A+   Yenilə  A-
Azərbaycanda gənclərin inkişafı dövlət üçün hər zaman prioritetdir

Azərbaycan Respublikası gənclər və idman nazirinin müavini İntiqam Babayev www.yap.org.az saytına müsahibə verib:
- İntiqam müəllim, hər il 2 fevral – Gənclər Günü ölkəmizdə yüksək səviyyədə qeyd olunur. Ümumiyyətlə, Azərbaycanda həyata keçirilən dövlət gənclər siyasətinin əsas istiqamətləri nədən ibarətdir?
- Bilirsiniz ki, bu il 2 fevral - Gənclər Gününün Ümummilli liderimiz Heydər Əliyev tərəfindən təsis olunmasının 20 ili tamam olur. Bu, bizim üçün çox əlamətdar bir gündür. Aydın məsələdir ki, ilboyu dövlət tərəfindən məqsədyönlü şəkildə gənclərin inkişafına yönəlmiş siyasət həyata keçirilir. Amma Gənclər Günü hər bir ölkədə yoxdur. Ölkəmizdə bu günün təsis edilməsi o deməkdir ki, Azərbaycanda gənclərin inkişafı dövlət üçün hər zaman prioritetdir. Biz hər il görülən işlərlə bağlı gənclərə hesabat veririk, eyni zamanda, onların fikir və təkliflərini dinləyirik.
Ümumiyyətlə, Azərbaycanda dövlət gənclər siyasəti beynəlxalq müstəvidə bir modeldir. Bu faktı müxtəlif ölkələrin nümayəndələri də vurğulayırlar. Azərbaycana gələn xarici qonaqlar deyirlər ki, gənclərlə iş sahəsində nəyisə öyrətməyə gəlmişdik, amma burdan nəsə öyrənib qayıdırıq. Çünki artıq bu sahədə Azərbaycanın böyük təcrübəsi və nailiyyətləri var. Görülən işlər nəticəsində gənclərimiz bu gün nəinki ölkə daxilində, eyni zamanda beynəlxalq müstəvidə keçirilən tədbirlərdə də Azərbaycanı uğurla təmsil edirlər. Bir çox gənclərimiz xaricdə təlimçi qismində iştirak edərək əcnəbi gənclərlə təcrübəmizi bölüşürlər.
Biz öz siyasətimizi “Gənclər siyasəti haqqında” Qanuna uyğun olaraq qurmuşuq. Bununla yanaşı, “2015-2025-ci illərdə Azərbaycan gənclərinin İnkişaf Strategiyası” adlı sənəd var ki, bu gün həmin sənəddə nəzərdə tutulan tədbirləri həyata keçiririk. Strategiyaya əsasən gənclərimizin hərtərəfli inkişafına şəraitin yaradılması istiqamətində addımlar atmağa çalışırıq. İstedadlı, yaradıcı gənclərə stimul verilməsi, gənclərin elmə marağının artırılması, gənclərimizin beynəlxalq müstəvidə layiqincə təmsilçiliyi və digər mühüm məsələlər fəaliyyətimizin ön sıralarında gedir. Gənclər siyasəti vasitəsi ilə təkcə gənclərin inkişafı üçün deyil, ölkəmizin, mədəniyyətimizin təbliğinə də öz dəstəyimizi verməyə çalışırıq.
- Başa vurduğumuz 2016-cı ildə Gənclər və İdman Nazirliyi nə kimi tədbirlər reallaşdırıb?
- Ötən il Gənclər və İdman Nazirliyinin xətti ilə 150 tədbir-layihə reallaşdırılıb. Bu tədbirlərin 30-u beynəlxalq, 120-si respublika səviyyəli olub. Bölgələrimizdə də çoxsaylı tədbirlər keçirilib. Nazirlik olaraq gənclərimizin beynəlxalq əlaqələrinə xüsusi diqqət yetiririk. Belə ki, 2016-cı ildə 1000-dən artıq gənc bizim mübadilə proqramında iştirak edib. Xaricdən gələn gənclər ölkəmizdə keçirilən beynəlxalq tədbirlərə qatılıb, həmçinin bizim gənclərimiz başqa ölkələrdə beynəlxalq tədbirlərdə iştirak ediblər. Onların sırasına gənc alimlər, ictimai fəal, yaradıcı və s. gənclər daxildirlər.
Qeyd edim ki, ötən il ərzində kifayət qədər maraqlı tədbirlər keçirilib. Bu tədbirlər ölkəmizlə yanaşı, Avropa və MDB məkanını əhatə edib. Məsələn, mən “Youthvision” layihəmizi xatırlatmaq istəyirəm. Mədəniyyət sahəsinə aid bir layihədir. Azərbaycanın bir ölkə olaraq “Eurovision” musiqi yarışmasında iştirakını nəzərə alaraq ona oxşar bir layihə keçiririk. 2016-cı ildə bu layihəni 20 ölkənin iştirakı ilə reallaşdıra bildik. Bilirsiniz ki, hazırda dünyada maliyyə-iqtisadi böhran, qeyri-sabitlik var. Belə bir şəraitdə 20 ölkədən gənclər öz hesablarına bu layihədə iştirak edərək öz maraqlarını nümayiş etdirdilər. Bu, təkcə layihəyə deyil, ölkəmizə olan maraqdır. Azərbaycanın dinamik inkişafı, mövcud olan ictimai-siyasi sabitlik bu gəncləri çox maraqlandırıb ki, həmin layihədə iştirak ediblər.
Keçən il həmçinin “Multikulturalizm ili” çərçivəsində də tədbirlər keçirdik. Gənclər arasında bu ideyanın təbliği, milli-mənəvi dəyərlərin təbliği, gənclər arasında dini radikalizmin profilaktikası baxımından maraqlı tədbirlərimiz oldu.
Gənclərin elmə marağının artırılması baxımından “İstedadların hazırlıq laboratoriyası” layihəsini xüsusi qeyd etmək istəyirəm. Hər il keçirdiyimiz bu laboratoriyada minlərlə məktəbli yeniyetmə, gənc iştirak edir. Bizim üçün çox vacib məqamdır ki, bu layihədə bölgədən olan gənclər fəal iştirak edir və qaliblərin 30-40 faizi cənub bölgəsindən olan oğlan və qızlardır. Böyük uğurdur ki, gənc məktəbli qızlar fizika, riyaziyyat, kimya fənnindən qalib gəlirlər. Bu layihənin növbəti mərhələsi odur ki, qalib olan bu uşaqlar beynəlxalq olimpiadalarda iştirak edirlər. Həmin uşaqlardan bu gün Prezident təqaüdçüləri, xaricdə ali təhsil alanlar da var.
Digər bir məsələ isə gənc alimlərimizlə bağlıdır. Gənclərin elmə həvəsləndirilməsi ilə yanaşı, elmdə olan gənclərin fəaliyyətinə dəstək verilməsi də nazirliyin diqqətindədir. Biz hər il gənc alimlərin elmi işlərini nəşr edirik və düşünürəm ki, alim üçün onun beyninin məhsulunu nümayiş etdirmək, təcrübəsini bölüşmək, tərəf-müqabilləri ilə fikir mübadiləsi aparmaq böyük nailiyyətdir. Eləcə də gənc alimlərin beynəlxalq elmi konfranslarda iştirakına dəstək veririk. Həmçinin gənclərin sahibkarlıq, iqtisadi biliklərinin artırılması üçün, biznesinə dəstək üçün layihələrimiz var.
Eyni zamanda, gənclərimizin yeni texnologiyalara yiyələnmələri üçün potensiallarını stimullaşdırmağa çalışırıq. Ölkəmizdə kompüter oyunları üzrə çempionatlar təşkil olunur. İlk vaxtlarda bəzən tənqid olunurduq ki, dövlətin vəsaiti kompüter oyunlarına xərclənir. Amma bu, lazımdır, çünki dünyada da belə təcrübə mövcuddur. Bu layihə vasitəsilə dünya auditoriyalarına çıxmaq lazımdır. Bu baxımdan, 2016-cı ildə nailiyyətlərimiz var. Dünya çempionatında 2-ci yerə çıxmış qalibimiz var.
- Gənclərin vətənpərvərlik, o cümlədən hərbi vətənpərvərlik ruhunun yüksəldilməsi də daim diqqət mərkəzindədir. Bu baxımdan, nazirliyin əsas fəaliyyət istiqamətləri nədən ibarətdir?
- Əlbəttə ki, gənclərimizin vətənpərvərlik ruhunda yetişdirilməsi fəaliyyətimizin əsasını təşkil edən mühüm istiqamətlərdən biridir. Bu mənada, təbii ki, xeyli sayda layihələrimiz, tədbirlərimiz var. Bizim gənclərimiz var ki, milli kompüter oyunlarını icad edirlər. Artıq bir neçə məhsulumuz var. Məsələn, onların sırasında “Şuşa və Ağdam işğal altında” layihəsinin adını çəkə bilərəm. Gənclərin fantaziyasına görə, xüsusi təyinatlılarımız torpaqlarımızı erməni işğalından azad edirlər. Bu, kifayət qədər çox oynanılan oyundur. Buna görə ermənilər bizə qarşı kampaniya aparırdılar ki, guya Azərbaycan gəncləri militarist kimi böyüyürlər. Amma onların iddialarının əsası yoxdur. Çünki torpaqlarımızın işğaldan azad olunması, Ermənistanın işğalçılıq siyasətinin dünyada ifşa olunması əsas vəzifələrimizdəndir. Eyni zamanda, “Odlar yurdu” kompüter oyunları istehsala buraxılıb ki, burada da tariximiz, mədəniyyətimiz geniş təbliğ olunur.
Tədbirlər sırasında mən Virtual Qarabağ Mərkəzinin məhsullarını qeyd etmək istəyirəm. Bu mərkəz tərəfindən Laçın, Şuşa, qədim Azərbaycan şəhəri olan İrəvan və başqa ərazilərimiz haqqında film hazırlanıb. Bu istiqamətdə işlər davam edir. Virtual Qarabağ Mərkəzi 2011-2015-ci illəri əhatə edən Azərbaycan gəncliyinin inkişafı Dövlət Proqramı çərçivəsində yaradılıb. Amma Dövlət Proqramı bitsə də, layihə fəaliyyətini davam etdirir. Çünki uğurludur. Nazirlik dəstək göstərir. Bu məhsullar bir neçə dildə hazırlanır.
Hərbi vətənpərvərlik mövzusunda layihələrimiz sırasında “Şahin” hərbi idman oyunlarını qeyd etmək istəyirəm. Bu, hər il yüz minlərlə məktəblinin qatıldığı layihədir. Gənclər hərbi xidmətə çağırılır, vətənin müdafiəsində dayanırlar. Buna görə də onlar üçün indidən hərbi texnika ilə işləmək, hərbi fiziki işlər görmək hərbi vətənpərvərlik hisslərinin yüksəlməsi baxımından çox əhəmiyyətli layihədir. Eyni zamanda, hər il Xocalı soyqırımı ərəfəsində keçirdiyimiz “Mahir nişançı” müsabiqəmiz var ki, gənclər, tələbələr arasında böyük maraqla qarşılanır.
Bütün bunlarla yanaşı, hərbi xidmətdə olan gənclərlə mülki gənclər arasında daim ünsiyyət qurulur. Biz gənclərin xüsusilə cəbhə bölgəsində yerləşən hərbi hissələrə səfərlərini təşkil edirik. Bu, bizim ənənəmizdir. Eləcə də, nazirliyin yerli idarələri əlamətdar günlərdə hərbi hissələrə baş çəkib hərbçilərimizlə görüşlər keçirirlər.
Nazirlik olaraq mütəmadi şəkildə “Əsgər bayramı”, “Hünər” mahnı festivalı və digər layihələr reallaşdırırıq ki, bu, gənclərdə vətənpərvərlik ruhunun aşılanmasına xidmət edir.
Mən bir məqamı da xüsusi vurğulamaq istəyirəm ki, ötən ilin aprel döyüşləri bizim üçün sınaq idi. Azərbaycan gəncləri nümayiş etdirdilər ki, onlarda vətənpərvərlik ruhu daim yüksəkdir və öndədir. Aprel döyüşləri xalqımızın həmrəyliyini göstərdi. Dünya da, öz cəmiyyətimiz də gördü ki, gənclərimiz nəyə, hansı gücə qadirdirlər. O proseslər zamanı on minlərlə gəncimiz cəbhəyə getməyə can atırdı. Amma işğalçı Ermənistan isə insanların cəbhə zonasından qaçmasının qarşısını almağa çalışırdı. Bir sözlə, gənclərimizdə böyük ruh yüksəkliyi var. Sosialoji sorğularda da vətənpərvərlik baxımından mütləq faiz yüksəkdir.
- Qeyd etdiyiniz kimi, Gənclər və İdman Nazirliyi gənclərlə iş sahəsində səmərəliliyi daha da artırmaq üçün müxtəlif layihələr həyata keçirir. Bəs bu sahədə infrastruktur təminatı hansı səviyyədədir?
- Gənclər və idman sahəsində infrastrukturumuz genişlənir. 2016-cı ildə də ölkədə Gənclər evlərinin sayı artıb. Artıq respublikamızda 39 Gənclər evi və mərkəzləri var. Bunların 12-si nazirliyimiz tərəfindən inşa edilib və bir neçəsi də inşa olunmaqdadır. Digərləri isə müvafiq rayon icra hakimiyyətləri tərəfindən inşa edilib. Biz çalışırıq ki, bütün bu mərkəzlərin fəaliyyətini əlaqələndirək. Bu mərkəzlər müasir standartlara tam cavab verən məkanlardır, maddi-texniki təchizatı yüksək səviyyədədir. Gənclər evləri və mərkəzləri ictimai fəallıq, ən müxtəlif mövzularda diskussiyaların aparılması baxımından münasib məkanlardır. Bu il ərzində çalışacağıq ki, onların fəaliyyətini daha da gücləndirək.
Maraqlıyıq ki, partnyorlarımız olan gənclər təşkilatları da tədbirlərini bu məkanlarda keçirsinlər. Bu amil rayon və şəhər gənclərinin ictimai fəallaşması deməkdir. Eləcə də Olimpiya mərkəzlərində də təkcə idman yarışları deyil, digər tədbirlər, intellektual oyunlar keçirmək imkanlarımız var. Bu mərkəzlərin də potensialından istifadə edirik.
- Azərbaycanda gənclərin inkişafı üçün müxtəlif Dövlət proqramları həyata keçirilib. Hazırda da yeni proqramlar üzərində iş gedirmi?
- Yuxarıda qeyd etdiyim kimi, “Gənclər siyasəti haqqında” Qanuna uyğun olaraq fəaliyyət göstəririk. Eyni zamanda, gənclərin inkişafı ilə əlaqədar Dövlət proqramları var. Bu istiqamətdə artıq iki Dövlət Proqramı icra olunub. Düşünürəm ki, üçüncü Dövlət Proqramı yaxın zamanlarda qəbul ediləcək. Bu yöndə işlər gedir və sənədin digər dövlət qurumları ilə razılışdırılması prosesi başa çatmaq üzrədir.
Belə bir ənənəmiz var ki, gənclərlə bağlı sənəd hazırlandıqda ictimai müzakirələr təşkil olunur, gənclərin fikirləri, təklifləri nəzərə alınır. Cənab Prezidentin də tapşırığı belədir ki, proqramlar konkret olmalı və gənclərin maraqlarını əks etdirməlidir. Dövlət başçısı ilə gənclərin görüşlərində də canlı dialoq olur və bunun özü dünya üçün müsbət təcrübədir.
- Gənclər və İdman Nazirliyi ölkəmizdə fəaliyyət göstərən gənclər təşkilatları ilə işi hansı səviyyədə qurub?
- Hazırda respublikamızda 330-dan çox gənclər təşkilatı fəaliyyət göstərir. Bu təşkilatlarda ictimai fəaliyyətlə məşğul olan, elm, təhsil və digər sahələrdə çalışan gənclər təmsil olunurlar. Dövlət proqramlarının mühüm nəticələrindən biri də Azərbaycan Prezidenti yanında Gənclər Fondunun yaradılmasıdır. Fəaliyyət göstərdiyi 5 il ərzində minlərlə layihə icra olunub. Burada müsbət cəhət odur ki, fərdlərin layihələri maliyyələşdirilir.
Bütövlükdə gənclərin öz potensialını reallaşdırmaq üçün şərait yaradılıb. Müxtəlif sahələrdə çalışmaq istəyən gənclər var. Müxtəlif sahələrdə uğur qazanan gənclər hər il dövlət başçısı tərəfindən mükafatlandırılır, təltif olunurlar.
Özlərini siyasətdə sınamaq istəyən gənclər var ki, onlar YAP Gənclər Birliyinin ətrafında birləşiblər. Təşkilat təkcə siyasi deyil, ən müxtəlif mövzularda layihələr həyata keçirir. Biz nazirlik olaraq YAP Gənclər Birliyi ilə sıx əməkdaşlıq edirik. Təşkilatda müxtəlif sahələr üzrə çox bacarıqlı, istedadlı gənclər var ki, onların potensialından istifadə etməyə çalışırıq.
- İntiqam müəllim, bildiyimiz kimi, ölkə Prezidenti cənab İlham Əliyev 2017-ci ili Azərbaycanda “İslam Həmrəyliyi İli” elan edib. Gənclər və İdman Nazirliyi bu il çərçivəsində hansı tədbirləri keçirməyi nəzərdə tutur?
- Ölkə Prezidenti tərəfindən 2017-ci ilin “İslam Həmrəyliyi İli” elan olunması cəmiyyətimizi çox yüksək səviyyədə ruhlandıran qərardır. Bu il ölkəmizdə IV İslam Həmrəyliyi Oyunları keçiriləcək və bu Oyunlara minlərlə insan qatılacaq. Yəni bu tədbirə dünyada çox böyük maraq olacaq.
Eyni zamanda, bu qərarın siyasi yükü də böyükdür. Azərbaycan dövlət olaraq Şərqlə Qərb arasında körpü rolunu oynayır, dünya miqyasında nüfuzlu ölkədir. İl ərzində keçiriləcək müxtəlif tədbirlər Azərbaycanın beynəlxalq mövqeyini gücləndirəcək, təbliğatı genişlənəcək. Xaricdən gələn qonaqlar ölkəmizlə daha yaxından tanış olacaqlar. Eyni zamanda, İslam Həmrəyliyi Oyunları ilə əlaqədar ölkəmizə gələn turistlərin də sayı çox olacaq.
Nazirlik olaraq, təbii ki, bu il çərçivəsində layihələr keçirəcəyik. Bunların içərisində “Mən Azərbaycan haqqında nə bilirəm” ənənəvi layihəmizi qeyd etmək istəyirəm. Bu layihəni müxtəlif ölkələrin tələbələri arasında keçiririk və qalib gələn tələbələrin Azərbaycana səfərini təşkil edirik. Nəzərdə tutmuşuq ki, həmin layihəni bu il müsəlman ölkələrində keçirək və qalib gələn gənclərin yay aylarında ölkəmizə səfərini təşkil edək. Eyni zamanda, İslam ölkələrinin gənc klassik müsiqi ifaçılarının müsabiqəsi də keçiriləcək. Həmçinin İslam ölkələrinin gənc alimlərinin Azərbaycanda toplantısının keçirilməsini planlaşdırırıq.
Ümumiyyətlə, bu ilə sırf İslam dini məqamından deyil, İslam dünyasında elm, təhsil, mədəniyyət və digər sahələrdə birliyin gücləndirilməsi baxımından yanaşmaq lazımdır. Bu baxımdan, Azərbaycanın İslam dünyasına böyük töhfələr verməsi böyük əhəmiyyət kəsb edir və ölkəmiz bu prosesdə də bir daha özünü təsdiq edəcək.

 
  • Oxunub:  10410  |  
  • Tarix:  02-02-2017  |  
  •    Çap et   |  
Get Adobe Flash player
Ukraynanın birinci prezidenti: Heydər Əliyev özünü ölkəsindən kənarda təsəvvür etmirdi

20:33
11 Dekabr
Vladimir Solovyov: Heydər Əliyev böyük siyasi xadim idi
20:31
11 Dekabr
İranın hüquq-mühafizə orqanları Azərbaycanın müvafiq qurumları ilə əməkdaşlığın dərinləşdirilməsinə böyük önəm verir
20:30
11 Dekabr
Ulu öndər Heydər Əliyevin müstəqil Azərbaycanın sərhəd mühafizəsinin inkişafında misilsiz xidmətləri var
20:27
11 Dekabr
Əmək və Əhalinin Sosial Müdafiəsi Nazirliyində ABŞ-ın Beynəlxalq İnkişaf Agentliyinin missiya direktoru ilə görüş olub
20:25
11 Dekabr
Azərbaycanın və İranın dövlət sərhədindən buraxılış məntəqələrində mövcud vəziyyət barədə fikir mübadiləsi aparılıb
20:20
11 Dekabr
Ümummilli lider Heydər Əliyevin xatirəsi Sofiyada da anılıb
20:15
11 Dekabr
Heydər Əliyev ideyaları: uğurlarımızın qarantı
20:13
11 Dekabr
General Körtis Skaparotti: NATO Azərbaycanın ərazi bütövlüyünü, müstəqilliyini və suverenliyini dəstəkləyir
20:07
11 Dekabr
Sergey Medvedev: Heydər Əliyev mətbuat nümayəndələri ilə həmişə qeyri-rəsmi və səmimi şəraitdə işləyirdi
19:42
11 Dekabr
Prezident İlham Əliyev NATO Müttəfiq Qüvvələrinin Avropadakı Baş komandanının rəhbərlik etdiyi nümayəndə heyətini qəbul edib
19:32
11 Dekabr
Ümummilli lider Heydər Əliyevin xatirəsi konservatoriyada konsert proqramı ilə anılıb
19:21
11 Dekabr
XİN: Danimarkanın “Novo Nordisk” şirkəti Dağlıq Qarabağ ərazisində heç bir iqtisadi fəaliyyətlə məşğul deyil
19:17
11 Dekabr
Balıqçılığın və akvakulturanın inkişafı ilə bağlı beynəlxalq mütəxəssislərlə birgə seminar keçirilib
17:53
11 Dekabr
Bilik Fondu bölgələrdə və paytaxtda Ümummilli Liderin anım mərasimlərini təşkil edib
17:51
11 Dekabr
Akira Matsunaqa: Ulu öndər Heydər Əliyev Azərbaycanın siyasi tarixində əhəmiyyətli yer tutan böyük şəxsiyyət idi
17:48
11 Dekabr
Heydər Əliyev bütün zamanların ən böyük dövlət xadimlərindən biri, Azərbaycan xalqının ulu öndəridir
17:46
11 Dekabr
YAP Astara rayon təşkilatı Ulu öndər Heydər Əliyevin anım günü ilə əlaqədar “Müstəqilliyimizin qurucusu - Heydər Əliyev” mövzusunda elmi-praktiki konfrans keçirib
17:45
11 Dekabr
YAP Gəncə şəhər təşkilatında Ulu öndərin xatirəsi anılıb
17:43
11 Dekabr
Heydər Əliyev bütün zamanların ən böyük dövlət xadimlərindən biri, Azərbaycan xalqının ulu öndəridir
17:41
11 Dekabr
Dövlət Təhlükəsizliyi Xidmətinin şəxsi heyəti ulu öndər Heydər Əliyevin xatirəsini yad edib
17:40
11 Dekabr
Məcburi köçkünlərlə növbəti görüş keçirilib
17:27
11 Dekabr
Ümummilli lider Heydər Əliyevin anım gününə həsr edilmiş “Dahi!” adlı tədbir keçirilib
17:20
11 Dekabr
“Heydər Əliyev və Azərbaycan nitq mədəniyyəti” monoqrafiyası MEK-in Milli Rəqəmsal bazasında yerləşdirilib
17:02
11 Dekabr
Ulu Öndər Azərbaycanın işıqlı sabahının etibarlı bünövrəsini yaradıb
17:00
11 Dekabr
UNEC-də Ümummilli Liderin xatirəsi anılıb
16:52
11 Dekabr
Dmitri Savelyev: Heydər Əliyev azərbaycanlılara firavanlasan ölkəni, bütün dünyaya həqiqi vətənpərvərlik nümunəsini miras qoyub
16:47
11 Dekabr
Rene van der Linden: Heydər Əliyev Azərbaycanın inkişafına mühüm töhfə verib
16:44
11 Dekabr
Türkiyədə ulu öndər Heydər Əliyevin vəfatının ildönümü ilə əlaqədar simfonik orkestrin konserti keçiriləcək
16:36
11 Dekabr
Milli Kitabxanada ulu öndər Heydər Əliyevin xatirəsi ehtiramla anılıb
16:28
11 Dekabr
Ümummilli lider Heydər Əliyevin xatirəsi Təbrizdə anılıb
16:27
11 Dekabr
Tarixə yazılan epoxa, tarixə çevrilən şəxsiyyət...
16:15
11 Dekabr
Azərbaycan Ümumdünya Əqli Mülkiyyət Təşkilatının toplantısında təmsil olunub
15:59
11 Dekabr
Müstəqil Azərbaycan dövlətinin qorunub saxlanması və inkişafında Heydər Əliyevin misilsiz xidmətləri olub
15:54
11 Dekabr
Əmək və Əhalinin Sosial Müdafiəsi Nazirliyində ümummilli lider Heydər Əliyevin anım mərasimi keçirilib
15:50
11 Dekabr
Moskvada Azərbaycanla Rusiya arasında iqtisadi əməkdaşlığa dair hökumətlərarası komissiyanın iclası keçiriləcək
15:43
11 Dekabr
Heydər Əliyev siyasi kursu: sabitlik, güclü iqtisadiyyat və uğurlu xarici siyasətin mükəmməl vəhdəti
15:37
11 Dekabr
Bakıda Azərbaycan-Türkiyə kənd təsərrüfatı forumu keçirilib
15:15
11 Dekabr
Azərbaycanın UNICEF-lə tərəfdaşlığının 25 illiyinə həsr olunmuş xüsusi poçt markası nəşr edilib
15:10
11 Dekabr
Moskvada ulu öndər Heydər Əliyevin xatirə gecəsi keçirilib
15:06
11 Dekabr
DOST Agentliyinin fəaliyyəti üçün əsas hüquqi platforma təmin edilib
15:02
11 Dekabr
Ümummilli lider Heydər Əliyevin vəfatının 15-ci ildönümü ilə əlaqədar Hərbi Prokurorluqda anım mərasimi keçirilib
14:59
11 Dekabr
Qasım Rzayi: İran Azərbaycanın ərazi bütövlüyünü və ədalətli mövqeyini dəstəkləyir
14:56
11 Dekabr
Operativ məlumat: Ötən ilin eyni dövrünə nisbətən 22,9 min tondan çox pambıq tədarük olunub
14:47
11 Dekabr
Respublika Veteranlar Təşkilatının VIII plenumu keçirilib
14:43
11 Dekabr
“Xatirələrdə, nəğmələrdə yaşayır Öndər” adlı tədbir keçirilib
14:40
11 Dekabr
Azərbaycan Dövlət Bədən Tərbiyəsi və İdman Akademiyasında ümummilli lider Heydər Əliyevin xatirəsi anılıb
14:38
11 Dekabr
Nazirlər Kabinetində Əhalinin Siyahıyaalınmasına Yardım üzrə Mərkəzi Komissiyanın iclası keçirilib
14:34
11 Dekabr
YAP Sədrinin müavini: Təəssüf ki, beynəlxalq təşkilatlar bir çox məsələlərə, o cümlədən seçkilərə münasibəti ifadə edərkən ikili standartlardan qaça bilmirlər
14:31
11 Dekabr
Azərbaycan xalqı Heydər Əliyev ideyalarından, Heydər Əliyev dühasından əbədi bəhrələnəcəkdir
14:28
11 Dekabr
Ulu Öndər Heydər Əliyev ümumbəşəri şəxsiyyətdir
14:25
11 Dekabr
Hikmət Babaoğlu: "Heydər Əliyev dövlətin siyasi və ideoloji varisliyini təmin etdi"
14:25
11 Dekabr
“AgTech and Green Energy” beynəlxalq forumunda smart irriqasiya sisteminin üstünlüklərindən danışılıb
14:22
11 Dekabr
Yeni Azərbaycan Partiyasının nümayəndələri Fəxri xiyabanda Ümummilli lider Heydər Əliyevin məzarını ziyarət ediblər
14:19
11 Dekabr
Əli Əhmədov: Azərbaycan xalqı nə qədər yaşayacaqsa, onun qəlbində Heydər Əliyevin xatirəsinə hörmət və ehtiram daim olacaq
14:16
11 Dekabr
Əbədiyaşar Şəxsiyyət
14:15
11 Dekabr
İnam Kərimov: Azərbaycanda Türkiyə şirkətləri üçün maraq kəsb edən emal və istehsal imkanları var
14:13
11 Dekabr
Qafqaz Müsəlmanları İdarəsində ulu öndər Heydər Əliyevin anım günü əlaqədar tədbir keçirilib
14:11
11 Dekabr
Mübariz Qurbanlı: Ulu öndər Heydər Əliyev dini qaydalarımıza çox ciddi şəkildə əməl edib və bunu başqalarına da tövsiyə edib
14:08
11 Dekabr
Dmitri Kiselyov: Rusiya-Azərbaycan münasibətləri Qafqazda və daha geniş regionda sülh amilidir
12:24
11 Dekabr
AMEA-nın Şərqşünaslıq İnstitutunun 60 illik yubileyi qeyd olunub
12:22
11 Dekabr
Polkovnik Eray Guçlüer: Paşinyanın Türkiyə ilə əlaqələr qurmaq barədə dedikləri təcavüzkar dövlətin əsl xislətini əks etdirir
12:18
11 Dekabr
Kiyevdə “Heydər Əliyev və Azərbaycan diasporu” mövzusunda konfrans keçirilib
12:15
11 Dekabr
Barselonada ulu öndər Heydər Əliyevin xatirəsinə həsr olunmuş anım mərasimi keçirilib
12:13
11 Dekabr
Kənd Təsərrüfatı Nazirliyi innovativ fermerlərin formalaşdırılması istiqamətində məqsədyönlü tədbirlər həyata keçirəcək
12:08
11 Dekabr
Ağsaqqallar Şurasının üzvləri ulu öndər Heydər Əliyevin məzarını ziyarət ediblər
12:01
11 Dekabr
Ulu öndər Heydər Əliyev regionların sürətli və davamlı sosial-iqtisadi inkişaf konsepsiyasının banisidir
11:52
11 Dekabr
Allahşükür Paşazadə: Əsl demokratik prinsiplərə söykənən vicdan azadlığı və müqəddəs islami dəyərlərin təşəkkülü ulu öndər Heydər Əliyevin adı ilə bağlıdır
11:47
11 Dekabr
Hüseynbala Mirələmov: Ümummilli lider Heydər Əliyev nəinki xalqımız, bütövlükdə türk dünyası üçün əvəzsiz bir fenomendir
11:44
11 Dekabr
Cocuq Mərcanlıda istirahət parkı inşa edilir
11:43
11 Dekabr
Konstitusiya Məhkəməsi Palatasının növbəti iclası keçirilib

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
HAVA HAQQINDA