16:47
26 May
Ukraynanın Prezidenti: Azərbaycan beynəlxalq arenada mövqelərini möhkəmləndirərək, qətiyyətlə yüksək inkişaf templəri nümayiş etdirir
16:17
26 May
Yeni Azərbaycan Partiyası Saatlı rayon təşkilatının VIII konfransı keçirildi
16:13
26 May
Sahibə Qafarova: Azərbaycan istənilən beynəlxalq tədbiri ən yüksək səviyyədə keçirə və eyni zamanda, öz standartlarını tətbiq edə bilər
15:38
26 May
28 May–Respublika Günü İspaniyada qeyd edilib
14:45
26 May
Çin Xalq Respublikasının Sədri: Çin Hökuməti Azərbaycanın dövlət quruculuğu, sosial-iqtisadi inkişaf sahələrində əldə etdiyi müvəffəqiyyətlərə sevinir
14:33
26 May
28 May – Respublika Günü münasibətilə rəsmi qəbul keçirilib
14:27
26 May
Anar İsgəndərov: Azərbaycan Xalq Cümhuriyyəti milli dövlətçilik tariximizdə müstəsna yer tutur
14:23
26 May
“HuffPost Maghreb”: Azərbaycan Qafqazın sabitlik və inkişaf sütunudur
14:19
26 May
“Bakı Ürək Günləri” 5-ci Beynəlxalq Konqres iştirakçıları ümummilli lider Heydər Əliyevin məzarını ziyarət ediblər
12:24
26 May
Azərbaycan ilə Rumıniya arasında təhsil sahəsində əməkdaşlıq daha da genişlənəcək
12:18
26 May
Azərbaycan İslam Ölkələrinin Maliyyə Mərkəzinin yaradılması ideyasını dəstəkləyir
12:15
26 May
Ər-Riyadda 28 May - Respublika Günü münasibətilə qəbul təşkil olunub
12:08
26 May
Yan Hamaçek: Azərbaycan Cənubi Qafqazda Çexiya üçün çox mühüm tərəfdaşdır
12:06
26 May
ABŞ-ın bir sıra şəhərlərində 28 may “Azərbaycan Milli Günü” elan edilib
11:26
26 May
Neft hasilatının azaldılmasına dair sazişin müddətinin daha 9 ay uzadılması qərarına Azərbaycan da razılıq verib
11:05
26 May
Vu Honq Nam: Azərbaycanın Vyetnamın quruculuq və inkişafına verdiyi dəstəyi minnətdarlıqla xatırlayırıq
10:59
26 May
Romada 28 May-Respublika Günü qeyd edilib
10:42
26 May
Klaudio Kajado: Braziliya-Azərbaycan əlaqələri sürətlə inkişaf edir
10:34
26 May
“ASAN xidmət” və “ASAN Kommunal” mərkəzlərində 28 may qeyri-iş günüdür
10:31
26 May
Əhəd Qəzayi: Prezident İlham Əliyev hər bir siyasi addımını vaxtında və dəqiqliklə atan dövlət xadimidir
10:19
26 May
Elmar Məmmədyarov: Azərbaycan sülh, təhlükəsizlik və dayanıqlı inkişafa töhfə verən güclü tərəfdaşdır
10:18
26 May
Prezident İlham Əliyev Azərbaycan Xalq Cümhuriyyətinin şərəfinə ucaldılmış abidəni ziyarət edib
10:10
26 May
ABŞ Konqresindəki Azərbaycan üzrə İşçi Qrupun həmsədri Respublika Günü ilə bağlı bəyanat yayıb
10:05
26 May
Müdafiə Nazirliyi: Atəşkəs rejimi 130 dəfə pozulub
10:01
26 May
Astanada 28 May - Respublika Günü münasibətilə rəsmi qəbul keçirilib
17:54
25 May
Mərakeş səfiri: IV İslam Həmrəyliyi Oyunlarında idmançılar üçün hər cür şərait yaradılmışdı
17:51
25 May
28 May-Respublika Günü Ankarada da qeyd olunub
17:47
25 May
Sahib Məmmədov: Sahibkarlığın inkişafı ölkə başçısı tərəfindən həyata keçirilən iqtisadi siyasətin tərkib hissəsidir
17:46
25 May
Misirli yazıçı: Azərbaycan Prezidentinin İslam həmrəyliyi təşəbbüsü müsəlman ölkələri arasında əlaqələri gücləndirəcək
17:44
25 May
NATO PA-nın yaz sessiyasında müdafiə və təhlükəsizlik məsələləri diqqət mərkəzində olacaq
17:24
25 May
Hindistan Prezidenti: Hindistan ilə Azərbaycan arasında müxtəlif sahələri əhatə edən uzunmüddətli dostluq münasibətlərinin möhkəmlənməsi və dərinləşməsi həqiqətən bizi məmnun edir
17:09
25 May
Anna Finoççiaro: TAP qaz boru kəməri İtaliya üçün strateji əhəmiyyət kəsb edir
17:05
25 May
Türkiyənin Azərbaycandakı səfiri Erkan Özoral "Yeni Azərbaycan" qəzetinin redaksiyasında olub
16:59
25 May
Kiyevdə keçirilən tədbirin iştirakçıları Azərbaycan Xalq Cümhuriyyətinin tarixi nailiyyətləri barədə məlumatlandırılıblar
16:55
25 May
Respublika Veteranlar Təşkilatında Azərbaycan Xalq Cümhuriyyətinin 99-cu ildönümü qeyd olunub
16:52
25 May
Tehranda Azərbaycanın turizm potensialından danışılıb
16:11
25 May
İslam Əməkdaşlıq Təşkilatının və COMCEC-in 5-ci illik koordinasiya iclası başlayıb
16:02
25 May
Yeni Azərbaycan Partiyası Sabirabad rayon təşkilatının VIII konfransı keçirilib
15:28
25 May
İnformasiya təhlükəsizliyi üzrə mütəxəssislər Bakıda toplaşıblar
15:20
25 May
28 May - Respublika Günü Los-Ancelesdə təntənəli şəkildə qeyd olunub
15:15
25 May
Fövqəladə Hallar Nazirliyi ilə Azərbaycan Milli Elmlər Akademiyasının birgə işçi müşavirəsi keçirilib
15:12
25 May
Kamilə Əliyeva: Azərbaycan nüfuzlu beynəlxalq tədbirlərə ev sahibliyi etməklə sülh və sabilik məkanı olduğunu nümayiş etdirir
15:04
25 May
Azərbaycanın işğal olunmuş əraziləri ilə bağlı hüquqi rəy BMT Təhlükəsizlik Şurası və Baş Məclisinin sənədi kimi yayılıb
15:02
25 May
Formula-1 Azərbaycan Qran-prisi ilə əlaqədar hazırlıq işləri intensiv davam edir
14:57
25 May
Kaxa Kaladze: “Azərbaycan enerji təhlükəsizliyimizdə mühüm rol oynayır”
14:27
25 May
Tbilisidə “Regional Enerji Sammiti” keçirilib
14:21
25 May
Parlamentdə “Azərbaycan Respublikasının 2016-cı il dövlət büdcəsinin icrası haqqında” qanun layihəsi müzakirə olunub
14:18
25 May
Azərbaycan və Ermənistan qoşunlarının təmas xəttində keçirilən monitorinq insidentsiz başa çatıb
12:56
25 May
Antonio Quterreş: Azərbaycan BMT-nın təşəbbüslərində və proqramlarında yaxından iştirak edir
12:42
25 May
Azər Bayramov: Azərbaycanda iqtisadiyyatın inkişaf tempi ilə bağlı müsbət dəyişikliklər gözlənilir
12:25
25 May
Ziyad Səmədzadə: Azərbaycan IV İslam Həmrəyliyi Oyunlarını uğurla başa çatdırdı
12:20
25 May
Bakı Olimpiya Stadionu “Dünyanın ən yaxşı yeni stadionu” mükafatına layiq görülüb
12:11
25 May
İspaniyanın Rey Juan Calos Universitetində Azərbaycanın multikulturalizm modelinə dair seminar keçirilib
12:07
25 May
Bakı Dövlət Universitetində 28 May - Respublika Günü qeyd edilib
11:55
25 May
Əbülfəs Qarayev: Növbəti Bakı Şopinq Festivalına 500-dək ticarət obyektinin qoşulacağı nəzərdə tutulur
11:52
25 May
Bakıda “IV İslam Həmrəyliyi Oyunlarının İslam ölkələri mediasında işıqlandırılması” mövzusunda “dəyirmi masa” təşkil edilib
11:48
25 May
Hikmət Babaoğlu: Bu gün Xalq Cümhuriyyətinin varisi olan müasir Azərbaycan beynəlxalq müstəvidə öz müstəqil siyasəti və zəngin dövlətçilik ənənələri ilə təmsil olunur
11:43
25 May
Elmar Məmmədyarov Nyu-Yorkda BMT-nin Baş katibi ilə görüşüb
11:35
25 May
Xalq Cümhuriyyətinin yaradılması Azərbaycanın dövlətçilik tarixinin çox mühüm bir səhifəsidir
11:26
25 May
İslam Həmrəyliyi Oyunlarında vəzifələrinin öhdəsindən layiqincə gəlmiş hərbi qulluqçular mükafatlandırılıb

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
HAVA HAQQINDA
Bakı
gündüz+20 +25
gecə+14 +17