A+   Yenilə  A-
Regionlarda tikinti-quruculuq işləri geniş vüsət alıb

Uğurla reallaşdırılan müvafiq Dövlət proqramları çərçivəsində bölgələrdə yeni sosial obyektlər istifadəyə verilir
Məlum olduğu kimi, Azərbaycan hazırda öz inkişafına görə regionun lider dövləti sayılır. Bu inkişafın mərkəzində isə Ulu öndər Heydər Əliyev tərəfindən əsası qoyulan və Prezident İlham Əliyev tərəfindən uğurla davam etdirilən siyasət dayanır. Məhz bu siyasət nəticəsində respublikamızda bütün sahələr inkişaf edib. Eyni zamanda, bu inkişafdan regionlara da pay düşüb. Regionların inkişafından danışarkən 2004-cü ildən etibarən həyata keçirilən regionların sosial-iqtisadi inkişafına dair Dövlət proqramlarını xüsusi olaraq vurğulamaq yerinə düşər. Çünki məhz bu proqramların uğurlu icrası nəticəsində Azərbaycanın bölgələrinin siması əhəmiyyətli dərəcədə dəyişib. Ötən dövrdə bölgələrimizdə minlərlə kilometr yeni yollar çəkilib, körpülər tikilib, sosial obyektlər tikilib istifadəyə verilib, eləcə də sənaye müəssisələri yaradılıb.
Regionlarda reallaşdırılan ən vacib işlərdən biri də müxtəlif sahələr üzrə müasir infrastrukturun yaradılmasıdır. Bu məqsədlə hazırda da bir sıra bölgələrdə tikinti-quruculuq və abadlıq işləri uğurla davam etməkdədir. Yeri gəlmişkən, Prezident İlham Əliyev sentyabrın 26-da “Gəncə şəhərində yeni infrastruktur layihələrinin həyata keçirilməsi ilə bağlı tədbirlər haqqında” Sərəncam imzalayıb. Sərəncama əsasən, Gəncə şəhərində abadlıq-quruculuq işlərini davam etdirmək, o cümlədən avtomobil yollarının əsaslı təmiri və şəhərin küçələrinin işıqlandırılması işlərini həyata keçirmək üçün Azərbaycan Respublikasının 2018-ci il dövlət büdcəsində nəzərdə tutulmuş Prezidentin ehtiyat fondundan Gəncə şəhər İcra Hakimiyyətinə 10 milyon manat ayrılıb.
Prezident İlham Əliyevin bu ilin may ayında imzaladığı Sərəncamla isə Goranboy rayonunda xalça istehsalı emalatxanasının tikintisi, təchizatı və infrastrukturunun yaradılması üçün 2 milyon manat vəsait ayrılıb. Hazırda həmin Sərəncama əsasən “Azərxalça” Açıq Səhmdar Cəmiyyətinin Goranboy filialı üçün inşa olunan binada tikinti işləri sürətlə davam etdirilir. “EL-SEYM İnşaat” Məhdud Məsuliyyətli Cəmiyyəti tərəfindən birmərtəbəli xalça emalatxanası binasının tikintisinə bu il başlanılıb. Binada əsas tikinti işləri yekunlaşıb, dam örtüyü vurulub. Hazırda kommunikasiya xətləri çəkilir, həyətdə abadlıq işləri aparılır. Bina milli üsluba uyğun olaraq qırmızı kərpiclə üzlənir.
Burada 150 nəfər toxucunun, 13 nəfər inzibati-təsərrüfat işçisinin fəaliyyəti üçün lazımi şərait yaradılacaq. Bina toxuculuq emalatxanası, anbar, yeməkxana, tibb otağı, xalça-satış salonu və digər bölmələrdən ibarət olacaq. Emalatxanada quraşdırılan müxtəlif ölçülü dəzgahlarda qədim çeşnilərimiz əsasında Azərbaycan xalçaları toxunacaq. Hazırda binanın tikintisinə 40-dan çox işçi cəlb olunub. Xalça emalatxanası binasının tikintisinin bu ilin sonunadək yekunlaşacağı nəzərdə tutulub.
Goranboy rayon Mərkəzi Xəstəxanası üçün tikilən binanın da bu il istifadəyə verilməsi nəzərdə tutulur. Verilən məlumata görə, xəstəxanada vətəndaşlara ən müasir tibbi xidmətlər göstəriləcək. Hazırda Goranboy rayon Mərkəzi Xəstəxanası üçün inşa olunan bina və korpusların, eləcə də yardımçı tikililərin daxilində son tamamlama işləri görülür.
Goranboy rayon Mərkəzi Xəstəxanasının baş həkimi Rüstəm Budaqov KİV-ə açıqlamasında bildirib ki, mərkəzi xəstəxana dördmərtəbəli əsas binadan, üç korpusdan və yardımçı tikililərdən ibarət olacaq. Yoluxucu xəstəliklər şöbəsi ilə məhkəmə tibbi ekspertiza və patoloji anatomiya şöbəsi ayrıca korpuslarda fəaliyyət göstərəcək.
Hazırda rayon xəstəxanası üçün binanın inşasında ikinövbəli olmaqla, 100-dən çox işçi çalışır. Binanın ərazisində iki içməli su anbarının, bir yanğından mühafizə məqsədilə su anbarının, istilik qazanxanasının, nasosxananın, transformator yarımstansiyasının, camaşırxana və mətbəx binalarının tikintisi artıq yekunlaşıb.
130 çarpayılıq xəstəxanada qəbul, cərrahiyyə, terapiya, mama-ginekologiya, pediatriya, poliklinika, anesteziologiya və reanimasiya, şüa-diaqnostika, hemodializ, laboratoriya, fizioterapiya və təcili tibbi yardım şöbələri fəaliyyət göstərəcək. Mərkəzi xəstəxana istifadəyə verildikdən sonra burada həkim, tibb bacıları və texniki heyətlə birgə, ümumilikdə 500-ə yaxın işçi rayon sakinlərinin sağlamlığına xidmət edəcək.
Şəki şəhərində isə Heydər Əliyev Mərkəzinin yeni binasının, həmçinin Bayraq meydanı və Bayraq muzeyinin tikintisi sürətlə davam etdirilir. Şəki-Qoxmuq kənd avtomobil yolunun şimal-qərb hissəsində, Kiş çayının sahilində yeni salınmaqda olan və Ümummilli lider Heydər Əliyevin adını daşıyacaq parkın ərazisində ucaldılan bayraq dirəyinin hündürlüyü 72,4 metrdir.
Parkın ərazisində inşa edilən Heydər Əliyev Mərkəzinin üçmərtəbəli binasının ümumi sahəsi 5629, tikinti sahəsi isə 2322 kvadratmetrdir. Mərkəzdə Ulu öndərin həyat və fəaliyyətindən bəhs edən muzey, səhnə, akt və sərgi zalları, kitabxana, toplantı, tədris, iş və inzibati otaqlar yerləşəcək. Ərazidə abadlıq və yaşıllaşdırma işləri də aparılır. Tikinti işlərinin yaxın aylarda başa çatdırılması planlaşdırılır.
Tikinti-quruculuq işlərindən söz düşmüşkən, bildirək ki, Abşeron rayon İcra Hakimiyyətinin təşəbbüsü ilə Xırdalan şəhərində və Ceyranbatan qəsəbəsində “Nümunəvi məhəllə” layihəsi çərçivəsində abadlıq-quruculuq işləri aparılır. Layihə əsasən, Xırdalan şəhərinin 27-ci məhəlləsində, Ceyranbatan qəsəbəsində isə Təbrik küçəsində çoxmərtəbəli yaşayış binalarının həyətlərində həyata keçirilir. Belə ki, müxtəlif şəxslər tərəfindən özbaşına zəbt edilmiş ərazilərdə müxtəliftəyinatlı qanunsuz tikililər sökülüb, ətraf hasar və çəpərlərdən azad edilib, təmizlik işləri aparılıb, qurumuş və küləkli havalarda təhlükə yarada bilən ağaclar budanıb və kəsilib. Bu barədə rayon İcra Hakimiyyəti başçısının müavini İlham Quliyev məlumat verib. O, hazırda Abşeron rayon İcra Hakimiyyətinin daxili imkanları hesabına 27-ci məhəllədə “Nümunəvi məhəllə” layihəsi çərçivəsində aparılan işlərin yaxın günlərdə yekunlaşacağını vurğulayıb. Artıq 10 binanın həyətinə asfalt döşənib.
Ceyranbatan qəsəbəsində isə Təbrik küçəsindəki 1, 3 və 5 saylı çoxmənzilli yaşayış binalarının dam örtüyü dəyişdirilib, fasadları əsaslı təmir olunub. Hazırda pilləkən qəfəsələrinin təmiri işləri həyata keçirilir.
Həmçinin rayonun daxili imkanları hesabına çoxmənzilli yaşayış binalarının həyətində 360 metr uzunluğunda kanalizasiya xətləri yenilənir. Bu iş başa çatdıqdan sonra məhəllənin yollarına asfalt vurulacaq.
Ölkəmizin qərb bölgəsinin zəngin mədəni keçmişini, maddi və mənəvi irsini özündə əks etdirəcək Tovuz Tarix-Diyarşünaslıq Muzeyinin tikintisi isə başa çatmaq üzrədir. Ümumi sahəsi 820 kvadratmetr olan ikimərtəbəli muzey binası antik memarlıq üslubunda inşa edilir. Binanın tikintisində əsasən yerli inşaat materiallarından istifadə olunur. Muzey binası istifadəyə verildikdən sonra burada bölgənin zəngin tarixini və etnoqrafiyasını özündə əks etdirən ekspozisiyalar fəaliyyət göstərəcək.
Düşmənlə sərhəddə yerləşən və müharibə vəziyyətinin bütün çətinliklərinə baxmayaraq, öz inkişafının müasir dövrünü yaşayan Qazaxda da sosial-iqtisadi və infrastruktur layihələrinin icrası geniş vüsət alıb. Qazax rayonunun Bala Çaylı kəndində 300 nömrəlik elektron ATS binası istifadəyə verilib. Bu münasibətlə tədbirdə çıxış edən rayon İcra Hakimiyyətinin başçısı Rəcəb Babaşov yeni elektron ATS binasının istifadəyə verilməsinin kənd sakinlərinin rabitə xidmətinin yüksəldilməsinə şərait yaradacağını bildirib. Qazax rayon Telekommunikasiya Qovşağının rəisi Nizaməddin Məmmədov çıxış edərək ölkəmizdə əhaliyə göstərilən rabitə xidmətinin keyfiyyətinin yaxşılaşdırılması, telefon stansiyalarının müasirləşdirilməsi, xətlərin təmiri və bərpası, yeni EATS-lərin quraşdırılması istiqamətində həyata keçirilən tədbirlərdən danışıb.
Qeyd edilib ki, kənd sakinlərinin müraciətinə əsasən istifadəyə verilən 30 kvadratmetrlik binada yerləşən EATS-dən 300 abonentə telefon və internet xətti çəkiləcək. İlkin olaraq 150-yə yaxın kənd sakininə telefon xəttinin çəkilməsi planlaşdırılıb. Bunun üçün EATS lazım olan bütün müasir avadanlıqlarla təmin olunub.
Hazırda rayonda “Mətanət A” şirkəti tərəfindən inşa edilən əhəng zavodu isə istifadəyə tam hazırdır. “Carçıoğlu GROUP” MMC tərəfindən inşa edilən elektrod zavodunda da işlər yekunlaşıb. İkinci Şıxlı kəndində “İnvestel GROUP” MMC tərəfindən yaradılan aqroparkda isə son tamamlama işləri aparılır. Qazax rayon İcra Hakimiyyətindən bildirilib ki, məhz bu zavodların və aqroparkın fəaliyyətə başlaması Qazaxda işsizliyin azaldılmasına, rayon iqtisadiyyatının bölgüsündə isə sənaye və kənd təsərrüfatı məhsullarının istehsalının artmasına müsbət təsir göstərəcək.
Respublikamızın qərb bölgəsi üçün böyük sosial əhəmiyyəti olan və əhaliyə müasir tibbi xidmətlər göstərəcək 145 çarpayılıq rayon mərkəzi xəstəxanasında da, demək olar ki, əsas işlər görülüb. 2017-ci ilin yanvarından tikintisinə başlanılan bu xəstəxanada hazırda son tamamlama işləri aparılır.
Tikinti-quruculuq işləri Naxçıvan Muxtar Respublikasında da uğurla davam etdirilir. Belə ki, Şərur rayonunun Kosacan kəndində məktəb, kənd və xidmət mərkəzləri üçün yeni binalar inşa edilir. AZƏRTAC-ın Naxçıvan bürosu xəbər verir ki, tikinti işləri Naxçıvan Muxtar Respublikası Dövlət Şəhərsalma və Arxitektura Komitəsi Şərur rayon İdarəsinin inşaatçılarına həvalə olunub. 222 şagird yerlik, 3 mərtəbədən ibarət olan məktəb binasında tikinti işləri başa çatmaq üzrədir. Məktəb binasında müəllim və şagirdlərin ixtiyarına işıqlı və geniş sinif otaqları, elektron lövhəli, kompüter, şahmat sinifləri, hərbi kabinə, idman zalı, zəngin kitab fondu olan kitabxana, kimya, biologiya, fizika laboratoriyaları veriləcək.
İki mərtəbədən ibarət kənd mərkəzində yaşayış məntəqəsində fəaliyyət göstərən qurumlar üçün normal iş şəraiti yaradılacaq. Bu obyektdə də hörgü işləri tamamlanıb. Bir mərtəbədən ibarət xidmət mərkəzində sakinlərə ticarət və müxtəlif sahələr üzrə xidmətlər göstəriləcək.
Kompleks quruculuq tədbirləri çərçivəsində kəndə gedən yolda yenidənqurma işləri aparılır.
Nardar BAYRAMLI

 
  • Oxunub:  4470  |  
  • Tarix:  09-10-2018  |  
  •    Çap et   |  
Get Adobe Flash player
Azərbaycanda qida təhlükəsizliyinin təmin edilməsi istiqamətində mühüm işlər görülür

19 May 21:28
Rusiya telekanalı Formula 1 SOCAR Azərbaycan Qran Prisinə reportaj həsr edib
19 May 17:54
Avropada təhsil alan azərbaycanlı gənclərin Roma forumu keçirilib
19 May 16:06
Bədii gimnastika üzrə Avropa çempionatında top və halqa üzrə yarışların qalibləri müəyyənləşib
19 May 15:28
II və III ixtisas qruplarının abituriyentləri üçün keçirilən qəbul imtahanı başa çatıb
19 May 15:25
Rusiya millisi Bakıda bədii gimnastika üzrə Avropa çempionatının qrup hərəkətləri yarışında iki qızıl medal qazanıb
19 May 14:56
Polşalı gimnast: Azarkeşlərin güclü dəstəyi mübarizəyə xüsusi rəng qatır
19 May 14:49
Sabaha olan hava proqnozu açıqlanıb
19 May 14:27
Milli Məclisin deputatı AŞPA-nın komitə iclasında iştirak edəcək
19 May 14:22
Pərvin Kərimzadə: Azərbaycan Avropa İttifaqı ilə bərabər hüquqlu tərəfdaşdır
19 May 14:19
Qazaxıstan sahibkarları Azərbaycanda investisiya yatırmaqda maraqlıdırlar
19 May 12:51
Bakıda bədii gimnastika üzrə Avropa çempionatı davam edir
19 May 12:05
Samsundan başlanan milli qurtuluş mübarizəsi Türkiyə vətəndaşının qürur mənbəyidir
19 May 11:54
İtaliya Azərbaycanlılarının Koordinasiya Şurası təsis edilib
18 May 19:09
Bakıda keçirilən bədii gimnastika üzrə Avropa çempionatının ilk qalibləri müəyyənləşib
18 May 19:06
İtaliyalı senator Azərbaycanın diaspor siyasəti barədə məlumatlandırılıb
18 May 19:01
Azərbaycan dünyanın ən çox islahat aparan ölkəsidir
18 May 17:14
Ölkə başçısının müvafiq Fərmanı üzrə 300-dək vətəndaşa mənzil üzərində çıxarışlar verilib
18 May 17:04
Türkiyənin Azərbaycandakı səfirliyində gənclik və idman bayramı qeyd olunub
18 May 16:45
Erməni vandalları Laçın rayonunun Hacılar və Sadınlar kəndlərindəki 65 hektar meşə sahəsini tamamilə məhv ediblər
18 May 16:21
Maliyyə Bazarlarına Nəzarət Palatası Avropa Banklar Federasiyası ilə əməkdaşlıqda maraqlıdır
18 May 15:57
“DOST” mərkəzləri əlilliyi olan şəxslərin reabilitasiya vasitələri ilə rahat şəkildə təminatı imkanlarını artıracaq
18 May 15:52
“Azərsu” ASC-nin sədri Beyləqanda vətəndaşları qəbul edib
18 May 15:49
Sevinc Hüseynova: Qadın məsələlərinə dair Bakıda keçiriləcək konfransda dünya ictimaiyyəti üçün aktual mövzular müzakirə ediləcək
18 May 15:45
“Gənclər təşkilatları Dayanıqlı İnkişaf Məqsədləri naminə” mövzusunda müzakirələr aparılır
18 May 15:40
Dövlət Komitəsində Laçın rayonunun işğalının 27-ci ildönümü ilə bağlı tədbir keçirilib
18 May 15:34
Elşad Mirbəşiroğlu: Azərbaycan Avropa İttifaqının etibarlı və məsuliyyətli tərəfdaşıdır
18 May 13:52
Azərbaycan-Fransa parlamentlərarası əlaqələri müzakirə olunub
18 May 13:44
Əli Əhmədov: Azərbaycanın imkanları genişləndikcə insanların rifahının daha da yaxşılaşdırılması üçün bundan sonra da addımlar atılacaq
18 May 13:39
Azərbaycan-Çin elmi əməkdaşlığı iki ölkə arasında münasibətlərin dərinləşməsinə töhfələr verir
18 May 13:30
Yeni Azərbaycan Partiyası rayon və şəhər təşkilatlarının ümumrespublika müşavirəsi keçirilib
18 May 13:26
Musa Qasımlı: Azərbaycanın təhsil müəssisələrində maddi-texniki baza yüksək səviyyədədir
18 May 13:19
Əli Əhmədov: Azərbaycanın iqtisadiyyatı inkişaf etdikcə əməkhaqqı, pensiya və müavinətlər də artırılacaq
18 May 12:54
Komitə sədri: Əhalinin yarısını təşkil edən qadınlar inkişaf etməsə, ölkənin demoqrafik inkişafından danışmaq olmaz
18 May 12:45
Dilarə Cəbrayılova: Azərbaycan hər bir beynəlxalq təşkilatla münasibətlərini dövlət və xalq maraqları çərçivəsində qurur
18 May 12:43
Bu gün “Eurovision 2019” beynəlxalq mahnı müsabiqəsinin final mərhələsi keçiriləcək
18 May 12:40
Baş nazirin müavini: Gənclər Azərbaycanın inkişafına öz töhfələrini verməkdən kənarda qalmaq istəmirlər
18 May 11:08
Dağlıq Qarabağ bölgəsinin azərbaycanlı icması Laçının işğalının 27-ci ildönümü ilə əlaqədar bəyanat yayıb
18 May 10:58
Elman Nəsirov: Radikal müxalifətin heç bir niyyəti baş tutmayacaq
18 May 10:45
Bu gün Beynəlxalq Muzeylər Günüdür
18 May 10:42
Birinci rübdə ölkədə 53,9 min yeni iş yeri açılıb
18 May 10:39
Hikmət Babaoğlu: Aİ-nin dəstəyinə nail olmaq bizim üçün vacib əhəmiyyətli məsələdir
18 May 10:35
Bakıda “Böyük İpək Yolu” Beynəlxalq Gənclər İttifaqının Baş Məclisinin iclası işə başlayıb
18 May 10:33
İspaniyalı gimnast: Bakının Milli Gimnastika Arenası çox möhtəşəmdir
18 May 10:31
Estoniya Azərbaycan ilə münasibətlərə önəm verir
18 May 10:11
Ermənistan silahlı qüvvələrinin bölmələri sutka ərzində atəşkəs rejimini pozmaqda davam edir
18 May 09:54
BDU-da Himayəçilər Şurasının ilk iclası keçirilib
18 May 09:52
Avropa Liqasının finalı: Bakı düzgün seçim oldu?
18 May 09:51
Azərbaycan Avropa İttifaqı üçün etibarlı və məsuliyyətli tərəfdaşdır
18 May 09:49
Həqiqət uğrunda mübarizə aparan şair
18 May 09:46
“Bakcell”dən eşitmə məhdudiyyətli gənclər arasında ənənəvi futzal turnirinə dəstək
18 May 09:44
Azərbaycan gəncləri beynəlxalq tədbirlərdə və yarışlarda ölkəmizi layiqincə təmsil edirlər
18 May 09:40
2019-cu ilin birinci rübündə cənub bölgəsinin sosial-iqtisadi inkişaf göstəriciləri uğurlu olub
17 May 21:11
Azərbaycan ilə Fransa arasında əməkdaşlığın inkişafı üçün geniş potensial mövcuddur
17 May 21:09
Estoniyalı idmançı: Azərbaycanda gimnastika yarışları yüksək səviyyədə təşkil olunub
17 May 20:43
Abşeron yarımadasında heyvan mənşəli bütün xəstəliklərin identifikasiya sistemi və izlənməsi həyata keçiriləcək
17 May 20:39
Avropa Şurasının Nazirlər Komitəsi bütün üzv dövlətlərin müstəqilliyinə və ərazi bütövlüyünə dəstəyini təsdiq edib
17 May 20:36
AZƏRTAC-ın əməkdaşı Çinin məşhur CGTN telekanalında Azərbaycan həqiqətlərindən danışıb
17 May 20:32
Erməni siyasətinin "söz taciri": Paşinyanın Pekin rəzaləti
17 May 17:57
Avrasiya Kitabxanalar Assambleyasının növbəti iclası Düşənbədə keçiriləcək
17 May 17:55
Vüqar Rəhimzadə: Azərbaycan Avropa İttifaqı üçün mühüm və etibarlı tərəfdaşdır
17 May 17:52
YAP Səbail rayon təşkilatı Cocuq Mərcanlı məktəblilərini Bakıya gətirib
17 May 17:48
Əmək və Əhalinin Sosial Müdafiəsi Nazirliyinin rəhbərliyi Astara, Masallı və Lənkəran rayonlarında vətəndaşlarla görüşüb
17 May 17:46
Yaz mövsümündə Qaxda 165,5 hektarda yeni fındıq bağları salınıb
17 May 17:43
Dövlət Yanğın Nəzarəti və Dövlət Yanğından Mühafizə xidmətləri birgə yanğın-taktiki təlim keçirib
17 May 17:35
Ulu öndər Heydər Əliyevin anadan olmasının 96-cı ildönümü və Heydər Əliyev Fondunun fəaliyyətə başlamasının 15 illiyi münasibətilə Həştərxanda bir sıra tədbirlər keçirilib
17 May 17:33
Avropa Gənclər Yay Olimpiya Festivalının biletləri iyunun 10-da satışa çıxarılacaq
17 May 17:30
Qəbələ rayonu üzrə tibbi müayinələrə 65 mindən çox sakin cəlb olunub
17 May 17:28
Milli Məclisin hüquq siyasəti və dövlət quruculuğu komitəsinin növbəti iclası keçirilib
17 May 17:23
Türk Şurasına üzv ölkələr “Ticarət evi”nin açılmasında Azərbaycan təcrübəsindən istifadə edəcəklər
17 May 17:21
Ekologiya və Təbii Sərvətlər Nazirliyinin və Baş Prokurorluğun mətbuat xidmətləri birgə məlumat yayıb

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
HAVA HAQQINDA