Ana səhifə »  Ədəbiyyat »  Lider şəxsiyyət və ədəbiyyat
A+   Yenilə  A-
Lider şəxsiyyət və ədəbiyyat

(Tərlan Novruzov. Müstəqillik dövründə Azərbaycan ədəbiyyatına dövlət qayğısı. Bakı, Elm və təhsil, 2015)
Tanınmış ədəbiyyatşünas alim, respublikanın Əməkdar müəllimi, ADPU-nun “Dünya ədəbiyyatı” kafedrasının müdiri, filologiya üzrə elmlər doktoru, professor Tərlan Novruzovun Azərbaycan, eləcə də dünya ədəbiyyatı ilə əlaqədar çoxsaylı elmi nəşrləri, dərslik və monoqrafiyaları, dərs vəsaitləri onu hərtərəfli alim kimi səciyyələndirir. Alimin “Heydər Əliyev və ədəbiyyat məsələləri”, eləcə də Prezident İlham Əliyevin ədəbiyyatımızla bağlı fəaliyyəti haqqında “Müstəqillik dövründə Azərbaycan ədəbiyyatına dövlət qayğısı” monoqrafiyaları da digər əsərləri kimi rəğbətlə qarşılanmış, geniş müzakirələrə səbəb olmuşdur.
“Heydər Əliyev və ədəbiyyat məsələləri” monoqrafiyasında lider, şəxsiyyət və ədəbiyyat məsələləri çox əhatəli şəkildə, yüksək peşəkarlıqla qələmə alınmışdır. Eyni sözləri Heydər Əliyev irsinin davamçısı cənab Prezidentimiz İlham Əliyev haqqında müəllifin qələmə aldığı adıçəkilən kitabı barədə də söyləmək mümkündür. Kitaba akademik Rafael Hüseynov olduqca maraqlı, dərin məzmunlu ön söz yazmışdır. Başlıq təsadüfi seçilməmişdir: Dayaqlar! Həqiqətən, həm Ümummilli liderin, həm də cənab Prezidentin çoxcəhətli fəaliyyəti, xüsusən sənət və ədəbiyyatla bağlı fikir və mülahizələri, bu sahədə ardıcıl, konkret tədbirləri, yaradıcı insanlara hər zaman yaşıl işıq yandırmaları, mədəniyyət tariximizin yaşanmasına, yaşadılmasına yönələn fədakarlıq səyləri dəstək, dayaq anlayışlarını tamlığı ilə ortaya qoyur. Yalnız öz xalqını, Vətənini dərin məhəbbətlə sevən, ölkəmizin bütün dünyada hərtərəfli təbliğinə can atan bir Lider bu tarixi və əzəli missiyanı ləyaqətlə daşımaq imkanlarına malikdir. Əlbəttə, bütün bunlara qucaq açan, enerji gətirən ən ülvi amal doğma Vətənə - Azərbaycana, xalqımızın milli-mənəvi dəyərlərinə sonsuz bağlılıqdır. Professor Tərlan Novruzov çox haqlı olaraq qeyd edir ki, “Azərbaycançılıq ideologiyası Heydər Əliyev milli siyasətinin lokomotividir”. Kitabla hərtərəfli tanışlıq sübut edir ki, bu fikirlər, bu sözlər Heydər Əliyev siyasətinin layiqli davamçısı Prezident İlham Əliyevin bütün sahələrdə olduğu kimi, ədəbiyyat, mədəniyyət sahəsində də siyasi kursunun ayrılmaz hissəsidir.
Giriş, dörd bölmə və nəticə hissələrindən ibarət olan kitabda xronoloji ardıcıllıqla tarixi-ədəbi proseslərə aydınlıq gətirilmiş, lider şəxsiyyət və ədəbiyyat məsələləri yığcam şəkildə təhlilə cəlb edilmiş, bədii ədəbiyyatın, yaradıcı düşüncənin, müstəqil ölkəmizin inkişafında xüsusi rolu göstərilmişdir.
Girişdə əsasən Ümummilli liderimiz Heydər Əliyevin sovet dönəmində, eləcə də müstəqillik mərhələsində milli-mənəvi inkişafa xüsusi qayğı göstərdiyi konkret faktlarla izah edilmiş, Heydər-xalq birliyinin təməlində hansı sevginin dayandığı ədəbi proseslərə münasibət zəminində işıqlandırılmışdır. Belə ki, keçən əsrin 70-80-ci illərində milli-mənəvi dəyərlərə xüsusi önəm verilməsi, sənət dühalarından Nizaminin, Füzulinin, Vaqifin, C.Cabbarlının, H.Cavidin və digər korifeylərin yubileylərinin keçirilməsi, abidələrinin ucaldılması, müasir Azərbaycan ədəbiyyatının, mədəniyyətinin qabaqcıl nümayəndələrinə fəxri adların verilməsi, əsərlərinin geniş təbliği, xatirələrinin əbədiləşdirilməsi, əsərlərinin nəşrinin məhz bu böyük Azərbaycan sevgisindən qaynaqlandığını, liderin həm də kamil şəxsiyyət, böyük vətəndaş kimi yetişdiyini göstərir. Bu cəhət, bu üstünlük xalqın, eləcə də ədəbiyyatın uğuru, şanslı taleyidir. Maraqlı cəhət həm də odur ki, sovet dövründə olduğu kimi, müstəqillik illərində siyasi hakimiyyətə yenidən qayıdışından sonra da ciddi qlobal hadisələrin baş verməsinə, çoxsaylı problemlərin öz həllini gözlədiyinə rəğmən, Ulu öndər bu sahəni heç zaman unutmamış, ədəbiyyata qayğı əvvəlkindən daha sürətlə davam və inkişaf etdirilmişdir. Məhz buna görə də girişdə çox haqlı olaraq deyilir ki: “Azərbaycan Respublikasının Prezidenti cənab İlham Əliyevin əsaslandığı Azərbaycançılıq siyasətinin ideoloji özülü görkəmli dövlət xadimi Heydər Əliyevin ədəbiyyat və mədəniyyət təlimindən qidalanmışdır. Prezident İlham Əliyev bu əbədiyaşar təlimi yeni epoxanın prinsiplərinə uyğun olaraq zənginləşdirmiş, müasir dövrün ədəbiyyat siyasətini müəyyən etmişdir”.
Müəllifin önə çəkdiyi bu fikirlərin işığında kitabda cənab Prezidentin digər sahələrdəki titanik fəaliyyətinə nəzər yetirilir, müstəqillik dövrü ədəbiyyatına yeni baxışı müəyyənləşdirilir, klassik və müasir ədəbiyyatımızla bağlı çoxsaylı tədbirlərindən, dəyərləndirmələrindən bəhs olunur.
Birinci bölmə girişdə əsası qoyulan fikir və düşüncələrin, bir növ, davamı, məntiqi yekunudur. Müəllif burada Prezident İlham Əliyevin ibrətamiz həyat yolundan danışaraq əsas diqqəti xalq və lider birliyinə yönəldir. Vətəndaşların qayğıları ilə yaşamaq, hər an onların yanında olmaq, ölkə əhalisinin rifahına, əmin-amanlığa, sabitliyə, davamlı inkişafa hesablanmış addımlar bu birliyin təbii şəkildə yaranmasına səbəb olmuşdur. Müəllif Prezident İlham Əliyevin yüksək insani keyfiyyətləri, əhatəli, dinamik fəaliyyəti barədə ətraflı məlumat verərək dövlət başçısının ədəbiyyat, mədəniyyət sferasına xüsusi diqqət yetirdiyini, bu sahədə əsaslı proqram işlənib həyata keçirildiyini xüsusi olaraq göstərmişdir. Bu həm klassik, həm də müasir Azərbaycan ədəbiyyatının tanınmış nümayəndələrinin yubiley mərasimlərinin keçirilməsində, əsərlərinin kütləvi tirajla latın qrafikasında nəşr etdirilməsində, eləcə də dövlət dilinin inkişafına qayğı ilə əlaqədar qərar və sərəncamların qəbul olunmasında aydın şəkildə özünü göstərməkdədir.
Monoqrafiyanın ikinci bölməsinin birinci fəslində dövlət başçısının Azərbaycan Yazıçılar Birliyinə diqqət və qayğı göstərdiyi, bundan Azərbaycan ədəbiyyatının, mədəniyyətinin bəhrələndiyi, yaradıcı insanların sıralarının daha da genişləndiyi, bədii ədəbiyyatın hərtərəfli inkişafının təmin edildiyi barədə konkret faktlar əsasında söz açılmışdır. Sözügedən fəsildə sovet dönəmi ilə müqayisədə Yazıçılar Birliyinin miqyasının həm ölkə, həm də beynəlxalq şəbəkə daxilində genişləndiyi qeyd olunur. Müəllif olduqca həssas məqamlara nəzər yetirir, diqqətimizi sərt tarixi gerçəkliklər zamanında azad sözün, bir növ, təhlükədə olduğu illərə yönəldir.
Bölmənin “İlham Əliyev və müasir ədəbi-bədii proses” başlığı ilə təqdim olunan ikinci fəslində, bir tərəfdən, müasir ədəbi-bədii prosesə, bu sahədəki duruma nəzər yetirilir, digər tərəfdən, Azərbaycan Prezidentinin gərgin iş qrafikinə baxmayaraq, yaradıcı ziyalılarla vaxtaşırı görüşlər keçirməsindən, xalqımıza xidmət göstərən ədiblərin əməyini qiymətləndirməsindən, bu sahənin inkişafına strateji milli məsələ kimi yanaşmasından bəhs edilir. Kitabda Prezidentin yaşlı və orta nəslin nümayəndələri ilə yanaşı, yaradıcı gəncliyə xüsusi önəm verdiyi ayrıca vurğulanır.
Müəllif Prezidentin vaxtaşırı olaraq həm ölkə paytaxtında, həm də bölgələrdə yaradıcı ziyalılarla səmimi görüşlər keçirərkən Azərbaycan ədəbiyyatının, mədəniyyət nümunələrinin qorunması və təbliği məsələlərinin əhəmiyyətindən, gənc nəslin milli ruhda tərbiyə olunmasında bədii ədəbiyyatın misilsiz rolundan bəhs edən fikirlərinə geniş şəkildə yer ayırır. Həmin görüşləri diqqətlə izləyən müəllif bu yüksək qayğıya, həssas münasibətə görə yaradıcı insanların da sonsuz sevgisini, minnətdarlığını ifadə edən fikirlərini diqqətdən qaçırmamışdır. Prezidentin Ağstafa görüşü buna əyani misaldır. Şəhərdə Xalq şairi Səməd Vurğunun adını daşıyan mədəniyyət və istirahət parkının açılışında çıxış edən yaradıcı ziyalıların, alimlərin Prezident barədə fikirləri buna canlı sübutdur. Bu cəhətdən Azərbaycan Yazıçılar Birliyi Qazax bölməsinin sədri Barat Vüsalın çıxışında səslənən fikirlər reallığı çox düzgün səciyyələndirir: “Bəli, ölkəmizdə millətinin, xalqının başını uca edən hər bir adama böyük hörmət, ehtiram, qayğı vardır. Sizin verdiyiniz sərəncamlar əsasında Qazaxda Mütəfəkkirlər Parkı, Xalq yazıçıları Mehdi Hüseynin, İsmayıl Şıxlının həm heykəlləri ucaldılıb, həm də onların adını daşıyan parklar salınıb, Dədə Qorqud meydanı yaradılıbdır. Heydər Əliyev tərəfindən əsası qoyulmuş “Poeziya evi” Sizin tövsiyələriniz əsasında yüksək şəkildə bərpa olunub istifadəyə verilmişdir. Bu qayğını və diqqəti bölgəmizin əhatə etdiyi beş rayonun ədəbi qüvvələrinin timsalında da aydın görürük”.
Ədəbiyyatımıza, mədəniyyətimizə qayğı bütün bunlarla bitmir. Latın qrafikası əsasında kütləvi nəşrlərin həyata keçirilməsi bu işin tərkib hissəsidir. Məlumdur ki, istər klassik ədəbiyyat nümunələri, lüğət materialları, xalq ədəbiyyatı örnəkləri, eləcə də çağdaş ədəbiyyatımızın klassiklərinin əsərləri sovet dönəmində kiril əlifbası ilə dəfələrlə nəşr olunmuşdur. Kitabxanalara yığılmış həmin ədəbiyyatla latın qrafikası ilə oxuyub-yazan yeni nəsil arasında bir sədd, maneə yarandığı, əlaqənin az qala qırıldığı narahatlıq yaratmaya bilməzdi.
Azərbaycan Respublikasının Prezidenti İlham Əliyev 12 yanvar 2004-cü il tarixli, 56 nömrəli tarixi Sərəncamı imzalamaqla bu sahədə vəziyyəti kökündən dəyişdirdi, 170 adda ən mühüm əsərlərin, ədəbiyyat və mədəniyyət nümunələrinin kütləvi nəşrini həyata keçirməklə, onları geniş istifadə üçün ölkənin bütün kitabxanalarına göndərməklə mənəvi bağların qırılmasına imkan vermədi. Bu məsələlər kitabda əhatəli şəkildə şərh olunmuş, məsələyə aydınlıq gətirilmişdir. Prezidentin ana dilimiz, ədəbiyyatımızla bağlı silsilə sərəncamları, əməli addımları bütün yaradıcı təşkilatların, insanların ana dilinə daha möhkəm bağlanmasına, ədəbiyyatımızın, milli varlığımızın hərtərəfli inkişafına geniş imkanlar yaratmış, ədəbi bağların sarsılmazlığı təmin olunmuşdur.
Monoqrafiyanın üçüncü bölməsi Prezident İlham Əliyevin klassik ədəbiyyatımızın təbliği istiqamətində fəaliyyəti ilə əlaqədar təhlil, yazıçıların təqdimatı ilə diqqəti cəlb edir. Bölmədə Dədə Qorqud irsinə ehtiramdan danışılır. Qeyd edək ki, 6 hektar ərazidə yaradılan nadir sənətkarlıq kompleksi Prezident İlham Əliyevin Dədə Qorqud ruhuna, bütövlükdə soy-kökümüzə, milli-mənəvi dəyərlərimizə sonsuz qayğısından, milli yaddaşı gələcək nəsillərə daşımaq, tanıtmaq kimi olduqca vacib, nəcib missiyasından qaynaqlanır. Prezidentin 2007-ci il, 2 aprel tarixində imzaladığı Sərəncamla Bakının Nərimanov rayonunda Dədə Qorqud abidəsinin ucaldılmasına başlanılmış, 2013-cü il dekabrın 13-də abidə-kompleksin təntənəli açılışı baş tutmuşdur. Həmin təntənəli mərasimdə Prezident tarixi çıxışı ilə bir daha böyük ədəbiyyata, Ana kitabımıza bağlılığından xəbər vermiş, hər birimizi tarixi keçmişimizi daha dərindən mənimsəməyə, bu nadir xəzinəni bütün dünyada təbliğ etməyə, Azərbaycanımızın şöhrətini, qədimliyini, eləcə də insanların yurdsevərliyini, qəhrəmanlığını təqdim və təqdir etməyə çağırmışdır.
Kitabda həmçinin ölməz Azərbaycan şairi, dahi Nizami Gəncəvi, eləcə də Məhsəti Gəncəvi, İmadəddin Nəsimi, Məhəmməd Füzuli, Molla Pənah Vaqif, Abbasqulu ağa Bakıxanov, Mirzə Şəfi Vazeh, Mirzə Fətəli Axundzadə, Xurşudbanu Natəvan, Həsən bəy Zərdabi, Firidun bəy Köçərli, Cəlil Məmmədquluzadə, Mirzə Ələkbər Sabir Tahirzadə kimi sənət və mədəniyyət korifeyləri barədə yığcam, həm də olduqca məzmunlu açıqlamalar verilir, Prezidentin həmin görkəmli yaradıcı şəxsiyyətlərlə bağlı tarixi qərarlarından, onların zəngin ədəbi irsinə bələdliyindən, məhəbbətindən, səmimi münasibətindən danışılır.
Ədəbi-bədii ənənələr, yaradıcılıq karvanı kökdən gəlir, xalqın milli-mənəvi zənginliyindən, genetik yaddaşından süzülərək bizi keçmişdən bu günümüzə, bu gündən ümidində olduğumuz o böyük gələcəyə aparmaqdadır. Kitabı oxuduqca sonsuz fərəhlə, iftixarla dərk edirik ki, ən qədim dövrlərdən başlayaraq yola düzülən bu mənəviyyat qafiləsinin sarvanları dünyanın ən əntiq yükünü içinə çəkməyi bacarmış, sözün, sənətin kürəsində sıralanaraq öz yükündən milli ədəbiyyatımıza, eləcə də dünya mədəniyyətinə heç zaman dəyərini itirməyən qiymətli xəzinələr ərməğan etmişlər. Dövrün, zamanın müəyyən dolanbac yoxuş və enişlərində bu söz-mənəviyyat qafilələrinin bəzən köçdən aralandığı anlar olubsa da, heç zaman öz yerişini, ali istəyinə doğru yürüşünü dayandırmamışdır. Söz, mənəviyyat yürüşü dilində “Azərbaycan” yanğısı daima davam və inkişaf etmişdir. Monoqrafiyanın dördüncü bölümündə ədəbi tarixi bağlılıqdan geniş şəkildə bəhs olunmuş, müasir Azərbaycan ədəbiyyatının nadir simalarının təkrarsız sənət dünyasından söz açılmış, ölkə Prezidenti İlham Əliyevin müasir ədəbi prosesə stimul verməsi, daim himayədarlıq göstərməsi sənədlərin, faktların dili ilə işıqlandırılmışdır.
Yədulla AĞAZADƏ,
Lənkəran Dövlət Universitetinin
“Dil və ədəbiyyat” kafedrasının
müdiri, filologiya üzrə
elmlər doktoru

 
  • Oxunub:  75780  |  
  • Tarix:  12-04-2016  |  
  •    Çap et   |  

Qəzetin son buraxılışı

Siyasi münasibətlərin yüksək səviyyədə olması Azərbaycan və İtaliya arasında hərtərəfli əməkdaşlığın inkişafına güclü təkan verir

25 Fevral 20:08
Cenevrədə BMT-nin İnsan Hüquqları Şurasının 43-cü sessiyasının yüksək səviyyəli seqmentinin açılışı olub
25 Fevral 19:38
Ali qonağın şərəfinə
25 Fevral 19:36
Azərbaycan-Türkiyə sənədləri imzalanıb
25 Fevral 19:12
Azərbaycan və Türkiyə prezidentləri mətbuata bəyanatlarla çıxış ediblər
25 Fevral 17:52
Səfir: Dinc insanların qətlə yetirilməsi faktlarının unudulmaması üçün “Xocalıya ədalət!” kampaniyasının davam etdirilməsi çox vacibdir
25 Fevral 17:50
YAP könüllülərinin topladığı kitabların bir hissəsi Tbilisidə 64 saylı ictimai məktəbə təhvil verilib
25 Fevral 17:40
İslamabadda Xocalı soyqırımının 28-ci ildönümünə həsr olunan seminar keçirilib
25 Fevral 17:31
Xocalı faciəsi həm bəşəriyyətə qarşı cinayət, həm də soyqırımı faktıdır
25 Fevral 17:27
Dövlət Komitəsində vətəndaşların növbəti qəbulu keçirilib
25 Fevral 17:22
Çin lideri Si Cinpin Azərbaycan Prezidenti İlham Əliyevə minnətdarlıq edib
25 Fevral 17:20
Əminəm ki, yeni formalaşacaq parlamentdə qarşıda duran strateji məsələlərin həllinə tutarlı münasibət bildirən şəxslər təmsil olunacaq
25 Fevral 17:05
Eldar İbrahimov: İtaliya-Azərbaycan əlaqələri yüksələn xətlə inkişaf edir
25 Fevral 17:04
Avtomobil Yolları Dövlət Agentliyinin rəhbərliyi regionlarda vətəndaşları qəbul edib
25 Fevral 17:01
Türkiyə parlamenti Xocalı faciəsinə zəruri qiymət verməyə çağırıb
25 Fevral 16:56
Memarlıq və İnşaat Universitetində “Qəhrəmanlıq zirvəsi” sənədli filmi nümayiş olunub
25 Fevral 16:54
AZAL sərnişinlərə xidmət sahəsində yeni texnologiyaya keçib
25 Fevral 16:53
“Azərsu” ASC-nin sədri Şabranda vətəndaşları qəbul edib
25 Fevral 16:48
Politoloq: Birgə Bəyannamə Azərbaycan-İtaliya əməkdaşlığının daha da dərinləşməsini şərtləndirən mühüm sənəddir
25 Fevral 16:37
Hulusi Kılıç: “Hər yerdə Xocalı soyqırımı qurbanlarının adları əbədiləşdirilməlidir”
25 Fevral 16:35
Azərbaycan-Türkiyə Yüksək Səviyyəli Strateji Əməkdaşlıq Şurasının VIII iclası keçirilib
25 Fevral 16:02
Misir mətbuatında Xocalı soyqırımının ildönümü ilə bağlı məqalələr dərc edilib
25 Fevral 15:47
Azərbaycan Prezidenti İlham Əliyevin Türkiyə Prezidenti Rəcəb Tayyib Ərdoğan ilə təkbətək görüşü olub
25 Fevral 15:36
Azərbaycan Texniki Universiteti beynəlxalq əlaqələrini genişləndirir
25 Fevral 15:28
Bilal Dündar: Ermənilər tarixboyu regionda sülh və sabitliyin təmin olunmasına imkan verməyiblər
25 Fevral 15:17
Naxçıvanın Bakıdakı daimi nümayəndəliyində Xocalı soyqırımının 28-ci ildönümü qeyd olunub
25 Fevral 15:11
“Cəsurluq Məktəbi” layihəsinin bağlanış mərasimi keçirilib
25 Fevral 15:02
Türkiyə Prezidenti Rəcəb Tayyib Ərdoğanın rəsmi qarşılanma mərasimi olub
25 Fevral 14:55
Tural Gəncəliyev: Xocalı faciəsini törədənlərin beynəlxlaq məhkəməyə cəlb olunmaları üçün əlimizdən gələni edəcəyik
25 Fevral 14:46
Səyyad Salahlı: “Azərbaycanda bütün dini icmaların azad fəaliyyətinə tam şərait yaradılıb”
25 Fevral 14:41
Karlos Uriarte: Xocalı soyqırımı kimi cinayətlərin bir daha təkrarlanmasına imkan vermək olmaz
25 Fevral 14:05
Türkiyə Prezidenti Rəcəb Tayyib Ərdoğan Azərbaycana səfərə gəlib
25 Fevral 13:55
XİN: Ermənistan tərəfinin atəşkəsi pozması bu ölkənin rəhbərliyinin “inqilabi təşəbbüsləri”nin əsl mahiyyətini açıq şəkildə göstərir
25 Fevral 13:38
YAP İcra Katibliyində Xocalı soyqırımımın 28-ci ildönümünə həsr olunmuş “Xocalı faciəsi fotolarda” adlı sərgi təşkil olunub
25 Fevral 13:36
Əli Əhmədov: Xocalı faciəsi bəşəriyyətə, insanlığa qarşı cinayətdir
25 Fevral 13:00
Mədəniyyət naziri Masallıda vətəndaşlarla görüşüb
25 Fevral 12:54
Xocalı soyqırımı bütün bəşəriyyətə qarşı törədilmiş cinayətdir
25 Fevral 12:35
Ağsaqqallar Şurasının üzvləri “Ana harayı” abidəsini ziyarət ediblər
25 Fevral 12:24
Britaniya hökuməti Azərbaycanda keçirilmiş parlament seçkiləri ilə bağlı bəyanat yayıb
25 Fevral 12:19
Pərvin Kərimzadə: İtaliya səfəri ölkələrimiz arasında əlaqələrin daha da genişlənməsinə töhfə verəcək
25 Fevral 11:53
Türkiyəli alpinistlər Haçadağa yürüş edərək Xocalı soyqırımı qurbanlarının xatirəsini anıblar
25 Fevral 11:40
Abşeron rayonunda ötən ilin sosial-iqtisadi inkişafının yekunları müzakirə edilib
25 Fevral 11:25
Ərdoğan: Türkiyə ilə Azərbaycan arasında qarşılıqlı səfərlər strateji tərəfdaşlığın səviyyəsini nümayiş etdirir
25 Fevral 11:20
Ukrayna mətbuatına Xocalı soyqırımı ilə bağlı bəyanat ünvanlanıb
25 Fevral 11:11
İsveçdə Xocalı soyqırımının 28-ci ildönümü ilə əlaqədar etiraz aksiyası keçirilib
25 Fevral 11:00
Fevralın 26-da paytaxtın bəzi küçə və prospektlərində avtomobillərin hərəkətinə məhdudiyyət qoyulacaq
25 Fevral 10:53
Xarici İşlər nazirinin müavini BMT-nin İnsan Hüquqları Şurasının sessiyasında iştirak edir
25 Fevral 10:41
Hüseyn Altınalan: İnsanlıq tarixinin ən böyük qətliamı Qarabağda törədilib
25 Fevral 10:22
İsveçrədə Xocalı soyqırımı qurbanlarının xatirəsi anılıb
25 Fevral 09:49
Madriddə “Xocalıya ədalət!” kampaniyası çərçivəsində tədbir keçirilib
25 Fevral 09:35
Cənubi Koreya mətbuatı Xocalı soyqırımından yazır
25 Fevral 09:22
YAP Səbail rayon təşkilatının yaradılmasının 27 illiyi münasibətilə tədbir keçirilib
25 Fevral 09:03
Siyasi münasibətlərin yüksək səviyyədə olması Azərbaycan və İtaliya arasında hərtərəfli əməkdaşlığın inkişafına güclü təkan verir
24 Fevral 20:50
Nazirlər Kabineti koronavirus epidemiyasına qarşı görülən tədbirlərlə bağlı məlumat yayıb
24 Fevral 20:44
Altıncı çağırış Naxçıvan Muxtar Respublikası Ali Məclisinin birinci sessiyası keçirilib
24 Fevral 20:34
Azərbaycanın Birinci vitse-prezidentinin Papa Cəngavər Ordeninə layiq görülməsi onun dinlərarası dialoqa verdiyi töhfələrlə bağlıdır
24 Fevral 20:12
Beynəlxalq Din Azadlığı Komissiyasının nümayəndələri ölkəmizdəki dini durum barədə məlumatlandırılıb
24 Fevral 20:00
YAP könüllülərinin topladığı kitabların "Kitablarımızı paylaşaq, dilimizi yaşadaq" layihəsi çərçivəsində Gürcüstanda paylanılmasına başlanılıb
24 Fevral 17:49
Konstitusiya Məhkəməsində Xocalı soyqırımının 28-ci ildönümü ilə bağlı anım tədbiri keçirilib
24 Fevral 17:47
“France2” kanalında “Azərbaycan-sivilizasiyaların kəsişməsində” sənədli filminin 2-ci hissəsi yayımlanıb
24 Fevral 17:36
Küveytdə Xocalı qurbanlarının xatirəsi yad edilib
24 Fevral 17:15
Xocalıda dinc əhali xüsusi qəddarlıqla qətlə yetirilib
24 Fevral 16:56
Ədəbiyyat Muzeyində elmi sessiya: Dünyanın tanıdığı faciə - Xocalı soyqırımı
24 Fevral 16:49
Qara şəhəri tarixə çevirən Ağ şəhər
24 Fevral 16:42
Dünyaya çağırış: Soyqırımılarının qarşısının alınması üçün təcili tədbirlər görülməlidir
24 Fevral 16:25
Xocalı qurbanlarının xatirəsi Daşkənddə də anılıb
24 Fevral 16:09
“AzerGold” ötən ilin nəticələrini və 2020-ci il üçün hədəflərini açıqlayıb
24 Fevral 15:35
Vüqar Rəhimzadə: Azərbaycan-İtaliya əlaqələri strateji tərəfdaşlıq səviyyəsinə yüksəlib
24 Fevral 15:25
Sevinc Fətəliyeva: Azərbaycanla İtaliya arasında siyasi, iqtisadi, mədəni, humanitar və digər istiqamətlərdə əməkdaşlıq davamlı şəkildə yüksələn xətlə inkişaf edir
24 Fevral 15:19
Maliyyə Nazirliyi və Asiya İnkişaf Bankı ortamüddətli xərclər çərçivəsinin tətbiqinə dair seminar keçirib
24 Fevral 15:04
BSU-nun tələbələri pedaqoji və istehsalat təcrübəsinin keçirilməsi qaydaları haqqında məlumatlandırılıb

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
HAVA HAQQINDA
Bakı
gündüz+8 +12
gecə+5 +7