A+   Yenilə  A-
“Gənclərin sosial və siyasi proseslərdə rolu və qadınların fəallığının gücləndirilməsi”

Yeni Azərbaycan Partiyasının ev sahibliyi ilə bu mövzuda Asiya Siyasi Partiyaları Beynəlxalq Konfransının Gənclər Qolunun 5-ci və Qadınlar Qolunun 6-cı iclası keçirilib

 

Əli Əhmədov: Yeni Azərbaycan Partiyası ICAPP-ın fəal üzvü kimi bu təşkilatla səmərəli və sıx əməkdaşlıq edir

 

Sentyabrın 7-də Bakıda Yeni Azərbaycan Partiyasının (YAP) ev sahibliyi ilə “Gənclərin sosial və siyasi proseslərdə rolu və qadınların fəallığının gücləndirilməsi” mövzusunda Asiya Siyasi Partiyaları Beynəlxalq Konfransının (ICAPP) Gənclər Qolunun 5-ci və Qadınlar Qolunun 6-cı iclası keçirilib. Tədbiri ICAPP-ın Baş katibi Park Ro-byug açıb və gündəlik barədə məlumat verib.
Çıxış edən Azərbaycan Respublikası Baş nazirinin müavini, YAP Sədrinin müavini-İcra katibi Əli Əhmədov tədbirin işinə uğurlar arzulayıb. ICAPP-ın Asiya qitəsində ictimai-siyasi proseslərin, bir sıra problemlərin müzakirəsi baxımından vacib platforma olduğunu deyən Əli Əhmədov toplantıda təşkilatın gələcək fəaliyyəti ilə bağlı faydalı qərarların qəbul olunacağına ümidvar olduğunu bildirib. Əli Əhmədov qeyd edib ki, Yeni Azərbaycan Partiyası ICAPP-ın fəal üzvü kimi bu təşkilatla səmərəli və sıx əməkdaşlıq edir. Baş nazirin müavini vurğulayıb ki, cəmiyyətin və bəşəriyyətin gələcəyini Asiya ölkələrində bu gün müşahidə olunan inkişafdan ayrı təsəvvür etmək mümkün deyil. Asiya dünya iqtisadiyyatının inkişafına böyük töhfələr verir. Dünya iqtisadiyyatının böyük bir hissəsi Asiya qitəsində toplaşıb və gələcək inkişaf baxımından böyük potensial olaraq özünü təqdim etməkdədir.
Əli Əhmədov əmin olduğunu bildirib ki, ICAPP bu sahədəki problemlərin aradan qaldırılması istiqamətində öz üzərinə düşən missiyanı lazımınca yerinə yetirə bilir: “Asiya həm də bir çox ciddi təzadlarla müşahidə olunan regiondur. Bir tərəfdən yüksək inkişaf prosesləri gedir, digər tərəfdən inkişafın geridə qaldığı hallar da narahatlıq yaradır. Bu da bütövlükdə Asiya regionunun rəngarəng palitraya sahib olduğunu göstərir. Asiyanın bugünkü reallıqlarını müzakirə etməklə yanaşı, qitənin gələcək inkişafı ilə bağlı layihələrin hazırlanmasında ICAPP-ın üzərinə böyük iş düşür. Asiya ölkələrinin əksər siyasi partiyaları bu qurumda cəmləşib, onu dünyanın ən böyük siyasi partiyalar qrupu kimi qiymətləndirmək mümkündür. Xüsusilə də gənclər və qadınlar problemini ayrıca vurğulamağa ehtiyac var. Asiya ölkələri üçün xarakterik olan cəhətlərdən biri də əhalinin dinamik artımı ilə bağlı gənclərin xüsusi çəkisinin yüksək olması ilə əlaqədardır. Bu da ICAPP-ın fəaliyyətində gənclərlə bağlı görülməli olan işlərin nə qədər böyük əhəmiyyət kəsb etdiyindən xəbər verir. Həmin fikirləri qadınlar qolu haqqında da demək olar. Məmnunluq hissi ilə qeyd etmək istəyirəm ki, ICAPP-ın Qadınlar Qolu Bakıda təsis olundu. Bu təşkilat səmərəli şəkildə fəaliyyət göstərir. Qadınların rolunun, fəallığının artırılması da ICAPP-ın üzərinə düşən tarixi missiyalardan biridir. Demokratiyanın, insan haqlarının, siyasi plüralizmin inkişafı istiqamətində ICAPP-ın böyük rolunun olması mümkündür. Hesab edirəm ki, bu regiona daxil olan ölkələrin inkişafının təmin edilməsinin çox ciddi şərtlərindən biri siyasi plüralizmin, demokratiyanın, insan haqlarının inkişaf etdirilməsinə dəstək verilməsi ilə əlaqədardır. Bir tərəfdən, iqtisadi potensialın daha da gücləndirilməsi, texnoloji inkişafın təmin edilməsi, digər tərəfdən isə geriləmələrin aradan qaldırılması ICAPP-ı düşündürən məsələlərdən biridir”.
Əli Əhmədov deyib ki, sabitliyin, əmin-amanlığın bərqərar edilməsi və möhkəmləndirilməsi, region üçün problemə çevrilən terrorizm kimi bəlaların aradan qaldırılması da ICAPP çərçivəsində müzakirə olunan ciddi məsələlərdir: “Terrorizm kimi hadisələr Asiya siyasi mədəniyyətinə xas olan hal deyil. Təəssüf ki, bəzi ölkələrdə bu halları müşahidə edirik və onun insanlara gətirdiyi bəlaları görməmək mümkün deyil. Beləliklə, Asiya ölkələrinin tərəqqisində ciddi problemlərin aradan qaldırılmasında cəhdlərin göstərilməsində ICAPP öz üzərinə götürdüyü missiyanı uğurla həyata keçirir. Gələn il ICAPP-ın təsis olunmasının 20-ci ildönümü qeyd olunacaq. ICAPP nəinki təkcə Asiya ölkələrinin siyasi həyatında özünə yer tuta bilib, eyni zamanda, bütövlükdə dünyada özünü tanıtmağa nail olan siyasi partiyalar qrupuna çevrilib”.
Yeni Azərbaycan Partiyasının ICAPP-la çox sıx əməkdaşlıq etdiyini deyən Əli Əhmədov partiyamızın bundan sonra da bu təşkilatın öz üzərinə götürdüyü missiyaların həyata keçirilməsində töhfələrini verəcəyini diqqətə çatdırıb.
Sonra çıxış edən ICAPP Gənclər Qolunun sədri, Malayziya parlamentinin üzvü Seri Şahidan bin Kassim Azərbaycan xalqına yüksək qonaqpərvərliyə görə təşəkkür edib. Ölkəmizə ikinci dəfə səfər etdiyini deyən qonaq ötən dövr ərzində böyük inkişafın şahidi olduğunu, Bakının isə dünyanın ən gözəl şəhərlərindən birinə çevrildiyini söyləyib. O qeyd edib ki, Bakıda keçirilən tədbirdə Asiya ölkələrindən olan müxtəlif baxışlara malik gənclər iştirak edirlər. Bu günün gəncləri sabahın liderləridir. Bu isə imkan verir ki, onlar gələcəyin siyasətçisi, lideri kimi qətiyyətli və vacib qərarlar qəbul edə bilsinlər.
Azərbaycanın Avropa ilə Asiyanın qovuşuğunda yerləşdiyini bildirən qonaq tədbirin məhz Bakıda keçirilməsinin əhəmiyyətini vurğulayıb. Diqqətə çatdırıb ki, gənclərin cəmiyyətdə sosial ədalətin bərqərar olunması istiqamətində fəaliyyəti vacibdir və onlar bu prosesə ciddi töhfə verməlidirlər.
Daha sonra çıxış edən ICAPP Qadınlar Qolunun həmsədri, Nepal parlamentinin üzvü Sujata Koirala bugünkü iclasın qadınların ictimai həyatda iştirakçılığının gücləndirilməsi üçün mühüm əhəmiyyət kəsb etdiyini diqqətə çatdırıb. O bildirib ki, qlobal dünyada gender bərabərliyinin təmin edilməsində mühüm nailiyyətlər əldə olunub, qadınların parlamentdə və dövlət qurumlarında təmsilçiliyi xeyli artıb: “ICAPP fəaliyyət göstərdiyi dövr ərzində qadınların mövcud problemlərinin həlli istiqamətində zəruri işlər görüb. ICAPP geniş potensiala və resurslara malik olan Asiyanın siyasətçi qadınlarını bir araya gətirərək qitənin gələcək inkişafına, bölgədə sülhün, əmin-amanlığın və davamlı inkişafın əldə olunmasına çalışır. Bu iclaslar quruma üzv olan dövlətlərdə qadınların inkişafına, qarşıda duran problemlərin həllinə mühüm töhfə verir”.
Milli Məclis sədrinin müavini, YAP İdarə Heyətinin üzvü Bahar Muradova da tədbirin əhəmiyyətindən danışıb. O vurğulayıb ki, dünyada mövcud olan ictimai-siyasi durum, bütün qitələri təhdid edən təhlükələr və çağırışlar bizi ən müxtəlif formatlarda beynəlxalq təşkilatlar çərçivəsində, xüsusilə siyasi partiyaların birlikləri olan ICAPP tipli təşkilatlarda birləşməyə vadar edir. Bu regionda siyası partiyaların bir araya gəlməsi və regionun inkişafı üçün, qarşıda dayanan hədəflərə nail olunması üçün yolların axtarılması çox vacibdir. Vitse-spiker söyləyib ki, Cənubi Qafqazın ən böyük siyasi qüvvəsi olan YAP ICAPP-ın işinə hissolunacaq dərəcədə töhfələr verir. Onun sözlərinə görə, bütövlükdə ölkəmiz dünyanı düşündürən aktual məsələlərin müzakirəsinə həsr olunmuş çoxsaylı beynəlxalq tədbirlərə ev sahibliyi edib və bu gün də edir.
B.Muradova qeyd edib ki, nəzərə alsaq ki, konfransın mövzusu “Gənclərin sosial və siyasi proseslərdə rolu və qadınların fəallığının gücləndirilməsi”dir, bu gün bütün dünya ölkələri davamlı inkişaf məqsədlərinə çatmaq üçün birgə səylərin ortaya qoyulmasına cağırış edir. Ən müxtəlif baxışları olan partiyaların bir araya gətirilib, məqsədlərə çatmağın yollarının müəyyənləşdirilməsi çox doğrudur.
“Azərbaycanın bu sahədə də təcrübəsi böyükdür”, - söyləyən B.Muradova qeyd edib ki, biz artıq könüllü olaraq ikici dəfə Dayanıqlı İnkişaf Məqsədlərinə dair hesabatı təqdim etmiş ölkəyik və çoxsaylı nəticələr vardır: “Təcrübələri bölüşmək, problemləri həll etmək, prioritetləri müəyyənləşdirmək, gənclərin və qadınların iştirakını, təmsilçiliyini artırmaq bu günümüzün əsas tələblərindəndir. İnanıram ki, ICAPP-da təmsil olunan partiyalar bu imkanlardan istifadə edərək qarşıda dayanan məqsədlərə öz töhfələrini verəcəklər”.
Gənclər və idman naziri Azad Rəhimov isə çıxışında Azərbaycanın dövlət gənclər siyasəti haqqında məlumat verib və deyib ki, Ulu Öndər Heydər Əliyevin əsasını qoyduğu gənclər siyasəti son 15 ildən artıq dövrdə dövlətimizin başçısı İlham Əliyev tərəfindən uğurla həyata keçirilir. O bildirib ki, ölkəmizdə gənclərlə bağlı bır sıra dövlət proqramları qəbul olunub. Əhalimizin 30 faizindən çoxunu gənclər təşkil edir. Prezident İlham Əliyev tərəfindən gənclərin inkişafı üçün yaradılmış şərait nəticəsində dövlət qurumlarında onların təmsilçiliyi xeyli artıb. Gənclərimizin beynəlxalq əlaqələrinin inkişaf etdiyini deyən Azad Rəhimov son illərdə Azərbaycanda gənclər siyasəti ilə bağlı keçirilən beynəlxalq tədbirlərin sayının da dəfələrlə artdığını vurğulayıb: “Ölkə Prezidenti gənclərin malik olduğu potensial imkanlardan səmərəli istifadəni qarşıya mühüm vəzifə kimi qoyur. İnformasiya cəmiyyətinin bərqərar olması ilə əlaqəli proseslər əyani surətdə nümayiş etdirir ki, müasirlik, yüksəkkeyfiyyətli təhsil və işgüzarlıq olan yerdə gəncliyə xas yenilikçi düşüncə sivilizasiyanın bütövlükdə simasını dəyişdirə bilər. Hazırda müasir dünyada qarşılaşdığımız bir çox problemlərin həlli məhz gəncliyin tükənməz enerjisi və qətiyyəti sayəsində həllini tapacaq. Müstəqillik tariximizdə ictimai fəal gənclərin çoxlu sayda gənclər təşkilatlarında birləşməsi, həmçinin beynəlxalq gənclər qurumlarında təmsil olunması, 2007-ci ilin ölkəmizdə “Gənclər ili” elan edilməsi, gənclərin inkişafına xidmət edən Dövlət proqramlarının qəbulu və sair kimi bir-birindən mühüm addımlar gənclərə diqqət və qayğının dövlətin siyasətində prioritet məsələ olduğunu təsdiqləyir. Azərbaycan günbəgün yeniləşir, müasirləşir. Dövlət başçısı İlham Əliyev daim bildirir ki, müasirləşmə dövlət siyasətinin düzgün qurulmasından, eyni zamanda, gənclərin fəaliyyətindən asılıdır”.
Gənclərimizin beynəlxalq əlaqələrinin inkişaf etdiyini deyən Azad Rəhimov deyib ki, əməkdaşlıq əlaqələrinin inkişafı gənclərin zəngin təcrübəyə malik olmasında, səylərinin birləşdirilməsi fonunda hədəflərə yüksək səviyyədə nail olmaqda əhəmiyyətli rol oynayır.
Ailə, Qadın və Uşaq Problemləri üzrə Dövlət Komitəsinin sədr müavini, YAP Siyasi Şurasının üzvü Sədaqət Qəhrəmanova bildirib ki, ICAPP-ın bu toplantısında müzakirəyə çıxarılan mövzu çox aktual və əhəmiyyətlidir. Onun sözlərinə görə, gələcəyimiz olan gənclərin və cəmiyyətimizin inkişafının əsasını təşkil edən qadınların dayanıqlı inkişafa nə kimi töhfə verəcəkləri, imkan və perspektivlərin dəyərləndirilməsi olduqca mühümdür: “Azərbaycan qadınları ötən il seçib-seçilmək hüququnun əldə olunmasının 100 illiyini qeyd etdilər. 100 il əvvəl və ondan çox-çox öncə Azərbaycan qadınları xalqımıza qürur verən şərəfli bir tarix yazıblar. Bu gün ölkəmizdə dövlət qadın siyasəti uğurla həyata keçirilir. Ölkəmizin iqtisadi, sosial və siyasi inkişafı, əhalinin yaşayış səviyyəsinin yüksəldilməsi, yoxsulluğun ləğv olunması, davamlı iqtisadi inkişafa nail olunması bütün sahələrdə gender bərabərliyinin təmin olunmasına, qadınların özünü reallaşdırmasına, eləcə də ictimai həyatın bütün sahələrində aktiv iştirakı üçün imkanlar yaradır. Azərbaycan əhalisinin ümumi sayının 50,1%-ni təşkil edən qadınlar cəmiyyətin müxtəlif sferalarında çalışırlar. Onların ictimai-siyasi, elmi, mədəni, sosial-iqtisadi və digər sahələrdə əldə etdikləri uğurlar bütövlükdə dövlətimizin nailiyyətidir. Hazırda qadınlarımız həm idarəetmə, həm də qərarqəbuletmə sahəsində yetərincə təmsil olunurlar. Hüquq-mühafizə orqanlarında, elm, mədəniyyət, idman və digər sahələrdə də qadınlarımızın sayı ildən-ilə yüksəlir. Son illərdə qadınların sahib olduğu müəssisələrin sayının artdığı müşahidə olunur. Məlumat üçün bildirim ki, hazırda sahibkar qadınların xüsusi çəkisi 30%-ə çatıb. Bu isə Prezidentimiz cənab İlham Əliyev tərəfindən aparılan siyasi xəttin və Azərbaycan Hökumətinin həyata keçirdiyi dövlət qadın siyasətinin məntiqi nəticəsidir”.
Qadınların siyasi fəallığına gəldikdə isə, S.Qəhrəmanova qeyd edib ki, hazırda minlərlə qadın müxtəlif partiyaların sıravi və ya Siyasi Şurasının üzvü kimi fəaliyyət göstərir. Yeni Azərbaycan Partiyasının qadın üzvlərinin sayı ildən-ilə yüksələrək 46 faizə çatıb: “YAP qadın qolu ardıcıl maarifləndirici tədbirlər həyata keçirir. Bu ilin dekabrında bələdiyyələrə seçkilər keçiriləcək. Artıq ilin əvvəlindən başlayaraq qadınlarla iş aparılır. Yəqin ki, bu dəfə də yüksək nəticələr əldə edə biləcəyik. Bir məsələni xüsusilə vurğulamaq istəyirəm ki, bu gün Yeni Azərbaycan Partiyasının Sədr müavini, respublikanın Birinci vitse-prezidenti, Heydər Əliyev Fondunun prezidenti Mehriban xanım Əliyevanın təşəbbüsü və dəstəyi ilə yalnız Azərbaycanda deyil, dünyanın bir çox ölkələrində bir sıra sosial, elm və təhsil, İKT, mədəniyyət sahələrində layihələr həyata keçirilir”.
Onun sözlərinə görə, bütün ölkələr 2030-cu ilədək Dayanıqlı İnkişaf Məqsədlərində nəzərdə tutulan hədəflərə nail olmaq üçün öhdəlik qəbul edib: “Hər bir ölkə çalışır ki, 17 məqsədin hamısını reallaşdırsın. Lakin bu, həmin ölkələrin inkişaf tempindən, iqtisadi, təbii və insan resurslarından asılıdır. DİM-lərin 5-ci məqsədi gender məsələlərinə həsr olunsa da, digər məqsədlərdə də gender komponenti vardır. Artıq bu bir reallıqdır ki, qadınların qərarların qəbul olunmasında və idarəetmədə təmsilçiliyinin artması, onların hər bir sferada təmsilçiliyinin təmin olunması, iştirakçılığının təşviqi və inkişafı bir strategiyaya çevrilib və bu strategiya Azərbaycanda uğurla həyata keçirilir”.
Sonra tədbir panel iclaslarla öz işini davam etdirib.
ICAPP-ın Gənclər Qolunun 5-ci iclasına moderatorluq edən YAP Gənclər Birliyinin sədr müavini, ICAPP Gənclər Qolunun Büro üzvü Ramin Məmmədov moderator qismində çıxış edərək deyib ki, Asiyada sülhün, təhlükəsizliyin təmin edilməsində və tərəfdaşlığın inkişafında gənclərin xüsusi rolu var. O qeyd edib ki, qloballaşan dünyada gənclərin rolu danılmazdır: “Gələcəyini fikirləşən bütün dövlətlər gənclərə xüsusi diqqət yetirir, onların fikirlərini və gələcəyə baxış konsepsiyalarını nəzərə alırlar. Bu baxımdan ICAPP-ın Gənclər Qolunun 5-ci iclasının Bakıda keçirilməsi mühüm əhəmiyyət kəsb edir”.
Çıxış edən YAP Gənclər Birliyinin sədri Seymur Orucov bildirib ki, hazırda sıralarında 750 minə yaxın üzvü birləşdirən partiyamızın 250 min nəfəri gənclərdir. Partiyada gənclərə bütün sahələrdə dəstək var. YAP-ın beynəlxalq əməkdaşlığından bəhs edən S.Orucov bildirib ki, Asiya gənclərini bir araya gətirən ICAPP-la əlaqələrimiz yüksək səviyyədədir: “Düşünürük ki, bugünkü tədbirimiz müxtəlif istiqamətlərdə əməkdaşlığımızım genişləndirilməsinə böyük töhfə olacaq”.
Toplantıda həmçinin Koreyanın Milli Assambleyasının üzvü Kang Hoon, Banqladeşin təmsilçisi Mohammad İmranul Hye Sajib, Malayziya nümayəndəsi Mikheil Kumsishvili, İranın İslam Əmək Partiyasının gənclər təşkilatının üzvü Payam Hamedanimojarad Asiya gənclərinin ictimai-siyasi proseslərdə fəallığının artırılması haqda fikirlərini bildiriblər.
Sonda təşkilati məsələlərə baxılıb. Malayziya parlamentinin üzvü Seri Şahidan bin Kassim və YAP Gənclər Birliyinin sədr müavini Ramin Məmmədov ICAPP-ın Gənclər Qolunun həmsədrləri seçiliblər.
ICAPP-ın Qadınlar Qolunun 6-cı iclası isə Türkiyənin Ədalət və İnkişaf Partiyasının nümayəndəsi Meryem Gokanın moderatorluğu ilə keçirilib. İclasda qeyd olunub ki, qloballaşan dünyamızın müasir siyasi mənzərəsinin formalaşmasında Asiya regionu ölkələrinin rolu və əhəmiyyəti gündən-günə artır. Bu prosesdə qadınların rolunun gücləndirilməsi aktual məsələdir.
Sonda ICAPP-ın Gənclər Qolunun 5-ci və Qadınlar Qolunun 6-cı iclasının Bakı Bəyannaməsi qəbul olunub.
Tədbirin yekununda çıxış edən ICAPP Daimi Komitəsinin sədr müavini Mushahid Hussain Sayed və ICAPP-ın Baş katibi Park Ro-byug toplantının məhsuldar keçdiyini deyərək yüksək səviyyədə ev sahibliyi etdiyi üçün Azərbaycan rəhbərliyinə, Yeni Azərbaycan Partiyasına minnətdarlıqlarını bildiriblər.
Nardar BAYRAMLI

 
  • Oxunub:  3900  |  
  • Tarix:  10-09-2019  |  
  •    Çap et   |  

Qəzetin son buraxılışı

Azərbaycanın dünyanın aparıcı iqtisadi qurumları ilə əməkdaşlıq əlaqələri daha da möhkəmlənir

25 Yanvar 19:52
Moskva Dövlət Beynəlxalq Münasibətlər İnstitutunun rektoru ADA Universitetində mühazirə oxuyub
25 Yanvar 19:45
Qafqaz Müsəlmanları İdarəsinin sədri “Bakı-Moskva: mədəniyyətlərin dialoqu” konfransının iştirakçıları ilə görüşüb
25 Yanvar 17:32
Saatlıda “Pambıqçılıq 2020: qarşıda duran vəzifələr” mövzusunda respublika müşavirəsi keçirilib
25 Yanvar 17:27
Prezident İlham Əliyev Davos Forumunda Azərbaycanın yeni hökumətinin prioritetlərini açıqlayıb
25 Yanvar 17:17
Əli Əhmədov: Beynəlxalq İqtisadi Forum gündən günə inkişaf edən Azərbaycanın və onun iqtisadiyyatının dünyaya açılması üçün gözəl bir imkandır
25 Yanvar 17:11
Deputatlığa namizəd Fatma Yıldırım Bərdə rayonunda şəhid ailələrini ziyarət edib
25 Yanvar 16:37
19 saylı Nərimanov birinci seçki dairəsindən deputatlığa namizəd Hikmət Babaoğlu seçicilərlə növbəti görüşünü keçirib
25 Yanvar 16:31
İnanıram ki, seçicilər gələcəyin partiyası olan YAP-ın namizədlərinə səs verəcəklər
25 Yanvar 16:28
Deputatlığa namizəd Elnur Rəhimovun seçicilərlə növbəti görüşü keçirilib
25 Yanvar 16:24
Prezident İlham Əliyev Avstraliya İttifaqının General-Qubernatorunu təbrik edib
25 Yanvar 16:22
"Seçkilərin yüksək səviyyədə keçirilməsində məntəqə seçki komissiyaları böyük məsuliyyət daşıyırlar"
25 Yanvar 16:17
Yevlax gəncləri “Könüllü qonaq” təşəbbüsünə qoşulublar
25 Yanvar 16:15
Deputatlığa namizəd Səməd Seyidov Qazax rayonunda seçicilərlə görüşlər keçirib
25 Yanvar 16:03
Ermənistan işğal olunmuş ərazilərimizdəki abidələri “bərpa” etmək adı altında erməniləşdirmə siyasəti aparır - BƏYANAT
25 Yanvar 15:59
Deputatlığa namizəd Aqiyə Naxçıvanlı Oğuz rayonu Bucaq kəndində seçicilərlə görüşüb
25 Yanvar 15:54
Prezident İlham Əliyev Türkiyədəki azərbaycanlı tələbələrin zəlzələ zonasından təxliyəsi haqqında tapşırıq verib
25 Yanvar 15:25
Pakistan portalı Azərbaycanda keçiriləcək parlament seçkiləri ilə bağlı məqalə yayıb
25 Yanvar 15:16
Azərbaycan deputatları AŞPA-nın qış sessiyasında iştirak edəcəklər
25 Yanvar 15:12
Bütün seçiciləri daha güclü Azərbaycan naminə partiyamızın namizədlərinə səs verməyə çağırıram
25 Yanvar 15:03
Deputatlığa namizəd Fatma Yıldırım Bərdənin Şatırlı, İkinci Nazırlı, Kürdborakı, Hacılı, Birinci Qazaxlar kəndlərində seçicilərlə görüşüb
25 Yanvar 14:56
Ehsan Zahidov: “Salyanda polisin qıza təcavüz etməsi barədə məlumat tamamilə əsassız və uydurmadır”
25 Yanvar 14:22
Azərbaycan Ordusunda Həzi Aslanovun 110 illiyinə həsr olunan silsilə tədbirlər keçirilib
25 Yanvar 13:25
Azərbaycan Prezidenti türkiyəli həmkarına başsağlığı verib
25 Yanvar 11:47
YAP-ın 11 saylı Qaradağ seçki dairəsindən namizədi Aydın Hüseynovun Ələt qəsəbəsinin sakinləri ilə görüşü keçirilib
25 Yanvar 11:29
Nazirlər Kabinetində icbari sığorta sahəsində qarşıda duran vəzifələr müzakirə edilib
25 Yanvar 11:26
Heydər Əliyev Mərkəzində “Onları Bakı və Moskva sevir” fotosərgisi açılıb
25 Yanvar 11:21
Dilarə Cəbrayılova: Azərbaycanın nüfuzlu Davos İqtisadi Forumu ilə fəal əməkdaşlığı ölkəmizin iqtisadi inkişafı üçün yeni imkanlar açıb
25 Yanvar 11:19
Fevralın 24-dən “Gənclər Paytaxtı 2020” müsabiqəsinin onlayn səsvermə mərhələsi start götürəcək
25 Yanvar 11:17
Vətəndaşlara Xidmət və Sosial İnnovasiyalar üzrə Dövlət Agentliyi Dünya İqtisadi Forumunda təmsil olunub
25 Yanvar 11:15
Dövlət Şəhərsalma və Arxitektura Komitəsində ötən ilin yekunları müzakirə olunub
25 Yanvar 11:12
Gənclərin İnkişaf və Karyera Mərkəzinin Samuxda və Göygöldə nümayəndəlikləri açılıb
25 Yanvar 11:09
Heydər Əliyev Fondunun təşkilatçılığı ilə UNESKO-nun baş qərargahında Azərbaycan xalçalarının sərgisi açılacaq
25 Yanvar 10:14
İcbari Tibbi Sığorta üzrə Dövlət Agentliyinin açıqlaması
25 Yanvar 10:08
Azərbaycanın dünyanın aparıcı iqtisadi qurumları ilə əməkdaşlıq əlaqələri daha da möhkəmlənir
24 Yanvar 18:11
Dövlət Komitəsinin sədri Sabirabadda məcburi köçkünləri qəbul edib
24 Yanvar 18:09
Yeni Azərbaycan Partiyasının Gəncədən olan 4 namizədinin gənclərlə görüşü keçirilib
24 Yanvar 17:43
Deputatlığa namizəd Kamran Bayramov Şəmkirin Mehrili və Abbaslı kəndlərində seçicilərlə görüşüb
24 Yanvar 17:43
Türkiyəli professor: "Azərbaycanda seçici, media və dövlət arasında əlaqə düzgün qurulub"
24 Yanvar 17:40
YAP tərəfindən deputatlığa namizədliyi irəli sürülmüş Niyazi Tağıyev seçicilərlə növbəti görüşünü keçirib
24 Yanvar 17:36
Yuli Qusman: "Parlament seçkilərindən sonra da Azərbaycanın demokratik inkişafı davam edəcək"
24 Yanvar 17:28
Mariya Zaxarova: "Parlament seçkilərinin nəticələri dost Azərbaycan xalqının rifahının yaxşılaşmasına xidmət edəcək"
24 Yanvar 17:26
“Bakı-Moskva: mədəniyyətlərin dialoqu” konfransı çərçivəsində “Mədəniyyətlərin dialoqu xalqların dialoqunun əsasıdır” mövzusunda dəyirmi masa keçirilir
24 Yanvar 17:19
Deputatlığa namizəd Ramil Həsən Ucarda seçicilərlə növbəti görüşlər keçirib
24 Yanvar 17:07
Energetika naziri Siyəzəndə, nazir müavinləri isə Qobustan və Cəlilabadda vətəndaşları qəbul ediblər
24 Yanvar 16:59
19 saylı Nərimanov birinci seçki dairəsindən deputatlığa namizəd Hikmət Babaoğlu seçicilərlə növbəti görüşünü keçirib
24 Yanvar 16:04
“YARAT”da yeni tamaşanın premyerası olacaq
24 Yanvar 15:57
Sabirabadlıların seçimi Əhliman Əmiraslanovdur
24 Yanvar 15:49
Heydər Əliyev Fondunun layihəsi olan “Balaca Şahzadə” növbəti dəfə repertuara salınıb
24 Yanvar 15:40
Deputatlığa namizəd Eldəniz Səlimov Xaçmazda seçicilərlə növbəti görüş keçirib
24 Yanvar 15:36
İmadəddin Nəsimiyə həsr olunmuş “Mənəm, mən...” tamaşası yenidən səhnədə
24 Yanvar 15:34
Seçicilər ümumxalq partiyası olan Yeni Azərbaycan Partiyasının namizədlərinə səs verəcəklər
24 Yanvar 15:31
Bakı məktəblilərinin beynəlxalq yarışlarda əldə etdiyi uğurların sayı artmaqdadır
24 Yanvar 15:26
MSK-nın Şəkidə keçirdiyi regional seminarda seçki mübahisələrinin həllinə dair məsələlər müzakirə olunub
24 Yanvar 15:22
Gəncədə seçki mübahisələrinin məhkəmə qaydasında həllinə dair regional müşavirə keçirilib
24 Yanvar 15:12
Ağdaşlılar YAP-ın namizədinə səs verəcəklər
24 Yanvar 14:51
YAP-ın namizədi Kamaləddin Qafarovun təhsil işçiləri ilə görüşü keçirilib
24 Yanvar 14:43
Deputatlığa namizəd Məşhur Məmmədov Masallı rayonu Xırmandalı kəndində seçicilərlə görüşüb
24 Yanvar 14:35
Fikrət Sadıqov: "Cəmiyyətdə seçkilərə maraq kifayət qədər yüksəkdir"
24 Yanvar 14:29
Yeni TV-də qonaq Yeni Azərbaycan Partiyasının 21 saylı Nəsimi ikinci seçki dairəsindən deputatlığa namizədi Məlahət İbrahimqızıdır (VİDEO)
24 Yanvar 14:20
Prezident İlham Əliyevin Davosda İsveçrənin Montrö şəhərinin meri ilə görüşü olub
24 Yanvar 14:15
Prezident İlham Əliyev Davosda “Equinor” şirkətinin baş icraçı direktoru ilə görüşüb
24 Yanvar 14:08
Şöhrət Barlas: "Parlament seçkilərindən yalnız müsbət gözləntilərim var”
24 Yanvar 14:04
Azərbaycanda qar ehtiyatlarının toplanmasında azalma tendensiyası müşahidə olunur
24 Yanvar 13:58
Prezident İlham Əliyev Davos Forumunun tribunasından Azərbaycan reallıqlarını dünyaya çatdırır
24 Yanvar 13:54
İnanıram ki, 2020-ci il fevral ayının 9-da seçicilərin əksəriyyəti Yeni Azərbaycan Partiyasının namizədlərinə səs verəcək
24 Yanvar 13:05
Elçin Əhmədov: Prezident İlham Əliyevin Davosdakı görüşləri Azərbaycanın yüksək beynəlxalq nüfuzunun əyani göstəricisidir
24 Yanvar 12:43
Deputatlığa namizəd Fatma Yıldırım növbəti görüşlərini Bərdə rayonunun mədəniyyət və səhiyyə işçiləri ilə keçirib
24 Yanvar 11:46
"Yeni parlamentdə Azərbaycanın daha da inkişafına töhfə verəcək insanların yer alacağına ümid edirəm"
24 Yanvar 11:29
Stefan Şennak: "Əminəm ki, Azərbaycanda parlament seçkiləri ədalət prinsipləri əsasında keçiriləcək"
24 Yanvar 11:15
Moldova MSK-sının və parlamentinin nümayəndələri Azərbaycanda seçkiləri izləyəcəklər

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
HAVA HAQQINDA