Ana səhifə »  Analitik »  Leyla Əliyeva: İşimizlə, ümidlə, inamla, nəzakətlə və sevgi ilə biz bütün problemləri həll edə və daha parlaq gələcək qura bilərik
A+   Yenilə  A-
Leyla Əliyeva: İşimizlə, ümidlə, inamla, nəzakətlə və sevgi ilə biz bütün problemləri həll edə və daha parlaq gələcək qura bilərik

Heydər Əliyev Fondunun vitse-prezidenti Leyla Əliyevanın böyük ictimai məzmun daşıyan çoxşaxəli fəaliyyəti cəmiyyət həyatının bir çox istiqamətlərini əhatə edir, ən ali ideallara söykənir
“İşimizlə, ümidlə, inamla, nəzakətlə və sevgi ilə biz bütün problemləri həll edə və daha parlaq gələcək qura bilərik”. Heydər Əliyev Fondunun vitse-prezidenti Leyla Əliyevaya məxsus olan bu fikirlər həm də onun fəaliyyətinin məğzini, həyat kredosunu dəqiqliklə ifadə edir. Ümumiyyətlə, Heydər Əliyev Fondunun vitse-prezidenti Leyla Əliyevanın böyük ictimai məzmun daşıyan fəaliyyətinin miqyası, əhatə dairəsi kifayət qədər genişdir. Azərbaycan cəmiyyətinin istəyi və Leyla Əliyevanın çoxşaxəli fəaliyyəti sanki bir uyğunluq, harmoniya təşkil edir. Leyla Əliyevanın gördüyü işlər, reallaşdırdığı layihələr cəmiyyətin sosial sifarişini ifadə edir və buna görə də bizim hamımıza ruhən çox yaxındır. Hər kəs Leyla Əliyevanın timsalında onun sözünü deyən, onun müxtəlif məsələlərlə bağlı narahatlığını ifadə edən, daima daxili yanğı ilə, milli təəssübkeşliklə, tükənməz enerji və sevgi ilə bütün problemlərin həllinə can atan xeyirxah bir insanı görür.
“Xocalıya ədalət!” Xocalı soyqırımı həqiqətlərini dünyaya tanıdır
Məlumdur ki, Azərbaycanın Birinci vitse-prezidenti xanım Mehriban Əliyevanın rəhbərlik etdiyi Heydər Əliyev Fondu fəaliyyət göstərdiyi 13 il ərzində nəinki Azərbaycanda, eyni zamanda, regionda görülən işlərin həcminə görə ən böyük ictimai təşkilata çevrilib. Mehriban xanım Əliyevanın təşəbbüsü və birbaşa rəhbərliyi ilə reallaşdırılan layihələr cəmiyyət həyatının bütün sferalarını əhatə etməklə ən yüksək amallara, keyfiyyətlərə söykənir. Fondun irəli sürdüyü təşəbbüslər bir qayda olaraq ümumi mənafedən irəli gəlir. Hamı tərəfindən birmənalı şəkildə qəbul olunur ki, Ümummilli lider Heydər Əliyevin adını daşıyan Fond həmişə Azərbaycanın və ölkə vətəndaşlarının qarşısında duran, həlli çətin görünən problemlərin həllinə kömək edir.
Sirr deyil ki, Heydər Əliyev Fondunun fəaliyyətində Dağlıq Qarabağ münaqişəsinin ədalətli həllinə töhfə vermək, işğalçı Ermənistanın azərbaycanlılara qarşı həyata keçirdiyi soyqırımı siyasətinin nəticələri haqqında dünya ictimaiyyətini məlumatlandırmaq, o cümlədən Xocalı soyqırımının tanınmasına nail olmaq istiqamətində görülən işlər mühüm yer tutur. Bu mənada Heydər Əliyev Fondunun vitse-prezidenti Leyla Əliyevanın təşəbbüsü ilə 2008-ci ildə irəli sürülmüş “Xocalıya ədalət!” beynəlxalq kampaniyası çərçivəsində görülən işlər xüsusilə təqdirəlayiqdir. Bu kampaniya dünya birliyinə Xocalı soyqırımı haqqında düzgün informasiya çatdırmaq məqsədi daşıyır. Kampaniya çərçivəsində dünyanın, demək olar, bütün ölkələrində Xocalı faciəsinə həsr olunmuş tədbirlər keçirilib, konfranslar, seminarlar, sərgilər təşkil edilib, filmlər çəkilib, kitablar nəşr olunub. “Xocalıya ədalət!” beynəlxalq kampaniyasının faciə haqqında hər cür informasiyanın yer aldığı internet saytı açılıb. Kampaniyanın uğurla həyata keçirilməsi nəticəsində Meksika, Pakistan, Kolumbiya, Çexiya, Bosniya və Herseqovina, Peru, Panama, İordaniya, Sudan, Sloveniya, Honduras, Qvatemala, Cibuti parlamentləri Xocalı soyqırımını pisləyən rəsmi sənədlər qəbul ediblər. ABŞ-ın Arizona, Arkanzas, Corciya, İndiana, Pensilvaniya, Missisipi, Nyu Cersi ştatlarının qanunverici orqanlarında qətnamələr, eləcə də Konnektikut, Massaçusets, Meyn, Nyu Meksika, Oklahoma, Tennessi, Texas, Minnesota və Vest Virciniya ştatlarında bəyannamələr qəbul edilib. ABŞ-ın Havay, Montana, Yuta, Nebraska, Aydaho ştatlarının qubernatorları, Florida ştatının Hallandale Beach şəhərinin meri və Viskonsin ştatının Miluoki dairəsinin icra hakimiyyətinin başçısı Xocalı faciəsi ilə bağlı bəyannamə imzalayıb.
Leyla Əliyeva kampaniya və Xocalı soyqırımı haqqında danışarkən deyib: “Xocalı qurbanlarının xatirəsi bizim düşüncələrimizdə, gördüyümüz işlərdə və qəlbimizdə yaşayır. Biz inanırıq ki, ədalət tezliklə zəfər çalacaq, Azərbaycanın ərazi bütövlüyü bərpa ediləcək, bütün sakinlər, məcburi köçkünlər öz doğma yurd-yuvalarına qayıdacaqlar”.
RAGB - Azərbaycan gənclərinin ən böyük diaspor təşkilatı
Heydər Əliyev Fondunun vitse-prezidenti Leyla Əliyevanın çoxşaxəli fəaliyyətində Rusiyanın Azərbaycanlı Gənclər Birliyinin (RAGB) yaradılması və fəaliyyətinin yüksək səviyyədə təmin edilməsi əhəmiyyətli məqamlardan biridir. “Bizim başlıca məqsədimiz Azərbaycanın qədim ənənələrini, zəngin mədəniyyətini və tarixini qoruyub saxlamaq, bütün xalqlara və dinlərə hörmət bəsləmək, qarşılıqlı yardım və qarşılıqlı dəstək, Rusiya cəmiyyətinə inteqrasiya və Azərbaycanı Rusiyada layiqincə təmsil etməkdir”, - deyən Leyla Əliyeva bu fikirləri ilə həm də 2008-ci ildən fəaliyyət göstərən Rusiyanın Azərbaycanlı Gənclər Birliyinin fəaliyyətinin məqsədlərini də ifadə edir. Ötən illərdə Rusiyadakı azərbaycanlı gənclərin istinad yeri, onların fəaliyyətinin istiqamətvericisi kimi böyük uğurlar qazanan RAGB azərbaycanlı gənclərin bu ölkənin həyatında fəal iştirakına kömək edir, Azərbaycanın təbliğinə yönəlmiş fəaliyyəti əlaqələndirir, Azərbaycan dövləti tərəfindən həyata keçirilən diaspor siyasətinə də əhəmiyyətli töhfələr verir. RAGB həm də özünün xeyriyyəçilik və sosiomədəni layihələri ilə diqqəti cəlb edir. Rusiyanın 70 regionunu əhatə edən RAGB fəalları uşaq evlərinə baş çəkir, bu evlərin balaca sakinləri üçün bayram şənlikləri təşkil edir, uşaqlara yardım göstərirlər. Təşkilatın təşəbbüsü və dəstəyi ilə məktəblər, uşaq bağçaları təmir edilir, müasir avadanlıqla təchiz olunur, istirahət parkları və zonaları yaradılır. Təşkilatın təşəbbüsü və dəstəyi ilə keçirilən müxtəlif müsabiqələr, RAGB Universiadası, “Qələbənin varisləri” adlı konfrans, ağacəkmə aksiyaları, “Nə? Harada? Nə vaxt?” intellektual oyunları, Liderlik məktəbləri, hərbi-vətənpərvərlik oyunları, həmçinin “Qanın milləti yoxdur!” kimi təşəbbüslər minlərlə gənci əhatə etməklə ictimaiyyət tərəfindən yüksək qiymətləndirilib. Bütün bunlar isə o qənaəti ifadə etməyə imkan verir ki, Azərbaycan gənclərinin ən böyük diaspor təşkilatı olan RAGB qarşısına qoyduğu məqsədlərə doğru inamla addımlayır və Azərbaycan dövlətini, xalqını ən uğurlu şəkildə təmsil edir.
Yeri gəlmişkən xatırlatmaq yerinə düşər ki, Leyla Əliyevanın Rusiya Federasiyası ilə dostluğun və əməkdaşlığın möhkəmlənməsinə, iqtisadi əlaqələrin inkişafına, rus dilinin və rus mədəniyyətinin qorunub saxlanmasına və xaricdə populyarlaşdırılmasına verdiyi böyük töhfələr Rusiya Federasiyası tərəfindən yüksək qiymətləndirilib. Belə ki, o, bu xidmətlərinə görə Rusiyanın “Puşkin” medalı ilə təltif olunub. Leyla Əliyevaya mükafatı Rusiya Federasiyasının Prezidenti Vladimir Putin təqdim edib. O həmçinin “Həştərxan vilayəti qarşısında xidmətlərinə görə”, “Volqoqrad vilayəti qarşısında xidmətlərinə görə” medallarına, III dərəcəli “Müqəddəs Mələksima Knyaginya Olqa” ordeninə də layiq görülüb. Əlbəttə ki, belə yüksək dövlət mükafatları ilə təltif olunması Leyla Əliyevanın fəaliyyətinin nə qədər genişmiqyaslı və əhəmiyyətli olduğunun daha bir ifadəsidir.
“Baku” jurnalı doğma Bakımızın ruhunu ifadə edir
Azərbaycan ictimaiyyəti bu günə qədər Leyla Əliyevanın təşəbbüsü ilə gerçəkləşən bir çox mühüm layihələrə şahidlik edib. Bu layihələrin hər birini xarakterizə edən ən mühüm cəhətlərdən biri də onların yeniliyi, unikallığı və doğma vətənə bağlılığı ifadə etməsi ilə seçilməsidir. Leyla Əliyevanın təşəbbüsü və rəhbərliyi ilə işıq üzü görən “Baku” jurnalı da belə təşəbbüslərdən biridir.
2007-ci ildə Moskvada nəşr olunmağa başlayan “Baku” jurnalının 2011-ci ildə ingilis dili versiyası da təqdim olunub. Jurnal qarşısına Azərbaycanı dünyada tanıtmaq, sevdirmək və ölkəmizin geniş turizm potensialını təbliğ etmək missiyasını qoyub. Buna görə də jurnal beynəlxalq auditoriyaya Azərbaycan və onun paytaxtı Bakı şəhəri, xalqımızın zəngin adət və ənənələri, ölkənin dolğun mədəni həyatı, tarixi şəxsiyyətləri və bizim müasirlərimiz - öz əməyi, istedadı və sənəti ilə doğma diyarımızı dünyada şöhrətləndirən ədəbiyyatçılar, şairlər, rəssamlar, musiqiçilər, memarlar haqqında, nadir milli mətbəximiz, xalq sənətləri barədə genişhəcmli informasiya təqdim edir. Bu nəşr geniş oxucu auditoriyasını Azərbaycanın qədim tarixi, mənzərəli guşələri ilə tanış edir, xalqımızın humanizmi, milli-mənəvi dəyərləri, ölkədə bərqərar olmuş və artıq Azərbaycanın brendinə çevrilmiş nadir multikultural ab-hava barədə söhbət açır. Jurnalın hər nömrəsi çapdan çıxandan sonra oxucular Azərbaycanı daha yaxşı tanıyır, ölkəmizə səyahət edir, onun təklif etdiyi reseptlər əsasında yeməklər hazırlayır, Azərbaycanın tarixini yenidən dərk edir, dünyanın müxtəlif guşələrində yaşayan istedadlı bakılılarla tanış olurlar. Jurnalın nömrələrində təqdim edilən materiallarda Azərbaycana, xalqımıza, doğma Bakımıza sonsuz sevgi tərənnüm edilir, dünya insanı bu qədim, qədim olduğu qədər də müasir, əsrarəngiz gözəlliklərə və səxavətli, mehriban insanlara sahib ölkəyə baş çəkməyə çağırılır. Və baş redaktor Leyla Əliyevanın da söylədiyi kimi, Bakıya gələnlərin sayı artdıqca jurnalın oxucularının sayı da artır və əksinə: “Baku” jurnalını oxuyan hər kəs gec-tez, qısa müddətə də olsa, şəhərimizə gəlmək imkanı axtarmağa başlayır və belə bir imkan tapır. “Baku” beynəlxalq jurnalının 50-ci, yubiley nömrəsində baş redaktor Leyla Əliyeva yazıb ki, “Baku”nun hər nömrəsi Bakının ruhunu ifadə edir: “Jurnalın ən birinci nömrəsinin çapa imzalandığı gündən elə də çox vaxt keçməyib, amma artıq əllinci nömrə çapdan çıxır. Bu əlli nömrənin hər birinin öz süjetləri, öz qəhrəmanları və əlbəttə, öz taleyi olub. Onlar hamısı birlikdə və hər biri ayrılıqda öz adına tamamilə müvafiqdir. Həqiqətən, jurnalımızın hər nömrəsi redaktor sütunundan başlamış dünyəvi xronikaya qədər Bakının ruhunu ifadə edir”.
IDEA-nın fəaliyyət dairəsi olduqca genişdir
Leyla Əliyevanın çoxşaxəli fəaliyyətindən bəhs edərkən IDEA (Ətraf mühitin mühafizəsi naminə beynəlxaq dialoq) İctimai Birliyinin fəaliyyətinə də ayrıca nəzər yetirmək lazımdır. IDEA Heydər Əliyev Fondunun vitse-prezidenti Leyla Əliyevanın təşəbbüsü ilə 12 iyul 2011-ci ildə fəaliyyətə başlayıb. Təşkilatın əsas məqsədi ətraf mühit məsələləri və fəaliyyətlər barədə ictimai maarifləndirmə, gənclərlə əməkdaşlıq, ətraf mühit problemləri sahəsində təhsil və onlar üçün düzgün həllər tapmaqdır. IDEA ekoloji maariflənmə işini ailə, cəmiyyət və milli həyatın ən mühüm hissəsinə çevirmək üçün bütün fəaliyyətini gənclər üzərində qurub. Təşkilatın missiyası gənclərin regional və beynəlxalq səviyyədə real və virtual cəmiyyətlərinin yaradılması, ətraf mühitin qorunması ilə bağlı məlumatlar verən və praktik çağırışlar edən açıq dialoqlar vasitəsilə həmin cəmiyyətin inkişaf etdirilməsi, yerlərdə ekoloji maarifləndirmə işlərini həyata keçirmək üçün bu cəmiyyətin hər bir üzvünün lider kimi yetişməsini təmin etməkdir. Onu da qeyd edək ki, IDEA gənc nəsli müsbət və davamlı ekoloji dəyişiklik yaratmağa hazırlamaq naminə dialoq, fəaliyyət, liderlik və təhsil kimi başlıca prinsiplərə əsaslanır.
Ətraf mühitin mühafizəsi istiqamətində ali missiyalı fəaliyyətə malik olan IDEA-nın fəaliyyət dairəsi olduqca genişdir. Qeyd edək ki, ötən il Leyla Əliyevanın rəhbərlik etdiyi IDEA-nın Heyvanlara Qayğı Mərkəzinin açılışı olub. Əsası 2014-cü ildə qoyulmuş Mərkəz Bakı və ətraf ərazilərdə heyvanların müayinəsi və müalicəsi, eləcə də onların müvəqqəti saxlanması üçün nəzərdə tutulub. Bundan başqa, kompleks ərazisində pişik və itlər üçün yemlərin istehsalı üzrə fabrik tikilib.
IDEA ölkəmizin yaşıllaşdırılması üzrə də olduqca fəal təşəbbüslərlə çıxış edir. Təşkilatın təşəbbüsü və dəstəyi ilə indiyə qədər ölkəmizdə 5 milyondan çox ağac əkilib. Leyla Əliyevanın təşəbbüskarı olduğu “Məktəb bağları” layihəsi sosial və ekoloji layihələri özündə birləşdirir. Layihənin birinci aksiyası zamanı Bakı məktəblərindən birinin həyətində Leyla Əliyevanın iştirakı ilə 100 ədəd badam, gavalı və nar ağacı əkilib. IDEA İctimai Birliyi, BMT-nin Ərzaq və Kənd Təsərrüfatı Təşkilatı (FAO) və Təhsil Nazirliyinin birgə həyata keçirdiyi layihə çərçivəsində Göyçay, Şəmkir, Hacıqabul, Quba, Masallı, Oğuz və Zaqatala rayonlarında, eləcə də Bakının Xəzər rayonunda orta məktəblərin həyətlərində meyvə ağaclarının salınması nəzərdə tutulur. Leyla Əliyeva isə IDEA-nın fəaliyyətini xarakterizə edərkən xüsusi olaraq vurğulayıb ki, IDEA müasir dövrün çağırışlarına cavab təşəbbüsüdür: “İndi ekologiya və ətraf mühitin qorunması barədə hamı danışır. Bizim təşəbbüs isə dəb xatirinə deyildir, bu, nə isə real və hissolunan işlər görmək istəyidir. Mənim fikrimcə, bugünkü gəncləri bir məsələ narahat etməlidir: Sabah biz necə dünyada yaşayacağıq?! Bizi nələr gözləyir, ekoloji problemlərin nə kimi nəticələri ola bilər?! Biz planetimizə görə məsuliyyət hiss etməli və bioloji müxtəlifliyin, həyatımızı nəinki sağlam, həm də maraqlı və rəngarəng edən nə varsa hamısının qorunub saxlanmasına birgə töhfə verməliyik”.
O da qeyd edilməlidir ki, Leyla Əliyeva BMT-nin Ərzaq və Kənd Təsərrüfatı Təşkilatının (FAO) xoşməramlı səfiri kimi fəaliyyət göstərir. Vurğulayaq ki, 2015-ci ilin mayında Leyla Əliyeva aclıqla mübarizə, ərzaq təhlükəsizliyinin təmin olunması, kənd təsərrüfatı, meşə və balıqçılıq təsərrüfatının səmərəliliyinin artırılması, sağlam ərzaq sistemlərinin yaradılması kimi məqsədlərə nail olunmasına verdiyi töhfəyə görə BMT-nin Ərzaq və Kənd Təsərrüfatı Təşkilatının Xoşməramlı səfiri adına layiq görülüb. Ümumiyyətlə, Leyla Əliyeva FAO-nun xoşməramlı səfiri kimi təşkilatın işinə və maarifçi siyasətinə böyük dəstək göstərir və qurumun missiyasının, mesajının bütün dünyaya çatdırılmasına yardım edir.
FAO-nun resursların səfərbər edilməsi və donorlarla əlaqələr üzrə rəhbəri Nadin Valat Leyla Əliyevanın bu təşkilatın xoşməramlı səfiri adına layiq görülməsi barədə deyib: “Leyla Əliyeva kimi şəxsiyyətlər unikal əqidə gücünə malikdirlər və onların müraciəti milyonlarla insan tərəfindən eşidilə bilər”.
Xeyirxahlıq Leyla Əliyevanın fəaliyyətində əsas amal kimi çıxış edir
Məlumdur ki, valideyn himayəsindən məhrum və xüsusi qayğıya ehtiyacı olan uşaqların ailə qayğısı ilə əhatə olunması və onların təlim-tərbiyəsi, təhsili, asudə vaxtlarının səmərəli təşkili Heydər Əliyev Fondunun əsas prioritet istiqamətlərindəndir. Bununla əlaqədar Fond mütəmadi olaraq müxtəlif tədbirlər təşkil edir. Heydər Əliyev Fondunun prezidenti Mehriban Əliyeva və Fondun vitse-prezidenti Leyla Əliyeva uşaq evləri və internat məktəblərində olur, xüsusi qayğıya ehtiyacı olan uşaqlara baş çəkir, onların yüksək səviyyədə təhsil almalarında, asudə vaxtlarının səmərəli təşkilində, eləcə də gündəlik qayğılarının aradan qaldırılmasında yaxından iştirak edirlər.
Leyla Əliyevanın ali dəyərlərə söykənən çoxşaxəli fəaliyyətindən söz açarkən bir məqama xüsusi diqqət yetirmək lazımdır: Heydər Əliyev Fondunun vitse-prezidenti Leyla Əliyevanın təşəbbüsü ilə uşaq və yeniyetmələrin sağlamlığı, təhsili, hərtərəfli inkişafı üçün böyük layihələr həyata keçirilir. Başqa sözlə, Leyla Əliyeva Heydər Əliyev Fondunun vitse-prezidenti kimi qayğıya, yardıma daha çox ehtiyacı olanlara diqqət yetirməklə öz fəaliyyətində xeyirxahlıq amalını əsas götürdüyünü göstərir, bu isə cəmiyyət tərəfindən yüksək qiymətləndirilir. Leyla Əliyeva, eyni zamanda, xeyriyyəçilik fəaliyyəti ilə müasir, müstəqil Azərbaycanda bu sahədə sosial-fəlsəfi təməl yaratmaqla yanaşı, gələcək nəsillərə nəcib bir yolun əsas konturlarını göstərmiş olur.
“Mən hər zaman Onun məsləhətlərinə qulaq asıram”
Bəli, sadalanan və sadalanmayan onlarla fakt işığında bir nəticə hasil olur ki, Leyla Əliyevanın fəaliyyəti Azərbaycanın mədəni, sosial, humanitar həyatının bütün sferalarına sirayət edir, daim yeniliyi, müasirliyi, eyni zamanda, daşıdığı dəyərlərə bağlılığı, azərbaycançılığı tərənnüm edir. Əlbəttə ki, bu yüksək keyfiyyətlərin formalaşmasında onun mənsub olduğu ailənin rolu danılmazdır. Leyla Əliyeva isə müsahibələrinin birində həyata keçirdiyi layihələrin böyük uğur qazanmasının səbəblərindən danışarkən belə deyir: “Mən hər zaman Onun məsləhətlərinə qulaq asıram. Atam bir qayda olaraq, heç vaxt səhv etmir. Bu, mənim həyatım boyu anladığım ən əsas şeydir. Bu, həqiqətən, belədir! Bu, sadəcə, Onun mənim atam, yaxud Prezidentimiz olması ilə bağlı deyil. Eyni zamanda, O, heç vaxt Öz fikrini zorla qəbul etdirməyə çalışmır. İndiyədək heç vaxt Onun “Bunu belə etməlisən” deməsini eşitməmişəm. O, sadəcə, məsləhət verir. Son nəticədə isə, Onun məsləhətləri hər zaman düz olur. Bir müddət keçdikdən sonra Onun qabaqcadan dediyi nəticəyə gəlib çıxıram. Bunu Onun gözüaçıqlığı, ağlı və qeyri-adi insani keyfiyyətləri ilə izah etmək olar. Mən bütün işlərimdə Onunla məsləhətləşirəm. Bura həm Heydər Əliyev Fondu, həm ekologiya sahəsi, həm də “Bakı” jurnalı ilə bağlı gördüyüm işlər daxildir”.
“Yeni Azərbaycan”ın
Analitik Qrupu

 
  • Oxunub:  5880  |  
  • Tarix:  04-07-2017  |  
  •    Çap et   |  
Get Adobe Flash player
“İlham Əliyev. İnkişaf - məqsədimizdir” çoxcildliyinin 42-ci kitabı çapdan çıxıb

17:19
19 Sentyabr
Kamran Nəbizadə: Gələcəkdə təbii sərvətlərimiz yalnız ehtiyat faktoru kimi önəm kəsb edəcək
17:17
19 Sentyabr
Müdafiə naziri cəbhəboyu zonada yerləşən yeni hərbi hissənin açılışını edib
17:11
19 Sentyabr
Qarabağ münaqişəsinə dair təmas qrupu toplandı
16:39
19 Sentyabr
Bu il “Cənub Qaz Dəhlizi” üzrə layihələrə 1,7 milyard dollaradək investisiya qoyulub
16:29
19 Sentyabr
İsveçrənin “Romandie” qəzeti AÇG üzrə yeni sazişdən yazır
16:26
19 Sentyabr
Azərbaycan Dünya Bankı ilə güclü tərəfdaşlıq qurub
16:24
19 Sentyabr
Gələn ilin dövlət büdcəsində sosial sahəyə diqqət yetiriləcək
16:03
19 Sentyabr
Şahin İsmayılov: Həyata keçirilən dövlət proqramlarından minlərlə Azərbaycan gənci yararlanıb
15:32
19 Sentyabr
Ermənistan rəhbərliyinin siyasi təşvişi: Azərbaycan Prezidenti qarşısında acizlik
15:27
19 Sentyabr
Dəniz Nəqliyyatı İşçiləri Müstəqil Həmkarlar İttifaqı Respublika Komitəsinin VI Qurultayının iştirakçıları Fəxri xiyabanı ziyarət ediblər
15:25
19 Sentyabr
Azərbaycan-Ermənistan dövlət sərhədinin müdafiə zolağında yerləşən hərbi hissələrə baxış keçirilib
14:51
19 Sentyabr
Milli Məclisin komitə iclasında bir sıra məsələlər müzakirə edilir
14:44
19 Sentyabr
Səttar Mehbalıyev: Azərbaycan dövləti dəniz nəqliyyatının inkişafına xüsusi önəm verir
14:31
19 Sentyabr
İdman jurnalistləri “Asiada-2017”nin informasiya təminatı məsələlərini müzakirə ediblər
14:30
19 Sentyabr
Pakistan Hərbi Hava Qüvvələrinin komandanı Bakıya gəlir
14:06
19 Sentyabr
SOCAR: TANAP ilə Azərbaycan qazının nəzərdə tutulan vaxtda Türkiyəyə çatdırılması tamamilə realdır
14:02
19 Sentyabr
Elman Rüstəmov: DB-nin Azərbaycan üzrə portfeli MDB ölkələri arasında ən böyük portfellərdən biridir
13:57
19 Sentyabr
İlham Əliyev: Mən çalışıram və çalışacağam ki, Azərbaycan xalqı yaxşı yaşasın
12:50
19 Sentyabr
Avropa çempionu adını qazanan gənc cüdoçularımız Vətənə qayıdıblar
12:49
19 Sentyabr
Seymur Səfərli: Prezidentin Sərəncamı ölkəmizdə çayçılıq ənənələrinin bərpasına şərait yaradacaq
12:38
19 Sentyabr
Şahin Mustafayev: Qeyri-neft sektorunun inkişafı və şaxələndirilməsi Azərbaycan iqtisadiyyatının prioritetləridir
12:28
19 Sentyabr
Bakıda “Maddi-texniki təminatın əsasları” mövzusunda seminar keçirilir
12:23
19 Sentyabr
Bakı Dövlət Universitetində yaponşünaslıq ixtisasının tədrisi ilə bağlı auditoriyalar açılıb
12:21
19 Sentyabr
Görkəmli şərqşünas alim Aida İmanquliyevanın xatirəsi anılıb
12:17
19 Sentyabr
Səyyar “ASAN xidmət” Goranboy şəhərində
12:04
19 Sentyabr
Dünya Bankı Qaçqınların və Məcburi Köçkünlərin işləri üzrə Dövlət Komitəsinə 170 milyon dollar vəsait ayırıb
11:55
19 Sentyabr
DİA-nın “Heydər Əliyev Dövlət İdarəçiliyi Məktəbi”ndə birinci kurs tələbələri ilk mühazirəni dinləyiblər
11:47
19 Sentyabr
“TurAz Qartalı - 2017” birgə taktiki təlimləri davam edir
11:44
19 Sentyabr
Yaqub Mahmudov: İndiki Ermənistan ərazisi tamamilə bizim tariximizdir
11:43
19 Sentyabr
Azərbaycanın iqtisadi ticarət tərəfdaşlarının sayı 180 ölkəyə çatıb
11:41
19 Sentyabr
Dünya Bankı: Azərbaycan 25 il ərzində öz regionunda ən böyük artım nümayiş etdirib
11:16
19 Sentyabr
Bu gün görkəmli şərqşünas alim Aida İmanquliyevanın xatirə günüdür
10:57
19 Sentyabr
Çində "Bir kəmər, bir yol" layihəsi çərçivəsində Media Əməkdaşlıq Forumu keçirilir
10:53
19 Sentyabr
Əfqan İsayev: Azərbaycan “Cənub Qaz Dəhlizi” layihəsi üzrə maliyyə öhdəliklərinin 62 faizini icra edib
10:44
19 Sentyabr
Hava Hücumundan Müdafiə qoşunları bölmələrinin birində növbəti yaşayış kompleksi istifadəyə verilib
10:13
19 Sentyabr
Azərbaycan ilə Dünya Bankı arasında əməkdaşlığın genişləndirilməsinə dair müzakirələr aparılıb
10:07
19 Sentyabr
Ermənistan silahlı qüvvələrinin bölmələri sutka ərzində atəşkəs rejimini 125 dəfə pozub
17:37
18 Sentyabr
Hərbi Hava Qüvvələrinin hərbi hissəsində yeni yaşayış kompleksi istifadəyə verilib
17:27
18 Sentyabr
ISESCO-nun İslam Dünyası üçün Mədəniyyət Strategiyasının Tətbiqi üzrə Məşvərət Şurasının növbəti iclası keçirilib
17:21
18 Sentyabr
Azərbaycan Prezidenti İlham Əliyev Nyu-Yorkda ABŞ Etnik Anlaşma Fondunun sədri ilə görüşüb
17:20
18 Sentyabr
Tahir Mirkişili: Sahibkarlığın inkişafında əlçatan malliyyə mənbələri xüsusi rol oynayır
17:10
18 Sentyabr
“İlham Əliyev. İnkişaf - məqsədimizdir” çoxcildliyinin 42-ci kitabı çapdan çıxıb
17:03
18 Sentyabr
Heydər Əliyev “İslam həmrəyliyi” ideologiyasının banisidir
16:58
18 Sentyabr
Sahibsiz heyvanlarla mübarizəyə dair profilaktik tədbirlər davam etdirilir
16:55
18 Sentyabr
Dini Qurumlarla İş üzrə Dövlət Komitəsinin sədri Masallıda vətəndaşları qəbul edəcək
16:35
18 Sentyabr
Etibar Nəcəfov: Azərbaycanın multikulturalizm siyasəti ölkədəki milli azlıqların sosial, iqtisadi və mədəni məsələlərinin həllində mühüm rol oynayır
15:49
18 Sentyabr
Zakir Həsənov və Türkiyənin ölkəmizdəki səfiri Erkan Özoral “TurAz Qartalı - 2017” birgə taktiki-uçuş təlimlərinin açılış mərasimində iştirak ediblər
15:46
18 Sentyabr
Vüqar Bayramov: Dolların aparıcı valyutalara nisbətən dəyərsizləşməsi neftin qiymətinin yüksəlməsinə təsir edən faktorlardan hesab edilir
15:33
18 Sentyabr
Heydər Əliyev Fondunun Regional İnkişaf İctimai Birliyinin könüllüləri ilə görüş keçirilib
15:24
18 Sentyabr
Azərbaycandakı günəş elektrik stansiyalarında 28,9 milyon kilovat/saat elektrik enerjisi istehsal edilib
15:18
18 Sentyabr
Cocuq Mərcanlıda tikinti işlərinin növbəti mərhələsi yekunlaşmaq üzrədir
12:54
18 Sentyabr
İƏT Təmas qrupu BMT-də Ermənistanın Azərbaycana təcavüzünü müzakirə edəcək
12:43
18 Sentyabr
Azərbaycanda “TurAz Qartalı - 2017” təlimləri başlayıb
12:38
18 Sentyabr
Bu gün Ümumdünya Su Monitorinqi Günüdür
12:32
18 Sentyabr
Bakı Musiqi Akademiyasının qarşısında Milli Musiqi Günü təntənəli şəkildə qeyd edilib
12:24
18 Sentyabr
Milli Məclisin komitə iclasında 19 məsələ müzakirə olunub
12:23
18 Sentyabr
Səfir Xanım İbrahimova etimadnamələrini İsveçrə Konfederasiyasının Prezidentinə təqdim edəcək
12:21
18 Sentyabr
Milli Musiqi Günü münasibətilə ilk konsert Milli Konservatoriyada olub
11:58
18 Sentyabr
Azərbaycan ilə Belorus Milli kitabxanaları arasında əməkdaşlığa dair saziş imzalanıb
11:42
18 Sentyabr
Bakıda “İslam dünyasında həmrəylik: dünən, bu gün, sabah” mövzusunda konfrans işə başlayıb
11:24
18 Sentyabr
İntiqam Babayev: Dövlət proqramı Azərbaycan gənclərinin inkişafında yeni bir mərhələ olacaq
10:51
18 Sentyabr
Bakıda MDB ölkələri Botanika Bağlari Cəmiyyətinin dördüncü qurultayı keçirilir
10:39
18 Sentyabr
Aşqabadda qapalı məkanlarda və döyüş növləri üzrə V Asiya Oyunları davam edir
10:26
18 Sentyabr
Hikmət Babaoğlu: Azərbaycan dövləti öz maraqlarından geri addım atmır
10:18
18 Sentyabr
Jan-Batist Lömuan: Fransanın aparıcı şirkətləri Azərbaycan ilə əməkdaşlıqda çox maraqlıdır
10:03
18 Sentyabr
Türkiyə Hərbi Hava Qüvvələrinin qırıcıları Azərbaycan səmasında təlim keçirlər
09:59
18 Sentyabr
Silahlı Qüvvələrin genişmiqyaslı təlimləri keçiriləcək
09:24
18 Sentyabr
Sahibə Qafarova: Azərbaycanın beynəlxalq mövqeyi davamlı olaraq güclənir
09:17
18 Sentyabr
Flora Qasımova: Ermənistan müxtəlif bəhanələr və təxribatlarla sülh danışıqları pozur
09:15
18 Sentyabr
Sevinc Hüseynova: Ölkəmizdə sosial-iqtisadi baxımdan daim inkişaf tendensiyası müşahidə olunur

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
HAVA HAQQINDA
Bakı
gündüz+30 +35
gecə+17 +21